" الصحاب مش بالكلام " ♥️🖇️.


ـ الصُحاب ما بالضرورة يكونو بالعشرة والسنين ولا حتي بالعدد أحياناً الواحد أفضل من عشرة.

ـ الحكاية أنو كل الناس قادرة تحبك وأنت كويس وأنت في بتقدم ليهم كل حاجة بس ما حيقدرو يحبوك وأنت ما كويس ومازي العادة ولاحتي حيقدرو يفهمو التغيير الحاصل سببو شنو.

ـ بس الصُحاب هم اللي قادرين يشوفو الوجع الجوانا قبال ما نحكيهو وحتي من دون ما نشكي من نظرة بس قادرين يعرفو حجم الوجع جوانا.

" الصحاب ترياق وجيعتك
الصحاب مكمن يقين "

ـ عشان الصحاب طاقات آمان والمساحة البنحس فيها براحتنا ♥.

ـ عشان هم لحظتا حيقدرو يستوعبوك ويلملمو شتات نفسك ويساعدوك تتجاوز اللحظات البتمر بيها.

ـ هم دليل الوجهة الصاح ليك في الحياة
والقادرين ياخدو بيدك لي سكة صح .

قالوا..

" الصُّحاب بَصَرك.. إذا شوفَك رِهاب" ! ♥️

ـ وحقيقي هم كدا لانهم القادرين يشوفو مصلحتنا لما يكون معمي علينا ويورونا الصح من الغلط.

" الصُحاب تسند وتشيل، وتخفف لو الحمل تقيل💙."

ـ بالجد بخففو عننا كل الحمل البنكون شايلنو علي أكتافنا وفي كل المواقف الصعبة بنلقاهم أول ناس.

ـ أنا مبسوطة شديد أني في وسط كل التفاصيل الحلوة والمرة قدرتا أكسب صحبات عمرهم مابتعوضو.

ـ معاي في كل خطواتي وهم سندي والكتف البتكل عليهو هم البقيفو معاي في أصعب اللحظات .

ـ صحباتي ديل النور البيضوي حياتي رغم العتمة وحقيقي مهما أقول فيهن ما كفاية.
انتو عارفين ..

" البنجيني من ضِيق الوَسيعة وظُلمها
شيل الصبُر..ضِحك الصُحاب..كم لحظة في جُوف السكون تنزل على الخاطِر جَبر.."💙

ـ صحباتي ديل هن حظي الحلو في الحياة ومكسبي الوحيد من بين الخسارات.

ـ شكراً ليهم شديد ووجودهم في حياتي حب شديد لأنهم علي طول قادرين يطمنونا وبقولو لينا الصعب بيعدي.

ـ حب كبير لأنهم بمدونا بالأمل عشان نقدر نكمل وعشان بفكرو معانا وعلي طول بفتشو لينا الحلول وببسطو لينا الأمور وبقولو ما بتستاهل.

ـ حب لأنهم قادرين ننسي كل الوجع ونضحك وبحبوبنا بي عيوبنا ونرفزتنا وكل تفاصيلنا.

ـ حب لأنهم الموجودين علي طول لو مشو كل الحولينا ..

ـ حقيقي ممتنة شديد لي صحباتي ويارب ما أتحرم منهم ويفضلو معاي طول العمر يارب وكتير البتقال ليكم بس قليل اللي يقدر يوصف مشاعري تجاهم.


ـ لأنو مكانتكم وحبكم جواي أكبر من مجرد وصف محبات للأبد 💛.

#سمرية

الدنيا يا ناس دار فنــاء
حتقاسي فيها من العناء
وحتضوق مرارة حنظلاء
وحتي المحـن والابتـلاء
...

الدنيا يا ناس إمتحـان
ودروس علي مر الزمان
يجي يوم تعيش كايس الأمان
ويوم محاوط بالحنـان
....


الــدنيا أم وشاً عبـوس
مرات علي حلمك تدوس
تعجن مشاعرك وليك تعوس
تهراك بالحرب الضروس
....

الدنيا يا ناس جـ ـد فقر
كاويها بالرضا والصـبـر
صح الصبر في طعمو مر
الا اخرو بكـون جبـــر

...

#سمرية

من أخبرك؟

بأنني أن غبتَ قد أَشتاقُ
لك أو ربما قد أفقدك ..

أنسيت حين تركتني
للإحتمال من السبب ..

وجعلتني في حيــرة أشكو
وفي قلبي تعب ..

ما كان ذنبي حين كنت
لقلبك القاسي أُحب ..

لو كنت حقاً لي تحب
لقبلتني وبرغم أنف الإختلاف
لكنت لي بحراً وكنت
لك الضفاف..

لكن غرورك كان
يأبي الأعتراف
حقاً غرورك كان
يأبي الأعتراف ..

