#حب_الكتابہ "³" 🌻

" أكتب دائماً عما يمليه عليه قلبى ، أكتب بحضور العقل والقلب معاً ، بوجود الإحساس وإحياء المشاعر ... فالكتابة واحة نلجأ إليها فى أرض ندرت على أرض الواقع " ♥


الكتابة الإبداعية:

" هي الكتابة اللي بتُعبِّر عن مشاعرنا والتجارب المرينا بيها شخصياً بس بأسلوب مختلف وفريد ولابد من معرفتنا بي قواعد اللغة ولابد تكون بطريقة منمقة بحيث تجذب القارئ ليها..

وليها عدة أنواع وهي :-

ـ الشعر :

وهو فن شخصي مقفي ولابد يكون بتضمن السجع والقافية وقواعد البلاغة بحيث يعبر عن الكتابة ويظهر فيه طابع موسيقي كدا ويقدر يوصل فكرة المؤلف.


ـ القصة :

وهي سرد لي كمية من الأحداث قد تكون واقعية او خيالية وغالبا يا أما تضمن شخص واحد او عدة أشخاص وهي قد تكون قصة قصيرة مختصرة او قد تكون علي شكل رواية ..

ـ الخواطر:

وهي صورة من صور الكتابة الابداعية وهي مجموعة من النصوص النثرية اللي بتكون غالباً عبارة عن جمل مفيدة وكل خاطرة بتكون لي هدف معين.


ـ المقال الأدبي :

هي فن نثري غالباً بتناول صاحبها موضوع معين وبيتكلم عنه مع جمع المعلومات اللي بتتعلق بيها لي معالجة موضوع أدبي او فني.

ـ الكاتبة دي ممكن تستفيد من خلالها كتير وحاول اعرف عنها اكترررر

ـ ما بالضرورة تكون كاتب بالفطرة من خلال التدريب والممارسة ممكن تتعلم عنها اكترر..

ـ اعرف عنها اكتر وحبها واكيد بكرة حتتقنها ..



https://mawdoo3.com/%D8%A3%D9%86%D9%88%D8%A7%D8%B9_%D8%A7%D9%84%D9%83%D8%AA%D8%A7%D8%A8%D8%A9

خطة عملية للـ ٣٠ يوم رمضان ان شاء الله:

١- الـ ٥ صلاوات في المسجد للشباب.
الـ ٥ صلاوات في وقتهم بدون تأخير للبنات.

٢- السُنن الراتبه ( عندك ١٢ ركعه لازم تداوم عليهم يومياً .... ٢ قبل الفجر ... ٤ قبل الظهر و ٢ بعده .... ٢ بعد المغرب ... ٢ بعد العشاء )

٣- صلاة الضحي ( بتبدأ من بعد شروق الشمس بـ ربع ساعه ... لحد قبيل أذان الظهر بـ ربع ساعه ..... أقلّها ركعتين لحد ٨ ركعات ..إنت وهمّتك )

٤- أذكار الصباح والمساء ( أذكار الصباح بعد الفجر .... وأذكار المساء بعد العصر )

٥- صلاة التراويح
- للشباب .... في المسجد مع الإمام واختار إمام يكون صوته حلو علشان تحسّ بالصلاه

_للبنات ..لو هتصليها في بيتك ده الأفضل ولو هتنزلي المسجد يبقى بكامل حجابك

٦- الصدقه ( يوميا ....ولو بمبلغ بسيط ولو ربنا موسّعها عليك تصدّق بما يليقُ بك ...وافتكر في النهايه ان انت احوج للصدقه وأجرها من الفقير )

٧- عمره و حج يوميا ...معاك ٣٠ حجة وعمرة ماتسيبهمش في رمضان ( بعد ما تصلي الفجر متطلعش من المسجد ... خلّيك في المسجد لحد الشروق ... قول الاذكار واقرأ قرآن ... لك بذلك أجر حجه وعمره تامه تامه تامه ..)

٨- قراءة القرآن

- لأصحاب الهمم العاليه مش أقل من ٥ ختمات في الشهر .... بواقع ٥ أجزاء يومياً ... يعني هتختم كل ٦ أيام مره

- لأصحاب الهمم المتوسطه مش أقل ٣ ختمات في الشهر ... بواقع ٣ أجزاء يوميا .... يعني هتختم كل ١٠ أيام مره

- للمبتدئين وأصحاب المشاغل ... مش أقل من ختمه في الشهر .... بواقع جزء كل يوم فقط

٩- الدعاء ( عندك ٣ أوقات مافيش فيهم كلام )

- النص ساعه قبل الفطار
- الساعه اللي قبل الفجر
- اخر ساعه بعد العصر من كل جمعه

١٠- ركعتين في جوف الليل ( عاااااارف ياسيدي والله إنك صليت التراويح .... بس ده ميمنعش انك تصلي ركعتين خفاف في وقت النزول الالهي ... علشان تبقي مُميّز مش زيك زي الناس ) .... وكمان ربنا بيقول ( وتزوّدوا فإن خير الزاد التقوى )

--------------------

دول ١٠ خطوات ..... لو داومت عليهم....خلال الـ ٣٠ يوم ..... هيكون أحسن رمضان عيشته في حياتك ان شاءالله ....وهتخرج من رمضان إنسان تاني ..... كأنك لسه مولود .... مين عارف مش جايز رمضان السنه دي هو نقطة انطلاقك اللي كنت مستنّيها من زمان ؟ جايز

