#السيرة_النبوية_للأطفال

🌙 الحلقة 18 🌙

🌛من سيرة الرسول للأطفال🌜

🌻كان يا ما كان و ما يحلى الكلام إلا بذكر النبي عليه الصلاة والسلام🌼
🌻ولادي حبايبي دايما لما بيسمعوا اسم سيدنا محمد يردوا🌼
🌻علطووووووول.....عليه الصلاة و السلااااااااااام🌼

🌻ممتازييييييييييييين🌼

🌻وبعد لما رجع الخزرج للمدينة ...و عرفوا أهلهم إن ربنا إختار النبي زي ما اليهود كانوا بيقولوا و علموا أهلهم الإسلام ....فبقوا كام مسلم؟؟ 12 مسلم🌼

🌻وبعد سنة كاملة اتقابلوا تاني في الحج ١٢راجل من المدينة قابلوا سيدنا 🌼محمد ... قابلوه فين ؟
...في مكان اسمه العقبة !🌼

🌻سيدنا محمد اتفق معاهم علي اتفاق ....اتفق معاهم على إيييييه؟؟؟
🌼سيدنا محمد قالهم أوعدوني انكم تعبدوا ربنا و بس ....
🌻ما تسرقوش 🌼وما تقتلوش
ولا تعملوا حاجة وحشة و لا تقولوا كذب أو شر وأوعوا ما تسمعوش كلام سيدنا محمد لو أمركم بخير🌼

🌻واللي هيعمل الاتفاق ده ربنا هيكتبله حسنات تدخله الجنة🌼
🌻الاتفاق ده سموه بيعة العقبة الأولى .... و اتفقوا يتقابلوا برضه بعد سنة .... في وقت الحج برضه🌼

🌻ال12 راجل اللي من المدينة وافقوا طبعا على الاتفاق...
🌼وكمان سيدنا محمد بعت معاهم مصعب ابن عمير
🌻عشان يعلمهم إزاي يقروا القرآن صح ....و يعلمهم الإسلام ..دين ربنا🌼

🌻مصعب ابن عمير سموه بعد كده "مقريء المدينة" عشان هو اللي علم أهل المدينة قراءة القرآن ... و المسلمين كلهم بيحبوه أوي🌼

🌻بعد لما عدت سنة ...
🌼جه وقت الحج ... وكل الناس راحت عشان تحج ....
🌻وكان في وسطهم المسلمين الطيبين من أهل المدينة
🌼عارفين بقوا كام واحد ؟؟
بقوا 73 مسلَّم🌼

🌻جايين عشان يحجوا برضه و يشوفوا سيدنا مُحَمَّد🌼

🌻بس كانوا مقررين قرار ... إيه هو؟

🌻اتفقوا إنهم مش هيسيبوا سيدنا محمد في مكة وسط الكفار اللي بيؤذوه و يضايقوه🌼
🌻فاتفقوا إنهم هايقابلوا سيدنا محمد في السر في نفس المكان اللي اسمه العقبة🌼

🌻كل الحجاج كانوا نايمين في الخيمة .....
🌼وقام المسلمين بشويش و راحوا عند العقبة عشان يقابلوا سيدنا محمد🌼

🌻قابلهم سيدنا محمد و كان معاه عمه العباس ....
🌼عمه العباس مكنش لسه مؤمن ...
🌻بس كان بيحب سيدنا محمد و بيدافع عنه ضد الأشرار الكفار🌼
🌻بس سيدنا العباس هيسمع كلام سيدنا محمد في الآخر ويبقى مسلم🌼

🌻المسلمين راحوا عند العقبة .... و قابلوا سيدنا محمد و عمه العباس🌼

🌻عم سيدنا محمد .... العباس أول واحد اتكلم و قالهم :
🌼أنا عارف إنكم بتحبوا سيدنا محمد ... وعايزينه يروحو معاكم المدينة🌻
🌻بس أنا عاوزكوا تعرفوا إنأنا كنت بحميه من الكفار الأشرار ... و لو مش هتقدروا تدافعوا عنه زي أقرب الناس ليكوا🌻
🌼يبقي خلاص خليه في مكة و بلاش يروح معاكم🌻

🌻وقف واحد من المسلمين و قال :
🌼هندافع عنه بأرواحنا .... و بكل قوتنا🌻

🌻سيدنا محمد .... قام .... و بدأ يكلم
🌼الناس .... عن الإسلام .... دين ربنا
🌻اللي فيه كل الخير لكل الدنيا
🌼واتفق معاهم علي اتفاق تاني:🌻

