#يوم_البقيع_العالمي
_
شوكت اعلگ الك شمعه يم گبرك أهل دمعه
بعيني ضاگت الوسعه حبيبي يالحسن
_
چم عام باقي أنتظر لزيارتك يابو الكرم
و اليا وگت گبرك يظل ما عنده گبه و لا علم
مشتاگ الترابك ارد اشمّه
يمن حتى بمماته باقي ظلمه
شنو ذنب الگبر فوگك يهدمه
لان امك الزهره و هند أمه
يبغضونك ابن حيدر عداوه سابقه من الذر
لأن بصنامهم كسر حبيبي يالحسن
_
بس ارد اشاهد گبتك و ادفع حياتي إلها ثمن
معقوله بالغربه تصير و انته لحبابك وطن
يا نور السمه يمضوي النجوم
بضريحك يمتى چا زوارك اتحوم
تجيك انصارك و تتعنى كل يوم
و يرد فرحان گلبه الجاي مهموم
نجيك و ننصب الموكب و نفتح ايدنه و نطلب
نشوفك واكف اتعزب حبيبي يالحسن
__
چم سالفه يمك يبو محمد اريد احچي بدمع
چا يمتى انظر گبتك و اعلگلك العشره شمع
شوكت عالعتبه اسجد تدري ولهان
و شباچك احضنه حضن عميان
مو كافي دمع مولاي و احزان
أريد أسمع علي يمك بالاذان
المناره امذهبه و حضره ورايه بگبتك خضره
ويانه تجي الزهره حبيبي يالحسن
____
هالحلم يمته انشاهده يتحقق و نمشي الك
و انعلي گبتك عالنجم و ايطوف بيها كل ملك
و نسويلك زياره ابيوم عاشور
على اوليدك القاسم نشعل ابخور
و سابع من صفر مو راس مطبور
على چبدك نحزها هاي النحور
نسوّي يمك المقتل الثاني انلعنه والأول
نشيعك بالصحن نرحل حبيبي يالحسن
_
يا هظيمه لسه گبرك بس ترب و شچم حجر
ماكو لا ناعي يگصدك لا محب يمك حضر
تريد الليله دعوه هاي الانصار
تدعو بالفرج الصاحب الثار
يجي يبني المراقد و احنه زوار
و نحرگها النواصب المنعت ابنار
دعائك عجل المهدي نجيك الگبرك انجدي
و تنطي حاجتي بيدّي حبيبي يالحسن
كلمات / حسين الأمين
_
شوكت اعلگ الك شمعه يم گبرك أهل دمعه
بعيني ضاگت الوسعه حبيبي يالحسن
_
چم عام باقي أنتظر لزيارتك يابو الكرم
و اليا وگت گبرك يظل ما عنده گبه و لا علم
مشتاگ الترابك ارد اشمّه
يمن حتى بمماته باقي ظلمه
شنو ذنب الگبر فوگك يهدمه
لان امك الزهره و هند أمه
يبغضونك ابن حيدر عداوه سابقه من الذر
لأن بصنامهم كسر حبيبي يالحسن
_
بس ارد اشاهد گبتك و ادفع حياتي إلها ثمن
معقوله بالغربه تصير و انته لحبابك وطن
يا نور السمه يمضوي النجوم
بضريحك يمتى چا زوارك اتحوم
تجيك انصارك و تتعنى كل يوم
و يرد فرحان گلبه الجاي مهموم
نجيك و ننصب الموكب و نفتح ايدنه و نطلب
نشوفك واكف اتعزب حبيبي يالحسن
__
چم سالفه يمك يبو محمد اريد احچي بدمع
چا يمتى انظر گبتك و اعلگلك العشره شمع
شوكت عالعتبه اسجد تدري ولهان
و شباچك احضنه حضن عميان
مو كافي دمع مولاي و احزان
أريد أسمع علي يمك بالاذان
المناره امذهبه و حضره ورايه بگبتك خضره
ويانه تجي الزهره حبيبي يالحسن
____
هالحلم يمته انشاهده يتحقق و نمشي الك
و انعلي گبتك عالنجم و ايطوف بيها كل ملك
و نسويلك زياره ابيوم عاشور
على اوليدك القاسم نشعل ابخور
و سابع من صفر مو راس مطبور
على چبدك نحزها هاي النحور
نسوّي يمك المقتل الثاني انلعنه والأول
نشيعك بالصحن نرحل حبيبي يالحسن
_
يا هظيمه لسه گبرك بس ترب و شچم حجر
ماكو لا ناعي يگصدك لا محب يمك حضر
