حابة احكي شوي عن الصلاة وعن اللي مابصلي وماعم يعرف كيف يحافظ على صلاتو

امشي بمبدأ انو الصلاة مو شغلة روتينية انت مجبور تعملا
ﻷ امشي انو انت رايح تقعد مع ربك شوي
تقعد معو خمس دقايق كتير عليه؟
كتير عاللي خلقك؟
اللي عطاك كلشي؟
استعد للصلاة كأنك رايح تقابل حدا بتحبو روح وانت متلهف

اول ما ترفع ايديك وتقول الله أكبر ابتسم إبتسامة حدا مشتاق عبقابل حدا بحبو
عفكرة مو غلط انك تحكي مع ربك.. هاد اللي خلقك اللي أقرب من أبوك و أمك
اقرأ كل كلمة بهدوء "الحمد لله رب العالمين" اللي خلقك يرد عليك ويقول "حمدني عبدي عبدي شكرني وعرف انو النعمة اللي معو من عندي"
وتكمل "الرحمن الرحيم" ويرد يحكيلك "شهد لي عبدي إني رحمن رحيم خود يا عبدي من رحمتي كمان" وتسمع ربك عم يرد عليك فبتضحك وبتكمل "مالك يوم الدين" ربك بيتباهى فيك قدام الملائكة وبقلهن "عبدي شهد إني مالك يوم الدين خففوا عنو يوم الحساب حسابه"
"إياك نعبد و إياك نستعين" يرد ربك "صدق عبدي عبدي صادق هو بيعبدني خود يا عبدي حسنات وانا معك يا عبدي"
فتبتسم أكتر و بتجي لآخر جزء "إهدنا الصراط المستقيم" وربك يرد "بس هيك يا عبدي؟ عبدي طلب مني طلب و له ما طلب"
الصراط المستقيم هاد اللي رح تمشي عليه يوم القيامة كل ما كان مستقيم كان وصولك للجنة أسهل
اقراوها شوي شوي💙
بعدين في مرحلة الإعتدال من الركوع لما بتحكي "سمع الله لمن حمده" احمده انت بطريقتك احكيلو "ربنا لك الحمد كما ينبغي لجلال وجهك و عظيم سلطانك شكراً على كل النعم اللي قدمتها الي" احكي معو بطريقتك
هلأ وقت السجود لما تهمس ببطن الأرض فبيسمعك اللي بالسما
#احكيلو حبك اله قلو خليك معي بالمحنة الفلانية يارب #ولا تتركني
احكيلو أنا محتار
احكيلو بدي قلك شغلة يارب و فضفض
احكي مع ربك باللغة العامية "يارب بدي أحكيلك شغلة أنا صار معي موقف.." طبعاً ربك بيعرف كل دابة نملة على ضهر الأرض
وبيعرف الموقف اللي انت عم تحكيه طبعا انت رح تخربط بالكلام بعدين بترجع تحكي وبتبتسم وتخلص كلامك و تفرح
بعد ما تخلص الصلاة سلم عليه مو السلام التقليدي لا
يعني لما انت بتسلم عحدا بتحبه وبتقلو "كان بنفسي تقعد معي كمان شوي طيب خليك شوي رح اشتقتلك ايمتا لاشوفك مرة تانية"
طيب هاد ربك بتعرف شو يعني ربك؟
خلص القعدة معو و احكيلو "رح شوفك مرة تانية لانو بدي احكي مواضيع كتيرة ما حكيتلك ياها رح اجي بصلاة الفجر النا قعدة طويلة ان شاء الله
وتروح و انت حاسس إنو مافي متلك بهالدنيا مو غرور بس فخر و سعادة و راحة و طمأنينة "انا كنت قاعد/ة مع ربنا" بعدين أي مشكلة رح تواجهك ولا رح تهزلك شعرة
بتعرف ليش؟
لانو رح تروح فورا تشكي لرب العالمين وهو الوحيد اللي رح يحللك امرك💙
بتحكي بينك وبين حالك "طيب والله مافي غير احكي لربنا لما شوفو اللي هي الصلاة الجاية" وتحس براحة كبيرة
دخلك انت بتقعد بتحكي مع ربك هيك؟؟☹💔

#واخيرا بعتذر ع الإطالة بس هالحكي طلع من القلب🌸💙
#منقول_ميسلامة_نضري

انا واثقه اي كلمه قلتها عن احلامي ابتداءً من التوسان موديل السنه لي راجلي البشبه الروايات لي العمره وبعديها الحج لي دبي لي اي بلد نفسي ازورها، لي مجموعه شركات ومصانع أمل للأدوية ولي اتفه الاحلام الصغيره حتحصل وحتحصل عما قريب كمان، مسأله وقت انا متأكده باذن الله 💜 وبكره اقيف واقول حصل ي امل حصل وحبكي من الفرح ف الشوارع ✅💜 اان شاء الله

اريد الوقوع بحب شخص يتحول إلى كائن خارق عند حزني 🥺💕 يصيبه الجنون عندما يكون بجانبي 🥺 انسان عاقل مع البقيةة اهوجُ معي 💕🥺 يستطيع احتضان ألمي بضحكاتهه لايمل من مواساتي😭🥺 كسر ظفري يُشكل هاجساً له 🥺💕 يعتني بي وكأن لا احد سواي في الكرة الارضيةة🥺😔💔💅🏻
#امل_الشيخ

معظم الناس الفي البداية اشكالهم ماعجبتنا اول مابنتعرف عليهم بنلاقي اننا بدينا نُعجب بيهم شويه شويه حتى وان كان شكلهم غير مقبول للناس او حتى لينا ف البدايه..
لمن نشوف قدر شنو انهم طيبين من جوة ، ولمن نركز مع طريقة كلامهم ، اصواتهم ،كيف ضحكاتهم بتكون !! لمعة عيونهم وهم بتكلمو عن حاجه بحبوها 🥺🥺
خوفهم علينا .. وعلى مصلحتنا طريقة نطقهم لاسامينا وحاجات كتيره ...
والشخصيه الشكلها كان بالنسبة لي غير مقبول فجأة ممكن القى نفسي واقع في حبها عديل ☹️☹️☹️
عشان كدة لمن تلقو زول بحب زول وتسألوه معقول انت بتحب الزول دا ؟ يرد ويقول انتو ما شوفتوه بعيوني🤩
..
ياحظ كل زول جواهو كان مغطي على شكلو الخارجي ،، عبارة الجمال جمال الروح ،، ما كانت مجرد جملة بتتقال !!
حقيقي احنا بنحب الروح مابنحب الشكل 😇😇😇😇😇😇

