ንግድ ባንክ ነገ አገልግሎት ይሰጣል!

የኢትዮጵያ ንግድ ባንክ ከ አዲሱ የ ብር ኖት ስርጭት ጋር በተያያዘ በነገው ዕለት እሁድ መስከረም 24 ቀን 2013 ዓ/ም በመላው ሀገሪቱ በሚገኙ ቅርንጫፎቹ አማካኝነት አገልግሎት እንደሚሰጥ አሳውቋል።

ተጨማሪ መረጃ ፦ ከአዲሱ የብር ቅያሪ ጋር በተያያዘ ህብረት ባንክ ነገ ሙሉ ቀን ደንበኞቹን እንደሚያገለግል አሳውቋል።

ማስታወሻ !

አዲሱን የገንዘብ ኖት የመቀየሪያ ጊዜ ሊያበቃ፦

- ከ100 ሺህ ብር በታች ለሆነ 71 ቀን ቀርቶታል።

- ከ100 ሺህ ብር በላይ ለሆነ 11 ቀን ቀርቶታል።

@tikvahethiopiaBot @tikvahethiopia

በሳዑዲ አረቢያ የኡምራ ጸሎት ከነገ እሁድ ጀምሮ መካሄድ ይጀምራል!

በኮሮና ቫይረስ ወረርሽኝ ምክንያት ላለፉት 7 ወራት ተቋርጦ የነበረው የኡምራ ፀሎት ከነገ ጀምሮ ሳዑዲ አረቢያ ውስጥ ለሚገኙ ምዕመናን ክፍት የሚደረግ ይሆናል።

ከነገ በሚጀምረው የኡምራ ፀሎት በየዕለቱ 6,000 ዜጎች የፀሎት ስነ ስርዓት የሚያካሂዱ ይሆናል። ይህ ቁጥር ከጥቅምት 8 ጀምሮ አሁን ካለበት ወደ 75 % እንደሚያድግ ይጠበቃል።

በተጨማሪም ሳዑዲ አረቢያ ከጥቅምት 22 (Nov 1) ጀምሮ ከተወሰኑ አገራት የሐጅና ኡምራ ተጓዦች የምታስተናግድ ይሆናል።

@tikvahethiopiaBOT @tikvahethiopia

#Irreecha2013

የቢሾፍቱ ሆራ አርሰዴ ኢሬቻ በዓል በሠላም ተከበረ።

የኦሮሞ ገዳ ሥርዓት አካል የሆነው የኢሬቻ በዓል ከንጋቱ ጀምሮ በሆራ አርሰዴ በተከናወነ ስነስርዓት ተከብሯል።

የበዓሉ ስነ ስርዓት በገዳ ሥርዓት መሰረት በአባገዳዎች ምርቃት ነው የተጀመረው፡፡

በበዓሉ ላይ ለመታደም ከተለያዩ አካባቢዎች ወደ ሆራ አርሰዴ በማቅናት በባህሉ መሰረት ለፈጣሪያቸው ምስጋናቸውን አቅርበዋል፡፡

በሌላ በኩል የሆረ አርሰዲ የእሬቻ በዓል አባገዳዎች ባስቀመጡት አቅጣጫ መከበሩን አባገዳ ጎበና ሆላ ገልጸዋል፡፡

አባገዳ ጎበና ሆላ መጪው ዓመት የኮቪድ -19 ወርርሽኝ አልፎ እንደተለመደው ህዝቡ በዓሉን በጋራ እንዲያከብረው ያላቸውን ተስፋ መግለፃቸውን ኢቲቪ ዘግቧል።

@tikvahethiopiaBot @tikvahethiopia

የአፋር ህዝብ ፓርቲ በአፋር ክልል በጎርፍ ለተጎዱ ወገኖች የገንዘብ ድጋፍ አደረገ !

የአፋር ህዝብ ፓርቲ ትላንት በሰመራ ከተማ በተደረገ ዝግጅት በአፋር ክልል በጎርፍ ለተጎዱ ወገኖች የገንዘብ ድጋፍ አድርጓል።

የአፋር ህዝብ ፓርቲ ምክትል ሊቀመንበር የሆኑት አቶ ሄሬ ሀመዱ ለክልሉ ፕሬዝደንት ሀጂ አወል አርባ 362,320.00 ብር አስረክበዋል።

አቴ ሄሬ ድጋፉን ባስረከቡበት ወቅት፥ "ለህዝባችን ከዚህ በላይ የሚገባው ቢሆንም አቅም በፈቀደው ልክ ለመርዳት ሁልጊዜም ዝግጁ ነን" ብለዋል።

በሌላ በኩል የአፋር ብሄራዊ ክልላዊ መንግስት ለፓርቲው የምስጋና የምስክር ወረቀት አበርክቷል።

በዚህም ጊዜ የክልሉ ርእሰ መስተዳደር ሀጂ አወል አርባ "የአፋር ህዝብ ፓርቲ መንግስት ሳይሆን ከመንግስት በላይ ለህዝብ የሚያስብ ፓርቲ በመሆኑ ሁሉም በክልሉ የሚንቀሳቀሱ ፓርቲዎችና በሀገር ደረጃም ያሉ ፓርቲዎች አፋር ህዝብ ፓርቲ ብዙ መማር ይገባቸዋል" በማለት ተናግረው ልባዊ ምስጋናቸውን አቅርቧል።

የአፋር ህዝብ ፓርቲ ከአሁን በፊት ለኮሮና ወርሽኝ የገንዘብና የቁሳቁስ ድጋፍ ማድረጉ ይታወሳል።

Via Mussa Adem Oumer
@tikvahethiopiaBot @tikvahethiopia

በሳዑዲ አረቢያ የኡምራ ፀሎት ለሊት ጀምሯል!

በኮሮና ቫይረስ ወረርሽኝ ምክንያት ላለፉት 7 ወራት ተቋርጦ የነበረው የኡምራ ፀሎት ከለሊት ጀምሮ ሳዑዲ አረቢያ ውስጥ ለሚገኙ ምዕመናን ክፍት ተደርጓል።

አሁን ላይ በየዕለቱ 6,000 ምዕመናን የፀሎት ስነ ስርዓት እንዲያደርጉ የተፈቀደ ሲሆን ከጥቅምት 8 ጀምሮ ወደ 75% ያድጋል።

@tikvahethiopiaBot @tikvahethiopia

የመቐለ ዩኒቨርሲቲ ቦርድ በዛሬው ዕለት ፦

- ለዶክተር አፈወርቅ ሙሉጌታ
- ለዶክተር ኢብራሂም ፍትዊ
- ለዶክተር ክንፈ አብርሃ
- ለዶክተር ምሩፅ ሓጎስ
- ለዶክተር ገብረህይወት ታደሰ
- ለዶክተር መሃመድ እስማኤል
- ለዶክተር አለማየሁ ባይራይ እና ለዶክተር ሃፍቱ በርሄ የሙሉ ፕሮፌሰርነት ማዕረግ ሰጥቷል።

Via Mekelle University
@tikvahethiopiaBot @tikvahethiopia