1- إنهم يعبدوا ربنا ..... ربنا بس🌻

2- إنهم يعملوا أوامر ربنا و يطيعوه🌻

3- يدفعوا فلوس للمساكين و الغلابة و يهتموا بيهم🌻

4- إنهم يعرفوا الناس إيه الخير و الصح ... عشان الناس تعمله ...
و يفهموا الناس إيه الحاجات الوحشة عشان يبعدوا عنها🌻

5- إنهم يتحركوا بسرعه لأي عمل أو طلب يرضي ربنا من غير ما يخافوا من أي حد🌻

6- إنهم يدافعوا عن دين ربنا ....الإسلام .... و يدافعوا عن النبي اللي ربنا أختاره🌼

🌻فوقف واحد من المسلمين و قال :
و الله .... هندافع عنك بكل قوتنا ! ... و هنفذ إتفاقنا🌼

🌻بس فيه واحد من المسلمين ...
🌼وقف و قال:

🌻يا مسلمين المدينة ...
🌼أعرفوا إن لو انتم عملتم الإتفاق ده ... وأخدتم سيدنا محمد معاكم للمدينة ...ودافعتم عنه🌻

🌻ساعتها كل أشرار الأرض هتحاربكم .... فلو مش هتستحملوا ... و هتخافوا...يبقي بلاش🌼

🌻لكن لو هتكونوا شجعان ...و عندكم قوة و صبر و استحمال خلاص يبقى خدوه معاكم .... و بكده هتبقى كسبتم في الدنيا و الآخرة كمان .🌼

🌼فرد المسلمين :

🌻كلنا هندافع عن سيدنا محمد بكل قوتنا ...ومش هيهمنا أي حد ...ولا هنخاف من أي حاجة🌼

🌼وبعدين بصوا لسيدنا محمد
🌻وسألوه :إحنا كده هيكون جزاءنا إيه ؟

🌻رد عليهم : ..الجنة ..

🌼فقالوا :مد إيدك ...

🌻وقاموا كلهم يسلموا علي سيدنا محمد ...
🌼وهما بيقولوا إنهم هيعملوا كل كلمة حصلت في الاتفاق ده ...

🌼والاتفاق ده كان اسمه بيعة العقبة التانية

🌻يا تري بقه سيدنا محمد هيسيب مكة ويروح المدينة إزاي ؟
🌼والكفار هيسيبوه ؟

🌻 هنشوف بكرة ان شاء الله إيه اللي هيحصل بعد كده

💕اللهم صل علي سيدنا محمد ....
اللهم ارزقنا حبك و رضاك💕

🌼 تصبحوا على خير يا حلوين

🌻للهم صل علي سيدنا محمد
🌻🌼🌻🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#قصص_القرآن_للأطفال

🔦 قصة موسى والسامري

🌸 كان ياما كان وما يحلى الكلام
إلا بذكر النبي .... محمد عليه الصلاة و السلام ..

🌸 اللهم صل علي سيدنا مُحَمَّد

🌸 بعد ما ربنا أمر سيدنا موسى عليه السلام وهو على قمة الجبل إنه يبلغ اللي في ألواح التوراه لبني اسرائيل

🌸 وقاله على حاجة وحشة خالص عملوها بني إسرائيل اللي هما قوم موسى وهو مع ربنا وغايب عنهم

🌸 إنهم سمعوا كلام واحد اسمه السامري والسامري ده كان واحد من علماء بني إسرائيل

🌸 وكانوا نساء بني إسرائيل معاهم دهب أخذوه من الفراعنة علشان يلبسوه

🌸 بس لما سيدنا موسى جالوا الأمر من ربنا بالخروج من مصر

🌸 قالهم لازم نخرج دلوقتي من مصر بسرعه وخرجوا بسرعة وملحقوش يرجعوا الذهب لأصحابه علشان فرعون كان بيجري وراهم وخافوا إنه يمسكهم ويموتهم

🌸 والعلماء بتوع بني إسرائيل قالوا لهم لازم ترموا الدهب ده لأنه حرام علشان هو مش بتاعكوا

🌸 فسمعوا الكلام وراحوا حطوا الدهب كله على بعضه قدام العالم بتاعهم اللي اسمه السامري

🌸 فأخد السامري الدهب كله وسيحه على النار وحط عليه شوية تراب من الأرض اللي مشي عليها سيدنا جبريل بحصانه لما نزل في معجزة شق البحر علشان يساعد سيدنا موسى