#امل_الشيخ

_ أيتها السآذجة 🌚💜

تعلمي كيد النسآء ، وتحلي بقليل
من الشجآعه ، استيقظي وضعي
أحمر شفآه صآخب ، ابتسمي
وتمآيلي بجنون ، ارقصي غني ولا
تحملي بقلبك شيئا ً، فمن مآت في
قلبك رحمه الله ، والحي ياآ
صغيرتي أبقى من الميت."
مساء الخير للجنس اللطيف للاتي
يعشقن الوردي والبنفسج، لصاحبات
الانامل الناعمة والقلب الحنين
مساء الخير اليكِ حواء..
#Amel

_أسوء شعور ممكن يحسو اي بني آدم في الدنيا دي هو شعور الوحدة !!
شعور الوحدة وحواليك ناس ..بس الناس دي كلها م قدرت تشيل الاحساس دا من جواك ..
ولا واحد فيهم قدر يكون قريب من قلبك ولا انت عمرك حسيت بانهم بيحبوك وشايلين همك !!
ماشي في الدنيا وحيد بتقاتل، لا معاك اخ يسند ولا اخت تدافع ولا صديق مقرب يشيل كل الصفات الحنينة من حب وخوف !
ماشي وساند نفسك ع ربك وع ضهرك ..❤️
بيقولو انو الواحد لو حاسي بالوحدة أنيسه المصحف وربنا معاه ، بس برضو بتكون حاسس انك محتاج ل زول قريب زول معاك همو من همك وفرحو من فرحك 🌎💜 زول من غير مصلحة وبحبك عشانك مش عشان حاجة تانية 💜
شعور الوحدة دا احساس بشع شديد يارب م تعيشوه..
واللي عايشه ، ربنا يخفف عنه ويديه زول أُنيس لقلبه قادر ي كريم ❤️❤️

#امل_الشيخ

- انا وحدة من الناس كنت من النوعية اللي بيتقال عنهم بتاعت ناسات ، كنت لما اصاحب زول شديد واحبه من قلبي بديه عيوني لو طلب ، مستعدة ادي أكتر من طاقتي ! مستعدة اعمل اي شي ولا اشوفه زعلان كنت بكمل طاقتي كلها بفرغها في حتة واحدة ، ما كنت بقدر اكون قريبة من اتجاهات كتيرة واصاحب ناس كتار واتونس واحكي معاهم ، لحدي م يوم صحيت لقيت اني بستنزف مشاعري وبدي أكتر ماباخد 😊 وممكن عادي تكون مشاعري مُستنزفة في الحتة الغلط وبكل بساطة اتخذل ..
لحدي ماقررت يوم اني اكون واحدة مع الناس كلها وحقيقتي وتعبي وزهجي لي نفسي !
قررت اني اقول لا لي حاجة مابقدر عليها ولابكلف نفسي أكتر من طاقتها !
قررت اني اشتري راحتي والعايز يزعل يزعل !
قررت اكون ثابتة وراكزة والعايزني يجيني !
بطلت اكون متوفرة للكل ، لأنهم طول ما ضامنين وجودك حيمسحو بيك الأرض 👌
قررت اخد وادي وما اسمح لنفسي اخد كتير ولا ادي كتير ..
بطلت انبهر بالبدايات والناس 💜 قررت اخت اي زول ف حجمه الطبيعي ، واتصالح مع فكرة انو الانسان العزيز علي هو عندو الاعز ليهو مني !
قررت اتصالح مع فكرة اني عادية في حياة الناس واخلي الناس عاديين في حياتي !!
والأهم من دا كله ، اخلي مساحة لي نفسي وحدود ف التعامل بحيث لو حصل اي شي ما آذي نفسي ولا مشاعري 💜
صدقوني حتحسوا براحة غريبة، ما متوقعين حاجة من زول ولا كاسرين انتو بخاطر زول 💜
بيعوا الدنيا واشتروا راحتكم يخوانا 💜

#امل_الشيخ

#خالدي
امل الشيخ

- يوم التخريج دا ، يوم المنى ، دا اليوم البتمناهو اي زول من لما يخش سنة اولى بيحلم بلحظه التخرج من الكلية البحبها 🥺💜
مافي حاجة بتساوي شعور الفرحة ف اليوم دا واهلك جمبك واقفين معاك وفرحتهم اللي هي جزء من سعادتك ..
.. الخريجة الطالبة الدكتورة :  أمل منير محمد حسن
التقدير جيد جدا 👏👏👏
دي اللحظه المستنياها  جات🥺💜 طلعت المسرح كان في امي واخوي عمار سندي وعزوتي .. جيت سلمت عليهم وحضنتهم وانا شايلة شهادتي ومعتزه بيها💃💃💃💜💜💜💜
بعد شويةة ندهو على اسم صحبتي أناهيد فخر الدين عربي محمد .. وهي كمانن اتزففتت وشالتتت شهادتها وسط اهلها والناس البحبوها🥺🥺🥺💜
يوم التخريج على قدر ما حلو ورهيب على قدر ماهو متعب ..
رجعنا البيت الساعه ١٢ الا اول ما دخلنا ..جدعت الروب حق التخريج ، ردت لي امي هيي ي بت البسي البتاع دا نتصور صور جماعية حلوةة ، عمار ضحك اي فعلا ياخ كلنا كده اسره مع بعض 💜 فات جاب الكاميرا ونادى رقيون تجي تصورنا ..
فارس جا طالع من الحمام انتظرونيي يخوانا ،، علا  وصغييييرنا البنحبو عادل 💓💓🌼🌼

