٨ من شوال ذكری
هدم قبور البقيع 
🏴🏴



يجي يوم ونفزع ونبنيهه
والمناير للسمه نعليهه

🏴🏴

اضرحة اهل التُقی واهل العلم
و اوصياء المُرسل امن اهل العزم
ال اگبور ال بلملايك تنخدم
يا شريعه الحللت هذا الهدم
گبور قدسيّة مُحمَّد بيهه

🏴🏴

گبور بيهن حافّه املاك العرش
وبجلال الله ورحمته تنفرش
فاطمه اعليهن مدامعها ترش
كل گبر هدموه شلع منهه هرش
الباب چن  ويومه رد اعليهه

🏴🏴

للحسن لاظل مزار او  لاضريح
اتراب يتطاير  لون مر يَمه ريح
يساعد الله الزهره يم گلب الجريح
تنعه للمسموم لو تنعه الذبيح
لو اگبور الصبحت امهدميهه

🏴🏴

گبر للسجاد والباقر گبر
صايرات امن الهدم فوگ وحدر
لجعفر الصادق وضع لا مايسر
بگلب مذهبنه ترك اعظم كسر
ظل جرح بگلوبنه مأذّيهه

🏴🏴

يبو صالح ادرك امك فاطمه
شلون من تلگه البقيع مهدّمه
تبات بيهه والمقابر مظلمه
نخاف تعثر والضلوع مهشّمه
لو بدينه يصح نجي نواسيهه

🏴🏴

ام محمد الحجاج


http://www.tg-me.com/ommohamadalaebaadey

اعظم الله لنا ولكم الاجر

يوم البقيع العالمي

بأيِّ ذنبٍ هُدِّمت

من هوان الزمان مسلم يتلفت بإزقة الكوفة لايعرف الی اين يتجه 😭😭


🏴🏴


لاتأمِّن بالدهر مابي امان
ويّه بيت آل النبي شسوّه الزمان

🏴🏴

لاتأمِّن بالدهر وصروفه
إِخذ عبره ودرس من الكوفه
بعين گلبك مسلم امن تشوفه
اتجرّع امن الدنيه چاسات الهوان

لاتامّن بالدهر مابي امان

🏴🏴


لاتامن بالدهر كونك حليم
مايصاحب صار ابو گلب الرحيم
انگلب واندار وشری حچي اللئيم ( الله يكرم القاريء)
لبو المنكر صار عين وترجُمان

لاتامن بالدهر مابي امان

🏴🏴

هم دريت اشمنطعش واكثر بعد
امن الالوف البايعوا مسلم عدد
لا رعوا ذمّه ولاحفظوا عهد
طوعه بالكوفه بقت شاهد عيان

لاتامن بالدهر مابي امان

🏴🏴

الضماير صايره بيع وشره
وع الدراهم لزمت الوادم سره
انباع دِين الكوفه كلهه بتذكره
ونجح هاني وطوعه بس بالامتحان

لاتامن بالدهر مابي امان

🏴🏴

ضيف ابو طاهر نزل عدهم لچن
ارماحهم بضلوعه ياحيف ارتچن
بس مره عويناتهه لمسلم بچن
من عمت عين الوكت چيفنّه خان

لاتامّن بالدهر مابي امان

🏴🏴

من عمت عين الوكت خاين طبع
بكثرت الغمّان مغلوب السبع
لچن ياطوعه الهضم ماينجرع
امضی من السيف طعنات اللسان

لاتامن بالدهر مابي امان
ويّه بيت آل النبي شسوّه الزمان

🏴🏴

ام محمد الحجاج


١٧ // ٤ // ٢٠٢٤

٨ // شوال

http://www.tg-me.com/ommohamadalaebaadey

ليلة مسلم ابن عقيل عليهما السلام


🏴🏴

هلهلت طوعه وتنومس حيدهه
اجت صيده شد عليها وصيدهه

🏴🏴

شِد عليهم يابعد بيتي وهلي
سووي بيهم ملحمة عمك علي
بعد اخوچ ايگلها وانتي هلهلي
تنومسي بسيفي وهدير ارعيدهه

🏴🏴

ابو طاهر من سمع طوعه نخت
ناده عد عيناچ بالحظ والبخت
خلّه رجلين الزلم كلهه ارتخت
حملت الكرار اكون اتعيدهه

🏴🏴

ذبّت العصّابه من شد وارتجز
خمسميه الحاوطوه وماعِجز
روسهم بمهنّده يحز بيهه حَز
هوّست والمعصب ايرف بيدهه

🏴🏴

الروس فوگ الروس ذبهه ومافحط
جيش ماينعد اجه وبي خوفه حط
الكوفه من دم الزلم سواها شط
تروح فدوه الكوفه الك واعبِيدهه

🏴🏴

تهلهل ويتشييم وعزمه گوه
الفرس والخيّال يطبرهن سوه
البلفِزع مايَمّه اخوه ظهره التوه
هاي ساعتهه واخوته يريدهه