#منقول

رمضان مبارك عليكم تصوموا وتفطرو علي خير ♥

#حب_الكتابہ " 4"🌻


" الكتابة هي وظيفة، وموهبة، ولكنّها أيضًا المكان المناسب للذّهاب إليه في رأسك. إنّها الصّديق الوهميّ الذي تشرب معه الشّاي في فترة ما بعد الظّهر "♥



ـ الكتابة العلمية :

اللهي بتختصّ بنقل المعلومات بطريقة مجرّدة من أي شكليات لغوية؛ وهذه المعلومات يتم نقلها بعد البحث عنها ودراستها بشكل ممحّص مع وجود الأدلّة والبراهين الواضحة عليها.

ـ وتتم كتابة المقالات العلمية بطريقتين إما بطريقة الكتابة المتسلسلة .

ـ أو طريقة المقال؛ وهذا يتم بالاعتماد على نوعية الكتابة.


ولها مجالات مختلفة مثلاً..
 

ـ المقالات النظرية:

وهي عبارة عن مقالات هدفها الأساسي ترسيخ المعلومات الواردة بأبحاث أخرى ولكن بطريقة مختلفة، وأيضاً تهدف إلى توفير الإفادة للباحثين عن هذا الموضوع المذكور.

 

ـ المقالات العلمية:

هذا النوع من المقالات ليس سهلاً؛ حيث يقوم بهالباحث بعملية البحث والدراسة عن معلومات معيّنة، ثم يقوم بتقديمها بطريقة متسلسلة منطقية.

 

ـ المراجعة العلمية:

وهي عبارة عن مقالات تتناول معلومات تم طرحها من قبل، ولكن بطريقة تقوم بتحليل هذه البيانات ومراجعتها؛ وبالتالي هي لا تحتوي على نتائج بل هيه فقط مراجعة لمعلومات قديمة.

 

ـ الكتابة دي حتفضل اظبط حاجة ممكن تساعدك تتخلص من حاجات كتيرة قادرة تفتح في وشك آفاق وتحل ليك عقدة ..


ـ الكتابة دي متنفس للمشاعر المكبوتة ..

ـ الكتابة وسيلةعشان ما تتعلم من خلالها وتبقي شخصية متمكنة ورهيبة اتمسك بالكتابة فهي سبيل النجاة ..



ـ الكتابة العلمية ظابطة شديد لكل ما يتعلق بالتعليم والتفاصيل دي ودا مقال عشان تعرف عنها اكتر ..

https://mqalaat.com/


ـ فالمهم الكتابة دا بحرررر حاول تشرب قدر ما تقدر ما تمل منها وحاول اكشتف انواع مختلفة وغير نمط الكتابة بتاعتك ...


ـ فالمهم حاليا انت بتفضل ياتو نوع! ..

ـ نحن هنا مهتمين بالكتابةالابداعية وحنطرق ليها أكتر فاشنووووو...


يتبع ...

ـ { إِنَّ اللَّهَ لاَ يَظْلِمُ النَّاسَ شَيْئًا وَلَكِنَّ النَّاسَ أَنفُسَهُمْ يَظْلِمُونَ}.

ـ يا نفس ليتك تعلمي أن الله لايظلم شخصاً لافي زيادة سيئاته ولا حتي نقص حسناته كل شي بقدر كل شي أنتي محاسبة عليه ولو كان مثقال ذرة من خردل ..

ـ لو تعلمي يا نفس أنكِ في ضلال تلهين وتمرحين في متاع هذه الحياة الذي هو بمثابة إمتحان عظيم النجاة الوحيدة فيها بالصلاة والعمل الصالح ♥ ..


ـ وما دون ذلك سيظل هباءً منثورا مادون إلتزامك ستضلين ولن تجدي من يهديك سوي الله لا أحد يدلك علي الخير ولا أحد يعينك علي الحق ولا أحد يصلح أعوجاجك سوي الله .


ـ يا نفس لو كنتي تتدبرين القرآن لعلمتي قوله : {ذلِكَ هُدَى اللَّهِ يَهدي بِهِ مَن يَشاءُ وَمَن يُضلِلِ اللَّهُ فَما لَهُ مِن هادٍ }.

ـ لعلمتي أننا لانهدي من نحب ولكن الله يهدي من يشاء الله فقط القادر علي إصلاح نفسك علي ترميم ما أفسدته بيدك.


ـ ضالة يا نفس غرتك الحياة الدنيا ونسيت أن في الأخرة حساب وجزاء أن هناك جنة ونار أن هناك كُتب تُحمل في الأيدي أو خلف الظهور ..


ـ والفوز لمن يأخذ كتابه بيمينه بسبب أعماله الصالحة بسبب هدايته ومخافة الله بسبب الخوف من الأخرة ومن أجل النجاة من النار فيكون سعيداً كما في قوله تْْعالي : [فأما من أوتي كتابه بيمينه فيقول هاؤم اقرءوا كتابيه }.

ـ أما الضال كحالك يا نفس يكون حزيناً لا سرور في قلبه ولا رضا عن عمله ويتوراي كتابه خلفه نادماً متحسراً فلا يستطيع التباهي بعمله كما في قوله تعالي : { وَأَمَّا مِنْ أوتِيَ كِتَابَهُ وراء ظهرِهِ فسوف يدعو ثبور ويصلى سعيرا }.


