#خالدي7
امل الشيخ

بصراحه عايزة اسالك سؤال وخجلانة منك قالي م تخجلي اساليني طوالي ... قلت ليهو نحن حنسكن وين ؟ ؟؟؟؟
ابتسم قالي بصراحة ح نسكن مع ناس امي !!!! لمن قال كده عيوني بقو قدر البلية وبقى وشي بعبر عن استسفسارات كتيرة .. قالي م عايزك تتوتري ولاتقلقي انا فاصل البيت تماما بيت كبير وشرعي غرفتين وصاله ومطبخ وحمامين وصالون وحوش للرجال .. بصراحة يا امل انا ولد امي الوحيد وامي دي عياها بقى كتير واخواتي التلاتة الصغار ديل م بقدر اعتمد عليهم وخايف ابعد يحصل ليها شي وم اقدر اكون قريب ليها .. يمكن موضوع السكنة دا بضايق بنات كتار ويمكن يضايقك بس لو سمحتي قدري ظرفي وختي نفسك مكاني وحددي 🥺🥺 وانا ان شاءالله بوعدك انو مافي زول من اخواتي يتعرض ليك والبتتعرض ليك انا بوقفها ان شاءالله .. قال الكلام دا وسكت !!!! 
قالي انا جيت بالمناسبة عشان اقوليك بكرة المساء لو فاضية نمشي نختار العفش نسوق علا رايك شنو حاسي ذوقها ممتاز وضحك ،، عمل كده عشان يغير الموضوع لما لقاني ساكتة برضو ، ضحكت ليو وذوق اختها اسمح على فكرة ضحك قالي انتي عارفه ذوق راجل اختها اسمح عشان اختار اختها 🙊🥺💜 للاسف بفوز ف انو يخجلني دايما 😂😂😂💜💜💜  قلت ليو طبعا طبعا 😂😂😂 قالي اي صحي والدبلة اها نمشي متين؟ قلت ليو والله ي خالد م عارفة امي دخلتني الليله ف دور دخان وجرجرة من الصباح كان شفت لحدي الساعه ١١ الا م خلصنا م صدقت قمت تاني المسا نزلتني ماعارفه هي مستعجلة ليه قالي يمكن عشان المهله ضيقة كلها شهر بس ودايرة بتها تبقى سمحه 😂😂 قلت ليو سمحه بالدخان بس 😂😂 قالي م عارف بقولو قلت ليو استغفرالله 😂😂 ضحك ضحكه 😂😂😂😂😂😂😂 .. قالي خلاص عايني بكرة بعد المغرب طوالي نطلع نمشي للصايغ تختاري وبعد كده نمشي معارض جبرة شوفي البعجبك قلت لييو اتفقنا معناها ان شاءالله .. قام على حيلو وقفت معاه قالي عقبال تنوري بيتي 💜 ابتسمت ليهو وااتقدم بعد شوية قالي اي صحي اديني رقمك عشان نتفاهم سوا قلت ليو طيب ومليتو رقمي🌼🥵 اتصل طوالي تلفوني رن بعداك قفل قالي اي صحي برضو لو سمحتي ي امل  بعد كده انتي مرتي اي حاجه عايزاها اضربي لي وريني عايزه بسكويت عايزة اي احتياجات شخصيه كلميني م تخجلي م عايز ارسل وحده من اخواتي تسالك عايز الفترة دي التعامل بيني وبينك يكون مباشر تمام ؟ قلت ليو تمام هسي ممكن اقوليك عايزة شنو قالي اكيد طبعا قلت ليهو نفسي ف اندومي وشبس امي ابت تجيبهم لي  ضحك قالي مع اني حكسر كلمتا عليك لكن معليش مدام نفسك فيهم بجيبهم ليك ان شاءالله مشيت معاهو لي برة ودع ناس امي ونادى عادل طلع معاهو الشارع ..
امي نادتني اها قاليك شنو ررفعت ليها حاجبي عاد راجل ومرتو بتشاورو براهم 😒 رصعتني قالت لي امشي ي كلبة بكرة بعرف قلت ليها سمح علا قالت لي نادى عادل لشنو هسي ف الشارع لاهو لا عادل قلت ليها بري م عارفه ..امي قالت لي ارجعي حفرتك قومي قلت ليها بررررررري ماشة انوم  وبسرعه جريت اناهيد قعدت تضحك انتي متاكده ي خالتي البت كبيرة وقدر العرس دا 😂😂😂 امي قالت ليها شكلي اتسرعت😂😂😂😂😂😂
بعد نص ساعه وكنت اتخمدت وف الحلم السابع جاتني اناهيد وامي وعلا وعادل جارين وقعدو يكوركو صحيت مخلوعه امي رمتني بالشبشب شحدتي الراجل ي وسخه 😐😐😐😐دي تربيتي ؟؟؟ قلت ليها اجي مش بقا راجلي م شحدت زول غريب تاني رمتني بالشبشب ،، اناهيد مسكتا معليش ي خالتي بوعيها انا م تخافي هسي انتي روقي وامشي صلي العشا 😪😪 قالت ليها اول يوم يقوليها اطلبي تتطلب اهلو يقولو شنو قلت ليها دي حاجه فارغه م اظن يكلم اهلو بعدين هو قالي تاني اي شي نفسك فيه وعايزاه كلميني انا عشان هو بقا مسؤل مني خلاص علا لمن شافت امي دايرة تزيد وووووووب ي امي حباية تحت اللسان معليش ي امي 😂😂😂😂 امي طلعت تكورك اناهيد جاتني قالت لي اسمعيني مدام م عرسنا اخوان ممكن نتشارك راجلك؟ قلت ليها هووووووي بفنك بالشبشب والله اوعى من الشلب 😂😂😂😂😂 بتذكر باقي الليلة دي انا واناهيد قعدنا نتونس لحدي زمن متاخر .. اناهيد قالت لي واي الساعه ٣ الا احسن نومي بكرة خالتي منى من الصباح تنهزك للحفرة قلت ليها ووووب صحي .. قالت لي انتي عارفه راجلك دا راقي شديد وطريقة تعاملو حلوة جدا ان شاءالله ي امل ربنا يسعدك انتي تستاهلي كل خير 🥺💜💜💜💜💜💜 قمت من سريري حضنتها مسافه وانتي اجدع صحبه ربنا يخلينا لبعض واقيف معاك زي م كنتي دايما واقفة معاي ف اسعد واسوأ ايام حياتي 🥺🥺🥺🥺💜💜💜💜💜💜💜💜💜💜  قالت لي وف عرسي من راجلك مش قلت ليها هييييييي الا دا وقعدنا نضحك وبعداك رجعنا نمنا ... وفعلا من الصباح امي صحتني وقالت لي الحفرة جاهزة☹☹☹😪😪😪😪😪🥲🥵🥵🥵🥵🥵🥵

على لسان خالد :
كنت قاعد بدون موضوع وبتذكر يوم امس لمن قعدت معاها ، اخيرا اخدت وادت معاي ف الاول كانت ساكته بس بعداك قدرت تتفاعل معاي ،، صوتها وضحكتها  اسلوب  كلامها حسيت باني بتكلم مع شافعة ، حقيقي م قدرت ادسس فرحتي لما قلت ليها  اطلبي مني وطوالي طلبت كنت مبسوط بانو الحاجز البيني وبينا بدا يتلاشى حقيقي 💜💜💜💜 ..
نرجع:
بعد صلاة المغرب امي قالت لي اها نبدا قلت ليها هيي مارقة مع خالد قالت لي وين ؟ قلت ليها ماشين نشتري الدبلة ونشوف العفش جاتني قريب قالت لي هو م خت ليك ميزانيه قلت ليها لا لسه اممم خلاص سوقي معاك اناهيد نطت علا هيييي اناهيد ليه قال انا امشي امي قالت لالا تمشي اناهيد عادل قالينا امشوا الاتنين وزاتو البيت يكون للرجال فقط امي قالت ليه قصدك انا راجل قاليها لالا انتي زاتك امشي 😂😂😂😂 فعلا الاتنين جرن لبسن 😁😁😂😂 مسافة جهزنا ضرب لي قالي احنا برة قلت ليو تمام .. طلعتهم وطلعنا نزل من العربية هو واختو ابتهال ...
يتبع

