👦🏻 سيرة وقصص للأطفال 👧🏻 11751

👦🏻 سيرة وقصص للأطفال 👧🏻

#السيرة_النبوية_للأطفال

🌙 الحلقة 21🌙

🌛من سيرة الرسول للأطفال🌜

🌻كان يا ما كان و ما يحلى الكلام إلا بذكر النبي عليه الصلاة والسلام🌼
🌻ولادي حبايبي دايما لما بيسمعوا اسم سيدنا محمد يردوا🌼
🌻علطووووووول.....عليه الصلاة و السلااااااااااام🌼

🌻ممتازييييييييييييين🌼

🌻سيدنا محمد عليه الصلاة و السلام و صاحبه سيدنا أبو بكر خرجوا من الغار ....
🌼بعد لما ربنا خلاهم يفوزوا علي الكفار ....
وما قدرش الكفار الأشرار يشوفوهم و لا يعرفوا مكانهم ....
🌻وكل مرة الكفار يخططوا و يفتكروا إنهم خلاص هيكسبوا ....
🌼ربنا بيخليهم هم الخسرانين ....
ويخلي المؤمنين الطيبين اللي بيدعوا ربنا و بيصلوا هما الفايزين🌻

🌻خرج سيدنا محمد و سيدنا أبو بكر
وراحوا للراجل اللي بيعرف الطريق
🌼للمدينة عشان يساعدهم ....
🌻راجل بيعرف إزاي لما يسافروا يمشوا في الطريق الصح ...
🌼وكمان أخدو معاهم خادم ...خادم كان بيساعد سيدنا أبو بكر .....
🌻يعني كانوا كام راجل ...

🌼سيدنا محمد عليه الصلاة و السلام ....
🌻وسيدنا أبو بكر ...
والراجل اللي بيعرف الطريق للمدينة
🌼وخادم سيدنا ابو بكر
يعني 4 رجالة ......

🌻الكفار في مكة كانوا متغاظين و مضايقين أوي ....
🌼ومش عايزين يسكتوا ولا يبطلوا شر ....
الكفار الأشرار قالوا : خلاص ....
🌻إحنا هنعمل جايزة للي يقدر يعرف مكان سيدنا محمد
🌼وراح كفار كتير يدوروا عشان ياخدوا الجايزة ...
🌻الجايزة كانت 100 جمل .

🌼لكن الراجل اللي عارف الطريق قال
🌻لسيدنا محمد و اصحابه أنا هوديكم المدينة بس من طريق جديد محدش يعرفه ....
🌼مشيوا مع بعض الأربعة ...من طريق بعيد ماحدش يعرفه ...
🌻لكن إيه اللي حصل ؟

🌼وهما في الطريق شافهم واحد شرير ....
🌻وطلع يجري بسرعة علي مكة عشان يقول للكفار ....
🌼وكان فيه واحد من الكفار اسمه سراقة ...
🌻أول لما سمع الخبر و عرف مكان سيدنا محمد ...

🌼راح بسرعة علي بيته ...و أخد أسرع حصان عنده ....
🌻وطلع يجري بسرعة عشان يلحق سيدنا محمد
🌼وياخد الجايزة من الكفار ...
سراقة خلي حصانه يجري بأسرع سرعة 🌻لغاية لما قرب لسيدنا محمد و سيدنا أبو بكر ...!!!
🌼بس عارفين إيه اللي حصل ؟

🌻أول لما سراقة قرب بحصانه من سيدنا 🌼محمد .....حصانه راح واقع في الأرض ....ووقع سراقة من عليه!!!!
🌻سراقة قام بسرعة و ركب حصانه تاني ....و خلاه يجري بسرعة تاني ....
🌼وأول لما قرب من سيدنا محمد تاني ..... إيه اللي حصل ؟!
🌻وقع تاني من علي حصانه تاااااني !!...

🌼ركب سراقة حصانه بسرعة و طلع يجري بأقصي سرعة ..... و أول لما قرب 🌻إيه اللي حصل ؟؟
الحصان بتاع سراقة رجله غرزت و دخلت 🌼جوه الرمل ..و مبقاش قادر يتحرك !!!
..سراقة خااااف .... و عرف إن سيدنا
🌻محمد نبي من عند ربنا
وعرف إن ربنا بيحفظ سيدنا محمد ....
🌼وعرف إنه مش هيقدر يمسك سيدنا محمد
وإن ربنا هيخلي سيدنا محمد ينتصر 🌻علي كل الأشرار و الكفار مهما كانوا أقويا

🌼سراقة نده علي سيدنا محمد و قاله خلاص وقف أنا مش هقدر اجري وراك تاني ومش هسمع كلام الأشرار🌻

🌻سيدنا محمد وقف ....
وسراقة شد حصانه و ركب عليه
🌼وراح لسيدنا محمد و قاله :الكفار الاشرار عاملين جايزة للي يعرف يمسكك ...
🌻وأنا خلاص مش هساعد الكفار تاني ...
🌼سراقة عرف إن سيدنا محمد نبي من عند ربنا
🌻ومش هيقول للكفار حاجة عن سيدنا محمد خلاص ....
🌼وسيدنا محمد سامحه.

