محمد وآله اعظم شافعي انّه
مايرهم بخاري شافعي انّه
يبو محمد دخيلك شافي عنّه
( الامام الحسن المجتبی)

الم هَدمك وجور الناصبيّة

🏴

ام محمد الحِجِّاج

الامام الحسن المجتبی ريحانة رسول الله عليهما اتم الصلاة وازكی السلام
🏴


الك بالروح مايبرد وَلَهدوم
ال مصابك سوده دنيانه ولهدوم
الاسلام انحنه ظهره واله اهدوم
بهدم گبرك يسلطان البريّه


🏴
الامام زين العابدين عليه السلام

ابو ذيه


فخر لَلَدِين زين العابدينه
امصفّی .امنزّه ،امنل عاب دينه
الوليد اجرَم وسوّه العاب دينه
ورمی المصحف بسهم الجاهلية

🏴

الامام الباقر عليه السلام

يتشييد ضريح الكم يباقر ؟؟
فكري تابع لنهجك يباه قَر ( اراده واقرَّ به )
لكنوز العلم بذن الله يباقر
واعلوم الرساله الاحمديّه

🏴

الامام الصادق عليه السلام


الباقر راح من عدهم يه صادق
يمسدد امن الباري ي صادق
شيخ الجعفريه انت يصادق
الك دَين اعله كل الجعفريّة

🏴


السلام علی ساداتي ائمة البقيع


يالمهدي استعجل وابنيها


ام محمد الحِجّاج


http://www.tg-me.com/ommohamadalaebaadey

اين قبر الزهراء عليها السلام ؟؟؟؟

ابو ذيه
🏴

تهيد جروحي واحزاني صحنهه
ولا دويات منعوته صحنهه
متی ينبي للزهره صحنهه ؟
يالله اطّيب شنهي جروح بيّه

🏴

العمر حسره باثر حسرات يبناه
جبنه هضم جبنه جروح يبنآه
ابن الحسن گبر ام حسن يبناه
مؤكّد . لاكن اتطوول عليّه

😭😭

الي يوم ويجيني الاجل لفنه ( الفناء .الموت )
ويمروني بعلي وللغري لِفنه ( افترّينه للمقبرة)
يمهدي برايتك مولاي لِفنه
اشوفك قبل لتحين المنيّه

😭😭


ام محمد الحجاج


http://www.tg-me.com/ommohamadalaebaadey

٢٥ // شوال شهادة الامام جعفر الصادق عليه الصلاة والسلام

فزاعيّة
💔🏴


يمته للبقيع ارّوح مشّايه
ولجعفر الصادق ننصب اقرايه

🏴🏴

يمته ارّوح مشّايه ليمّتنه
مصيبة جعفر الصادق الهدمتنه
حگنه امنلقهر والحسره لو متنه
مانتعنّه بالرايات عزّايه

ولجعفر الصادق ننصب اقرايه

🏴🏴

ياشوّال شهر الفاجعه الكبره
بالصادق ابنهه انفجعت الزهره
مصيبه اعظم بعد من هدّمو گبره
مدري ذيچ اشد مدري اشد هايه

ولجعفر الصادق ننصب اقرايه

🏴🏴

المنصور الدوانيقي سعی بموته
فضحهم ماسكت يحچي بعلو صوته
منّه ماينام الليل طاغوته
يزلزلهم الصادق لو حچه احچايه

ولجعفر الصادق ننصب اقرايه

🏴🏴

دسّوله سموم الحقد عدوانه
وفجعو شيعته المنصور واعوانه
عله الصادق الزهره تريد عوّانه
لطّامه تريد اتريد نَعّايه

ولجعفر الصادق ننصب اقرايه

🏴🏴

عميد المذهب الشيعي لطم يسوه
ونشگ الجيوب ال عِظم هل بلوه
حگّه يميل ركن الدين خل يهوه
چم سوره عليه اتنوح چم آيه