#خالدي8
امل الشيخ

نزل هو واختو ابتهال ..سلمو علينا وبعداك ابتهال سريع رجعت ركبت قدام هو قالينا اتفضلو وفعلا ركبنا ورا علا قالت لي اجي مش المفروض انتي تركبي قدام قلت ليها لالا الاكبر بركب قدام .. اناهيد قالت لي بري ماف كلام زي دى م بتتنازلي الا ف حالة تكون امو دا كلو بنهمس شديد 😂😂😂😂😂 خالد قالينا قيلتو كيف الليلة ؟ ردت ليو علا تمام والله وانت قاليها الحمدلله بعد شوية ابتهال خلعتنا انتي ي امل عندك نظام معين للعفش؟ قلت ليها انا ؟ لالا م مشكلة اي شي قالت لينا انتو عارفين الفترة دي الاسعار نار انا قلت يشترو موسك دا تقليد سوداني اي اتنين بتزوجو بشترو موسك ولي قدام يبقا يغيرو زاتو الموسك متين !! ردت علا موووووووسسسك؟؟؟؟ انتي جاااااادة ؟؟؟؟ بس نحنا الموسك دا  ماحصل دخل بيتنا اصلا🤢🤢🤢🤢 خالد عمل احماحم!!! بصراحة ي ابتهال انا عارف الوضع الهي قامت فيه وححاول اعيشا ف وضع زيه او احسن منه عرفتي قالت ليو اجي تضغط على نفسك عشان كماليات ؟ قاليها انا ماضاغط على نفسي انا عارف مستطيع قدر شنو وانا وهي محددين سقف معين للعايزين نعمله ولاشنو ي امل ارتبكت بس قلت ليو اي .. بعد شوية وقفنا قالينا وصلنا ..اختو عوجت خشمها ونزلت .. علا قالت لي دي مالها ؟ خالد قالي استني م تنزلي ! قلت ليو طيب اناهيد وعلا نزلوا  ، فضلنا مسافة قالي انا اسف بدل ابتهال اختي بالجد اسف بتمنى م تاخدي بكلامها ..انا بعدين بتناقش معاها 🥺💜💜 المهم عندي م تزعلي عاينت ليه🥺💜💜 كيف ازعل وانت بتطيب خاطري كده؟ فضلنا نعاين لي بعض مسافة بعد شوية ابتسم لي ، ابتسمت ليه قالي اختاري اي دبلة عايزاها لو بمليار قلت ليو بالمناسبة انا مفروض احافظ على قروش راجلي اكتر منو 😁😁🙊😂😂 قالي قلتي راجلي؟ قلت ليو اجيي مش راجلي ؟ 🙊🙊🙊🙊🙊🙊 قالي راجلك وحبيبك واي شي قلت ليو هي علا بتنادينا وسريع فتحت الباب ونزلت 🌼😁🙊 جا وراي ومشينا للصايغ واحد صحبو سلم عليهو وقاليهو الف مبروك .. بعد شوية جاب لينا التشكيلات قالينا اختارو ديل احدث التشكيلات ! انا وخالد قعدنا نعاين وماشاءالله كل خاتم احلى من التاني .. فجاة واحد عجبني شديد ،، الله اناهيد تعالي شوفي دا ؟ حلو شديد قالت لي دا عاينت مسافة انا شايفه دا احلى علا جات كابست لالا الاختارتو امل اول احلى واالله اناهيد ردت ليها انتي دايما بس تحبي تعاكسيني على فكرة .. خالد اتلفت لاناهيد فعلا الاختارتو اول دا حلو قلت ليو صح ي خالد حلو شديد والله .. ابتهال قالت للصايغ دا بكم نحنا اتخلعنا بقينا نعاين ليها  .. الصايغ عاين لخالد خالد اتلفت لابتهال.. الصايغ شكلو ادارك الموقف قاليها انا وخالد اصحاب من بدري وانا قلت ليها دبلة العرس هدية مني قالت ليه ايوا بس برضو ي امل خفي م نخسر الراجل 🙄🙄 انا جواي قربت اشلتها دي شنو المرة الحيوانه دي  😑😑😑😑 بعد كده انا زعلت قلت لخالد معليش نرجع حاسة نفسي تعبانه شوية !! قالت لي م تكوني اتضايقتي من كلامي .. قلت ليها كلامك بضايق هو يعني ؟ سكتت  ،، خالد ممكن نرجع ؟ طيب طيب تمام معليش ي حمزة بنرجع ليك خت العجب المدام م تتصرف فيه خلاص تمام .. وطلعنا طول الطريق كنا ساكتين ، فجاة جاتني رسالة عاينت ليها لقيتا منو .. لحدي م وصلنا وقف نزلنا ومشا  .. وصل بيتهم نزل ابتهال قالت ليهو ما داخل ؟ قاليها انتي مفروض اختي الكبيرة وم مفروض نهااائيا تتصرفي بالاسلوب دا عيب عليك قالت ليهو خلاص ح تتقلب علينا عشان مرتك ؟ قاليها انتي عارفه اني بقيف مع الحق وانتي حاليا غلطانه عليها لمن غلط 🥲 لو سمحتي م تتعاملي معاها بالاسلوب دا تاني .. ابتهال زعلت وقفلت الباب بقوة ومشت ..
علا واناهيد مما نزلنا شغالين ينقنقو ويجوطو زعلانين من تصرف ابتهال ..علا قالت لي خالد لو م حسم الموضوع دا يبقى ماف فايده منو دي شنو البت الهمجيه دي 😒😒😒😒  بعد شوية ضرب بوري ووقف قدامنا تاني .. اناهيد وعلا استغربو نزل واعتذر عن الحصل وركبنا تاني اتحركنااا ،، مشينا تاني واشترى لي الخاتم العايزاه 🙊😍😍😍😍😍😍 انتهينا ومشينا قصاد جبرة ..
ف الطريق تلفونو اتصل علا لفتتني قالت لي دا شنو حصل شنو 😂😂😂😂 قلت ليها رسل لي رسالة وقالي م ازعل هو حيتصرف حينزلنا اول بعدين ينزلا ويجينا تاني 🙊💜 قالت هييييي رمممم😂😂😂 مفتحين والله ضحكنا .. بعد شويه اناهيد وعلا قعدو يتونسوا انتظرتو لمن خلص .. قلت ليو خالد ممكن نتصارح قالي اكيد قلت ليو السقف الانت قلت عليو قبيل دا فعليا هو كم ؟ بلس على فكرة انا ممكن اشتري موسك عادي اي حاجه سمحه مع الايام بتتعمل ان شاءالله 💜 فجاة حسيت بيهو شال يدي وباسا حقيقي نطط عيوني وبقيت بعاين ليه ومخلوعه والبنات سكتو وانا شعوري اتلخبط تماما والله م عرفت اقول شنو ولااتصرف كيف قالي ربنا يخليك لي ان شاءالله ابتسمت ليو وتاني سكت وعاينت قدامي لحدي م وصلنا 🥺🌼 قالي شفتي ناس سعدالله ديل حاجاتهم سمحه عديل وخشبهم متين مفكر نشتري غرفة النوم من هنا ..

😁🤍 قلت ليو بالجد طيب ارح نشوف 🌼💜 نزلنا وانا وهو بقينا ماشين سوا ونتفرج وبالجد فعلا حلوين شديد .. جينا جمب غرفه بالابيض والبنفسجي كده رهيييييبةة قالي عيونك لمعت غايتو مع الغرفه دي هههههه قلت ليو بالجد تحفة 😍😍😍😍😍💜💜💜💜🌼 قالي نبقى عليها قلت ليو ثواني نسالو بكم مسكني قالي مالك ومالها جاتنا علا بقيتو على دي ولاشنو ؟ قاليها اي قالت ليو دي ب ٤٧٥ الف انا نططت عيوني وفتحت خشمي قلت ليها كم ؟ قالت لي زي م سمعتي قلت ليو بري ارح من هنا مسكني قالي هييي انا اصلا عامل حساب انو اصلا م اقل من ٥٠٠ الف قلت ليو مالي بنوم ف غرفه ب ٤٧٥ الف قالي المتانه والاناقة مع بعض بعدين الموسك زاتو ف حدود ٢٧٠ و٢٨٥ قلت ليو لكن دا فرق النص بالنص بعدين احنا لسه مفروض نشتري سراير ومفروض جلوس ومفروض ستاير وادوات كهربية لازم نقتصد ي خالد 😐 كورك ي علا تعالي فهمي اختك دي 😑 قالي يا عيوني افهمي بالنسبة للادوات الكهربية اشتريتهم من بدري وحتى جلوس الصالون اخترتو هسي عايزين واحد بس يعني قاطعين شوط كبير وانا لو م عندي بصارحك عديل 🙄💜💜 قلت ليو قول والله حتصارحني قالي والله 💜 بعد كده نادى الراجل وفعلا دفع عربون وحجز الغرفة وقالو حيوصلوها ف خلال الاسبوع ..
لمن انتهينا قالي مش عجبتك؟ قلت ليو اي قالي لو عجبتك اي نجمه ف السما حجيبا ليك 🌼  ولو عيوني اديك انا مابعرفك فعلا بس والله حاسي قلبي عارفك و بحبك كمان 💜💜💜💜💜💜💜💜💜💜💜💜💜💜💜💜💜💜💜💜💜🥺🥺🥺🥺🥺🥺🥺🌼🌼🌼 واي كلام يُقال بعد الذي قيل 🥺🌼  قبل افتح خشمي بكللمة نطت الفقر الاسمها علا ،، امي اتصلت شكلها قلقت بعد كده ردت ليها اناهيد تقلق ليه ؟ راجل ومرتو واخواتها معاها اجي؟😂😂 علا رصعت اناهيد انتي اسكتي مش اخترنا الغرفة يخوانا ؟ ممكن نمشي؟ قلت ليها نمشي بس انتي تاني م حتطلعي معانا 😒😒😒 ..خالد ضحك خلاص يخوانا م تزعلوا ،، علا قالت ليه انا زعلت رضيني 😐 اناهيد ضربتا ضربة خفيفه وهمست ليها دي اسمها شحده برضو لمن اكلم خالتي 😁😁😁 ..
خالد رد ليها طلباتك شنو قولي واحنا نرضيك 💓😚 اناهيد قالت ليهو نفسي ف اسكريم والله 🥺🥺 علا قالت ليها هو قاصدني انا على فكرة 😅😅 وهمست ليها انتي زاتك شحدتي معانا 😁😁😁 طوالي قلت ليهم يخوانا ف شنو؟ 😒😂 خالد قالي خليهم م مشكله ارح نمشي هسي محل الاسكريم الانتو عايزينو 🤭🤭🤭 وفعلا مشينا ولمن نزلنا واخدنا راحتنا ونسة وضحك وخالد طلع عبارة عن زول نكته😂😂 لمن وعينا لقيناها ١٢ الا 🥵🥵🥵🥵🥵 وقفت على حيلي مصدومه هوي يخوانا الساعه ١٢ الليله امي حتمسح بينا الارض ☹😳😳😳 عمرنا م اتاخرنا برة كده ..كلهم وقفو علا قالت لي والله انا اطمنت لمن قلتي م بسالوك عشان انتي مع راجلك 🥲🥲🥲 قلت ليها م عارفه ياربي بسالونا ؟ 😢😢 خالد قالي اسف والله برجعكم هسي ان شاءالله م حيحصل شي ..🥺💓
اتحركنا ولمن وصلنا البيت لقينا زي نسوان قدام البيت كتار خفت يكون حاصل شي لامي ولا شي 😳😳😳😳😳😢
يتبع ..