🌻سيدنا محمد و سيدنا ابو بكر كملوا الطريق .....
🌼وهما في الطريق شافوا خيمة .....
وواقف عندها ست كبيره ....اسمها أم معبد ...

🌻راحوا عندها و سألوها : عندك لبن أو لحم نشتريهم منك؟؟؟
🌼بس قالتلهم أنا ماعنديش
بس لقوا عندها شاه "معزة " ضعييييفة 🌻ومش قادرة حتى تاكل ..... و قاعدة جنب الخيمة ...

🌼سيدنا محمد سأل أم معبد : الشاه"المعزة " دي بتطلع لبن ؟
🌻قالت له : لأ دي ضعيفة اوي و مفيش فيها لبن
🌼سيدنا محمد سألها : طب ممكن أحلبها و أنزل منها لبن ؟
🌻فقالتله :جرب بس دي ضعيفة و مهما بحلبها مش بتنزل حاجة ...

🌻سيدنا محمد طلب طبق كبير أوي .... وبدأ يحلب الشاه "المعزة "
🌼ونزل لبن كتيييييير أوي !!!
.... و كل الناس شربت .... و خلصوا الطبق الكبير
🌻أم معبد واقفة مستغربة جدا ....

🌼 يا ترى إيه اللي حصل بعد كده هنعرف بكرة إن شاء الله

🌼 تصبحوا على خير يا حلوين

🌻للهم صل علي سيدنا محمد
🌻🌼🌻🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

👦🏻 سيرة وقصص للأطفال 👧🏻

لكي نُنْشِأْ جيلاً واعياً لا بد من وجود قُدْوَة حَسَنَة نَقْتَضِي بِهَا وليس هناك أفضل من الرسول وأصحابه والأنبياء وقصص القرآن فهيا بِنَا نجدد النية ونُروي كل يوم قصة قبل النوم لأبناءَنا بطريقة سهلة

3.7K viewsManar RIAD, 23:24

👦🏻 سيرة وقصص للأطفال 👧🏻

This media is not supported in your browser

VIEW IN TELEGRAM

3.1K viewsManar RIAD, 23:24

👦🏻 سيرة وقصص للأطفال 👧🏻

#قصص_القرآن_للأطفال

🔦 قصة المسيح الدجال

💎الحلقة الأولى💎

🌸 كان ياما كان وما يحلى الكلام
إلا بذكر النبي .... محمد عليه الصلاة و السلام ..

🌸 اللهم صل علي سيدنا مُحَمَّد

🌸 في يوم من الأيام جه صاحب الرسول صلى الله عليه وسلم وكان اسمه تميم الداري رضي الله عنه

🌸 ودخل على النبي صلى الله عليه وسلم و حكى له إنه راح رحلة طويلة

🌸 وركب سفينة مع ٣٠ رجل وفجأة جت أمواج جامدة جدا وكانوا هيغرقوا

🌸 وحاولوا يعوموا لحد ما وصلوا لجزيرة جوه البحر

🌸 وأول ما نزلوا على الجزيرة شافوا دابة عندها شعر كتير مغطي كل جسمها ومش باين وشها من ظهرها

🌸 فاستغربوا وقالوا إيه الشيء ده فلقوها بترد عليهم وبتقول أنا الجساسة

🌸 وقالتلهم شايفيين القصر اللي قدامكوا ده جواه راجل عايز يشوفكوا

🌸 فراحوا معاها ولما وصوا للقصر شافوا إنسان عملاق عمرهم ما شافوا حد في ضخامته وكانت ايده ورجله مربوطين بالحديد

🌸 فسألوه مين أنت قالهم أنا المسيح الدجال وقعد يسألهم أسئلة كتير ولما جاوبوه قالهم أنا خلاص قربت أخرج لكم على الأرض وأخرج من الحبس اللي أنا فيه ومش هسيب ولا قرية ولا بلد إلا هدخلها إلا مكة والمدينة ربنا هيحط عليهم ملائكة يمنعوني من دخولهم

🌸 ولما حكى تميم القصة دي للرسول قال الرسول لأصحابه شفتم مش أنا حكيت لكم قبل كده قصة المسيح الدجال

🌸 والرسول حذرنا من المسيح الدجال ووصانا إننا نستعيذ بالله منه في آخر كل صلاة بنصليها

🌸 والرسول قال لهم إن دي أكبر فتنة هتيجي على الأرض من ساعة ما ربنا خلقها وإن كل الأنبياء اللي جاءوا قبل الرسول حذروا الناس منه

🌸 وقالهم إن المسيح الدجال لو خرج وهو لسه عايش فالرسول هيدافع عن المسلمين

🌸 أما لو خرج بعد موت النبي فلازم كل مسلم يدافع عن نفسه ويلجأ لربنا سبحانه وتعالى ويستعيذ به

