#قصص_الأنبياء_للأطفال

🌴قصة موسى عليه السلام🌴

🪴الحلقة 11🪴

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 سجد السحرة عندما رمى سيدنا موسى عصاه و تحولت الى ثعبان ضخم

🌻وأكل جميع عصى السحرة التي تحولت الى ثعابين و حيات

🌻 و لما رأى فرعون هذا المنظر و اشتهر أمر موسى و هارون بين كل الناس وحتى يتخلص فرعون هذه الحقيقة ومن إقتناع الناس بسيدنا موسى

🌻قال فرعون آمنتم له قبل ان آذن لكم حتى يجعل الناس يخافون و يتوقفون عن التحدث بما حدث

🌻و قال فرعون للسحرة إن موسى هو كبيركم الذي علمكم السحر

🌻 و اتفقتم مع بعضكم كي تتحكموا في المدينة

🌻والكل يعلم ان سيدنا موسى كان أول مره يرى فيها السحره في هذا اليوم و بناء على طلب فرعون

🌻و كعاده أي ظالم عندما لا يجد مبرر لما يفعله يلجأ الى البطش و التعذيب و القتل فقال فرعون للسحره

🌻لأقطعن ايديكم وأرجلكم من خلاف اي سوف يقطع اليد اليمنى مع الرجل اليسري او العكس

🌻ثم أعلقكم على جذوع النخل وأقتلكم شر قتله حتى تعملوا من هو أشد منا عذابا أنا أم رب موسى الذي صدقتم به و آمنتم به

🌻فرد عليه السحرة وقالوا والله لن نختارك و لن نفضلك على الهدى و الايمان الذي جاءنا من الله على يد موسى حتى لو كان ذلك سوف يؤدي الى قتلنا
~ طه 70 الى 72 والاعراف 123 الى 129

🌻ثم قال السحره فأصنع ما تشاء بنا إنما تحكم في هذه الدنيا و نحن نرغب في نعيم الآخره

🌻و قد أراهم الله في سجودهم منازلهم في الجنه

🌻واستغفروا ربهم وظل يعذبهم فرعون و يصلبهم على الاشجار حتى ماتوا

🌻واحتار فرعون ماذا يفعل في سيدنا موسى و كيف يتصرف معه و اجتمع بالوزراء و كبار قومه

🌻حتى يفكروا كيف يتخلصون من سيدنا موسى

🌻و قالوا لفرعون هل ستترك موسى و قومه يعبدون الله و يتركون عباده آلهتك و انت الإله العظيم

🌻لابد ان تجد حل في أسرع وقت فأنفعل فرعون و قال سنقتل أبنائهم

🌻ونجعل نسائهم خادمات عندنا و سوف نقهرهم جميعا

🌻فقال بني إسرائيل لسيدنا موسى أوذينا من قبل أن تأتينا ومن بعد ما جئتنا

🌻فقال لهم سيدنا موسى استعينوا بالله و اصبروا إن الارض لله يورثها من يشاء من عباده و العاقبة للمتقين

🌻و لكن المشكله ان اكثر الذين آمنوا مع سيدنا موسى بعد قتل السحره كانوا شباب صغير

🌻و كانوا خائفين من بطش و تعذيب فرعون

🌻حاول سيدنا موسى ان يثبتهم و يخرج الخوف من قلوبهم

🌻و لكنهم كانوا قد نفذ صبرهم و بدءوا يشتكون من العذاب

🌻و قال لهم سيدنا موسى عسى ربكم ان يهلك عدوكم و يجعلكم خلفاء في الأرض و ينظر ماذا تفعلون

🌻 وقال فرعون دعوني أقتل موسى لأنه سيفسد على الناس دينهم و دنياهم و كان يقصد بفساد الدين انهم سيتركون عبادته و يعبدون رب العاليمن

🌻و يقصد بفساد الدنيا اجتماع الناس حول سيدنا موسى و حدوث الفتن بينهم و بين قوم فرعون

