وفاة السيدة سكينة ( ٥ ربيع الاول )

آنـــه سكينـــه ــ يا بو سكينـــه ــ رديت الدارك بالنــوح
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

قصـــة حزنـــي من أرويها ــ تنزف دم هجرك لحــروف
واحداث المـرت بسنيني ــ أشرحها ابگلبي المخطوف
حسره وغربه دمعه وشده ــ خيل ونار وصوت سيوف
ماظل شي يجرح ماشفته ــ عميـَـه اتمنيـت و ماشوف

أشرح هضمي ـ حزني وهمي ـ بمنازف گلبي المجروح
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
عن جرحي وشوغت آهاتي ـ وعن عمري الخالي ابلياك
خـط المدمـع قصة حزني ــ تشرح جرحي وهم فرگاك
دهـري مــن بعـدك خلاني ــ مذبوحــه بشفرات اعداك
مـا تطفـــه النـار بدلالــي ــ هاك اسمع دمعي الحاچاك

انته التدري ـ بناري وجمري ـ يحسين الظامي المذبوح
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
رديـــت الــــدارك يابــويـــه ــ مكســـورة خاطر رديت
يتموني ومنك حرمونــي ــ شلون اگدر اسكن هالبيـت
منهـــو ايصبحني يابويـــه ــ ومنهـــو ايمسيني ناديت
ويـــن  احبابي وين الغالي ــ والعمـــي الكافــل حنيت

دمعي السايل ــ العمي الكافل ــ ماظنيت بسرعه يروح
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
دار الچانت بيك امنوره ــ صارت وحشه وظلمه الدار
لا عبد الله الچان بصوته ــ بيهــا ايناغــي ليــل انهـار
ولا جسام الچان ابنــوره ــ نجمه و تضويها الاسحـار
ولا عمـي العباس الكافل ــ والاكبـــر شبــــه المختـار

بالطف كلهم ــ هدرو دمهم ــ بسيوف الباطل مسفوح
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
ظليت الوحـــدي بهالدنيه ــ اتصـــارع وَيّــه النكبات
صعبــــه الأيـــام العشناها ــ أيامــــي نـوح وعبـرات
تمنيـــت اوياكـــم اتوسد ــ ولا عيش ابدنيا الويلات
مكسورة خاطر عفتوني ــ وعيونـي بالحسره اتبـات

أسهــر ليلــي ــ أجرع ويلـــي ــ للموت الناظر مشبوح
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
خلصت أيامي و  الليله ــ  مني  اتگــرب بويه الموت
تمنيت اليحمل جثماني ــ ياخـــذ بچفوفـــه التابوت
ويطوف ابگبرك يابويه ــ ايزورني ابحزني المكبوت
وياخذني آنه وتابوتي ــ وابجنـــة عبـــاس يفــــوت

نعشي الليله ــ الموت يشيله ــ مكتوب بصفحات اللوح
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪


الشاعر عمار الراشدي

ليلة ٥/ربيع الاول ليلة استشهاد السيده سكينه بنت الأمام الحسين عليهم السلام


بصوت خادمكم الرادود ابو هاشم الربيعي

وفاة السيدة سكينة بنت الحسين عليهم السلام

    يا والينـــه ــ يا والينه
    انظر حالي ــ يا والينه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
آنه اسكينه واشــرح هضمـي
واجرع چاس دموعي وهمي
يـا بويــــه اتمنيتــــك يمـــي
يحسيـــن وريــت اتحامينــه
    يا والينـــه ــ يا والينه
    انظر حالي ــ يا والينه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
دارو بينــه اولايــه اولايــه
نتستــــر بجنــــاح الرايــــه
وجدمي امن النار امچوايه
من حرگــو خيمتنه اعلينـه
   يا والينـــه ــ يا والينه
   انظر حالي ــ يا والينه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
يابويــه الخِــــدَّر يسروهــــا
بسيــاط الظالـــــم ضربوهـا
بنتــك يــا بويـــه يشتموهـا
يا دهــري الجايـر بسنينـــه
    يا والينـــه ــ يا والينه
    انظر حالي ــ يا والينه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
چتالـــك يحسيـــن گبالــــي
راســك بيده برمحـه العالـي
شصبــر اكثـر بويـــه الغالـي
بهالموقـــف تالـــي اتخلينـه
   يا والينـــه ــ يا والينه
   انظر حالي ــ يا والينه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
مــا اگــــدر اتصبــّـــر اكثــر
بـدروب الآجـــــال اتعثــــر
ويــن القاسـم ويـن الاكبــر
چاوينــه الگطعــو چفينـــه
   يا والينـــه ــ يا والينه
   انظر حالي ــ يا والينه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
سجّــادك بس ظــل اويانــه
واطفــال وخـــدر عطشانـه
شتظـــن نصبر يــا مولانــه
مــا نگــدر نصبــر تدرينـــه
    يا والينـــه ــ يا والينه
   انظر حالي ــ يا والينه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
تدري بحالـــي لـو مـــا داري
ملــك الموت اليـــوم ابداري
يقبض روحي وتطفه انواري
إحضر بنتــك يابــو سكينــه
   يا والينـــه ــ يا والينه
   انظر حالي ــ يا والينه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
الشاعر عمار الراشدي

الرادود ابو هاشم الربيعي

وفاة السيدة سكينه بنت الحسين ع
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
عمتــــك ماتت يـــــا مهدينــه
بنت حسين الثكلـــه اسكينــه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
بخامس يومـــه ربيـــع الاول
يابـــو صالـــح حزنـك يِطوَل
ويـــن ابيـــا موضع مــا نندل
تنصب مأتـــم يــــا والينـــــه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
ليلـــه ابدمعاتــــك تحييهـــا
واسكينـــه الثكلــه تواسيها
يا عمــــه بصـــوت تنــاديهـا
واشخلـــت مأساتـــچ بينـــه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
مــــا تترك عمتــك وحّدهــا
لاشــك تگصدهـــا المرقدها
تنصب مأتـــم حزنك عدهـا
اتواسيهـــا ابگلبــك واونينه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
حزن اسكينه اعليها اتعوده
من تذكـــر عبــاس و جوده
والنبلــــه وضربـت عاموده
كافلهــــا الگطعــــو چفينــنه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
عگب مصاب و يوم العاشر
عاشت بس مكسورة خاطـر
لا والــي ولا عــون او ناصر
تالـــي المــوت اتقرر حينــه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
ابعيـد المرقـــد عن اخوتهــا
وعدوانـــك هدمــــو گبتـهــا
تحصـــل ياريــــت ازيارتهــا
نخدمهــــا هنــــاك اتمنينــــه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
مولاي احزانـــــك احزانــــي
تظهـــــر يالموعــــود انتـاني
واتحـــارب جيش السفياني
واحنــــه جنودك يــا مهدينه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
الشاعر عمار الراشدي

الرادود ابو هاشم الربيعي

ابو ذيات استشهاد السيده سكينه بنت الأمام الحسين عليهم السلام
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
لوعات
كلب سكنه شحمل يا ناس لوعات
من ارجاس اميه تشوف لوعات
العدو لو ساب ام حسين لوعات
ردنها وطايحه فوك الوطيه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
ايام الحسين اليوم ونها
تعال وشوف بنتك زاد ونها
أوامر جنت انطي هواي ونها
وهسه وياي سكنه امشي سبيه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
ردناك..

يبو فاضل هذاك اليوم ردناك
وما ردنا العدو فد يوم ردناك
يمن بس دم لكينه بطرف ردناك
تعال وشوف سكنه بهالرزيه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
الشاعر وسام الليباوي الحلي

الرادود ابو هاشم الربيعي

شكد شايله بعينج دمع من ذيج الايام
متروس كلبج بالجمر من طبت الشام
............

ضاع العمر وي والدج يسكينه من ضل بالغرب
تعمه العيون المو إله  دمعاتهن لمن تصب
طاح ومشيتي لليسر عفتي الدلال اعله الترب
لوكلتي بويه الحك إلي بالسوط متنج ينضرب

ضلت بروحج تستعر نيران الخيام
متروس كلبج بالجمر من طبت الشام
.................