🌸 وإنه هيخرج في مكان بين الشام والعراق وهيقول للناس إنه نبي الله وبعد فترة هيقول إنه هو الله

🌸 وطبعا الرسول قال لنا إننا مش هنشوف ربنا إلا لما ندخل الجنة

🌸 والرسول قال لنا إن الدجال ده أعور يعني عنده عين واحدة بس وأكيد ربنا مش أعور

🌸 والرسول قال لنا إنه مكتوب بين عينه كلمة كافر وكل مؤمن بربنا هيشوف كلمة كافر دي

🌸 والرسول كمان قال لنا إنه هيكون معاه جنة ونار في إيده وهيأمر الناس إنهم يسمعوا كلامه علشان يدخلوا الجنة وأما يدخلوها هيلاقوا نفسهم دخلوا النار بتاعت ربنا ودول الكافرين بربنا

🌸 والرسول وصانا إننا منسمعش كلامه ونختار النار بتاعته ونستغيذ بالله وإحنا داخلين النار بتاعته ونقرأ اول آيات في سورة الكهف هنلاقي نفسنا دخلنا جنة ربنا

🌸 زي بالضبط لما سيدنا إبراهيم رموه في النار وربنا أمر النار إنها تكون بارده ومتحرقش

🌸 ولسه كمان في حاجات كتير قالنا عليها الرسول عن المسيح الدجال بس دلوقتي جه معاد النوم فهنكمل الحلقة الجاية إن شاء الله

🌸 تصبحوا على خير يا حلوين

🌸 وصل اللهم وسلم على محمد

🌸🍃🌸🍃🌸🍃
إقرأ 📚 وانشر 📬 تُؤْجَرْ
‏https://www.tg-me.com/seerawqass

👦🏻 سيرة وقصص للأطفال 👧🏻

3.6K viewsManar RIAD, edited 23:26

👦🏻 سيرة وقصص للأطفال 👧🏻

This media is not supported in your browser

VIEW IN TELEGRAM

3.2K viewsManar RIAD, 23:26

👦🏻 سيرة وقصص للأطفال 👧🏻

#سيرة_امهات_المؤمنين

🌛الحلقة الرابعة🌜

🌛تابع السيدة خديجة🌜

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صلي علي سيدنا محمد

🌻و دلوقتي يا حبايبي الحلوين هنعرف ليه أبو طالب عم الرسول راح يزور السيدة خديجة

🌻قعدوا يتكلموا مع بعض في امور التجاره و الربح و الخساره

🌻و بعدين سألها ابو طالب عن رأيها عن في ابن اخوه محمد بن عبد الله

🌻و قالها ايه رأيك تقدري تشغلي محمد عندك

🌻و طبعا كان سيدنا محمد معروف بأمانتهو صدقه و اخلاصه في عمله

🌻و بردو كان معروف بالبعد عن طريق الشر والحاجات الوحشة

🌻و مكنش بيخرج زي الشباب اللي في سنه و لا يروح حفلات زي ما الشباب بيعملوا

🌻و قالت السيده خديجه طبعا محمد معروف بأمانته يا ابو طالب و لكن ميعرفش طريق التجاره بتاعتنا

🌻رد ابو طالب و قلها لأ متخافيش انا اخدته معايا وهو عمره عشر سنوات و هو يعرف الطريق كويس ده ذكي أوي وبيحفظ كل حاجة بيشوفها أو يسمعها

🌻و كمان هو قوي اوي يقدر يستحمل السفر و التعب

🌻و كمان بيعرف يحسب كويس

🌻و متنسيش انه قعد فتره يرعى الغنم و ده علمه الصبر و ازاي يتصرف في الامور

🌻فوافقت السيده خديجه على انها تشغل سيدنا محمد عندها

🌻و قالتله انت طلباتك اوامر..ده لو كان حد بعيد عنك كنت شغلته فأكيد قريبك و ابن اخوك حبيبك هشغله

🌻فشكر السيده خديجه و مشي

🌻و راح لمحمد ابن اخوه وهو مبسوط انه لقاله شغل

🌻لأن ابو طالب في الوقت ده مكنش معاه فلوس كتير

🌻 و راح سيدنا محمد و استلم الشغل من السيده خديجه

🌻و قعدت تنصحه و بعتت معاه ولد صغير اسمه مسيره علشان يساعده و علشان كان متعود على السفر

🌻و كمان علشان يراقب سيدنا محمد وتشوفه هيكون فعلا ناجح في شغله ولا لأ

🌻و ركب سيدنا محمد و ميسره الجمال و بدأت اول رحله لسيدنا محمد في شغله مع السيده خديجه