🌸 وعمل عجل كبير فاضي من جوه لأنه كان نحات شاطر بيعرف يعمل تماثيل

🌸 وعمل فتحة من قدام العجل ده وفتحة من وراه وحط العجل في مكان فيه هوا جامد

🌸 فكان الهوا لما يدخل جوه العجل يعمل صوت كأنه عجل حقيقي

🌸 ولما بني إسرائيل سألوه إيه اللي أنت عملته ده يا سامري؟

🌸 قالهم ده إلهكم وإله موسى اللي هتعبدوه

🌸 فقالوا له إزاي يعني يكون ده إله موسى وهو راح علشان يقابل ربه؟

🌸 فقال لهم أصل موسى نسي كان فاكر ربنا هناك وهو هنا وأكيد لما ييجي هيعبدوا معانا

🌸 ولما جه هوا جامد ودخل من الفتحة اللي ورا وخرج من أنف العجل اللي قدام عمل صوت جامد أوي فصدقوا إنه ربنا وسجدوا ليه وعبدوه

🌸 وكان سيدنا هارون عليه السلام أخو سيدنا موسى موجود معاهم وقالهم الكلام ده غلط مفيش غير ربنا اللي في السما وبس

🌸 لكن مفيش غير شوية صغيرين اللي سمعوا الكلام والباقي كلهم عبدوا العجل

🌸 وقعد سيدنا هارون يفكرهم إزاي ربنا أنقذهم من فرعون وقسم لهم البحر نصين لكن مفيش فايدة فضلوا يعبدوا العجل

🌸 وقعدوا يلفوا حوالين العجل الدهبي ويرقصوا


🌸 رجع سيدنا موسى وهو زعلان جدا وأول ما شافوا سيدنا موسى واقف قدامهم بطلوا رقص وخافوا من سيدنا موسى لأنه كان باين عليه الغضب وهو كان قوي جداً

🌸 ورمى الألواح اللي في ايده وقالهم إنتوا إزاي تعملوا كده ومسك أخوه هارون من شعره ودقنه وقاله أنت إزاي وافقت على الكلام ده وسبتهم يعبدوا العجل وليه مكسرتش العجل ده يعني إنت كمان مسمعتش كلامي وأنا وصيتك تاخد بالك منهم وأنا مش هنا

🌸 قاله سيدنا هارون إهدى بس يا ابن أمي يعني يا أخويا بيفكروا إنه أخوه ومش ممكن يعمل حاجة غلط وهو عارف أخوه كويس وقاله أنا خفت أعمل كده فتحصل حرب بينهم بس أنا مسكتش وقلتلهم إن الكلام ده غلط

🌸 فساب سيدنا موسى شعر أخوه وقال يا رب اغفر لنا وارحمنا ومتحسبناش على اللي عملوه الناس الوحشين دول

🌸 وراح سيدنا موسى للسامري وقاله إيه اللي خلاك تعمل كده

🌸 فقاله أنا لما شفت سيدنا جبريل عليه السلام وهو راكب الحصان بتاعه ولما البحر بقى نصين

🌸 كان كل لما الحصان يحط رجله على الأرض يطلع فيها زرع بعد ما كانت رملة

🌸 فرحت واخد شوية رمل وزرع من اللي داس عليهم حصان سيدنا جبريل وحطتهم على الدهب وعملت العجل الدهبي ده والشيطان ضحك عليا وأنا افتكرت إني عالم والناس هتسمع كلامي وهيعجبوا بي

🌸 فأخد سيدنا موسى العجل الدهبي وقعد يبرده لحد ما بقى كومة دهب زي ما يكون شوية دقيق

🌸 وراح رمى الدهب جوه مية نهر النيل وكانوا بني إسرائيل بيشربوا من مية النهر ده

🌸 فكل اللي كانوا بيعبدوا العجل اتحول وشهم للون اصفر دهبي عقاب ليهم لما شربوا من النهر بس المؤمنين محصلش لهم أي حاجة

🌸 وسيدنا موسى قال للسامري أنت بقى عقابك إنك هتمشي في الأرض كده لوحدك وهتقعد تقول لا مساس يعني ولا حد هيقدر يلمسك ولا تقدر تلمس حد لغاية ما تموت

🌸 وكده كانت عقوبته من جنس عمله زي ما لمس التراب اللي مشي عليه حصان جبريل عليه السلام وده كان غلط لأنه مأخدش إذن فكانت عقوبته إن محدش يلمسه ولا يلمس حد

🌸 واتعلمنا إن الأنبياء والرسل بشر بيزعلوا ويغضبوا زينا بالظبط بس مش علشان نفسهم علشان ربنا

