دڵستێنی گەر دەکەی، وردی مەکە، نازدارە دڵ!
دڵڕفێن! تۆ دڵشکێنی، دڵستێنیت بۆ چییە؟

•عەلی حەسەنیانی•

تەنیا لێوی تۆم پێ ماچ دەکرد،
گەر دەمی هەبووایە شێعر.

•قوباد جەلیزادە•

ڕۆژگار شێواوترە، یا زولفی تۆ، یا کاری من؟

غونچە تەنگە، یا دەمی تۆ، یا دڵی بیماری من؟

لە دواییشدا
تۆ ئەپرسی: ئەی جێژوانی بە بێ ماچ لە چی ئەچێ؟
منیش ئەڵێم: لەو کەمانچە دانراوەی
لە سووچێکا چاوەڕوانە و کەس نایژەنێ.

•شێرکۆ بێکەس•

دڵخۆشی وەک جلی قوتابخانە وایە
هەرگیز لێم نایەت.

#دیوارنووس

چیرۆکە غەمگینەکەی پشت "لێ یارێ"،
چیرۆکێکە لە ناوچەی خوراسان ڕووی داوە.
چیرۆکی خۆشەویستیی "بەھمەن و گوڵنار".
لە 11ی نۆڤامبری 1905، تیرەیەکی تورکمان هێرش ئەکەنە سەر خێڵی "باچیانلو" و پیاوەکان ئەکوژن و 36 کچی کورد بە دیل ئەبەن و بە زۆرداری ئەدرێنە کوڕانی تورکمان.
"بەھمەن"ی شوان کە دوور لە ھۆزەکەی خەریکی شوانی بووە، ئەگەڕێتەوە و ئەبینێ ھەموو لایەک خاپوور بووە و بووە بە وێرانە و "گوڵنار"ی مەعشووقی لەنێو کچە دیلەکاندا بووە و لە بازاڕی كەنیزەکەکان ھەڕاج کراوە...
لەو ڕۆژەوە ئەگەڕێ و چەندی ئەکات نایدۆزێتەوە. ئیدی لەوکاتەوە تا ئەو ڕۆژەی ئەمرێت ھەموو ڕۆژێ ئەچێتە سەر گردێک و لەچاوەڕوانیی ئەڤیندارەکەی بە گریانەوە ئەو گۆرانیە پڕ شیوەن و ماتەمە ئەچڕێت...

Nîşan ji te ez nabînim gulnarê
Nîşan ji te ez nabînim gulnarê...

دەزانی بۆچی مەسروورم؟ ئیشارەی کردمێ دولبەر
وتی: حازر بە بۆ کوشتن! بەیانی جەژنی قوربانە :)

•تاهیر بەگی جاف•

جەژنانەیی من ڕووحه، کردوومه به قوربانت
تۆش ماچێ کەرەم فەرموو، لەو سێوی زنەخدانت
ڕووح و دڵ و دین هەرسێ، مەجمووع به یەک دەفعه
قوربانی سەعاتێکی، لەعلی لەبی مەرجانت

•حەریق•

سوارە ئەیوت: ئەوە بۆیە وا جوانە بە شامپۆ خۆی ئەشوات.
من نازانم شامپۆ چییە، بەس تخوا ئەگەر بوویتە ژنی من کەم خۆت بشۆ!
ئاخر ئەڵێن کچی شار هەر جارێ حەمام ئەکەن سێ سەعاتیان پێ ئەچێ
دەی ئاخر من سێ سەعات بێ تۆ چیبکەم؟

ژیان وەکوو تەرازوو وایە
دایم سووکەکان لە سەرەوەن =)

#دیوارنووس

وەکوو جگەرەیەکی داگیرساو لە نێوان پەنجەکانتدا،
نە کێشات و نە کوژاندتەوە.
مامەوە،
لە بیرت چوو خەریکم دەسووتێم.

•نزار قەببانی•

"من کچی سەردەمی ئاڵتوون و پارەم، بەڵام خۆت و گیرفانە بەتاڵەکانتم خۆش دەوێت."

ت پرزەی نەرمە وارانی
گوڵە زەردەێ وەهارانی
لە هاڵم کەێ خەوەر زانی
هزاران ژان لە دڵ دێرم...

•سەعید عبادەتیان•

دڵت گەر سەد یەکی سینەت نەرم با
نەرم بووی ئێستە بۆ ماچێک لە سینە :)

•هەژار•