🏴🏴

يلتفت ويعاين ومامش عِرِف
والعطش بي اثّر وكِثر النزِف
ناده ياطوعه الهضم مر وكلف
وگام زفراته الغريب يزيدهه

🏴🏴

وامسلماه  وا غريباه


ام محمد الحجاج

http://www.tg-me.com/ommohamadalaebaadey

اللهم كن لوليك الحجة ابن الحسن، صلواتك عليه وعلى آبائه، في هذه الساعة وفي كل ساعة، ولياً وحافظاً وقائداً وناصراً ودليلاً وعيناً حتى تسكنه أرضك طوعاً وتمتعه فيها طويلاً، برحمتك يا أرحم الراحمين

🤲🙏

هذه اللافتة بالمدينة المنورة

تحت عنوان

(تطوير حديقة سقيفة بني ساعدة)

تزيدنا همّاً فوق همّنا
وجرحاً الی جراحنا

حيث قبور ائمتنا سُوّيت مع الارض
وسقيفة سلب الخلافة تُعمّر ولازال كسر الزهراء لم يُجبر
وقبرها لم يظهر

إنّا لله وإنّا اليهِ راجعون
ولاحول ولا قوةَ الا بالله العلي العظيم


اللهم عجل لصاحب الثار الفرج
وسهّل له المخرج

مُلِئت ظلماً وجورا

ياصاحب الزمان
العجل العجل العجل

يوم العاشر لما رجع مهر الامام الحسين الی المخيم السرج عليه ملوياً وناصيته ملطّخة بالدماء . يصهل صهيلاً عالياً . يقول الامام الصادق عليه السلام . كان المهر ينادي الظليمة الظليمة من امةٍ قتلت ابن بنت نبيها .. حين سمعن بنات الرسالة صهيل الفرس ورئينه علی تلك الحال . يقول اصحاب المقاتل خرجن من الخدور لاطمات وبالعويل داعيات والی مصرعه مبادرات .. امامهن عقيلة الطالبيين مولاتنا زينب عليها السلام يتبعنها بنات الحسين عليه السلام وبقية النساء . وصلن الی مصرعه وجدن الخيل تجول علی الجسد المقدس تقلّبهُ بحوافرها بالمجيءِ والرواح .. ساعد قلب مولاتي زينب وبناته . عذراً مولاي ياصاحب الزمان .

كاني بمولاتي العقيلة عليها السلام لما نظرت للخيل تقلّب جسد اخيها بحوافرها وتسمع اضلاعه وعظامه تتكسر واويلاه

الشاعر يصوّر حال مولاتنا العقيلة عليها السلام ..

سريعة

🏴🏴


حدر الخيل
تتكسر امفاصيله
حدر الخيل
تتكسر امفاصيله

امنيللي عوانه
حته نشيله
حدر الخيل
تتكسر امفاصيله

🏴🏴


فوگه الخيل ياناس لعبن جوله
وضلوعه صارن تارسات الچوله
سالمات عظام ما خلوله
يدوسن بصدره
ونحره دمّه يسيله

حدر الخيل
تتكسر امفاصيله

🏴🏴

فوگ الجسد لعبوا عشر خياله
رض الحوافر ويلي غيير حاله
لو داسن يشلعن شلع ب اوصاله
الحافر ابصدره
يرض بحيله

حدر الخيل
تتكسر امفاصيله

🏴🏴

اسمعهن امن ايكسّرن بضلوعه
طگّت اعظامه من بعد مسموعه
ضلوع صدره من گفاه مطلوعه
داير عليه الجيش
زلمه وخيله

حدر الخيل
تتكسر امفاصيله

🏴🏴

بعظامه وبلحمه يشلعن گامن
بصواب ال ابگلبه الحوافر نامن
من بين ادي هجن بناته وهامن
وبين الخيل
طبّن رباب وليله

حدر الخيل
تتكسر امفاصيله

🏴🏴

ماترضی خيل الاعوجيه تعوفه
ياخيل بسچن خل بناته تشوفه
ام عون نادت كافي بس ابخوفه
يسحگون يمهه
ابناته ومداليله

حدر الخيل
تتكسر امفاصيله

🏴🏴

الله واكبر بالعساچر صاحت
طرّت الخيل او للموذر راحت
يم جسم اخيهه حين وصلت طاحت
ادگلّه خويه
وين اودّي العيله

حدر الخيل
تتكسر امفاصيله

🏴🏴

الدنيه مغرب وانت ترس الهيمه
والزلم جيمه تروح وترد جيمه
امنين للنسوان اجيبن خيمه
جسمك المّه
ما الحگ الليله

حدر الخيل
تتكسر امفاصيله

امنيللي عوانه
حته نشيله

وا حسيناه وا ذبيحاه

وا مظلوماه وا غريباه

🏴🏴


ام محمد الحجاج


http://www.tg-me.com/ommohamadalaebaadey

ويجي واحد ويگلك لاتحچي لاتصير طائفي . لا توقظ الفتنة لعنة الله علی المنافقين


السلام علی أئمة البقيع

اللهم عجل لصاحب الثار


😭😭