🌸 والقصة دي موجودة في سورة طه وسورة الأعراف


🌸 ومعادنا بكرة إن شاء الله مع قصة قابيل وهابيل

🌸 تصبحوا على خير يا حلوين

🌸 وصل اللهم وسلم على محمد
🌸🍃🌸🍃🌸🍃
إقرأ 📚 وانشر 📬 تُؤْجَرْ
https://www.tg-me.com/seerawqass

#سيرة_امهات_المؤمنين

👏🎁نبدأ بسيرة أمهات المؤمنين بطريقة رائعة لأولادكم احكوهالهم وعلموهم🎁👏

🌹الحلقة الاولي لهذه الليلة 🌹

السيدة خديجة رضي الله عنها

🌙الحلقة الأولى🌙


🍃بسم الله الرحمن الرحيم🍃

❤️نتوكل على الله ونبدأ❤️

🌴كان ياما كان .... و ما يحلي الكلام غير بذكر النبي عليه الصلاة و السلام

(الولاد الحلوين يقولوا إيه ؟) عليه الصلاة و السلام ممتازين 👏👏

🌼🌻طبعاً كلنا فاكرين قصة سيدنا محمد ...اللي ربنا اختاره عشان يعلمنا الصح و الغلط ....و الحلال و الحرام .

🌻🌼وعلشان يعلمنا الأعمال الطيبة و الأخلاق الجميلة .
و يعلمنا دينا الإسلام ....

🌻واللي هيحب سيدنا محمد و يسمع الكلام اللي ربنا علمه لسيدنا محمد ... ربنا هيحبه .... و هيدخله الجنة .

🌼والجنة دي أحلي مكان ... اللي فيه كل حاجة و أي حاجة احنا عاوزينها ... ومهما فكرنا في الجنة.... الجنة برضه هتبقي أحلي من تفكيرنا !!!!

🌻فاكرين وإحنا بنحكي قصة سيدنا محمد قلنا مين أكتر واحدة مؤدبة وطيبة وأخلاقها جميلة وكان عندها فلوس كتير

🌼 عرفتو مين هي؟؟ ها يا حلوووين مين اللي عرف هي مين؟؟

🌼 طيب هسهلها لكم هي قالت إن سيدنا محمد أحسن واحد هتديله فلوسها علشان يروح يشتري ويبيع لها حاجات في الشام علشان فلوسها تزيد أكتر وسيدنا محمد وافق ورجع من الشام وهو معاه فلوس كتير اوي وإداها ليها

🌻ها مين أفتكر هي مييييين؟؟

🌻طيب هسهلها لكم اكتر من كده شويه كمان

🌼 هي اللي قالت ان سيدنا محمد اكتر إنسان أمين وهو أحسن إنسان يكون لها زوج

🌻وسيدنا محمد وافق إنه يتجوزها لأنها أكتر واحدة مؤدبة وطيبة وأخلاقها جميلة

🌻أكيد حبايبي الحلوووين عرفو مين هي😘

🌼صح براڤوووا 👏👏👏


🌻هي السيدة خديجة وهي دي أول زوجة لسيدنا محمد

🌼وهي أم أولاد وبنات سيدنا محمد


🌻 فاكرينهم هما مين ولادهم؟؟

🌼براڤو على الشاطرين هما🌼

🌻القاسم 🌻وزينب 🌻ورقية 🌻وأم كلثوم 🌼وفاطمة 🌻وَعَبَد الله

🌻وطبعاً فاكرين مين اللي ماتوا من أولادهم ها مييين؟؟

🌻صح القاسم وَعَبَد الله ماتوا وهما لِسَّه صُغييرين

🌼وهي كمان كانت بتبعت الأكل لسيدنا محمد في الغار

🌻مين الشاطر اللي هيقول اسمه غار إيه

صح براڤو👏👏 غار حراء

🌼وهي اللي جري عليها سيدنا محمد وهو خايف لما جاله سيدنا جِبْرِيل والسيدة خديجة غطته ونشفت عرقه

🌻ولما حكى لها سيدنا محمد اللي حصل له في الغار طمنته وقالتلو متخفش ربنا مش هيخلي أي حاجة وحشة تحصل لك

🌼فاكرين قالت لسيدنا محمد ليه مفيش حاجة وحشة هتحصله
يلا يا شاطرين مين اللي هيقول قالت إيه؟؟

🌻صح مش هيحصله حاجة وحشة
🌼لأنه بيقول الصدق دائماً
🌼ولأنه طيب مع كل قرايبه وبيهتم بيهم
🌼ولأنه بيحب الفقرا وبيعطف عليهم
🌼ولأنه بيريح أي إنسان تعبان
🌼ولأنه دايما أخلاقه حلوة
🌼ولأنه بيكرم الضيوف
🌼ولأنه بيساعد أي حد عنده مشكلة
🌻علشان كده ربنا بيحميه🌻

