لهلال  شهر محرم 

كاني بمولاتي العقيلة عليها السلام

🏴🏴

هاي المغربيه هل الهلال
ياحسرة دليلي تصدع الجبال

قميص حسين منشور
هل الليله عاشور
ياحسرة دليلي تصدع الجبال

🏴🏴


روحي تلوب گامت والگلب ذاب
هلال الخله دمع العين  سچاب
ياميشوم بس لوعه وحزن جاب
اجر انفاسي گوه وجمري لهاب

اون وگلبي مكسور
هل الليله عاشور

الله يعين گلبي اشچم جرح شال


🏴🏴



الليله امي خذت رايات الاحزان
گصدت کربله تحط للعزه اعلان
تنعه الليله آيبني يعطشان
للمذبوح ياشيعة اللطم حان

تون ونارها تفور
هل الليلة عاشور

رايات العزاء الليله تنشال

🏴🏴



ناعي الفاجعه بسابع سمه ينوح
وينه الي يساعدني عله النوح
يتوكل عله الله وللعزا نروح
يعلّي الصرخة بلمجلس يمذبوح

دمعه اليبچي مذخور
هل الليله عاشور

للمذبوح ظل ابحر الرمال

🏴🏴



الليله هل محرم يالموالين
وينه اللي يحبنه ينوح لحسين
واسو فاطمة بدمعه  ولطم زين
علّو النوح بالمجلس والونين

اليحضر سعيه مشكور
هل الليله عاشور
ماجور اليون والدمعه همّال
🏴🏴

مذخور الدمع والونّه  وال آه
ونسجل الينادي واحسيناه
اسمه بدفتر الخدمه كتبناه
واليحضر مجالسنه حضرناه

بالدنيه وبالگبور
هل الليله عاشور
جايبلي مصايب تشده البال

🏴🏴


٢٦ // ذو القعدة


الموافق

٤ // ٦ // ٢٠٢٤

ام محمد الحجاج


https://www.tg-me.com/ommohamadalaebaadey

وداع الامام  الحسين عليه السلام لاهل المدينة 

فايزي  تنقري لطمية  ونعي

جديد محرم  ١٤٤٦

🏴🏴

طلعوا بتالي الليل كل اهل المدينه
يودعون ابو السجاد  وعياله وبنينه

🏴🏴


صرخة ندامه بالفضی اي واحسيناه
وضجت الوادم بلعويل الغالي تنعاه
يااخر الخمسه الوداع الليله وياه
ياريحة الزهره يريحانة نبينه

🏴🏴

ريحانة الهادي النبي وابن الزچيه
حمّل ظعونه امن المدينه بهل مسيه
عاف المتازل مظلمه  وحشه وخليه
يصد للديار بحسرته وبدموع عينه

🏴🏴

اهل المدينه زغار وكبار ايتباچون
ّوبصرخه تالي الليل عالهامات ايلطمون
نسوانها ورجالها لحسين ايودعون
ياخوفنه من هل سفر ماترد لينه

🏴🏴

صار الموادع والنحيب بعالي الصوت
ضجه وعويل ونايحه صارت بلبيوت
شعندك يبن خيل العمل عازم عله الموت
مخلّي النزول الزاهره ظلمه وحزينه

🏴🏴

خط القلم باللوح  حتمن والامر حان
ملزوم آخذ بالمسير وياي رضعان
وعيالي والمحجوبه اخيتي ام الاحزان
الليله من گبل الفجر تمشي الظعينه

🏴🏴

ماجت بهاليها المدينه وضجت الناس
لمن علت بالقافله اصوات الاجراس
ومن شافو البيرغ يرف بچفوف عباس
ببن البتول الحادي گوطر شايفينه

واحسيناه

🏴🏴

تمت بحمد الله تعالی

✍  ام محمد الحجاج


١٠ // شوال
١٤٤٦ //هجرية

الامام الحسين عليه السلام ووداعه لقبر جده رسول الله صلی الله عليه وآله وسلم


نعي فايزي


🏴🏴


ناوي السفر ياجدي من ارض المدينه
ريحانتك وعياله واخوانه وبنينه
هاي المسيه لكربله نحدي الظعينه
نهجر ديار العز من غصبن علينه
وادعيلنه لتسهيل امرنه لو مشينه

🏴🏴

جيت ارد اودعك ياحبيبي اخر اوداع
وجمرة الفرگه هايجه مابين الاضلاع
اشكي واخبرك عن شملنه اصبح اضياع
واجر المودّه باهل بيتك بس غبت ضاع
داعي الشهاده هلدعاني وامره ينطاع

