حزن زينب ع

ليل امـوادع وحـسرات
ومتعوده علئ الدمعات
يايمه الزچيه شلون..شو عفتيني للحسبات
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

يايمه تدرين البنت بعد امها ماتتحمل
ياجنة الله بموتتچ كلشي بحياتي اتبدل
ليل الموادع من يمر ميته وحنيني يعدل
وكت الصلاة اتخيلچ تصلين والله يقبل

هسه اليا حنين اشتاگ
وانا بروحي بس افراگ
صعبه وفرگتچ متهون..شو عفتيني للحسبات
،،،،،،،،،،،،،،،،،،،،،،،،،،،،،،،،،،،،،،،،،،،،،،،

البيت خالي بغيبتچ ودنياي وحشه بدونچ
كلما افز من نومتي حسبالي اصد بعيونچ
مريلي يايمه بحلم ونوميني فوگ امتونچ
وخبريني عن حال الظلع وطمنيني هسه شلونچ

ينزف گلبچ المجروح
يمه وطفلچ المذبوح
عالمحسن بچيت عيون..شو عفتيني للحسبات
،،،،،،،،،،،،،،،،،،،،،،،،،،،،،،،،،،،،،،،،،،،،،،،،

مات الورد بمصيبتچ والگلب يابس عوده
زينب وعاتب يازمن ليش امي ما موجوده
بعدچ يعذبني اليتم الهذا الوكت مريوده
وياچ دفنيت الفرح وشاهده اهدوم السوده

يمه ولو اصد لحسين
دمعاتي تهل صوبين
وياچ الصبر مدفون..شو عفتيني للحسبات
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

بالغربه خلاني الوكت وبلايا ام هظيمه
مثل الظلع انا انكسر ويا كسرة اليتيمه
يايمه احس دمعة علي قطره وتطيح بهيمه
كلما بچى مايشتفي ومحد يحس بظيمه

حگه امفارگ المحبوب
وبصواب الظلع مصيوب
والراحوله ميردون..شو عفتيني للحسبات
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

عالباب اعاين وانتحب واتذكر انا امصابچ
كل ذكره بعدچ مؤلمه خص امنشوف احجابچ
بعد امي ياليل شبقى وفارغ وسف محرابچ
يايمه ناداچ الحسن بس صوته لا ماجابچ

باب وحايط وبسمار
هذا اللي بقى ابها الدار
بالصاير الي يذكرون..شو عفتيني للحسبات


الشاعر فاروق الغنامي

بصوت. مسلم المطيري

ليل موادع وحسرات

كلمات الشاعر
فارق الغنامي

مظلومه يافاطمه
مهمومه يافاطمه
.........................
اشرف نساء العالمين
يابضعة الهادي الامين
رغم الدهر والحاقدين
تبقين انتي فاطمه
..............................1
فاطمه حيرتي العقول
يابضعة الهادي الرسول
ياطاهره وحره وبتول
بالحشر كوثر للظمه
................................2
حسرات وآهات وعويل
والدمعه من عينچ تسيل
تشكين امرچ للجليل
هاي العصابه المجرمه
...............................3
تحملتي آلآم وعذاب
فاطمه يااول مصاب
تنعاچ آيات الكتاب
وتنوح كل اهل السمه
................................4
بيا ذنب مهشومه الضلع
والطفل محسن ينصرع
هاي المصيبه بيا شرع
نذكرهه والمدمع دمه
..............................5
حلت علينه الفاجعه
نعشچ يزهره نودعه
كل شيعي يهمل مدمعه
ويواسي حماي الحمه
...............................6
فاطمه مصابچ ماحصل
ماننسه يومچ للأزل
دار الوحي بيها نزل
نيران بيها مظرمه
............................7
يازهره عانينه المحن
شفنه الغصص من الزمن
شگد عشنه لوعات وشجن
علينه النواصب ناقمه
...............................8
خادمكم مالك السعيدي

