ማድሪድ ተጨዋቹ ልምምድ ሰርቷል !

በጉዳት ለሳምንታት ከሜዳ ርቆ የቆየው ብራዚላዊው የሎስ ብላንኮዎቹ የፊት መስመር ተጨዋች ሮድሪጎ የቡድን ልምምድ መስራቱ ተገልጿል።

ተጨዋቹ በትላንትናው ዕለት በተመሳሳይ በቡድኑ መደበኛ ልምምድ መሳተፍ ችሏል።

በሌላ በኩል ቲቧ ኩርቱዋ እና አላባ እንዲሁም የረጅም ጊዜ ጉዳት ያጋጠመው ዳኒ ካርቫል በቡድኑ መደበኛ ልምምድ ያልተሳተፉ ተጨዋቾች መሆናቸው ተገልጿል።

ሪያል ማድሪድ ነገ ምሽት 5:00 በሳንቲያጎ በርናቦ ስታዲየም ከኤሲ ሚላን ጋር ተጠባቂ የሻምፒየንስ ሊግ ጨዋታውን የሚያደርግ ይሆናል።

@Tikvahethsport  @kidusyoftahe

" አሞሪም ለዩናይትድ ትክክለኛው አሰልጣኝ ነው " ኡጋርቴ

ዩራጓዊው የቀያይ ሰይጣኖቹ አማካይ ማኑዌል ኡጋርቴ አሰልጣኝ ሩበን አሞሪም ለማንችስተር ዩናይትድ ትክክለኛው አሰልጣኝ መሆናቸውን ገልጿል።

“ ሩበን አሞሪም በዩናይትድ ጥሩ ነገር እንደሚሰራ ሙሉ ተስፋ አለኝ “ ያለው ተጨዋቹ “ ምክንያቱም እሱን አውቀዋለሁ እንዴት እንደሚሰራም አውቃለሁ “ ብሏል።

ተጨዋቹ አክሎም “ ሩበን አሞሪም ማንችስተር ዩናይትድን ለማሰልጠን ትክክለኛው አሰልጣኝ ነው “ ሲል አስተያየቱን ሰጥቷል።

በስፖርቲንግ ሊስበን በአሰልጣኙ ሰልጥኖ የወጣው ማኑኤል ኡጋርቴ በድጋሜ በማንችስተር ዩናይትድ ቤት አብሮ የመስራት አድል የሚያገኝ ይሆናል።

@Tikvahethsport           @kidusyoftahe

“ አርሰናል ፖግባን ማስፈረም አለበት “ ኢማኑኤል ፔቲት

የቀድሞ ፈረንሳዊ ተጨዋች ኢማኑኤል ፔቲት አርሰናል ያለበትን ስጋት ወስዶ በነፃ ገበያ ላይ የሚገኘውን ፖል ፖግባ ማስፈረም እንዳለበት ምክሩን ለግሷል።

“ ፖግባ ሜዳ ላይ ያለውን ሁሉ የሚሰጥ ተጨዋች ነው “ ሲል የገለፀው ፔቲት " አርሰናል ያለበትን ስጋት ተቋቁሞ ፖል ፖግባን ማስፈረም አለበት። “ ሲል መክሯል።

“ ፖል ፖግባ የአካል ብቃቱን ለመመለስ ጥቂት ጊዜ ሊወስዱበት ይችላሉ ነገርግን በፍጥነት ዝግጁ ይሆናል “ ሲል የቀድሞ ተጨዋቹ ጨምሮ ተናግሯል።

“ ፖግብ ለአርሰናል የመሐል ሜዳ ክፍል በሚገባ የሚመጥን ተጨዋች ነው።“ ኢማኑኤል ፔቲት

@Tikvahethsport   @kidusyoftahe

“ ባሎን ዶር ያሸነፍነው ሻምፒየንስ ሊግ ስናሸንፍ ነው “ አንቾሎቲ

የሎስ ብላንኮዎቹ ዋና አሰልጣኝ ካርሎ አንቾሎቲ ከነገው የኤሲ ሚላን የአውሮፓ ሻምፒየንስ ሊግ ጨዋታ በፊት ከጋዜጠኞች ጋር ቆይታ አድርገው ነበር።

