مجربين هذا الشعور؟
الجهد الّي تبذله علمود تبقىٰ ساكت علىٰ شي مضوجك، وتحاول تعديه علمود ما تكبره أكثر، وتلهي بنفسك حتّىٰ لا تذكره، تتعب نفسيًا وعقليًا بس حتّىٰ لا تدخل نفسك بدوامة الحچي بيها ما يفيد ولا يغير، لا أنت الحاچي ومرتاح ولا الساكت وراضي، حرفيًا شعور مُتعب.
الجهد الّي تبذله علمود تبقىٰ ساكت علىٰ شي مضوجك، وتحاول تعديه علمود ما تكبره أكثر، وتلهي بنفسك حتّىٰ لا تذكره، تتعب نفسيًا وعقليًا بس حتّىٰ لا تدخل نفسك بدوامة الحچي بيها ما يفيد ولا يغير، لا أنت الحاچي ومرتاح ولا الساكت وراضي، حرفيًا شعور مُتعب.
خليك وي ناس تعرف قيمتك وتقدر وجودك، ما تخليك للتساؤلات والفرضيات، واضحة وياك وما عدها دَغش بحچيهم وتعاملهم، ما يخلونك تسأل ليش، ولا يدخلونك بدوامة الظنون، خليك وي الّي تكون أنت وياهم، بالشكل الّي يحب نفسه ومرتاح وراضي، مو الّي التوتر والقلق وكرهه لنفسه طاغي، خليك وي الّي شايف الحلو الّي بيك، ويعرف عيوبك وما منتقص منك بيهن، وي الّي يهمه أمرك ويريدك بخير، لا تستكثر علىٰ نفسك هيچ ناس ولا تشوفهم هواي عليك، لا ترضىٰ باللي يصغرك، أنت تستاهل الزين وتستاهل هواي هم.
وقبل كلشي، كلشي يبدي منك،
دور وأخذ الّي تحتاجه من داخلك بعدين من الخارج.
وقبل كلشي، كلشي يبدي منك،
دور وأخذ الّي تحتاجه من داخلك بعدين من الخارج.
إنّكم في آجال منقوصة وأيّام معدودة والموت يأتي بغتة، من يزرع خيرًا يحصد غبطةً، ومن يزرع شرًّا يحصد ندامةّ، لكلّ زارع ما زرع، لا يسبق بطيئ بحظّه، ولا يدرك حريص ما لم يقدّر له، من أعطي خيرًا فالله أعطاه، ومن وقي شرًّا فالله وقاه.
ـ الإمام الحسن العسكريّ (عليه السّلام).
ـ الإمام الحسن العسكريّ (عليه السّلام).
اعلم أنّ المُدبِّر لك أعلم بالوقت الّذي يصلح حالك فيه، فثق بخيرته في جميع أمورك يصلح حالك.
ـ الإمام الحسن العسكريّ (عليه السّلام).
ـ الإمام الحسن العسكريّ (عليه السّلام).
الّي يريدنا راح يبقىٰ يمنا حتّىٰ لو سكتنا وهدئنا لفترة، وينتظرنا لحد ما نرجع نورد من جديد ونلگاه هوَّ هوَّ ونعوضه عن الفات. ♥️
أنت ما متأخر،
أنت تحاول،
ولا كسلان وما تتحرك،
وإنما تسعىٰ بطريقتك،
قيود منطقة الراحة ما ينفع تبقىٰ،
جرب تطلع منها وتشوف منطقة تعرفك بنفسك أكثر وتقبل بيها إنو العرقلات طبيعي تمر بيك وعادي تتعب وتريد توگف بس راح تواصل علمودك.
أنت تحاول،
ولا كسلان وما تتحرك،
وإنما تسعىٰ بطريقتك،
قيود منطقة الراحة ما ينفع تبقىٰ،
جرب تطلع منها وتشوف منطقة تعرفك بنفسك أكثر وتقبل بيها إنو العرقلات طبيعي تمر بيك وعادي تتعب وتريد توگف بس راح تواصل علمودك.