..  انتو مستنيين احكي ليكم تفاصيل تفهمكم ف شنو صح 😂 المهم انا زي ما سمعتو امل منير اتخرجت من صيدلة وح اتخصص قرييا🙊💜 ابوي اتوفا من حوالي ١٠ سنوات كدة .. ربنا يرحمه ويغفرليه ،اخواني ٣ عمار وفارس وعادل واختي علا  بتقرا ف تانية ادارة💜 امي منى ربة منزل ضحت بعمرها عشانا🌼 عمودنا الفقري حرفيا وحياتنا لايمكن تمشي بدونا بنشاورا ف اي شي ودايما رايا ما يقع الارض💜🙊
اما فارس ف هو الكبير اشتغل تجارة خريج محاسبة وعمار شغال ف البنك اما عدولي ف صغيرنا لسه ف تامن 🤍🤍🤍🤍
..  المهم نرجع  ..
اتصورنا فعلا ولقينا رقيون اصلا هي شغالة معانا اسمها رقية بس بندلعها رقيون🥺💜🌼  محضرة لينا كيك وحلويات 🥺🥺🥺💜💜 بس منو قادر ياكل من التعب انا شخصيا شخرت😄😄 ..
صباح اليوم التاني لي الساعة ٩ كده صحيت صليت وجيت قعدت ف الصفرة ف المطبخ بفتح في عيوني بالعافية 😪😪😪 عادل جا قالي صباح الخير لقيت نفسي اتخلعت م قايلة ف زول قاعد ،، عادل ؟؟؟ سجمي م مشيت المدرسة ليه ؟؟ رد لي امشي كيف وماف زول صحاني الليلة ، عاينت ليو واي فوت الليلة قالي اعمل شنو اتصلت لامي قالت اتصلت ليك ١٥ مرة عشان تصحيني وانتي دمك بقري ماصحيتي .. قلت ليو كدي اشوف تلفوني مشيت شفتو لقيت فعلا معليش ي عسلنا احسن زاتو تتونس معاي😁😁
اتونسنا مساافة بعد شويةة قالي انا ممكن اسالك ؟ قلت ليو اتفضل ؟ قالي غايتو هو تحت تحت بتقال انك حتعرسي ود ناس سعاد صحي ؟ قلت ليو سجمي اول مرة اسمع الكلام دا ؟ منو ي ولد القاليك كده انا اعرس الولد العندو ٩ اخوات ؟ برررررريييي بقيت اسالو سمعتو وين والقالو ليك منو داير يجري مسكتو من قميصو فك مني وجرا وهو بقول اسالي امي لمن تجي
هي زاتا هسي مع نسيبتا وطاخ  قفل الباب .. طبعا مسكت قلبي من الخوف كيف يعني لكن مدام عادل لقط كلام زي دا معناهو حاصل الا امي م تجي راجعة تاني باقي يومي مسخ عدييييل ..
الساعه ١٢ جات حتى  امي جات داخله فتحت ليها البابب ..اححي ي بتي الحقيني بكباية موييه تعبانة تعبب وجدعت التوبب بعيد وقعدت تقول الحر وووب وووب انا طبعا عارفاها بتمثل جريت جبت ليها مويه قلت ليها سجمي التعب دا كلو مشيتي وين؟ قالت لي اسكتي بس ي امل مشيت لي ناس حجه بخيته ف الحي القدامنا اححيي رجلي عاينت ليها قلت ليها الف سللامه على رجولك بخيته بس ؟ عاينت لي لقتني بعاين جوة عيونا قالت لي وسبحان الله كمان غشيت ناس سعاد ضربت لي بدري قالت لي تعالي قلت ليها عندها معاك شنو؟ قالت لي بري والله ساي عطلة نسوان تضرب لي كل يومين تقولي اجيها قلت ليها واحنا مالو بيتنا نجس م تجينا هي 😑😑 اي سمح بضرب ليها تجينا بضرب ليها !!
عاينت ليها شديد ي امي لو ف حاجه كده ولاكلام كدة احسن قولي لي من بدري امي بلعت ريقا قالت لي كلام شنو قصدك مافي شي 🥵🥵 قلت ليها اتمنى يكون مافي شي قالت لي والله استغفرالله ياخي ف كلام دايرة اقولو لكن م عارفه ابداهو ليك من وين ؟ قلت ليها من اي حته المهم قولي قالت لي سمح امشي جيبي لي كباية موية تاني وتعالي مشيت جررري جبتها وجيت قبل تشرب .. اتكلمي اول عشان حتحتاجي الموية دي بعد الكلام سكتتت ساي قالت لي طيب اسمعيني طبعا ي بتي انتي عارفةة.. .. بس جانا صوت عمار بقول السلام عليكم 😐🤨🙄

يتبع..