تريد الليله دعوه هاي الانصار
تدعو بالفرج الصاحب الثار
يجي يبني المراقد و احنه زوار
و نحرگها النواصب المنعت ابنار
دعائك عجل المهدي نجيك الگبرك انجدي
و تنطي حاجتي بيدّي حبيبي يالحسن
كلمات / حسين الأمين
#يوم_البقيع_العالمي ٢
____
اكتبها باچر بالذهب يا علي فوگ القبب
تنبني أربع مناير للبقيع اتعنى زاير
___
مو بعيد الأمر هذا باچر ايحين الوعد
و اعتنيكم للمدينه و أوفي وياكم عهد
باچر الرايه بيمني و للحسن گلبي گصد
يم گبر جدي بحنيني اگعد و صوتي نشد
اقره يمك بالدمع و اعلگ بصحنك شمع
ما يظل كل شيعي حاير للبقيع اتعنى زاير
___
يا علي بالذهب باچر عالقبب چفي كتب
وعالنواصب سيفي يحكم و اجزي من چان السبب
باچر الزاير يشاهد امطرزه الحضره ذهب
و بعد ما نسمع لتشرك لليطوف و للنحب
ما يظل كل ناصبي يحكم بگاع النبي
و الصحن بالهيبه زاهر للبقيع اتعنى زاير
___
تعتني افواج المواكب قافله اتمد قافله
و صوت ابو الباقر ينادي يا هله و مية هله
و حضره وحده ما تكفي سهله هاي المسأله
اربعه باچر أسوي الوحده تشبه كربله
و المجالس بالصحن ينبني أكبر وطن
اربع اجداد المفاخر للبقيع اتعنى زاير
__
المهدي انه يا مصابي عالقبور المظلمه
أنظر و تذبح حسرتي ونزلت ادموعي دمه
منتظر موعد ظهوري و أبني گبة اعله السمه
و ابني من دمعات عيني گبر أمي فاطمه
اكتب بدمعي الجرن هذا گبر ام الحسن
و النبي ويايه حاضر للبقيع اتعنى زاير
___
أربعينية أسوي بالدموع و بالحنين
مثل ما لحسين نمشي نمشي صوب أم البنين
الها ابني اربع مناير لأن عدنه إلها دين
مثل ما ضحت ولدها و كل عمرها للحسين
ما اجازيها بشكر وفت لجدي عمر
يا حليب العدها طاهر للبقيع اتعنى زاير
حسين الأمين
____
اكتبها باچر بالذهب يا علي فوگ القبب
تنبني أربع مناير للبقيع اتعنى زاير
___
مو بعيد الأمر هذا باچر ايحين الوعد
و اعتنيكم للمدينه و أوفي وياكم عهد
باچر الرايه بيمني و للحسن گلبي گصد
يم گبر جدي بحنيني اگعد و صوتي نشد
اقره يمك بالدمع و اعلگ بصحنك شمع
ما يظل كل شيعي حاير للبقيع اتعنى زاير
___
يا علي بالذهب باچر عالقبب چفي كتب
وعالنواصب سيفي يحكم و اجزي من چان السبب
باچر الزاير يشاهد امطرزه الحضره ذهب
و بعد ما نسمع لتشرك لليطوف و للنحب
ما يظل كل ناصبي يحكم بگاع النبي
و الصحن بالهيبه زاهر للبقيع اتعنى زاير
___
تعتني افواج المواكب قافله اتمد قافله
و صوت ابو الباقر ينادي يا هله و مية هله
و حضره وحده ما تكفي سهله هاي المسأله
اربعه باچر أسوي الوحده تشبه كربله
و المجالس بالصحن ينبني أكبر وطن
اربع اجداد المفاخر للبقيع اتعنى زاير
__
المهدي انه يا مصابي عالقبور المظلمه
أنظر و تذبح حسرتي ونزلت ادموعي دمه
منتظر موعد ظهوري و أبني گبة اعله السمه
و ابني من دمعات عيني گبر أمي فاطمه
اكتب بدمعي الجرن هذا گبر ام الحسن
و النبي ويايه حاضر للبقيع اتعنى زاير
___
أربعينية أسوي بالدموع و بالحنين
مثل ما لحسين نمشي نمشي صوب أم البنين
الها ابني اربع مناير لأن عدنه إلها دين
مثل ما ضحت ولدها و كل عمرها للحسين
ما اجازيها بشكر وفت لجدي عمر