الفراغ عدو للإنسان،
بدون ما تحس يخليك تفكر وتسوي أمور مالها معنىٰ وفائدة، ويدخلك بدوامة من المشاعر السيّئة، أضافة لشعور التقصير الّي يخليك ضايچ منه بدون ما تحله وتسعىٰ تغيره، حاول ... حاول تقتل هالفراغ وتنهيه من حياتك بگد ما تگدر ولا تأجله، كثر ما خليته يتمدد بيومك كثر ما خلاك تفكر بكلشي مؤذي صارلك وراح من عندك وفقدته، راح يعيشك حزن ما منه نتيجة ولا حل غير أنه مضيعة لوقتك ولصحتك النفسية وعن تجربة شخصية أحچي.
لا تگول ماكو شي أسويه، العالم مليان أمور وأفكار تخليك تجربهن، بس الكسل عامي عيونك عنهن، وعلىٰ گولتهم ترا الفاضي ينبش بالماضي.
بدون ما تحس يخليك تفكر وتسوي أمور مالها معنىٰ وفائدة، ويدخلك بدوامة من المشاعر السيّئة، أضافة لشعور التقصير الّي يخليك ضايچ منه بدون ما تحله وتسعىٰ تغيره، حاول ... حاول تقتل هالفراغ وتنهيه من حياتك بگد ما تگدر ولا تأجله، كثر ما خليته يتمدد بيومك كثر ما خلاك تفكر بكلشي مؤذي صارلك وراح من عندك وفقدته، راح يعيشك حزن ما منه نتيجة ولا حل غير أنه مضيعة لوقتك ولصحتك النفسية وعن تجربة شخصية أحچي.
لا تگول ماكو شي أسويه، العالم مليان أمور وأفكار تخليك تجربهن، بس الكسل عامي عيونك عنهن، وعلىٰ گولتهم ترا الفاضي ينبش بالماضي.
مو سهلة محاولتك إنو تكمل يومك عادي وما تتأثر باللي يصير حتّىٰ لو مالك علاقة بيه ولا يخصك بس موجود بحياتك ووياك ملازمك، هيَّ مو سهلة بس تصير.
نُقطة.
خُلاصَّة شهر "أغسطس" ٢٠٢٣: ما راح تكون نقاط وإنما جملة طلعت بيها من بداية الشهر ولحد هاللحظة، والّي هوَّ شعور الرِضا، مرت لحظات حزينة، وتقلب مزاج، وأنعزال وعدم أختلاط وصلني ما أروح للمستشفىٰ وأتعلم، بس چنت راضية، ضايچة بس راضية، مرتاحة بس راضية، گلبي حسيته…
خُلاصَّة شهر "سبتمبر" ٢٠٢٣:
ـ الّي يحبك صدگ هوَّ الّي يقربك من الله ويخاف الله بيك مو الّي يبعدك عنه ويخليك سيّئ.
ـ ما دام بعدك ما وصلت للنهاية فَ أنت عندك فرصة تغير الوضع وتخلي نهاية مثل ما تحب.
ـ الّي ينطي من گلبه يلگه خير.
ـ لا تجامل نفسك ولا تنافقها.
ـ خليك صريح وي نفسك.
ـ تقبل الشعور الّي تعيشه ولا تحاول توگفه، خليه يمر من گدامك وشوفه شنو بتقلباته، وغرابته، خليه يكمل وياك حتّىٰ لا تنصدم وهوَّ طالع عليك بوقت ما متوقعه؛ لأنّك ما عشته بوقتها.
ـ الّي ما تقبله علىٰ نفسك لا تقبله علىٰ غيرك.
ـ إِقضوا حَوائِجكمْ بِالكِتْمَان.
ـ راح ترجع تبدي من جديد من بعد خسارة وكسرة بس وأنت شخص مختلف بأكثر حذر.
ـ لا تبني حقيقة علىٰ وهم!.
ـ يحتاج أخلي الأشياء بمكانها ووقتها المناسب.
ـ أعرف قيمة الشي قبل لا تخسره وتعرف قيمته وهوَّ ماكو بحياتك.
ـ رحمة رب العالمين بينا هيَّ الّي مخليتنا نواصل.
ـ الإتجاه أهم من السُّرعة.
ـ الأولويات ما تنطلب.
ـ "أنت تحاول والله يراك وهذا يكفي."
ـ الراحة الها وقتها والسعي أجة وقته.
ـ أحاول ما أعيد أخطاء المرحلة الفاتت گد ما أگدر علىٰ الأقل أحاول.
ـ "تولنا وتولّ أختياراتِنا وحياتنا يا ربّ لطريقٍ تُحِبه ونُحِبه."
