#laliga 🇪🇸

በስፔን ላሊጋ የሰላሳ ሰባተኛ ሳምንት መርሐ ግብር ባርሴሎና ራዮ ቫዬካኖን 3ለ0 ሲያሸንፍ ሪያል ማድሪድ ከቪያሪያል 4ለ4 በሆነ አቻ ውጤት ተለያይቷል።

የባርሴሎናን የማሸነፊያ ግቦች ፔድሪ 2x እና ሮበርት ሊዋንዶውስኪ ከመረብ ማሳረፍ ችለዋል።

ለሪያል ማድሪድ ግቦችን አርዳ ጉለር 2x ፣ ሆሴሉ እና ሉካስ ቫስኩዌስ አስቆጥረዋል።

የቪያሪያልን አራት የአቻነት ግቦች አሌክሳንደር ሶርሎት 4x ከመረብ ማሳረፍ ችሏሰ።

በሌላ ጨዋታ አትሌቲኮ ማድሪድ በኦሳሱና 4ለ1 በሆነ ውጤት ተሸንፈዋል።

ባርሴሎና ማሸነፉን ተከትሎ በሊጉ ሁለተኛ ደረጃን ይዞ ማጠናቀቁን አረጋግጧል።

@tikvahethsport     @kidusyoftahe

የፈረንሳይ ሊግ ፍፃሜውን አገኘ !

የዘንድሮው የ2023/24 የውድድር አመት የፈረንሳይ ሊግ ትላንት ከተደረጉ የመጨረሻ ሳምንት መርሐ ግብሮች በኋላ ፍፃሜውን አግኝቷል።

ፒኤስጂ ለሶስት ተከታታይ አመታት ሊጉን በማሳካት ቀደም ብሎ ሊጉን በበላይነት ማጠናቀቁን ማረጋገጡ ይታወሳል።

ፈረንሳዊው የፊት መስመር ተጨዋች ኪሊያን ምባፔ በሀያ ሰባት ግቦች የውድድሩ ከፍተኛ ግብ አስቆጣሪ ተጨዋች በመሆን አጠናቋል።

ኪሊያን ምባፔ ለስድስት ተከታታይ አመታት የፈረንሳይ ሊግ ከፍተኛ ግብ አስቆጣሪ ተጨዋች በመሆን ማጠናቀቅ ችሏል።

በሚቀጥለው የውድድር አመት ፒኤስጂ ፣ ሞናኮ ፣ ብረስት እና ሊል በአውሮፓ ሻምፒየንስ ሊግ ውድድር ተሳታፊ መሆናቸውን አረጋግጠዋል።

እንዲሁም ኒስ በዩሮፓ ሊግ ኦሎምፒክ ሊዮን ደግሞ በኮንፈረንስ ሊግ ከፈረንሳይ ሊግ የሚሳተፉ ይሆናል።

ሎርየንት እና ክሌርመንት ፉት ከሊጉ በቀጥታ መውረዳቸው ሲረጋገጥ ሜትዝ በሊጉ ለመቆየት የማጣሪያ ጨዋታ ያደርጋል።

የሊጉ የደረጃ ሰንጠረዥ ከላይ በምስሉ ላይ ተያይዟል።

@tikvahethsport     @kidusyoftahe