يا حليب العدها طاهر للبقيع اتعنى زاير
حسين الأمين
#يوم_البقيع_العالمي ٣
لسان حال الامام الحسين عليه السلام عند ذهابه للبقيع و يرى تلك القبور المهدمه لائمة الحق سلام الله عليهم
____
البقيع الطف رسم .. يفرق ألم بين المصابين
بدل رض الصدر .. هدم الگبر لاربع قرائين
بدموعي الهامله اگصدت من كربله
____
جيت من الطف لارض الغربه اجري بالدمعات
من اوصلت الدمعه طاحت ما بين الشمات
متوارد حيل اويه العاشر يالغرقد لچمات
تفرق عن الطف بجروحك ماكو مسبيات
جرح ينزف غرب .. صوت الترب أسمع نحيبه
مراقد اربعه .. يا فاجعه .. صارت غريبه
مواجع حاصله اگصدت من كربله
___
صوره انرسمت بين اعيوني و بحنيه ادور
گبر الخوه صار اگبالي ولن ظهري مكسور
ها يابو محمد ناشدته جاي حسين ايزور
منحز نحري بعاشر وانته هم عندك عاشور
وكفت اعله الگبر ظهري كسر من الرزيه
ألم يتبع ألم خويه انرسم حد المنيه
صور متواصله اگصدت من كربله
____
تتعثر بالخطوه انفاسي وصوت الگاع اينوح
صديت المرقد دمعاته چن بركان اتفوح
لن هذا السجاد اوليدي بونه ايعلم نوح
فوگ اترابه اتمدد طولي روح اتصبر روح
السبي غربه وبعد گبره اشد تذبح غربته
ندهته يا علي ونك إلي گلبي ذبحته
بقيود السلسله اگصدت من كربله
_____
شمس الله اتشع لكن ظلمه صاير كلشي بليل
للباقر و الساني ايردد بآيات التنزيل
ثاري ابليس الصاير يحكم وممنوع الترتيل
كلما عاين طيحت گبره أذكر رض الخيل
الحرگ بالطف خيم رد وهدم گبه و مناره
استمر وي حسرته من عمته راحوا يساره
الخدر و القافله اگصدت من كربله
______
للصادق حاولت بروحي خاطر احچي اوياه
احچي و صوت ايردد يمي لا تشرك بالله
غير احنه الاسلام و ربنه النه الدين انطاه
كلمن حاربنه خل يعلم بجهنم مأواه
أصل كل الخلق احنه وصدق أصل البدايه
بأمرنه تبتدي وهم تنتهي كل البرايه
الوجود بأكمله اگصدت من كربله
حسين الأمين
لسان حال الامام الحسين عليه السلام عند ذهابه للبقيع و يرى تلك القبور المهدمه لائمة الحق سلام الله عليهم
____
البقيع الطف رسم .. يفرق ألم بين المصابين
بدل رض الصدر .. هدم الگبر لاربع قرائين
بدموعي الهامله اگصدت من كربله
____
جيت من الطف لارض الغربه اجري بالدمعات
من اوصلت الدمعه طاحت ما بين الشمات
متوارد حيل اويه العاشر يالغرقد لچمات
تفرق عن الطف بجروحك ماكو مسبيات
جرح ينزف غرب .. صوت الترب أسمع نحيبه
مراقد اربعه .. يا فاجعه .. صارت غريبه
مواجع حاصله اگصدت من كربله
___
صوره انرسمت بين اعيوني و بحنيه ادور
گبر الخوه صار اگبالي ولن ظهري مكسور
ها يابو محمد ناشدته جاي حسين ايزور
منحز نحري بعاشر وانته هم عندك عاشور
وكفت اعله الگبر ظهري كسر من الرزيه
ألم يتبع ألم خويه انرسم حد المنيه
صور متواصله اگصدت من كربله
____
تتعثر بالخطوه انفاسي وصوت الگاع اينوح
صديت المرقد دمعاته چن بركان اتفوح
لن هذا السجاد اوليدي بونه ايعلم نوح
فوگ اترابه اتمدد طولي روح اتصبر روح
السبي غربه وبعد گبره اشد تذبح غربته
ندهته يا علي ونك إلي گلبي ذبحته
بقيود السلسله اگصدت من كربله
_____
شمس الله اتشع لكن ظلمه صاير كلشي بليل
