#للهلال
لسان حال مولاتي العقيلة

🏴🏴

يلهلال..  نِظرتك بالسمه اتلالي
دمع سال.. ونار اشتعل دلّالي

🏴🏴

اشوفك چن سهم متوجّه اعلينه
جاي تريد تذبح نحره والينه
ياشهر النوايب بلوه بالينه

اطلعت ليش.. يميشوم  اشدهت بالي

✍#ام_محمد_الحجاج
✦════◐•⊰•❉•⊱•◑════✦

فكر ماعندي لا من حيلي ضل عندي
أنه بشوفك گلت هسه الألم يبدي
چم مصاب من اللي عَلّي يسدي

وويلاه.. وافگد بيك چم غالي

✍🏻#ولائـية_وافتـخر (دعاء العامري)
✦════◐•⊰•❉•⊱•◑════✦

يهلال المصايب  زييدت نوحي
هيجت المواجع كلها وجروحي
مدري اعليّه اون مدري اعله مذبوحي

للاحباب  .. ليظل منها النزل خالي

✍#ام_محمد_الحجاج
✦════◐•⊰•❉•⊱•◑════✦

بيك اتغرب وأبقى آنه بين اعداي
ويحرمنة العدو من الهوى والماي
أضل آنه وحرم نندب يجي حَماي

غريبة.. ودمعي عالوجن هالي

✍🏻#ولائـية_وافتـخر (دعاء العامري)
✦════◐•⊰•❉•⊱•◑════✦

اروح الكربله اويه اخواني مهيوبه
ولا اهم بالمسير المتعبه دروبه
امن العاشر نحيله وروحي متعوبه

علی حسين.. ونيني وكل هضم حالي

✍#ام_محمد_الحجاج
✦════◐•⊰•❉•⊱•◑════✦

يهلال ودعيت الباري من هليت
دليلي بنار يسعر لا أمل خليت
عشت بالويل يل ابجَيّتك أنه سليت

يروحون.. وتالي ابقى بلا والي

✍🏻#ولائـية_وافتـخر (دعاء العامري)
✦════◐•⊰•❉•⊱•◑════✦



https://www.tg-me.com/ommohamadalaebaadey

بحول الله وقوته  ابدأ  بنشرمنهاج الخروج من المدينة ومكة والمسير الی كربلاء  🏴😭😭

#للمسير من المدينة إلى كربلاء
((لسان حال مولاتنا الحوراء زينب "ع"))

على درب النوايب هل نوينة
شد ارحالنة حامي الضعينة
°°°°°°°°°°°°°°°°°°°°°°°°°°°°

حَمَّل بالضعن بدر العشيرة
بظلام الليل نمشي لغير ديرة
كل واحد عرف گًرَّب مصيرة
وعيون الحزن تشرح حچينة

✍🏻#ولائـية_وافتـخر (دعاء العامري)
✦════◐•⊰•❉•⊱•◑════✦

ناشر رايته بدر الهواشم
اخونه اعله المسير الليله عازم
تلطم من درت طلعت الوادم
وضجّوا بل عويل اهل المدينه

✍#ام_محمد_الحجاج
✦════◐•⊰•❉•⊱•◑════✦

ضجوا بالعويل وروحي راحت
أجت أم البنين بحسرة صاحت
آه يبن الزچيه ودمعة طاحت
هم ترجع بعد وترد علينه

✍🏻#آلّشآعرهً آلــــّعــلّويِـــه آلّمٌوسويِــــۿ
✦════◐•⊰•❉•⊱•◑════✦

على درب المنايا. اليوم    ماشين
رحلنه والدمع يسچب من  العين
ويحف بالضعن عباس.   وحسين
سرينه    وتلتهب.   نيران.    بينه

✍#ام_زهراء_الزيداويه_البصراويه
✦════◐•⊰•❉•⊱•◑════✦

مشينه الكربله و حملنه الضعون
ودعنه الأحبة بدمع العيون
واعاين للعليله وحالها  شلون
تصد لضعونه وتنحب  حزينه

✍#علويه_ام_فاضل
✦════◐•⊰•❉•⊱•◑════✦
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩

{{ فزاعية }} لـ المسير من المدينة إلى كربلاء
#تقرأ بكل أطوار الفزاعية السريعة وبلحن ((من هجمت الخيالة))