🌻ولو إحنا كمان عملنا كده ربنا هيحمينا ومش هيخلي أي حاجة وحشة تحصل لنا

🌼وبعد كده السيدة خديجة أخدت سيدنا محمد وراحت لابن عمها اسمه إيه؟؟

🌻صح براڤو على الحلوين اسمه ورقة بن نوفل

🌼يبقى مين بقى أول واحدة آمنت بسيدنا محمد وسمعت كلامه؟؟

🌻السيدة خديجة ممتازييييين

🌼وهي فضلت مع سيدنا محمد في شعب أبي طالب ٣سنين من غير أكل ولا شرب كويس وكانو بيجيبوا الأكل بصعوبة لغاية ما جسمها ضعف

🌻وقالت إحنا مش هيهمنا مهما الكفار يعملوا هنفضل نحب ربنا ونعبد ربنا عشان ندخل الجنة

🌼اللي فيها أحلى أكل وأحلى شرب

🌻وهي دايما كانت بتدافع عن سيدنا محمد وبتحبه

🌼وبتقول دايما للنبي إن ربنا إختارك وهيخليك تكسب في الآخر

🌻وسيدنا محمد كان بيحبها أوي

🌼وهي أول واحدة صدقت الرسول وآمنت به

🌻هي أول ست آمنت بالرسول

🌼ده كل اللي إحنا حكينا عنه قبل كده

🌻إيه رأيكم نعرف حاجات أكتر عن أول زوجة للرسول

🌼بس أكيد مش دلوقتي علشان وقت النوم جه

🌻الحلوين هيقولوا لماما تصبحي على خير

🌻واللي هيسمع كلام ماما هنكمل معاه الحلقة التانية إن شاء الله🌼

🌻وصل اللهم وسلم على سيدنا محمد🌼
🌻🌼🌻🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#قصص_الأنبياء_للأطفال

🌴قصة موسى عليه السلام🌴

🪴الحلقة العاشرة🪴

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 استمر الجدال بين سيدنا موسى و فرعون و هدد فرعون سيدنا موسى

🌻فرد عليه سيدنا موسى و قال أو لو جئتك بشيء مبين يعني هجيب لك ما يثبت كلامي

🌻فقال له فرعون فأت بها إن كنت من الصادقين

🌻فألقى سيدنا موسى عصاه التي يحملها دائما في يده فتحولت الى ثعبان كبير شكله مخيف

🌻 وأخرج سيدنا موسى يده من جيبه فتحولت الى اللون الأبيض و صارت كالقمر تتلألأ

🌻فلما رأى فرعون الثعبان الكبير فر هاربا و صاح في سيدنا موسى و قال

🌻خذ الثعبان يا موسى و انا سوف أؤمن بما جئت به وأرسل معك بني إسرائيل

🌻فأمسك سيدنا موسى الثعبان فتحول مرة أخرى الى عصا

🌻و لكن فرعون لم يفي بوعده و لم يؤمن بسيدنا موسى و لم يرسل معه بني إسرائيل

🌻بل زاد كفره أكثر و هدد سيدنا موسى و قال له إن ما جئت به سحر و انا سوف أحضر جميع السحرة

🌻وسوف نجعل يوم الزينه وهو يوم عيدنا سباق بينك و بين السحره لنرى من هو الذي سوف يغلب انت ام هم

🌻و اتفقوا على ان يجتمعوا في يوم عيدهم وقت الضحى و ذلك حتى تكون الشمس أشد ما تكون و كل شيء يكون ظاهر وواضح
~ الشعراء 27 الى 33 والاعراف من 105 الى 108 وطه من 56 الى 70

🌻وأمر فرعون بجمع جميع السحرة الذين في بلاده

🌻و من البلاد التي حول مصر و كانوا في حدود 72 ساحر

🌻ومع كل ساحر حبال و عصا كثيره و حضر فرعون و جميع الوزراء و أهل البلد جميعهم

🌻و قال السحره لفرعون سوف تجعل لنا مكافئة كبيره إن كنا نحن الغالبين

🌻قال نعم وإنكم سوف تكونوا من المقربين

🌻و عندما جاء وقت المواجهة و حضر الجميع

🌻و كانوا سحرة فرعون واثقين بأنهم هم سوف يغلبون

🌻و لذلك بدأوا كلامهم وسألوا سيدنا موسى هل تبدأ ام نكون نحن البادئون؟؟

🌻فقال سيدنا موسى بل انتم إبدأوا فأقسموا بعزة فرعون أنهم هم سوف يكونوا الغالبون

🌻وألقى السحرة عصيانهم و حبالهم فإذا بالمكان كله يمتلئ بالثعابين و سحروا اعين الناس و جعلوهم خائفين