ስለ ባሎን ዶር ክስተት ያነሱት ካርሎ አንቾሎቲ “ እኛ ባሎን ዶር ያሸነፍነው ሰኔ ላይ የአውሮፓ ሻምፒየንስ ሊግ ዋንጫ ያሸነፍን ቀን ነው " ሲሉ ገልጸዋል።

“ ባሎን ዶር ላሸነፈው እንኳን ደስ አለህ " ያሉት ካርሎ አንቾሎቲ “ የእኔ ግን ዌምብሌይ ስታዲየም አሸንፏል " ብለዋል።

" ቪኒሰስ ጁኒየር በጥሩ ሁኔታ ላይ ነው የሚገኘው ሳምንቱን ሙሉ ጥሩ ልምምዱን ሰርቷል።" ሲሉ አንቾሎቲ ተናግረዋል።

“ ቪንሰስ ጁኒየር በጣም አዝኗል “ ያሉት አሰልጣኙ ነገርግን በባሎን ዶር ሳይሆን በቫሌንሽያ በተፈጠረው አደጋ ነው ሀዘን የተሰማው ብለዋል።

በቫሌንሽያ ለተፈጠረው ክስተት ማዘናቸውን የገለፁት አንቾሎቲ እግርኳስ ባለፈው ሳምንት መቆም ነበረበት አስፈላጊ አልነበረም ነገርግን እኛ አንወስንም ሲሉ ተናግረዋል።

@Tikvahethsport         @kidusyoftahe

❇️ #Wanaw_Corporate ❇️

👉🏾 በራስዎ ቀለም፣ ቋንቋ፣ ብራንድና በፈለጉት ሳይዝ የድርጅትዎን መለያ ሳይለቅ ዋናው ስፖርት ከ699 ብር ጀምሮ ትጥቆችን እነሆ ይላችኋል፡፡

- ከ 50 ብዛት ጀምሮ ሲገዙ ደግሞ 2 ባለኮሌታ ቲ-ሸርቶችን እና 1 ባንዲራን በነፃ
- ከ100 ብዛት ጀምሮ ሲገዙ 1 ኳስ እና 1 ባንዲራን በነፃ
- ከ200 ብዛት ጀምሮ ሲገዙ 2 ባለኮሌታ ቲ-ሸርቶችን 1 ኳስ በነፃ የሚያገኙ ይሆናል።

▶️ እስከ ህዳር 30 ብቻ! ◀️

📌 #ይዘዙን፣ በፍጥነት አዘጋጅተን ያሉበት በነፃ እናደርሳለን።

🌍 Made in Africa 🌍

Contact us!
📞 8289

🤖 ወደ ቦቱ ለመሄድ 👉 Wanaw Bot

Instagram | Facebook | TikTok  | X  | Youtube

🏅 ዋናው ወደፊት...

@wanawsportwear

" ከባድ ጊዜ ላይ ነን " ሉካስ ቫዝኩዌስ

ስፔናዊው የሪያል ማድሪድ አምበል ሉካስ ቫዝኩዌስ በሰጠው አስተያየት ሀገራቸው በፈታኝ ጊዜ ላይ እንደምትገኝ ገልጿል።

ተጨዋቹ በስፔን ቫሌንሽያ የተከሰውን የአውሎ ንፋስ እና ጎርፍ አደጋ አስመልክቶ በሰጠው አስተያየት " ከባድ ጊዜ ላይ እንገኛለን " ሲል ተደምጧል።

ሉካስ ቫዝኩዌስ በተከሰተው አደጋ እጅግ ማዘኑን በመግለፅ ሁሉም የሀገሪቱ ዜጋ ከተጎጂዎች ጎን ሊቆም እንደሚገባ አሳስቧል።

ተጨዋቹ አክሎም ጉዳት ላይ የሚገኘውን ዳኒ ካርቫሀል መተካት ቀላል ነገር አለመሆኑን በመጥቀስ " ቡድኔን ለመርዳት የተቻለኝን ሁሉ አደርጋለሁ " ብሏል።

@Tikvahethsport         @kidusyoftahe

ኤዱ ጋስፐር ለምን ከአርሰናል ጋር ይለያያሉ ?

