💎💎 يُنْبِتُهَا مِنْ شُقُوقِ الصَّخْرِ لِيُخْبِرْكَ أنْ لا تَيْأَس ! صبحكم الله بفرجه وجبره 🤍

موعظة عظيمة لكل مرأة 💔

(لنختم القرآن سماعا)

الورد (١٥٠)

(الربع الثاني & الحزب الثامن والثلاثين)

#القارئ: عبدالله الخلف
#ليدبروا على التليجرام
https://www.tg-me.com/GhRoooh/11905

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/BTnQngE9O_0?feature=shared

#صباحكم_قرآنٌ_يُتلى

قصص الأنبياء بقلم إيمان شلبي بالعامية🌴:
#قصص_الأنبياء(٢)
#السيرة_النبوية
#الحلقة_الثانية
#قبل_مولد_رسول_الله(٢)
#أصحاب_الأخدود(٢)

وقفنا المرة إللي فاتت عند الغلام لما جنود الملك أخذوه وطلعوا به على قمة جبل وبدأوا يساوموه..يعني يقولوا يابني اعقل وهتبقى إنت الساحر وهتبقى كلمتك مسموعة، ده غير النعيم إللي هتكون فيه،
ولو مسمعتش الكلام هنرميك من فوق الجبل..

الغلام إللي لسه مبلغش حتى ..يعني عمره أقل من خمسة عشرة سنة عمل إيه؟
بكل هدوووء وثقة ويقين دعا ربنا وقال :
اللهم اكفنيهم بما شئت🤲

☆أصله يا جماعة الموضوع منتهي بالنسبة له..هو عارف إنه على حق ..هو مش دعا ربنا قبل كده إنه يخليه يشوف آية لو الراهب على حق يقتل الدابة 😁

وكانت النتيجة إن الجبل اتهز ووقعوا كلهم وماتوا ماعدا الغلام💁‍♀️
لكن الغلام عمل حاجة غريبة أوي🤨
المفروض والطبيعي إنه يهرب بجلده ويبعد عن الملك وينقذ نفسه🤷‍♀️
لكن الغلام رجع للملك تاني😳

فلما دخل على الملك سأله فين الجنود إللي كانوا معاك😧
قال له الغلام : ربنا كفاني شرهم👌

الملك بقى مش يتعظ ولا حتى يفكر في إللي حصل ولا يسأل الغلام عن دينه🤔

لأ ..ده أمر جنود تانيين إنهم يأخذوا الغلام ويركبوا سفينة ويهددوه بالقتل ...يا إما يرجع عن دينه أو يقتلوه😑
فلما ركبوا السفينة والجنود هددوا الغلام،
الغلام برده دعا: اللهم اكفنيهم بما شئت🤲

فاتقلبت السفينة وماتوا كلهم ماعدا الغلام هو الوحيد إللي نجى😮
مش يهرب بقى... ده رجع تاني للملك😶
فالملك لما شافه سأله فين الجنود إللي كانوا معاك😳
فالغلام قال له : ربنا نجاني منهم👌
وقبل ما الملك يأمر جنود تانيين إنهم يقتلوا الغلام،
قال له الغلام:
شوف إنت مش هتقدر تقتلني إلا لو عملت إللي هقول لك عليه👌
فالملك قال له : أعمل إيه😕

☆الواحد مش عارف يتعجب من مين أكثر ..من الغلام إللي رجع عشان الملك يقتله،
ولا من الملك إللي معندهوش ذرة عقل ومش بيفكر إلا في قتل الغلام ومش قادر يشوف قدرة ربنا ومعجزاته😑

الغلام قال له:
اجمع الناس في مكان واحد واصلبني في جذع شجرة وبعدين خذ سهم من الأسهم إللي معايا وضَعْه في القوس وقل بصوت عالي يسمعه الناس بسم الله رب الغلام وارمني بالسهم ،
لو عملت كده هتقدر تقتلني👌
فالملك جمع الناس وعمل زي ما الغلام قال له بالضبط..وقال بسم الله رب الغلام ورمى السهم فنزل السهم في صُدْغِه فقتله،
وطبعا الناس كانت عارفة إللي بيحصل مع الغلام وإزاي إن الملك مكنش قادر يقتله وإن الجنود هم إللي بيموتوا كل مرة وإنه مقدرش يقتله إلا لما قال:
بسم الله رب الغلام،
فبعد ما قُتل الغلام الناس كلها في نفس واحد قالت : آمنا بالله رب الغلام😮
وهو ده السبب إللي منع الغلام إنه يهرب ..عنده رسالة عايز يوصلها للملك وللناس..الراهب ..المعلم الأول قُتل،
ومفيش غيره ينشر الدين فلو كان هرب مين إللي كان هينقذ الناس دي من ضلال الكفر والشرك👌

بس سبحان الله كل ما أراد إنسان إنه يحارب دين ربنا ..حربه دي بتكون سبب في انتشار الدين أكثر 👌
وموت شخص واحد أهه كان سبب في إحياء قلوب الآلاف 😊