🌻حتى إن سيدنا موسى شعر بخوف و لكن الله ثبت سيدنا موسى و قال لا تخف إنك أنت الأعلى

🌻وأمر الله سيدنا موسى بأن يلقي عصاه و سوف تتحول لثعبان كبير يأكل كل ثعابين السحره

🌻و قال لسيدنا موسى أن ما جاءوا به السحر و لا يُفلح الساحل حيث أتى أي مهما خدع الناس بسحره

🌻فأنت معك الحق يا موسى و هم معهم الباطل

🌻وألقى سيدنا موسى عصاه ووقعت المفاجئة الكبرى

🌻فأكلت عصا سيدنا موسى التي تحولت لثعبان ضخم جميع عصيان السحرة التي تحولت الى ثعابين و حيات

🌻وحدث كل ذلك و الناس تتعجب من هول ما يحدث

🌻وتأكد السحرة ان هذا ليس بسحر و ليس خيال كما يفعلون هم و تأكدوا من صدق سيدنا موسى

🌻وتابوا الى ربهم و سجدوا جميعا أمام الحاضرين و قالوا آمنا برب العالمين رب هارون و موسى

🌻فكيف سيكون رد فرعون عليهم و ماذا سيفعل معهم سنعرف غدا إن شاء الله

🌻تصبحوا على خير يا حلوين

🌻وصل اللهم على سيدنا مُحَمَّد
🌻🌼🌻🌼🌻🌻🌻🌼🌻
إقرأ 📚 وانشر 📬 تُؤْجَرْ
‏https://www.tg-me.com/seerawqass

بسم الله الرحمن الرحيم

#دورة_شرح_المنيرة_في _مهم_علم_السيرة


الموضوع: الحلقة العشرون من شرح المنيرة في مهم علم السيرة.

#شرح البيت السابع عشر


رابط الحلقة:
https://youtu.be/6TzXpmbdOVs

#السيرة_النبوية_للأطفال

🌙 الحلقة 19 🌙

🌛من سيرة الرسول للأطفال🌜

🌻كان يا ما كان ....و ما يحلي الكلام إلا 🌼بذكر النبي عليه الصلاة و السلام
....... و طبعا الحلوين المتميزين
🌻هيردوا .....
🌼عليه الصلاة و السلام .

🌻سيدنا محمد عليه الصلاة و السلام و المسلمين الطيبين ....
🌼عرفوا إنهم خلاص هيهاجروا " يسافروا " من مكة للمدينة ...و هيبعدوا عن الكفار الأشرار..

🌻كل يوم ....شوية من المسلمين الطيبين 🌼يسيبوا مكة و يروحوا المدينة ....كل يوم شوية ..... كل يوم شوية .....

🌻لكن سيدنا محمد لسه ما هاجرش للمدينة .....
🌼ومش هيهاجر إلا لما ربنا يبعت ليه سيدنا جبريل عليه السلام ...عشان يقوله علي وقت السفر .....

🌻الكفار الأشرار بدؤوا يحسوا ..... إن 🌼المسلمين الطيبين بيسيبوا مكة و بيروحوا علي المدينة ....
🌻فقالوا لازم نتجمع حالا ....و نعمل
🌼خطة شريرة ...مش هنسيبهم يمشوا ...

🌻اتجمع الكفار الأشرار في بيت اسمه " دار الندوة " .... اسمه إيه؟؟
🌼"دار الندوة".....
وقعدوا يفكروا .....
🌻واحد كافر شرير ...قال : احسن حاجة نحبس النبي ....
🌼فرد عليه واحد تاني قاله : لأ ..أصحابه المسلمين الطيبين مش هيسيبوه محبوس ...هيجموا علينا .... و ينقذوه ....
🌻فكروا في حاجة تانية ....
فواحد كافر تاني قال : طب ما تسيبوه يمشي هو والمسلمين و يبعدوا عننا و خلاص ....
🌼فردوا عليه : لأ ما ينفعش ... ده اي حد بيشوفه بيحبه و يسمع كلامه ... و بقي 🌻عنده اصحاب كتير .... و هيبقوا كده اقوي مننا و هييجوا يحاربونا عشان إحنا عذبناهم كتير و ضايقناهم كتير ...

