የአሰልጣኝ ጋሪዝ ሳውዝጌት የእንግሊዝ ቆይታ ?

የእንግሊዝ እግር ኳስ ማህበር አሰልጣኝ ጋሪዝ ሳውዝጌት በእንግሊዝ ብሔራዊ ቡድን አሰልጣኝነታቸው እንዲቀጥሉ እንደሚፈልጉ ተገልጿል።

እንግሊዝ እሁድ ከስፔን በምታደርገው የአውሮፓ ዋንጫ ፍፃሜ ጨዋታ ውጤት ምንም ቢሆን አሰልጣኝ ጋሪዝ ሳውዝጌት እንዲቀጥሉ ይፈልጋሉ።

አሰልጣኝ ጋሪዝ ሳውዝጌት የአውሮፓ ዋንጫው ከመጀመሩ አስቀድሞ ዋንጫውን የማያሸንፉ ከሆነ ብሔራዊ ቡድኑን ሊለቁ እንደሚችሉ ጠቁመው ነበር።

@tikvahethsport     @kidusyoftahe

የዩራጓይ ተጨዋቾች ቅጣት ሊጣልባቸው ይችላል !

የደቡብ አሜሪካ እግርኳስ ማህበር ትላንት ሌሊት በዩራጓይ ተጨዋቾች እና ኮሎምቢያ ደጋፊዎች መካከል የተፈጠረውን ክስተት እየመረመረ እንደሚገኝ ባወጣው ይፋዊ መግለጫ አስታውቋል።

በጨዋታው ዳርዊን ኑኔዝን ጨምሮ የዩራጓይ ብሔራዊ ቡድን ተጨዋቾች ወደ ተመልካች መቀመጫ ወንበር በመግባት ከኮሎምቢያ ደጋፊዎች ጋር ተደባድበው ነበር።

ተጨዋቾቹ ከደጋፊዎች ጋር ፀብ ውስጥ የገቡት የኮሎምቢያ ደጋፊዎች ቤተሰቦቻቸውን ለማጥቃት መሞከራቸውን ተከትሎ እንደሆነ መግለፃቸው ይታወሳል።

የሊቨርፑሉ ተጨዋች ዳርዊን ኑኔዝ እና በተፈጠረው አለመግባባት የተሳተፉ ሌሎች የዩራጓይ ተጨዋቾች ተፈፃሚነቱ እስከ ሊግ የሚደርስ የጨዋታ እገዳ ቅጣት ሊጠብቃቸው እንደሚችል ተገልጿል።

@tikvahethsport     @kidusyoftahe

ለተሰንበት ግደይ ከኦሎምፒክ ለምን ቀረች ?

የዘንድሮው የአለም አትሌቲክስ የስፖርታዊ ጨዋነት ሽልማት አሸናፊዋ አትሌት ለተሰንበት ግደይ በዘንድሮው የ2024 ፓሪስ ኦሎምፒክ ውድድር ሀገሯን አትወክልም።

አትሌት ለተሰንበት በኦሎምፒክ ውድድር የማትሳተፈው በቅርቡ በፈፀመችው ጋብቻ ምክንያት በቂ የልምምድ ጊዜ ባለማግኘቷ መሆኑን የኢትዮጵያ አትሌቲክስ ፌዴሬሽን ፕሬዝዳንት ረ/ኮሚሽነር ደራርቱ ቱሉ ከሸገር ኤፍኤም ጋር ባደረገችው ቆይታ ተናግራለች።

" ለተሰንበት ጋብቻ ፈፅማለች እኛም በጣም ደስ ብሎናል " ያለችው ደራርቱ ቱሉ "  በአጋጣሚ ለጋብቻ ስነ ስርዓቱ መሄድ አልቻልንም ለሌሎች አትሌቶች እንደምናደርገው ወይ ከኦሎምፒክ ስንመለስ ያለችበት ሄደን እንኳን ደስ አለሽ እንላታለን " ብላለች።

" ለተሰንበት ግደይ ጨዋ እና በሐይማኖቷ ጠንካራ የሆነች አትሌት ነች እንደ እናት በጣም ደስ ብሎኛል ፣ ለሁሉም አትሌቶች የምመኘው ነው ብትመጣ እና በኦሎምፒክ አብራን ብትሆን ደስ ይለን ነበር።" ደራርቱ ቱሉ

አትሌት ለተሰንበት ግደይ ከወራት በፊት በትግራይ ክልል መቐለ ከተማ በሐይማኖታዊ ስነ-ስርዓት ጋብቻዋን ፈፅማለች።

@tikvahethsport     @kidusyoftahe

አርሰናል ሶስት ግብ ጠባቂ ማስፈረም ይፈልጋል !