#خالدي2
امل الشيخ

جانا صوت عمار بقول السلام عليكم ردينا ليهو قالينا البسو تيابكم دا خالد ود حجه سعاد بسلم عليكم طبعا لمن قال كده جاني هبوووط وفررررررر جريت غرفتي لاسمعت تاني صوت لا اي شي ..
قعدت ف الغرفة مساافة .. جاني عادل قالي قاليك جيبي موية رديت ليو وانت صغير مماشة للرجال انا وديها انت .. رفع لي حاجبو ي بت امي قالي نادي امل بالاسم تجيب موية وفات خلاني قعدت مسافة امشي يمين وشمال بعداك قررت اطلع ليهم طبعا غرفتي لصق المطبخ اتسحبت براحه جبت موية وانا طالععه سمعت صوتو مخطوف وهو بتكلم اي اطلبو الاسعاف سريع انا جاي جاي اهو   .. امي قالت ليهو طمنا ي ولدي ف شنو  قاليها امي ي خالتي تعببت وقام مرق بسرعه وعمار وراهو .. امي جات داخلة بسرعه لبست شبشبا وب توبا زاتو حصلتهم ..😐انا بقت زي الصابة فيني مطرة ي ربي اطلع احصلهم ولا اقعد بس دا قال اسعاف يعني الموضوع خطير شربت كباية الموية الكنت مودياها ودخلت غرفتي بس ..
لحدي الساعه ٦ م هم م جو اتصلت لامي لقيت تلفونا م شالتو اتصلت لعمار رد لي قلت ليو كيفك قالي تمام قلت ليو اها الحصل شنو طمني قالي الحمدلله جلطة لكن عدت اتخلعت لمن قالي كده قلت ليو الحمدلله حالتها استقرت ؟ قالي اي قلت ليو وحتجيبوها متين؟ قالي قالو تتخت تحت المراقبة ٢٤ ساعه عشان خايفين تجي تاني م عارف امك دايرة تقعد ولاتجي قلت ليو المهم زول يجي فيكم عشان براي قالي عادل وين قلت ليو فات للكورة وما جا قالي وعلا م جات قلت ليو نايمه قالي خير وقفل ..مشيت صليت وبديت اجهز الغدا  ، جهزتو ومشيت الغرفة لقيت اناهيد متصلة علي رجعت ليها سلمت عليها كيفك واخبارك قالت لي عندي ليك خبر ظابط قلت ليها شنو؟ قالت لي خالي عندو صيدلية ف المعمورة م بعيدة منك وقالي من الاسبوع الجاي ممكن تنزلو وبي راتب خيالي قلت ليها كم؟ قالت لي  ٤٠ مليون قلت ليها احلفي قالت لي والله🤩🤩🤩🤩 نططت من الفرح قلت ليها قدام ي زولة قالي كمان نشتغل سوا ونحدد دايرين متين وردية الصباح ولا المسا قلت ليها خالك م قصر عدييييل قالت لي اي والله🤤🤤🤤قالت لي حتى قال لو مشينا نعمل خدمه وامتياز زاتو مكانا محفوظ قلت ليها بعد كدة الا نبقى احنا كلاب 🤣🤣 دا عرض مغري شديد 🤤 كملنا ونستنا وقفلت منها مبسووووطه .. الباب خبط جريت فتحت لقيت عمار وعادل وامي سلمت عليهم ودخلو ختيت ليهم الغدا عمار قالي فارس دا من الصباح لاحس لاخبر مالو؟ قلت ليو فارس قال ماشي لصحبو تيم ماف زول يتصل ليه 😐 امي قالت ربنا يتتمم ليو ع خير وعقبال اولادي انا قادر ي كريم عمار قاليها انا غايتو ماخد عين ف موضوع العرس دا 😄 امي قالت ليو البقرة بس ي ولدي قاليها ان شاءالله ..
عادل قاليهم انا بس اخت اخر ورقة ف الجامعه بجاي حعرس بجاي ، عمار اداهو ضربة ف راسو انت كده اطلع من تامنة دي وقام .. بعد شوية امي قالت لعادل ارفع الصينيه علا جات لقتو شايلا طوالي ردحت طبعا ، بقا مافي اي احترام ف البيت دا لاي زول مالكم م بتصحوني اتغدا نسيتوني يعني ؟ البيت دا مافيهو زول بتذكروهو غير عمار وعادل وامل والله لكن ي امي اتلومتي عديل امي قالت ليها بسم الله ي علا انتي نايمه قالت ليها مش اكل صحوني والله م تتكلمو معاي عديييييل ☹☹☹ وفاتت غرفتها عادل قال اها جنس دي يسوو ليها شنو تلقيها من امل المادايرة تعرس ولا من دي الفارغة دي امي نططت عيوونا وحمرت ل عادل قالت ليو يلا ودي الصينيه دي وم تجيني راجع تاني امشي شوف ليك مذاكرة يلا قام فاات جيت قعدت لامي قلت ليها اها لا عمار لاعادلل اتفضلي احكي غمضت عيونا سريع وقالت لي والله خالد ود سعاد قال دايرك وانا واخوكي موافقين قلت ليها نععععععععععععم؟ بتوافقو على اي اساس رايي م مهم عندكم للدرجه دي ؟ قالت لي خالد ماشاءالله راجل ود رجال اخوكي بعرفه كويس وانا بعرف امو ناسس طيبين ، انا بس ساي حكاية عندو ٩ اخوات دي بتخلينيي م اعرسه ، ي بت هم ٧ بس ، المهم اخواتو من فاتو ٢ كتار عديل امي قالت لي اقيفي تعالي نحسبهم ليك خالدة عرسوها مافيشة و سلمى معرسة برضو ف بيتها واسراء معرسة بعيد وابتهال برضو معرسة وساكنه بعيد قلت ليها ي امي نهى وفاطمة و شادية القاعدات ديل بيهم كلهم دايما فاصحين امهم مع النسوان ، قالت لي ي بتي انتي حتعرسي خالد م اخواتو زول واعي وفاهم بعرف يفصل بين اخواتو وبينك والله هسي ال٣ القلتيهن ديل بحترمني احترام قلت ليها الموضوع بختلف لمن اعرس اخوهم ، قالت لي عليك الله ي بتي كان دايرة تفرحيني وترضيني عرسي خالد دا عاينت ليها بحسرة ومشيت ☹☹
قعدت ف غرفتي افكر جات علا تكورك اوعى تشيلي حاجاتي تاني وشالت قميصين قالت حقاتا وطلعت ورزعت الباب ،اقسم بالله علا دي نسو يادبوها عديل ..

بكرة من الصباح لقيت امي ف وشي قلت ليها بسم الله خلعتيني ف شنو واقفة كده ف غرفتي ؟ قالت لي مستنية ردك ! قلت ليها على شنو ؟ قالت لي النبي فيك ردي سريع سعاد مكلماني ليها شهر وكل مرة بقوليها م كلمتها م كلمتها .. غطيت وشي بالبطانية ماعندي رد قالت لي السكوت علامة اارضا قمت قلت ليها اجابتي لا قالت لي الولد م فيهو غلطةة قلت ليها عرسيو لعلا قالت لي بري علا لسه قلت ليها والله انا شكالة كان مشيت للناس ديل علاقتكم بتنتهي قالت لي خليها تنتهي انتي امشي قلت ليها امي انا متين اتخرجت عليك الله قالت لي هي المرة زاتا تسوى شنو من غير راجل قلت ليها بري دا عندكم زمانن انا براي قادرة وهسي زاتو جاني شغل ب ٤٠ مليون امي قالت لي هييي انتي جاده قلت ليها اي والله م مشكلة ي زولة تعرسي وتشتغلي راجلك م بكون عايز منك قرش 😏😏 لاحول ولاقوة الا بالله من الزن ،، جاني عادل لابس لبس المدرسة من جنب البباب عليك الله عرسيهو عشان يتقال لي نسيب الجلابي قلت ليو جلابي ف عينك انقلع يلا ..😪😪😪
امي قامت على حيلها اخليك تفكري ،، واجابتك غايتو ي اي ي اي م بقبل غيرهم نططت ليها عيوني قلت ليها ربنا بسالك يوم القيامه ..  قمت اتسوكت وجيت خشيت المطبخ قعدت  بشرب ف الشاي وسرحانه متين اتخرجت انا عشان اشيل هم تاني ي ربي ،، امي جاتني جهزي الفطور ماشين بيو لنسيبتك ف المستشفى قلت ليها تعالي جهزيهو انتي ،، ومرقت شلت توبي ومشيت لي بت جيرانا .. سلمت عليهم وقعدت ،،، قلت ليها انا جاياك ف مشكلة صعبه دايررة ليها حل نهائي قالت لي قوليها نزلت عيني الارض ..

يتبع ..