•• سارو بالضعن وبليل ••
                 •• بالحسرات والدمعة ••
-----------------------------

مدينة جدهم امودعين
لارض كرب وبلا ماشين
عليهم تجري دمع العين
•• درب مامنه أي رجعة ••

✍🏻#ولائـية_وافتـخر (دعاء العامري)
✦════◐•⊰•❉•⊱•◑════✦

مـاخـذ أهـله وأخوانه
وزينب تمشـي حزنانه
عايــف بيته وأوطـانه
•• وبدلاله ألف صدعه ••

✍🏻#آلــــّعــلّويِـــه آلّمٌوسويِــــۿ
✦════◐•⊰•❉•⊱•◑════✦

ابو السجاد هلليله
درب الموت ماشيله
بعياله ومداليله
•• وخلّه ديارهم تنعى ••

✍#ام_محمد_الحجاج
✦════◐•⊰•❉•⊱•◑════✦

ودعها المدينه اليوم
گاصد كربله المظلوم
وتنتظره اسيوف الگوم
•• الكافر نحره ايگطعه ••

✍#ام_زهراء_الزيداويه_البصراويه
✦════◐•⊰•❉•⊱•◑════✦

عافوها الأرض طیبه
وزينب روحها انحيبه
بآرض الطف المصیبه
•• كل اهل المجد صرعى ••

✍🏻#ام_عباس_الحسیني
✦════◐•⊰•❉•⊱•◑════✦

ارض الطف تعنوها
الليله الرايه علوها
بيوت المجد ودعوها
•• غدت لوداعهم فجعه ••

✍#ام_محمد_الحجاج
✦════◐•⊰•❉•⊱•◑════✦

شال من الوطن مهيوب
يودع كم قبر محبوب
بس قلبه صُفى مكروب
•• ونين ابنيّته ايسمعه ••

✍🏻#خادمة_ابي_الفضل
✦════◐•⊰•❉•⊱•◑════✦
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩

أبوذيات ونواعي متعددة لـ المسير

ابو السجاد شد اليوم.    رحله
وعنده الكربله المظلوم.  رحله
لأن مكتوب من الكوفه.     رحله
((يريدونه  يجي.  للغاضريه ))

يدور  هل   دهر.  يحسين.     حجه
وانت.اعله.الخلگ.  مولاي  حجه
شخصك بالطفوف يصير   حجه
((وتطوف ابنحرك اسيوف المنيه))
✍#ام_زهراء_الزيداويه_البصراويه

سچ ظعن الفواطم والهواشم
وعساني ماصل الطف والهواشم
السيوف اتّاني اخيي والهواشم
تطحن جثته بالغاضرية...
✍🏻#ام_محمد_الحجاج

حده حادي الضعن بينه . وسرنه
بليل وماكشف همنه . وسرنه
حزنه ولاخبر جانه . وسرنه
وطلعنه من الوطن لارض المنيه.
✍🏻#ام_فاطمة_الزهراء

وحي الله  لبــــــو الـیمه   وحاله
الحــرم عافــه واطاع الرب   وحاله
ومن طیبـه الأرض الطف  وحاله
و لجل دینه وصل ارض المنیه
✍🏻#ام_عباس_الحسيني
✦════◐•⊰•❉•⊱•◑════✦

★ نعي نصاري زريجي عاشوري جنوبي مُلائي ★

حده حادي ضعنهم هالمسيه
وجدّوا سيرهم للغاضريه
عيني تصد لخوتي اهل الحميه
والنيران بضلوعي سريّه...
✍#ام_محمد_الحجاج

حدينه وهلت اعيوني للديار.
طلعنه من نزلنه وبالگلب نار.
محتاره بشباب اهلي والزغار.
ودري بهل الوكت ياوسفه غدار.
✍🏻#ام_فاطمة_الزهراء
✦════◐•⊰•❉•⊱•◑════✦

★ طور الحدي الركباني.. طور الحدي البدوي.. طور الفائزي القطيفي.. طورالفائزي البحراني العراقي.. طور تراث البحراني القديم.. ★
#وداع قبر الرسول ص والسيدة الزهراء ع