የሰሜን ለንደኑ ክለብ አርሰናል በዝውውር መስኮቱ መጀመሪያ ሶስት ግብ ጠባቂዎችን ለማስፈረም አቅደው እየተንቀሳቀሱ መሆኑ ተገልጿል።

መድፈኞቹ የቁጥር አንድ ግብ ጠባቂ ቦታውን ስፔናዊውን ዴቪድ ራያ በቋሚነት በማስፈረም መጀመራቸው ተነግሯል።

መድፈኞቹ በቀጣይ ቁጥር ሁለት እና ቁጥር ሶስት ግብ ጠባቂ ለማስፈረም በጥረት ላይ እንደሚገኙ ተዘግቧል።

አሮን ራምስዴል በቀጣይ ክለቡን ከለቀቀ በቁጥር ሁለት ግብ ጠባቂነት ስፔናዊውን የእስፓኞል ግብ ጠባቂ ሁዋን ጋርሽያ የመጀመሪያ ምርጫቸው እንደሚያደርጉ ተገልጿል።

በተጨማሪም ቁጥር ሶስት ግብ ጠባቂ አድርገው የመጀመሪያ ተመራጭ ያደረጉት የዝውውር ጥያቄ ያቀረቡለትን የ 18ዓመቱን የአያክስ ግብ ጠባቂ ቶሚ ሴትፎርድ መሆኑ ተገልጿል።

@tikvahethsport     @kidusyoftahe

የሙኒክ ደጋፊዎች ዴሊት እንዳይለቅ ድምጽ አሰባሰቡ !

የጀርመኑ ክለብ ባየር ሙኒክ ደጋፊዎች የተከላካይ ስፍራ ተጨዋቹ ማትያስ ዴሊት ወደ ማንችስተር ዩናይትድ የሚያደርገውን ዝውውር ለማስቆም ድምጽ ማሰባሰባቸው ተገልጿል።

ማትያስ ዴሊት ባየር ሙኒክን እንዳይለቅ በተጀመረው የድምፅ ማሰባሰብ ሂደት ላይ 68,000 የክለቡ ደጋፊዎች መፈረማቸው ተነግሯል።

ማንችስተር ዩናይትድ ተጫዋቹን በ50 ሚልዮን ዩሮ የዝውውር ሒሳብ ለማስፈረም ከባየር ሙኒክ ጋር ለመስማማት መቃረባቸው ይታወቃል።

@tikvahethsport     @kidusyoftahe

በምባፔ አቀባበል ላይ 80,000 ደጋፊዎች ይጠበቃሉ !

ሪያል ማድሪድ በሳንቲያጎ በርናቦ ፈረንሳዊውን የፊት መስመር ተጨዋች ኪሊያን ምባፔ ለማስተዋወቅ ያዘጋጀው የመግቢያ ትኬቶች ተሸጠው መጠናቀቃቸው ተገልጿል።

ይህንንም ተከትሎ በአቀባበል ስነስርዓቱ 80,000 የሪያል ማድሪድ ደጋፊዎች በሳንቲያጎ በርናቦ ስታዲየም ይገኛሉ ተብሎ ይጠበቃል።

በአቀባበሉ ዚነዲን ዚዳንን ጨምሮ በርካታ የሪያል ማድሪድ የቀድሞ ታሪካዊ ተጨዋቾች እንዲገኙ ግብዣ እንደቀረበላቸው ተነግሯል።

@tikvahethsport     @kidusyoftahe

🇪🇹 WANAW 🤝 ESCFUK 🇬🇧

የኢትዮጵያ ስፖርትና ባህል ፌደሬሽን በዩናይትድ ኪንግደም ከሐምሌ 12-14፣ 2024 የሚያዘጋጀው 12ኛው አመታዊ የስፖርትና የባህል ፌስቲቫል ዛሬ ይጀምራል!

ዋናው ስፖርት የዚህ ደማቅ ፌስቲቫል ይፋዊ ስፖንሰር እና ትጥቅ አቅራቢ በመሆኑ በድጋሚ የተሰማውን ኩራት ይገልፃል።

Instagram | Facebook | TikTok

🏅 ዋናው ወደፊት...