#خالدي3
امل الشيخ

نزلت عيني الارض ،، ودموعي فجاة صبت زي المطر ريم اتخلعت امل ي بت ف شنو؟؟ مالك ؟؟ حصل شنو كدي روقي احكي لي ،،م عارفة ابدا ليك من وين زاتو قالت لي موضوع خالد؟ نططت عيوني 😳 انتي عارفة قالت لي الحي كلو عارف 🤢 زدت ف البكى بعد قالت كدة ،، قالت لي على لسان اخواتو خالد قال ي امل بت منير ي عرس م بعرس واهلو ديل يشيلو ويحنسو ف امك ي بت لمن اقتنعت .. طوالي جا ف بالي امي بتتكلم معاي بالثقه دي كلها واي ي ريم انا م موافقة لكن قالت لي سببك شنو؟ قلت ليها عندو ٩ اخوات قالت لي ي بتي ٧ بس بعدين خالد اظن عمرو ٣٢ سنة اكيد حيكون زول فاهم وم حيخلي لخبطةه تحصل ولو حصلت حيحلها قلت ليها وكان م حلاها امشي وين قالت لي بحلها قلت ليها هو زاتو وحيد امو حتودي شمال وجنوب قالت لي هو بحترم امو وبسمع كلامها لكن بعد يعرس الموضوع بختلف ..قلت ليها م مطمنه انا  قالت لي اطمني ،،قعدنا مسافه بعدين رجعت وانا جمب الباب فجاة بعربيتو وقف كان اول مرة عيني وعينو يتلاقو طوالي اتلفت قدامي 🥲🥲 دقيت الباب قالي نادي معاك خالتي بعدشوية امي فتحت هي دي انتي كويس ادتني عمود قالت لي وصلي لي العربية ..انا بقيت ف عالم تاني اتجمدت عديل .. دخلت وجات لقتني ف نفس الوقفة قالت لي بتبالغي تعالي جيبيهو جرتني من يدي وصلتني لحدي جمبو وقدامو قالت لي تلقاك م كفرتي ل خالد زاتو شالت العمود مني ي داب وعيت ومشت بجهه الباب التاني .. قلت ليو كفارة قالي كفر الله سيئاتك تسلمي .. واديتهم ضهري سريع ودخلت .. امي قالت ليهو معليش ي خالد ولدي تلقاها خجلانه منك طبعا قدرت اكلمها امس ي داب خالد اتخلع قاليها كلمتيها امي قالت ليهو اي قاليها وقالت شنو قالت ليهو ياها نفس الحركات دي من امس لكن بتي وبعرفا ف النهاية بتوافققق كدي هسي خلينا نمشي عشان نصل امك . .
-على لسان خالد:
انا خالد مبارك ٣٢ سنة ،، اتخرجت من هندسة مدنية بس نسبة لاني الوحيد وسط البناات ابوي ما كان راضي الا اشتغل معاهو ف السوق ختيت شهادتي بالجمبة واتعلمت التجارة وعملت شغلي الخاص والحمدلله اتوفقت 🤍💯 كنت شغال على نفسي بس وناسي حاجة اسمها عرس او م كانت من اولوياتي لحدي م يوم قعدنا انا وابوي واخواتي السبععة ف عيد الاضحى وجابو سيرة الموضوع وعارفين الاهل كان فتحو السيرة دي قفلتها صعبه استمرينا شهر ف الموضوع دا قلت ليهم ما عندي زولة مستني لحدي م القى ولمن القى ان شاءالله بعرس .. امي قاطعتني بري دا بعيد انا غايتو برشح امل بت منير بت مافيها كلمة مهذبة شديد وماسكة بيت امها دا كلو واهلها مافيهم كلمة معروفين ومحافظين حتى بعد ابوهم اتوفا .. قلت ليها قصدك اخت عمار صحبي قالت لي اي ،، بالرغم من انو انا وعمار اصحاب بس عمري م شفت اخواتو نوع البنات المقفولات لو ماشين اي حته بودوهم وبجيبوهم  وماعندهم صوت ف الحي كدة رايقات وبصراحه اابت دخلت مزاجي وقلت لازم اشوفا خليت امي تفاتح امها ف الموضوع .. وعلى كده مشيت البيت مرتين عشان اشوفها وم شفتها ،اخر مرة لمن امها قالت ينادوها تجيب الموية امي كان تعبت وم قدرت اشوفها واتوقعت انها تجي مع امها المستشفى وبرضو م جات 🙃🙃🙃 قلت خلاص عشان الخبر فجاة حتجي تاني يوم  .. صباح تاني يوم لامي ف المستشفى اتصل علي عمار اخوها وقال اغشى امها اسوقها المستشفى لانو طلع مكان بعيد انا م صدقت انو دي فرصة وجات عندي قلت ليو مافي مشكلة ودا كلو على امل اني اشوف امل 🥲🥲 بس والحمدلله اخيرا ربنا قدر اني اشوفها وانا جاي شايف بت لابسة توبا وقفت قدام بيتهم عاينت لي وانا عاينت بس حسيت دقات قلبي واصلة السما واحتمال تكون سامعاها قلت ي ربي دي هي ؟ مافيها شبه عمار وفارس  ولا خالتي بس هي اتلفتت كانها م شافتني .. بعد شوية خالتي جات مارقة لقتها واقفة قالت ليها وصلي العمود دا ورجعت بي هي زي الاتجمدت كده ولا اتحركت وانا مستنيها بس نهائي ما اتحركت ، بعد شوية امها جات لقتها ف نفس الوقفة جرتها من يدها وجابتها قصادي انا حقيقي اول مرة قلبي يدق كده وكنت خايف شديد منها خفت انها تكرهني لاني باعتبار ختيتا امام الامر وكده .. امها قالت ليها تلقيك م قلتي ليهو كفارة قالت لي كفارة بس كانها بحبك والله العظيم البت كانت سمحه سمحه سمحه ولاعيوني شايفينها كده ماعارف كانت رزينة كدة ووقفتها زاتا فيها هيبة ماعارف بس مسافة رديت ليها وطوالي جرت ، رغم انو كان موقف سريع ومامفهوم بس كنت متكيف شديد ،، وكنت مبسوط لحدي م امها قالت انها فاتحتها ف الموضوع ، لانو من امي كلمت امها وانا كلمت عمار كان قبل شهر عديل فعلا اتوترت واظن خالتي حست بي متوتر بس انا كنت خايف فعلا ترفض وتكرهني .. 

