اللهمّ اجعل (عم عثمان ) من الّذين سعدوا في الجنّة،خالدين فيها ما دامت السّموات والأرض. اللهمّ لا نزكّيه عليك، ولكنّا نحتسبه أنّه آمن وعمله صالحاً، فاجعل له جنّتين ذواتي أفنان، بحقّ قولك: "ولمن خاف مقام ربّه جنّتان". اللهمّ شفّع فيه نبيّنا ومصطفاك، واحشره تحت لوائه، واسقه من يده الشّريفة شربةً هنيئةً لا يظمأ بعدها أبداً. اللهمّ إنّه صبر على البلاء فلم يجزع، فامنحه درجة الصّابرين، الذين يوفّون أجورهم بغير حساب، فإنّك القائل " إنّما يوفّى الصّابرون أجرهم بغير حساب ". اللهمّ إنّه كان مصلي لك، فثبّته على الصّراط يوم تزلّ الأقدام. اللهمّ إنّه كان صائماً لك، فأدخله الجنّة من باب الريّان. اللهمّ إنّه كان لكتابك تالياً وسامعاً، فشفّع فيه القرآن، وارحمه من النّيران، واجعله يا رحمن ترتقي في الجنّة إلى آخر آية قرأها أو سمعها، وآخر حرفٍ تلاه. اللهمّ ارزقه بكلّ حرفٍ في القرآن حلاوةً، وبكلّ كلمة كرامةً، وبكلّ اّية سعادةً، وبكلّ سورة سلامةً، وبكل جُزءٍ جزاءً. اللهمّ ارحمه فإنّه كان مسلم، واغفر له فإنه كان مؤمن، وأدخله الجنّة فإنّه كان بنبيّك مصدّق، وسامحه فإنّه كان لكتابك مرتّل.

اللهم ارحم عمو عثمان برحمتك التي وسعت كل شيء، اللهم ان كان محسناً فزد من حسناته و تجاوز عن سيئاته اللهم انت ربه وانت خلقته نور قبره وآنس وحشته وبرد عليه ونقه من الذنوب والخطايا كما ينقى الثوب الأبيض من الدنس.

زميلتنا ابوها اتوفى وعاوزين نعمل ليهم سقية مبرد موية واتذكر اي مسكين واي زول يشرب من الموية اجرو ان شاء الله جايك ومضاعف
وقال رسول الله صلى الله عليه وسلم : " مانقص مال من صدقة"

لو البكا برجع ميت والله ابكيك عمري كلو عشان ترجع ي عمو عثمان😭💔

اللهم لا تحرمنا أجره ولا تفتنا بعده واغفر لنا وله واجمعنا معه في جنات النعيم يا رب العالمين ، اللهم أنزله منازل الصديقين والشهداء والصالحين وحسن أولئك رفيقا ، اللهم اجعل قبره روضة من رياض الجنة ولا تجعله حفرة من حفر النار ، اللهم افسح له في قبره مد بصره وافرش قبره من فراش الجنة اللهم أعذه من عذاب القبر وظلمة القبر ووحشة القبر ، اللهم املأ قبره بالرضا والنور والفسحة والسرور ، اللهم اغفر له وارحمه، وأردده إلى خير مما كان فيه، واجعل اليوم خير يوم جاء عليه عبدك ونزل بك فارأف به وارحمه ، اللهم جاف الأرض عن جنبيه وافتح أبواب السماء لروحه وتقبل منه بقبول حسن، اللهم إن كان محسناً فضاعف له الحسنات، وإن كان مسيئاً فتجاوز عنه السيئات
اللهم يا رب الأرواح الباقية والأجساد البالية والعظام النخرة التي خرجت من الدنيا وهي بك مؤمنة أدخل عليها روحاً وريحان وأسكنها أعلى الجنان ، اللهم اجعله من أهل اليمين وبيض وجه يوم الدين وثبت أقدامه على صراطك المستقيم وأمنن عليه بالفردوس مع النبيين والصديقين والشهداء والصالحين وحسن أولئك رفيقا
اللهم ارحم عبدك عثمان واغفر له وأرض عنه رضاء" يليق بسلطانك وأحله دار كرامتك وأدر عليه لطائف برك وإحسانك يارب العالمين💔😭😭😭😭😭

قالت :
اول م اتزوجنا ورجعنا من شهر العسل جا لقا شغلو كلو منهار، وصاحب عمرو اللي إئتمنو خانو واكل قروشو..

