رايح وين
بعدك للعمر تطلب هواي سنين
رايح وين
لو گاع النجف متعلمة عالزينين

لـ [ الـزهراء ع ]

يـالـــذي تـــسئــل عـليه 
بخير من ترضه الزچـيه


من فضــل هاي المــجالس عايش بــخير
خــادم المـنـــبر اريــدن أســــمي ايــصير
الزهره تـرضه اعلـيه مــاريــد التــصاوير 
ألتـقــبله الزهره بخدمــها هذا ميـــحــير

اليـقـره ودمـوعـه جريه
بخير من ترضه الزچيه


وانه بگــماط الطـفـوله ودمــعي سچاب
امي تـنـعه عـــله الزچـيه وحــر الصواب
چـــنت اسمـعـها ودور عالـهـــوه الـــهاب
اختـنـگ لو امـــي صــاحت ااخ يالــباب

تـلزم اضـلـوعـي أديــه
بخير من ترضه الزچيه


گبـــل ليعلمــوني أهــلـي نـگــل الاجدام
علـموني اشلون اشيــل اچـــفوفي لطام
خــل اصـيـرن بالأخـير الــشهـره اوهــام
ابدفـتر الزهـره الزچـيه أســـمــي گــدام

بالأخــيــر وتــدري بــيه
بخير من ترضه الزچـيه


من ارد من المـــجالــس گــــلبي ملـــچوم
امـــي تـتـبرك بــديـها اتــــكـض الـهـــدوم
اتـگـلي هنــيــالـــك يــيـمـه لاطـــم الـيوم
باچر اچـــفوفـــك هذنــي بـيـهن اتــگـوم


اتعــينك ابـــيوم المنيه
بخير من ترضه الزچيه


ضاگـت الدنـيه علـــيه وضـــاگــت الگاع
لكن احضان المجــالس صــارن اوســـاع
عـالـم الدنــيا سفــيـنه وماكــــو اشـــراع
الما حضرله ابيوم مجلس ينحسب ضاع

ايضيع بالدنــيا خـطـيه
بخير من ترضه الزچيه


الرايــد ايــرضـي الزچـيه يـنطي اعـهـود
كـون مايـسـطر يتـيمـــه فوگ الـــخدود
كون تبقه اخلاقه بيض .. ويلبس السود
اضلوعه كون تــلمچه لــمن يقـره رادود

ايعــيــش ويــااا الأذيه
بخير من ترضه الزچيه


لــ حيدر العماري

بصوت. مسلم المطيري

يالذي تسئل عليه

كلمات الشاعر
حيدر العماري

بصوت. مسلم المطيري

الحمد لله خدمتك ياحسـيـن

من اول انفاس بـحـياتـي
قبـلـت الـحـب وصــلاتي
خـادم وحــتى بـمـمــاتي
يلقنوني بيا حسـيـن

الحمد لله خدمتك ياحسين

تـسـتلذ بااسـمك جروحي
احجي طاريك ويـ روحي
أنــتـه المـحـليـلي نوحــي
محله حزنك ياحسين

الحمد لله خدمـتـك ياحسـيـن

الـمـجـلسـك شوگي وحنيني
أعـگـــالي دمـعــاتي اونـيني
عله نـعـي مــعـودهـا عيـني

تبچي ل اسمك ياحسين

الحمد لله خدمـتـك ياحـسـين

ويـ النفس تدخـلـها ريـتـي
خــــادم اتـرابــك هويــتـي
بكل مكان انـــت قضــيتي

وصوتي كلمة ياحسين

الحمد لله خدمتــك ياحـسـيـن

بخـدمـتـك عليـتـه شـانـي
مالك احساســي وكــياني
أنـتـه بالــغـــربه أمـانــــي
وطن صاير ياحـسيــن

الحمد لله خدمـتـك ياحـسـيـن


#حيدر العماري

بصوت. مسلم المطيري

بيت ابوذية في حق الام

كلبي كبل جفي عليج يومي
وكبل يومج ييمه ردت يومي
شايب بس بعدني اصيح يمي طفل جني ولاجن شيب بيه

الشاعر الرادود عباس الغانمي

ابوذية في حق الام

وحك العله صدره الخيل راكات  
ابفكد امي خلايا  الجسم  راكات
عليها  الاه    فوك   الاه    راكات

بكثر   ماسهرت   وللولت   عليه  

الشاعر الرادود عباس الغانمي

ياعلي اعله البـــاب خطيت الوصيه
بظلعي المكســـور ودموعي الجريه
لوقريت اقره اعله كيفك بيه
خـاف تسمع زينب وتــاذيهه
بيهه مذكور المصاب المر عليه
ـ;;;;;;;;;;;;;;;;;;;;;;;;;;;;;;;;;;ـ