ـ يا نفس أنما الحياة أيام قليلة تختتم بالموت فلتعملي العمل الصالح لتنالي خاتمة حسنة فالموت يأتي علي عجل لايتأخر ولا يتقدم كما في قوله : { وَلَنْ يُؤَخِّرَ اللَّهُ نَفْسًا إِذَا جَاءَ أَجَلُهَا ۚ وَاللَّهُ خَبِيرٌ بِمَا تَعْمَلُونَ }.


ـ أذاً ماذا تنتظرين لم يفت الأوان بعد بإمكانك الوصول لبر الأمان والصعود مع الركب الصالح علي متن السفينة والنجاة من النار والفوز بالجنة ..


ـ فلتعلمي يا نفس أنك الآن في أيام مباركات كلها خير أقل عملاً فيها تؤجرين عليه ولو كان تسبيحة ولو تحميدة ولو صبر علي أذي والله لا يظلم مثقال ذرة ..

ـ يقال أتقي النار ولو بشق تمرة أما ألان فبإمكانك الكثير والكثير لتتقي به شر جهنم يا نفس ..


ـ إسألي الله التوفيق والسداد أن يخرجك من رمضان بغير القلب الذي دخلتي به وأن يعينك علي الطاعات والعبادات ..


ـ رمضان سيرمم ما أفسدته كل الأشهر من قبله سيجعلك تشعرين بالسكينة والطمأنينة وأن فاتك الكثير فما بقي أكثر لا تسمعي يا نفس للهوي ..

ـ أن رمضان يحمل بداخله الكثير من الخير فيجب عليك أغتنام هذه الفرصة ..

"شهرٌ بهِ للخير سوقٌ عامرٌ
‏وتجارةٌ مذخورةُ الأرباحِ" 🌸

ـ وأن ضاع أوله فلك آخر فلا تتردي ..

ـ ما زال هناك متسع من الوقت لتتوبي إلي الله فباب التوبة مفتوح لك علي مصرعيه ..

ـ لا تقلقي مهما عثت الفوضي بداخلك فأن رمضان هذا سوف يرتبك ..♥

ـ لاتتحسر علي ماف فأن القدام خير والله ..

إذَا لَم تُحسِن استقبالَ شَهرِك،
فَأدرِك مَا تَبقَّىٰ مِنهُ..أدرِك!

وخُذ زَادًا تَراهُ بجَوفِ قَبرِك،
وقُلْ: يَا رَبّ..مُحتاجٌ لذِكرِك..♥


#ررتبني_يا_رمضان_أني_مُبعثر

ربنا أعِنا على ما تُحب وتَرضى💚.

#سلسلة_علاقات ♥

" العلاقات خُلقت للراحة للطمأنينة والدعم " 🌻

ـ العلاقات هي الروابط البتربط بين شخص أو أكثر أياً كان المسمي ليها.

ـ فنحن كبشر إجتماعيياً ومجبولين بالفطرة علي أننا نميل للأشخاص ونندمج معاهم ونقدر نتواصل معاهم فالواحدمننا ما حيقدر يعيش في معزل عن غيره إلا في حال كان بعاني من مشكلة معينة ..

ـ العلاقات هي القادرة تخلق ليك جو من الراحة والطمأنينة وبتحس بالدعم من خلالها حتي الدين كان بيحث عليها فلو تدبرت القرآن حتلاقي كل الحكمة في الموضوع دا ..

ـ في قوله تعالي : (سَنَشُدُّ عَضُدَكَ بِأَخِيك) العلاقة الأخوية دي مطمئنة وبتوريك أنك بأخوك حتكون أقوي وحتكون قادر تواجه كل المصاعب ..

ـ وفي قوله تعالي : (إذ يقول لصاحبهِ لا تحزن ) بطمئن فيهو بعد ماشاف فيه ملامح الخوف ..

ـ الدين دا بين لينا أهمية العلاقات دي كلها في حياتنا وقدر شنو هي ممكن تكون مصدر دعم وقوة بالنسبة لينا فالإنسان قليل بنفسه كثير بعائلته ..♥

ـ فلذلك لابد تكون علاقتنا مع الناس طيبة ومليانة مودة ورحمة.

ـ فشبكة العلاقات واسع ومختلفة مابين علاقتك بالأسرة والأصحاب والجيران وعلاقاتك مع رؤساء العمل والزملاء وحتي علاقة الأزواج فيما بينهم وعلاقة الوالدين بالإبناء دي كلها علاقات بتربط بين الناس ..

ـ ولابد تكون العلاقات دي صحية مليانة حب وأهتمام من كل الجوانب عشان الناس تعيش في راحة ..

ـ وأذا أتوجدت الخلافات والمشاكل وسؤ الفهم فدا حيكون مؤثر ومهدد للعلاقات دي وقد يؤدي لي نهايتها بصورة غير متوقعة ..

ـ لاذم نحن نكون مدركين بإدوارنا في كل علاقة لابد ندي كل علاقة حقها بدون ما نظلم شخص بتعاملنا معاهو ..

ـ والله لو تعلمون أنو الدين فصل لينا الحياة الإجتماعية دي بشكل دقيق ولو فعلاً إتبعناها حنعيش في سلام بعيد عن الأذي النفسي وعن الجفاء والحقد ..