🌻و كان يقصد بكلامه ان يبدؤا التخطيط لقتل موسى دون ان يشعر الناس حتى لا يتعاطفوا معه

🌻واستهزء فرعون و قال دعوه يدعوا ربه كيف يشاء حتى ينقذه

🌻و كأنه يريد ان يقول لهم ليس هناك إله غيري فأنا ربكم الأعلى

🌻و سنعرف غدا ماذا سوف يحدث بين موسى و فرعون

🌻تصبحوا على خير يا حلوين

🌻وصل اللهم على سيدنا مُحَمَّد
🌻🌼🌻🌼🌻🌻🌻🌼🌻
إقرأ 📚 وانشر 📬 تُؤْجَرْ
‏https://www.tg-me.com/seerawqass

بسم الله الرحمن الرحيم

#دورة_شرح_المنيرة_في _مهم_علم_السيرة


الموضوع: الحلقة الواحدة والعشرون من شرح المنيرة في مهم علم السيرة.

#شرح البيت الثامن عشر


رابط الحلقة:
https://youtu.be/BB-XznYMOh4

#السيرة_النبوية_للأطفال

🌙 الحلقة 20 🌙

🌛من سيرة الرسول للأطفال🌜

🌻كان يا ما كان و ما يحلى الكلام إلا بذكر النبي عليه الصلاة والسلام🌼
🌻ولادي حبايبي دايما لما بيسمعوا اسم سيدنا محمد يردوا🌼
🌻علطووووووول.....عليه الصلاة و السلااااااااااام🌼

🌻ممتازييييييييييييين🌼

🌼 بعد لما سيدنا محمد حط التراب فوق رأس الكفار ومشي وسابهم واقفين زي التماثيل

🌻وبعدين صحيوا لقوا شعرهم عليه تراب ....ولقوا لسه فيه حد نايم في السرير ...
🌼افتكره سيدنا محمد نايم ....
بس اكتشفوا المفاجأة اللي جننتهم !!!

🌻ده سيدنا علي هو اللي نايم ...
و ربنا خرج سيدنا محمد من غيرما يشوفوه ولا يحسوا بيه ...

🌼سيدنا محمد عليه أفضل الصلاة و السلام لما ساب بيته ...... راح لمين ؟؟؟

🌻راح لصاحبه ... سيدنا أبو بكر ....احنا كلنا بنجب سيدنا أبو بكر .... لأن سيدنا محمد كان بيحبه وكان صاحبه

🌼سيدنا أبو بكر كان بيجهز نفسه عشان يهاجر ...

🌻وكان بيتمنى إنه يهاجر مع سيدنا محمد ....

🌼وكان مجهز جملين أقويا عشان يسافروا بيهم ....

🌻سيدنا محمد قاله ربنا بعتلي سيدنا جبريل وأمرني أهاجر المدينة ...
سيدنا أبو بكر بقه فرحاااااااااااااان أوي

🌻لأنه هيهاجر مع سيدنا محمد اللي بيحبه أكتر إنسان في الدنيا .

🌼سيدنا محمد .... و سيدنا أبو بكر اتفقوا مع راجل من مكة إن يعرفهم طريق السفر ..
وسابوا معاه الجملين ....

🌻سيدنا محمد عليه الصلاة و السلام وسيدنا أبو بكر قبل ما يهاجروا ...... راحوا عند جبل بعيييد ....جبل اسمه جبل ثور ...

🌼ودخلوا جوة الغار ... فتحة جوة الجبل
فضلوا في الغار 3 أيام .... عشان كانوا عارفين إن الكفار هيدوروا عليهم في كل حتة

🌻طب بياكلوا إزاي ؟
أسماء.. أسماء بنت سيدنا أبو بكر ..
كانت ست شجاعة و قوية و مش بتخاف من الكفار ...
........ كانت بتجيب ليهم الأكل كل يوم ....