🌻يا ترى نجح في المهمه دي ولا لأ ؟؟ و ميسره قال ايه عن سيدنا محمد للسيده خديجة؟؟

🌻بكره إن شاءالله هنجاوب على الاسئله دي كلها و دلوقتي تصبحوا على خير يا حلووووين

🌼اللهم صل علي سيدنا محمد
🌼🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

👦🏻 سيرة وقصص للأطفال 👧🏻

3.7K viewsManar RIAD, 23:33

👦🏻 سيرة وقصص للأطفال 👧🏻

This media is not supported in your browser

VIEW IN TELEGRAM

3.3K viewsManar RIAD, 23:33

👦🏻 سيرة وقصص للأطفال 👧🏻

Forwarded from 👦🏻 سيرة وقصص للأطفال 👧🏻

This media is not supported in your browser

VIEW IN TELEGRAM

807 viewsManar RIAD, 23:34

👦🏻 سيرة وقصص للأطفال 👧🏻

#قصص_الأنبياء_للأطفال

🌴قصة موسى عليه السلام🌴

🪴الحلقة 13🪴

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 ظل فرعون في ضلاله و ظلمه لبني إسرائيل

🌻و ظل موسى و قومه يصبرون على الابتلاء و يدعون الله ان يفرج همهم

🌻 فجاء الفرج من عند الله و ابتلى الله فرعون و قومه بأشد أنواع الابتلاءات لعلهم يتذكرون و يؤمنون بالله

🌻فسلط الله على فرعون و قومه أعوام من الجدب و القحط وهذا ما سماه القرآن السنين
لأن السنة تطلق على العسر والشدة
أما العام فيطلق على الرخاء والسعة

🌻فقد جفت مياه النيل وأجدبت الأرض فأصبحت بلا ثمار و جاع الناس

🌻 ولكن العجيب في الأمر ان آل فرعون كانوا إذا إخضرت الارض وأثمرت يقولوا هذا من حسن حظنا فنحن نستحق ذلك

🌻و إن اشتد القحط والجدب يقولوا هذا من شؤم موسى و من معه

🌻وكان فرعون وقومه كلما اشتد عليهم البلاء ذهبوا إلى موسى وقالوا له ادع لنا ربك يرفع عنا البلاء ونحن سنؤمن لك ونرسل معك بني إسرائيل إلى حيث تريدون الذهاب

🌻ولكن عندما يكشف الله عنهم البلاء يعودوا كما كانوا وينسوا وعدهم بل يعودوا أكثر ظلما وكفراً

🌻و لذلك شدد الله عليهم البلاء أكثر و سلط عليهم أنواع جديدة من الابتلاءات لا تخطر على بالهم ابدا لعلهم يرجعون الى الله

🌻و يتركون بني إسرائيل يذهبون مع سيدنا موسى

🌻فأرسل الله عليهم الأمطار الكثيره المغرقه التي تشبه الفيضانات

🌻و هذه الأمطار اتلفت جميع الزروع و الثمار

🌻فذهبوا الى سيدنا موسى مرة أخرى وطلبوا منه أن يدعوا ربه أن يرفع عنهم البلاء

🌻وفعلا رفع الله البلاء ولكنهم لم يؤمنوا أيضا واذدادوا كفراً وطغيانا

🌻ثم ارسل الله نوع ثالث من الابتلاءات و هو الجراد

🌻و الجراد جند من جنود الله من المفترض انه يأكل الزرع فقط

🌻و لكن الله ارسله فأكل كل ما أمامه حتى أنه أكل مسامير الابواب و اكل الشجر و الثمر و الزروع

🌻فذهبوا الى سيدنا موسى مرة أخرى وطلبوا منه أن يدعوا ربه أن يرفع عنهم البلاء

🌻وفعلا رفع الله البلاء ولكنهم لم يؤمنوا أيضا واذدادوا كفراً وطغيانا

🌻ثم ارسل الله عليهم القمل وهو السوس فدخل معهم البيوت و الفرش

🌻و لم يتمكنوا من العيش ولا النوم

🌻فذهبوا الى سيدنا موسى مرة أخرى وطلبوا منه أن يدعوا ربه أن يرفع عنهم البلاء

🌻وفعلا رفع الله البلاء ولكنهم لم يؤمنوا أيضا واذدادوا كفراً وطغيانا

🌻ثم ارسل عليهم نوع آخر من الابتلاءات و هو الضفادع فملأت البيوت و الاطعمه حتى أكواب الشرب

🌻فلا يكشف أحد ثوبا ولا طعاما الا وجد فيه ضفادع حتى إذا حاول احدهم ان يتكلم يجد الضفدع في فمه

