Manish Sindhi

*મોર્નિંગ મ્યુસિંગ્સ:*

તમે જો તમારા મિત્રો સાથે મોડી રાત સુધી ગપસપ કરી હોય, તો તમને એવું લાગ્યું હશે કે દિવસની વાતચીતની સરખામણીમાં રાતની વાતચીતો વધુ નિખાલસ હોય છે. તે વધુ સંતોષકારક અને સાર્થક પણ હોય છે.
તેનું મનોવૈજ્ઞાનિક કારણ છે. માણસો શારીરિક અને માનસિક રીતે થકાન મહેસૂસ કરતા હોય ત્યારે, તેઓ વધુ પ્રમાણિક હોય છે.
તેનાથી વિપરીત, ઉત્સાહ અને ઊર્જાથી થનગનતા હોય ત્યારે, તેઓ જૂઠું બોલે તેવી સંભાવના વધુ હોય છે.

દિવસભર પ્રવૃતિઓના કારણે પેદા થતા શ્રમથી રાત પડે માણસોની આત્મ-સંયમની ક્ષમતા ઓછી થાય છે. એટલે કે તે જાતને છૂટ્ટી મૂકી દે છે. પરિણામે તેઓ આસાનીથી કોઈપણ વાતનો એકરાર કરી લે છે.
દિવસે માણસોનું મન મોટાભાગે બાહ્ય ચીજોમાં મગ્ન હોય છે, એટલે તેઓ તેમની ભીતર ચાલતા વિચારો કે લાગણીઓ પર ધ્યાન નથી આપતા.
રાતે તેઓ નવરા પડે પછી આત્મ નિરીક્ષણની ભાવના વધુ પ્રબળ હોય છે અને ત્યારે તેઓ સાચું બોલે તેવી શક્યતા વધી જાય છે.

જૂઠું બોલવા માટે ઊર્જાની જરૂર પડે છે, પણ તમે થાકેલા હોવ ત્યારે દંભ કરવો અઘરો હોય છે.
એટલા માટે મોડી રાતના સંવાદો બહુ ગહન અને સાર્થક હોય છે.
ઘનિષ્ઠ સંબંધોમાં 4AM friendની એક ધારણા છેઃ એવી મિત્રતા જ્યાં તમે આખી દુનિયા ઊંઘી ગઈ હોય ત્યારે મિત્ર સાથે વાત કરીને દિલ ખોલીને વાત કરી શકતા હોવ.
સુસ્તી અને વિશ્રામની અવસ્થામાં માણસ વધુ ઈમાનદારીથી વ્યક્ત થાય છે. તેમાં લગાવ અને વિશ્વાસ વધે છે. દિવસે દિમાગ સક્રિય હોય છે, રાત્રે દિલ ખુલતું હોય છે.
*Happy Morning*

👍17

4.2K viewsKuℓdi℘ Parmar, 04:14