فالآن قد حكمت
عليك المحكمة
بأن يعلق حبك
المغرور حالاً
في حبال المشنقة ..

#الزينب
#سمرية

أتظن أنك عندما أفلتني
وذهبت مني في طريق ثاني..

وتركتني للإحتمال يذرني
ويصيبني بالحزن والبهتاني ..


أتظن أنك أن بعدت يصبني
كسر أو يضيع كيــانــــي ..



عبثاً تحاول أن تعود بجانبي
ولن يعوضك الجميع مكاني ..


#سمرية

في مشهد.. 📌

ـ شخص بيغلط علي الناس وبيعمل تصرفات مؤذية في حق نفسو والحوليهو ما بيحترم الكبير وأسلوب كلامه غير لائق بتاتاً.

ـ وبستصغر الناس وأنت مثلاً كصديق شايف أنو الحاجة دي ما صح وجيت نصحتو من باب " الدين النصيحة ".

ـ وعشان أنت بتحب ليهو الخير وعايز سيرتو بين الناس تكون بالكلمة الطيبة فساعتها هو حيضايق شديد ويزعل منك وينهي العلاقة البيناتكم ويقول ليك شايف نفسك أحسن مني مثلاً ويفصلك طوالي.

ـ ويطوي الصفحة دي ويسيبك كأنك ما كنت بس عشان أنت صارحتو بالحقيقة وحاولت تبين ليهو أنو تصرفو ما كويس تلقائياً بتجاوزك ..


في نفس المشهد بزواية أخري ..📌

ـ نفس الشخص دا بكل التصرفات دي ولقيتو وجيت قلت ليهو يا فلان للأمانة كدا أنت ما فيك ولاعيب .

ـ اي زول ما بلزم حدود معاك كبير ولا صغير قوم بالواجب معاهو رد ليك بي كلمة اديهو اتنين زي السم لمن يتكيف وهكذا .

ـ او أقل حاجة ممكن تعملا لو ماقلتا ليهو كدا تسكت وتغض النظر عن تصرفاتو اللي حيفضل يتمادي فيها كدا ..

ـ او يمكن تقول ليهو أنت حر في تصرفاتك وأنا ما بتدخل فيها وأعمل البريحك .

ـ وأضعف شي تمشيهوو بس وكانو هو بيعمل في الصح وزيادة ..

ـ أنت عارف أنو كدا حيحترمك شديد وحيشوفك زولو لانك ماواجهتو بالحقيقة اللي هو فعلاً بعرفها عن نفسو وماعايز يصدقها أو بالأحري ما عايز شخص يثبتا ليهو ..

ـ عايز يفضل عايش علي وهم انو كل حاجة بعملها في مكانها وانو دا الصح مهما كان غلط في نظر غيرو ..

#ومن_الاخر_كدا

" نتفق علي أنو الناس ما بتحب فكرة الشخص البقدم ليها النصيحة أو يثبت ليهم حقيقة نفسهم .

ـ بل بالعكس بتحب الشخص اللي قادر يخليهم يصدقو الوهم العايشين فيهو دا ويخدرهم بيهو..

فيبقي أنت لمن تقول الحقيقة حتتعاقب بالنفي طوالي بدون مقدمات ..

ـ لو لقيت زول بديك نصيحة ياريت تحاول تراجع نفسك ماف زول ببهتك بي حاجة مالم يشوفها فيك ولو جاك براك وحكي ليك وقال ليك الحقيقة لاذم تعرف أنو الشخص دا عايز ليك الخير والله ♥ ..

ـ ولاذم تعرف البمشيك في الغلط ماعايز مصلحتك .. لكن علي أنو يخسرك بالحقيقة أفضل من يعيش معاك كذبة كذبتها علي نفسك وصدقتها ..


"يقول الحقيقة من إكتفو من قناع الوهم الذي ترتديه ورؤيتك تظلم نفسك وتخدعها .. فيفضلون قولها والمغادرة " 🌻


#سمرية

"إن لم تزهر الوردة، اعمل على إصلاح البيئة التي تنمو بها، وليس الوردة " 🌻..

ـ كذلك يخوانا نحن لما نحس أننا ماقادرين نأدي مهمانا بصورة كويسة .

ـ أو ما قادرين نحقق أحلامنا بسبب الناس المحطمة والبيئة بتاعت السلبية .

ـ أو بسبب عدم ثقتنا الكافية بنفسنا واللي هي تلقائياً مؤثرة علينا شديد .

ـ يبقي نحن بالجد محتاجين نصلح نفسنا أولاً ونرمم ذاتنا ونسترجع ثقتنا بي أنفسنا.

ـ مانقلل من شأن طموحاتنا مهماكان ولا حتي نعيش في
بئية غيرة مناسبة .

