للمسير 🏴🏴


سفر الامام الحسين عليه السلام

فزاعيّة

🏴🏴

حمّل وين ابو السجاد
ومخلّي النزل خالي

🏴🏴

حمّل وين بظعونه
ظلمه الديره من دونه
اتون الدار محزونه
ظلمه الچانت اتلالي

حمّل وين ابو السجاد
ومخلّي النزل خالي

🏴🏴

حمّل ب اهله وعياله
بليل وربعه ورجاله
شد لكربله ارحاله
گاصد نينوه الغالي

حمّل وين ابو السجاد
ومخلّي النزل خالي

🏴🏴

شدّوا عله ظهور الخيل
ساروا بالظعن بالليل
طلعتهم اتهد الحيل
والبيرغ يرف عالي

حمّل وين ابو السجاد
ومخلّي النزل خالي

🏴🏴

يرف البيرغ اشمحلاه
الكافل لازمه بيمناه
ولزينب ايصد عيناه
بيهه اتكفّل الوالي

حمّل وين ابو السجاد
ومخلّي النزل خالي

🏴🏴

خاف يميل محملهه
الميله بچفّهه يعدلهه
يباريهه ويدللهه
يگلهه يابعد خالي

حمّل وين ابو السجاد
ومخلّي النزل خالي

🏴🏴

عون وخاله والرايه
لم الخدر حمّايه
ذوله البيهم اكفايه
وياهم ياسَعد حالي

حمّل وين ابو السجاد
ومخلّي النزل خالي

🏴🏴

تمت بحمد الله تعالی

١٩ // ٤ // ٢٠٢٤

الموافق  (١٠) شوال

ام محمد الحجاج

https://www.tg-me.com/ommohamadalaebaadey

المسير الی كربلاء

🏴🏴

ال اهواشم ابّاب حسين
بيرغهم معلگينه
بيرغهم معلگينه

🏴🏴


ياستار هلليله
بيرغهم معلگينه
حسين محمل العيله
بنياته ومداليله
وام عون ونساوينه

ال اهواشم اباب حسين
بيرغهم معلگينه

🏴🏴

لزينب ولّم الهودج
بيرغهم معلگينه
الليله الكون ماله ارتج
بعده ابعيد وكت الحج
وين السفر ناوينه

ال اهواشم اباب حسين
بيرغهم معلگلينه

🏴🏴

ناوين السفر لاوين
بيرغهم معلگينه
يريد يشيل ليش حسين
عن اديارهم ماشين
بيت الوحي مخلّينه

ال اهواشم اباب حسين
بيرغهم معلگينه

🏴🏴

منازلهم يخلّوها
بيرغهم معلگينه
يرحون ويسدّوها
والاحباب ودعوها
شيفارگ ابو اسكينه

ال اهواشم اباب حسين
بيرغهم معلگينه

🏴🏴

محملين بتوالي الليل
بيرغهم معلگينه
جاب الناس صوت الخيل
يبو اليمه نويت تشيل
اتمهّل يبن هادينه

ال اهواشم اباب حسين
بيرغهم معلگينه

🏴🏴

يبن الطاهره الزهره
بيرغهم معلگينه
امن اصحاب العبا ذكره
وروح المصطفی وعطره
يالخيرك مغطينه

ال اهواشم اباب حسين
بيرغهم معلگينه




ام محمد الحجاج


🏴🏴


٩ // شوال
الموافق

١٨ // ٤ // ٢٠٢٤



https://www.tg-me.com/ommohamadalaebaadey

بحول الله وقوته والتوكل عليه
ابدأ منهاج النزول بكربلاء

🏴🏴

#قصيدة بحر طويل (شوط كربلائي)
الوصول إلى كربلاء لسان حال مولاتنا زينب ع


ارض الطف يبو السجاد لاتبني الخيم بيها
اشم ريحة حزن ودموم وشوف الضيم غاطيها
♾️♾️♾️♾️♾️♾️♾️
غاطيها الحزن والضيم يخوتي الطف اشوفنها
ومن ثنى المهر جدمه روحي ايست چنها
شفتها ورفن عيوني ودلالي ارتجف منها

شفتها وخاطري اتكدر
وگلبي حزنه.   اتفجر
ردت انزل فلا.  اگدر
تهدم خويه كل حيلي من يوم اوصلت ليها

✍#ام_زهراء_الزيداويه_البصراويه
✿•◈━━━━◈••◈━━━━◈•✿

لا تبني الخيم يحسين شوف الضيم غاطيني
بعدك وشيصبر الروح دمعي نزل من عيني
اخاف اعليك يا خويه تروح انت وتخليني

لا تبني الخيام ادخيل
التمت يخويه الخيل
بحوافرهااحس الويل
وخافن عالحرم يحسين وين اتروح تاليها

✍#علويه_ام_فاضل
✿•◈━━━━◈••◈━━━━◈•✿

يوم اوصلنه وادي الطف وخيمنه بنيناها
حسّيت بخطر واكدار وماجف عيني مجراها
وحشه كربله يحسين من حين النزلناها

باصرني  يبو سكينه
شعدنه هنا يوالينه
ردنه ولا تخلينه
رجفن خويه كل اعضاي من سمعن ابطاريها

✍#ام_محمد_الحجاج
✿•◈━━━━◈••◈━━━━◈•✿

وصلناها وتذوب الروح واحسها بالگلب جمرة
يخوية بالفگد حسيت جثث شفت آنه عالغبرة
يحل بيها مسير الدم ومصايب عَلَّي تجرى

تبنيها الخِيَّم وتروح
وعگبك أمتلي بجروح
يانسمة هوى بالروح
وحيدة اختك تضل يحسين تتشمت أعاديها