🌻الكفار الأشرار .... بقوا هيتجننوا .....إزاي سيدنا محمد هرب منهم ؟إزاي ما حسوش بيه ولا شافوه ؟ ....

🌼فضلوا يدوروا عليه في كل مكان ....
لغاية لما واحد قالهم إنهم ممكن يكونوا عند جبل ثور !
راحوا بسرعة عند جبل ثور ....

🌻سيدنا محمد و سيدنا أبو بكر جوة الغار .... و شايفين رجلين الكفار ...
سيدنا أبو بكر خاف لحسن يعرفوا مكان سيدنا محمد ....

🌼بس سيدنا محمد مكنش خايف ....

🌻لأنه عارف إن ربنا هينصره على الأشرار الكفار ...

🌼سيدنا محمد بص لسيدنا أبو بكر و قاله :
🌼ما ظنك باثنين الله ثالثهما ....
🌻يعني أوعى تخاف ...إحنا ربنا معانا ..إحنا الصح و إحنا الحق ...و ربنا هينصرنا ....

🌻الكفار واقفين جنب الغار ...و لو بصوا هيشوفوا سيدنا محمد ...
بس مين اللي خلق عقلهم و عينيهم ؟
ربنا

🌼وربنا اللي خلاهم ما يقدروش يفكروا ولا يشوفوا اللي حواليهم.....
و مشيوا و هما زعلانين لأنهم بقالهم 3 أيام بيدوروا على سيدنا محمد ....
ومش قادرين يلاقوه .....
ولا هيلاقوه ....

🌻عشان ربنا بينصر النبي و بينصر الحق ....

🌼و بيهزم الشر مهما كان قوي .
و خرج سيدنا محمد ....و سيدنا أبو بكر من الغار ....

🌻عشان يبدؤوا الرحلة ... للمدينة .....
يا تري هيحصل معاهم إيه في الرحلة دي ؟

🌼هنكمل بكرة إن شاء الله🌻

🌼 تصبحوا على خير يا حلوين

🌻للهم صل علي سيدنا محمد
🌻🌼🌻🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#قصص_القرآن_للأطفال

🔦 قصة المائدة

🌸 كان ياما كان وما يحلى الكلام
إلا بذكر النبي .... محمد عليه الصلاة و السلام ..

🌸 اللهم صل علي سيدنا مُحَمَّد

🌸 كان في نبي كريم اسمه عيسى ابن مريم عليه السلام

🌸 والرسول ده كان معجزة من معجزات الله عز وجل لأن ربنا خلقه من أم بدون أب وده محصلش قبل كده خالص ولا هيحصل بعد كده كمان

🌸 وكان سيدنا عيسى طفل جميل كل الناس بيحبوه

🌸 ولما كبر كان شاب مطيع بيسمع كلام ربنا ومش بيعمل حاجة تزعله

🌸 وربنا اختاره علشان يكون نبي ورسول لبني إسرائيل

🌸 وبدأ سيدنا عيسى عليه السلام يلف البلاد علشان يخلي الناس تعبد ربنا لوحده ويسمعوا كلامه

🌸 ولكن الناس رفضت تسمع كلام سيدنا عيسى إلا شوية صغيرين أوي

🌸 أخذ سيدنا عيسى الناس اللي آمنت معاه علشان يلفوا بقية البلاد ويخلوا الناس يعبدوا ربنا لوحده ويسمعوا كلامه

🌸 وكانوا المسلمين اللي مع سيدنا عيشى بيساعدوه في الدعوة لله

🌸 وفي يوم من الأيام سيدنا عيسى قال للناس المؤمنين إيه رأيكوا نصوم كلنا لمدة ٣٠يوم