@wanawsportwear

🎉ፏ ፈሽ በአርባምንጭ ከሳፋሪኮም ጋር!🎊

ሳፋሪኮም ኢትዮጵያ የ2016 ሳፋሪኮም ታላቁ የአርባምንጭ ሩጫ የክብር ስፖንሰር በመሆኑ ታላቅ ኩራት ይሰማዋል! ለመጀመሪያ ግዜ እየተደረገ ባለው በዚህ የታላቁ ኢትዮጵያ የሩጫ ውድድር በአረንጓዴዋና ውቢቷ አርባምንጭ ተገናኝተን በጋራ ፏ ፈሽ እንበል!

🎽የታላቁን የአርባምንጭ ሩጫን ቲሸርት በM-PESA እየገዛን ከሴቻ (ፌሬንድሽ ካፌ) ወይም ከሲቀላ(ቱሪስት ሆቴል) እንውሰድ!

🌴 ሐምሌ 7 እንገናኝ!

🔗የM-PESA ሳፋሪኮም መተግበሪያ በዚህ ሊንክ እናዉርድ:
https://play.google.com/store/apps/details?id=et.safaricom.mpesa.lifestyle
ስለ አገልግሎታችን ማንኛውንም ጥያቄ ወይም መረጃ በቴሌግራም ቻናላችን https://www.tg-me.com/Safaricom_Ethiopia_PLC 24/7 ማግኘት ይቻላል!

#MPESASafaricom
#SafaricomEthiopia
#1Wedefit
#Furtheraheadtogether

#EURO2024

እንግሊዝ ውስጥ በርካታ ትምህርት ቤቶች ተማሪዎቻቸው በመጪው ሰኞ ጠዋት ከተለመደው የመግቢያ ሰዓት ዘግይተው እንዲገቡ ፍቃድ እንደሚሰጡ ተገልጿል።

ትምህርት ቤቶቹ ይህንን የሚያደርጉት ተማሪዎቹ እሁድ ምሽት እንግሊዝ ከስፔን ጋር የምታደርገውን የአውሮፓ ዋንጫ ፍፃሜ ጨዋታ አምሽተው እንዲመለከቱ መሆኑ ተነግሯል።

አንዳንድ ትምህርት ቤቶች ዛሬ ተማሪዎቻቸው የእንግሊዝ ብሔራዊ ቡድን ማልያን ለብሰው እንዲገቡ መፍቀዳቸው ተገልጿል።

@tikvahethsport     @kidusyoftahe

ምባፔ የራሱን ክለብ ሊገዛ መሆኑ ተገለጸ !

ፈረንሳዊው የሪያል ማድሪድ የፊት መስመር ተጨዋች ኪሊያን ምባፔ በቀጣይ የራሱን እግርኳስ ክለብ ለመግዛት ማቀዱ ተገልጿል።

ኪሊያን ምባፔ እና ቤተሰቡ በቀጣይ በፈረንሳይ ሁለተኛ ሊግ የሚወዳደረውን ኮን እግርኳስ ክለብ ለመግዛት ማሰባቸው ተነግሯል።

ምባፔ በልጅነቱ ተጫውቶበት እንደነበር የተገለፀው ክለቡ በአሁን ሰዓት በፈረንሳይ ሊግ ሁለት ሲወዳደር ባለፈው አመት ዘጠነኛ ደረጃን በመያዝ አጠናቋል።

@tikvahethsport     @kidusyoftahe

ማንችስተር ሲቲ ከተጫዋቹ ጋር ተለያየ !

ስፔናዊው የግራ መስመር ተጫዋች ሰርጂዮ ጎሜዝ ማንችስተር ሲቲን በመልቀቅ የስፔኑን ክለብ ሪያል ሶሴዳድ መቀላቀሉ ይፋ ተደርጓል።

ከሁለት አመታት በፊት ከአንደርሌክት ማንችስተር ሲቲን የተቀላቀለው ተጨዋቹ በ 10 ሚልዮን ዩሮ ሪያል ሶሴዳድን መቀላቀሉ ተገልጿል።

ተጨዋቹ በሪያል ሶሴዳድ ቤት አስከ 2030 የሚያቆየውን የስድስት አመት ኮንትራት መፈረሙ ተዘግቧል።

@tikvahethsport     @kidusyoftahe

ዩናይትድ የተጫዋቹን ውል አራዘመ !