🏴🏴

ليكربله حادي الرچايب بينه حدّاي
هاذي المسيه ياحبيبي ونور عيناي
اقبل الذل مثل العبيد اتريدني اعداي
هيهات ايد الفاسق اتسالمهه يمناي
لو گطعوني بالمواضي وسفكو  ادماي

🏴🏴


😭😭

نعي مجاريد

ليتك يبو ابراهيم ليتك
تعاين ظعينة اهل بيتك
شالو وتنعاهم ثنيتك
والامه ماحفظت وصيتك

🏴🏴

اخر وداع وياك هاذه
ياملجأ ابنك ياملاذه
مانصف دهري وحييل آذه
وامر القدر لابد نفاذه

🏴🏴

شابگ گبر جده ويشمه
وبضلوعه تسعر نار همه
راح الشمل بعد اشيلمه
ابنك يجد اوياك ضمه

🏴🏴

راحل الليله وبعد مارد
فاگد احباب الروح فاگد
والجمر بضلوعي مواگد

🏴🏴


ابو ذيه

يجداه

ظعني يسدّر الليله  يَجَداه
وحادينه لوادي الطف  يِجِداه
هذا اخر عهد يمّك يجد  آه
حان فراگنه هاي المسيه

🏴🏴

ام محمد الحجاج

١١// شوال
١٤٤٦ // هجرية



https://www.tg-me.com/ommohamadalaebaadey

#للهلال ((موشح))
لسان حال مولاتي العقيلة عليهاالسلام


سال دمع العين من شفت السمه
والهلال امگبّع.   بلون     الدمه
::::::::::::::::::::::::::::::::::::::::::

انجرح خدي وماگطع جاري الدمع
واحس نيران اسعرت حدر الضلع
بشهر الاحزان اعرفت روحي انفجع
وافگد بعاشور مهجة فاطمه

✍#ام_محمد_الحجاج
••❥••━━━━━━━━━━━━••❥••

أفگد بعاشور ذخري وهيبتي
وبـحرگ الخيام تكــبر لوعتي
بس ونين ونوح تبقى حصتي
وأعله دمع العين دوم امعلمه

✍🏻#آلّشآعرهً آلــــّعــلّويِـــه آلّمٌوسويِــــۿ
••❥••━━━━━━━━━━━━••❥••

يا شهر عاشور بي دمعي  نزل
هالشهر افگد احسيني والكفل
خايفه من اليوم يلفيني الوجل
روحي عالخوان تبقى هايمه

✍#علويه_ام_فاضل
••❥••━━━━━━━━━━━━••❥••

شگد مواجع بيك اشوف آنه ومِحَن
عالوجن نزلن دموعي كالمِزَن
فكري والدلال وياهن نِعَن
چم نوايب بيها أبقى امألمة

✍🏻#ولائـية_وافتـخر (دعاء العامري)
••❥••━━━━━━━━━━━━••❥••

چم نوايب بيك   اشوف وچم الم
الحزن وي هلَّتَك   چنه   انرسم
عاينتلك  واحس كل حيلي  انهدم
چم طفل   ياشهر    گلي    اتيتمه

✍#ام_زهراء_الزيداويه_البصراويه
••❥••━━━━━━━━━━━━••❥••

آه یالوعت مصابي ابهالشهر
والحسین ایموت مذبوح النحر
وعله شاطي العلگمي يبقى الگمر
وآنه أندب یاعلي حامي الحمه

✍🏻#الفاطمية_رافضية_وافتخر
••❥••━━━━━━━━━━━━••❥••
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩

أبوذيات ونواعي متعددة للهلال
#لسان_حال_السيدة_زينب
عندما شاهدت هلال شهر المحرم ولسان حالها يقول..

★ أبوذيات ★
أنكسر گلبي ودموع العين .. هليت
يشهر الحــزن ليش بساع .. هليت
فوك الراس بيدي الترب .. هليت
على مصاب أخوّتي بالغاضرية...
✍🏻#آلــــّعــلّويِـــه آلّمٌوسويِــــۿ

بان هلال شهر الحزن .. بسماي
يعيني شبيچ دمعچ يهل .. بسماي
چانو هلي من ينادون .. بسماي
العقيلة .. وراح يصير اسمي سبيه...
✍🏻#ام_محمد_الحجاج
✿•◈━━━━◈••◈━━━━◈•✿

★ مجاريد أو عاشوري أو جنوبي وغيرها ★
الهلال وجعتني طلعته
وسالت دموعي بحين شفته
بلحزن لافيني عرفته
✍🏻#ام_محمد_الحجاج