🌻فذهبوا الى سيدنا موسى مرة أخرى وطلبوا منه أن يدعوا ربه أن يرفع عنهم البلاء

🌻وفعلا رفع الله البلاء ولكنهم لم يؤمنوا أيضا واذدادوا كفراً وطغيانا

🌻و مع ذلك لم يؤمنوا أيضا ثم أرسل الله عليهم الدم

🌻فصارت مياه ال فرعون دما كلما أرادوا الشرب من النهر او البئر تحول الماء الى دم

🌻و عندما يشرب سيدنا موسى و بني إسرائيل يظل الماء كما هو

🌻فذهبوا الى سيدنا موسى مرة أخرى وطلبوا منه أن يدعوا ربه أن يرفع عنهم البلاء

🌻وفعلا رفع الله البلاء ولكنهم لم يؤمنوا أيضا واذدادوا كفراً وطغيانا

🌻و مع كل هذه الابتلاءات الظاهره الواضحه لم يؤمن فرعون ولا قومه وزادوا ظلما وتعذيبا لبني إسرائيل

🌻ولم يفوا بالوعد و استمروا على كفرهم و ضلالهم بل و زادوا جهلا و استكبارا

🌻و ذكر الله هذه الابتلاءات في سورة الاعراف من الآيه 130 الى 137

🌻و مع كل هذه الابتلاءات لم يؤمن من ال فرعون الا زوجته و مؤمن ال فرعون الذي يكتم إيمانه و الرجل الناصح الذي جاء من اقصى المدينه ليحذر سيدنا موسى ليهرب ~سورة القصص 20 و يونس 83 ل 86

🌻وكان سيدنا موسى يأمر المؤمنين بالإستعانه بالصبر و الصلاه حتى يرفع الله عنهم عذاب فرعون و قومه

🌻ولكن فرعون و قومه كانوا كل يوم يزدادوا كفرا وطغيانا فماذا فعل معهم سيدنا موسى

🌻سنعرف إن شاء الله غدا

🌻تصبحوا على خير يا حلوين

🌻وصل اللهم على سيدنا مُحَمَّد
🌻🌼🌻🌼🌻🌻🌻🌼🌻
إقرأ 📚 وانشر 📬 تُؤْجَرْ
‏https://www.tg-me.com/seerawqass

👦🏻 سيرة وقصص للأطفال 👧🏻

5.3K viewsManar RIAD, 23:36

👦🏻 سيرة وقصص للأطفال 👧🏻

This media is not supported in your browser

VIEW IN TELEGRAM

3.8K viewsManar RIAD, 18:33

👦🏻 سيرة وقصص للأطفال 👧🏻

Forwarded from Mohamed Bellahcen Kamboui

https://docs.google.com/forms/d/e/1FAIpQLScDtvWJYbS3ONogtAE8kxAKF0k9ReM9Sj2XoHqQ9Rk51QPQtg/viewform?usp=sf_link

Google Docs

دورة شرح المنيرة في مهم علم السيرة للشيخ صالح العُصيمي

للحصول على شهادة مشاركة في الدورة لابد من كتابة الاسم الثلاثي أو الرباعي

3.9K viewsManar RIAD, 18:46

👦🏻 سيرة وقصص للأطفال 👧🏻

This media is not supported in your browser

VIEW IN TELEGRAM

3.8K viewsManar RIAD, 18:46

👦🏻 سيرة وقصص للأطفال 👧🏻

Forwarded from Mohamed Bellahcen Kamboui

https://youtube.com/playlist?list=PLLjbev2CcpxML3ixV4J6wS0lfKnEC5AM2

YouTube

سلسلة شرح المنيرة في مهم علم السيرة - YouTube

3.5K viewsManar RIAD, 18:47

👦🏻 سيرة وقصص للأطفال 👧🏻

This media is not supported in your browser

VIEW IN TELEGRAM

3.6K viewsManar RIAD, 18:47

👦🏻 سيرة وقصص للأطفال 👧🏻

#السيرة_النبوية_للأطفال

🌙 الحلقة 22 🌙

🌛من سيرة الرسول للأطفال🌜

🌻كان يا ما كان و ما يحلى الكلام إلا بذكر النبي عليه الصلاة والسلام🌼
🌻ولادي حبايبي دايما لما بيسمعوا اسم سيدنا محمد يردوا🌼
🌻علطووووووول.....عليه الصلاة و السلااااااااااام🌼

🌻ممتازييييييييييييين🌼

سيدنا محمد أخد الطبق الفاضي و بدأ 🌼يحلب الشاه "المعزة " تاني ....
ونزلت لبن كتير تاني ...و الطبق الكبير 🌻أتملى لبن تاني ...
سيدنا محمد أخد الطبق الكبير و إداه لأم 🌼معبد و قالها ده ليكي ...
ومشى هو و أصحابه ...