حسين السبط تعبان وانفاسه حرّه
عِد جده طاح وصاح عيشتي مُره

قبل اليشيل بليل من ارض المدينه
لقبر امه يشكي الآه وخيّه ونبينه
ضميني يُمّه الساع تسمع ونينه
موت الولد يشتاق لأمه الحنينه
بضلوعه تسري النار وبخده عبره
✍🏻#خادمة_أبي_الفضل

شال العزيز حسين عايفها دياره
متعني لأرضچ كربله وماطفت ناره
راح وأخذ كل أخوته وأهله الغيارى
ينهج نهج جده النبى واضح مساره
✍🏻#آلــــّعــلّويِـــه آلّمٌوسويِــــۿ

واضح مساره ابو علي ماهبط الراس
هيهات صاح وللظلم ماضل اله اساس
لمن وصل طف كربله فوگ الزلم داس
وبدمه ضحه ابن النبي وضل دمه نبراس
✍🏻#خادمة_اهل_البيت_ام_ابراهيم_الحلفي
✦════◐•⊰•❉•⊱•◑════✦

★مجاريد أو عاشوري★
ودع گبر جده وهلت العين
اوداعت الله ياهلي الطيبين
لارض بيها النوايب هل مرحلين

ماشين و دعناهه الگبور
يهلي وعليكم گلبي مفطور
عفناها ظلمه وخاليه الدور
✍#علويه_ام_فاضل
✦════◐•⊰•❉•⊱•◑════✦

★طور ( الجفيري.. الحدي السريع.. يم الولد راح الولد.. )★
ودعو مدينة جدهم
ضلت خلية ديارهم
وحشة بقت وتحن لهم
شگد صعبة ياساع الوداع...

متوجهين لكربله
واخذوها كل العايله
هذا الدرب بيه البله
تتوسد بدمهم بقاع...

درب المنايا والأجل
ينگطع من عنده الأمل
لهاي الأرض كلمن وصل
ميضل احد بيها صراع...
✍🏻#ولائـية_وافتـخر (دعاء العامري)
✦════◐•⊰•❉•⊱•◑════✦
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩

المسير الی كربلاء

المظلوم يودع قبر جده رسول الله صلی الله عليه واله وسلم



فزاعية

🏴🏴


وادع گبر جده حسين
ناوي السفر هلليله
ناوي السفر هلليله

🏴🏴


بالحسره ودمع عيناه
وتراب الگبر شمْاه
آنه حسين ياجداه
مالت دنيتي ميله

وادع گبر جده حسين
ناوي السفر هلليله

🏴🏴

ضمني وياك ياجدي
جيت ودمعتي بخدي
شحچيلك منين ابدي
بحسره ودمعه يحچيله

وادع گبر جده حسين
ناوي السفر هلليله

🏴🏴

آنه حسينك وسلواك
ضمني بالضريح وياك
خلي تشوفني عيناك
يگله ومدمعه يسيله

وادع گبر جده حسين
ناوي السفر هلليله

🏴🏴

يخبره والدموع تسيل
الليله من المدينه نشيل
ياجدي بتوالي الليل
اسدّر وآخذ العيله

وادع گبر جده حسين
ناوي يشيل هلليله

🏴🏴

تالي الليل ممشانه
وام الخدر ويانه
طيبه الليله حزنانه
لبنك ولمداليله

وادع گبر جده حسين
ناوي السفر هلليله
🏴🏴

بعد ما للشمل رجعه
علينه ضاگت الوسعه
بجاه ابنيتك البضعه
الغريب وليدك ادعيله

وادع گبر جده حسين
ناوي السفر هلليله

🏴🏴


ام محمد الحجاج 


https://www.tg-me.com/ommohamadalaebaadey

أم محمد الحجاج:
للمسير

وزن الفايزي


🏴🏴


الليله ابو السجاد شال امن المدينه
ظلمه المنازل خاليه خلافه وحزينه


🏴🏴

بظعونه سدّر هلمسيه وسد البيوت
بعياله واخوانه وخواته لديرة الموت
يخسارته الظل بالنزل  والراح مبخوت
بيرغ گمر عدنان رفرف علظعينه

🏴🏴


ظعن الهواشم بالهواشم تالي الليل
من ارض المدينة طلع بلحسره ولعويل
الراح والظل مدمعه يجري كما السيل
البلظعن والبلسلف ظل يجهر ونينه