بقينا على الحديدة زي م بقولو !
بدل م اكون العروس البتفتح على راجلها وبتجيهو بالرزق!
جيت ليهو بالخسارة 💔

سمعت كلام من اهلو يسم البدن 💔 البيت العملو عشان نسكن فيه باعوا عشان يسدد ديونو 💔
اضطرينا ناخد غرفتو في بيتهم 💔 وكده باعتباري جيت الجحيم برجولي، حقيقة سمعت كلام عمري م سمعت زيو 💔 كنت بسكت عشان م اتسبب ليهو ف مشاكل اكتر من الهو فيها 💔

حقيقة عشنا سنتين ضوقتا فيهم الويل والعنف بازهى صوره والكلام المؤذي والجارح، وجات علينا ايام كنت م بقدر اكل اصلا لأنها بتشيل حالي حتى بالكذب اكلت وعملت ولمت الصحانه وفعلت ف حين اني بكون ماعارفه اي شي 💔

امو كانت متسلطة جدا على حياتنا، وبتجي تفتح غرفتنا وتفتش دواليبنا 😔
مرة ابوي هدا لي طقم دهب، لمن لقتو وقفت وردحت لي قالت لي بإمكانك تبيعي دهبك وتساعدي راجلك لكن انتي اصلا همك تكتفي وتشوفي خاسر الدنيا كلها عشان تتحكمي فيه وشالتو قالت حتبيعو 💔

يمكن ساعتها لأول مرة حسيت اني ما قادرة وعايزه ابكي 💔 وفعلا دموعي سابقتني 😔
هو جا داخل استقبلتو امو بهناك، وقالت ليه مرتك لامة الدهب انا لقيتو وشلتو بعتو عن عمك فلان ودي قروشو انا قلت ليك المره دي ممحوقة مافيها بركة طلقها لكن م سمعت كلامي💔

قاليها
منو القاليك انها م عرضت على الفكرة؟ انا الابيت اشيلو منها لانو دا هديه من ابوها، وهي م مقصره داعماني بي كل شي وانا متأكد انو دا امتحان من ربنا بيها وبدونها كنت ح اعيشو لكن ربنا لطف بي وخلاني اعرسها عشان تسندني وتقيف معاي!

وشال القروش وطلع مشى لي عمو ورجع الطقم 💕 وجا داخل لقاني ببكي لسة! سألني قالي مالك؟ قلت ليو مصدعة شديد قرب على وباسني على خدي ومد لي الطقم 😘 قالي زي م انتي واقفه معاي وخايفه علي وعلى حقي انا زاتي بخاف على حقك ♥️ صراحة فرحتي م ساعتني وحضنتو شديد💕💕💕

بعد كم يوم عندو واحد صحبو جاب ليهو شغل في الكويت وبي راتب كبير شديد كان م يعادل 150 مليون شهري 💕
وما كدا بس الشركة مدياهو سكن وعربية ♥️
زي م المصاعب بتجي كلها مع بعض..
كمان النعم بتجي كلها مع بعض..

وفعلا ربنا سهل لينا وسافرنا ♥️ ويمكن ي دأب بديت احس بي طعم الصبر والفرح ♥️ حالنا اتيسر ووضعنا اتحسن اكتر من زمان بي كتير ♥️

وما كدة بس بعد ٣ شهور تعبت ومشيت افحص لقيت نفسي حامل بي توأم ♥️

وراجلي كان شايلني جوة عيونو، وكل شوية يقولي انا م ناسي وقفتك جمبي وفضل يدعمني ويساعدني رغم انو صبري وووقفتي جمبو م كانت عشان مقابل كانت عشان بحبو ♥️😘

يوم جا لقاني فاتحه الفيس وجمبي أولادي الاتنين رامي ورؤى.. وبتصفح ف تجارة البنات دي وم حسيت بيو لمن دخل وكان ف توب خاطفني جدا قلت لأولادي التوب دا حيكون ماخد حته من امكم 😘😍💕 جا داخل وسحب مني التلفون وعاين للتوب كويس
قالي والله صراحه انتي تستاهلي اكتر من توب 💕
ومشا جاب لي شيلة تاني 😂😂♥️♥️♥️

حقيقة انا ماعارفه اقول ليكم اني غير بالصبر نلت ♥️

-يجماعه الحب أقوى دافع لي اننا نساعد بعض ونقيف مع بعض ونتحمل اي حاجه عشان بعض ♥️
يوفي الصابرون أجرهم بغير حساب ♥️
ف اللهم انسان يسندنا ونسندو يارب ♥️

#لين_نزار

اللهم قلبي والذي بقلبي 😔♥️

كان نفسي يكون عندي اخو اجري عليه احضنو كل م ازعل او احس ب اضطراب او زهج!
اخو حنون عطوف طيبان يغمرني بكلماته الدافيةة🌸
ينهال على ب العبارات البتمس قلوبنا ك بنات!
يقولي الجميل ليه زعلان؟
منو الزعل وردة بيتنا؟
حاسي بشنو زولي؟
شكلك عايزه تشمي هواء نضيف ارح نلف ونتونس ونجي حتى لو حوالين البيت بس 💕
حقيقة نحن البنات عايشين كبت نفسي مبالغ فيه!
معظمنا فاقد الحب من أسرته،،
تقريبا حب الأسرة معظمه بيطلع بصورة الهرش او الكلام المخبأ ف حمل ضمنيه حادة!