🌸 وبعد لما تخلصوا الصيام تطلبوا من ربنا أي حاجة انتوا عايزنها

🌸 وفعلا صاموا كلهم وهما مسافرين لحد ما وصلوا إلى صحراء كبيرة مفيهاش زرع ولا مية

🌸 وتعبوا من شدة الجوع والعطش وقالوا لسيدنا عيسى إحنا سمعنا الكلام وصومنا

🌸 يا ترى ربنا دلوقتي هيحقق لينا كل اللي إحنا هنطلبه؟

🌸 فرد عليهم سيدنا عيسى وقال أيوه اطلبوا اللي انتوا عايزينه

🌸 فقالوا إحنا عايزين ربنا ينزل علينا مائدة من السماء عليها أكل كتير أوي ومائدة يعني سفرة أو ترابيزة عليها أكل

🌸 فسيدنا عيسى قالهم بس ده طلب غريب هيخليكوا تبطلوا تشتغلوا وتعمدوا إن الأكل بينزل من السماء جاهز من غير تعب

🌸 لأن المسلم لازم يشتغل علشان ربنا يوسع رزقه

🌸 وأصحاب سيدنا عيسى اللي ربنا سماهم الحواريين قالوا لسيدنا عيسى إحنا عارفين الكلام ده كويس بس إحنا من ٣٠يوم صايمين وجعانين أوي

🌸 وكمان عايزين نكون مطمئنين إن ربنا هيستجيب دعوتنا زي ما إنت وعدتنا

🌸 ودي هتكون معجزة من عند ربنا وهتخلي الناس تسمع كلامك وتآمن بيك بسرعة

🌸 فلما اتأكد سيدنا عيسى إنهم مؤمنين وإن طلبهم ده مش غلط دعا ربنا وقال اللهم يا مالك الملك أنزل علينا مائدة من السماء علشان تكون عيد لينا ومعجزة تخلي الناس تصدقنا و ارزقنا وأنت خير الرازقين

🌸 فأستجاب ربنا لدعاء سيدنا عيسى وأنزل المائدة من السماء

🌸 بس ربنا سبحانه وتعالى قال لسيدنا عيسى اللي هيكفر بعد ما يشوف المائدة بعينه أنا هعذبه عذاب شديد مفيش حد اتعذبه قبل كده

🌸 وقف سيدنا عيسى هو والحواريين مستنيين نزول المائدة

🌸 وبعد شوية شاف سيدنا عيسى الملائكة وهما نازلين بمائدة كبيرة من السماء عليها أكل كتير أوي محدش أكله قبل كده

🌸 فسيدنا عيسى حمد ربنا وشكره على النعمة الكبيرة دي وقال للحواريين اشكروا ربنا علشان ربنا يزيدكم من فضله

🌸 واكلوا كلهم وشبعوا وعجبهم الأكل جدا و زاد إيمانهم بربنا وصدقوا سيدنا عيسى

🌸 وعرفوا إن ربنا قادر على كل شيء

🌸 وكانوا كل لما يشوفوا حد يحكوا له على اللي حصل و ده خلى عدد المؤمنين يزيد

🌸 واستفدنا من القصة دي إن المسلم لازم يعبد ربنا لوحده ويسمع كلامه ويخلي الناس اللي حواليه هي كمان تعبد ربنا ويفكرهم بالصلاة والصوم زي ما عمل سيدنا عيسى مع الحواريين

🌸 وان ربنا بيستجيب الدعاء وخصوصا بعد العبادة

🌸 واتعلمنا إن ربنا قادر على كل شيء وان الحاجات اللي بنشوفها صعب تحقيقها ربنا قادر إنه يحققها بسهولة

🌸 بس المهم نشتغل ونبعد عن الكسل ونعبد ربنا صح

🌸 ولما ربنا يدينا نعمة نقول للناس عليها علشان الناس تحب ربنا وتعرف إن ربنا كريم وبيستجيب لكل دعاء وطلب وأي حاجة بنحتاج لها