✍🏻#ولائـية_وافتـخر (دعاء العامري)
✿•◈━━━━◈••◈━━━━◈•✿

دخيلك  هالخيم فجعه يخويه لا  تـكملها
وچني ماأحس جدمي وبشوف الخيم  شلها
واحس روحي تـره ابحرگه تون اعله التكفلها

اشوفن چن دمه ابعيني
وفرگة البينك وبيني
وتالي اعداك تسبیني
واخاف اختك يمشوها غصب ومحشمة تدريها

✍🏻#ام_عباس_الحسيني
✿•◈━━━━◈••◈━━━━◈•✿

شحكي وعدد مصابي واصعبها ارض الطفوف
خبرها من الصغر أدري  بيها تنقطع الكفوف
وتصد عيني لبو السجاد مرمي موذر وبسيوف

واظل بعد الأهل وحدي 
ودمعتي تِحرق بخدي 
غير الحسره ما عندي
الله يصبر بروحي صاحت من إجت ليها

✍🏻#خادمة_أبي_الفضل
✿•◈━━━━◈••◈━━━━◈•✿

وحيدة أختك تضل بالطف وتعيش بغربة الفرگة
تجذب عبرة وتنادي يوالي خيامي محترگة
على الكافل تدير العين وبالدلال الف شهگة

شبت بالخِيَّم جمرة
وبقينه نصرخ بحسرة
أعاين وآني منتظرة
بلچي ولن يجيني حسين وعياله يباريها

✍🏻#آلّشآعرهً آلــــّعــلّويِـــه آلّمٌوسويِــــۿ
✿•◈━━━━◈••◈━━━━◈•✿
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩

النزول بكربلاء

هنا والله محطُ رحالنا
هنا تُسفك دمائنا
وتحرق خيامنا
وتُسبی نسائنا

كاني بالامام الحسين عليه السلام يامر بالنزول بهذا المكان
بلسان حال الشاعر

🏴🏴


ياجمّال حط بهاذه المچان

ونصبو خيام للعيله يشبان


🏴🏴

نوخو جمالنه ودگّو الصواوين
نفضو حمولنه ونزلو النساوين
ياعباس اختنه وگرة العين
اول ما الها تنصبون صيوان

🏴🏴

ياعباس اول نزّل ام عون
خل ترتاح ياحماي الظعون
اخيتنه العقيله ونور العيون
شد حزام يا  ليث آل عدنان


🏴🏴

بنو حي الهواشم بالنواويس
وبيض اخيام شيدو للعراريس
ونسمات المحنّه لزينب تجيس
چنهه هلال عيد
ابين ال اخوان

🏴🏴

جسام لعمامه امهدّر ادلال
گهوته امهييله يازين ال ارجال
عمته ادگلّه فدوه لهاذ ال اخيال
معزب دوم طبعك شيخ ديوان


🏴🏴

علي الاكبر وعمّه تَعبو الماي
گدما للمخيم نگلو هواي
سوو للخيم بالبيرغ فياي
خاطر ماتفز لحسين رضعان


🏴🏴

لمة احباب ملتمّين  الغروب
ابو فاضل مضيفه امشرّع البوب
واتعوّذ ام عون وروحها تلوب
اتصلي وتندعي لخوته لحنان

🏴🏴

تمت بحمد الله تعالی

١٦ // ذو القعدة

٢٥ // ٥ // ٢٠٢٤


✍   ام محمد الحجاج


https://www.tg-me.com/ommohamadalaebaadey

ابو ذيه ونعي للنزول بكربلاء

🏴🏴


گاع  البله ابو اليمه نِزلها
وام عون التكفلهه  نَزَلها
صار العصر واتذكرت نَزِلها
البي كل ذكريات امها الزچية


😭😭

كاني بمولاتي زينب عليها السلام


اليوم خيامنه بالطف  بنينه
وگلبي يفور اهيسنّه بنينه
الصادعني ابو اليمه ؟ بنينه
واخوتي شجابهم للغاضريه

😭😭

مولاتي زينب عليها السلام كاني بها


الگلب من كربله خايف وشرها
عدونه رماحه وسيوفه وشرها
تعنّه الگمر للرايه  وشرها
ي چنه زماط صار اويه آل اميه

😭😭



نعي للنزول بكربلاء
بحر طويل

وصل وادي الطفوف اليوم
وحط ظعونه ابو سكينه

گُرُب شاطي الفرات هناك
شيّدهن  صواوينه

صارت چنهه وادي الطور
يوم الطبها والينه

هله ومرحبا ويا حياك
ريت مباركه الحَطَّه

🏴🏴

خطار ابو اليمه هناه
والخطار يكرمونه

ياكربله وهاذه حسين
ابنلهادي وگرة عيونه

بنی بيوته وخواته وياه
وعدوانه يطلوبنه

نيتهم  غدر لحسين
مجيشه جيوشه السلطه

🏴🏴


ليش محوّطته الگوم
وعجّت كربله بالخيل

سبعين الف والرايات
جرّت من امس بلليل

بنات حسين مرعوبات
وادموع الاطفال تسيل

من هسه الدرب گطعوه
والماي انلزم شطّه

🏴🏴

تلگّوه بعجاجة خيل
والجيمه ب اثر جيمه

صهيل وصايح وغارات
وكتايب اگبلت غيمه

وبعدها اجّر كتايبهم
وغصّت بيهم الهيمه

ونهر العلگمي الصوبين
بخيل الوصلته اتغطّه

🏴🏴



تمت بحمد الله ومنّته

١٦ // ذو القعدة

الموافق

٢٥ // ٥ // ٢٠٢٤


✍  ام محمد الحجاج

https://www.tg-me.com/ommohamadalaebaadey