☆نقف هنا وقفة مهمة جدا 👌
طبعا احنا شايفين في واقعنا الأطفال إللي بتُقتل وتُذبح وبتموت من البرد والناس إللي بتُعتقل وبتُعذب وممكن تموت تحت التعذيب،
الناس دي لها رسالة زي الغلام بالضبط...هم لما يُعذبوا أو يموتوا جزاؤهم الجنة إن شاء الله ونحسبهم شهداء،
وربنا بيخفف عنهم ألم التعذيب وألم القتل،
إحنا ممكن نتخيل إنهم بيتألموا ألم شديد جدا ..زي الراهب إللي نُشر بالمنشار نصفين..متخيلين منشار بينشر جمجمة على الحي كده لحد ما يتقسم نصين 😶
الموضوع تخيله بس مرعب..فما بالنا باللي حصل معاه كده فعلا😐
لكن دي من وجهة نظرنا إحنا البشرية ،
أما في حسابات ربنا فالموضوع مختلف تماما، رسول الله صلى الله عليه وسلم قال إن الشهيد مش بيحس بأي وجع إلا زي ماحنا بنحس بوجع القرصة،
فالعذاب والقتل بالنسبة لهم أجر وبالنسبة لنا إحياء لقلوبنا،
لما تشوفي طفل بيموت من البرد ولا إنسان معتقل ولا...ولا...،
قلبك القاسي بيلين وترفعي إيدك بالدعاء للناس دي،
وبيخليكي تشكري نعمة ربنا إللي إنتي فيها وغيرها وغيرها من الحكم التي لا يعلمها إلا الله،
وفي نفس الوقت هو فتنة للناس إللي في قلوبها مرض ونفوسها خبيثة،
عشان ربنا يطلع إللي جواهم عشان يُقيم عليهم الحُجة لما يقولوا هو فين ربنا ..وفين رحمة ربنا..وإزاي ربنا يقبل بالظلم ..وإزاي...وإزاي...

ربنا مش بيقول لنا القصص من باب التسلية...القصص للعبرة.. لكن العبرة لمن يعتبر👌
ربنا حكيم رحيم ولا يرضى بالظلم لكن إحنا إللي مش شايفين حكمة ربنا وبدل ما نتهم عقولنا بالعجز عن فهم حكمة ربنا،
بنَتّهم ربنا بالظلم وعدم الرحمة 😑

أصحاب الملك لما شافوا الناس آمنت قالوا له حصل إللي كنت خايف منه😏
كنت خايف من ثلاثة بس أهه الناس كلهم آمنوا 💁‍♂️

فأمر الملك بحفر الأخاديد يعني حفر طويلة عميقة ويولعوا فيها النار ويسأل الناس إللي يصمم على إيمانه برب الغلام يرموه في النار،
فقتل الملك ده ناس كثيرة جدا،
"قُتِلَ أَصْحَابُ الأُخْدُودِ"
ويُقال إن المحرقة دي مكنتش في اليمن بس، ده حتى في نجران وفي أماكن تانية عشان يرد الناس عن دينهم😞
"إذْ هُمْ عَلَيْهَا قُعُودٌ"
يعني الناس دي كان ذنبها بس إنها آمنت بالله،
مطلبوش ملك ولا فلوس ولا أي حاجة مجرد الإيمان بالله خلى الملك يقتلهم بالمنظر ده😑
"وَمَا نَقَمُوا مِنْهُمْ إِلاَّ أَن يُؤْمِنُوا بِاللَّهِ الْعَزِيزِ الْحَمِيدِ"

المشهد مخلصش يا جماعة..في يوم قيامة..والناس إللي فتنت المؤمنين وعذبتهم دول ربنا هيعذبهم في نار جهنم،
ونار جهنم مش أي نار...ده نار الدنيا بتاعتنا دي جزء من سبعين جزء من نار جهنم👌
"إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ"

والناس إللي اتعذبت وقُتلت دي جزاؤهم الجنة..والجنة دي غمسة واحدة فيها بتُنسي أبأس أهل الأرض بُؤسه وشقاؤه فما بالكم باللي هيعيش خالدا فيها أبدا👌
"إِنَّ الَّذِينَ آمَنُوا وَعَمِلُوا الصَّالِحَاتِ لَهُمْ جَنَّاتٌ تَجْرِي مِن تَحْتِهَا الأَنْهَارُ ذَلِكَ الْفَوْزُ الْكَبِيرُ"

◇ملحوظة:
الحديث بتاع المرأة إللي ابنها تكلم وهو رضيع وقال لها ترمي بنفسها في النار لأنها على الحق حديث ضعيف،
وحتى لو كان صحيح فالرواية بتقول امرأة كان معها صبي،
والصبي هو الصغير إللي لسه بيرضع أو هو الطفل إللي لسه مبلغش،
وده غير حديث لم يتكلم في المهد إلا ثلاثة وشرحناه قبل كده وهو حديث صحيح،
والكلام في المهد معناه إن الطفل بيكون عمره أيام.
《هتلاقوا شرح الموضوع بالتفصيل في موقع الإسلام سؤال وجواب》

☆شوفتم إزاي إذا أراد الله شيئا هيأ أسبابه،
فاكرين الراهب إللي قُطاع الطرق أسروه وبعدين باعوه وبقى عبد،
أكيد ساعتها هو زعلان إن حاجة زي كده حصلت،
لكن شوفوا تقدير ربنا وحكمته...بسبب حادثة بسيطة زي كده،
أهل نجران كلهم آمنوا بسببه وكمان أهل اليمن وحصلت قصة أصحاب الأخدود دي كلها بسببه وفي ميزان حسناته،
ولحد دلوقتي وإلى قيام الساعة هنفضل نحكي قصص الناس دي،
فلما يحصل لك ابتلاء أو أي حاجة ظاهرها شر لكِ متزعليش وأبشري بالخير ..فرب الخير لا يأتي إلا بالخير😊

محدش نَجَى من المجزرة دي غير رجل اسمه دَوْس ذو ثَعلبان،
استطاع إنه يهرب لكن جنود الملك ذو نواس راحوا وراه عشان يمسكوه، فدخل في أرض رملية والجنود معرفوش يمسكوه،
فقعد يفكر يعمل إيه عشان يثأر للناس إللي قتلت ظُلم دي،
ففكر في قيصر ملك الروم وكان على النصرانية،
فراح له دَوس ذو ثعلبان وحكى له إللي حصل فغضب جدا،
لكن قال له اليمن بعيدة ومش هقدر أروح بجيشي هناك،
لكن أنا هبعث معاك رسالة للنجاشي ملك الحبشة وهو يساعدك👌

☆حكام الروم بيُقال لهم قيصر وحكام الحبشة بيُقال لهم النجاشي، وحكام الفرس بيقال لهم كِسرى.