🏴🏴

ضجه تعالت بلموادع والظعن سار
وخلف الظعينه تنوح كلها زغار وكبار
عن بلد طيبه تشيل وسفه يبن الاطهار
نعطّل مسيرك يبو اليمه لو  بدينه

🏴🏴

سارت رچايبهم بهدوت ليل ياحيف
يامگصد الوفّاد يمحيين للضيف
ومضيفهم مچهوب ماينسد شته وصيف
للرايح وللجاي بابه مشرّعينه


🏴🏴


ام محمد الحجاج


https://www.tg-me.com/ommohamadalaebaadey

للمسير
محرم
١٤٤٦ هجرية


🏴


البيرغ ناشرينه
وسرجو الخيل

اظن ناوين هلليله
عله ارحيل

🏴🏴


ناوين السفر شَدّو محاملهم
وين امن المنازل حمّلو كلهم
ظلمه خلافهم ظلت منازلهم
لاوين بظعنهم
سچّو ابليل

🏴🏴

حاديهم خذاهم والسلف طَرّه
خلّه اهل المدينه تصرخ بعبره
بعد بالديره مايطلع ضوه الگمره
لا بالگهوه تنشم ريحة الهيل
🏴🏴

حلوين الشمايل هجرو الديره
الشايل هلمسيه حسين مو غيره
تودعه اهل المدينه طلعت بحيره
والنسوان ضجت والرياجيل

🏴🏴

هاذ حسين من ريحة نبي الرحمه
يذكّرنه بعلي وبلمجتبه وامه
نعمه امن الكريم وراحت النعمه
ادخيل اتوانه يابن حامي لدخيل

🏴🏴

اذّن للمسير بصوت حاديهم
نتوكّل وخنّمشي يناديهم
واجراس الابل طشّت ابواديهم
ياممشه الظعينه ايهدم الحيل

🏴🏴

نيتك راشده يلحادي گالوله
محروس الظعن وحسين وحموله
يعين الله گلب زينب المكفوله
اتوادع دار اهلهه بمدمع يسيل

🏴🏴


تمت بحمد الله تعالی
١٥ /ۧ/ ذو القعدة
الموافق ٢٤ // ٥ // ٢٠٢٤



✍  ام محمد الحجاج


https://www.tg-me.com/ommohamadalaebaadey

للمسير 🏴🏴


خروج مولاتي زينب عليها السلام من المدينة والسفر مع اخيها الامام الحسين عليه السلام الی كربلاء . وكيف اخرجها كفيلها بتلك الهيبة والجلالة والخدر  المعهود  .. الشاعر يصف ماجری

تنقري لطمية مربعة ونعي بعدة اطوار


🏴🏴

نووخ هودچ اخته بعتبة الباب

فوگ احجابها لف بيرغه احجاب

🏴🏴

بعتبة بابهه والمحمل منوخه

شد احزام خوّه الدوم مايرخه

كشخت بالخدر ويّه الگمر كشخه

ما لمحوا خيال ام عون الاجناب
فوگ احجابهه لف بيرغه احجاب

🏴🏴

صاح بصوت غضو ابصاركم كلهه

لمن بت علي تصعد بمحملهه

صعدهه وغراض ام عون حمّلهه

وماخلّه يشوف اخته الهوی الهاب
فوگ احجابهه لف بيرغه احجاب

🏴🏴

ازمام الناگه بيده وگووم الناگه

وبيده الثانيه المحروسه خفاگه

حاديهم اتوكل والظعن ساگه

ومن ام البنين اوياه علگ جاب
فوگ احجابهه لف بيرغه احجاب

🏴🏴

علگ من شيلة امه شد عله الهودج

حته السفره تسهل والامر يفرج

للما تم له حجه اخته كعبه وحَج

تطوف اعليهه بس الناس الاطياب
فوگ احجابهه لف بيرغه احجاب

🏴🏴

اخت عباس  كعبه يل ردت حجه

بجامعة الصبر درست ومتخرجه

بس اندبهه حالن همّك اتفرجه

الينخه ام عون بالشدات ماخاب
فوگ احجابهه لف بيرغه احجاب

🏴🏴

تمت بحمد الله ومنّته

١٩ // شوال

الموافق // ٢٨ // ٤ //  ٢٠٢٤۠


ام محمد الحجاج



https://www.tg-me.com/ommohamadalaebaadey