#خالدي9
امل الشيخ

اناهيد جمبي قالت اللهم اجعله خير .. وقفنا العربية ونزلنا سريع .. لقينا ابتهال تكورك ف نص الشارع .. انا اخوي يوزعني عشان بتك ، هي بتك بترضى كده يعني ان شاءالله زي م ورطينا ف بتك تتورطي ف نسوان اولادك وخالتو سعاد تشيل و تهرش فيها ي بت اتلمي فضحتينا .. خالد مشا وبقا يزح ف النسوان لحدي م وصل ابتهال واداها كف ف نص الحريم 💔💔💔💔💔💔 فجاة الجو صن وانا بقيت مصدومه لاعارفه اتحرك لا عارفة اعمل شنو .. خالد قال لنسوان الحلة م داير اشوف هنا لا مرة لا راجل .. واحد من رجال الجيران بقا يهرش معاهو ف الناس ويطرد فيهم .. ابتهال طوالي اتلفتت وفاتت اتجاه بيتهم .. ووراها امها ..🥲🥲🥲
اناهيد قالت لي امشي هدي راجلك ي بت ،، مشيت اتجاه خالد قلت ليهو خالد ! قالي اسف اسف على الفوضى الحصلت دي 😪😪 امي قالت ليهو غلط ي ولدي م كنت تديها كف قدام الناس ديل بكرة الناس تاكل وشك ويألفو كلامم ف الحصل دا ، قاليها معليش ي خالتي العفو على الحصل ، وانا اسف لاني اخرت البنات قالت ليو انا م عندي مشكلة البت مع راجلها م عليها خوف ، لكن هو الحصل شنو يعني وابتهال زعلانة قدر دا ؟ 😕😕😕😕 قاليها بكرة بجيكم ان شاءالله وبفهمك .. عمار كان واقف بعيد رفض يدخل بعد شوية خالد استاذن قال يمشي امي قالت ليهو طمني عليك الله ي ولدي 🥺🥺 قاليها خير انتتو هسي خشو 🤗 خالد فات واحنا خشينا ..
خالد:
ابتهال ماعندها اي حق من البداية تتدخل ف الموضوع دا ووانا متاكد لو كان نسابتها عملو ليها الحركات دي م كان رضتها ! انا زعلت لانها لامة النسوان ف الشارع دا بالنسبة لي اشانه سمعة يعني شنو تفرج الحلة فيها وتعمل لينا سمعه بليل ؟؟ لمن جيت داخل لاقاني ابوي قالي اصلي عافي منك ولو تاني ادخلت وفتحت خشمها لحقها كف دا الفضل والله على اخر عمري انا بتي تعمل لي سمعة ف الحلة 😤 ابوي كان واضح انو زعلان منها زعل شديد ، مشيت الغرفة لقيت اخواتي لامات ف نصهم امي وابتهال تبكي وتسيئ في امل وامها لمن شافتني سكتت ! قلت ليها ساكتة ليه ؟ بكرة من الصباح ترجعي بيت راجلك وتشوفي اولادك الجادعاهم عند اهلهم ديل ! انتي جاية تخدمي امي ولا جاية تمرضيها زيادة ؟ اسسمعن الكلام دا كويس ؟ البيت دا بيت ابوكم كلكم ومابمنع وحده تجي هنا لكن اي وحده جاية تعمل شوشرة ومشاكل بيت راجلها اولى ! الموقف دا اتجاوزتو ليك انا هسي ، انتو اخواتي وانا سندكم واي وحده احتاجتني حتلقاني لكن رجاء خاص لو سمحتو مافي زول يدخل بيني وبين مرتي جبت ليها شنو داير اعمل شنو هي دايرة شنو دي حاجه بترجع لي انا ، انا اديتكم فرصه ف حاجه دايرين نعملها م تجوطو لي الموضوع زي م انتي عملتي ي ابتهال 😑 شنو يعني تزني للبت م تشتري م تعملي م تضغطي على اخوي ماتفعلي ؟ ف شنو انا اتحسست من كلامك خلي هي .. سلمى قالت لي هي عملت شنو بالضبط حكيت ليها من البداية الحصل شنو ! شادية اتدخلت والله ي خالد غلطانة وااغلط من ساسها لراسها .. بس انت برضو غلط ف الكف الاديتو ليها قدام الناس قلت ليها شوفي الكف دا عشان م تزعلي ساي م ضربتك ليهو عشان الانتي عملتيهو مع امل ولا ف يوم من الايام حضرب وحده منكم عشانها انتو اخواتي وهي مرتي ،، المابرضاهو ليكم م برضاهو ليها ، الكف عشان الفضيحه الحضرتك عملتيها ف نص الشارع فلاحه منك يعني ؟ مابتخجلي مرة كبيرة عمرك ٣٥ سنة تسوي العملتيهو دا ؟ قالت لي شوف هنا انت م مسؤول مني ولا من حقك تضربني ، ابوي جا داخل كمان قليلة ادب وعينك قوية يضربك والله لمن يقتلك زول يسألو مافي دايرة تقعدي باحترامك اهلا وسهلا دايرة تفضحينا ف الحي ف باقي الليله تمشي بيت راجلك فاهمه ولا لا والنقاش دا هنا انتهى ماعايز فيهو زياده ولا عايز اسمعو ف خشم زول مفهوم ؟ قالن ليهو مفهوم !! ابوي طلع وامي طلعت وراه وانا مرقت طوالي ..
نرجع :
امي اول م دخلنا استلمتنا الا نحكي ليها الحصل شنو وطبعا علا ماقصرت 🤣🤣🤣🤣🤣
لا والله غلطانه تب غلطانة دي م حركات ناس واعين قلت ليها شفتي وقلتي لي طيبات اهي دي البدايات 😶😶😶😶😶 قالت لي خالد ياهندا م سكت جاب ليك حقك .. عمار قاليها بكون اداها كف على الفضيحه العملتها وجابت سمعه لناس بيتهم بطريقتها دي ..🥲 عادل قااليهو اها خلاص نستعد بكرة لشمارات الحله يقولو البت من عقدو عليها م تمت ٣ يوم حصلت شكلة بينهم 🤣🤣🤣 امي قالت ليهو حسك عينك زول يتكلم قدامك تسكت تقولو الحقيقة عمار قاليها لالا احسن يسكت ف النهايه بقينا نسابة واهل خلو الناس تلوك الموضوع زي م عايزة لكن انت م تدخل 🤗🤗
تاني يوم من الصباح صحينا لقينا خالتو سعاد وعم مبارك وابتهال وشادية وفاطمة واسراء وسلمى اخواتو جايينا في البيت ..

كنا قاعدين انا واخواني وعلا وريم بت جيرانا واناهيد صحبتي بنشرب ف الشاي امي فضلتهم وكبت ليهم شاي ، كنت دايرة اقوم على حيلي فارس أشر لي اقعد ما امشي بعد شوية عم مبارك قالينا انا والله جاي اعتذر منكم بالنسبة للحصل امس بليل عمار قاطعو لا والله العفو ياعمي ماتعتذر ولاشي ومافي زول زعلان !! سلمي قالت اكيد عروسنا زعلانة والله كلنا متأسفين وبنعتذر ليك وابتهال زاتا متأسفه قلت ليها جيتكم دي بالدنيا عندي والله والمشاكل الله لا جابا وابتهال في مقام اختي الكبيرة وبحترما حتى لو زعلت في ساعتها لكن والله ماشاييلة في خاطري قام عم مبارك قالي والله ي بتي ربنا يبارك فيك وددا المطلوب نحنا خلاص بقينا اهل وانتي بقيتي لي بت تأمنة ومابفرزك من بناتي وان شاءالله اخر مرة يحصل فيها كده 🌼🤲 طالبين السماح والعفو انتو ناس محافظين ومافي زول جاب ليكم سمعة قبل كده قمت على حيلي بستو من راسو قلت ليهو العفو يا ابوي والله يخليك مافي سمعه ولافضيحه وحصل خير ان شاءالله عمار قاليهو بالضبط كده م تتحسس يا عمي مبارك بعد كده الجو مشا عادي حبتين بس ابتهال حالفة ماتفتح خشمها وحسيت بيها زي المجبورة كدة 🤧 لكن ما دققت شديد بعداك قالو ماشين بس امي حلفت عليهم الا يفطرو وفعلا سريع سريع انا وعلا وريم دخلنا جهزنا الفطور فطرو معانا وفاتو ، اصلا عمار كان ماخد اجازة رجع نام وفارس مشا السوق وانا مشيت مع ريم تجهز لي الحفرة ..
من بعد الحصل بقو اخوات خالد يجوني يوميا ف البيت وسلمى دي يحليلا بالرغم من انها حامل كانت بتجي تخدمني وتخلط لي ف العصاير وشادية ونهى يونسوني ويعملو لي الماسكات والعروكات ..
اناهيد قررت انها ترجع مع اني حنستها تكمل معاي الحبسة لكن قالت لي لازم تمشي وتشوف أهلها وبتجي تاني ،، وعرفت بالصدفة انو عم مبارك اتصل لي راجل ابتهال وجا ساقها يعني هي أكتر وحده سوسة وحرارة وفتانة ،، ..
خالد كان ضاغط نفسو شديد ف الشغل وما كنت بشوفو كتير الا مرات مرات لمن يجي يرجع ناس سلمى بليل ..

ماعارفة الايام مرت كيف ولا الحصل شنو بس فجأة كان فاضل اسبوع لي عرسي اتلمو الاهل عندنا وخوالي واولادهم وخالاتي وبنات عماتي ..والبيت كان زحمة ، من ضمن اولاد اهلي الجو كان طارق ود عمتي نزل من قطر سافر من وانا ف تالت ثانوي يعني ليهو ٦ ولا ٧ سنوات ..
جانا والبيت اتمنى زغاريد فرح بي عرسي وبي رجعتو طارق دا اكتر واحد مميز عند الناس دي كلها شيال تقيلة زي م بتقال عليه وكان كراشي من الطفولة ..
مر يوم جيتو فرح ودموع ساي ..
بكرة من الصباح خالد ضرب لي وكان زهجان جدا 💔💔💔 قالي لازم نتلاقى ضروري قلت ليهو خالد انا مابقدر اطلع معاك وانا محبوسه ودي آخر أيام.. قالي لازم نتقابل ولازم تحكي لي حاجات كتيرة طبعا ماعرفت خالد يكون عايز يعرف شنو يعني .. مشيت كلمت امي انو خالد عايز يقابلني ضروري قعدت تتبسم قالت لي يعني ماقادر يصبر ليو ٥ يوم تاني قلت ليها يمة ما الفهمتيه لكن شكلو عندو كلام مهم قالت لي اتصلي ي بت كلها ٥ يوم وحتكونو ف وش بعض العمر كلو يحكي ليك العايز يحكيه .. وانا طالعه من امي كده لاقاني طارق سريع رفعت توبي قالي امل كيفك ؟ قلت ليو كويسة ي طروقي انت اخبارك اها السودان نفع معاك ولا نسيت العيشه هنا كيف قالي لالا ياخ معقولة ومتين انتي ي بت اتخرجتي لمن عملتي ليك عرس ؟؟ كان تروقي شوية قلت ليهو دي ياها مرت خالك هي الاصرت علي بعد شوية شفت خالد جاي من بعيد وعيوني ديل لمن حمر خفت منو بعد شوية ناداني بصوت عالي املللل!!! امي قالت سجمي دا صوت خالد؟ طارق اتلفت ... وعينهم وقعت على بعض !! ..