فراح دَوس ذو ثعلبان للنجاشي ملك الحبشة في الوقت ده وهو غير النجاشي أصحمة إللي هيكون في زمن رسول الله صلى الله عليه وسلم😉
وحكى له إللي حصل وغضب النجاشي جدا وكان على النصرانية هو كمان،
فجهز جيش قوي كان حوالي سبعين ألف مقاتل بقيادة واحد اسمه أَرْياط،
وكان في جيش أرياط واحد اسمه 《أبرهة》،
وصل الجيش لليمن وحصل القتال وبدأ القتال بين ملك اليمن ذو نواس وجيشه وجيش أرياط،
وانهزم ذو نواس وهرب للبحر في سفينة، فلما خاف إنهم يلحقوا به ويقتلوه انتحر 😑
وحكم الأحباش اليمن وكان الحاكم هو أرياط،
فاكرين الرؤيا إللي شافها ربيعة بن نصر وكان تفسيرها إن الأحباش هيحكموا اليمن 😀...أهه اتحققت💁‍♀️

أرياط ده كان ظالم جدا حتى كان بيظلم الأحباش إللي كانوا معاه،
فالأحباش اشتكوا لأبرهة فجمعهم وجيش الحبشة بقى مُنقسم لقسمين ..قسم مع أرياط وقسم مع أبرهة،
فأبرهة طلب إنه يتكلم مع أرياط قال له:
دلوقتي لو احنا اتقاتلنا جيش الحبشة هيفنى وأهل اليمن هيرجعوا يحكموا تاني،
فخلينا أنا وأنت نتقاتل وإللي يغلب هو إللي يحكم 👌
فوافق أرياط وبدأ القتال بين الإثنين ،
وهم بيتقاتلوا أرياط ضرب أبرهة على راسه بالحربة فشقت حاجبه وأنفه وشفته ..وبقى اسمه أبرهة الأشرم،
لكن أبرهة استطاع إنه يتغلب على أرياط وقتله وبقى هو حاكم اليمن،
وصل الكلام للنجاشي فغضب جدا...إزاي أبرهة يقتل القائد بتاعه فحلف إنه مش هيسيب أبرهة إلا لما يدوس أرض اليمن ويحلق له شعره أبرهة ،
فأبرهة حلق شعره وأخذ شوية من تراب اليمن وحطها في جراب زي كيس كده وأرسله للنجاشي مع رسالة بيقول له:
إن هو عبد له وإنه مش هيخالف أمره ،
وإن القتال إللي حصل كان بسبب ظلم أرياط وإن هو أقوى من أرياط في حكم اليمن،
وأنا حلقت لك شعري وبعثت لك تراب اليمن تدوس عليه عشان أبر حلفانك،
فرضي النجاشي عنه وأقرّه على حكم اليمن،
فأبرهة عشان يثبت ولاؤه للنجاشي بنى كنيسة عظيمة جدا محدش بنى زيها قبل كده أبدا،

وسماها القُلَيْس وأمر الناس إنهم يحجوا لها،
وبعث للنجاشي وقال له أنا بنيت لك كنيسة عظيمة وهخلي العرب يحجوا لها،

فوصل الكلام ده لواحد من العرب من قبيلة كِنانة،
فتسلل للكنيسة وتبرّز فيها يعني عمل فيها حمام إهانة لها ،
فلما عرف أبرهة باللي حصل قال مين إللي عمل كده😠
فقالوا له واحد من أهل البيت إللي العرب بتحج له بعد ما عرف إنك عايز تخليهم يحجوا للقليس😕

فغضب أبرهة وحلف إنه هيروح ويهدم البيت ده،
وبدأ يجهز جيشه عشان يروح مكة ويهدم البيت الذي يحج إليه العرب👌
《البداية والنهاية لابن كثير》

☆نقف هنا ثواني ونرجع بالزمن للوراء شوية حلوين كده😁

كل كلامنا في قصص الأنبياء إللي فاتت من بعد إبراهيم عليه السلام كان في فرع يعقوب،
،إللي هو ابن إسحاق بن إبراهيم عليهم جميعا السلام يعني فرع بني إسرائيل،
وكان الفرع ده موجود في خط فلسطين ومصر زي ما قلنا في شرح قصة يوسف وموسى عليهما السلام والأحداث إللي حصلت😉

احنا هنسيب الفرع ده ونأخذ فرع إسماعيل عليه السلام،
احنا طبعا عارفين إن إسماعيل عليه السلام كان سكن مكة مع أمه هاجر ،
وحصلت قصة زمزم وبعدين بناء الكعبة، واستقرار إسماعيل في مكة وزواجه من قبيلة جُرهم و...و..إلخ
كل ده شرحناه في قصة إسماعيل عليه السلام فمش هنعيد تاني 😊