ولجعفر الصادق ننصب اقرايه

🏴🏴



لاحول ولاقوة الا بالله العلي العظيم

عظم الله لنا ولكم الاجر
واحسَنَ  العزاء


ام محمد الحجاج


http://www.tg-me.com/ommohamadalaebaadey

جرح هدم البقيع لم يندمل بعد


😭😭


متی يندمل جُرحُ البقيعِ
ويغدو كما لونُ الربيعِ
ويُشيّدُ للزهراء صرحٌ
وقُبّةٌ بجوارِ الشفيعِ
الا ياصاحبِ الثاراتِ عجّل
قد راعنا الخطبُ الفضيعِ
مُذْ تسِيَّدنا وغدٌ وضيعِ
اوَ تدري يامولانا ضعنا؟؟
ولازلنا ضياعاً بأثرِ ضِيعِ
وطحنت بنا الايام طحناً
وحبلُ الوصلِ إيِّاكَ قطيعِ






كاني بمولاتي الزهراء تراقب ظهور الامام المهدي عجل الله فرجه الشريف

بلسان حال الشاعر ..


الك منتظره اعد سنين يبني

متی يگولون للثارات يبني

صحن للحسن والسجاد يبني

وللباقر وجعفر والزچيّة


اللهم عجل لوليك الفرج
وسهل له المخرج

واكحل ناظري بنظرةٍ مني اليه


😭😭


ام محمد الحجاج

http://www.tg-me.com/ommohamadalaebaadey

"... وفُضّلنا بأن منّا النبيّ المُختار، ومنّا الصدّيق، ومنّا الطيّار، ومنّا أسد الله وأسدُ رسوله.."

- من خطبة الإمام ‎زين العابدين (عليه السلام) في مجلس يزيد بن معاوية، وافتخاره بعمّه الحمزة بن عبد المطّلب (عليه السلام).


عظم الله لنا ولكم الاجر بذكری شهادة
الحمزة عم النبي ص اسد الله واسد رسوله

وا حمزتاه
ذكری استشهاد عم الرسول صلی الله عليه وآلهِ
الحمزة اسد الله واسد رسوله


ابو ذيه


لفگدك لسه توجع ونّه بينه
وللاسلام كسره ونّبينه ( ولنبينه )
إن رضينه . موتك اهون . وِن ابينه
اختك مامشت بعدك سبيّه

😢😭

اجت اختك لجثتك ونّه بيهه
ومن ونّت سمعها ون نبيهه
حزن ذكراك بيهه . وانّه بيهه ( ولنا بها )
هضيمه اعله البگت جثته رميّه


😭😭


بری وحشيهم الزانه وحدها
بچبدّتك . يااسد بدرٍ واُحُدها
اختك ماتون ظلت وحدها
ولاباتت ابلا خيمه مسيّه

😭😭


مصابك نار گلب اختك وجاها
النبي محني گصد ليهه وجاها
صبّرها بعظم قدره وجاها
ولا شافتّك اموذر صفيّة

😭😭

لاحول ولاقوة الا بالله العلي العظيم

عظم الله اجورنا واجوركم



ام محمد الحجاج

http://www.tg-me.com/ommohamadalaebaadey

أعظم الله أجورنا
بذكرى شهادة حامل لواء التكبير
أسد الله وأسد رسوله مغيث المؤمنين وسيد شهداء زمانه، عم الرسول وناصره وندبة أهل الكساء #الحمزة بن عبد المطلب

ما اثقلك من يوم على قلب رسول الله



🏴🏴


نعي بحر طويل لسان حال رسول الله صلوات الله وسلامه عليه وآله
كاني به ينعی عمه حمزة سلام الله عليه