وصلنا المستشفى .. ولاقينا امي وقعدنا معاها وخالتي معانا لحدي المساء خرجوها وامها ضربت لي فارس غشانا ف المستشفى بعربيتو عشان كنا كتار واتوزعنا ف العربيتين ..😪😪 امها فعلا زولة واجب وقفت معانا اكتر من جيرانا ووصلت معانا لحدي البيت هي وفارس قعدو شوية بعداك استأذنو وطلعو ..
نرجع تاني :
انا اخدت اليوم كلو بفكر هل اعرس وازيد مسؤولياتي ولا اشوف حياتي المهنيه ولا اعمل شنو بالضبط .. عدا اليوم كده لحدي م امي وفارس جو داخلين سلمت عليهم واديتهم موية قالت لي اقعدي قعدت عاينت لفارس ورجعت عاينت لي ،، فارس قالي عايني الناس ديل ليهم شهر منتظرين واحنا عايزين بعد كده خلاص ردك واطمني مافي زول حيجبرك على حاجه ! امي قالت لي برجع واكرر ليك والله احسن من خالد م بتلقي قلت ليها ولو طلع ود امو ؟ فارس قالي ود امو ود امو كلنا اولاد امنا قلت ليهو بتفرق لانو هو واحد وانتو ٣ 😑  قالي غايتو ك خالد البنعرفو احنا زول ممتاز شديد وانا والله بديهو وانا مغمض يمكن زن امي وكلام فارس زادوني حيرة اكتر من الانا فيها .. قلت ليهم ممكن تدوني اسبوع ؟ بس اسبوع انتو عارفين من قبل شهر بس انا ي داب عرفت امس محتاجه فرصة افكر فارس وقف على حيله قالي تمام انا بكلمه اخر اسبوع وبنديهم الرد .. وشال تلفونو ومرق ..
يتبع

#خالدي4
امل الشيخ


فارس شال تلفونو ومرق ..
على لسان خالد :
لما رجعنا لقينا اخواتي كلهم قاعدات وزعلانات اني م كلمتهم .. قلت ليهم م حبيت ازعج اي وحده والله وكلهم قعدو يكوركو دي امنا وازعاج شنو .. لمن فترت قلت اقوم استلمتني اسراء انت ي خالد تعال اسالك بت الناس القلت دايره لي هسي م ردو لشنو؟ قايلة نفسها منو عشان تتاخر قدر دا الف وحده تتمناك ، قلت ليها ي داب اهلها كلموها قبل يومين يعني لسه محتاجه اقل شي اسبوع اسبوعين تفكر ! ردت لي ابتهال دي من هسي بتتغلى كده يعني ؟ طوالي نكسر حنكها ونخت محلها مية بت ،، امي ردت ليهم عليكم الله ي بنات خلن الشوشرة انا وخالد شغالين ف المووضوع دا م تجن تسممن افكارنا بعدين مش جاياات عشاني تعالن اخدمني وخلن اخوكن ف حالو .. تلفوني دق لقيتو دا فارس اخوها قمت براحه رديت عليهو سلم علي وقالي امل اختي بتعتذر شديد وقالت لو م عندكم مشكلة بس نديها اسبوع تفكر وبتدينا ردها لانها عرفت امس ومحتاجه شوية وقت قلت ليهو مافي مشكلة ان شاءالله .. وقفلت منو ..
ابتهال قالت لي اها دي ست الحسن قلت ليها لالا اخوها وقال بدينا الرد بعد اسبوع ان شاءالله قالت لي ان شاءالله بعدا دا تكون بتستاهل م تكون شنا وافترا كمان ..
طبعا اخواتي حدث ولاحرج وانا فعلا شايل هم العرس لانهم بدخلو ف اي شي سواء اديتهم فرصة ولا م اديتهم 😑😑 
نرجع :
علا جاتني وقفلت باب الغرفة صحي دايرين يعرسوك لي خالد العندو ٩ اخوات 😵😵😵 قلت ليها صححي المعلومة ٧ اخوات قالت لي ي بت لو اخت واحده بتنتهي منك خلي ٧ 🤭🤭 قلتي انا واحده معذباك يلا استلمي ٧ 😁😁 قلت ليها علا اتفضلي اطلعي برة ..
امي دقت الباب علا فتحت ليها .. قالت ليها ي امي عاد بالغتي ٧ بنات لايعجز الله ف امره ٧ 😂😂 قلت ليها ليه حاساك شمتانة فيني ؟ قالت لي العفو ي اختي معقول ؟ قلت ليها منك بتوقع اي شي 😑 قعدت تضحك قالت لي حتتوقعي تاني من ٧ 😅😂😂😂😂 امي رمتها بالشبشب وقالت ليها برة .. قالت لي م تشتغلي باختك اخواتو طيبات قلت ليها الحموات بفضلو حموات مافي حاجة اسمها طيبات وغايتو بس اانا لو لقيت اي شي م تمام منهم بحملك المسؤولية انتي وعمار وفارس امي قالت لي ان شاءالله م بتلقي اي عوجة خالد راجل واحنا شارينو  ..
مر الاسبوع سريع ولقيت نفسي قلت ليهم خير بمعنى موافقه 😪😪 بعد استخارتين .. امي ضربت لي خالد قالت ليهو يجينا وفعلا جانا .. سلمت عليهو وقعدو اتونسو وانا حلفت كان اطلع وعملو شاي  وموضوع وانا بس قاعده حالفة م امرق بعد شوية سمعت امي بتتكلم معاهو والله ي ولدي بعد كده قلنا قولنا الباقي عندك واظن معنى جملتا دي وافقنا خالد قاليها مافي اي مشكلة بجيب امي ونصلكم الخميس وكان الليله التلاتا سجمي سريع كده دا شنو الشفقان دا 😶😶😶😶
عمار قاليهو بما اننا جيران ومعرفة واصحاب مافي داعي للتعارف نعقد عديل علا قالت ليهم يخسي عليكم مهدو ليها شوية شوية كده بتروح فيها  .. فارس قاليها صحي هي وينا امشي ناديها .. انا لمن سمعت الكلام دا جاتني حمى عملت فيها نايمة لكن مع علا مابنفع اي تمثيل جاتني وقعدت تصحي فيني وعملت م سامعاها قالت لي يمين بالله م تصحي موية باردة ف رراسك اخليك تلمي الشارع كلو هنا فتحت ليها عيني قلت ليها امشي قولي اني نايمه قالت لي نحن برة بنخطط نعقد ليك وانتي نايمه تنوم فيك حيطه قومي 😒😒😒 سبيت ليها وقمت على حيلي لبست توب بس ولا عملت شي تاني حتى شعري منكوش ولارتبتو لمن جيتهم مارقة امي لمن شافتني اتشرقت اظن وقعدت تكح 😆
سلمت عليهو وجيت قعدت جمب فارس اتلفت علي قالي الليلة بقتلك 🤨🤨🤨 قعدت اتبسم ليو ساي 😏😏😏 قعدو يتكلمو ساي ويتونسوا وانا مرة اعاين لي خالد مرة للمروحه لحدي م هو استاذن انو يمشي وقفو معاهو وقدموهو للباب وقاليه يكلم ناس امو ..وفات ، اول م طلع فارس جراني من شعري قالي دا شنو العملتيه دا ؟  قلت ليو اجي اتصنع يعني ؟ قلت اخليهو يشوفني على حقيقتي امي جات قرصتني ف يدي قرصة حارة حرااا قالت لي برضو الولد شاريك وم حيغير رايو اتبسمت ليها باستهتار ومشيت ..
..
خالد:
كنت مبسوط شديد لما خالتي قالت لي كلام ضمني فيما معناه انهم وافقو ولو م خجلت كنت عايز اطير من الفرح .. لمن قالو ينادوها فرحت فرح 🤭🤭  جات لابسة توب وشعرا منكش وماعاملة اي شي ف وشها على عكس اي بت قبل كده شفتها كانو بتصنعو بحسهم اما هي جات زي م الله خلقها وحسيت امها واخوانا زعلو منها بس انا بالعكس ما حاولت تلفت انتباهي تماما ويمكن دا اكتر شي شداني ليها 😍 ماشاركتنا الكلام نهائيا رغم انو الموضوع كان بدور حوالين زواجنا كانت غير مبالية وشوية احس انها بتعاين لي وتاني تعاين للمروحةة وتعاين لي ناس بيتهم وتتبسم زي كانها كانت بتوضح لي انها هبلة بس هي م عارفة انو حركاتا كانت بتجذبني ليها ..😚😚