🌸 ومعادنا بكرة إن شاء الله مع قصة المسيح الدجال

🌸 تصبحوا على خير يا حلوين

🌸 وصل اللهم وسلم على محمد
🌸🍃🌸🍃🌸🍃
إقرأ 📚 وانشر 📬 تُؤْجَرْ
‏https://www.tg-me.com/seerawqass

#سيرة_امهات_المؤمنين

🌛الحلقة الثالثة🌜

🌛تابع السيدة خديجة🌜

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صلي علي سيدنا محمد

🌻و دلوقتي يا حبايبي الحلوين هنعرف مع بعض ليه السيده خديجه كانت زعلانه وحزينة

🌻لأنها عاشت سنه و نص مع زوجها
عتيق و كانت في منتهي السعاده

🌻 و خصوصا بعد ما ربنا رزقها ببنتها لكن للأسف مات عتيق

🌻و حزنت السيده خديجه حزنا شديدا عليه لأنه كان زوج مخلص و وفي

🌻و ترك لها زوجها عتيق فلوس كتير و تجاره كبيره جدا و جناين واسعه قوي

🌻فزاد غنى السيده خديجه لأن بقى عندها فلوس من باباها و زوجها

🌻و اضطرت السيدة خديجة انها تشتغل بنفسها في التجارة اللي سابها زوجها

🌻و في نفس الوقت تهتم ببنتها و تربيها

🌻و مرت الايام و الشهور و السنين و فلوس السيده بتكتر و بنتها كمان بتكبر
وفي يوم من الأيام جه ابو السيدة خديجه..فاكرين اسمه ايه؟

🌻مين الشاطر اللي هيقول ؟

🌻صح براڤوووا 👏خويلد بن اسد

🌻و قال ليها كده المسؤولية عليكي كبيرة و صعب عليكي انك تهتمي بالتجاره بره البيت و ببنتك جوة البيت

🌻انا جبتلك عريس طلب ايديك مني

🌻و العريس ده اسمه النباش بن زرارة التميمي

🌻وهو راجل كريم و طيب و غني و معروف عنه الصدق و الأمانه

🌼احتارت السيده خديجه توافق و لا ترفض!!

🌻لانها قالت انا كنت عايزة اربي بنتي و اهتم بيها و مش عايزة اتجوز تاني

🌻لكن باباها قعد يعدد لها الصفات الحلوة اللي موجوده في النباش و يقنعها انها توافق عليه

🌻 ولأن السيدة خديجة كانت بتحب باباها وواثقة في رأيه

🌻وافقت السيده خديجه انها تتجوز مرة تانيه و سلمت امرها لله

🌻و طبعا كلنا عارفين ان السيده خديجه زوجه وفيه و عاقله و مدبره و جميله
علشان كده النباش كان بيحبها أوي

🌻 وكمان هو كان الزوج المخلص العطوف البار بأهله

🌻يعني ايه البار بأهله؟؟

🌻يعني بيسأل عليهم علطول و بيشوف ناقصهم ايه و يجيبه و كان كل اهله بيحبوه

🌻و عاشوا هما الثلاثه في سعاده و بقى ياخد رأيها في كل شغله و دايما رأيها يطلع صح

🌻و النباش ده مش بس كان زوج حنون ده كان اب كريم

🌻كان بيحب بنت السيده خديجه و يلعب معاها و يرفعها على كتفه و يضحك معاها و اول ما تطلب حاجه يجبها علطول

🌻و كان لازم اول ما يكون داخل البيت يكون في ايده هديه لبنتها

🌻لدرجه ان الناس اللي مكنوش يعرفوه كانوا فاكرين انها بنته

🌻و حصلت حاجة جميله قوي..السيدة خديجة و النباش جابوا ولد جميل اسمه هاله

🌻و فرحوا بيه و تفرغت السيده خديجه لتربيه ابنها و بنتها

🌻و بعد كده السيدة خديجه بقت بتنادي على زوجها أبا هاله و هو حب الاسم ده أوي

🌻و في تاني سنه جابوا ولد كمان و سموه هند

🌻و من شده فرح النباش بابنه التاني بقى يعطي الفقراء فلوس اكتر من الاول و يعمل ولائم كبيرة جدا للفقرءا و الأغنياء

