📆 Bugun "Avtomobilsiz kun"

✅ Agentlik tizimidagi tashkilotlar xodimlari ham mazkur ijtimoiy aksiyada faol ishtirok etishdi va jamoat transportida foydalangan holda bugun ishga shaxsiy avtomobilsiz kelishdi.

✍️ Prezidentning fevral oyidagi farmonida shu kuni rahbarlar va boshqa davlat xizmatchilari ishga jamoat transportida yetib kelishi belgilab qo‘yilgan edi.

🔄 Aksiyadan ko‘zlangan asosiy maqsad sog‘lom turmush tarzini targ‘ib qilish, atrof-muhitni muhofaza qilish masalalariga jamoatchilik e’tiborini jalb qilish, shaharlarda avtomobillar harakatini kamaytirish va jamoat transportini rivojlantirishdan iborat.

🔰 karantin.uz 📱Facebook 📱Instagram📺Youtube ✖️Twitter

✅ Toshkent viloyatida eksportyorlar bilan ochiq muloqot o'tkazildi

🔴 Bugun O'zbekiston qishloq xo'jaligida mavjud eksport salohiyatini ishga solishga e'tibor qaratmoqda. Bu yo'nalishda mahsulotni dalada yetishtirishdan tortib jahon bozorigacha yetkazishgacha bo'lgan barcha bosqichlarda xalqaro fitosanitariya talablariga amal qilish eksport hajmini oshirishda muhim.

📍 Toshkent viloyati O'simliklar karantini va himoyasi boshqarmasi mutasaddilari va viloyatda faoliyat olib borayotgan eksportyor korxonalar vakillari, tadbirkorlar, fermer xo'jaliklari hamda mahalla faollari ishtirokida o'tkazilgan ochiq muloqotda aynan shu masalalar muhokamalar markazida bo'ldi.

📈 Mamlakatimiz eksport salohiyatini oshirish va eksport qiluvchi korxonalarni har tomonlama qo'llab-quvvatlash, milliy mahsulotlarning tashqi bozorlardagi raqobatbardoshligini oshirish hamda tadbirkorlarning muammo va takliflarini bevosita o'rganishga alohida e'tibor qaratildi.

💬 Eksportyor korxonalarga amaliy yordam berish va mavjud muammolarga yechim topishga qaratilgan muloqotda fitosanitariya sertifikatini rasmiylashtirish, mahsulotlarni karantin ko'rigidan o'tkazish kabi yo'nalishlarda mavjud muammolar ham muhokama etildi.

📌 Ma'lumot o'rnida qayd etish lozim, 2023-yilning yanvar-dekabr oylarida Toshkent viloyatining qishloq, oʻrmon va baliqchilik xoʻjaligi mahsulot (xizmat)lari umumiy hajmi 41 001,6 mlrd. soʻmni tashkil etgan. Bu koʻrsatkich oʻtgan yilning mos davriga nisbatan 4 % ga oshgan.

✍️ Kelgusida qishloq xo'jaligi yo'nalishida mazkur ko'rsatgichlarni oshirish maqsadida ochiq muloqotlarni Toshkent viloyatining har bir tumanida tashkil etish ko'zda tutilgan.

#ochiq_muloqot #muammo_yechim #export #chora_tadbir

🔰 karantin.uz 📱Facebook 📱Instagram📺Youtube ✖️Twitter