بصوت. مسلم المطيري

مظلومه يا فاطمه

كلمات الشاعر
مالك السعيدي

خادم الزهره    هالاسم محلاه
اعله الصدر مطبوع   بالحشر تلكاه
       ........................................
خادم بيوم القيامة بيه ينادوني
تنتبهه كل الملائك من يصيحوني
تنعرض كل المجالس غادي بعيوني
الف هنيالك يخادم وبيه يهنوني
اصيح وين انه الزجيه اهناك دلوني
   اتنادي هالجنه خل يحظر اهناه
خادم الزهره هالاسم محلاه
                 .............................
لما ذرف دمعه الحسين بهل العمر كصر
اهناك ملك الموت واكف يسجل ابدفتر
ختم مختوم ابصفحته موقع ابحمر
هذا خادم للحسين وياعلي احظر
اخذ نور من الزجيه ونور الكوثر
لعل صدر لاطم تشهدله يمناه
خادم الزهره هالاسم محلاه
                 ..................................
هاي خدمه للحسين والله سواهه
ألف هنيلاله التشمله وين يلكاهه
اسمي خادم الزجيه وهاي محلاهه
البشر يدري الخدمه ذله وما تدناهه
فقط بس خدمت حسين البيهه نتباهه
شرف هالخدمه على الصدر شناه
خادم الزهره هالاسم محلاه
                ..................................
الخادم اهناك النبوه اتبوس ابجفه
لو يطب للجنه خادم جن اجت زفه
اشكثر صايح يا حسين وتصعد الكفه
وي عابس وي قنبر هذا شتوصفه
ومالك الاشتر يظيفك حيدر امكلفه
كنه فد صيحه هالصوت صحناه
خادم الزهره هالاسم محلاه
           .  ..............................
ريت عمري انوب يرجع والله ياريته
اهناك تسئل هاذ عمرك وين كظيته
اشقدمت انت ابحياتك شنهو سويته
ولي جان اهناء خادم يرتفع صيته
ولي صاناهه بحياته يرتفع صيته
واحنه ضحينه وهالعمر ردناه
خادم الزهره هالاسم محلاه
                     ..............................
اهناك اليقيم المجالس النبي وصحابه
الشاعر ورادود يقراه ايحظر اكتابه
وشرط كل بيت اليذكره حسين ومصابه
بيهه ونه وبيهه عبره ودمعه سجايه
اهناك واطب الزجيه شايله خظابه
اتغيم الدنيه والعرش يدناه
خادم الزهره هالاسم محلاه
                   ...............................

للخادم العتره الطاهره الشاعر ابو عباس الدراجي

بصوت. مسلم المطيري

خادم الزهره.

كلمات الشاعر
ابو عباس، الدراجي

خدامج حضرنــــه اليوم  كل خادم لطم صدره
وي دكت لطمنه انصيح  يامظلومـــه يالزهره
***

خدامـــــج حضرنـــه اليوم  وامحبتــــــج لمــــــتنه
محلاهه الشباب اتصــــيح  ام الحســن جمعـــــــتنه
اتوفقنه العزاهـــــه انروح  والمجلســــهه جابــــتنه
هنياله والـــــف للجــــــاي  مجلس فاطمه ايحضره
***

هنياله الحضر والجـــــاي   يبجي امحضر الدمعه
كل دمعه التســــــيل اهناه  باجــــــر بالكبر شمعه
امسجل كل عمل محسوب  اليقره ويلطـــــم وينعه
ومن عندج طلبنـــه انريد  المجلس خدمتــج نظره
***

من عندج طلبنه انريــــد  ياشمس الله وأحجـــــابه
ياآية ألـــــــــــــه  الكون  وانتي رحمتـــــــه وبابه
هاي احبابج اتناديـــــــج  تنخه وتدعي طــــــلابه
بكلوب النخوج اهـــواي  جم حاجـــــات متعسره
***