ـ فبتمني من خلال السلسلة دي نقدر نتطرق لكل العلاقات دي ونقدر نتجاوز كل الخلافات نقدر نعيش في بيئة مريحة مليان حب ♥ ..

https://www.facebook.com/110745371607770/posts/123331880349119/?app=fbl

" قبل كل شي يجب أن تمنح نفسك الحب أولاً "♥

ـ في كل صباح لاذم تذكر نفسك أنك أولي بيها ومالاذم تهتم لي أي حاجة ممكن تأثر عليك..

ـ اي شخص بقول عنك كلام سلبي أنت ما مجبر تسمعو أمش خليهو ما تسمح ليهو يسم بدنك ويخليك تشك في نفسك ولو مثقال ذرة..

ـ لاذم تكون واثق بنفسك دائماً وبتحبها بكل العيوب والمميزات الفيها ..

ـ ماف زول حيخاف عليك قدر خوفك علي نفسك ما أي زول حيكون عايز مصلحتك ولا كل زول حيكون متمني ليك الخير ..

ـ فرجاء خليك حريص وإختار الناس الحوليك بعيد عن العاطفة عشان تعيش صح وتكون في بيئة صحية 🌻.

#سمرية

ثلاثة كورسات مجانية تتعلم من خلالهم كتابة المحتوى عموماً

شرح مفصل لخطوات كتابة المحتوى التسويقى فى كل منصات التواصل الاجتماعي وغيره مع التطبيق العملي، عند الخروج من هذا الكورس ستكون قادر على كتابة المحتوى بكل أشكاله.

كورسات مهمة جداً جداً، وظيفة كتابة المحتوى او ادارة مواقع التواصل الاجتماعي، شغل لايحتاج شهادات، وقروش محترمة وغيره.

الكورس الأول من موقع Udemy
الرابط https://bit.ly/2VZ4kX9

الكورس الثاني ستتعلم في هذه الدورة كيفية استخدام الكلمات لجذب انتباه واهتمام القراء، بالإضافة إلى تعريفك بالخطوات الأولى لتحقيق مشاهدات عالية للمحتوى الخاص بك.

الرابط https://bit.ly/3CXT3aC

الكورس الثالث السرد القصصي الرقمي يساعدك على استيعاب مفهوم السرد القصصي وعناصر السرد الرقمي ومعايير القصة الرقمية ، بالإضافة إلى أساليب وأنماط السرد القصصي الرقمي ، بحيث يتمكن المتعلم مع نهاية المساق من توجيه مهاراته في تطويع النص والسيناريو والمكونات الرقمية عند العمل ضمن فريق لإنتاج قصص ذات محتوى رقمي وتفاعلي.

الرابط https://bit.ly/3yXAqRq

#يومياتي 10
#فاعل_خيــــــــــــر💚

= | الحمدلله على أقل النِعم وأكثرها .. 💛|=

نزلت من العربية قبل تقاطع NNT للاثاثات المحطة الوسطي ، قطعت الشارع وبقيت ماشي في الممر وكنت مركب السماعة .
الاستوب كان قافل وفي مرأة ماشة في الممر و شايلة مناديل . إستغربت من المنظر لانو إذا فعلاً هي عايزة تبيع بتجي قريب من العربات لكن هي ماشة في المرر بس براحة ، لما قربت منها شفتها شايلة عصاية المكفوفين 💔👩‍🦯، طوالي طلعت السماعة و جيت بي قدامها
وقلت ليها : المنديل بي كم ي يمة ❤️ ؟
المرأة 💕 : بي عشرين بس ي ولدي .
أنا : فتشت جيوبي لقيت أقل ورقة فئة 50 جنيه ، دي 50 جنيه ي يمة .
المرأة 💕 : طيب هاك ي ولدي شيل قروشك ( في اللحظة دي طلعت قروش من جيب الجاكيت اللابساه ، فيها فكة و خمسينات و مدتها لي و أضافت شيل باقي قروشك ي ولدي ❤️ .
انا هنا دموعي جات في عيوني ، كونها كفيفة و كسرت كل الحواجز والعادات و طلعت تتشغل في الشارع عشان الرزق الحلال و حتي إنها وثقت فيني دون ماتشوفني و الحاجة الاثرت فيني انها طلعت لي كل القروش المعاها عشان بس اشيل 30 جنيه 💰 ولا حتي شكت إني ممكن أشيل قروشها و اجري بيها أو اشيل قروش زائدة ، لكنها و بي كل ثقة عملت الكلام دا .
أنا : القروش فيها خمسينات ي يمة .
المرأة💕 : رتبها لي .
انا : شلت القروش ورتبتها و شلت الباقي ال 30 💰جنيه وقلت ليها هاك دي الخمسينات و الباقي لميتو لك براه واديتها ليهو حتي بعدها شلت منها المنديل .
وقلت ليها ربنا يفتحها عليك ي يمة ياااخ ❤️.
المرأة 💕 : شكراََ ي ولدي
أنا : تسلمي و بديت أمشي
المرأة 💕 : تسلم الجابتك ي ولدي
انا بعد سمعت جملتها دي وقفت و دموعي في عيوني وعاينت ليها و أول فكرة جاتني في رأسي اني أمشي و ابوس رأسها والله العظيم و يشهد ربنا ❤️ بس اترددت .