الجزيرة العربية في عهد إسماعيل عليه السلام وما بعده استمرت على التوحيد، يعني الناس كانت بتعبد ربنا سنين طويلة جدا على دين إبراهيم عليه السلام،
لحد ما أتى رجل اسمه《 عمرو بن لُحَي》 وكان رئيس قبيلة خُزاعة، وكانت قبيلة قوية،
فالقبيلة دي كانت عايزة تاخد الحكم من قبيلة جُرهم إللي هي أصلا موجودة من زمن إسماعيل عليه السلام،
وحصل بينهم حرب فانتصرت قبيلة خزاعة بقيادة عمرو بن لُحَي،
فقبيلة جُرهم حبت تنتقم من خزاعة وتعطّل عليهم عيشتهم بمكة راحوا دافنين بئر زمزم ومبقاش لها أي أثر😶
وهربت قبيلة جُرهم من مكة إلا قليل منهم،
فاضطرت قبيلة خزاعة إنهم يجيبوا الماء من خارج مكة🤷‍♀️

عمرو بن لحي ده كان هو سيد مكة بلا مُنازع،
وكان غني جدا وكريم جدا ومحدش يقدر يرفض أي أمر بيقوله،
تقدروا تقولوا كلامه بالنسبة لهم كان زي الشرع كده لا يُرد 😅
في مرة سافر عمر بن لُحي إلى الشام للتجارة، فكان في قبيلة اسمها العماليق وكانوا بيعبدوا الأصنام،
واحنا فاكرين لما اتكلمنا عن العماليق دول وإللي كان بيحصل بينهم وبين بني إسرائيل على مر السنين في الشام😉

فسألهم عمرو بن لُحي عن الأصنام دي لأن العرب كانوا على التوحيد وميعرفوش يعني إيه أصنام ،
فقالوا له: بيساعدونا إذا جُعنا وينصرونا ويسقونا الماء وبيقربونا إلى الله💁‍♀️

فعجبه الموضوع وقال لهم أعطوني واحد من الأصنام دي يمكن يعينا لأننا معندناش مية 😮
فأعطوه صنم اسمه هُبَل، فكان أول صنم أُدخل في الجزيرة العربية👌
وبدأ عمرو بن لحي يأمر الناس بعبادة هُبل فأطاعه الناس🤦‍♀️
فكان هو أول من بدّل دين العرب 😑
ومش بس كده ده عمل كوارث تانية ...

هنعرفها إن شاء الله الجزء الجاي وهنعرف رسول الله صلى الله عليه وسلم قال إيه عن عمرو بن لحي 😉


#السيرة_النبوية
#ايمان_شلبي

اللهم ارزقنا القناعة والطمأنينة بك🤲🏻

(لنختم القرآن سماعا)

الورد (١٥١)

(الربع الثالث & الحزب الثامن والثلاثين)

#القارئ: ماجد الدعوس
#ليدبروا على التليجرام
https://www.tg-me.com/GhRoooh/11912

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/vAhY5I7Gfyw?feature=shared

#صباحكم_قرآنٌ_يُتلى

احذرن أيتها النساء 👆🏻👆🏻

*إضـــــــ💡ــــــــاءة*

•إنما أعطاكم الله الدنيا لتطلبوا بها الآخرة؛ ولم يعطيكموها لتركنوا إليها.

عثمان بن عفان رضي الله عنه،

#قصص_الأنبياء(٢)
#السيرة_النبوية
#الحلقة_الثالثة
#قبل_مولد_رسول_الله(٣)
#أصحاب_الفيل

كنا واقفين عند عمرو بن لُحي لما سافر بلاد الشام وعجبه عبادة الأصنام فأتى بصنم وأدخله الجزيرة العربية وأمر الناس إنهم يعبدوا الصنم ده فالناس عبدوه فعلا،
وكان العرب على التوحيد يعني بيعبدوا الله فكان هو مَن بدّل دين العرب 👌
وأدخل آلهة تانية غير هُبل وأمر كل قبيلة في مكة إن يكون لها صنم عند الكعبة تعبده،
وانتشرت الأصنام في مكة ومن أشهر الأصنام بعد هُبل اللات والعُزّى،
وغيّر تلبية الحج..التلبية المعروفة :
لبيك اللهم لبيك ..لبيك لا شريك لك لبيك..إن الحمد والنعمة لك والملك ..لا شريك لك.
فراح مزوّد عليها:
"إلا شريكا هو لك تملكه وما ملك"
يعني معندكش شريك إلا شريك أنت تملكه،

وبدأ يُشرّع الشرائع لأهل مكة ويخترع حاجات غريبة ،
يعني سَن لهم سنة الأنعام التي لا تُمس، عارفين الآية إللي بتقول :
"مَا جَعَلَ اللَّهُ مِن بَحِيرَةٍ وَلَا سَائِبَةٍ وَلَا وَصِيلَةٍ وَلَا حَامٍ ۙ وَلَٰكِنَّ الَّذِينَ كَفَرُوا يَفْتَرُونَ عَلَى اللَّهِ الْكَذِبَ ۖ وَأَكْثَرُهُمْ لَا يَعْقِلُونَ "

ناخدهم واحدة واحدة 😉
◇البَحِيرة يعني الناقة إللي ولدت خمس مرات يشقوا أذنها ومحدش لا يركبها ولا يذبحها يسيبوها كده..بقت مقدسة🙂
السائبة يعني واحد بينذر نذر ..يقول يارب لو أنت شفيتني أو يارب لو فلان الغائب رجع أو...أو...فأنا هسيب الناقة بتاعتي دي ومش هركبها تاني،

◇الوصيلة يعني لو الشاة إللي هي المعزة ولدت ذكر ذبحوه للآلهة بتاعتهم ولو ولدت أنثى هم يأخذوها يذبحوها لنفسهم،
ولو ولدت ذكر وأنثى قالوا :وصلت أخاها فميذبحوش الذكر للآلهة،
◇الحام يعني ذكر الناقة لو اتولد بسببه عشرة ذكور يحمي ظهره يعني محدش يركبه ولا يُحمل عليه أي شيء ولو مات الرجال والنساء يأكلوه.