የሰሜን ለንደኑ ክለብ አርሰናል ብሬዚላዊ ስፖርቲንግ ዳይሬክተር ኤዱ ጋስፐር ከክለቡ ጋር ለመለያየት መወሰናቸውን ዘ አትሌቲክ አረጋግጧል።

ስፖርቲንግ ዳይሬክተሩ ከአምስት አመታት በላይ ከቆዩበት አርሰናል ለመልቀቅ የወሰኑት አዲስ ሀላፊነት በማግኘታቸው መሆኑ ተገልጿል።

ኤዱ ጋስፐር መድፈኞቹን የሚለቁት በኖቲንግሀም ፎረስት ባለቤት ኢቫንጄሎስ ማሪናኪስ ከሚተዳደሩ ክለቦች ጋር የመስራት እድል አግኝተው መሆን ተነግሯል።

ግሪካዊው ባለቤት ኢቫንጄሎስ ማሪናኪስ ከኖቲንግሀም በተጨማሪ ኦሎፒያኮስ እና የፖርቹጋሉን ክለብ ሪዮ ኤቭ በባለቤትነት ያስተዳድራሉ።

@Tikvahethsport         @kidusyoftahe

“ ወደ ውስብስብ አለም ነው የምሄደው “ ሩበን ሞሪም

ፖርቹጋላዊው አሰልጣኝ ሩበን አሞሪም ማንችስተር ዩናይትድ ውስጥ ነገሮች ውስብስብ መሆናቸውን ገልፀዋል።

“ የምሄደው ውስብስብ ወደሆነ አለም ነው “ ሲሉ ስለ ማንችስተር ዩናይትድ ሀላፊነት ያስረዱት አሰልጣኙ ነገርግን ነገሮችን ወደፊት ማራመድ አለብን በማለት ተናግረዋል።

“ ማንችስተር ሲቲ ውስጥ ስለ ጉዳት ብዙ ይወራል ግን አብዛኞቹን ተጨዋቾች በመጨረሻው ጨዋታ ተመልክተናቸዋል “ ሲሉ አሰልጣኙ ስለ ነገው ጨዋታ ሀሳብ ሰጥተዋል።

“ነገ ከምርጥ ቡድን አሰልጣኝ ጋር ነው የምንጫወተው ከባድ ጨዋታ ይሆናል “ ሩበን አሞሪም

@Tikvahethsport         @kidusyoftahe

መቻል የሊጉ መሪ ሆነዋል !

በሰባተኛ ሳምንት የኢትዮጵያ ፕርሚየር ሊግ መርሐ ግብር መቻል ከአዳማ ከተማ ያደረጉትን ጨዋታ 2ለ0 በሆነ ውጤት አሸንፈዋል።

የመቻልን የድል ግቦች ጳውሎስ መርጊያ እና በረከት ደስታ ከመረብ አሳርፈዋል።

ድሉን ተከትሎ አንድ ተስተካካይ ጨዋታ የሚቀረው መቻል ከወላይታ ድቻ ጋር በነጥብ ተስተካክሎ ሊጉን መምራት ጀምሯል።

አዳማ ከተማ በበኩሉ በውድድር አመቱ በሊጉ #ሁለተኛ ሽንፈቱን አስተናግዷል።

ክለቦቹ ደረጃቸው ምን ይመስላል ?

1️⃣ መቻል - 13 ነጥብ
8⃣ አዳማ ከተማ - 8 ነጥብ

ቀጣይ ጨዋታ ?

- መቻል ከ ኢትዮ ኤሌክትሪክ

- ኢትዮጵያ መድህን ከ አዳማ ከተማ

@Tikvahethsport   @kidusyoftahe

የኖቲንግሀም ባለቤት ይግባኛቸው ውድቅ ሆነ !