احنا محتاجين البساطة ف التعامل، محتاجين ايد حنينه💕
محتاجين كلمه بتي حبيبتي تتوسد كل النداءات 💕
محتاجين اخوان ظريفين غير معقدين يكرهونا حياتنا اكتر م احنا كارهنها 💕
محتاجين اخوان لو قاليه شايفين اختك غلطانه يقوليهم اختي م عندكم شغلة بيها! 💕
ويجي يناقشنا بكل روقة!
زهجنا من الكفوف والخبيت البدون سبب!
زهجنا من الكلام القاسي البيتقال ف شكل هظار 💕💔
محتاجين اخوات حنينات لطيفات غير متسلطات 💔
ف اللهم..
الكلام يطول..

اللهم النصيب الجميل من كل شيئ ♥️
#لين_نزار

متصدقيهوش لما ينام ويسيبك بحجة التعب، هو يقدر يفضل صاحي ٣ ايام بس هو مش عايز كدا ..
متصدقيهوش لما يتشغل عنك، هو يقدر يسيب اي حاجة ف ايده لو عايز يعمل حاجة حاببها
متصدقيهوش لما يقولك انه معندوش الامكانيات عشان يتقدملك، هو هيشتغل اي حاجة عشان يجيب ساعة عجباه او يشتري تليفون جديد ..
متصدقيهوش لما يتحجج بالنصيب، هو هيحارب جيش بحاله لو فعلا بيحبك وعاوزك ..
لا تصدقيه عزيزتي فهو فنان في اللف والدوران .. وتأكدي أنك لست من أولوياته وفقط 💜

السلام عليكم ورحمة الله ♥️

أعزائي الجمهور المتابع، الجمهور اللي م وقف لحظه في انو يدعمني اكتب وكان بيشعر تجاه الرضا في كل خاطره بكتبها وبرضوني بيها ♥️
الجمهور الاستقبل أفكاري البسيطه ودعمني في اني اتكلم عن أي موضوع عايزه اتكلم فيه♥️
الجمهور الكان بتلامسه احيانا الكلمات الكنت بكتبها ♥️
الجمهور السندني ووقف معاي ♥️
أتوجه ليكم بكل كلمات الشكر والحب ♥️
انتو بعد الله سبحانه وتعالى الهمتوني، احساسي بإنو ف ناس بتتابع الأنا بكتبه الخربشات كان كفيل بإنو يخليني اكتب ♥️ واكتب واكتب ♥️
انا سعيده جدا بالناس العرفتهم في مشوار كتابتي سعيده ابدا ودايما♥️
شكرا انكم كنتو الموتيفشن بتاعتي لمن كنت بقع ♥️ شكرا لأنكم كنتم ملاذي لما كانت بتضيق بي الدنيا ♥️

انا بشكركم وفي نفس الوقت بعتذر منكم على اني ح احذف القناه 💔
ماعندي اسباب معينه 💔
الكتابه كانت شغفي من وانا ف الصف السادس ولاحظوا اساتذتي ف كل مرحله جديده من عمري 💔
لكن الظروف، الاهل كل شي وقف ضد حبي للكتابة، قبل فتره طويله من تحطيم الأحلام م استسلمت و رجعت وبقوه اكبر كمان 💔
بس حاليا كل شي اختلف، شغفي قل واحلامي ضاعت قدام عيوني وبقى كل همي انو أيامي تمر بسلام فقط ♥️
الكان بعيقني اكتر سرقه كتاباتي من دون ذكر اسمي وبكده ضياع مجهودي 💔
ماعارفه السر شنو زول يسرق كتابة زول تاني تعب ف انو ينسق ليهو نص جميل عشان يصل لي غيرو بصوره حلوه ونزلو بدون اسم الكاتب او حتى مرات ينزلو باسمو حقيقي لمن كنت بشوف كتابتي بتتخت ف قروبات او صفحات وبتاخد اكتر من ألفين لايك م تتخيلو كميه الحزن البتطفي على 💔
تعبي في لحظه بتهد 💔
الليله وبعد 8 سنوات من بدايتي ف المجال دا لقيت اني مافي المكان الصحيح واني تقولت على المهنه فقط لا اكثر💔
وح ابدا في مشروع اني القى هوايه جديده او حته تستضيفني بسلام تام♥️
جيتكم وانا ماخدة قراري ♥️
عارفه ناس كتيره حتضايق من كلامي دا بس اعفوا لي والتمسوا لي العذر ♥️
مبسوطه شديد اني كنت يوم من الايام بينكم وانتو كنتو جمهوري العظيم ♥️♥️♥️