شفت آثار الظلم مـــــن غسلتني
عصـــــرت الباب وألمهه عذبتني
لا تسولف ياعلي وچن ماشفتني
ياگلـب يتحمـل وتحچيــله عـني

لا تســولف خايفه ايشبعون اذيه
انته صـــــــــــبرهم اذا حنو عليه
قصتي اويه الباب الك ارويهه
خــاف تسمع زينـب وتــاذيهه
        ـ;;;;;;;;;;;;;;;;;;;;;;;;;;;;;;;;;;ـ

عن وصيتي اوصيك اي شي لاتگلها
لان تمــــــرد بالگلب كلمـــــاتي كلها
ما أريــــــــد اسمــع ابـد ونت زعلها
اجروح كلب الحـــره اريدنك تشلها

ياعلي شوف الزمان اشســــوه بيه
وانه بت اشرف نبي وسيــد البريه
يـاعلي اهمومي الك احجيهه
خــاف تسمــع زينب وتاذيهه
         ـ;;;;;;;;;;;;;;;;;;;;;;;;;;;;;;;;;;ـ

بالحسن وحسين ياحيدر وصيتي
تحملو لــوعه ومصايب كَد اذيتي
أثلث نجــوم تأملت يضولي بيتي
لاكـن المحسن وگع ساعة منيتي

بعده ماشاف اخوته وفارگ حياته
شنهو ذنبه ياعلــــــي ورادو مماته
لجله دمعات الألــم اجـريهه
خـاف تسمع زينب وتاذيهه
       ـ;;;;;;;;;;;;;;;;;;;;;;;;;;;;;;;;;;ـ

لو بچو يالمرتضى هـــود عليـــــهم
تهيــــج آلامـــي أذا اسمــع بجـيهم
ميته بس ارويحتي اترفرف عليهم
الهم اشتاقت وما تكَدر تجــــــيهم

كلهم ايحرســون زينب يالصميده
لايخلـــــوهه يـبن عمي وحــــيده
عالمصايب والحزن مابيهه
خاف تسمع زينب وتاذيهه
             ـ;;;;;;;;;;;;;;;;;;;;;;;;;;;;;;;;;;ـ

مـن طحت يالمـــرتضى رتك تجيني
ضلوعي كلهه مكسره وطايح جنيني
مطـــــرت اعيـون السمه دم الونيني
صحت يافضه اعله صـدرج سنديني

ليش ماسليت سيفك مــن شفتني
خدي احمر صار يشبه لــون متني
اسياطهم بمتوني أشكَف بيهه
خــاف تسمــع زينب وتاذيهه
         ـ;;;;;;;;;;;;;;;;;;;;;;;;;;;;;;;;;;ـ

                           الخادم
                       كامل السعيدي

بصوت. مسلم المطيري

ياعلي اعله الباب خطيت الوطية


كلمات الشاعر
كامل السعيدي

ماشيه وگوه التـفـت    امحدبه من يمك فتـت
خفت اصيح اعذرني ويسمـعـوني
سهم بعيـونك شـــفــت يعــيــوني

ياابوفاضل    ياابوفاضل


جسمك امطـشر مـثـل مـا طـشــرونه
كل كتر منـــك مـــسـافــه يــبعــدونه
ياهو مــيت بعد موته ايـگـــطـعــونـه
وبالســــهام وبالحـوافـر يدفنـــونـــه

طشروك اشچـم كــتر    وسفـه طولك چم شبر
يالچــنـت طولــك جبل بمتـوني
سهم بعيــونك شفــت يعــيوني


چتــفــوني والوجــع مـو مـــن اديــه
خــفــت وأنــته ميـت اتبـاوع علـيــه
گلت بــس لا يــلچــم  عالصــار بــيه
ااخ اذا تســمع يصيــحـولي السبــيه

ابظهري دخان الخيـم    ايرفرف وموش الـعلـم
ام عون چانت هسه ام ضعوني
سهم بعيــونك شفـت يعـيـونـي


ازغار بس عله الظهر حطــينه ادينه
وگوه ياعبــاس مــن يمــك مشـينه
غمــضــت عين اليـــتـامه ياوليـــنه
چي يسئـلوني لهــسه عمــنه ويــنه

الهــسه تانــو ياگـمر     ترجــع وبــيدك نهـــر
شرد اگول وكلهم ايــسألــوني
سهم بعيونك شفت يعـــيوني