የኖቲንግሀም ፎረስት ባለቤት ኢቫንጄሎስ ማሪናኪስ ቡድኑ በፉልሀም በተሸነፈበት ጨዋታ ዳኛው ሲያልፍ ምራቅ ተፍተዋል በሚል ክስ ቀርቦባቸው ነበር።

ባለሀብቱ ጥፋተኛ ሆነው በመገኘታቸውም የአምስት ጨዋታ የስታዲየም እግድ የተጣለባቸው ሲሆን የጠየቁት ይግባኝም ተቀባይነት ሳያገኝ ቀርቷል።

ባለሀብቱ ባቀረቡት ማስተባበያም የሳል ህመም ይዞኝ ነው እንጂ በዳኛው ላይ አስቤ አላደረግኩም በማለት ተናግረዋል።

አክለውም ሳሉ እና መትፋቱ በየቀኑ በማጨሳቸው ሁለት ወይም ሶስት ሲጋራዎች ምክንያት የመጣ ነው አስቤበት አይደለም ሲሉ ማስተባበያ ማቅረባቸው ተገልጿል።

ባለሀብቱ የሶስቱን ጨዋታዎች ቅጣት የጨረሱ ሲሆን በቀጣይ የኒውካስል እና አርሰናል ጨዋታዎች የሚያመልጧቸው ይሆናል።

@Tikvahethsport         @kidusyoftahe

የሴርያ የወሩ ምርጥ አሰልጣኝ ታውቋል !

የጣሊያን ሴርያ የ 2024/25 የውድድር ዘመን የወርሀ ጥቅምት የወሩ ምርጥ አሰልጣኝ ይፋ ተደርጓል።

በዚህም መሰረት የላዚዮው ዋና አሰልጣኝ ማርኮ ባሮኒ የጣልያን ሴርያ የወርሀ ጥቅምት የወሩ ምርጥ አሰልጣኝ ተብለው መመረጥ ችለዋል።

አሰልጣኝ ማርኮ ባሮኒ ላዚዮን እየመሩ በወሩ ካደረጓቸው አራት የሴርያ ጨዋታዎች ሶስቱን አሸንፈዋል።

@tikvahethsport     @kidusyoftahe

“ የዩናይትድ ደጋፊዎች አዲስ ፈርጉሰን እንደመጣ ያስባሉ " ሩበን አሞሪም

ፖርቹጋላዊው አሰልጣኝ ሩበን አሞሪም የነገውን የማንችስተር ሲቲ ጨዋታ የሚያሸንፉ ከሆነ ከእሳቸው የሚጠበቀው ነገር ከፍ እንደሚል ገልፀዋል።

“ በነገው ጨዋታ ከተሸነፍን ከእኔ የሚጠበቀው ነገር ይቀንሳል “ ያሉት አሰልጣኙ “ የምናሸንፍ ከሆነ ግን የዩናይትድ ደጋፊዎች አዲሱ ፈርጉሰን እንደመጣ ያስባሉ “ ብለዋል።

አሰልጣኙ አክለውም የማንችስተር ዩናይትድን ጥያቄ ለመቀበል ደግመው አለማሰባቸውን ሲገልፁ “ የምፈልገውን ክለብ መርጫለሁ " ሲሉ ተናግረዋል።

@tikvahethsport     @kidusyoftahe

" የአውሮፓ ትልቅ ጨዋታ ይሆናል " አርኔ ስሎት

የመርሲሳይዱ ክለብ ሊቨርፑል ዋና አሰልጣኝ አርኔ ስሎት ቡድናቸው ነገ ከባየር ሊቨርኩሰን ጋር ትልቅ የሻምፒየንስ ሊግ ጨዋታ እንደሚጠብቀው ገልፀዋል።

አሰልጣኝ አርኔ ስሎት ምን አሉ ?

- “ ጨዋታው ከከባድ ተጋጣሚ ጋር የምናደርገው ትልቅ ጨዋታ ነው ባየር ሌቨርኩሰን ጥሩ አሰልጣኝ እና ምርጥ ተጨዋቾች አሏቸው።

- ባየር ሌቨርኩሰን በዚህ ሰአት ትልቅ ትኩረት ሊሰጠው የሚገባ ቡድን ነው።

- መሐመድ ሳላህ በክለባችን ስለሚኖረው የወደፊት ቆይታ የምናገረው ነገር የለም ይህ ጉዳይ የሚመለከተው የክለቡን ሀላፊዎች እና እሱን ነው።

- ባየር ሌቨርኩሰንን ማሸነፍ ከፈለግን በብራይተን ጨዋታ ከእረፍት በፊት ካደረግነው እንቅስቃሴ በበለጠ መንቀሳቀስ አለብን።" ብለዋል።

አሰልጣኝ አርኔ ስሎት አያይዘውም ተከላካዩ ኢብራሂም ኮናቴ ከጉዳቱ ሙሉ ለሙሉ ማገገሙን እና ለነገው ጨዋታም ዝግጁ መሆኑን አረጋግጠዋል።

@Tikvahethsport       @kidusyoftahe

ሜሰን ማውንት ወደ ልምምድ ተመልሷል !