🌻وأم معبد واقفة و مستغربة و مش مصدقة اللي حصل ....
🌼إزاي الشاه "المعزة " الضعيفة بتاعتها اللي مش بتاكل خالص تنزل كل اللبن ده ....
🌻فيه حاجة عجيبة !
أم معبد ما كنتش تعرف إن ده سيدنا
🌼محمد ...و إن ربنا بيساعده ...
وبيخلي فيه بركة و خير من عند ربنا في 🌻كل مكان بيكون سيدنا محمد فيه ....
بعد شوية جه جوز أم معبد و شاف
🌼الطبق الكبير اللي مليان لبن و استغرب
🌻وسألها إيه ده ؟
منين اللبن ده ؟ احنا الشاه بتاعتنا مش 🌼بتجيب لبن خااالص ....
فحكت له الحكاية ....
🌻جوزها قال : ايوة انا عرفت مين ده .... ده أكيد النبي اللي بيقولوا عنه في مكة ...
🌼أنا لو شوفته هسمع كلامه و هعمل كل الخير اللي يقولي عليه ..

🌻سيدنا محمد و أصحابه كملوا طريقهم ... خلاص قربوا يوصلوا المدينة ...
🌼وصلوا مكان اسمه قبااااء ....اسمه إيه ؟ قباااااء ...
🌻وبنوا مسجد ....اسمه مسجد إيه ؟؟؟ مسجد قبااااء....

🌼وبعد كده كملوا طريقهم
لغااااااااااااية لما وصلوا المدينة ....
🌻وهناك كان كل المسلمين الطيبين مستنييين
🌼مستنييين سيدنا محمد ...اللي بيحبوه أكتر حد في الدنيا ....
🌻سيدنا محمد اللي ربنا اختاره عشان يعلم الدنيا كلها
🌼يعلمها الخير و الحق و الأعمال الطيبة ....
🌻عشان يكونوا مؤمنين طيبين صالحين
وربنا يدخلهم الجنة

🌼أخييييييييييرا أهل المدينة الطيبين شافوا سيدنا محمد ....
🌻جاي من بعيد ....
بقوا فرحانين ..... فرحانييييين أوي
🌼وندهوا علي بعض
وجريوا علي سيدنا محمد و اصحابه ....

🌻أخيرا ! أخيرا ! سيدنا محمد وصل المدينة

🌼وكل واحد من المسلمين الطيبين بقه يشد الجمل بتاع سيدنا محمد عند بيته
🌻عشان نفسه سيدنا محمد ييجي و يعيش معاه
🌼بس سيدنا محمد قالهم سيبوا الجمل و ربنا هيوقفها عند المكان اللي هعيش فيه ...
🌻فكلهم سمعوا كلام سيدنا محمد و بعدوا عن الجمل ....
🌼ففضلت ....ماشيه ...ماشية .... لغاية فييين ؟؟؟

🌻سبحان الله !!!
فضلت ماشية لغاية بيت أخوات مامة
🌼سيدنا محمد (يعني خيلانه )
يعني قرايب سيدنا محمد

🌻والجمل قعد في الأرض ....
فعرفوا إن ده المكان .....
🌼عند بيت أبو ايوب
أبو ايوب الأنصاري ...
🌻هو ده البيت اللي عاش فيه سيدنا محمد ....
🌼وجنب المكان ده بنا سيدنا محمد و المسلمين مسجد ....مسجد الرسول عشان 🌻كل المسلمين يصلوا فيه ....
وكمان بنا بيت عشان يسكن فيه ...

🌼وسيدنا محمد عرف كل المسلمين إنهم إخوة ....
🌻مسلمين من المدينة (الأنصار) أو مسلمين من مكة (المهاجرين) ...كلهم إخوة
🌼المسلمين من أي مكان .... إخوة ....
يخدوا بالهم من بعض
🌻ويساعدوا بعض و يحبوا بعض .
فبقى كل واحد مسلم معاه حاجة يديها 🌼لأخوه اللي مش معاه ...
وكمان كان فيه يهود في المدينة .....
🌻سيدنا محمد قال لليهود إنهم في أمان طول ما هما مش بيؤذوا المسلمين .
🌼سيدنا محمد بيعلم الناس الأخلاق الطيبة اللي ربنا يحبها تكون فينا ...

🌼هنكمل بكرة إن شاء الله🌻

🌼 تصبحوا على خير يا حلوين

🌻للهم صل علي سيدنا محمد
🌻🌼🌻🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

👦🏻 سيرة وقصص للأطفال 👧🏻

4.0K viewsManar RIAD, 18:51

👦🏻 سيرة وقصص للأطفال 👧🏻

This media is not supported in your browser

VIEW IN TELEGRAM

3.3K viewsManar RIAD, 18:54

👦🏻 سيرة وقصص للأطفال 👧🏻

#قصص_القرآن_للأطفال

🔦 قصة المسيح الدجال

💎الحلقة الثانية💎

🌸 كان ياما كان وما يحلى الكلام
إلا بذكر النبي .... محمد عليه الصلاة و السلام ..