ـ وعشان كدا نحن مالم نغير نفسنا والبيئة الحولينا ما حنقدر ننجز حاجة ولا حتي حنقدر نمشي صح ..

ـ لاذم نتخلص من كل حاجة هي ممكن تفسد البيئة الحولينا خصوصاً لو كان تفكيرهم محدود ونظرتهم سالبة وبحبو الإنتقاد.

ـ لاذم تتجاوز التفاصيل المرهقة دي لانها ممكن تأثر علي إنجازك وحياتك ونفسيتك حاول تخلق جو مريح من حولك وإتعامل مع ناس مريحة ♥ .

#سمرية

لقد تقدمت إلى المستوى الذهبي على دوولينجو

‏كُلما ضاقت نَفسُك ، استغفر لِـ ترتاح🤍.

شمس التبريزي قال : " كيفَ يُمكِن للبذرةِ أن تُصدِق أن هُناك شَّجرةٌ ضَخمةٌ مُخبأة داخِلها ؟ ما تبحث عَنهُ مَوجُود بداخِلك " .

ـ فالكلام دا بينطبق علينا فعلياً الواحد فينا قد يكون قادر يعمل حاجة عظيمة شديد.

ـ بس هو ما شايف انو قادر علي الحاجة دي وقد يكون مستهون بيها او حتي شايف ما بتستحق الاطراء البلقاهو عنها.

ـ حقيقي نحن محتاجين نكون واثقين اكتر من نفسنا ومن الحاجات البسيطة الممكن نقوم بيها.

ـ فنحن محتاجين ننظر لي نفسنا من زاوية تانية .

ـ حقيقي إيمانك بنفسك ممكن يخليك في المستقبل شخص عظيم ♥

#سمرية

" لا تسألني عن الخيانة فأنا لا أعتقد أن هناك كلمات قادرة على وصفها "

ـ الخيانة حقيقي كدا أقسي شعور سيء جداً قد يمر بيك في حياتك .

ـ سواء كانت من قريب أو غريب أو حتي صديق أو زوج أو اياً كان الشخص اللي بتربطك بيهو علاقة .


ـ الخيانة دي انتهاك لي ثقة الشخص فيك وعلي العهد البينكم وأكعب حاجة ممكن تأذي بيها الطرف التاني.


ـ الخيانة هي الهزيمة الوحيدة الممكن تتحصل عليها بدون حرب حتي.


ـ الخيانة حاجة مؤذية للحد المميت أحياناً تخيل شخص كان طول عمرو بيحرم نفسه عشان يقدم ليك " أنت/ي " 💔..


ـ ويكون جزاهو خيانة الحب البتقدمو ليهو ومابقدر يرد ليك ولو بسيط منو تلقاهو بقدمو لي شخص تاني أضعاف ..



ـ حقيقي مهما كانت الأسباب والدوافع وراء الخيانة يفضل تنتهي العلاقة بدون ما يتأذي الطرف التاني ..


ـ لما تحس بي نفسك ما حتقدر تكون وفي في علاقة ياريت ما توعد شنو ما توعد لانو الأمل البتديهو غيرك .

ـ لما تجي في الأخر تقلعو قلع ساعتها أنت بتكتب نهاية لي مشاعرهم ولي إحساسهم الحلو تجاهك ..

ـ لي كل الحلو القدمو ليك وقدتسبب ليهو حالة نفسية سيئة ..


ـ والحالة دي حتي لو قدر يتجاوزها ما حتكون غير بكتير من الخسائر أولها الثقة في شخص تاني ..



" الخيانة كلمة لا تحتويها الأحرف هي كالخنجر المسموم والطعنة خلف الظهر "


ـ ياريت كل شخص قبل ما يفكر يخون شخص تاني يخت نفسو في مكانه ويشوف ..

ـ هل حيقدر يستحمل مرارة الشعور دا سؤال !.


" سؤال أكبر من مجرد إجابة " 🥀.



#سمرية

أسألتِـي نفسَـكِ يومـاً ما
أن كيـفَ يطِيبُ الجرحَ الغائِـرُ
في الأعماق ...

أن كيـفَ يُجيبُ السائِلُ نفسـهُ؟
كيفَ يكُـونُ الداءُ دواءً ؟
كيفَ يكُـونُ الراحِـلُ باق ؟! ...

أرأيتِ الماضِـي حِينَ تحوَّل قِطعَـاً
، مِزقـاً أو أشلاء ...

أسألتِـي نفسَـكِ ما الإِعيَـاء ؟

هل كـان حنينـاً
شوقـاً
حُبَّـاً دُونَ رِيـاء ...

أم كانَ كلامَـاً
ثُـمَّ سلامَـاً
كانَ العيشَ كما الأمواتِ
مع الأحيـاء ...