طارق اتذكر وهو بتكلم مع مؤمن ود خالي! وجنبهم زول قاعد مديهم ضهرو!!
ليه يا مؤمن ما كلمتني بالحاجة دي وانت عارف اني طلعت برة البلد دي عشان اجهز نفسي واجي اعرس امل ؟ مؤمن قاليهو والله ي غالي فارس صدمني لمن اتصل علي يوم بالمسا وقالي بكرة عقد امل على خالد ود جيرانا والله اتبكمت والكلام غلبني !! ياطارق كنت تضرب لي برضو؟؟ اضرب ليك اقوليك شنو يعني بعدين من البدايه كلمتك قلت ليك ي طارق امل دي سمحه أتقدم ليها قبل تسافر عشان ماتجي تلقا زول خطفا منك قلت لي هي بتحبني وماحتختار غيري اها يلا هدي نستك واختارت غيرك بعدين انت مشيت ٧ سنة ما ٧شهور وعرفت منها انكم م متواصلين تستنى فيك شنو وزول ماكلم أهلها انو دايرها؟؟ طارق سكت مسافة قاليهو العرس دا م لازم يتم ! مؤمن قاليهو روق انت والموضوع عارفه صادم لكن القسمه كده امل دي شيلا من بالك ... مؤمن لمن قام وطارق وراهو حس بانو الزول دا بحمر ليهو ساي !!! ما اشتغل بيه ..
وحاليا طارق اتأكد انو دا خالد العريس وخالد سمع الكلام كلو !!!

#يتبع

من الحاضر الى الماضي :
اما بعد :
اني تحررتُ من كل مخاوفي ، انا اليوم امرأة تضج المجالس بذكرها ..
انا اليوم امرأة لا يمكن لاي رجلُ كسرها ..
لم اندم لحظة على ايام الضعف تلك ف لولاها لما كنت هنا الان ..🌼💓
امل الشيخ

ك امرأة اوصدت الابواب عن كل العابرين خوفا وطوعا لامتثال اوامر الله ..
كان حقاً على الله ان يرضيني !
فكنت انت الرضى والعوض 💜
امل الشيخ

#خالدي10
امل الشيخ

وحاليا طارق اتأكد انو دا خالد العريس وخالد سمع الكلام كلو !!
امي اتقدمت لي خالد قالت ليهو يا ولدي الجابك شنو امل دي بعد كم يوم بتتلم معاها وهو كان غضبان شديد مسكني من يدي وجراني قدام اهلي كلهم استغربو وبقو يقولو ف شنو امي مسكته ي خالد ي ولدي ف شنو؟؟ قاليها خليني ي خالتي مع امل .. وساقني لحدي م مشينا غرفتي وقفل الباب قالي اقعدي قعدت شكله كان بخوف زاتو وقلت احسن مااتجادل معاه نهائي بقا ماشي وجاي ف الغرفة ! وانا ساكته بس بعاين ليهو !! قالي طارق دا م عايز اي حوار معاه .. قلت ليهو شفت منو شنو عشان تقولي كده؟ قالي ماعندك شغلة كلام يتنفذ وخلاص ! قلت ليهو ما ح اتجادل معاك بس الموضوع دا م حينتهي كده وطارق ود اهلي قبل تربطني بيك اي علاقة زواج ولو سمحت اتفضل اطلع عشان مامفروض تقعد معاي براي كده ! قالي ليه ؟ مش بقيت راجلك خايفة مني يعني؟ قلت ليهو خالد بالطريقة دي احنا حنتشاكل عشان كده اطلع برة والطريقة الهمجية القبل شوية العاملتني بيها قدام اهلي دي م بسمح ليك بيها انت فاهم؟ هسي يقولو شنو؟ انت قبل تعرسني بتعمل كده بعد العرس حتعمل شنو؟ والمشكلة انا مافاهمه مشكلتك شنو مع طارق ومن غير تسألني لو شاكي ف اي شي مثلا تعال اسألني ولومني لو م كنت معاك واضحه !!
قالي علاقتك بي طارق شنو كانت؟ قلت ليهو كان حبيبي ... حسيت عيونو عايزة تنفجر عديل قالي وليه غشيتيني وعملتي فيها بتحبيني مدام عندك زول ف حياتك ؟ قلت ليهو أولا انا ما غشيتك ولامثلت عليك انا صح مابعرفك بس من خلال تعاملك معاي بديت احبك لاني مقتنعه تماما الحب بجي بعد الزواج !
اما حكاية طارق ف دي حكاية قديمة شديد انا كنت وقتها ف تانية ثانوي وطارق كان خريج جا واعترف انو بحبني ! وهو وقتها كان عاجبني مابنكر قلت ليهو انت لسة ف بداية حياتك وبغش عليك لو قلت ليك حخش معاك ف علاقة قالي اطمني انا طالع برة السودان بالكتير سنتين بجهز نفسي وبجي بتقدم ليك رسمي ! ودا كان أول واخر شي بيني وبينو بعد كده هو فعلا سافر بس انا م شغلت نفسي بيهو لانو كان إعجاب يعني لو كمل بي زواج كان حيتحول حب ما كمل كده كده م اتكونت مشاعر تجاهو ! وعدت السنتين وهو ما جا ودخلت الجامعه وهو ما جا ولا اتصل علي بالغلط ، ودخلنا قروبات الاهل ولقيت رقمو سيفت عسى ولعل يتصل ! بس بقت تظهر لي حالاتو معناها رقمي معاهو ومافكر يتصل علي ويكلم اهلي بعداك قنعت ومسحت رقمو وشلتو من بالي تماما .. وانا لمن وافقت عليك كنت فاكراك زول حنين 🥺 ما زول بالطريقة دي انت حتى مافهمت الحاصل شنو جيت وغضبك سابقك يمكن حاحاول القى ليك عذر زي انك غرت منه وانو الاهل كلهم بريدوه او يمكن هو جاب سيرتي قدامك والله اعلم بس بتمنى يا خالد لي قدام م تتعامل معاي كده .. خليتو قاعد وفتحت الباب وطلعت .. لقيت امي وخالتي ايمان وريم وعلا وعمتي علوية ام طارق واقفين لي اتجاهلتهم كلهم ومشيت غرفة علا .. سامعة عمتي علوية هم جادين دايرين يتشاكلو قبل العرس ب كم يوم؟ ...
...خالد :
بعد طلعت كنت حاسي اني اتسرعت شديد في رد فعلي واسلوبي كان غلط جدا هسي نسابتي حيقولو عني شنو؟ بس انا لمن سمعت الكلام حسيت شياطين الدنيا كلها بتتنطط في راسي ..كيف يعني يقول العرس دا م لازم يتم !!! وغضبي زاد لمن لقيتو واقف وبتونس معاها بكل اريحيه .. معناها هي زاتا فعلا عندها ليو شي !! بس انا برضو غلطان كان افهم منها براحه وافهمها انا ليه عملت كده وطارق ليه عمل كده واخليها ترد علي .. بس بعدا كلو رغم اني واثق انها زعلت مني بس اسلوبها معاي كان بتاع نقاش واخذ وعطا لو وحده تانيه ف نفس مكانا م كان ملزمة تواصل العرس ! بس كلاما لي انو حاول م تتعامل معاي كده المرة الجاية م تكلمني كده ! فرحت لانها ماعندها مشكلة انها تكمل معاي !! 💜 وبالنسبة للحيوان طارق هو الخذلا وهو الخسرا ما من حقو يجي يبكي الاطلال هسي !
...
مشت الخمسة ايام وجا اليوم المنشود ..
صحيت من الصباح رغم اني لسة زعلانة من خالد وحاول يتصل علي كم مرة بس ما كنت برد ! ردة فعل خالد وترتني وخوفتني منه !! بس ما كان عندي طريقة غير اني اواصل وأهلي ماحيتقبله اني الغي العرس خصوصا امي ميتة على خالد موت 😑
مشيت الكوفير وكان معاي علا اختي .. وشكلها متواصلة مع خالد بس يحليلا ماقصرت !!💜 وقفت معاي وجابت لي اكل وكل ساعتين تجيب لي عصير ، وجود علا جنبي ف اليوم دا خلاني احس بقيمة الأخت أكتر وانو فعلا مكان الأخت صعب يتسدا ولو بمليون صحبة 🥺💜
اناهيد ماقصرت طبعا وكانت واقفة هي وريم ف البيت مع ضيوفنا الكتار 💜💜 اناهيد من الأصحاب البقدر اقول عليهم يا صحبة في الزمن الصعب 🥺💜💜💜💜