🌸 اللهم صل علي سيدنا مُحَمَّد

🌸 النهردة هنكمل حكايتنا عن المسيح الدجال اللي كان بيمر على الأعرابي ويسأله ايه رأيك لو أحييت ابوك و امك اللي ماتوا بس بشرط إنك تقول للناس إني أنا الله

🌸 فيوافق الإعرابي ويروح المسيح مخلي الشياطين يتمثلوا في صورة ابوه وامه ويقولوا للأعرابي اسمع كلام المسيح الدجال علشان هو ربك

🌸 ودي هتكون فتنة صعبة واحنا لازم نبقى فاهمين ايه اللي بيحصل ومنصدقش المسيح الدجال في اي حاجة بيقولها

🌸 ومن الفتن اللي هتحصل إنه هيروح للمؤمن واما يكفر بيه هيموته ويقسم جسمه نصين بالمنشار ويقول للناس انا هرجعه للحياة تاني علشان يعرف اني ربه و اما يرجعه ويسأله مين ربك هيرد المؤمن عليه تاني ويقوله انا عارف ان دي علامة من العلامات اللي الرسول أخبرنا بها والله انت كذاب وانا عمري ما هصدقك

🌸 وكمان من الفتن إنه هيقول للسماء مطري فهتمطر وهيقول للأرض طلعي الزرع فهتنبت

🌸 وكل بلد هيمر عليها هيصدقوه اما يشوفوا اللي بيحصل ده حتى الحيوانات بتاعتهم هتاكل من الزرع اللي بيطلع من الأرض وهتبقى أسمن بكتير من الأول

🌸 وهيعمل كده في كل البلاد ماعدا مكة والمدينة لأن الملائكة هتكون واقفة تحرصها

🌸 وأول ما يمر من قدام مكة والمدينة هيحصل زلزال ٣مرات وده هيخلي كل منافق هيخرج من مكة والمدينة ويمشوا وراه

🌸 علشان كده الرسول أخبرنا إن اليوم ده اسمه يوم الخلاص علشان هنتخلص من كل المنافقين

🌸 والرسول أخبرنا كمان إن الدجال هيخرج من جهة المشرق من بلد اسمها خرسان وهيكون معاه سبعين ألف يهودي من أصبهان

🌸 والرسول أخبرنا كمان إن أحسن شهيد عند ربنا هو شاب هيسمع عن خروج الدجال فهيروح له وهيصرخ في وش الدجال ويقول يا ناس هو ده الدجال اللي حذرنا منه الرسول

🌸 فالدجال هيأمر أعوانه بضرب الشاب جامد أوي وبعدين هيسأله هل تؤمن بي؟

🌸 فيقول الشاب وأنت المسيح الكذاب ومش هآمن بيك أبدا

🌸 فيأمر المسيح أعوانه مرة تانية ويخليهم يقسموا الشاب نصين وهيمشي الدجال بين النصين وبعدين هيرجعه تاني ويسأله تاني دلوقتي هتؤمن بي؟

🌸 هيقوله مش ممكن هآمن بيك وهيصرخ الشاب ويقول يا ناس متخافوش لأنه مش هيعرف يعمل كده تاني في أي حد منكم

🌸 هياخده الدجال علشان يدبحه بالسكين فربنا هيخلي رقبة الشاب تتحول لنحاس ومش هيعرف يدبحه

🌸 فهيمسكه الدجال من ايده ورجله وهيرميه بعيد فالناس هتفتكر إنه رماه في النار لكن في الحقيقة هو دخل الجنة والرسول أخبرنا إنه هيكون أعظم شهيد في الجنة

🌸 والصحابة سألوا الرسول عن المدة اللي هيقعدها الدجال على الأرض فقالهم هيقعد ٤٠يوم

🌸 بس يوم هيعدي كأنه سنة يعني هيبقى طويل أوي ويوم هيعدي كأنه شهر ويوم هيعدي كأنه أسبوع

🌸 وباقي الأربعين يوم هيكونوا زي أيامنا عادي

🌸 ولما الصحابة سألوا الرسول عن سرعته قالهم إن سرعته زي سرعة الرياح هيتنقل من مدينة لمدينة في الأرض بسرعة يعنى زي الطيارة كده

و المرة الجاية إن شاء الله هنعرف ازاي مات المسيح الدجال

🌸 تصبحوا على خير يا حلوين

🌸 وصل اللهم وسلم على محمد

🌸🍃🌸🍃🌸🍃
إقرأ 📚 وانشر 📬 تُؤْجَرْ
‏https://www.tg-me.com/seerawqass

👦🏻 سيرة وقصص للأطفال 👧🏻

3.7K viewsManar RIAD, 18:58

👦🏻 سيرة وقصص للأطفال 👧🏻

This media is not supported in your browser

VIEW IN TELEGRAM

3.4K viewsManar RIAD, 19:00

👦🏻 سيرة وقصص للأطفال 👧🏻

#سيرة_امهات_المؤمنين

🌛الحلقة الخامسة🌜

🌛تابع السيدة خديجة🌜

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صلي علي سيدنا محمد

🌻و بعد ما بعتت السيده خديجه سيدنا محمد مع غلامها ميسره لقافله الشام

🌻يعني إيه قافلة؟؟

🌻يعني جمال وخيول شايلة الحاجات اللي الناس بتحتاج تشتريها

🌻وزمان كانت الناس بتعمل حاجة اسمها تبادل البضائع

🌻يعني مثلاً لو إحنا عندنا عيش وقمح كتير نبدلهم بالحاجات اللي بنحتاج لها من المدينة زي التمر والبلح فنبدل العيش بالتمر أو أي حاجة محتاجين لها بحاجة تكون عندنا