اسف يااسد يافتّاك مني تروح ياعمي

چنت سد والوذن بيك جيش لوحدّك يمي

فگدك جرح ماله اخياط ودمعك للنظر يعمي

يلسيفك حمه الاسلام يل مامش مثل سيفك


😭😭


عليك العين حگها تسيل  ياصگارهم دومك

يسد ياناصر  الاسلام  صعب ماينحمل يومك
رمح ميشوم حز چبدك يعم وغيير رسومك

يشامت عييدت حگك الك حيف وخذت حيفك


😭😭


ياحيف والف ياحيف  فگدك بيش اعوضنّه

غميج الجرح مال عزاز عليك يطيب ما اظنّه
حسراتي الك حسرات شعر الراس بيضنّه

غدروك بمكيده اعداك يمروع العده بكيفك

😭😭




إنّا لله وإنّا اليهِ راجعون


ام محمد الحجاج

http://www.tg-me.com/ommohamadalaebaadey

كان الحمزة بن عبد المطّلب (عليهما السلام) معروفاً في قريش، حيث تُكِّنُ له الاحترام وكان شُجاعاً قوي القلب حيث يُروى أنَّه كان صاحب قنص، أي يخرج للاصطياد في الصحراء.

لقد كان الحمزة (ع) مسلماً مجاهداً وبطلاً متفانياً في سبيل الإسلام، فقد قتل شيبة في معركة بدر، وشيبة من كبار صناديد قريش وأبطالها وكان مع الحمزة (ع) أمير المؤمنين (ع) وعُبيدة بن الحارث بن عبد المطّلب (رض) في مبارزة عتبة بن ربيعة وابنه الوليد حيث قُتِلوا وانتصر المسلمون واستشهد عُبيدة.

وذات مرّة أساء أبو جهل للنبي (ص) وشتمه ونال منه، فغضب الحمزة (ع) وذهب إلى الكعبة المُشرّفة (... فلمّا دخل المسجد نظر إليه جالساً في القوم فأقبَل نحوه، حتى إذا قام على رأسه رفع القوس فضربه بها فشجّه شجّةً مُنكرةً ثم قال: أتشتمه وأنا على دينه أقول كما يقول؟ فرُدَّ ذلك عليَّ إنْ استطعتَ ...) [السيرة النبوية لابن هشام ج١ - ص١٨٩]؛ ولذلك ورد عن الإمام السجاد (عليه السلام) قوله: (لَمْ يُدْخِلِ الْجَنَّةَ حَمِيَّةٌ غَيْرُ حَمِيَّةِ حَمْزَةَ بْنِ عَبْدِ الْمُطَّلِبِ وذَلِكَ حِينَ أَسْلَمَ غَضَباً لِلنَّبِيِّ) [الكافي ج2 ص308]

وللحمزة مقامٌ عظيمٌ روي عن رسول الله (ص) أنَّه قال: (... وعلى قائمة العرش مكتوبٌ: حمزةُ أسدُ اللهِ، وأسدُ رسولِ الله، وسيدُ الشهداء ...) [بصائر الدرجات ص١٤١]
وعنه (صلى الله عليه وآله): ( خيرُإخوتي عليٌّ، وخيرُ أعمامي حمزة) [عيون أخبار الرضا (عليه السلام) ج2 –ص66]
استُشْهِدَ في معركة أُحد وحزن عليه النبي (ص) كثيراً و (دفنه بثيابه بدمائه ودعا له بإذْخِرٍ _نبات طيّب الرائحة_ وصلى عليه سبعين صلاة _أي سبعين دعاءً_ وكبَّر عليه سبعين تكبيرة) [الكافي الشريف ج٣ - ص٢١١].



منقول 🙏

ياااااااارب 🤲

مولاي ياصاحب الزمان الليلة جمعة والحُزنُ يعُم ارجاء كياني . تندبك مدامعي

اُشدُد علی العبرات جوانحي 😭😭

ابو ذيه

خنگه الليل يخنگ مايه ريته
ماخلّيت مدمع مايريته
اكون الراس وشّل مايه ريته
وحمره دموع فگدك هلمسيه


😭😭

مولاي

الخميس ايمر وانه مناطر وال إِجمع
ودمع اسبوع لمّيته واله اجمع
رمح بحشاي حسّيته ولج مع
سهم هييج شكو شوغات بيّه

😭😭


مولاي ياصاحب الزمان



بغيابك صار مايسند سندنه
وصبرنه مايوصّلنه سنه ادنه
كل جمعه وتباشرنه س ندنه
من يوم الفرج نترجّه جيّه

😭😭

مولاي يافرج الله ادركنا ادركنا ادركنا
الساعة الساعة الساعة

برحمتك يا ارحم الراحمين


ام محمد الحجاج


http://www.tg-me.com/ommohamadalaebaadey

حقيقة ....