والناس عادي تسمع كلامه وتنفذ ..مفيش أي مخ يفكروا به😑
قال رسول الله صلى الله عليه وسلم عن عمرو بن لُحي:
"رأيت عمرو بن لُحي يجر قُصُبَه في النار"
قُصُبه يعني أمعاؤه.
ودي كانت قصة دخول الأصنام إلى مكة وإللي هنلاقيها بعدين في عهد رسول الله صلى الله عليه وسلم😉

نرجع لأبرهة الحبشي إللي كان بنى كنيسة وكان عايز العرب يحجوا لها وجاء رجل من العرب من《 أهل النسيء》وتبرّز في الكنيسة فحلف إنه هيهدم البيت إللي العرب بيحجوا له👌
☆أهل النسيء دول كانوا بيعظموا الكعبة جدا وهم لهم قصة
عارفين الآية إللي بتقول :
"إِنَّمَا النَّسِيءُ زِيَادَةٌ فِي الْكُفْرِ ۖ "
كلمة النسيء معناها التأخير...احنا عارفين إن الأشهر الحُرم أربعة: رجب و ذو القعدة و ذو الحجة ومحرم،
"إِنَّ عِدَّةَ الشُّهُورِ عِندَ اللَّهِ اثْنَا عَشَرَ شَهْرًا فِي كِتَابِ اللَّهِ يَوْمَ خَلَقَ السَّمَاوَاتِ وَالْأَرْضَ مِنْهَا أَرْبَعَةٌ حُرُمٌ"

والأشهر الحرم معناها إن مينفعش يكون فيها حرب والعرب أصلا عيشتهم على الحرب بينهم،
ففي ثلاثة شهور ورا بعض حُرم 《ذو القعدة و ذو الحجة ومحرم》
وده كده عامل لهم أزمة، يعملوا إيه😕
فاختاروا مجموعة من الناس وسموهم أهل النّسِيء وقالوا الناس دي من حقهم يؤخروا الاشهر الحرم،
يعني يؤخروا محرم لصفر ،يبدلوا شهر صفر مع شهر محرم،
فيكون ذو القعدة حرام وذو الحجة حرام وبعدين ميجيش شهر محرم يجي شهر صفر ويطلعوا من الورطة 👉😉

فكانوا بيعملوا كده سنة وسنة..آخر لخبطة يعني😶
وده تفسير آية :
"يُضَلُّ بِهِ الَّذِينَ كَفَرُوا يُحِلُّونَهُ عَامًا وَيُحَرِّمُونَهُ عَامًا لِّيُوَاطِئُوا عِدَّةَ مَا حَرَّمَ اللَّهُ فَيُحِلُّوا مَا حَرَّمَ اللَّهُ ۚ "
لكن الترتيب في الأشهر رجع زي ما كان تاني والأشهر فعلا مظبوطة دلوقتي👌

♡شوفتوا إزاي إحنا لسه مدخلناش في شرح السيرة لكن عرفنا تفسير كم آية في القرآن😉

جهز أبرهة جيشه لهدم الكعبة ،ودي تاني محاولة لهدم الكعبة😉
الأولى كانت على يد تُبّع إللي اتكلمنا عنه في الجزء الأول 😊
وكان من ضمن الجيش بتاعه فيل ضخم اسمه محمود،
وبدأ يتحرك من اليمن متجه ناحية الكعبة، وسمعت العرب بأن أبرهة عايز يهدم الكعبة،
وكان في رجل من أشراف العرب اسمه ذو نفر جمع بعض المقاتلين وجهزوا نفسهم عشان يحاولوا يوقفوا جيش أبرهة من إنه يهدم الكعبة،
وحاولوا يوقفوا جيش أبرهة لكنهم انهزموا وتم أسر ذو نفر،
وأخذه أبرهة معاه في الجيش أسير،

خرجت لجيش أبرهة قبيلة تانية تقاتله عشان ميهدمش الكعبة بقيادة واحد اسمه نُفيل بن حبيب،
واتهزمت القبيلة وأُسر نُفيل، وصل جيش أبرهة للطائف فخاف أهل الطائف من جيش أبرهة وإنه يهدم عليهم الطائف،
فقالوا له ملناش دعوة مش هنعترض طريقك ولا هنعمل حاجة وعشان نثبت إننا مسالمين ممكن نبعث معاك واحد يدلك على مكان الكعبة،
فتطوع واحد اسمه أبا رغال وقال له أنا هدلك على مكان الكعبة،
وطبعا دي خيانة 😑
وراح مع أبرهة عشان يَدُله على طريق الكعبة ،وهو في الطريق بين مكة والطائف مات واندفن فكانت العرب بترجم قبره بالحجارة بسبب خيانته 👌

المهم وصل أبرهة وجيشه لأطراف مكة وفي الطريق كان في إبل ..جِمال يعني في الطريق فأخذها جيش أبرهة،
وكانت الجمال دي حوالي مئتين جمل يملكها سيد مكة في الوقت ده أو خلونا نقول رئيس مكة،
وكان اسمه عبد المطلب، وكان رجل كبير في السن فجاء له الخدم بتوعه وقالوا له جيش أبرهة جاء وأخذ البعير بتاعتك،
فخرج له عبد المطلب وطلب إنه يقابله،