( الخبيئة )
هي عمل لوجة الله تعالي وبكون بين الفرد و ربنا ومافي زول بعلم بيهو .
وأنا اعمالي كلها بعملها خالصة لوجه الله تعالي ومابهتم بي رأي الأخرين .
كتبت الكلام دا عشان متمني انكم تكونوا أفضل مني و تساعدو المحتاجين ، عملت شيء بسيط وهو إني اشتريت منديل و بقيت مصدر دخل لزول محتاجة، و إحتمال المرأة من الصباح ما إشتغلت غير القروش الانا دفعتها ليها دي ، كونوا أفضل مني و ما ضروري تعملوا نفس العملتة المهم أي عمل انت من خلاله تساعد بية محتاج بس دون مايحس انك بتشفق علية .

كلنا عارفين وضع البلد الضاغط و ظروف المعيشة البقت صعبة ولا تحتمل ، نحن اباءنا المتعلمين و الشغالين في مكاتب خاصة بيهم ، شركات و مؤسسات حكومية بعانوا عشان يوفرو لينا اللقمة الحلال وما نحتاج نمد يدنا علي حق الأخرين ، فما بالكم بي المعاقين الشغالين عشان يعفو انفسهم 💜💜
( في جزء كبير مستغل اعاقتة وبشحد ، بس إنت لما تشوف الموقف بتعرف تحدد هل هو فعلاً محتاج او لأ و حتي إذا ما محتاج إنت بتديها ليهو صدقه لوجة الله تعالي)

ذوي الاحتياجات الخاصة في منهم البشتغل عشان هو بربي في أولاد و هم منتظرنو في البيت نهاية اليوم ❤️
حتي المعاقين بشر و عندهم اسر و اطفالهم في المدارس و الجامعات و الاسرة دي معتمده عليهم .


اتمني رسالتي تكون وصلت للكل ❤️❤️.

"أحبك "♥ .

هذا الصباح .. واليوم.. وغداً.. ودائماً .. وللأبد🌻.

ـ ولكن من المؤسف حقاً أن حتي هذه الكلمة ليست قادرة تماماً علي وصف مشاعر الحب التي بداخلي لإجلك.

ـ حاولت مراراً أن أستطيع صياغة هذا الحب في إحدي النصوص ولكن كان أكبر من أن تستطيع أن تحتويه.

ـ ولكن فقط قلبي الذي كان يتسع لك بالحب دائماً كلما لمحتك أو حينما تتحدث معي أو حينما تقع نظراتي عليك يتضاعف الحب أضعافاً.

ـ كنت في كل مرة أرددها بداخلي أحبك مدداً بلا عدداً في كل اللحظات وكل في الحالات وفي كل الأوقات.

ـ فليتك تعلم أنك بقلبي ذو مكانة خاصة لا أحد بإمكانه إقتحامها ولو قدم لي الحب علي طبق من ذهب.

ـ يكفيني وجودك الكثيف من حولي ورائحة عطرك المميز وكلماتك التي تنزل علي قلبي برداً وسلاما وكأنها الطمأنينة من بعد القلق.

ـ أحبك فوق حب المحبين حباً يجعل قلبي لإجلك كحديقة أزهار تتفتح عند مرورك بجانبها وتشرق شمس الحياة فيها وتعلن أن السعادة مرت من هنا .

ـ أحبك ولن أكتفي من ذلك حتي ولو أفترقنا ذات يوم وأختلفت طرقاتنا سيظل حبي كما هو لن يغير البعد ملامحه .

ـ أحبك بكل المعاني وكل اللغات وأنا أعلم تماماً أنها قد لا تكفيك.

ـ أحبك وستظل الأقرب لقلبي دائماً فأنت كل قلبي والسلام ♥.

#ومن_الاخر_كدا

" الحب أنت وما سواك سراب " 🙈.

#سمرية

ـ سكة ما بتوصلك للحاجة الداير تصل ليها ما تمشيها ما تمشيها ما تمشيها .

ـ شخص عايز يقرب منك عشان تكون ليهو بدل فاقد في حياته ما تسمح ليهو ماتسمح ليهو .

ـ اي زول بقلل من قيمة نفسك وبسبب ليك كسر خاطر ومشاكل أبعد منو أبعد منو.

ـ أي حاجة مالي مصلحة نفسك أو غيرك ما تديها مساحة من وقتك وما تضيع فيها زمنك.

ـ الحياة كلها يومين لك وعليك فحاول تستغلها صح وبلاش تضيعها في الما بسوي يا أنسان ..

ـ لاذم تحافظ علي حدودك ومشاعرك وكل ما يتعلق بيك اتفقنا ♥ 📎

#سمرية

لو حبيت تبدا بزنس خاص بيك ، او حبيت انك تبدا تتعلم حاجة جديدة او مجال جديد فواصل قراءة البوست ده

ده موقع بعلمك كيف تبدأ في المجال الأنت بتحلم أنك تشتغل فيه

الموقع ده حايساعدك لو انت ما عارف كيف تبدأ في المجال البتحلم تشتغل فيه وشنو المفروض تعملو وكيف تطور نفسك عشان تكون مبدع في مجالك

الموقع ده بجاوب على كل الأسئلة دى بطريقة سهلة وواضحة جدًا... كل اللعليك إنك تختار إسم التخصص وهو بديك كل المعلومات الانت عاوز تعرفها عن المجال

يعني لو إفترضنا انك اخترت تخصص معين حايوجه ليك الأسئلة دي :

1- What they do
2- Steps to becoming
3- degree options
4- search
5- career tools

يعني حاتعرف كل الإتت عاوز تعرفو

رابط الموقع
https://bit.ly/3NxTBZf

ـ يخوانا أنا جاية أقول أنو عشان العلاقات تفضل صحية ومافيها مشاكل وماتكون معرضة لي خطر النهايات .