وصلت البيت مبسوط لاقيت امي وقعدت معاها قلت ليها اهل امل عزموني ووروني انها موافقة وقالو لو عايز اعقد م عندهم مشكلة امي طارت من الفرح نعقد طوالي ي ولدي وبعد شهر يكون العرس قلت ليها مافي اي مشكلة 😙😙😙😙😙😙😙
نرجع :
دخلت غرفتي وانا م عارفه ازعل ولا اضحك على العملتو قلت احتمال يغير رايو بس م حسيت انو حيغير رايو وعلى كدهه شكلي اتدبست فعلا .. اتصلت لاناهيد قالت لي وسخه م تتكلمي معاي لانو مفروض ترجعي لي تاكدي لي انك حتنزلي معاي ولا لا ومفروض توريني حتى لو اهلك رفضو وفوق دا كلو م بتردي علي قلت ليها والله ي بيبي متلومه معاك بس الخميس تعاليني عشان خطوبتي واحتمال عقدي قالت لي نعم يختي؟ قلت ليها الاسبوع دا كلو انا كنت ف عالم تاني وم كنت عارفة اتصرف كيف وامي واخواني لاعبين معاي ضاغط ف الموضوع دا لحدي م قلت موافقه  😑 قالت لي امشي ي وسخه ي عفنه م تتكلمي معاي وقفلت ف وشي 😂😂😂😂😂 عرفتها زعلت لكن والله م عرفت اقول شنو لانو جات كده 🥲 
بكرة الصباح .. جات خالتو سعاد ومعاها فاطمة وابتهال وشادية ..😪😪
جيت سلمت عليهم وقعدو معانا وقالو بكرة جايين العقد وقعدو يتفقو مع امي على الشيلة والمهر والحاجات دي قمت استاذنت قالت لي ابتهال اقعدي حددي حاجاتك قلت ليها لالا العفو امي حتتكلم ف الموضوع دا عوجت لي خشمها وقالت سمح .. م حبيت حركتها 🥲 
مشيت غرفتي وضربت لاناهيد ٦٠ مره حلفت م ترد الكلبة .. بعد مسافة نص ساعه كده امي نادتني مشيت ليهم خالتو سعاد قالت لي ي بتي دايرة اقوليك كلام .. قلت ليها اتفضلي ..
يتبع