🌻و كانت السيده خديجه قلقانه اوي على فلوسها و تجارتها

🌻و كانت مستنية ان القافله توصل بفارغ الصبر علشان دي كانت اول رحله لسيدنا محمد

🌻و أول ما جت أخبار ان القافله قربت توصل

🌻ابتدي الناس يستعدوا لإستقبالها

🌻من حمالين اللي بيشيلوا البضائع و التجار اللي عايزين يشوفوا ارباحهم و خسائرهم

🌻و حتى بيوت الققراء اللي اتعودوا اول ما تيجي قافله الناس الطيبه تديهم جزء منها

🌻و الصبح بدري وصلت القافله

🌻 و وصل سيدنا محمد و غلام السيده خديجه ميسره الي بيتها

🌻و استقبلتهم و هي فرحانه

🌻و بعد ما سلم سيدنا محمد على السيده خديجه و سلمها بضايعها

🌻راح بسرعه على بيته علشان كان قرايبه و اعمامه و الناس اللي بتحبه مستنين يسلموا عليه و يقولوا له الحمد لله على السلامة

🌻و جريت السيده خديجه على مخازنها علشان تطمن على تجارتها

🌻و أول ما شافت الحاجات الكتير اللي اشترها سيدنا محمد استغربت اوي

🌻لانه اشتري حاجات بأكثر بكتير من الفلوس اللي اديتها له

🌻فسألت ميسرة و هي مستغربه ازاي جبتوا كل البضايع و جبتوا الفلوس دي من فين

🌻ابتسم ميسره و قالها دي بركه محمد يا سيدتي

🌻اول ما وصلنا لمدينه بصرى في الشام و دخلنا السوق مع القافله

🌻لقينا كل السوق اتلم علينا و كل الناس عايزين يشتروا مننا كأن مفيش حد غيرنا بيبيع

🌻و محمد كان ماهر وشاطر اوي في البيع و كنا اول ناس خلصنا لدرجه ان التجار اللي معانا افتكروا اننا كنا متفقين مع التجار بتوع الشام

🌻فردت السيده خديجه و قالتله بس حتى لو كنتوا بيعتوا كل البضايع الحاجات اللي اشترتوها ثمنها اكتر بكتير من اللي بعتوها

🌻فرد ميسره و قال ما انا قلتلك دي بركه محمد يا سيدتي

🌻اول ما خلصنا بيع بضاعتنا..اتلم علينا تجار الشام و قعدوا يتحايلوا على محمد علشان يشتري البضاعه بتاعتهم

🌻و كأنهم كانوا عايزين يدوا البضاعه لمحمد من غير فلوس

🌻و الناس كلها واقفه تتفرج على التاجر محمد اللي كل الناس قاعده تتحايل عليه علشان تبيع له

🌻و التجار اللي سافروا معانا قالولي..احنا قلنا انكوا اتفقتوا مع الناس اللي هتشتري منكوا قبل وصولنا

🌻لكن ازاي اتفقتوا مع البياعين انهم يبيعولكم

🌻و انا رديت عليهم قلتلهم مفيش حاجه من دي حصلت..ده محمد هو اللي تاجر شاطر و مبارك

🌻فرحت السيده خديجه بالفلوس و بالبضاعه الكتير اللي جت و استغربت من اللي حصل

🌻و قالت لميسره تعالى احكيلي عن كل اللي حصل لأني شايفاك معجب أوي بمحمد

🌻و رد ميسرة و هو مبسوط قالها فعلا حصلت حاجات عجيبه جدا مع محمد يا سيدتي

🌼 يا ترى إيه هي الحاجات العجيبة دي

🌼 بكرة إن شاء الله هنعرفها

🌻تصبحوا على خير يا حلووووين

🌼اللهم صل علي سيدنا محمد
🌻🌼🌼🌻🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

👦🏻 سيرة وقصص للأطفال 👧🏻

3.8K viewsManar RIAD, 19:04

👦🏻 سيرة وقصص للأطفال 👧🏻

This media is not supported in your browser

VIEW IN TELEGRAM

3.5K viewsManar RIAD, 19:04

👦🏻 سيرة وقصص للأطفال 👧🏻

Forwarded from 👦🏻 سيرة وقصص للأطفال 👧🏻

This media is not supported in your browser

VIEW IN TELEGRAM

737 viewsManar RIAD, 19:05

2024/09/23 20:24:56
Back to Top

HTML Embed Code:

<iframe width="100%" src="https://www.bootg.com/buyppe/web?embed=1" title="Telegram Web" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>