ـ لابد يكون فيها طرف مابالضرورة يكون متنازل بس يكون متفهم أنو هي ماقوة رأس علي قدر ما هي رابط بينكم ..

ـ لاذم تعرف أنو العلاقات ما بتمش طالما الطرفين شادين علي بعض ..

ـ أحياناً لاذم نرخي حبل العلاقات شوية عشان تمش صح..

ـ ومانسيب الحمل علي شخص واحد عشان لو فكيت ليهو الحبل ساعتها حيقع "♥

#ومن_الاخر_كدا

" علاقتك مع الطرف التاني بتخصكم بس "

#سمرية

ـ في كل العلاقات واللا علاقات وأشباه العلاقات وأياً كان نوع العلاقات ، لاذم تخلي بينك وبين الطرف التاني مسافة حتي لو كانت أميال ♡..

ـ عشان وأنت بعيد حتكون قادر تحافظ ع صحتك النفيسة ، وعلي قلبك الصغير من الكسر ، وعلي مشاعرك من التمزق 💔

ـ عشان حتكون قادر تتجنب الصفعات اللي ممكن تباغتك ، عشان تحفظ ملامحك من الحزن ، وعشان لو بقيت أقرب من اللازم حتسمع كلام يسم البدن ، وحتقابل الصدود ، وحتعيش مأساة 😔..

ـ يمكن عشان كدا خلقت المسافات ، والمساحات بين الأشياء لانو كان من المؤكد حتجيك اللحظة الحتكون مسافتك خيط نجاتك 💛..

ـ وعشان حتكون ليك بمثابة درع تحميك من متقلبات القلوب وكل التفاصيل المرهقة ..

" فحاول بقدر الإمكان مهما كان موقعك في حياة الآخر تحتفظ بي مسافة بيناتكم وماتقول ما وريتك عشان حتجي اللحظة وتفهم الكلام دا وبس يعني " ☹

#مساحة_أمان

#سمرية

هذا الصباح ..📌

ـ الحياة تميت الضعفاء شنوو الضعفاء الناس الما بتعافر ولا بتجاهد ولا بتحاول تنال شرف المحاولة ساي وبخافو وبترددو تجاه أي حاجة.

ـ تلقائيـاً الحياة بتقتل جواهم اي شعور تاني بكونوا مجرد ناس فارغين من الداخل رغم أنهم في الخارج بتشوفهم رهيبين.

ـ وياريت تفهم أنك ما لاذم تكون زول ضعيف علشان ما تفقد شخصيتك مع الأيام عشان ما تكون مسفوه ما شغالين بيك وما عندك مكانة.

ـ ياحبيب ماف زول بجي يتعاطف معاك ويشكرك علي أنك زول في حالك أنت في حالك دا ذاتوو ما بخلوك ابقي قادر وناهر وبتاع مشاكل ذاتو أن تطلب الأمر " مشاكل حبة يخوانا بعيد من الحدة " ♥

ـ اهااا وشخصيتك الضعيفة دي لاذم تديها دروس عظة وعبرة وتبعد عن جلد الذات وتحاول تقلب الطاولة ع نفسك وتقول لي نقاط ضعفك هيهي وتوريها الطفاء الشمعة " الكهرباء اصلا قاطعة " ..

ـ وتحاول تبني نفسك وتخلي شخصيتك قوية وتبقي راكز رااااااااااكز شنو رااااااااااااااكز ويا جبل ما يهزك ريح كان قالو فيك اي شي شغل وضعية القافلة تسير والكلاب تنبح.

ـ ما تكون الشديد القوي بس خليك الهين اللين لكن برضو ما لي درجة العوارة كدا يعني هين ولين من برا ومن جوة حديد ااااي حديد عشان الناس ما تستغل عواطفك اصلو الشبهك دا جواهو قلب آيكسريمي بسيح بكلمة ..

ـ وفي كل المواقف حاول تكون واضح وصريح ولما تحس أنك ما مرتاح قول لا لالالالالا وألف لا عادي يعني مع مراعاة انو الا دي ما تجرح الطرف التاني شديد ولو ما إتفهمك تاني مشكلتو عشرة مرات.

ـ ما تسمح لي نفسك تبقي ضعيف لي درجة الناس ياكلو ويقشو في طرفك " اااااااااجي" لم طرفك عليك والداير يقش يشوف لي منديل.

ـ ما تبقي زول فريسة ساي واي زول عادي يقدر يصتطادك بكلمة منو ابقي واعي وخليك مفتح وواقعة ليك وشغل وضعية اتمسكن لمن تتمكن عشان بعديها تقول لي زولك وهه .

ـ انت ما ضعيف ماف شخص ضعيف بس في شخص اختار يلغي شخصيتو القوية ويعيش دور الضحية وفي شخص ماقادر يظهر شخصو القوي وفي شخص اختار يمثل ضعيف عشان يكمل وفي شخص ما واثق من نفسه .

