قصائد استشهاد مولانا الحسن العسكري « عليه السلام» مع الالحان

ياصاحب الزمان
#اللهم_عجل_لوليك_الفرج

بسم الله الرحمن الرحيم/ اللهم صل على محمد وال محمد / استشهاد الامام العسكري عليه السلام. الوزن . الموشح

جابتلنه. ام. المنايه. اعلومهه
اليوم مات ابن النبي بسمومهه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
العسكري ياشيعته. ونو.   عليه
جبده من سم النواصب بين اديه
ابو المهدي ابغربه من يساءل عليه
وروحي لو ناحت الغربه اتلومهه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
الغريب المايحس. بللي.  جره
بيوم سم الناصبه ابجبده سره
النار تجوي الشالهه ابجفه تره
وابظجيج. النار متحس كومهه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
الكوم تمشي بالعكس مثل الزمان
الحسن شجرة عافيه وطيب وحنان
الحسن مولى ابامر من رب. الجنان
اهو الحادي عشر  من. انجومهه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
اهو الحادي عشر من ولد الرسول
خل بنات الشيعه لمصابه  تجول
انشالله العدوان تنصاب ابذهول
ويوم. اسود. عل نواصب يومهه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
يوم اسود عل نواصب مو سهل
لو اهلال المهدي بسمانه. يهل
للنكر. حق فاطمه ذراعه يشل
وللسبه. زينب. وام.  كلثومهه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
اشبيدنه ماعدنه غير احنه الدعاء
يا الاهي. ابحق. مصايب  كربلاء
اليسر. للمحتاج. للمرضى. الشفاء
وابرضاتك. هل. حياة.  اتدومهه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
اتدومهه. بالخير. ربي. ابقدرتك
شيعة المصطفى وحيدرشيعتك
ما ارتدُت. بالجوارح.   عبدتك
ياكريم. والك. تشكي. اهمومهه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
الشاعر عبد الستار الجزائري الاسدي الحلي





ليلة ٨/ربيع الأول /١٤٤٦هجري
الخميس 12 \9 \2024 ليلة
استشهاد الإمام الحسن العسكري
عليه السلام
#_نزله #قصائد__محرم_١٤٤٦_ه‍

بصوت خادمكم الرادود ابو هاشم الربيعي

عكيلي بحق الامام الحسن العسكري (ع)




للمجلس بالمدمع جينه
وانادي احضر يامهدينه

١

نحضر يامهدي بيادمعه
وانوح اعله والد ننعه
صوت الخدام انته تسمعه
نلطم عالوالد خلينه

٢

نلطم والعالم يسمعنه
يابو المهدي يامرجعنه
انته اتوحدنه وتجمعنه
وبأسمك احنه اتسمينه

٣

هالليله انوح اعله مصابك
ونتمنه انشم احنه اترابك
خدام ومن نوصل بابك
نتمنه اترد انته اعلينه

٤

يبن الهادي انلوذ بعطفك
محتارين ابيش انوصفك
من جودك نترجه ولطفك
تشمل خدامك والينه

٥

الخدام الليله بيا حاله
تنحب بدموع الهماله
لجلك واليلطم هنياله
هالليله المهدي الله ايعينه

٦
ودعناك ابدمعه وحسره
حزنك يابو المهدي اشكبره
الله يساعد گلب الزهره
والزهره انحبك تدرينه

٧

مسموم وترحل هالليله
والله ايساعد گلب العيله
للباري ابمدمع نشكيله
زين الباري يدري اشبينه





لاتنسون والدي ووالدتي
وابني عباس من الرحمه والمغفره





الشاعر سيد رياض الرسل الجابري



ليلة ٨/ربيع الاول /١٤٤٦هجري
الخميس 12 \9 \2024 ليلة
استشهاد الإمام الحسن العسكري
عليه السلام
#_نزله #قصائد__محرم_١٤٤٦_ه‍

بصوت خادمكم الرادود ابو هاشم الربيعي

ميمر / لأستشهاد الامام الحسن العسكري عليه السلام

للعسكري بسامراء.   خل نوصل اندگ بابه
.........

هذا الحسن من نسل طه ودمه
حجه وامام ختاره الله بعلمه
تتشرف املاك السماء اتخدمه
نگصد نزوره ونحي مأتم يمه

لاشك اباب الزوار.    واگف يحيّي احبابه
.........

هـذا الامـام المايرد خطّاره
يتلگّه من باب الصحن زوّاره
يفرح بجيّة شيعته وانصاره
يشعر براحه كلمن يطب داره

يكتب اسامي الزوار.   هوه الحسن بكتابه
...........

ندخل ضريح العسكري ونتهنّه
جنة عدن لا احله منّ الجنّه
يم الحسن نگضي العمر نتمنّه
ما خاب كلمن زاره يطلب منّه

يازاير اطلب ونخاه.    لا مايرد طَلّابه
.............

يگضي الحوائج مايرد اي انسان
مفتوح بابه بكل وكت للحيران
تشهد بفضله وبي تلوذ الجيران
للجانبين اصبح امان وايمان

معروف يشفي الامراض.   ماي الحسن وترابه
.............