لحدي المساء كده بعد لبست الزفاف .. وجهزت علا جاتني قالت لي خالد برة !! اخليهو يجي ؟ قلت ليها طيب قالت لي انتي شايلة منو بسبب الموقف داك؟ سكت! قالت لي يشيخه م تخلي قلبك اسود الولد دا التراب الانتي ماشة عليهو باسو عشان ترضي والليله يوم عرسكم يعني احلى يوم ف حياتكم ماتنكدي على روحك وعليه الله يرضى عليك .. علا معاها حق مش انا رضيت اعرسه تاني زعلانة لشنو؟ انا يمكن ف البداية كنت خايفة من اخواتو ، وماراودني اي خوف من ناحيته يمكن كلام امي واخواني عنه خلاني مطمنه ليه ! طب هسي هو عمل شنو عشان اشيل منه دا كله ! اخدت نفس وغمضت وفتحت عيوني لقيته قدامي قالي ست البنات ! قلت ليهو عيوني !!! وانا م عارفة عيوني دي طلعت من وين ! قالي رضيتي عني؟ قلت ليهو بحبك ! وانا لسه مصدومة ف نفسي !! ماحسيت بيهو الا وهو شايلني وانا بقوليهو خالد قالي ياخي حرام عليك قلبك قاسي وانا بحبك شديد شديد شديد شديد شايفة علا تصور فينا ساي حقيقي حسيت نفسي فرحانه شديد وكل حاجه حسيت بيها انزاحت وقلبي اتملا فرح 🥺💜 قالي م مصدق انك قلتيها قلت ليهو تاني حتزهج منها زاتو 😘🙊🙊🙊 ضماني عليهو وباسني ف راسي قالي ربنا يبارك لينا ويسعدنا ومايفرقنا عن بعض يارب قلت ليهو امييين 💜 بعد شوية علا قالت لينا م تأخرونا ارح 💜💜🙈 بعدها مسكني من يدي وضغط عليها عاينت لي قبضتو على قدر ماقوية على قدر ما حنينة 💜 اتحركنا لحدي ما وصلنا العربية !!! ركبنا ولمن وصلنا الصالة لقينا اهلي واهلو منتظرين بفارغ الصبر 💜💜💜 نزلنا وسط كمية من الفرح والزغاريت، دموع امي كانت عشرة عشرة مشيت عليها وحضنتها قلت ليها مش انتي الاصريتي تخارجيني قالت لي وندمانه وسافة التراب لكن بركة الاطمنت عليك ي حبيبة قساي 💜💜 بعدها حضنت خالتو سعاد وبدورها باركت لي وقالت لي بيت مال وعيال وسعادة يارب العالمين 💜💜💜
دخلنا الصالة والاغاني دورت وم اظن ف زول قاعد ف مكانو زاتو🤣🤣🤣 اتلفت لي خالد قلت ليهو خلينا نقعد شوية بس خالد كان متغير كانو ما خالد القبل شوية .. وكان بعاين ،اتلفت مكان بعاين لقيت طارق واقف وبعاين لينا ، اوووف من طارق انا يعني فوق ما انو طلع ماراجل وجا ووفى بكلمتو بعد سنتين هسي جاي يزعل عشان عرستا، وبطريقتو دي حيخرب لي عرسي زاتو مسكت خالد من يدو حتى خالد انتبه معاي قلت ليو ارح نقعد ، مشينا قعدنا فعلا قلت ليو خالد قالي اي ! قلت ليو م تشغل بالك بي طارق المهم انا عايزة منو؟ قالي انا واثق فيك بس م واثق فيهو هو .. وفجأة فعلا نور الصالة طفا !!!
قالي صدقيني تلقيهو دا ود عمتك .. قلت ليهو مستحيل!! بعد شوية فارس وعمار مشو يتكلمو مع الاداريين ف الصالة قالو ليهم ف زول مخرب البلكات كلها وضربت مع بعض ودي خسارة ليهم قبلنا!
خالد قالي قومي قلت ليهو وين ؟ مسكني من يدي واتحركنا وانا بقول جواي لو دا طارق ماحسيبو!
كنا مولعين الفلاشات .. خالد لاقى عمار وقاليهو اننا حنمشي خلاص !! عمار قاليو احسن تمشو عشان الموضوع دا جاري شكلو واحنا زاتنا شكلنا حنمشي !
مشينا انا وخالد وكان حاجز لينا غرفة ف برج الفاتح (كورنثيا) طبعا اتخلعت قلت ليو خالد دا شنو؟ قالي شنو؟ قلت ليهو المكان دا غالي جدا 🌼💜 قالي انا الفترة الأخيرة تعبت ف الشغل عشان امتعك 💜 طول م ربنا ختا فيني روح ح أسعى عشان اخليك تنبسطي 💜💜💜 قالي يلا هسي اخواتي واخوانك واناهيد حيجو حعمل ليك اوت دور هنا قلت ليو انت جادي قالي اي 🙈💜💜💜 فعلا جو ناس امي واخوات خالد كلهم واناهيد وفعلا اتصورنا صور رهيبة شديد كمية هبل وحب ف الصور غير طبيعيه🙈💜💜
بعد شوية جاتنا خالتو سعاد بعد انتهى الاوت دور قالت لينا بعد كده نحن نمشي ي ولدي الزمن اتأخر! قاليها خير يا امي ..
سمعنا صوت كواريك واتلفتنا على محل الصوت ..

#يتبع

#خالدي11
امل الشيخ

فجأة سمعنا صوت كواريك واتلفتنا على محل الصوت ..
لقينا دي سلمى خالد جرا عليها وبقا واقف ليها سلمى مالك انتي كويسة؟؟ قالت ليهو شكلي بولد وزادت ف الكواريك! شادية قعدت تكورك انا من الصباح من قالت بتتوجع قلت ليها يا سلمى دا يمكن وجع ولاده قالت لي م اظن لسة خالتو سعاد قالت ليها ليه م كلمتيني طيب !! هي بكرية عشان كده ماعارفة شي امي قالت ليها ي سعاد ارح نطلع هسي خالد شال سلمى ومشينا برة ركبها ف عربيتو قالي م تمشي انتي وطلع من جيبو بطاقة ومفاتيح قالي ديل افتحي بيهم الباب قالي الشنط ف الغرفة قلت ليو م بخليكم ف الحالة دي قالي بصوت عالي حتكركري فستانك دا يعني ؟ بعد شوية قال لي نهى امشي معاها ي نهى واتلفت لي ناس شادية واناهيد ،انتو هسي حضرب لي عمار يجي يرجعكم ..
علا واناهيد رفضو يمشو مع عمار وقاليه حنرجع مع خالد لمن يجي يرجع نهى عمار ساق البقيه وفات ،قعدو يضحكو و قالو لي لازم نشوف البرج دا فهمه شنو دي فرصة من الله ماشين وهم بتكلمو كده وحسيت نهى مضايقة ! قلت ليها نهى لو مضايقة ومقلقة اتصل ليك على عمار يرجع وتمشي مع الباقين سكتت ماردت علي ..
وصلنا لحدي الغرفة وفتحتها .. ودخلنا وطبعا كلنا مدهوشين من الرهابة يخوانا ، خالد كان مالي الغرفه ورود وبالونات وحاجات لطيفة ، بعد شوية باب الغرفة ضرب مشيت فتحت قالي معاك سيرفس الغرف .. الف مبروك وربنا يسعدكم دخل ونزل العشاء .. وطلع ..
ابتهال ضربت ل نهى بعداك نهى خلقتها اتغيرت قلت ليها بسم الله ي بت مالك؟ ملامحها كانت م بتتفسر، بعد شوية قعدت تبكي قالت لي سلمى ولدها مات 💔طبعا زعلنا زعل قلت ليها ما تبكي ربنا يرحمه ويجعله سلف صالح يارب 💔 قالت لي كيف م ابكي عشان انتي مابتعرفي سلمى عشان كده الموضوع م فارق معاك هسي لو كان دي اختك انتي كنتي زعلتي !! انتي عايزة مننا شنو يشيخه من يوم دخلتي حياتنا وحياتنا اتخربت ، ابتهال أطلقت بي سببك وهدي سلمى الفي بطنها مات بي سببك ياخي انتي م بتحسي ؟ علا ردت ليها انتي المابتحسي والله واختي دخلها شنو ان شاءالله ؟؟ اناهيد قالت ليها مشت لي راجل ابتهال قالت ليهو طلقها ما ياهو من عمايلها! ولا مشت كتلت الفي بطن سلمى ي بت انتي عويرة؟ دي حاجات عند ربنا هناك امل ماليها دخل فيها ؟ قالت ليها التوتر المعيشنا فيهو خالد دا برضو مابسببها هي ؟ مانع اي وحده تكون على راحتها واي شي سوو لامل امشي لامل اقعدو مع امل شنو يعني مالنا اغبيا مابنفهم كرهناك قبل تجينا ! وبعد دا كلو دافع دم قلبه عشان يعمل ليك اوت دور ويحجز ليك غرفة خمسة نجوم ٣ يوم هنا ؟ قروشو دي مش اولى بيها علاج امي وابوي؟ علا ردت ليها اول شي استكيني اختي بيتها مفصول عن بيتكم تماما يعني لو عايزين م تجوها م تجو وهي زاتا م حتعمل ليكم شوشرة اطمني وبالنسبة لي الاوت دور والحجر خالد عارف نفسو لو بقدر او لا وانا متأكده خالد لو م عنده ميزانيه م حيعمل كده والحمدلله ي ستي انكم ظهرتو علي حقيقتكم عشان انا واختي نعرف بنتعامل مع منو وكيف !! وهسي يختي لو م عاجبك الوضع انزلي اضربي لاخوك يجي يسوقك ! اتلفت عليها قلت ليها عيب ي علا .. بعد شوية طلعت مننا وهي زعلانه .. اناهيد الليله وب شايفة بعيني وهي بتحكي لناس بيتهم اننا طردناها من الغرفة !! ..
بعداك طلعت وراها لقيتا قاعده ف نهاية الممر قلت ليها م تزعلي من علا دا مجرد نقاش واعتبروه م حصل وتعالي نفضت نفسها مني قالت لي م عندك فيني شغلة وحستنى اخوي هنا .. قلت ليها طيب باب الغرفة فاتح متى م حبيتي تخشي !
ماعارفة مر كم من الوقت بس صحيت على صوت خالد علا واناهيد كانو بحضرو ف فيلم وانا نمت الظاهر .. صحصحت وقمت على حيلي قلت ليه حمدالله ع السلامة وربنا يجعله سلف صالح ليهم ان شاءالله قالي تسلمي .. وسكت استغربت من ردة فعله .. علا واناهيد كانو مركزين معانا بعداك وقفو قالو نحنا حنمشي قاليهم ارح بوصلكم علا حاولت تتكلم سفها وطلع بعداك ودعوني ومشوا وراه ...
انا طبعا لحدي الان م كنت قلعت الفستان 🙂🤏 حاولت اطلعه براي بس م عرفت قلت دا شنو الغباء دا انا قبيل كان اخلي علا واناهيد يطلعوه معاي بعداك استسلمت للنعاس ونمت وتاني ماحسيت بشي !!
صحيت زي الساعة ٩ ونص لقيت خالد فاتح تلفونو وقاعد ف الاريكة ، قلت ليهو خالد قالي هلا استغربت شديد من ردة فعله قلت ليه هلا؟ قالي اي مستغربة يعني ؟ قلت ليهو اي مستغربة فعلا ! قالي خليك ف استغرابك دا تمام ! وقام على حيله وكان طالع وقفته قلت ليهو خالد ! وقف من غير يرد .. انا طبعا محرجة منه شديد ومحتارة ف التغيير الطرأ على الكائن دا ! معقول عشان اختو ولدت وولدها مات يكون محملني الذنب ! قالي عايزة شنو؟

