የቅዱስ ሲኖዶስ አስቸኳይ ምልአተ
ጉባኤ ስብሰባ በጸሎት ተከፈተ።
***********

ሐምሌ ፳፭ ቀን ፳፻፲፭ ዓ/ም አዲስ አበባ

የኢትዮጵያ ኦርቶዶክስ ተዋሕዶ ቤተክርስቲያን ቅዱስ ሲኖዶስ በክልል ትግራይ ባሉ አህጉረ ስብከት ለመንፈሳዊ አገልግሎት ተመድበው የነበሩ አራት ብፁዓን አበው ሊቃነ ጳጳሳት ሐምሌ ፲፮ እና ፳፫ ቀን ፳፻፲፭ ዓ/ም በፈጸሟቸው የቀኖና ቤተክርስቲያን እና የሕግጋተ ቤተክርስቲያን ጥሰቶች ዙሪያ ለመወያየትና ሕግጋተ ቤተክርስቲያንን መሠረት ያደረጉ ውሳኔዎችን ለማሳለፍ ጉባኤውን በጸሎት ጀመረ።
ሕገወጥ ድርጊቱ መፈጸሙን ተከትሎ በቅዱስ ሲኖዶስ ጽ/ቤት በኩል የተጠራውን አስቸኳይ የቅዱስ ሲኖዶስ ምልአተ ጉባኤ ስብሰባ ለመጀመር ዛሬ ሐምሌ ፳፭ ቀን ፳፻፲፭ ዓ/ም በመንበረ ፓትርያርክ ቅድስተ ቅዱሳን ማርያም ገዳም ቀኖና ቤተክርስቲያንና ሕገ ቤተክርስቲያን በሚያዘው ሥርዓት መሠረት የመክፈቻ ጸሎቱ ደርሷል።
የመክፈቻ ጸሎቱ በብፁዕ ወቅዱስ አቡነ ማትያስ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት የተመራ ሲሆን በመርሐ ግብሩ ላይ ብፁዕ አቡነ አብርሃም የመንበረ ፓትርያርክ ጠቅላይ ቤተክህነት ዋና ሥራ አስኪያጅ እና የባሕር ዳር ሀገረ ስብከት ሊቀ ጳጳስ፣ ብፁዕ አቡነ ጴጥሮስ የቅዱስ ሲኖዶስ ዋና ጸሐፊና በሀገር ውስጥና በውጭ ሀገራት ባሉ አህጉረ ስብከቶች ተመድበው የቤተክርስቲያንን አገልግሎት የሚመሩ ብፁዓን አበው ሊቃነ ጳጳሳት ተገኝተዋል።
የቅዱስ ሲኖዶስ ጽ/ቤት ባወጣው የድርጊት መርሐ ግብር መሠረት ዛሬ በጸሎት የተጀመረው የቅዱስ ሲኖዶስ አስቸኳይ ምልአተ ጉባኤ ነገ ሐምሌ ፳፮ ቀን ፳፻፲፭ ዓ/ም ጠዋት ፪ ሰዓት ከ፴ በተያዙት አጀንዳዎች ላይ በመወያየት የቤተክርስቲያናችንን ቀኖናትና ሕግጋት የሚያስከብሩ ውሳኔዎችን እንደሚያሳልፍ ይጠበቃል።

“፦ይህ ስፍራ እንዴት ያስፈራ፤ ይህ ስፍራ የእግዚአብሔር ቤት ነው እንጂ ሌላ አይደለም፤ ይህም የሰማይ ደጅ ነው።”
— ዘፍጥረት 28፥17

ሊቃውቱም " #አድባራት_ወገዳምት_ከማሃ_ይመስሉ 🥰 #ደብሩሰ_ለሚካኤል_ትመስል_ደብረ_ሲና "🥰 እውነት ነው የሚካኤል ንጉሱ የገነባት ታላቋ ደብር መድኃኒት ሙሴ ቀዳማዊ ህግን የተቀበለባትን ከግርማዋ የተነሳ ህዝበ እስራኤል ይፈሯትን ደብረ ሲናን ትመስላለች ። ለነገሩ ይችስ ትበልጣልች ።ምክኒያቱም በደብረ ሲና በዚያች ተራራ ህግ ቀዳማዊ ህግ እንጂ አማናዊ አልትሰጠችም ኦሪት እንጂ ወንጌል ቅድስት አልተሰጠችም ፤ አንድም በዛች በሲና እግዚኣ ኃያላን ተገለጠ እንጂ አላደረባትም ፤ አንድም በዛች በቀደመችው ሲና ስለስርየተ ኃጢአት ስለዕለት ስርየት የበጎች እና የጠቧቶች ደም ፈሶል በዚች ቤተመቅደስ ግን በግዕ ዘበዓማን ሐጢአት የሚያስተሰርየው መለኮትን የተዋሃደው እራሱ እግዚአብሔር ይሰዋባታል ፤ አንድም የቀደመችው ሴና ተራራ እግዚአብሔር በተግሳፅ የተገለጠባት የምትጨስ ተራራ ናት ለዛ ነው ሊቁ ኤፍሬም "ይጌስፅ ለለእለ ይፈርሁ በፍርሐት ወበርአድ"ያለው ይችኛይቱ ደብረ መድኃኒት ግን እግዚአብሔር በታላቅ እና ግሩም ፍቅር "ሸክማችሁ የከበዳችሁ ወደእኔ ኑ እኔም አሳርፋችኋለሁ" የሚባልባት የፍቅር ደጅናት 🥰 ...ኧረ ይችስ ከሴና ትበልጣለች ።🥰

👉ደብረ መድኃኒት ቤቴ እንኳን ለ110 አመት ህንፀተ ቤትሽ አደረሰሽ 🥰 የትም ብሔድ ከልቤ የማይጠፋ የአፈሩ ትቢያ እንኳን የሚናፍቀኝ መስናኛዬ ነሽና ።

🥰የደሴው መድኃኔዓለም🥰