جرحي اكبر من حچي كل الحچيته
بداخلي هواي البچـي بس مابچيته
حسين ياعباس لو تدري اشلـگيــته
حمره مثل عيوني ياخـويه لحــيـته

يمك حسيــن انطـعـن     والـحوافر بـي مشـن
الساتر الوادم صــرخ سلـبـوني
سهم بعيونك شفت يـعيــوني


صحت خويه حسين والتـفـتـن بناته
عمه گـالـن راح اليــضمـنـه بــعباتـــه
صار وقــــت أذان مـــارد الـــصــلاته
الفارگـــانه چنــه هــم فارگ حــياته

كاضي بس ضيم العمر   حرمه واركض عالجمر
وزلم غربه من اركض يشوفوني
سهــم بعــيونك شفت يعــيوني


لـ حيدر العماري

بصوت. مسلم المطيري

ماشية وگوة التفت

كلمات الشاعر
حيدر العماري

محرم 2023
قصيدة علي الاكبر ع

طلع يوسف كربله ـ امن الخيم للحومه
كلّه غِيره ومرجله ـ وحان بالطّف يومه
°°°°°°°°°°°°°°°°°°°°°°°°

هاشمي وعالحق ثباته وسيفه يعدل لو شطر
كربله شــاهد عَيـَــانه ترك بيها اروع صـــور
تحت امره الموت صـــار وكلمن ايشوفه انبهر
ضاگت الوسعه عليهم مايصــــح درب المفر

صوته شِبه الزلزله  ـ  وياحـــــلاة اعلومه
كله غيره ومرجله  ـ  وحان بالطف يومه
°°°°°°°°°°°°°°°°°°°°

ســـــيفه ابابيل وعليهم چنه سجيل ونزل
دخنت ســوح المنايه لعلي الاكبر من حمل
ذكّر اشــــــباه الرجال بعلي ومعركة الجمل
كل مخطط فشل عــدهم لمن اعليهم زعل

مـــات كلمن قاتَـلَه  ـ  وذل يزيــــد وگومه
كله غيـره ومرجله  ـ  وحان بالطف يومه
°°°°°°°°°°°°°°°°°°°°

غُبْره صارت بالمعاره حين هب چن عاصفه
ونجَلَت لنّه ايتبــــــــــختر والرجال امچتفه
من هتف هل من مبـــارز بكر عن عينه اختفه
خاف من شاهد جثثهم حدر جدمه امخالفه

الگابله اليوم ابتله  ـ  روحــه تبقه تلومه
كله غيره ومرجله  ـ  وحان بالطف يومه
°°°°°°°°°°°°°°°°°°°°
سطّر اعجوبه بمشيته وجْهه شمس الله وضوت
زمهرت عينه عليهم حـــــــدره گاع الله انطـوت
والجيــــوش الگابلها اندهشـــت وعــنه انزوت
روج يردم روج دمــــهم كربـله بيـــــــه ارتوت

بيرغه ابچـفه عِلَه  ـ  ومايهاب اخصومه
كله غيره ومرجله  ـ  وحان بالطف يومه
°°°°°°°°°°°°°°°°°°°°°

ابد ميهاب المنايه ويطــــــبگ العشره سوه
اضطراب وقلق مرهم ضــجه صارت نينوه
علي براسه اومن يقاتل يفني ابن غانم نوه
ونطلق مثل الشراره السلِم من سيفه انجوه

نينوى صـارت اله  ـ  والحـرب محسومه
كله غيره ومرجله  ـ  وحان بالطف يومه
°°°°°°°°°°°°°°°°°°

✍الخادم
كامل السعيدي

بصوت. مسلم المطيري

طلع يوسف كربله
من الخيم للحومه

كلمات الشاعر
كامل السعيدي

بصوت. مسلم المطيري

احلى شي بالدنيا امي
يامن اتسألوني

كلمات الشاعر
محمد الجماسي

محرم 2023
قصيدة الانصار

لوكملت من صـــــلاتك
هد بينه ولقِي بعصاتك
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°°°

لبيك ياضــــــنوة علي وسيد شباب الساده
هد بينه وكت الموزمه وهاي الرگب سداده

نصبح الك ســـــور اوطن
ونحـــــــارب اوياك الفتن
لجلك ندوس اعله المحن ـ يحسين تدرينه

وكت العسر نصبح يسر
بينه يبو سكينه افتـخر
بسيوفنه انجيب النصر ـ ونبث عناوينه

نقسملك احنه بغلاتك
انصـــــير ماي البناتك
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°°

الليل نتخـــذه جَمَل وتريــــــــد منه نعوفك
انضيع من دونك ترى وانته النجاة انشوفك