🌻أوحش واحد في الكفار ...اسمه أبو جهل قالهم: أنا ...أنا عندي فكرة ....أحسن حاجة نقتل الرسول ... نختار كل الشباب 🌼الأقويا من كل قبيلة (عيلة ) ... و نجمع كل الشباب الأقوياء و يهجموا علي بيت الرسول و يقتلوه ... و ساعتها أهل
🌻سيدنا محمد مش هيعرفوا يحاربوا كل الشباب الأقواء دول ولا هيقدروا يخدوا حق سيدنا مُحَمَّد🌼

🌻الكفار عجبتهم الفكرة .... و اتفقوا إن أول لما سيدنا محمد ينام .... الشباب
🌼الأقوياء هيدخلوا كلهم بالسيوف و يضربوه مع بعض

🌻ياااااه إيه كل الشر ده ......ده سيدنا 🌼محمد عليه الصلاة و السلام .... افضل إنسان في الدنيا
... و أطيب قلب ❤️
ومش بيؤذي أي إنسان ولا حيوان ولا حتي الشجر
🌻و نفسه يسمعوا كلامه عشان يبقوا ناس طيبة و أعمالهم كلها خير و رحمة و 🌼ربنا يحبهم و يدخلهم الجنة ...

🌻بس هما مفيش فايدة فيهم ...قلبهم كله شر .... و بيسمعوا كلام الشيطان ......😡
🌼الكفار كانوا فاكرين إن مفيش حد شافهم ولا سمع خطتهم ....
🌻لأنهم ما يعرفوش إن ربنا بيسمع و يرى كل حاجة إحنا بنعملها ..
🌼ربنا سمع كل كلامهم و شايف كل حاجة بيعملوها ....
🌻ومش هيخليهم يقدروا يؤذوا سيدنا محمد ....

🌻ربنا بعت الملاك سيدنا جبريل .... يحذر سيدنا محمد ...
🌼سيدنا جبريل قال لسيدنا محمد ...
أوعى تنام في سريرك النهاردة... الكفار 🌻عاملين خطة عشان يقتلوك ...
وقاله جه وقت الهجرة للمدينة

🌼مين اللي كان عايش مع سيدنا محمد في بيته ؟ ؟ ؟
.... سيدنا علي ...
🌻سيدنا علي كان ولد كبير ... بس كان مسلم طيب و قوي جدا و شجاع و مش بيخاف من حاجة ....
🌼سيدنا محمد قال لسيدنا علي إن الملاك جبريل حذره ...

🌻وكمان سيدنا محمد قال لسيدنا علي لو عندنا أي حاجة أمانة بتاعة أي حد في مكة لازم نرجعهاله قبل ما نروح المدينة ....

🌼سيدنا محمد في أصعب الأقات مش بيضيع حاجة الناس و بيردها ليهم حتي لو كانوا كفار .

🌻أتجمع الشباب الكفار الأقويا عند البيت بتاع سيدنا محمد ...
🌼عشان أول لما يطلع يصلي الفجر يهجموا عليه ....
🌻و كان معاهم سيوف كبيرة ...

🌼عارفين كانوا كام واحد؟؟؟
40 شاب قوي
.....بس ربنا أقوى منهم
🌻سيدنا علي لأنه كان ولد قوي و شجاع ومش بيخاف نام مكان سيدنا محمد في سريره
🌼و اتغطى بالغطى بتاع سيدنا محمد ....

🌻شباب الكفار بصوا من فتحة لقوا حد نايم على السرير ... افتكروه سيدنا محمد !!!!

🌼بس ده طبعا سيدنا علي القوي الشجاع نايم مكانه....

🌻سيدنا محمد عارف إنه هو الحق و الصح ...و عارف إن ربنا بيحبه و هيحميه .....

🌼سيدنا محمد خرج من بيته ....
ربنا خلى الكفار مش شايفين أي حاجة ...
و بقوا واقفين زي الأصنام ...

🌻ربنا هو اللي خلق عينيهم و ربنا يقدر يخليهم ما يشفوش أي حاجة ...
واقفين زي التماثيل و مش حاسين بحاجة ....

🌼وسيدنا محمد أخد تراب من الأرض .... وحطه على راسهم ....
🌻وهو بيقول من القرآن الكريم : بسم لله ...فأغشيناهم فهم لا يبصرون ....
يعني ربنا حط غطى على عينيهم خلاهم مش شايفين حاجة ....
🌼و مشى سيدنا محمد و سابهم واقفين زي التماثيل ....