يحتضِـرُ الآنَ بعقلِـي سُؤال ...

ينتحِـرُ سُؤال ...

وجـوابُ الأسئِلةِ الحيَّةِ قد باتَ
مُحـال ...

أسألتِـي قلبَكِ كيفَ الحَـال ؟...

أرأيتِ سواكِنكِ تنتفِضُ
بقايا الأُلفةِ قد تنقرِضُ
جِـدارُ الصمتِ بدَا
مُنهـار ...

عيناكِ تشيخُ بكُلِّ دقيقـة ...

يظلُّ الصمتُ جوابـاً أمثَـل
حين يُظنُّ الزِيفُ حقيقة ...

فلملمِي بعضَكِ واسنِدي ذاتكِ ...

من يهواكِ سيصرٍفُ نظرهُ
عن هفواتكِ ...

إِنَّ الماضي أصبـحَ ماضِـي
عيشِـي بِحُبٍّ حتى
مماتِك ...

#غفران_تاج_الســر 🌸

هذا الصباح ..!

- أتمنى انكم تفهموا كيفية اختيار الشريك الصح، لانو ما ينفع نختار انسان عكسنا و نحاول نخليهو يشبهنا ..!

- مافي علاقات بتستمر من دون اتفاق في الطِباع، مستحيل انسان ما بشبهك تقدر تخليهو مرتاح معاك..!

- باختياراتكم للطرف التاني بتعبوا نفسكم و بتعبوا معاكم الناس الحولكم، لانو اي قرار حياتي مبني على العاطفة فاشل ..!

- ما تختاروا على اساس الحب، المشاعر عنصر مهم بس ما الأهم ، لان الحب مع الأيام ببقى شعور عادي و متعود عليهو و ممكن يختفي، اما لمن تختار انسان بناسبك و متقبلك و فاهم حقيقة طبعك و سوءك عمرك ما ح تندم ..!

" الحب عمرو ما ح يشفع الاختيار الغلط "

- اختار انسان مناسب مع اهلك، و انت قادر تتعايش مع اهلو، انسان انت عارف انو عصبي او طبيعي .. و عارف انو عادي فجأة يزعل او ممكن عادي فجاة يفرح ..!

" العاطفة مسموحة في كل القرارات إلا شريك حياتك اختارو بالعقل " ❤️

" ما تقبل تكون سد خانة، حس انك المناسبة للمكانة او امشي "

" المهم تكون راضي و سعيد "❤️🫂

ـ كان حين يحادثني أصبح وكأن لدي إجنحة أرفرف بها عالياً بين سحاب السعادة .

ـ ولكن سرعان ما أصبح الأمر هباءً منثورا وتلاشت السحب وتقطعت جناحي.

ـ من نفس الشخص الذي منحني إياها أن تكسر ممن أمنته نفسك ذلك أقسي شعور 📎🌻.

#سمرية

صباح الخير ، صباح يُوم الجمعة اللطيّف ..💜

اللهم في يوم الجمعة أرنا لطفك ورحمتك في قضاء حوائجنا وأرنا كرمك وقدرتك في ماتعلق بة قلوبنا ، ولا تدع امنية في قلوبنا إلا وحققتها بقدرتك ، واكتب لنا تغيرا للأفضل في أنفسنا وحالنا ولا تجعلنا وجعاً لأحد ولا عبئاً لأحد وأرزقنا خير الأقدار وأرضنا بها واكفنا يارب شر خلقك وأرزقنا الجنة .

ـ قِراءة واحدة صادقة لكتاب الله، تصنع في المسلم ما لا تَصنَعُه كل المُطولات الفكريّة؛ بِلغتها الباذخة وخُيلائها الإصطلاحي" ..

ـ ‏" وإن القرآن ليقع من القلب بمكان كما يقع الماء على الأرض الجدباء؛ فطيبوا نفسًا يا أهل القرآن بربيع قلوبكم "♥

ـ فالقرآن لا يحتاج إلى وقت ، ‏وقتك هو الذي يحتاج إلى القرآن💛!

ـ فيامن انشغل بالقرآن، لتعلم أن القضية قضية اختيار واصطفاء ، تأمَّل في مشارب الناس حولك!ذاك شغلته الدنيا، وذاك شغله المال، وآخر شغلته السهرات والسمرات،بينما أنتَ تكرر الآية تلو الآية لترسِّخها في صدرك!

ـ حينها يتجلَّى لك قول الله لموسى :
‏(وأنا اخترتك فاستمع لما يُوحى)❤️

ـ ‏فقم وأمض معنا فأن طريق القرآن أوله جنة الدنيا، وآخره جنة المأوى ..



فيارب أجعل القرآن ربيع قلوبنا ..🌸

#يلا_نختم
#وردك_يزهر_قلبك
#حتي_لا_يهجر


‏