قلت ليهو الفستان .. اتلفت علي وقالي مالو؟ قلت ليهو ماقادرة اطلعه .. ومفروض نرجعه الليله جا علي وفتح لي السستة من ورا وطلع خلاني ! وانا حقيقي محتارة هو ليه بعاملني كده ؟ طلعت الفستان واستحميت وغيرت لبستي لي فستان قصير بعد الركبة واسترابلس من فوق ، اسود مورد كدة، بعد شوية مشيت فتحت الشنطه حقت الريحة .. ولقيت امي كاتبه لي ف كل علبه نوع البخور .. وف مبخر كهربا طلعته وطلعت الصندل ومشيت ولعتو الغرفة بقت ريحتا رهيبة انا من زمان نفسي اعرس عشان البخور والدلكة والخمرة وحاجات النسوان دي 🙈🤣🤣🤣
قريب العصر كده سي خالد رجع .. لقا الجو لطيف وانا كنت متظبطه قالي انتي ليه عملتي كده مع نهى؟ قلت ليهو عملت شنو؟ قالي عاملة نفسك عبيطة يعني ! قلت ليو جد م فاهمه انت بتتكلم عن شنو؟ قالي امس طردتي نهى ليه؟ قلت ليهو انا؟ قالي اي انتي طردتيها قلت ليهو وانت صدقت كده؟ سكت مسافة قالي وهي حتكذب ليه ؟ قلت ليو تمام انا شايفة انو احنا استعجلنا ف موضوع العرس دا !! هو اتخلع قلت ليهو اول مرة جيت وعملت حركاتك دي وبرضو بنفس الأسلوب جيت تتهمني من غير م تفكر تسألني وبررت ليك ي خالد ! بس حاليا انا م مستعدة نهائيا ابرر ليك للمرة التانيه ! كان ف توب طلعته ف السرير مشيت لبستو وقلت ليه زي م دخلنا بالمعروف نطلع بالمعروف وانا م عايزة منك شي .. حاتصل لي عمار يجي يرجعني وحاجاتك دي كلها م عايزاها وحتى الفستان اللابساه دا حيرجع ليك!! هو سكت مارد علي طلعت موبايلي جا مسكه مني قالي م تتصلي وانا اسف بعدين عايزة الناس تقول عليك شنو؟! قلت ليهو اسفك دا بله واشرب مويته ماعايزاه .. وانا كلام الناس مابهمني..كنت فاكرة انك زول واعي وعاقل وفاهم ، نفس الكنت خايفة منو حصل انا بدي فرصتين بس وانت فشلت ف المرتين يا خالد م تتوقع اني اسامحك ! اما اختك القالت كده وانت صدقتها ! خليها تختار ليك عروس .. وطلعت خليته واقف ودموعي خاذلاني 💔 اول م نزلت تحت طلبت ترحال ووقتها م كان معاي ولاقرش لحدي م قربت على البيت اتصلت على علا قلت ليها تجهز لي المبلغ وتنتظرني برة وهي كانت عندها كمية من التساؤلات قلت ليها لمن اصل بفهمك !

......
طارق انت مجنون ؟؟؟؟؟ عمار عرف وانا المسكته منك !!!
يا احمد العرس دا لازم يفركشش ! يفركش!! ماعلى كيفك يا استاذ واحسن تشيل امل من حساباتك عارف ليه ؟؟ لانو امل خلاص م عندها ليك شي ! واعمل حسابك م تمشي ناس خالتي منى الفترة الجاية دي واقسم بالله عمار عرف وكان جاي يتشاكل معاك اسال مؤمن دا !!!!
........

اول م وصلت لقيت علا برة، اتخلعت لمن شافتني ببكي جات ادت بتاع الترحال قروشو وجات علي ودخلتني جوة اول ما دخلنا اتلاقيت مع عمار وهو جاي من الصالون طبعا اتخلع وجا علي بس انا كنت ببكي بس .. وماقدرت اشرح ليهم شي امي جات قعدت ولمن م فتحت خشمي بقت تتكلم وتقولي افتحي خشمك ي بتي دايرة الناس تاكل وشي ؟ علا قالت ليها يا أمي اكيد اخوات خالد عملو ليها مشكلة معاه ! امي قالت ليها بري خالد مستحيل يتصرف بعدم وعي كده ويخليها تجي براها قريب للمغارب كده .. عمار شال التلفون واتصل لي خالد ..
ماعدا نص ساعه خالد وصل ..

على لسان خالد :
للمرة الثانية اتصرفت بغباء معاها انا مشكلتي شنو دا طبعي كده يعني؟ ليه م جيت وسألتها عن الحصل وسمعت منها .. يمكن تحريش اخواتي وطريقة كلامهم خلتني اغضب وم اشوف قدامي بس دا م بيمنع اني امشي اسمع منها ، انا من دخلت الموضوع دا عارف انو ح اخش ف حرب ومحتاجه حكمة بس انا من اول موقف كلام نهى حرقني كيف تطردها وتخليها تمشي انصاص الليالي برجلينها عشان تصل البيت هسي لو نهى جاها شي لا قدر الله .. قطع تفكيري صوت تلفوني لقيتو عمار اخوها كيف م يتصل وانا سبت اختو تمشي براها !
رديت عليه وقال عايزني ف اسرع وقت .. مشيت ليهم اول م وصلت لقيتا قاعده بتبكي وامها وعلا بحنسو فيها ، كانت عايزة تقوم بس عمار أشر ليها تقعد !
علا طوالي اتكلمت هي قالت لي ورا الكلام دا نهى ياخالد؟ قلت ليها اي ! قالت لي غشت عليك قالت ليك شنو؟ انت عرفتها قالت ل امل شنو؟ سكت ! قالت لي م تسكت اتكلم ؟ قلت ليها كل العارفو انو امل طردتها ..
خالتي منى وعمار اتخلعوا ونططوا عيونهم!

#يتبع

#خالدي12
امل الشيخ

خالتي قالت لي قبل اعرف المشكلة هي شنو زاتا لكن متأكدة دي م اخلاق بتي امل واستحاله تعمل كده !
علا قالت ليهو نهى اختك سمعت امل كلام فارغ وقالت ليها احنا بنكرهك قببل تجينا وقالت ليها انها السبب ف طلاق ابتهال والسبب ف موت ولد سلمى وانها السبب ف انك بقيت متحكم فيهم وانك مكلف نفسك وعامل اوت دور وحاجز ف برج الفاتح والاولى علاج امك وابوك .. قاليك اختي ردت بعد دا كله؟ انت م بتعرف امل على كده سكتت واحنا ردينا على اختك وسكتناها وقلت ليها لو م عاجبك امشي حصلي اهلك ف المستشفى ! وهي فعلا طلعت وأمل لحقتها وحنستها بس الحسنه م بتنفع ف اختك واصرت انها تنتظرك برةه ف النهايه امل جات تعبانه ورقدت وخلت الباب فاتح م عارفه انها متهوره وممكن تمشي براها ! اكيد انت م كلفت نفسك تسمع القصه من امل وطوالي وقفت ف صف اخواتك .. عاين ي خالد قدام أمي وعمار انا ف البدايه كنت واقفة ف صفك .. بس خليك عارف حاجة وااااحده ،من يوم ما ابوي اتوفا ربنا يرحمه وانا مابخلي زول يسمع امل اي كلمه فارغة يمكن انا الأصغر بس امل انسانة طيبة شديد وم بتحب ترد ردود شينة ومابتستاهل الا كل خير وما دام انت م قدر مسؤولية اختي وماقادر تخلي بالك من بت يتيمه وكل يومين اهلك يجو يحرشوك تجي تشاكل اختي طلقها لينا .. لمن قالت كده حصلت صنة ف الحتة وعمار سكت مسافة .. بعد شوية عمار قال لو فعلا القالتو علا دا حقيقي ودا السبب بصراحه يا خالد انا م بقدر اضمن اختي معاك امل دي معزتها ف قلوبنا كبيرة وحاجه بتخلي دمعتها تنزل مستعد اقطعا وحتى لو كانت النتيجة طلاقها فتح عيونك يا خالد احنا لمن اقنعناها ع اساس حنشتري راجل وكلنا وقفنا ضدها لمن قالت خايفه من حكاية اخواتك الكتيرة دي ! قلنا انك زول فاهم ومتعلم وحتقدر تفصل بين معاملة اخواتك ومرتك لكن لو دا حيفتح لينا باب مشاكل امل دي خليها لينا هنا دا ولحقها ورقتها .. حسيت الأرض م شايلاني بعد كلامه دا .. يعني انا طلعت غبي فعلا وحسيت نفسي قدر السمسمة قدامهم ..وقفت على حيلي قلت ليه يا عمار انا اتسرعت فعلا وانا بالجد بعتذر بتمنى تقبلو اعتذاري وجا قصادي بس انا بعدت عنه لي ورا قالي خلينا نبدأ صفحة جديدة وانا بوعدك انو الحصل دا م حيتكرر ..💜🌼

....

وقفت على حيلي قلت ليهو ورقتي تصلني .. ومشيت دخلت غرفتي ماف زول من ناس بيتنا حاول يوقفني لأنهم عارفين زعلي بكون كيف !
امي قالت ليهو والله ي خالد يا ولدي دا كلام طايش ساي منك وحاليا ما ف يدنا شي غير ننتظرها تروق ونكلمها بالهداوة..
خالد مرق على هذا الأساس..

على لسان خالد:
كنت حاسس بالخذلان .. امل خلاص حتسيبني م هي قالت لي بدي فرصتين بس وانا الفرصتين خسرتهم ..
اول ما وصلت البيت جيت ماري بالصدفة بي غرفة نهى سمعتها بتتكلم مع ابتهال .. انتي ساي ورطيني هسي حيكون عرف الحقيقه ويجي يشاكلني قالت ليها م بسألك .. عرفت اني قدر شنو كنت غبي يعني انا م بعرف اخواتي؟؟
مشيت بهناك اللي هو مفروض بيتنا انا وامل قعدت ف غرفة النوم الاختارتها هي قطعا بتحب اللون دا 💜💜💜💜💜 حاولت انوم ماقدرت فتحت الواتس لقيتا خاته استوري شاشه سودا وكاتبة ،، ويؤذيك الذي تخاف عليه من الاذى ،، قدر شنو كرهت نفسي ...