احاه ياذاك الدرب عثراته لاماتنحمل
الشايف بعينه كربله وكلهم هله راحو جتل
عل ممشه مايكدر بعد ومن الزمن روحه تمل
وفوك المصيبه والهظم بجفوفج انشد الحبل

عاشت وياج بكل وكت مولاتي الآلام
متروس كلبج بالجمر من طبت الشام
...............

صارت الدنيه بلا هوه وبعينج الحيل انحبس
حيلج صبح بس للدمع وصوت الحزن بذنج همس
هيه الخرابه تنحمل بيهه يموت اشجم نفس
خلصتي ليلج بس رعب وبگلبج الخوف انغرس

ادري بضعنكم بالغرب من خوفه مانام
متروس كلبج بالجمر من طبت الشام
.................

متعوبه من طف كربله ياويلي من ذاكه الصبح
عاشر محرم بالگلب خله الجرح فوك الجرح
تمشين ويه القافله ورأس الحسين اعله الرمح
تمنيني موتج بالسبي والموت يمج مايصح

روحج الشوفت والدج يسكينه تحتام
متروس كلبج بالجمر من طبت الشام
.................

وي زينب بذاك الدرب وبلايه خيمه ولا لوه
بخدج جرح من الدمع وتلجمه كل نسمت هوه
اخظر جرح جدمج بعد من جمر الخيام انجوه
ماتت احلامج من وكت مولاتي كلها بنينوه

طف كربله وي والدج موتها الأحلام
متروس كلبج بالجمر من طبت الشام
..................

حان الأجل والموت اجه دك بابج بحركه والم
مهضومه لمن صد الج بعينج صور حرك الخيم
گلبج وكف من النبض ومن ذيج الايام انلجم
ودعتي هل دنيه بحزن امن الضيم گلبج ماسلم

مولاتي عينج غمضت من دنيه الأوهام
متروس كلبج بالجمر من طبت الشام
==========================
الشاعر محمد هادي العقابي

الرادود ابو هاشم الربيعي

قصيدة الى سيدي ومولاي صاحب العصر والزمان عجل الله فرجه الشريف اللهم صلي على محمد وآل محمد

شكثر وادم هويت اني
من كـل گلبــي ولساني
لكن يابو صالح ها مثلك ياهو حباني
💔💔💔😭💔
تدري من اگول أهواك
چـذبــه هايه وچبيره
هــو اللي يحبك غير
بس بيك انته تفكيره
عدنه اللي يحب بجد
حبيبه مايحب غيره
لكن حبنه هذا وياك
رايـــد اني تفسيره

العجل منك يطلبونه
واليجـرحك يسـوونه
حبهم هذا أريد أعرف گولولي شيسمونه
💔💔💔😭💔
شيسمونه هذا الحُب
يحبــوك ويجرحونك
وتظهر هــا يمهـدينـه
هــالـوادم يـريـدونك
انته من جهلهم هـذا
دمعك دومه بعيونك
لا وچمــالـه فــوگاها
عن حــالك ينشدونك

لو محبوب جافاهم
حار تشوفه ملگاهم
وانته مفارگيك أعوام وأبد مابين وياهم
💔💔💔😭💔
ذاك اللي يگول اشتاگ
ذاك اليطلـب التـوبه
لكنـه الصــدگ والله
لاهـي ويــه محبوبه
يتكلم غرام وشوگ
بس الشوگ مو ثوبه
للمهـدي أحن يگـول
وهــو يكــرر ذنبـوبه

مــولاي الــوفه شمره
وداعت فاطمه الزهره
وگلبك وسفه يامولاي هاي الوادم تكسره
💔💔💔😭💔
كلمـه ضلت بــروحــي
أريــد احچيهه يالغالي
تدري من قبل كم عـام
بغيــرك منشغل بــالــي
متنــدم أجيت هـــواي
بعينـك عـــايــن لحالي
عشگك غيــراني وحيل
حبـــــك سكن دلالــــي

عشت بروحي وحساسي
أحنلك گــد هوى أنفاسي
وداعت حيدر وفاطم مولاي الهجر قاسي
💔💔💔😭💔

تمت والحمد لله
بقلمي المتواضع
✍ للشاعرة وخادمة الحُسين
            رقية العامري