بكلوب النخوج اهـــواي  والحاجــــــــات تدريهه
عن علم وفهم معـروف   كل صـــعبات تكضيهه
بالنيه الكــــــــلام واياج   لاماداعـــــــي نحجيهه
بجاه المحسن المحروم   ويلي ومنذبــــــــح عمره
***

بجاه المحســــن المحروم  ماضاك الهـــــوه بريته
طاح اعله الترب مذبوح   حــيل العصـــره ماذيته
مافتح ابد عيـــــــــــــناه   وماشايف اهــــــــل بيته
وياج اندفــــــــع بالباب   من صاب الكسر صدره
***

بعينج باوعي اعلينـــــــه    والاسس عزه الليلــــــه
كون اتطولي ابعمــــــــره  وبالتوفيــــق تدعيلــــــه
خيره ايزيد كون اضعاف  وتشـــــدين كل حيلـــــه
وكلمن شارك ويانـــــــه   لاتعوفينـــــــــــه يالحره
**



أبو علي الركابي

بصوت. مسلم المطيري

خدامچ حضرنه اليوم
كل خادم لطم صدره

كلمات الشاعر
ابو علي الركابي

خادمك ياابو علي      لا تخــــليـــــني
من اموتــن سيدي     ادخيلك احميني

……..

سيدي ابمجلس حظرتك جيتك وعندي كتاب
ورقة اعمالي وخدمتي التنعرض يوم الحساب
أمر سهــــــلي اريـــــدك حته افوت بلا عذاب
خادم وارجو الشفاعه من يغطـــــيني التراب

من يخلوني بگبر       شابح بعيني
خادمك ياابو علي     لا تخــــليني


الكـــتاب العــــندي جبته حيل تعبني سنين
گوه حصلته ابدمعتي وصرت خادم ياحسين
طبعن ابتســـهيل الله والعــــزيزه ام البــنين
كل سنه خادم اروحـن اخدمك بالاربعــــين

امروتك هاي السنه     هناك وديني
خادمــك ياابو علي    لا تخــــليني


كون تقبـــلني بخدمــــتك سيــدي ها يا امير
والله ماانســاه فظــــلك ينحسب كلش چــبــير
امنيتي هاي بروح ابوك ماردت مال وحرير
منصبي ابمجلسكم اكنس چني متنصب وزير

بس اطب المجلسك     هاي ترضيني
خادمك ياابو علي     لا تخــلـــيني




اقبــلني يامولاي عندك وقـعه بيدك فايلي
حلمي اتوضف وظيــفة خادمك ياابو علي
بدونك ودون المجالس ضـايع ومحد الي
انه وحداني بحياتي وانته حسيتك هلي

علمتني عله الصبر    واسمك اسنيني
خادمك ياابو علي     لا تخــــلـــيني


الوادم الماتعرف اســــمك والتريد اتـــــنافسك
خل تجي اتباوع جنــوني اني صاير عابــــسك
وداعة عيونك حبيبي بذني صــــوت اتنـــفسك
عدي تسوه الدنيهه كلهه دمعه وحده بمجلسك

اسمك ابروحي گعد    ضل يحاچيني
خادمك ياابو علي     لا تخــــليــني



اسمع اهـــواي الملامه عالـــطم وعله البــچي
اشلون اعوفنهه المجالس وامك الزهـــره تجي
اتحملت كلشي حبـــيــــبي العاشك ايظل يرتجي
اتحمل الصخره وألمهه الخاطرك مو بس حچي

انذر العينك نذر      انذر سنيني
خادمك ياابو علي     لا تخــــليني


حيدرالعماري

بصوت. مسلم المطيري

خادمك يابو علي لا تخليني

كلمات الشاعر
حيدر العماري

قصيدة رقيه عليها السلام

ينور العين .... تصيح حسين
رقيه الدمعه هماله 
تون وتنوح ياحاله    
.....................................................
رقيه الدمعه تجريهه
على ابوهه حسين واليهه
وأثر فرگاه ماذيها
منو بعده اليسليها