ـ عشان كدا ما تغش نفسك ساي انت قوي ودا المخليك قادر تكمل في أصعب ظروفك ورغم التفاصيل المرة العشتها بس حان الأوان.

ـ تخلع رداء الضعف دا وتبقي قوي وتثق في نفسك أكتر وتحترم ذاتك وتراعي لي حدود شخصك وما تسمح لي نفسك تكون متاح.

ـ كلامي دا ختو حلقة ولو ما حلق عادي سلسل بي المهم كلام لي مصلحتك انت وأنتي وكلكم الحياة ما عايزة زول دلقان ساي يتشال ويترمي في أي مكان ولا زول كيس نايلو الهواء علي كيفو شايلو.

ـ خليك مصندد خليك حجر صخرة أن تطلب الأمر والسلام 🌼.

#ومن_الاخر_كدا

" خليك قوي عشان ما تتكوي " 😌.

#سمرية

- بُسطاء تُبهجنا ‏فناجين القهوة ورائحة البن.. وأكواب الشاي المنعنع 🖤🌼.

ـ فمن المريح أن تحمل بين يديك كوباً من القهوة أو الشاي وتعتزل العالم قليلاً.


ـ لتحتسي كوباً من السعادة يكون علي شاكلة أحداهما أو كلاهما كما تفضل .



ـ لكل شخص فينا مزاج معين تجاه القهوة أو الشاي في ناس بتحب السادة والسكر الزيادة.

ـ في ناس بتحب القهوة بالجنزبيل وزي ما قال ابو السيد..

" قهوة منك لوحة يسحر فيها بُنك وينصهر فيها الدواء " 🌼..

ـ القهوة فن من نوع آخر قادرة تحتوي الإنسان وتغير مودو 180درجة وتعدل المزاج.

ـ قادرة تخليك تنسي وتعيش اللحظة في الفنجان وريحة البن في كل مكان ♥.

ـ قعدة القهوة حاجة مميزة وكل شخص عندو ليها طقوس خاصة شديد .

ـ القهوة بلونها البني الأسر قادرة تخش القلب وتخليك متقريف ومتونس وبتظبط دماغك وبتخليك منعنش ..

" القهوة حب في فنجان تحتسي علي مهل " ☕️.



أما عن الشاي ..


" فهو حكاية وراء كل كباية " 🤍.

ـ وليهو جمهور كبير فالشاي من معدلات المزاج برضو وحاجة كدا في منتهي الحلاوة ..

ـ كوب شاي صغير قادر يخلي فرق كبير وشعور حلو جواك وونسة بطعم..

ـ وفينا المزاجو شاي ساي وفي البفضل يشربو بكنهتو الخاصة ولكن نتفق في أنو ..

" نعنع كؤوسك إن أردت شرابها، لا خير في شايً بلا نعناع " 🌼

ـ شاي النعناع حاجة منتهي النعنعة والنعنشة والفرفشة يخوانا والشاي القرنفل والهبهان والشاي بالقرفة والشاي الأخضر.

ـ وشاي اللبن ودا البوص حقيقي الشاي حلو بكل نكهاتو وحقيقي حلاتو بحلي لكل زول قعداتو ..


ـ الشاي بنزل علي القلب أولاً والقهوة بتمش لي عقلك وبتكيفك ..

#ومن_الاخر_كدا

" خيارين هم قهوة أم شاي ومابينهما أقعد ساي " 💚..


#سمرية

" افعل الأشياء بحب أو لا تفعلها " 💜.


ـ في البداية لاذم تعرف أنو علشان تقدر تعمل حاجة لاذم يكون عندك حب تجاها لأنك لما تحب حتخلص حتكون مرتاح وقادر تبدع وقادر تكون في البيئة المناسبة والمريحة بالنسبة ليك ..

ـ وحبك للحاجة بخلي شغفك مستمر تجاها وقادر تكمل ..

" لايمكن تحقيق أي شي عظيم بدون شغف " 🌼.

ـ في البداية لابد نكون عارفين الشغف أساساً هو شنو طيب ..

ـ الشغف هو حماس شديد أو رغبة لا تقاوم تجاه حاجة معينة أياً كانت شخص أو أهتمام معين أو فكرة أو موهبة المهم حاجة بتحس بالإندفاع ناحيتها وبتكون متحمس ليها.

ـ بس طالما عرفتا الشغف لاذم تعرف أنو ماكل ميول تجاه حاجة بيعني شغف يعني ممكن يكون عندك هوايات كتيرة.

ـ بس شغفك يعني بكون مثلاً في واحدة او قول اتنين فلما تأخد الحاجة دي بجدية تامة وتكون إنفعالي تجاها وجواك حماس إنو تعرف عنها أكتر تطور منها وكدا يبقي فعلاً شغف.

ـ أما أذا كنت بتعمل حاجة وأنت مرتاح بس ماعندك شعور قوي تجاه الحاجة دي فممن تكون مجرد هواية .

" يعني الشغف طاقة وشعور بكون نابع من تركيزك علي الحاجة البتحس بحماس تجاها" ..

ـ طيب الشغف ما بس مجرد كلمة تطلقا علي نفسك والسلام يعني بكون في مرحلة معينة لما تكون صادق فيها مع نفسك وتعمل الحاجة اللي بيلهمك ليها عقلك يعني بدون مجهود منك.

