✅ Tomorqa yer egalarining ekin maydonlari agrokimyoviy tahlildan o‘tkazilmoqda
✍️ Samarqand viloyatining Jomboy tumanida 148 ming nafarga yaqin aholi istiqomat qiladi. Tumanda qishda qishloq xo‘jaligi mahsulotlari issiqxonalarda yetishtirilsa, boshqa fasllarda ekin yerlaridan unumli foydalaniladi.
🍎🍓Mahsulotlar asosan ichki bozorga yo‘naltrilib, sifati va parametrlari bo‘yicha eksportbop hisoblanadi.
💬 Eksportni rivojlantirishga ma’sul tashkilotlar, jumladan Respublika agrokimyoviy tahlil markazi mutaxassislari ishtirokidagi seminarda yer egalari ana shunday imkoniyatlar haqida tushunchalar berildi.
🔄 50 dan ortiq xonadon ishtirokida tashkil etilgan seminarda eksportbop mahsulot yetishtirishda tuproq agrokimyoviy tahlilining ahamiyatiga alohida e’tibor qaratildi. Qayd etish lozim, madaniy ekin turiga qarab tuproqqa solinishi lozim bo‘lgan moddalar belgilanadi. Misol uchun, boshoqli ekinlarga azot muhim, makkajo‘xori esa fosforga to‘yingan tuproqda yaxshi rivojlanadi, kartoshka va lavlagi uchun kaliy miqdori normada bo‘lishi zarur. Moddalarning hajmi esa tuproq agrokimyoviy tahlili natijasiga ko‘ra aniqlanadi.
🌲Tuproq agrokimyoviy tahlili tartibini tushuntirish maqsadida aholi tomorqalaridan namunalar olinib, laborantlar tomonidan laboratoriyada tekshiruvlar o‘tkazildi. Mazkur tahlillar natijasida tavsiyanoma tayyorlab beraladi. Unda har bir ekin turini yetishtirishda organik va mineral o‘g‘itlarni qo‘llash me’urlari bo‘yicha tavsiyalar aks ettiriladi.
🔰 karantin.uz 📱Facebook 📱Instagram📺Youtube ✖️Twitter 