.....
رفعت استوري شاشة سوداء وكتبت ويؤذيك الذي تخاف عليه من الاذى .. رسلوا لي كمية ناس وتشغيلات وزعلك وم زعلك ، من ضمن الناس ديل طارق قالي كيفك؟ قلت ليو هلا قالي ممكن اتصل عليك ضروري! قلت ف شنو ممكن يكون ضروري قلت ليهو طيب وفعلا اتصل ، سلم علي واخد وادى ف الونسة ، قالي ي بت الناس انا لسة عايزك !!! وشاريك ولو خالد م قدر مسؤوليتك ف انا قدرها !!! اول م سمعت الكلام دا منو قلبي بقا يضرب بسرعة وحاليا هبط وتجمدت سريع قفلت الخط ،، بقا يتصل كم مرة ورا بعض بس م كنت برد ،،تاني يوم من الكلام دا اتصلت لاناهيد ووريتا بس اناهيد ما وقفت معاي ..عكس م توقعت قالت لي ي امل الموضوع دا م لعب دا عرس وموضوع كبير وماف عرس بيخلو من المشاكل والحلول البتستخدميها قبل العرس دي تنسيها تماما ، لو اي وحده اهل راجلا يعملو ليها مشكلة تقوم تطلب الطلاق الحيفضل معرس منو؟ بالنسبة لي ود عمتك المتخلف دا انا شايفة انك بتتكلمي معاه باريحيه لازم تحسميه ! قلت ليها كان ممكن اصبر لو بس حسيت انو خالد مقدرني وواثق فيني ويجي يسألني، لكن وين اول م يملو ليهو راسو بغير تعاملو معاي قالت لي اكسبيهو ي امل م تخربي بيتك عشانهن منو الحتخرب بيتها عشانك وعليك الله روقي واعقلي ولو جا يصالحك صالحيه .. قفلت منها وانا بفكر ف كلامها ، ياربي ابتر العلاقه دي قبل تأذيني ولا اواصل واقول حيتيغير طب لو م اتغير !! بالنسبة لي طارق ف انا لازم اجوطها معاه عشان ارتاح من همه !

عمار جمعنا وحكى لينا انو الحاول يخرب الحفلة طارق !! بقت ف استفهامات كتيرة ف راسي ! امي قالت ليع الولد دا جن ولاشنو؟ يومداك خالد اتجنن ف امل بسببو! انا قلت الولد دا عاقل بس شكلو لاعاقل لاشي ! عمار قاليها عرفت من احمد انو شكلو عينه على امل! طبعا نططت عيوني امي قالت ليه اها والقسمه ادت امل لي غيرو يجي يبوظ للبت حياتا !؟؟
علا قالت ليهم م تتسرعوا هدي امل شكلها حتفركش ويجي نعرسها ليهو امي حمرت ليها قالت ليها البين امل وخالد دا سوء تفاهم واصلو الطلاق م حل ! قلت ليها يرضيك يمة كل يوم يحرشو يجي يشاكلني؟ من البداية دا الكنت خايفه منه! قالت لي ي بتي انا خالد دا قلبي رايدو من جوة واصبري ليهو شوية الولد محتاج حبه ايام وصبر عشان يعرف يتصرف معاكم ! قلت ليها نهائيا خالد دا خلاص بالنسبة لي غلطه ختيتوني فيها وطالعه منها ! عمار قالي ماتتسرعي ف اتخاذ قراراتك يا امل وقام طلع ..

على لسان خالد:
تاني يوم ابوي الصباح ناداني ، مشيت عليهو كيفك ياحاج قالي كيفي طار دا شنو البتعمل فيهو اليومين دي ؟ تصرفاتك م عاجباني زول عرس وتاني يوم مرتو ف بيت أهلها وهو ف بيتو ؟ وعشان شنو ؟ اسباب تافهه وانت زاتك تافه ! تضايقت من ابوي لمن قالي كدة، قالي زعلت مش ؟ سكت قالي زي زعلتي منك ي ولدي انت راجل والرجال م بركزو ف مشاكل النسوان دي كتير ! هسي خربت بيتك عشان شنو؟ عشان اختك وسوست ليك ؟ مشيت سألت مرتك؟ انت مشيت اتهمتها من غير تسألا وانا ف مكانا بعمل نفس العملتو ! عليك الله ي خالد انت زول كبير م محتاج اذكرك ربنا وصاك على مرتك وحيحاسبك على اي تصرف وعلى أي زعل انت سببو اعمل حسابك وم تزعل مرتك .. اخواتك ديل كان الوحده قالت ليك مرتك كتلت امك م تصدقن هسي امشي شوف ليك طريقة صالح مرتك وم تجيني خاشي من دونا .. ومرق خلاني ..

..
تاني يوم من الصباح صحيت من النوم صحصحت لقيت خالد ف وشي قالي صباح الخير يا كل الخير م اشتغلت بيهو مشيت غسلت وشي واتسوكت وجيت مارقة قالي م عايزة تتكلمي مع راجلك حبيبك المشتاق ليك ؟ لمن قال كده عاينت ليو بنظرة كلها سخف قلت ليو م تتعب نفسك حاليا منتظرة ورقتي قالي مستحيل أطلقك ،قلت ليو مصيرك تتعب وتطلقني !! قالي ي بت الناس انا بحبك ! قلت ليو الحب م كفاية ، غشيتني اول ايام خليتني اطمن ليك بعدها ظهرت على حقيقتك 💔 قالي بالمناسبة نحنا م سافرنا شهر العسل مسكت اعصابي ومشيت انا بقوليهو طلاق وهو بقولي شهر عسل ،مشيت قعدت اشرب ف الشاي جا قعد جنبي قالي انتي عارفه شاي خالتي دا م لاقاني زيو م رديت ليو بعد شوية قالي ناوية تعملي شنو ف يومك سفهتو قالي اها حنرجع متين ؟ قلت ليو خالد بطل تهبل ب روحك انا م شغالة بيك وحابة اوريك اني حشوف حياتي ومن بكره حنزل شغل 🌼💜وقمت على حيلي ..
علا جاتني جوة قالت لي ي بتي الولد من الصباح بتحايل عليك عشان ترضي قلت ليها بكرهو ولا ارادي قعدت ابكي ! حاسة اني مشتاقه ليهو نفسي احضنو ماعارفه متين اتكونت مشاعر تجاهو بس خلاص انا وهو م بننفع لي بعض ..
على لسان خالد :
- انا كلما اقول عرفتها ! بلقى نفسي دخلت ف دوامة جديدة وبكتشف انسانة جديدة ..
أمل كانت مميزة ، مميزة بطريقة خلت قلبي اول م شافها دق ليها بعد سنين طويلة ، رغم اني كنت قافل بوابة اسمها حب ..
امل اول ماشفتها حسيت قلبي طاير من الفرح .. انا ف الاول كنت فاكر انها لسة صغيرة يمكن عشان فرق السن بينا عشرة سنوات بس لما قربت منها لقيت انو عقلها اكبر عشرة مرات مما توقعت 🥺♥️
امل دايما بتدهشني بتركيزها ف تفاصيل صغيرة شديد انا لو عدت المشهد بالحركة البطيئة الف مرة مستحيل كنت اركز زي ماهي بتعمل ..♥️
انا ف الاول كنت فاكر انها مابتعرف تتكلم اصلا ..شوفتها هادية ومسكينة لمن غلط ♥️
بس اول م قربت منها اكتشفت انسانة كلامها كتير وضحوكة ،وشها بشوش اصلا و تفاصيل وشها هاادية ،
هادية ومريحة ما بمل من اني اتأملها .. ♥️
أمل كان كل اللي قلبها على لسانها ، ويمكن دا واحد من الحاجات الشدتني ليها ..
ملولة، وأحيانا زعِيلة ودمعتها قريبة ♥️ بتضحك كتير، ضحكة من القلب بس ف نفس اللحظه بتحس انو ضحكتها دي بتضمد بيها جروح قلبها وانكسارها♥️
قوية لأبعد مدى ،
حنينة شديد ،
م بتعرف تشرح لمن تزعل،
بتعرف تواسي ،
طيبة العالم كلها اتختت في قلبها،
انا وامل بنعرف بعض لينا زي شهر وكم يوم .. بس عرفت انو.. انو امل كانت انسانة مابتفرط فيها ومع ذلك انا فرطت ..💔

#يتبع

#خالدي13
امل الشيخ

انا وامل بنعرف بعض لينا زي شهر وكم يوم .. بس عرفت انو.. انو امل كانت انسانة مابتفرط فيها ومع ذلك انا فرطت ..💔
طلعت من بيتهم مشيت السوق بس م كنت قادر اركز ف اي شغل ،، التجار اصحابنا لمن شافوني استغربو ي زول انت جادي ؟ متين عرست انت اقفل ي زول وارجع الشغل ملحوق .. مشيتهم بالكلام ، اي تلفون يدق بفتكر انو دي هي ممكن تتراجع ف قرارها بس كنت بتضايق لمن القاها مكالمة شغل زي الضهر كده غلبني اواصل اليوم رجعت البيت اول ما جيت داخل ،فتحت الباب ودخلت مافي زول متوقعني اجي نص النهار جيت ماري بغرفة البناات سمعت صوت ابتهال ، ي بت لازم نخلي يطلقها .. سلمى ردت ليهم ي بنات انتو جنيتو؟ انتو م دايرين راحة خالد؟ اسراء قالت ليها سعادتو اصلو م مع البت دي ونهائي م اتبلععت لي .. سلمى قالت ليهم لو جيتو تعملو اي شي صدقوني ح اكلم خالد ! قامت شادية قالت ليها انتي اختنا ولا اختها ؟ قالت ليهم انا م بحب الغلط وفجاة الباب فتح وجات مارقة سلمى اتصدمت لمن لقتني ف وشها .. اشرت ليها تسكت قفلت البباب براحه وجاتني عايزة تبرر اشرت ليها تسكت بعداك ابتهال قالت ل شادية ونهى بعدين تشيلو صينيه كيك وشاي وتمشو تشربو معاهم الشاي وانتي ي نهى تغفلي بيها لي حته فاضيه احساس عايزة تعتذري منها بعد شوية تعملي نفسك اتزلقتي وتقعدي تكوركي ! الناس لمن تجيك ف شنو ف شنو تقوليهم معليش هي م قاصده حاجه اكيد اتضايقت من تصرفي اليومداك بسببي خربت عليها شهر العسل وتمثلي انك م لايماها وكدة ،، انا بقيت مصدوم من كمية الاجرام الفي اخواتي .. سقت سلمى من يدها قلت ليها مافي وحده منهم تعرف اني عارف ؟ قالت لي تمام ... مشيت لي امي .. قالت لي اتفضل ي ولدي لقيتا ف المصلاية بطولي وعرضي قعدت ف الارض وختيت راسي ف رجولها ! قلت ليها ي امي انا قصرت ف شنو ؟ طول عمري داير مصلحة اخواتي وبقدم سعادتهم على سعادتي ليه يجازوني كده؟ قالت لي اعذرن يمكن غارن منها انت اهتمامك كلو كان بيهن وفجأة اتحول منهم لي مرتك عشان كده صعب يتقبلو الحاجه دي ف الاول،قلت ليها لكن هم كده بدمروا لي ف حياتي ! م اتوقعت انهم كعبات كده ! ديل بخططوا تخطيط عشان يفشلو العرس هسي امل انتي شفتي منها شي كعب ؟ قالت لي م شفت منها حاشا شي كعب ! المشكلة فيك انت ي ولدي انت م قادر تتعامل كويس يا اما تميل على امل يا اما تميل على اخواتك ، وانت لازم تكون وسط ! حذاري تدخل الكيمان في بعض ، امل دي مرتك على سنة الله ورسوله وربنا بسالك منها وكفتها براها ي ولدي ، واحنا ف الكفة التانيه .. اخواتك قالن ليك كلام ادفنه معاهن هنا دا ، م تتسرع وتشاكل مرتك ؟ بعد يومين لو الموضوع كبير اسال مرتك انتي يا امل صحي حصل كده ! هي بتحكي ليك ! لكن مش تمشي ليها بالجرم المشهود ! كلنا بنغلط ي ولدي والشاطر البصلح غلطو ! انا اول كنت دايرة قعادك معاي لكن بيني وبينك اخواتك ديل انا زاتي بقيت اخاف منهن ! باستني ف راسي وقالت لي انا سالت بخيتة من بيت ناس عوض ااجمبهم قالت لي عارضنو للبيع لو بتقدر تشتريه !! قلت ليها كم ؟ قالت لي () قلت ليها تمام .. وقمت على حيلي ..
مشيت كلمت ابوي وانو المبلغ ناقص منو جزء ! ابوي قالي ماعندي مشكلة مشينا شفنا البيت انا والحاج وكان طابقين ،الارضي فيهو ٣ غرف و٣حمامات وصالتين كبار وجزء تاني للرجال كبير يعني البيت كويس ! ابوي لفتني قالي ي ولدي لكن انت بتكمل قروشك كلها هنا لسه راجياك مصاريف تانيه ؟ قلت ليهو لالا عندي دولارات بفكها وببدا بيها شغل وعندي بضاعة يعني المهم بتتسهل ، والمبلغ الشلتو منك زاتو اول م اربح برجعهم ليك ! ابوي قالي معناها توكلنا على الله ..