🌻بس منسيش بنتها و فضل متعلق ببنت السيده خديجه أكتر من الأول

🌻لكن فجأة مات أبا هاله و رجعت تاني السيده خديجه تعيش في الحزن اللي عاشت فيه اول مره لما جوزها الأول عتيق مات

🌻و رجعت تاني تبقى مسؤوله عن التجاره و الشغل جوة و برة البيت

🌻و بعد فتره مات كمان ابوها خويلد و زعلت للمرة التالته بس هي كانت قوية و عرفت تتغلب على حزنها

🌻و تفرغت لإدارة تجاره ابوها و زوجيها الاتنين

🌻و كانت بردو ام حنونه لأولادها الثلاثة

🌻و علشان تجارتها كبيره فكانت لازم تأجر رجاله يسافروا بتجارتها لأنها واحده ست مينفعش تسيب ولادها و تسافر هي

🌻و كبرت قوي تجاره السيده خديجه و بقى لها رأي مسموع عند كبار التجار

🌻 مش بس كده دول كمان كانوا بياخدوا رأيها في المشاكل اللي بتواجهم و بيقتنعوا بأرائها

🌻و بقى بيت السيده خديجه اكبر مركز تجاري في مكه

🌻 و مخازنها بقت اوسع مخازن في مكه

🌻 واهم حاجه كانت بتميز تجارتها انها حلال

🌻لأن في الوقت ده كانوا بيطففوا الميزان

🌻يعني إيه تطفيف الميزان؟؟

🌻 يعني بيغشوا الناس و يبعولهم كميه قليله بفلوس كتير و هو ده اللي اسمه تطفيف الميزان

🌻مش بس كده ده كان في حاجه اسمها الربا؟؟يعني إيه الربا ده؟؟

🌻يعني كانوا يسلفوا الناس المحتاجين فلوس ولما تيجي الناس ترجعلهم الفلوس بتاعته ياخدوا عليها فلوس زياده

🌻لكن السيده خديجه مكنتش بتعمل كده ولا بتتعامل بالربا

🌻بل بالعكس كانت بتعطف على الفقراء و المساكين و تساعدهم لو محتاجين حاجه وتسلفهم فلوس

🌻و في يوم من الأيام زار السيده خديجه ابو طالب عم الرسول صل الله عليه وسلم يا ترى كان عايز ايه‼️

🌼هنعرف بكرة إن شاء الله تصبحوا على خير يا حلوين

🌼اللهم صلي علي سيدنا محمد

🌼🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#قصص_الأنبياء_للأطفال

🌴قصة موسى عليه السلام🌴

🪴الحلقة 12🪴

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 إعتقد فرعون أنه هو الذي يهدي الناس الى طريق الرشاد

🌻وأن سيدنا موسى عليه السلام هو الذي يُظهر في الأرض الفساد

🌻 فقال للناس إني أخاف أن يبدل دينكم او أن يظهر في الأرض الفساد ~ غافر 26
يعني كان يحاول فرعون أن يجعل الناس تشك في سيدنا موسى وتكرهه

🌻وقال سيدنا موسى عندما أصر فرعون على قتله

🌻إني عذت بربي و ربكم من كل متكبر لا يؤمن بيوم الحساب يعني الله وحده هو من سوف يحميني من مكر فرعون

🌻 وجلس فرعون مع وزرائه و الكهنه يدبرون لقتل سيدنا موسى والتخلص منه ومن دعوته

🌻ولكن قام رجل منهم و كان مؤمن يكتم إيمانه و قال إن موسى لم يقل اكثر من أن الله ربه فهل هذا ذنب يستحق القتل