በጉዳት ከሜዳ ርቆ የቆየው የቀያይ ሰይጣኖቹ የመሐል ሜዳ ተጨዋች ሜሰን ማውንት ካጋጠመው ጉዳት በማገገም ወደ ልምምድ መመለሱ ተገልጿል።

እንግሊዛዊው ተጨዋች ቡድኑ በዛሬው እለት በካሪንግተን ባደረገው መደበኛ ልምምድ ላይ መሳተፉ ተዘግቧል።

ተጨዋቹ በቀጣይ ከሀገራት ጨዋታዎች እረፍት በኋላ ወደ ሜዳ ይመለሳል ተብሎ እንደሚጠበቅ ተነግሯል።

@tikvahethsport     @kidusyoftahe

አርሰናል ከስፖርቲንግ ዳይሬክተሩ ጋር ተለያየ !

የሰሜን ለንደኑ ክለብ አርሰናል ብሬዚላዊ ስፖርቲንግ ዳይሬክተር ኤዱ ጋስፐር ከክለቡ ሀላፊነት መልቀቃቸውን በይፋ አስታውቀዋል።

“ ከባድ ውሳኔ ነበር “ ሲሉ የተናገሩት ኤዱ ጋስፐር አርሰናል ከበርካታ ጥሩ ሰዎች ጋር እንድሰራ እድሉን ሰጥቶኛል ብለዋል።

“ አርሰናል ሁልጊዜም በልቤ ውስጥ ይቆያል የክለቡ እና ለደጋፊዎቹ ጥሩ ነገር ሁሉ እንዲገጥማቸው እመኛለሁ አሁን አዲስ ፈተና የመጋፈጫ ጊዜ ነው።“ ኤዲ ጋሰፐር

@Tikvahethsport      @kidusyoftahe

ኢትዮጵያ መድን በሰፊ የግብ ልዩነት አሸነፈ !

በሰባተኛ ሳምንት የኢትዮጵያ ፕርሚየር ሊግ መርሐ ግብር ኢትዮጵያ መድን ከመቐለ 70 እንደርታ ጋር ያደረጉትን ጨዋታ 4ለ0 በሆነ ሰፊ ውጤት አሸንፈዋል።

የኢትዮጵያ መድንን የድል ግቦች ዳዊት ተፈራ (2x) ፣ ረመዳን የሱፍ እና አብዲሳ ጀማል ከመረብ አሳርፈዋል።

በአሰልጣኝ ገብረመድን ኃይሌ የሚመሩት ኢትዮጵያ መድኖች በውድድር አመቱ #ሁለተኛ የሊግ ድላቸውን ማሳካት ችለዋል።

መቐለ 70 እንደርታ በበኩሉ በሊጉ ተከታታይ ሁለተኛ ሽንፈቱን አስተናግዷል።

7⃣ ኢትዮጵያ መድን - 9 ነጥብ
🔟 መቐለ 70 እንደርታ - 8 ነጥብ

ቀጣይ ጨዋታ ?

- አዳማ ከተማ ከ ኢትዮጵያ መድን

- መቐለ 70 እንደርታ ከ ባህርዳር ከተማ

@Tikvahethsport  @kidusyoftahe

“ አርሰናል በዚህ አመት ሊጉን ያሸንፋል “ ጋሪ ኔቭል

የቀድሞ የማንችስተር ዩናይትድ ተጨዋች ጋሪ ኔቭል አርሰናል ከፕርሚየር ሊጉ የዋንጫ ፉክክር ወጥቷል የሚል እምነት እንደሌለው ተናግሯል።

ሊቨርፑል እና ማንችስተር ሲቲ በጥሩ አቋማቸው ላይ ናቸው ብዬ አላምንም የሚለው ጋሪ ኔቭል አርሰናል አሁንም ጠንካራ ተፎካካሪ መሆኑን አንስቷል።