ማንችስተር ዩናይትድ የተከላካይ ስፍራ ተጨዋቹን ጆኒ ኢቫንስ ኮንትራት ለተጨማሪ አመት ማራዘማቸውን ይፋ አድርገዋል።

ጆኒ ኢቫንስ በማንችስተር ዩናይትድ ቤት ለተጨማሪ አንድ የውድድር አመት ለመቆየት ፊርማውን ማኖሩ ተገልጿል።

“ ውሌን በማንችስተር ዩናይትድ በማራዘሜ ተደስቻለሁ ፣ ባለፈው በጋራ ያሳካነው ኤፌ ካፕ የማይረሳ ነበር አሁንም በቀጣይ ተጨማሪ ዋንጫዎችን ማሸነፍ እንደምንችል አውቃለሁ።"ሲል ኢቫንስ ከፊርማው በኋላ ተናግሯል።

@tikvahethsport     @kidusyoftahe

ኬፓ አሪዛባላጋ ወደ ሳውዲ ሊያመራ ነው !

ስፔናዊው የምዕራብ ለንደኑ ክለብ ቼልሲ ግብ ጠባቂ ኬፓ አሪዛባላጋ በቀጣይ ወደ ሳውዲ አረቢያ ሊግ ለማምራት በንግግር ላይ መሆኑ ተገልጿል።

የ 29ዓመቱ ግብ ጠባቂ ኬፓ አሪዛባላጋ አሁን ላይ የሳውዲ አረቢያውን ክለብ አል ኢትሀድ ለመቀላቀል በንግግር ላይ እንደሚገኝ ተዘግቧል።

ኬፓ አሪዛባላጋ ያለፈውን የውድድር አመት በሪያል ማድሪድ ቤት በውሰት ማሳለፉ ይታወሳል።

@tikvahethsport     @kidusyoftahe

የአውሮፓ ዋንጫ ፍፃሜ ደረሰ!

ከከባድ ትንቅንቅ በኋላ ስፔን እና እንግሊዝ ለፍፃሜ ሐምሌ 7 ከምሽቱ 4፡00 ሰዓት በጀርመን ኦሎምፒያስታዲዮን ይገናኛሉ!

እንግሊዝ ለመጀመሪያ ጊዜ ዋንጫውን ታነሳ ይሆን? ስፔንስ የአሸናፊነት መንገዷን ትቀጥል ይሆን? 

⚽️ Spain vs England ሐምሌ 7 ከምሽቱ 4፡00 ሰዓት | 10፡00 PM

👉SS Football ቻናል 225 በጎጆ ፓኬጅ
👉SS Euro2024 ቻናል 222 በሜዳ  ፓኬጅ

ዛሬውኑ ደንበኝነትዎን ያራዝሙ ጨዋታዎችን ከትንታኔ ፣ ከተጫዋች ብቃት እስከ ቡድን ወኔ በሱፐርስፖርት ልዩ በቀጥታ ይከታተሉ!

የዲኤስቲቪ አገልግሎቶችን ለማግኘት ከታች ያለውን የMyDStv Telegram bot ሊንክ ይጫኑ!
👇
https://bit.ly/3RFtEvh

#Euro2024onDStv #ሁሉምያለውእኛጋርነው #DStvEthiopia

ኢንተር ሚላን የአሰልጣኙን ውል አራዘመ !

የጣልያን ሴርያው ክለብ ኢንተር ሚላን የአሰልጣኝ ሲሞን ኢንዛጊን ኮንትራት ለተጨማሪ አመታት ማራዘማቸውን ይፋ አድርገዋል።

ከኢንተር ሚላን ጋር የመጀመሪያ የስኩዴቶ ዋንጫቸውን ያሳኩት ጣልያናዊው አሰልጣኝ ሲሞን ኢንዛጊ በክለቡ ለተጨማሪ ሁለት አመታት ለመቆየት ፊርማቸውን አኑረዋል።

ሲሞን ኢንዛጊ ከኢንተር ሚላን ጋር ባለፉት አመታት ምን አሳኩ ?

1️⃣ የሴርያ ዋንጫ

2️⃣ ኮፓ ኢጣልያ

3️⃣ ሱፐር ኮፓ እንዲሁም አንድ ጊዜ ለአውሮፓ ሻምፒየንስ ሊግ ፍፃሜ መድረስ ችለዋል።

@tikvahethsport     @kidusyoftahe

ጆሽዋ ዚርክዜ ለዩናይትድ ፊርማውን አኖረ !

ኔዘርላንዳዊው የፊት መስመር ተጨዋች ጆሽዋ ዚርክዜ ወደ ማንችስተር ዩናይትድ የሚያደርገውን ዝውውር  ለማጠናቀቅ ያደረገውን የህክምና ምርመራ ማጠናቀቁ ተገልጿል።

ተጨዋቹ አሁን ላይ በማንችስተር ዩናይትድ ቤት ለአንድ ተጨማሪ አመት የማራዘም አማራጭ ያካተተ የአምስት አመት ኮንትራቱን መፈረሙ ተገልጿል።

ማንችስተር ዩናይትድ በቀጣይ የተጫዋቹን ዝውውር ይፋ ያደርጋሉ ተብሎ ይጠበቃል።

@tikvahethsport     @kidusyoftahe

ጄደን ሳንቾ ወደ ልምምድ ተመለሰ !