#لين_نزار

فضلا وليس أمرا 🥺🙏

ممكن تفضل طول عمرك م مقتنع بفكرة الارتباط، لحدي م يجي انسان كاسر اي فكره جواك ♥️
زول كده اول م تشوفو بتحس دقات قلبك اتسارعت ♥️ والادرينالين ارتفع وبقيت تتصبب عرق ♥️ وكل تركيزك ببقا معاهو❤️
انسان اول مره لما تشوفو حتقول والله دا الانسان الحابني معاهو مستقبلي ❤️ زول ممكن يكون عادي ولا اقل من عااادي زاتووو خالي من كل المواصفات والمقاييس المحددنها ♥️ زول بكون مقاس قلبك بطريقه ما او بأخرى تحس انو اتخلق ليك وانك قادر تتنازل عن اي صفه انت اخترتها مافيه 💜
زول توأم الروح بتحس بي انو دي روحك التانيه في جسد زول تاني وربنا خلاص حيلمكم 😍
الحب دا عندو احساس حلو شديد وشعور مختلف عن اي علاقه، بتكون مطمن انو القدامك دا بحبك وماحيسيبك وديل اكتر شعورين بخلو البني ادم مبسوط ومطمن ❤️
ربنا يرزقكم توأم الروح ♥️ اللي اول َم تشوفو قلبك يجري عليه وتتلاقو بالحلال قادر ي كريم ❤️
#لين_نزار

الخذلان او بمعنى آخر كسرة القلب 💔
طبعا الخذلان دا مابجي الا من زولك القريب، صحبك حبيبك اهلك 💔 عشان انت بتكون مآمن ليهم ومتعشم فيهم انهم قدر المكانه البتديها ليهم واكتر 💔
وهم للاسف م عندهم ليك نفس المكانه او نفس الريدة
ناس ببساطة خاينة عشره💔 ناس بتحاول تديهم عيونك لو طلبوها وهم م مستعدين يدوك ولا يدهم لو احتجت ليها 💔 ناس بتعرف تاخد منك و تستنزفك بس م اكتر 💔
قدامك بكونو ناس ظابطين وبوراك بكونو ناس تانيه انت م بتقدر تتخيلهم لحدي م تتصدم فيهم 😔💔
حاولو اختارو اصحابكم والناس القريبين ليكم بدقة، ما اي زول ينفع يبقي قريب 💔
والعشم ف القريب لو خذلك بموتك، دايما ادي مساحة بينك وبين اي زول عشان لو اتخذلت فيهو م تتعب 💔 وتكون خاتي خيار زي دا، م تقع في اي زول بي كلو ❤️
#لين_نزار

-
هذه التعاسة الرمادية في عينيها ، ما سرها؟
وماذا أستطيع أن أفعل كي ألوِّنُها؟💜

-
اللهُمَّ حِنِّيَةَ أَقْدَارِكْ💜

رُبما ستلتقيان مُجددًا ، عندما ستكونانِ أكبرُ قليلاً وستكونُ عقولکما أقلُ هيجانًا ، وسیكونُ مناسبًا لكِ وستكونينَ مناسبًة له. لكن الآن ، أنتِ لستِ سِوى فوضى لأفكاره ، وما هوَ سِوى سمٌ لقلبك .. ✨💜

-
في وقت معين انا بحتاج لزول يقولي انتِ صح ولو كنت غلط ..ما يناقشني 🥺
ما يطلع خبراتو على ضعفي وقلة حيلتي.. 🥺
بحتاج زول يذكرني اني زولة كويسةة وانو اي انسان ممكن يغلط.. 🥺
يقولي انو فعلا الموضوع دا لو ختيت نفسي مكانك كنت عملت زيك انتِ معذورةة وأنا ما بلومك.. 🥺
والله يجبر قلبنا عن كل زول جرحنا بكلمة
في الوقت الليي كنا فيه كتلة من الخيية والخذلان بتنزف محتاجةة طبطبهه💜🥺
#امل_الشيخ