لكن أبرهة رفض فتوسط عبد المطلب عند الأسير ذو نفر إنه يكلم أبرهة فقال له :
أنا أسير مقدرش أعمل لك حاجة😕
لكن أنا اتصاحبت على سائس الفيل، يعني الرجل المسؤول عن قيادة الفيل،
وسائس الفيل ده كان له مكانة عند أبرهة،
فكلم ذو نفر سائس الفيل عشان يتوسط لعبد المطلب عند أبرهة عشان يرضى يقابله،
فوافق أبرهة إنه يقابله وكان عبد المطلب عليه هيبة ووقار وكان جميلا جدا فلما شافه أبرهة قام له توقيرا له،

وكان قاعد على حاجة زي العرش كده فنزل من على العرش ده وجلس جنب عبد المطلب على بساط في الأرض وبعدين قال للترجمان اسأل عبد المطلب عايز إيه؟
فعبد المطلب قال له:
جيشك أخذ مئتين بعير بتوعي فأنا عايزك ترجعهم لي😒
فأبرهة قال له:
أنت عجبتني لما شفتك وتوقعت إنك هتطلب مني إني أسيب البيت إللي هو دينك ودين آباءك،
لكن لما تكلمت أنا زهدت فيك😑...يعني استقليتك أوي😐
بتكلمني وتطلب مني أسيب البعير وحتى متطلبش مني أسيب البيت المعظم عندكم😶
فقال له عبد المطلب :
أنا رب الإبل ..والبيت له رب سيمنعه ويحميه😤

خرج عبد المطلب من عند أبرهة وأمر أهل مكة إنهم يخرجوا برة مكة ويطلعوا على الجبال عشان جيش أبرهة ميؤذيش أهل مكة ويسيبوا البيت الحرام لأبرهة عشان يهدمه،


الجنود جابوا الفيل عشان يهدم الكعبة في اللحظة دي الأسير نُفيل بن حبيب إللي كان معاهم عرف يفك نفسه من الأسر ،
وجري ناحية الفيل واتعلق في أذنه وقعد يقول له :
ابْرُك محمود ..ابْرُك محمود فإنه بيت الله العظيم
يعني اقعد يا محمود ومتسمعش كلامهم...إللي عايزينك تهدمه ده بيت الله الحرام،
راح الفيل قاعد في الأرض ومرضاش يقوم😮
قعدوا يضربوا فيه عشان يقوم مش راضي،
وجّهوه نحو اليمن قام يجري وجهوه ناحية الشام اتحرك وجهوه ناحية الكعبة قعد ومتحركش😮
هرب حبيب بن نُفيل وطلع على رؤوس الجبال مع أهل مكة،
"أَلَمْ تَرَ كَيْفَ فَعَلَ رَبُّكَ بِأَصْحَابِ الْفِيلِ"

جنود أبرهة وهم عمالين يحاولوا يحركوا الفيل لقوا سواد جاي من بعيد بيقرب عليهم🤨
السواد بيقرب وبدأ يظهر إيه هو السواد ده ..لقوها طيور جاية عليهم ورا بعض من كل مكان،
"أَلَمْ يَجْعَلْ كَيْدَهُمْ فِي تَضْلِيلٍ"
بيوصفها العلماء إنها طيور عاملة زي العصافير،
"وَأَرْسَلَ عَلَيْهِمْ طَيْرًا أَبَابِيلَ"
كل طير معاه ثلاثة حجارة واحدة في منقاره وحجارة واحدة في كل قدم،
حجم الحجرة الواحدة في حجم حبة العدس أو الحمص،
ويُقال إن الحجارة دي كانت من نار ويُقال إنها كانت من طين يابس متحجر شديد القوة،
"تَرْمِيهِمْ بِحِجَارَةٍ مِنْ سِجِّيلٍ"
بدأت الطيور ترمي الحجارة دي على جنود جيش أبرهة وأي حد يتصاب بالحجارة دي كأن مرض بينتشر في جسمه ويبدأ لحم جسمه يسقط😮
بدأ جيش أبرهة يهرب حتى أبرهة نفسه هرب بس هيهرب من منين 😏
الحجارة أصابته وقُتل أبرهة وكل من كان في جيش أبرهة👌
"فَجَعَلَهُمْ كَعَصْفٍ مَأْكُولٍ"
والعصف المأكول يعني الزرع إللي الحيوانات أكلته وداسته،

☆في ناس ممكن تسأل طيب ماهو ربنا أنقذ قريش أهه وأهلك جيش أبرهة..ليه ربنا لا يرسل الطير الأبابيل على الكفار إللي بيعذبوا المسلمين وبيقتلوهم زي بورما مثلا😞

بكل بساطة لأننا لسنا في زمان أبرهة 💁‍♀️
أولا:
ربنا لم يهلك جيش أبرهة عشان خاطر أهل قريش،
ربنا أهلك جيش أبرهة لأنه كان عايز يهدم الكعبة،
وإلا فأبرهة وجيشه نصارى..أهل كتاب.. يعني أقرب إلى الله من المشركين إللي بيعبدوا الأصنام👌

ثانيا :
سنة إهلاك الظالمين أو الكافرين بخارقة.. بمعجزة يعني بدون تدخل من المؤمنين، زي الطوفان أو زي إللي حصل مع أبرهة انتهت خلاص ،
آخر معجزة لنصر الدين بدون تدخل من المؤمنين كانت حادثة الطير الفيل
بعد ما الإسلام جاء الوضع تغير...ممكن تحصل المعجزة لكن بعد ما المسلمين أو المؤمنين يعملوا إللي عليهم،
زي ما حصل في غزوة بدر ..حصلت معجزة نزول الملائكة وقاتلوا مع المؤمنين،
بعد ما المؤمنين أخذوا بالأسباب وعملوا كووول إللي يقدروا عليه زي ماهنشوف في وقتها بالتفصيل إن شاء الله😉
فربنا ساعدهم بمعجزة نزول الملائكة👌
لكن لو المسلمين مقصرين في الأخذ بالأسباب ومش عاملين إللي عليهم مش هتنزل أي معجزة🤷‍♀️
يعني القاعدة في الإسلام دلوقتي :
"يَا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ"

خدوا بالكم من القاعدة دي كويس لأنها هتكون معانا طووول السيرة النبوية 👌
《إن تنصروا الله ينصركم》
بعد هزيمة جيش أبرهة بالمعجزة إللي حصلت وإللي شافها أهل مكة كلهم،
في نفس عام الفيل ده يُقال بعد خمسين يوم وُلد لعبد المطلب حفيد..