......
بكرة من الصباح صحيت بدري واتجهزت على اساس ماشة الشغل بتاع خال اناهيد ! اتصلت علي وقالت انه اشترو ليها عربية وحتجي غاشياني ! جهزت وانتهيت طلعت لقيت رقيون جات طبعا اتفاجات ومشيت عليها وسلمت عليها شديد يخسي عليك ي رقيون طلعتي كعبه اجازة شهرين من غير م تجي تحضري عرسي امي لوت لي خشمها وينو عرسك دا؟ سكت م رديت جيت قعدت جمبها كبيت لي شاي امي قالت لي كبي الكباية التانيه قلت ليها اي صح رقيون تعالي قالت لي دي لخالد راجلك ! قلت ليها خالد؟ قالت لي اي خالد قلت ليها انا كلمتي مابرجع منها ! قالت لي شوفي ي امل مافي ام بتفرح لمن بيت بتها يتخرب ! وانا عارفه اني الدبستك ف الموضوع دا ! بس خليك عارفة انا امس بليل مشيت سخنتها مع سعاد وبناتها ! وسعاد قالت لي ماراضين نهائي تصرف خالد وهو زاتو عرف غلطو ومدام عرف غلطو احسن ترجعي بيتك ! قلت ليها بيت واحد من البني ادم دا م عايزاهة! فجاة سمعت صوتو والبني ادم دا غلط وحابي يصلح غلطتو ! قلت ليو انت كيف تخش بيتنا بدون استئذان امي وقفت على حيلها قالت ليينا استاذن انا مااشة قريب وجاية ..

جا قعد جمبي قالي مافي زول غريب استاذن لشنو؟ قلت ليو خالد احنا البينا انتهى !! قالي م انتهى وانا مستعد اصلح غلطي اديني فرصة اخيرة ، بعداك سمعت صوت بوري قلت ليو دي اناهيد انا ماشه ! قالي على وين؟ قلت ليو م بخصك قالي انتي لسه على ذمتي بالمناسبة ! قلت ليو عشان انا بت ناس بس ح اقيف واوريك مع اني كلمتك امس اني حنزل شغل ! وقف قصادي وبقت مسافتنا قريبة وبقيت متجمده ف حتتي مسك يدي باسها قالي حلو بالتوفيق يا دكتورتي الغالية وطلع ....!
وقفت دقيقتين بعدو بجمع دا شنو وف شنو!! بعداك لقيت اناهيد ف وشي ي زفته حنتاخر اطلعي !! مشيت معاها ..
ف العربية اناهيد سالتني قالت لي عملتي شنو؟ قلت ليها ف شنو؟ قالت لي خالد ! شايفاه طالع من بيتكم اتصالحتو؟ قلت ليها لا قالت لي واي من قوة راسك يا امل خالد م حصل عرس قبل كده وموضوع اخواتو دا حياخد فترة حتى يتعود ويعرف كيف يفصل بينكم نسيتي اول موقف مع ابتهال عمل شنو ؟ ولا م بتتذكري ليهو الا الشين؟ ي بتي انتي حنة عرسك م مرقت ارجعي ليي بيتك ي بتي عليك الله ! قلت ليها سوقي الله يرضى عليك !!
طول اليوم بقيت شاردة وبفكر بس حتى ما ركزت شديد مع دكتور كمال المفروض حيدربنا اول اسبوعين 😑
نهاية الدوام كانت الساعه ٣ عصر كده قلت ل اناهيد ارح قالت لي اضربي لي راجلك يجي يرجعك ! قلت ليها والله؟ قالت لي مدام عندك راجل بي عربيتو ارجعك لشنو؟ قلت ليها اناهيد يخسي عليك عارفاني م بعرف للمواصلات ! قالت لي ي ماما انا قلت ليك راجلك م جبت سيرة مواصلات .. على سيرة راجلك تلفوني ضرب كان دا هو ؟ رديت قالي كيفك قلت ليو تمام قالي بتخلصي متين؟ قلت ليو م عندك شغلة سكت مسافة عرفتو اتضايق من كلامي قالي انا خلصت شغل ممكن اغشاك! قلت ليو لا راجعه مع اناهيد ، اناهيد كوركت خالد تعال سوق مرتك انا م برجعها .. قفلت الخط وبسرعه قلت ليها م تتكلمي معاي وحرجع بي ترحال وتاني م تجيني تسوقيني الصباح زاتو تمام؟؟ قالت لي اصلا م جاياك يجيبك راجلك يختي ! ومرقت خليتا لقيت عربية خالد واقفة دا متين وصل دا وعرف من وين انها هنا؟ سؤال غبي اكيد اناهيد ورتو ! لمن شافني نزل قالي مرتي ست البنات الدكتورة ! قلت ليهو الجابك شنو؟قالي والله الحاجه الوحيده ااما كنت عارفها انك لمن تقفلي صعبة كده بس ي ستي حستحملك ومصيرك تحني وترجعي لي 💜 قلت ليو انت عارف مشكلتك شنو انك فاكرني زي التجارة ! لمن تخسر عارف انك ممكن ترجعها وتربح ، بس ابشرك ما تحلم اني ارجع ليك تاني .. كمان عارف عشان م اظلمك انت تعاملك معاي حلو وكويس شديد بس اول م يملو ليك راسك بتتغير ! بس ماعيبك العيب عيبي انا الوافقت من غير خطوبة عشان اعرف فيها طباعك واختبرك ! انا طالعة من بيت محافظ وكويس واهلو بحترمه الصغير قبل الكبير واخواتك لو كذبو فيني وبهتوني وشاكلوني عمري م كنت ح اعلي صوتي ولا اشاكل ولا حتى اجي اشكيهم ليك ! دا الفرق بيني وبينك يا خالد انك متسرع وانا باخد الامور بحكمة ! عشان كدة ي خالد الله يرضى عليك سيبني ف حالي !
قالي انا بحبك ومستحيل اتخلى عنك واخواتي طالع مخلي ليهم البيت اشتريت البيت الجمب ناس حاجه بخيتة عشانك عشان اريح راسك منهم ! قلت ليو انا م عندي مشكلة المشكلة ف راسك انت لمن يملوهو م بتتفاهم ! عليك الله ي امل اصبري علي واتفهميني امل احنا صح م بينا قصة حب تخليك تتمسكي بي ، بس عليك الله م تسيبيني ي امل 💔 والله بدونك بضيع !
مشيت سبتو واقف وانا بعاتب نفسي ما مفروض امشي خالد م كان فضل ليهو الا يبكي ! خالد عمل العليهو بكفاية بس انا ! انا ليه بعمل فيهو كده ! بعد شوية وقفني صوتو ! لو مشيتي وسبتيني هسي اعرفي انو البينا فعلا انتهى !
انا مشيت 💔 مشيت وسبتو 💔💔💔
.......
خالد نهاية اليوم م جانا ف البيت ! صحيت بكرة من الصباح على امل ح القاهو جاي يصالحني ! بس م لقيتو ! خالد كان جادي ف كلامو يعني بس ليهو حق انا تعبتو نفسيا !
بعد يومين :
امي جاتني لقتني متغطية وسرحانة قالت لي خالد وين ليهو يومين م جا ! عيوني رقرقت ! قلت ليها م اظن يجي تاني!
امي جات قعدت جنبي ؟ طيرتي وارتحتي ؟ بذمتك ارتحتي هسي ؟ دموعي نزلت !انتي ي امل بتحبيهو لي بتكابري ؟ لمن امي قالت لي كده اتخلعت ! قالت لي قايلة ما واضح ؟ كل شوية تجي وتعايني للباب مستنياهو يجي صح؟ عيونك فاضحاك ي بتي امشي اعتذري ليهو وهو صح غلط بس والله م قصر خالد طلع من ناس امو عشانك ! واشترا بيت ناس عوض وجهزو ليك ! وانتي بالمقابل عملتي شنو ؟ ي بتي نحنا بشر وكلنا بنغلط ! مافي راجل بعترف بغلطو بالساهل بس خالد اعترف وحاول يصلحو ! والله لو لفيتي الدنيا كلها زي خالد ما حتلقي تاني ! كل دا وانا ساكته ! امي قالت لي حكمي عقلك بس اعرفي خالد لو جاب ورقتك تاني ماف فرصة رجوع! ... وطلعت مني لمن مشت قعدت ف نص السرير ..طلعت رقمو واتصلت ، مرة واتنين وعشرة مافي رد !
اخر مكالمة ردت لي خاالتو سعاد ! قلت ليها الو قالت لي معاك خالتك سعاد قلت ليها كيفك ف شنو خالد كويس؟ ..

#يتبع