شفت الهلال وهلت العين
وبهل شهر اتموت يحسين
وسفه يغدرونه الملاعين

خويه يا ابن امي يا خويه

مغبن علينه
اهلال الشهر مغبن علينه
ولينه ولينه
وسفه يذبحونه ولينه
ابو سكينه
ونبچي ونون أعله ابو سكينه
✍🏻#ام_سيد_حسن

شفت الهلال وروحی راحت
وبشوفته هالروح ناحت
ودموعي عالولیان طاحت
✍#علویه_ام_فاضل

ياشهر الاحزان ياشهر الاحزان لا لا تهل ياشهر الاحزان
تفگد الخوان تفگد الخوان زينب ترى تفگد الخوان
والگلب حزنان والگلب حزنان من شافتك والگلب حزنان
من بعد الحنان من بعد الحنان وتظل محيره من بعد الحنان

بالك تجيها بالك تجيها يهلال الكدر بالك تجيها
تفگد وليها تفگد وليها بايأمك ترى تفگد وليها
ليمر عليها ليمر عليها وضيم شكثر ليمر عليها
ليصير بيها ليصير بيها ماصار ابشر ليصير بيها
✍🏻#ام_زهراء_الزيداويه_البصراويه
✿•◈━━━━◈••◈━━━━◈•✿

★ طور الفراق ★
ياهلالك .. ليش لونه اظلم وأغبر
ياهلالك .. شفته وگليبي توجر
ياهلالك .. ينگطع لعضيدي منحر

چم مصيبة .. بعيني اشوفن للغوالي
چم مصيبة .. وينشده بيها آنه حالي
چم مصيبة .. تخلي دمع العين سالي
✍🏻#ولائـية_وافتـخر (دعاء العامري)
✿•◈━━━━◈••◈━━━━◈•✿

★ طور التغريد الحزين أو طور عبد الحي قمبر ((ياجبريل نترجاك)) ★
علينا عادت الاحزان ومصبوغ الهلال بدم
ما ننسى مصاب حسين وحالي بالحزن خيّم
هلّ محرم ابهَمَّه وصرت اتنفس امخيم
هلاله يلجم بقلبي ودمعاتي تهل زمزم
"الحمدلله إجه عاشور: نصيح ويبدأ المأتم
وقميصه بالسمه امخضب من ضلعه لِذي اتهشم
✍🏻#خادمة_أبي_الفضل
✿•◈━━━━◈••◈━━━━◈•✿
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩

(( فزاعية للهلال ))
استنهاض للشيعة لإحياء شهر العزاء

«« ياشيعه شهر عاشور »»
«« بيّن بالسمه هلاله »»
^^^^^^^^^^^^^^^^^^^^^^^^^^

الليله فاطمة الزهره
قميص وليدهه تنشره
وينه اليصرخ بعبره
ودمعة عينه هماله

✍#ام_محمد_الحجاج
✿•◈━━━━◈••◈━━━━◈•✿

عالحرة الحزن خَيّم
خلنة ننصب المأتم
نواسيها بدمع نلتم
بـ اخيها الراح وعياله

✍🏻#ولائـية_وافتـخر (دعاء العامري)
✿•◈━━━━◈••◈━━━━◈•✿

وينه الينتحب وينوح
ويون ابگلب مجروح
وينعى امصيبة المذبوح
البقت متگطعه اوصاله

✍#ام_زهراء_الزيداويه_البصراويه
✿•◈━━━━◈••◈━━━━◈•✿

وسفه حسينّه ينداس
ابو الغيره وأبو النوماس
نوحو اعليه ولطمو الراس
الدنيا وسفه مياله

✍🏻#ام_سيد_حسن
✿•◈━━━━◈••◈━━━━◈•✿

مصاب حسين ماننساه
تبقى بالگلب ذكراه
ننوح ونبچي وننعاه
ونلعن دوم چتاله

✍#ام_مهدي_الفرطوسيه
✿•◈━━━━◈••◈━━━━◈•✿

يهلال الكِدر والبين
نفگد نحر وي چفين
ماننسى مصاب حسين
أرض وسما تنعاله

✍🏻#آلــــّعــلّويِـــه آلّمٌوسويِــــۿ
✿•◈━━━━◈••◈━━━━◈•✿

بهلاله الدمع ميزاب
تناشد زينب الغياب
وين الينحب الاحباب
والزهره تجي قباله

🖊#خادمة_أبي_الفضل
✿•◈━━━━◈••◈━━━━◈•✿
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