الحفيد ده هيكون سبب في تغير الأرض في المستقبل،
مين هو الحفيد واسمه إيه ومين أبوه ومين أمه؟

ده إللي هنعرفه الجزء الجاي إن شاء الله😊



#السيرة_النبوية
#ايمان_شلبى

(1)

الرجل الذي يسافر ويترك زوجته بالسنة والسنتين دون ضرورة = مفسد في الأرض.

الرجل الذي يجلد امرأته ماديا (بالضرب) أو معنويا (بالكلام اللي يسم البدن) = مفسد في الأرض.

الرجل الذي لا يحتوي امرأته ويستمع لمشاكلها ولو كانت تافهة = مفسد في الأرض.

الرجل الذي لا يُسمع امرأته ما يسد حاجتها العاطفية من معسول الكلام = مفسد في الأرض.

الرجل الذي لا يعذر امرأته ويتفهم ما فيها من قصور وعوج = مفسد في الأرض.

الرجل الذي يتسع صدره وخلقه لبنات حواء كلهن ويضيق صدره عن زوجته = مفسد في الأرض.

كل هؤلاء مفسدون في الأرض، أفسدوا بيوتا وأُسَرا وهم لايشعرون
(2)

المرأة التي تتعامل مع زوجها معاملة البنك لسد احتياجها المادي فحسب = مفسدة في الأرض.

المرأة التي ترغب عن زوجها ولا تعفه دون عذر وتلجئه إلى الحرام = مفسدة في الأرض.

المرأة التي تحسن التجمل في الحديث والمظهر لكل أحد إلا زوجها = مفسدة في الأرض.

المرأة التي لا تعذر زوجها وتقدر ظروفه وكده وتعبه = مفسدة في الأرض.

المرأة التي تحسن التبسم للجميع ولا تحسن إلا العبوس والنكد مع زوجها = مفسدة في الأرض.

المرأة التي تجعل من البيت نارا تلظى بدلا من أن يكون سكنا وراحة = مفسدة في الأرض.

المرأة التي تعصي زوجها فيما يحق له من طاعة = مفسدة في الأرض.

كل هؤلاء مفسدات في الأرض، أفسدن بيوتا وأُسَرا وهنّ لا يشعرن.

اللهم أصلح بيوتنا.. آمين.

عبد الرحمن إبراهيم

⚠️محرمات منتشرة ... تبعدنا عن الجنة⚠️
📌18- أكل الحرام

في ناس كل همهم الفلوس 💰 وفقط
جه من حلال ولا من حرام مش مهم
جه من طريق فيه شبهة مش مهم
المهم الفلووووس 💵

🌴عن أبي هريرة رضي الله عنه أن رسول الله صلى الله عليه وسلم قال: (يأتي على الناس زمان لا يبالي المرء ما أخذ منه، أمن الحلال أم من الحرام؟).

وده حال اللي مش بيخاف من ربنا سبحانه وتعالى
مش هيهمه الفلوس جت منين ولا هتتصرف فين مش مهم داس على مين ولا أخذ حق مين 😢

👈المهم رصيده يزيد
ولو كان سحتا وحراما من سرقة أو رشوة أو غصب أو تزوير أو بيع محرم أو مراباة أو أكل مال يتيم أو أجرة على عمل محرم ككهانة وفاحشة وغناء أو اعتداء على بيت مال المسلمين والممتلكات العامة أو أخذ مال الغير بالإحراج أو سؤال بغير حاجة أو غيره

⬅️ بل أبسط من كده
حتى اللي بيزوغ من الشغل قبل ما تخلص ساعات العمل مرتبه مش حلال

⬅️ حتى اللي بيقبل هدية من الموظفين معاه ده مال حرام

جاب المال وبعدين يأكل منه ويلبس ويركب ويبني بيت أو يستأجره ويؤثثه ويدخل الحرام بطنه
ويقعد في الدنيا كام سنة ولا حتى كام يوم بعد ما أخذ الحرام ويموت
وبعدين ⁉️

📢هيقابل ربنا يعذب بالمال الحرام ويتمتع بيه ورثته

🌴قال النبي صلى الله عليه وسلم: " كل لحم نبت من سحت فالنار أولى به... " رواه الطبراني .

💥وسيسأل يوم القيامة عن ماله من أين اكتسبه وفيم أنفقه
🌴يقول صلى الله عليه وسلم : " لا تزول قدم ابن آدم يوم القيامة من عند ربه حتى يسأل عن خمس : عن عمره فيم أفناه ، وعن شبابه فيم أبلاه ، وماله من أين اكتسبه وفيم أنفقه ، وماذا عمل فيما علم " .