بأثر فرگاه ... تصيح بآه
نار الفرگه چتاله
تون وتنوح ياحاله
........................................... 1
طفله من زغر سنهه
كثر من الألم ونهه
ما چان السبي ظنهه
وهموم الغربه يلفنهه

غريبه أيهون ... يسيره أشلون
الكفر شيحمله وانذاله 
تون وتنوح ياحاله
................................................ 2
ابوهه تشوفه عالغبره
بلا راس انگطع نحره
الگلب مايحمل النظره
ضامي من العطش حسره

تصد العين ... ألك يحسين
الجسم متطشره اوصاله
تون وتنوح ياحاله
................................................. 3
تنادي حسين ظلموني
بحبل عگبك يگيدوني
بطريق الشام ودوني
يبويه بسوط ضربوني

على اللوعات ... تصب دمعات
يدهري تصيح وأهواله
تون وتنوح ياحاله
...............................................4
يتيمه وحايره الطفله
حزينه وبيهه الف عله
اليسر تعبهه شيحمله
زغيره وغربه مو سهله

بألم وجروح ... تون الروح
عله المذبوح وعياله
تون وتنوح ياحاله
.............................................5
رقيه تبچي وتمنت
حسين لشوفته حنت
راسه بالطشت شمت
ناحت فوگه وونت

بگلب مفجوع .... طفله تلوع
هضمهه البين وآجاله
تون وتنوح ياحاله
...............................................6
خادمكم مالك السعيدي

بصوت. مسلم المطيري

ينور العين. تصيح حسين

كلمات الشاعر
مالك السعيدي

بصوت. مسلم المطيري

نعي للسيده رقية /ع/
تعبني  الرمح مالوحه  عالي
يبويه حسين يا عزي ودلالي
اريداً رأســك اشتــمه يغـالي
ونيران الحزن يحسين بيه
  ...............
حاجيني يـبويه مـن احـاجـيك
ياجرح اليلجمك حتـه اداويــك
مشبوحه تضل عيني تره علـيك
يابن فاطمة الزهراء الزجيه
     ...............
رأسك ليش بويه فوگ الرماح
ونيران الدمع يحسين من طاح
وجفي إيدي زغير اوبــد مالاح
يداوي اجروحك وترجع إليه



الشاعر خالد جودي العارضي

نادينه يحسين العمر
فدوه ألك من الزغر
ياحسين .... ياحسين
...............................
حبك سكن وسط الضمير
يا جنه انت من سعير
يبن الولي واشرف امير
ينجلي بذكرك كل عسر
ياحسين ... ياحسين
.....................................1
يانبع صافي من الجنان
ذكرك يظل طول الزمان
يا عزه ما تقبل هوان
عزة نفسنه انت وذخر 
ياحسين ... ياحسين
........................................2
ليومك تظل تبچي العيون
والدمع ما مل الجفون
يا مدرسة حزن وشجون
ما ننسه يومك للحشر 
ياحسين ... ياحسين
........................................3
من دمك الدين استقام
يبن النبي وخير الانام
لحضرتك مولاي السلام
كلمن يزورك يبتشر 
ياحسين ... ياحسين
..........................................4
حبيتك آنه من المهد
يا حجة الباري الصمد
ما عوفك انطيتك عهد
ابقه عله دربك للگبر 
ياحسين ... ياحسين
...........................................5
كلما يمر ذكرك ننوح
تحملنه آلام وجروح
للظالم نهدم صروح
كل ثوره بأسمك تنتصر 
ياحسين  ... ياحسين
........................................6
اقسمنه مولاي ونذوب
لو ذنب حبك مانتوب
منهجك خطنه الدورب
وعلمنه نهجك عل الصبر 
ياحسين ... ياحسين
............................................7
ياخامس اصحاب الكساء
يا ابن سيدة النساء
نورك سطع وسط السماء
ما يخفه غصبن عل الكفر 
ياحسين ... ياحسين
..............................................8
خادمكم مالك السعيدي

