Xitoylik olimlar ilmiy-tadqiqot institutiga tashrif buyurishdi

O‘zaro hamkorlik doirasida O‘simliklar karantini va himoyasi ilmiy-tadqiqot institutiga Xitoyning Sinjian O‘simliklarni himoya qilish institutining bir guruh olimlari tashrif buyurdi.

Mutaxassislar institut laboratoriyalari faoliyati, so'ngi tadqiqotlar, olimlarning ilmiy izlanishlari natijalari bilan tanishdilar.

Ma’lumot o'rnida ta’kidlash lozim, O'simliklar karantini va himoyasi ilmiy-tadqiqot institutida o'simliklarning zararli organizmlari, kasalliklari, virus va bakteriyalariga samarali kurash olib borish maqsadida ilmiy izlanishlar olib boriladi. Shuningdek, biologik kurash choralari ham sinovdan o'tkazib kelinmoqda.

Tashrif davomida ikki tomonlama ilmiy hamkorlikni rivojlantirish va Xitoyning O‘simliklarni himoya qilish ilg‘or tajribasini mamlakatimizda tajriba tariqasida sinovdan o'tkazish masalalari muhokama etildi.

Xitoylik olimlar bilan O'zbekiston uchun muhim bo'lgan bir qator yo'nalishlar yuzasidan ilmiy izlanish olib borilishiga kelishildi

Ikki tomonning qiziqishiga sabab bo'lgan mavzulardan biri — g'alla kasalliklari masalasi bo'ldi. Sinjian O‘simliklarni himoya qilish instituti hamda O‘simliklar karantini va himoyasi ilmiy-tadqiqot instituti o'rtasida hamkorlikda g‘allani kasalliklardan himoya qilish bo‘yicha loyiha shartnomasi tuzildi. Ushbu loyiha doirasida Xitoy tajribasini o'rganish, samarali kurash choralarini joriy etish, kasalliklarni erta aniqlash va biologik/kimyoviy kurash chorasini to'g'ri belgilash va shu orqali yuqori xosildorlikni oshirish rejalashtirilgan.