እንግሊዛዊው የማንችስተር ዩናይትድ የፊት መስመር ተጨዋች ጄደን ሳንቾ ከቡድኑ ጋር መደበኛ ልምምድ መጀመሩን ክለቡ ይፋ አድርጓል።

ጄደን ሳንቾ በዚህ ሳምንት ከአሰልጣኝ ኤሪክ ቴንሀግ ጋር ለንግግር ተቀምጦ እንደነበር ሲገለፅ አዎንታዊ ውይይት ማድረጋቸው ተነግሯል።

ባለፈው የውድድር አመት ተጨዋቹ ከአሰልጣኝ ኤሪክ ጋር የገባውን አለመግባባት ተከትሎ ከቡድኑ ተገሎ እንደቆየ እና በኋላም በውሰት ወደ ዶርትመንድ እንዳመራ ይታወሳል።

አሁን ላይ አሰልጣኝ ኤሪክ ቴንሀግ እና ሳንቾ አለመግባባታቸውን ወደ ጎን በመተው ወደፊት ለመቀጠል መስማማታቸው ሲገለፅ ለቀጣይ የቅድመ ውድድር ጨዋታዎች ዝግጁ እንደሚሆንም ተነግሯል።

@tikvahethsport     @kidusyoftahe

" በክለቡ ውስጥ መጠነ ሰፊ ለውጥ መጥቷል " አርቴታ

የሰሜን ለንደኑ ክለብ አርሰናል ዋና አሰልጣኝ ሚኬል አርቴታ ባለፉት ጥቂት አመታት በክለቡ በሁሉም ቦታዎች ከአመት አመት መጠነ ሰፊ ለውጦች እየመጡ መሆኑን ገልጸዋል።

" አርሰናል አሁን የአስተሳሰብ ለውጥ አድርጎ ስለ ማሸነፍ እያሰበ ነው " ያሉት ሚኬል አርቴታ በክለቡ በሁሉም ቦታዎች የሚታዩ መጠነ ሰፊ ለውጦች እየመጡ ነው ብለዋል።

ለውጥ የመጣው በዋናው ቡድን ብቻ አለመሆኑን ያነሱት ሚኬል አርቴታ " የአካዳሚ እና ሴት ቡድናችን አቋምም ተቀይሯል ፣ በዋናው ቡድን የፈጠርነው ከባቢ የተለየ ነው " ሲሉ ገልጸዋል።

አሰልጣኝ ሚኬል አርቴታ ቀጥለውም ቡድናቸው በቀጣይ ቡድኑን በሚፈልግበት ቦታ ማስቀመጥ እና ለማሸነፍ ከበቂ በላይ መሆኑን ማመን እንዳለበት አሳስበዋል።

@tikvahethsport     @kidusyoftahe

ቼልሲ ለኬፓ የቀረበለትን ጥያቄ ውድቅ አደረገ !

የምዕራብ ለንደኑ ክለብ ቼልሲ የሳውዲ አረቢያው ክለብ አል ኢትሀድ ስፔናዊውን ግብ ጠባቂ ኬፓ አሪዛባላጋ ለማስፈረም ያቀረበውን ይፋዊ ጥያቄ ውድቅ ማድረጋቸው ተገልጿል።

ሰማያዊዎቹ ግብ ጠባቂውን በቋሚ ዝውውር ለመሸጥ ከአል ኢትሀድ እና ሌሎች ክለቦች ጋር ንግግራቸውን መቀጠላቸው ተነግሯል።

የ 29ዓመቱ ግብ ጠባቂ ኬፓ አሪዛባላጋ ያለፈውን የውድድር አመት በሪያል ማድሪድ ቤት በውሰት ማሳለፉ ይታወሳል።

@tikvahethsport     @kidusyoftahe

•PlayStation 5, 73,000 Birr
•Playstaion 5 Slim, 78,000 Birr

•PlayStation 4 Slim, 35,000 Birr
•PlayStation 4 Pro, 43,000 Birr

•Playstaion portal, 35,000 Birr
•Meta Quest 2, 55,000 Birr
•Meta Quest 3, 83,000 Birr

Contact
0953964175 @heymobile

@heyonlinemarket