ماجينه حتى انرد ترى
ونعوفــك انته ابنينوى
انموت كل احنه ســـوه ـ هالشرف شارينه

نحمي خيام العايله
نفديك يابو المرجله
ضعن العقيله اندللـه ـ وندلل اسكينه

گــــدامك ايرف علمنه
بالطف نشوفك هممنه
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°

يحسين تامرنه امر والكلمه هاي اسمعها
گدام رجلك سيــدي روس الزلم نگطعها

خصمك وحقك بس عدد
محد يظاهيــــــــــنه ابد
كل جيشهم يصــبح بدد ـ ونزلزل اصفوفه

نسحگ على الموت ابعزم
نهــــزم وبـــــد ماننــــهزم
ونكس اركــاب الزلــــــــم ـ صولتنه معروفه

يحسين حگك علينه
انجيب نصرك بدينه
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°


عمرين لوعدنه الك يحسين رخصناهن
وراياتنه ابعلو النجم بالحومه عليناهن

هبّت صـــــــورامنه عصف
چن ريح صرصر من نصف
برواحــــهم نخطف خطف ـ كل العزم بينه

بالجيـــش حَلّت ضغبره
مدهوش بالصـار اوجره
خيــول ورجال امطشره ـ بالحومه خلينه

واحدنه روح البساله
وتحـــيْر اميه ابنزاله
لبيك اباعبدالله
لبيك اباعبدالله
°°°°°°°°°°°°°°°°°°°°°°°

اصدورنه ادروع الخيم ونرد سهام العسكر
ويـاك حـد آخــر نفس وفـايه يابو الاكــــبر

بصدورنه نلاگي السهم
نطلع علم يســـبگ علم
لجل الشرف نهتف نعم ـ صرختنه ثوريه

كل طاغي لجلك ينسحگ
نرســــم الك لوحة عشگ
مثل الهوه انته وتنشــهگ ـ يحسين بالريه

متحزمين الغــياره
ننتـضر منك اشاره
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°°

✍الخادم
كامل السعيدي

بصوت. مسلم المطيري

لو كملت من صلاتك

كلمات الشاعر
كامل السعيدي

كأني بأمير المؤمنين بأول زيارة لقبر مولاتي فاطمة
و قف عندها وقال

مُشكلتي چبيرة او ما بعد تنفَض
ما تتعوضيـن و كلـــشي يتعوَض
ارجعيلي // ارجعي او خلي نرجـع مثل ما چنّة
ارجعيلي // ارجعي او محسن ابنچ طير بالجنّة
ما تتعوضين ما تتعوضين
ـــــــــــــــــــــــــــــــــــــــــ
يا رزق الله الضــــــاعت مني
               و مشكاة الــروح القُدسية
هــــــاي اول مـــــــرة اتعنالچ
              من گبــــرچ طلعيلي شوية
يعني شلون اشرحلچ وضعي
              ابعينچ شوفي شصاير بيه 
آي هـــــذا انه القــــالع خيبر
              ارجف مــن راسي لرجلية

الدافن صبره بيــــــده بعد شيصبره
و جروحچ غميجة و كسرتچ كسرة
تعـــاليلي // تعالي يا شمعــتي و يـاسي و الحنّة
ارجعيلي  // ارجعي او محسن ابنچ طير بالجنّة
ما تتعوضين ما تتعوضين
ـــــــــــــــــــــــــــــــــــــــــ
للمستقــبل چنة انخطط
                و نرســــم و انلوّن بالصورة
چا ليش انباگت احلامي
                و احلامچ طاحت مكسورة
شبيها الدنية و ما خلتها
               تكمل عشــــــرتنه المستورة
يالما زعّلتيـــــــلچ واحد
               و زعلانة أرحلتي و مقهورة

وسط البيت تخنگ ريحة اشواگچ
و هذا الشيب كله من ورة افراگچ
اسمعيلي // اسمعي اشلون حيـدر يجذب الونة
ارجعيلي // ارجعي او محسن ابنچ طير بالجنة
ما تتعوضين ما تتعوضين
ـــــــــــــــــــــــــــــــــــــــــ
صوفر بستانچ مــن غبتي
                    و ظلـت أغصانه ابلا ورگة
يا ساجيتي المنـــها اتروه
                    ما متفقـــــين اعله الفـرگة
من ساعة ما طبـگوا بابچ
                    و لهسه انه ابذيـچ الطبگة
كل ليلة اعله البير امسيّر
                    و ارجع خسران ابلا ملگة