ጋሪ ኔቭል ሲናገርም “ አርሰናል በዚህ አመት ፕርሚየር ሊጉን እንደሚያሸንፍ አሁንም አምናለሁ “ ሲል ተደምጧል።

መድፈኞቹ አሁንም ከዚህ በፊት እንዳደረጉት በሊጉ ሁለተኛ ዙር ትልቅ የማሸነፍ ግስጋሴን ሊያሳዩ እንደሚችሉ ጋሪ ኔቭል አክሎ ገልጿል።

አርሰናሎች ከሊጉ መሪ ሊቨርፑል በሰባት ከማንችስተር ሲቲ ደግሞ በአምስት ነጥቦች ርቀው አምስተኛ ደረጃ ላይ ተቀምጠዋል።

@Tikvahethsport       @kidusyoftahe

ተጎጂዎች በሻምፒየንስ ሊግ ጨዋታዎች ይታሰባሉ !

ዩኤፋ በሳምንቱ አጋማሽ በሚደረጉ የሻምፒየንስ ሊግ ጨዋታዎች በስፔን ቫሌንሽያ በተከሰተው የተፈጥሮ አደጋ ጉዳት የደረሰባቸው ሰዎች እንደሚታሰቡ ይፋ አድርጓል።

ይህንንም ተከትሎ በዚህ ሳምንት ከሚደረጉ የአውሮፓ ሻምፒየንስ ሊግ ጨዋታዎች አስቀድሞ የህሊና ፀሎት እንደሚደረግ ተገልጿል።

በተጨማሪም በዚህ ሳምንት በሚደረጉ የአውሮፓ እግርኳስ ማህበር በሚያዘጋጃቸው የክለብ ውድድሮች ተጎጂዎች እንደሚታሰቡ ተነግሯል።

በስፔን ቫሌንሽያ በተከሰተው አስከፊ የአውሎ ንፋስ እና ጎርፍ አደጋ እስካሁን ከ 230 በላይ ሰዎች ህይወታቸው ማለፉን የሀገሪቱ መገናኛ ብዙሀን ዘግበዋል።

@Tikvahethsport                @kidusyoftahe

ባሎቴሊ ለጂኖኣ የመጀመሪያ ጨዋታውን አድርጓል !

በቅርቡ ጂኖኣን የተቀላቀለው ጣልያናዊው አጥቂ ማርዮ ባሎቴሊ ቡድኑ ከፓርማ ጋር ባደረገው ጨዋታ ተቀይሮ በመግባት የመጀመሪያ ጨዋታውን አድርጓል።

ጣልያናዊው የፊት መስመር አጥቂ ማርዮ ባሎቴሊ ከ 1701 ቀናት በኋላ በጣልያን ሴርያ ጨዋታ ላይ ተሰልፎ መጫወት ችሏል።

በጨዋታው 85ኛው ደቂቃ ላይ ተቀይሮ ወደ ሜዳ የገባው ማርዮ ባሎቴሊ ከአምስት ደቂቃዎች በኋላ የማስጠንቀቂያ ካርድ ተመልክቷል።

ጨዋታውን ጂኖኣ በአንድሬ ፒናሞንቲ ግብ 1ለ0 በሆነ ውጤት ማሸነፍ ችሏል።

@Tikvahethsport             @kidusyoftahe

ኔይማር በድጋሜ ጉዳት አጋጠመው !

ብራዚላዊው የፊት መስመር ተጨዋች ኔይማር ክለቡ ዛሬ ምሽት ባደረገው የእስያ ሻምፒየንስ ሊግ ጨዋታ ጉዳት አጋጥሞታል።

በጨዋታው ተቀይሮ ወደ ሜዳ የገባው ኔይማር ባጋጠመው የጡንቻ ጉዳት ምክንያት ተቀይሮ ለመውጣት ተገዷል።

ኔይማር ባጋጠመው ከባድ ጉዳት ምክንያት ለአንድ አመት ከሜዳ ርቆ ወደ ሜዳ ከተመለሰ ሁለተኛ ጨዋታው እንደሆነ ይታወቃል።

አል ሂላል ከኢራኑ ኢስቴግሀላል ጋር ያደረገውን ጨዋታ በሚትሮቪች ሀትሪክ 3ለ0 በሆነ ውጤት ማሸነፍ ችሏል።

@Tikvahethsport             @kidusyoftahe