اذا احتشمت النساء
خجلت اعين الناظرين

واذا غض الرجال ابصارهم
احتشمت النساء خجلاً


فعلاً 👌

مولاتي العقيلة بعد العز والدلال والكفالة
شاء الله ان تُسبی .

كاني بها تقول بلسان حال الشاعر .

ابو ذيه

مثل ميلة زماني مال متني
خِلگ السوط مامل مال متني
تتلاچم جروحي مالمتني
صرت انچفي امن انطگ عالوطية

😭😭

مولاتي العقيلة عليها السلام تنظر لراس اخيها العباس وكانها تكلمه
😭😭

ننطگ والهضيمه مالمتنه
ومثل ميلتي رمحك مال متنه
ماگتلي ابو اليمه مال متنه؟
طحنتّه طحن خيل آل اميّه

😭😭

مولاتي زينب عليها السلام لازالت تناجي راس كفيلها وتبث له شجونها .

😭😭

ظلم اسياط اميّه ظالمتنه
علي السجاد ينزف ظال متنه
حادي الهزل يمشي ضال متنه
وطاحت من عله الناگه رقيّة


😭😭

ام محمد الحجاج

عظم الله لك الاجر سيدي ياصاحب الزمان

😭


علی امك يادمع عيناك ياريت ؟؟
غبت عنهه وليالي الشوم ياريت
تون وتگول كونك تجي ياريت
تغمض اعيوني الي وتسبل اديّه

😭😭


ام محمد الحجاج

ياصاحب الزمان

٢٥ // شوال شهادة الامام جعفر الصادق عليه الصلاة والسلام

فزاعيّة
💔🏴


نسوان وزلم  هلليله لطّامه

نشد حزام واللطمه عله الهامه


🏴🏴

سابع سمه خل تسمع تعازينه

مصاب وحيل يوجع حيل حز بينه

غايبنه نعازيه ويعازينه

ابحداد وذاب هسه المهدي لعمامه

نشد حزام واللطمه عله الهامه

🏴🏴

يذب اعمامته ويلطم عله اجداده

خل اتجابله العوّام والساده

عله الصادق ال بلسم ذوبو افّاده

مهدينه ثجيله وتكتل آلآمه

نشد حزام واللطمه عله الهامه

🏴🏴

دموع المهدي من دم ل اهله سڿابه

لسّه بعده ينزف حار  اصوابه

يريد ال هل مصيبه عونة احبابه

كل يوم بعزيّه ليله وايامه

نشد حزام واللطمه عله الهامه

🏴🏴

خلّينه نشد احزامنه الليله

مالازم دمعنه من دم انسيله

يقبلهه دمع من ماي نبچيله

ايتامه ويحن گلبه عله ايتامه

نشد حزام واللطمه عله الهامه

🏴🏴

عِجيد المذهب الجعفري امشيعينه

الله يصبّر الموعود ويعينه

من كثر البواچي اتقرّحت عينه

ليله ب آه ودموع الاسی ينامه

نشد حزام واللطمه عله الهامه

🏴🏴


صوت الونّه خل يعله بمجالسنه

صاير للحزن والدمعه واهسنه

والهم والهضم  مولاي تارسنه

الشيعي للحِداد امعلّگ اعلامه

نشد حزام واللطمه عله الهامه

🏴🏴

عظم الله لنا ولكم الاجر


ام محمد الحجاج



http://www.tg-me.com/ommohamadalaebaadey

انتظروني وجديد محرم ١٤٤٦ هجري بإذن تعالی

اسالكم الدعاء 🙏