ـ الّي يحبك صدگ هوَّ الّي يقربك من الله ويخاف الله بيك مو الّي يبعدك عنه ويخليك سيّئ.
ـ ما دام بعدك ما وصلت للنهاية فَ أنت عندك فرصة تغير الوضع وتخلي نهاية مثل ما تحب.
ـ الّي ينطي من گلبه يلگه خير.
ـ لا تجامل نفسك ولا تنافقها.
ـ خليك صريح وي نفسك.
ـ تقبل الشعور الّي تعيشه ولا تحاول توگفه، خليه يمر من گدامك وشوفه شنو بتقلباته، وغرابته، خليه يكمل وياك حتّىٰ لا تنصدم وهوَّ طالع عليك بوقت ما متوقعه؛ لأنّك ما عشته بوقتها.
ـ الّي ما تقبله علىٰ نفسك لا تقبله علىٰ غيرك.
ـ إِقضوا حَوائِجكمْ بِالكِتْمَان.
ـ راح ترجع تبدي من جديد من بعد خسارة وكسرة بس وأنت شخص مختلف بأكثر حذر.
ـ لا تبني حقيقة علىٰ وهم!.
ـ يحتاج أخلي الأشياء بمكانها ووقتها المناسب.
ـ أعرف قيمة الشي قبل لا تخسره وتعرف قيمته وهوَّ ماكو بحياتك.
ـ رحمة رب العالمين بينا هيَّ الّي مخليتنا نواصل.
ـ الإتجاه أهم من السُّرعة.
ـ الأولويات ما تنطلب.
ـ "أنت تحاول والله يراك وهذا يكفي."
ـ الراحة الها وقتها والسعي أجة وقته.
ـ أحاول ما أعيد أخطاء المرحلة الفاتت گد ما أگدر علىٰ الأقل أحاول.
ـ "تولنا وتولّ أختياراتِنا وحياتنا يا ربّ لطريقٍ تُحِبه ونُحِبه."
كلّ فترة المبايل يصير بيه تحديث، وكلّ ما يتقدم التحديث كلّ ما يكون أحسن وبيه ميزات أفضل، الهدف منه هوَّ تحسينه، مو صح؟.
حياتنا هم فترات ومُعرضة للتحديث، كلّ ما تقدمت مرحلة كلّ ما حاولت تكون بيها أحسن وتقدم الّي عندك من سعي بشكل يرضي ضميرك وما ترجع تعيد غلطك، تغير السعي، تزيد الوقت، تتنظم أكثر، وتكون حريص زيادة، هالمحاولة والتغيير والتجدد وأنك تسعىٰ في سبيل توصل لمرحلة تكون بيها سعيد باللي مسويه راح تفرقلك هواي وتضيفلك أكثر، أضافة للتغيير الّي راح تحسه وتكون مرتاح بيه، فَ أسمح للتحديث الّي يساعدك إنو يدخل لحياتك، أسمحله يعرض مميزاته والّي راح يتغير عندك من يصير، وخليك مستقبلة وأنت راغب بيه.
حياتنا هم فترات ومُعرضة للتحديث، كلّ ما تقدمت مرحلة كلّ ما حاولت تكون بيها أحسن وتقدم الّي عندك من سعي بشكل يرضي ضميرك وما ترجع تعيد غلطك، تغير السعي، تزيد الوقت، تتنظم أكثر، وتكون حريص زيادة، هالمحاولة والتغيير والتجدد وأنك تسعىٰ في سبيل توصل لمرحلة تكون بيها سعيد باللي مسويه راح تفرقلك هواي وتضيفلك أكثر، أضافة للتغيير الّي راح تحسه وتكون مرتاح بيه، فَ أسمح للتحديث الّي يساعدك إنو يدخل لحياتك، أسمحله يعرض مميزاته والّي راح يتغير عندك من يصير، وخليك مستقبلة وأنت راغب بيه.
مُمتنّة يا ربّ لأن تخليني أحس بشعور الأمتنان، وتخليني أقدس كلّ لحظات يومي والفرص الّي بيها، حتّىٰ لو بدايته چانت مو مثل ما أريد ويصير ضدي بس الحمدلله إنو تخليني مُدركة طبيعة هالأمر وأحاول أكون بخير وحامدة شاكرة لنعمك مهما صار.