ابن الامام الهادي جده المختار
نفس المعارف عنده نفس الاسرار
يالحايـر بهـمّـك بعــد لا تحتــار
دگ بابه وطلب من سليل الاطهار

همك يكشفه وينزاح.  من تسجد عله عتابه
.............

احنا اعتنينه عله العهد خدامه
انزور الامـام ونخـدم بأيّـامه
نستذكر جروح الحسن وحلامه
مسموم مات بغربته وآلامه

ننصب مآتم ونصيح.    آ يالحسن ومصابه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
الشاعر سيد_زيد_الفحام




ليلة ٨/ربيع الأول /١٤٤٦هجري
الخميس 12 \9 \2024 ليلة
استشهاد الإمام الحسن العسكري
عليه السلام
#_نزله #قصائد__محرم_١٤٤٦_ه‍

بصوت خادمكم الرادود ابو هاشم الربيعي

مقدمة مجلس:

ويلي عليك يالعسكري
ويلي عليك يالعسكري

=::=::=::=::=::=::=::=::=::=::=::=::=::=::=::=::=::

يوليدي ليك توجهت
بمصيبتك من سمعت
بسمك يمظلوم ندهت
يبچي لمصابك خاطري

=::=::=::=::=::=::=::=::=::=::=::=::=::=::=::=::=::

دهري فلا يرحم أبد
يوميه مفجوعه بولد
عندي عزاء بكل بلد
وللطف يشابح ناظري

=::=::=::=::=::=::=::=::=::=::=::=::=::=::=::=::=::

وين اليساعدني بدمع
واليحترگ مثل الشمع
لمصيبتي من يستمع
هذا الأحسبه ناصري

=::=::=::=::=::=::=::=::=::=::=::=::=::=::=::=::=::

اليحيي مجالس عترتي
والي يون لمصيبتي
أم الحسن وقرايتي
باچر توصله لكوثري

=::=::=::=::=::=::=::=::=::=::=::=::=::=::=::=::=::

أبچي على مصاب النبي
ساعه على الراحت سبي
آه يالعزاء الزينبي
من الطفوف وللغري

=::=::=::=::=::=::=::=::=::=::=::=::=::=::=::=::=::

يبني يبو الحجه الأغر
بيك الوكت وسفه غدر
لبچي على مصابك دهر
ويبچي وياي كل جعفري

=::=::=::=::=::=::=::=::=::=::=::=::=::=::=::=::=::

خادم الامام العسكري(ع)
جهاد البصيراوي

٧٥١- الإمام الحسن العسكري (ع)

المصايب من هجوم الدار جارن
لهسه والليـــــــالي السـود جارن
الفگد العسكري الدمعــات جارن
شباب وكابد اسمــــــــوم المنيه

✍ فراس المحمدلوي

#قصائد_استشهاد_اللامام_العسكري_ع


اعلى العسكري المسموم
تجري الدموع ادموم
يا الامام المنتظر///يا الامام المنتظر
🔹🔹 🔹 🔹🔹
العسكري غمض عيونه ومدد ايديه
وانت تدري اعداك همه امسمميه
لا لترحم بيه كلمن مارحم بيه
خلي سيفك صاعقه وتنزل عليه
يبن الشطر مرحب
كول وفعل والرب
يا الامام المنتظر///يا الامام المنتظر
🔹🔹 🔹 🔹🔹
عاش كل عمره ابمعسكرهم وحيد
ياملك مسجون بسجون العبيد
اليوم لاتصفك يمهدي ايد على ايد
خلي سيفك يرتوي ابدم جم وريد
خل يهوس هوسه
انه عصت موسى
يا الامام المنتظر///يا الامام المنتظر
🔹🔹 🔹 🔹🔹
كل بني العباس وكفهم قصاص
ماكو منجه اليوم الهم لا خلاص
الماتموت ابسيفك تموت ابرصاص
ابهاي حشد الله يمولاي اختصاص
ابفتوت السستاني
ماترك سفياني
يا الامام المنتظر///يا الامام المنتظر
🔹🔹 🔹 🔹🔹
يلغبت مولاي جايمته ترد
خلي سامره تسولف عالحشد
ولد كامت شيعتك تخلف ولد
صارو اعظام ابحلوك اهل الحقد
ننتضر ها طلعتك
فدوه الك كل شيعتك
يا الامام المنتظر///يا الامام المنتظر
🔹🔹 🔹 🔹🔹
من نشاهد بيهه كبه اجبيره
ابد مانبقه يمهدي ابحيره
ما يهمنه الظا لم وتفجيره
تبقه سا مره باهلها اميره
الكبه ومنايرهه هاي
تومي للرايح وجاي
يا الامام المنتظر///يا الامام المنتظر
🔹🔹 🔹 🔹🔹
#الشكرلله خادم الزهراء ع ملا علي
#نسالكم_الدعاء✍
🔹🔹 🔹 🔹🔹.

الاداء ملا علي