بصوت. مسلم المطيري

نادينه يحسين العمر

كلمات الشاعر
مالك السعيدي

📜كسر ضلعج جريمه📜


وحك ربنه وكليمـــه ــــــ كسر ظلعـج جريمــه
🎙️يازهـــراء


أنتي من محمـد يـم حسـن بضعـه
وظلعـــج يلزجيـــه يعتبــر ظلعــه
بنته وتعـرف النــاس * وأصلــج منه والساس
اليتعــده عليـج ايجرحــه ويفجعــه
ومجـرم بالحشـر طه النبي ايطلعه
يحره ايظل خصيمه ــــــ كسر ظلعج جريمه
🎙️يازهـــراء



انتي اصل الشرف والحشمه والعفه
بكفــه النــاس وأنتــي فاطمــه بكفـه
عنـــج والــدج كـال * مالـج بالنســه أمثــال
اشلون ابن الرذيله ايصطرج ابجفه
وبوصيـــــة محمــد وسفـــه ماوفـه
ناس بلايا شيمه ــــــ كسر ظلعـج جريمه
🎙️يازهـــراء


بيـتــج جـان مهبـط للوحـي ومنـزل
ودوم اعله الرسول المصطفى ينزل
ابيتــج نزلت آيــات * من رب السمــاوات
وحـي اللـه يزهـره اليقـره ويرتــل
قـدسـيــه وكرامــه منــزلــج يحمـل
منزلتــج عظيمـه ــــــ كسر ظلعـج جريمه
🎙️يازهــــراء



غضب ربـج يحره وناده جبريلـه
ياويله الهجـم عل الزهره ياويلـه
جبريل الوحي ناح * وبعنان السمه صاح
امصابــج يلزجـيـه كلهــا تبجيلـه
وظـل ألــي يحـبــج منهـدم حيلـه
ينحب ياهظيمــه ــــــ كسر ظلعج جريمه
🎙️يازهـــراء



ناديـنـــه بألـــم يافاطـمــه وعبــره
واللـه شكد عظيم امصابج الزهـره
لجلـج ينحـب الكون * وصبـت دم العيون
عينـج ياهظيمــه يـم حسـن حمره
وظلعج منكسر من شدت العصره
آه شكــد ظليمـه ــــــ كسر ظلعـج جريمه
🎙️يازهــــراء



خادم أهل البيت(ع)
🖌️الشاعر: حيدر كامل العبودي

بصوت. مسلم المطيري

وحگ ربنه وكليمه

كلمات الشاعر
حيدر كامل العبودي

بصوت. مسلم المطيري

نعي السيده زينب ع اتخاطب أبي الفضل
بعد الرجوع من السبي



كـون الــگـبـر عـبـاس بـي بـاب
ويــمـك يلـمـنـي لــمـت احـبـاي
هسه اعرفتهه بطـول الاغـيـاب
يـالبـعـد اخـوهـه عـيـب تـنهاب


عـگـبـك صـرت لـلنـاس فـرجـه
وعنـك مـشيـت بـنـاگـه عـرجـه
شلـي بـحـيـاتي وبـعـد شـرجـه
وادري الحچي المثلك يحرجـه


مـحـد رحـمـني وسـمـع شـكواي
ذاب الــدلـيــل بــنـومــتـك هـاي
صـارت شـمـاته الـتـمـشـي ويـاي
عـگبـك يـخـويـه ومـاي عـيـنـاي


حـرمـت عـلـيـه نـومـت الـلـيـل
اطـبـك جـفـن واتـذكـر الخـيـل
انــحـب ورتـّـل الـنـوح تـرتـيـل
وأنـدب عـلـي حـمـاي لـدحـيـل

*----------------------*-------------------*
✍خـادم الـحسيـن
الشاعر رعد الجريخي

بصوت مسلم المطيري

وره الباب اختفت فاطم

كلمات الشاعر
ياسر العارضي