🌻وجاء بعد ذلك بالأدله التي تثبت انه رسول من عند الله

🌻وقال لهم الرجل هناك إحتمالين لا ثالث لهما إما ان يكون كاذبا فعليه كذبه لأنه لم يقل و لم يفعل شيء يستوجب قتله

🌻وإما إن كان صادقا و قتلناه فما هو الضمان لننجو من العذاب الذي يعدنا به ~غافر 28

🌻وحذر هذا الرجل فرعون و قال له إذا قتلتم موسى و كان صادقا فكل الأمم السابقه التي فعلت ذلك بالرسل و الانبياء كان ذلك سببا في زوال ملكهم

🌻وقال لهم اني اخاف عليكم من يوم التناد و في ذلك اليوم ينادي الملائكه الذين يجمعون الناس للحساب

🌻و ينادي أصحاب الأعراف على أصحاب الجنه و النار

🌻و ينادي أصحاب الجنه أصحاب النار و العكس

🌻ولذلك سمي بيوم التناد و هو اليوم الذي يهرب كل عاصي مخافة ان يقع في جهنم

🌻و يحاول الفرار و الجري بعيدا عنها و قد صور الله ذلك اليوم في سوره غافر من 29 الى 33

🌻و على الرغم من كل ما قاله هذا الرجل ظل فرعون في ضلاله و ظل مصرا على الكفر و على قتل سيدنا موسى

🌻و لكنه تظاهر أمام الناس أنه أخذ برأي هذا الرجل المؤمن

🌻و قال فرعون لوزيره هامان ابني لي بناءاً عالياً لعلي استطيع الوصول الى إله موسى وأذهب رؤيته والحديث معه

🌻وقال ولو إني أظن أنه كاذب و ليس هناك أي إله غيري ~غافر 36 -37

🌻وقال الرجل المؤمن اسمعوا كلامي و آمنوا بموسى حتى تنجون من العذاب

🌻لأن حياتنا الحقيقيه في الآخره و ليست في الدنيا

🌻وأي إنسان سوف يفعل سيئه سوف يجزيه الله بهذه السيئه ويدخله النار

🌻وأي إنسان يعمل عمل صالح و هو مؤمن فسوف يدخله الله الجنه ~غاقر 38-46

🌻وقال لهم يا قومي إني أدعوكم الي الإيمان الذي سوف يوصلكم الى الجنان

🌻وأنتم تدعونني الي النار و الكفر بالله العزيز الغفار

🌻وسترون صحة ما اقول لكم يوم القيامه
عندما ترون العذاب بأعينكم

🌻وحاولوا تهديد المؤمن عندما وجدوا كلامه يشبه كلام سيدنا موسى

🌻وحاولوا قتله و لكن الله وقاه شرهم و حماه من مكرهم

🌻واستمر فرعون في قتل الاطفال الذكور وقتل الرجال واستعباد النساء لخدمتهم

🌻و سيدنا موسى كان يقول لهم اصبروا إن نصر الله لكم قريب

🌻ولكن الله عاقب فرعون وقومه عقابا شديدا ولكن جاء الآن وقت النوم غدا إن شاء الله هنعرف كيف عاقب الله فرعون وقومه

🌻تصبحوا على خير يا حلوين

🌻وصل اللهم على سيدنا مُحَمَّد
🌻🌼🌻🌼🌻🌻🌻🌼🌻
إقرأ 📚 وانشر 📬 تُؤْجَرْ
‏https://www.tg-me.com/seerawqass

بسم الله الرحمن الرحيم

#دورة_شرح_المنيرة_في _مهم_علم_السيرة


الموضوع: الحلقة الثانية والعشرون من شرح المنيرة في مهم علم السيرة.

#شرح البيتين التاسع عشر والعشرون


رابط الحلقة:
https://youtu.be/oR0f9iPmzqU