وهنالك الهلاك والخسار لأن المعاملات يوم القيامة مش بالمال وإنما بالحسنات والسيئات 😰

⚠️فكل من أكل من حرام ينتبه ويرد المال إلى أصحابه

📌شوفوا كده الفرق بيننا وبينهم

🌴روى البخاري عن عائشة رضي الله عنها قالت: كان لأبي بكر الصديق رضي الله عنه غلام فجاء له يومًا بشيء فأكل منه، فقال له الغلام: أتدري ما هذا؟! فقال أبو بكر: وما هو؟ فقال: تكهَّنتُ لإنسان في الجاهلية وما أُحسنُ الكِهانة إلا أني خدعته، فَلقينِي فأعطاني بذلك هذا الذي أكلتَ منه، فأدخل أبو بكر يده فقاء كل شيء في بطنه وفي رواية أنه قال: لو لم تخرج إلا مع نفسي لأخرجتها اللهم إني أبرأ إليك مما حملت العروق وخالط الأمعاء

🌴ورُوي أن عمر بن الخطاب رضي الله عنه شرب لبنًا فأعجبه، فقال للذي سقاه: من أين لك هذا؟ فقال: مررت بإبل الصدقة وهم على ماء فأخذت من ألبانها، فأدخل عمر يده فاستقاء.

🌴وأوصت إحدى الصالحات زوجها وقالت له: يا هذا، اتق الله في رزقنا، فإنا نصبر على الجوع ولا نصبر على النار.

👈نصبر على الجوع ولا نصبر على النار
نقارن بينها وبين اللي كل علاقتها بزوجها
هات
هات
هات
منين⁉️

💥مش مهم المهم يجيب ويحقق رغابتها وتكون زي فلانة
وتعيش زي علانة

♨️عارفين عاقبة أكل المال الحرام ايه ؟

🔸ظلمة القلب وكسل الجوارح عن الطاعة.
يقول يحيى بن معاذ: الطاعة خزانة من خزائن الله إلا أن مفتاحها الدعاء، وأسنانه لقم الحلال.

🔸غضب الجبار ودخول النار .
عن أبي أمامة الحارثي رضي الله عنه أن رسول الله صلى الله عليه وسلم: ((من اقتطع حق امرئ مسلمٍ بيمينه فقد أوجب الله له النار وحرّم عليه الجنة))، فقال له رجل: وإن كان شيئًا يسيرًا يا رسول الله؟ قال: ((وإن كان قضيبًا من أراك)) رواه مسلم في صحيحه.
و قضيبا من اراك يعني عود سواك

🔸عدم قبول الدعاء
روي عن ابن عباس رضي الله عنهما قال: تليت هذه الآية عند رسول الله : { يَا أَيُّهَا النَّاسُ كُلُوا مِمَّا فِي الأَرْضِ حَلالاً طَيِّبًا } .فقام سعد بن أبي وقاص ( فقال: يا رسول الله ادع الله أن يجعلني مستجاب الدعوة فقال له النبي : «يا سعد أطب مطعمك تكن مستجاب الدعوة، والذي نفس محمد بيده إن العبد ليقذف اللقمة الحرام في جوفه ما يتقبل منه عمل أربعين يومًا وأيما عبد نبت لحمه من سحت فالنار أولى به»

🔸عدم قبول العمل الصالح.
عن ابن عباس والذي نفس محمد بيده، إن الرجل ليَقْذفُ اللقمة الحرام في جَوْفه ما يُتَقبَّل منه أربعين يومًا، وأيّما عبد نبت لحمه من السُّحْت والربا فالنار أولى به

اللهم نسألك رزقا حلالا وبارك لنا فيه.

〰🌸🍃〰🌸🍃〰

قناة 🌷همسات الأوابين🌷

لا أعلم عصرًا اختلط فيه # الحلال بالحرام كهذا العصر‼️
⛔️ # مأذون يتلو آيات من كتاب الله على عروس شبه عارية في زفاف مختلط اختلاطًا فاحشًا . 😥
⛔️ # شيوخ يجلسون أمام مذيعات متبرجات ليحدثوا الناس عن غض البصر ووجوب الحجاب . 💔
⛔️ # لاعبو كمال أجسام يسجدون لله شكرًا وعوراتهم مكشوفة ، ولاعبات تنس وركض يسجدن وعوراتهن مكشوفة .
⛔️ # ممثلون وممثلات يقرؤون القرآن قبل مشاهد القبلات والتعري ، ويتحدثون عن كرم الله ورحمته أن وفقهم للمعاصي . 🖤
⛔️ # آباء وأمهات يبكون ويسجدون شكراً لفوز أبنائهم في مُسابقات للغناء . نسال الله ان يرزقنا الحلال الطيب والعفه
ونساله الثبات على الامر كله .
# إنا لله وإنا إليه راجعون !. 💔
عودي إلى الله ياأمة المصطفي

# كان إسمه حرام ..
ثم أصبح إسمه عيب ..
ثم أصبح إسمه غلط ..
ثم أصبح إسمه حريه شخصية ..
ثم أصبح إسمه ثقافه ..
ثم أصبح إسمه يمثل نفسه .......
هكذا تتم المسميات لتبرير الحرام و التفاهة حتى اصبح كل شيء مباح وعادي ..
ماكانت الحسناء تكشف سترها .... لو كان أرباب البيوت رجال
# اللهم ردنا اليك ردا جميلا ...

انت الجماعة ولو كنت وحدك💔

🪸


•‏ قال تعالى :
*‏﴿ وجعلنا بعضكم لبعضٍ فتنة ﴾* ..
‏•كل واحد مخْتَبَرٌ *بصاحبه*..
•فالصحيح فتنةٌ للمريض ..
‏•والغني فتنةٌ للفقير ..
*والغني ممتحن بالفقير !!*
عليه أن يواسيه *ولا يسخر منه ..*
‏والفقير ممتحن بالغني !!
*عليه ألا يحسده ولا يأخذ منه إلا ما أعطاه ..*

•الإمام القرطبي رحمه الله ..

*الوتــر مستراح القلوب المتعبة⁠♡*