انطي لوين وجهي و انسه موضوعچ
و انه المنكسر چــــن كسرة اضلوعچ
انظريلي // أنظري و شوفي حيلي مـــا بعـــد منّه
ارجعيلي // ارجعي او محسن ابنچ طير بالجنّة
ما تتعوضين.  ما تتعوضين
ـــــــــــــــــــــــــــــــــــــــــ
منكوب البيت امن غيابچ
                     و انصبغت اسود حيطانه
ما چانــت تچهبنه الظلمة
                     يام البيت أو انتي و يانه
انه و ولــــدچ و ابنــياتچ
                    شنسوي المغرب لو جانه
و ما أكـدر احچيلچ اكثر
                    مهضومة ادريچ و تعبانة

اعذريني جرحتـــچ يام ضلع نازف
و خاف احچاية منّي لچمتچ اسف
امسحيلي // أمسحي گومي عن وجهي ذَره المحنة
ارجعيلي // ارجعي و محســـــــن ابنـچ طير بالجنة
ما تتعوضين ما تتعوضين
ـــــــــــــــــــــــــــــــــــــــــ
يم گبرچ جابنّي اجـروحي
و لو قصرت معذورة اعيوني
شلونك اخبارك مــن بعدچ
ألــــزم ظهـــــــري لو سألوني
انــه بخيــر امنين احچيها
و انـــه الخـــابت كل ضنوني
ابعثراتي امبيّن موضوعي
ما داعي تســــــألين اشلوني

كتلتني الهضيمة و هل صرت ناعي
و تعنيت ازورچ و انثـــر اوجـــاعي
دگوميلي // دگومي او عن علي نشدي علي عنّه
ارجعيلي //ارجعي او محســن ابنچ طير بالجنة
ما تتعوضين ما تتعوضين
ـــــــــــــــــــــــــــــــــــــــــ
ما بين جروحچ و جروحي
متـــــأمل طبــــــرة محرابي
يمتى المـوت ايرد يجمعنه
و يطيب اصوابچ و اصوابي
نتلاگه او محـــــسن وَيَّانه
و ننسه العصرة و دفعة بابي
خليني بهالحســــرة اتمنه
و ربّنه اليجبر هــــذا مصابي

ابأمان الله يزهرة نامي راح ارجـع
بنية ازغيرة عندي و خاف لا تفزع
اسمحيلي // اسمحي أرجـــــــع اتانيـني زينبنّه
ارجعيلي // ارجعي و محسن ابنچ طير بالجنّة
ما تتعوضين ما تتعوضين
ـــــــــــــــــــــــــــــــــــــــــ
الحمدلله
#علي_حسين_الكناني

بصوت. مسلم المطيري

مشكلتي چبيرة ومابعد تنفض

كلمات الشاعر
علي حسين الكناني

بصوت. مسلم المطيري

ابوذيه // للزهراء سلام الله عليها

مشي كون أگصد گبرها ونعى ليها
وتفيض هناك روحي ون عليها
نضل چندوب ننشد وين عليها ؟
دفنها ولا نزورچ يالزچيه

الشاعر : أبو زينب علي الظالمي

بصوت. مسلم المطيري

انه الطم وانته تسكت لاتصيح
لا تگــلـي العـقــل فـارغ بالطــم
انه لو بيدي وحك زنجيل ابوي
اله اخلي من الظهر يطلع عظم
-----

انته ويــن وجـاي تحجيلي بهواك
بـهـذه عقــلك فكــر جاهــل تارس
خاف عابس شك قميصه تسودنيت!
انه اشـگــن راسي واعــبر عابس

----

حســین علمــني تره کلش جـثير
وانه جـاي اتفـنــن بـهـذه العــلم
لا تكـلي الزلمــه مايـبجي دشوف
احنه عدنه التبجي لحسين الزلم


#حيدر العماري

بصوت. مسلم المطيري

#ابوذيات_الزهراء_ع_
..
.
                          
           عــلــي يــا ســــورة الانـــســـان.. يــا هَــل
           أتــــىٰ ، جــفــنــي فــلا يــنــلام.. يــا هــل
           آنـــه الـلــي لـلـــ لــحــد زتّــيــت.. يــا هــل

           حـــلـــم عـــمـــري اهــــز مــهــده بــديــــه

                        
   *---------------*---------------*

           جـــرح اولــيــدي جـــرح الــبــاب.. مـهـده
           ولــيــالــي الـگــلــب مــن الـصـار .. مـهـده
           اون عـَـالـــ مــــــا ولا هـــــزيــــت.. مـهـده

           ولا راســـــه غـــفـــه بــــراحــــات اديــــه

*---------------*---------------*


  ✍️خادم الحسين ع
الشاعر سعد هادي الشمري