🌻 هنشوف بكرة ان شاء الله إيه اللي هيحصل بعد كده

🌼 تصبحوا على خير يا حلوين

🌻للهم صل علي سيدنا محمد
🌻🌼🌻🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass

#سيرة_امهات_المؤمنين

🌛الحلقة الثانية🌜

🌛تابع السيدة خديجة🌜

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صلي علي سيدنا محمد

🌻و دلوقتي هنتعرف مع بعض على السيده خديجه

🌼و دي اكتر زوجه كان بيحبها الرسول صل الله عليه وسلم

🌻السيدة خديجة كانت عايشه في مكه مع باباها خويلد بن اسد قبل ما تتجوز الرسول

🌼بيتها كان واسع أوي و كبير وحلو أوي

🌻و الناس المهمين كلهم كانوا دايما بيزوروا باباها لأنه كان من أكتر الناس اللي بتعرف تتصرف وتساعد الناس وتحل مشاكلهم

🌼و بيتها ده كان قدام الكعبه علطول

🌻والسيدة خديجة كانت بنت جميله و زكيه اوي و بتحب الهزار و كمان كانت شاطره اوي في اللغه العربيه وبتحب الشعر

والشعر ده كلام بنكتبه واللي بيسمعه بيتبسط علشان كل الكلام بيبقى آخره نفس الكلمة أو الحرف

🌼و هي كمان كانت قلبها طيب و اي حد بيشوفها كان بيتعلق بيها علطول لانها كانت دايما ًبتعطف على الناس و تعاملهم كويس سواء كانوا فقراء او اغنياء

🌼و ده كان عكس اللي الناس كانت بتعمله في الوقت ده

🌻كان اي حد غني كان بيبقى متكبر و مش بيحب الناس ومش بيحب الفقرا ويعاملهم وحش

🌼و هي كانت بتساعد باباها اللي كان بيحل مشاكل الناس اللي حواليه

🌻و هي كانت هاديه قوي و دايما تقول الحمد لله علي نعم ربنا عليا

🌻علشان هي كانت عارفه ان مساعده المحتاج ده جزء من شكر ربنا

🌼وربنا قال لو شكرتم هزيدكم
"لئن شكرتم لأزيدنكم"

🌻و باباها لما لقاها إنسانه كويسه و طيبه فرح بيها قوي و بقى يخليها تحل مشاكل الناس معاه علشان حس انها ذكيه

🌼في الوقت ده الناس في مكه مكنتش بتحب البنات

🌻و في منهم ناس كانوا بيدفنوا البنات و هما عايشين وكانوا بيسموا الموضوع ده وأد البنات

🌼و لما كبرت السيده خديجه و بقت شابه جميله اتقدملها شباب كتير قوي اغنيا و اذكيا و ناجحين في شغلهم لكن هي كانت دايما بترفض

🌻لأن باباها كان دايما يقول لها أهم حاجة يكون الزوج صالح وأخلاقه كويسة

🌼فكانت بتهتم هي بشغل البيت وسابت باباها يدور لها على زوج صالح

🌻يعني إيه زوج صالح؟؟

🌼يعني طيب وممكن نعتمد عليه في كل حاجة وكريم وبيفكر بعقله قبل ما يتصرف

🌻وفي يوم من الأيام مامت السيدة خديجة واسمها فاطمة وباباها جابوا لها عريس

🌼والعريس ده كان تاجر شاطر أوي يعني بيشتري وبيبيع وكمان بيكسب فلوس كتير أوي وكان فيه كل الحاجات الحلوة يعني طيب وكريم وعاقل ويعتمد عليه

🌻وكان اسمه عتيق بن عابد

🌼وباباها ومامتها قالوا لها فكري كويس وبعدين ردي علينا

🌻ودي كانت حاجة غريبة برده في مكة لأنهم كانوا بيجوزوا البنات من غير ما ياخدوا رأيهم

🌼فهي ردت وقالت لو حضرتك يا بابا موافق عليه أنت وماما أنا كمان موافقة

🌻وعملوا فرح كبير للسيدة خديجة واتجوزت عتيق

🌼وعاشوا مع بعض في سعادة وكانوا مبسوطين

🌼وفاتت سنة على جوازهم

🌻وربنا رزقهم ببنت حلوة تشبه مامتها بالضبط

🌼لكن حصلت حاجة خلت السيدة خديجة تزعل أوي

🌻يا ترى حصل إيه؟؟

🌼هنعرف بكرة إن شاء الله إيه اللي خلى السيدة خديجة تزعل

🌻ودلوقتي تصبحوا على خير يا حلوين

🌻وصل اللهم على سيدنا محمد
🌻🌼🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
https://www.tg-me.com/seerawqass