ـ لما تكون الحاجة دي متوافقة مع طبيعتك وبتكتسب بيها طاقة بلا ما تخسر.

طيب كيف تقدر تكتشف شغفك 🤍!

ـ تفتش عن مهاراتك أو مواهبك او مميزاتك كفرد يعني الحاجات اللي أنت بالفطرة هي موجودة وبتستمتع بيها.

ـ ماف زول يقول ماعندو واحدة من ديل بس في شخص ماقدر يصل للحاجة دي او إتناساها المهم أرجع بذاكرتك شوف وأنت صغير عندك ميول لي شنو كان ساعتها حتلقي إجابة.

ـ طيب مرات الإنسان بمرحلة كدا بيفقد فيها الشغف ساعتها لاذم يراجع نفسه علشان يقدر يعرف السبب شنو مرات بكون بسبب أنك ما قدرتا تحدد هدف معين عشان تقدر تركز عليه.

ـ أو بسبب الإحساس بالملل أو الأرهاق سواء جسدي أو عاطفي يعني تحس نفسك مستنذف وما عندك حاجة تقدمها لي نفسك.

ـ او عدم الإحساس بالإنجازات وشعورك بعدم الثقة وتقدير النفس.

ـ أو وجودك في بيئة الأشخاص فيها سلبيين فبالتالي بيأثرو علي طريقة تفكيرك.

ـ التشتت يعني تفقد وجهتك الحقيقة تجاه أحلامك وطموحاتك وتحس نفسك ما قادر تكمل .

ـ يبقي عشان تتجاوز الحتة دي لاذم يكون عندك إصرار وماف شي صعب يتصلح طالما جواك يعين.

" فقدان الشغف مرحلة مؤقتة "

ـ عادي جداً تقدر تسترجع الشغف دا أولاً بأنو تمنح نفسك وقت كافي ترتاح فيهو وتشحن طاقتك يعني كإجازة صغيرة تسترجع فيها الإلهام.

ـ تركز علي نقاط قوتك وتحاول تكتشف مواهبك من جديد وتقلل عن نفسك الضغط والتوتر وماتخاف ترجع خطوة لوراء لانو حتساعدك تمش خطوتين لقدام.


ـ تحاول تغير في طريقة التنفيذ عشان تكسر حاجز الملل وتفكر خارج الصندوق.

ـ تحاول تغير المكان والجو الحوليك وتهتم بصحتك وتكون معافي تماماً وأنك ما تستسلم مهما كان.

ـ حاول تمارس رياضة اياً كان ولو مشي لمدة نص ساعة او اقل وابعد عن الناس السلبية ومواقع التواصل لفترة.


ـ لاذم تخت في بالك أنو ماف حاجة صعبة مالم تصعبها علي نفسك مالم تتكاسل وتكسر الحنك .

ـ وفي حاجتين مهمات عشان تقدر تنجز صح اللي هي وضع الخطط وأدارة الوقت لو قدرتا تظبطهم حتكون كل حاجة ماشة في السليم ♥..

في الروابط دي حتلاقي كورس تحفيز وأدارة وقت حيفيدوك شديد ..


ـ هنا تقدر تعرف تحفز نفسك
https://www.for9a.com/courses

ـ من خلال المنصة دي حتعرف كيف تدير وقتك بصورة صح.

https://www.edraak.org/programs/course-v1:Edraak


#سمرية

ـ أحياناً بنجي نفضفض ليك ونحكي ما عشان تقدم لينا حل ولا حتي عشان تتعاطف معانا بس عشان نخفف من زحم المشاعر جوانا.

ـ الفضفضة دي بتديك مساحة تتنفس بعدها وما بهم الشخص التاني أهتم أو لا المهم أني بشكل ما قدرتا أطلع الجواي وأتنفس شوية.

ـ أني قدرتا أخفف الضغط النفسي الحاسة بيهو ومابالضرورة أفضفض لي شخص بعينه ممكن أفضفض مع نفسي في السجاد وأنا قريبة من ربنا أو بالكتابة أو بالدموع وأكتر حاجة مريحة.

ـ وعادي جداً أقعد أفضفض مع روحي في الأخر المهم تحس نفسك مرتاح وكأنك رميت الصخرة الشايلها علي أكتافك والسلام.

ـ بس أحلي شعور لما تلاقي شخص تفضفض ليهو وتلاقيهو ببسط ليك كل الأمور بوريك قدر شنو هي ما مستاهلة زعلك وبيعرف يضحكك وينسيك.

ـ بدون ما يتكلف أو يديك أحساس بأنو دي مجرد محاولة مواساة منو بل بالعكس يقوليك يا سيدي وأنا كمان بسمع منك وبحكي ليك ومالو ♥ .

ـ صح أحياناً بعد تفضفض بجيك شعور يقوليك للي عملتا كدا ويغلغلك وبتاع وكدا والمهم ما تندم اصلو يا أنسان ..

ـ بس ياريت لما زول يجيك ما تخليهو يحس بشعور الندم لاذم تعرف أنو إستأمنك جزء منه وشاركك فيهو من دون الناس فإياك تخزلو فيك إتفقنا.

#ومن_الاخر_كدا

" أذا جاء مفضفض لكم فأسمعوه بالله " 🌻

#سمرية