#خالدي5
امل الشيخ


بعد مسافة نص ساعه كده امي نادتني مشيت ليهم خالتو سعاد قالت لي ي بتي دايرة اقوليك كلام .. قلت ليها اتفضلي ..
قالت لي م دايراك تكوني حذرة وخاته حدود وتتعاملي معاي تعامل النسيبة ومرت ولدها  اعتبريني زي امك وانتي والله بالنسبة لي زي بناتي وخالد دا وحيدي وقريب من قلبي والله والاختارا هو ف عيني وراسي 😊😊😊 قلت ليها تسلمي يا خالتي ان شاءالله وابتسمت ليها ، كلامها دخل الطمأنينة جووة قلبي 😊 ..
...
بكرة الصباح من ٧ ص جاتني امي داخلة قومي ي امل اختك الفقر دي كان م طلعتي م بتشتغل شي قلت ليها سجمي كمان العروس يوم عرسها بشغلوها علا دي وسخه ولاشنو ؟ انا الليلة دايرة اخد راحتي ف بيتنا و كزولة بتكم بعد يوم الليله يعدي تاني حبقى مرت راجل وماحقتكم احترموني لو سمحتو امي قالت لي سمح اتخمدي ومرقت .. تلفوني اتصل لقيتا اناهيد رديت قالت لي احلفي بالله الليله عقدك قلت ليهة والحاجات دي فيها هظار ي اناهيد يعني ؟ قالت لي شاماك وقلبي مابيك لكن ف النهاية صحبتي اعمل شنو انا قربت منك قلت ليها حبيبي بستناك  .. قمت سريع اتسوكت وصليت ومشيت جمب الباب بقيت مستنياها ،، علا قالت لي تعالي نضفي معاي اعملي ليك شغلة نافعة الباب دقا فتحتو سريع قايلاها اناهيد طلعت ريم واخواتا الاتنين سلمو علي ريم قالت ل علا الليله امل دي ولاقشه م ترفعها اشتغلي من سكات ..علا قالت ليها امي لحقت شكتني ليكم 😂😂 ريم قالت ليها اي المهم اخوانك في ؟ قلت ليها مافي قالت لي تمام نزلن تيابهن وقالن ل علا يساعدوك ف شنو ؟ يحليلها ريم بالجد باقية لينا اخت  الباب دقا تاني فتحت لقيت اخيرا اناهيييييد سلمت علي شديييييد وقعدت تبكي يعني هسي انتي جادة دايرة تعرسي وتخليني مش اتفقنا نعرس اخوان وانفقعت بكا علا جابت ليها مناديل اعمل شنو متخلفه زي صحبتك ومسكت علا قعدت تبكي معاها امي جات بسرعه من برة ومعاها ام ريم وجارتنا عوضية هييي ي بنات هششش صوتكم عالي ،، هي اناهيد كيفك سلمت على اناهيد  وقالت ليها سوقي صحبتك جيهيها اعملي ليها ماسكات اكوي شعرها مافي زمن هيي الساععه ٩ هسي قومن اهلكم حيوصلو هسي .. ومشت على المطبخ .. مشيت استحما سريع واغسل شعري عشان اكويهو واظبطو ..
على لسان خالد :
الخميس ، مفروض انو يوم عادي زي اي خميس صابح جمعة   بس كان يوم مختلف وانا شايف الفرحه ف عيون امي واخواتي طالعات وداخلات واهلنا الفجأة ملو البيت كانت اجواء سمحه يعني م اول عقد بس لما بقى تابع لي بقى مختلف جاني ابوي اها ي خالد الجلابية والعمة بتاعاتي وبتاعاتك كووهن؟ قلت ليهو ثواني اسال سلمى ، قالي ابشر ي ولدي ابشر بشرت ليو وانا الضحكة زي م بقولو من الاضان ل الاضان حقيقي مبسوط والباسطني اكتر انو ربنا سهل لي مع الزولة الاخترتها يمكن انا مابعرفها بس حاسي اني اخترت صح 😍 امي جات قالدتني بالاحضان بركة ي يمة العشت وشفتك عريس ي ولدي الحمدلله الحمدلله حضنتها شديييييييد والله وانا حاسي شوية وكنت ح اكسر عضامها 😂🥰🥰 سالتني قالت لي العقد بعد صلاة العصر مش ؟ قلت ليها اي ضحكت ربنا يتم ليك مناك ي ولدي على خير قلت ليها امين ياربي .. جوني اصحابي ومشيت الصالون حلقت وظبطت نفسي شديد مع انو كل مرة كنت بحلق بس كنت حاسي نفسي منور شديد .. دا كلو وانا بس مستني اللحظة الحتكون فيها مرتي يمكن كلامي غريب زولة مابعرفها ولاشفتها غير مرتين ابقى متعلق بيها كده الاحساس دا انا زات نفسي مستغربو بس حاسي نفسي مجرور من قلبي زي كانها القسمه فعلا جاراني 🥰🥰 لمن طلعت من الحلاق كانت ٢ وتلت سريع وصلت البيت استحميت واتظبط جات سلمى وظبطت لي العمة وبخرتها ، ماشاءالله تبارك الله ربنا يسعدك ي خالد ان شاءالله قلت ليها امين ويسعدكم ككلكم ان شاءالله تسلمي تعبتك معاي قالت لي معقول اي اخت بتستنى اليوم دا عشان تجهز اخوها والحمدلله من بين اخواتي طلع حظي الاجهزك ربنا يحفظك من كل عين ان شاءالله بستها ف راسها واتقدمت ابوي استعجلني نمشي المسجد .. وفعلا مشينا المسجد وكان في اخوانها ال٣ واتنين اعمامها و٤ وخوالها  و٥ اصحاب ابوها كان ف جيش من الرجال وراها ، وليها كان عمار اخوها وابوي كان ولي عني 😍😍 💜💜💜💜💜💜 اللحظه دي على قدر ماسمحة على قدر ما هي مرعبة احساس غريب بتملكك ياربي ح اقدر اسعدها ح اقدر اعوضها مكان ابوها الفقدتو وسند اخوانها ؟ احاسيس كتيرة جواي اتلخبطط ي ربي هل ح اقدر اطيب خاطرها هل ح اسندها وما ازعلها وابقى ليها راجل وم اخليها تحتاج غيري .. اخدتني الافكار لحدي ماوعيت على صوت الماذون وهو بقول بارك الله لهما وجمع بينهما على خير ومبارك الزواج فجاة بقيت ف عالم تاني انتهى خلاص؟ صوت الطلق اشتغل بقت مرتي يعني؟ بعد شوية ماسورة ناس شغالين مبروك ي عريس الف مبروك معقول؟....

نرجع :
ايوووووووووووووووووييييي ويويويوييويييييي عقدو الف مبروك ..💜💜💜💜💜💜
اناهيد قعدت تزغرت وانا فجأة لقيت دموعي عشرة عشرة متين كده ؟ خلاص يعني بقيت مرتو؟ سرعه كده بقيت غريبة عن بيتنا ؟؟ وعلا تزغرت وامي دخلت علي وحضنتني وهي بتبكي وانا ببكي الف مبروك ي بتي مبروكك ربنا تم على خير ربنا يسعدك ويهنيك بيت مال وعيال ي ربي م تشوفي معاه غير السعاده ي رب العالمين مبروك 🥰🥰🥰😢💜💜💜💜💜 باستني ف خدي خلاص امسحي دموعك امسحيها حضنت اناهيد وباركت ليها وقالت ليها عقبالك ي يمه .. حضنت علا قالت ليها مبروك لي اختك وعقبااااالك ي يمه بالهدي الرضي ان شاءالله يلا براحه امرقن اختكن لاهلو برة 🥺🥺🥺🥺 💜💜💜💜😢 ومشت ..
اناهيد احسن من غير طرحه صح علا قالت ليها بري انتي عويرة نسوان حينا ديل سحارات بدوها عين اناهيد قالت ليها ي بت خلي العوارة دا يوم يتحجبو فيهو ، علا قالت ليها هوي ي اناهيد والله لبسيها الطرحه ساي م بتعرفي ناس حينا بعد شوية الباب دق قعدن يتكبكبن جاهن صوت ريم دا خالد ي بنات جرن مشن وخلني فتحن الباب قمت سريع سريع اكوس ف الطرحه لقيتا ولبستها جاني داخل قالي السلام عليكم قلت ليهو وعليكم السلام ..
يتبع ..