للباقر و الساني ايردد بآيات التنزيل
ثاري ابليس الصاير يحكم وممنوع الترتيل
كلما عاين طيحت گبره أذكر رض الخيل
الحرگ بالطف خيم رد وهدم گبه و مناره
استمر وي حسرته من عمته راحوا يساره
الخدر و القافله اگصدت من كربله
______
للصادق حاولت بروحي خاطر احچي اوياه
احچي و صوت ايردد يمي لا تشرك بالله
غير احنه الاسلام و ربنه النه الدين انطاه
كلمن حاربنه خل يعلم بجهنم مأواه
أصل كل الخلق احنه وصدق أصل البدايه
بأمرنه تبتدي وهم تنتهي كل البرايه
الوجود بأكمله اگصدت من كربله
حسين الأمين
#استشهاد_الصادق_ع
____
جم خيمه رسمت حركة الدار
جم طفل شفته ايشاكف النار
أكبر جرح من عمتك و اتصورتها بونتك
____
شنهو شفت من حركوا الدار
ليش الدمع صبيته محتار
شنهوه شفته بعينك و ليش
حيلك انهد ابشبت النار
ليش صبيت عالخد الدمع
ليش مرسوم بعيونك ضلع
ليش وجهك اشوفه منصفع
شفتك وكفت اتعاتب الباب
ضلع امي لسه اتكله ما طاب
اسمع حچي عاطفتك و اتصورتها بونتك
__
منهظم كلبك سيدي هواي
اتاذيت لمن جابوا الماي
ما تقبل ايطفوها للنار
جنك ذكرت الخيمه مولاي
نار جابتلك من الطف صور
نار و جمرات من ذاك القهر
نار بعماتك امخليه أثر
هم انجوت طفله بذاك الرماد
و لا رأس مرفوع اعله مياد
ما فارگت ذاكرتك و اتصورتها بونتك
___
كربله ازغيره اتشوف و تنوح
و اعله السبيه طلعت الروح
مثل الشمع و العمتك اتذوب
امن الحرگ چفها هواي مجروح
ادموع شرحت تفاصيل الألم
ادموع وشلّت عينك عالخيم
ادموع راوت الك كل الهظم
شفت اعله دارك ركضت الناس
و حسين صدره اركاض ينداس
شوف الفرق ناشدتك و اتصورتها بونتك
__
حركوها دارك صح على أطفال
بسما جتفوا أيديهم بالاحبال
فزعوا انصارك موش عدوان
و ما ركضت اختك بين الارجال
خيل ما اجت يمك بالفزع
خيل و لا راس منك منكطع
خيل و لا قرط طفله منزع
زينب شفتها ابدون الحسين
لمن مشت مجتوفه الايدين
ما چتفوها ابنيتك و اتصورتها بونتك
____
كل هذا و انته سالم الرأس
و ماكو اعله صدرك خيلهم داس
و لا شفت أخو مكطوع الازنود
و لا تضرب اختك هجمت الناس
ناس حضرت الهزّل للسبي
ناس اتسب بعيالات النبي
ناس بالسوط تضرب عالعبي
الله يعينك شفت الآثار
أمك و عمتك رسمت الدار
الحد ما متت حاركتك و اتصورتها بونتك
حسين الأمين
____
جم خيمه رسمت حركة الدار
جم طفل شفته ايشاكف النار
أكبر جرح من عمتك و اتصورتها بونتك
____
شنهو شفت من حركوا الدار
ليش الدمع صبيته محتار
شنهوه شفته بعينك و ليش
حيلك انهد ابشبت النار
ليش صبيت عالخد الدمع
ليش مرسوم بعيونك ضلع
ليش وجهك اشوفه منصفع
شفتك وكفت اتعاتب الباب
ضلع امي لسه اتكله ما طاب
اسمع حچي عاطفتك و اتصورتها بونتك
__
منهظم كلبك سيدي هواي
اتاذيت لمن جابوا الماي
ما تقبل ايطفوها للنار
جنك ذكرت الخيمه مولاي
نار جابتلك من الطف صور
نار و جمرات من ذاك القهر
نار بعماتك امخليه أثر
هم انجوت طفله بذاك الرماد
و لا رأس مرفوع اعله مياد
ما فارگت ذاكرتك و اتصورتها بونتك
___
كربله ازغيره اتشوف و تنوح
و اعله السبيه طلعت الروح
مثل الشمع و العمتك اتذوب
امن الحرگ چفها هواي مجروح
ادموع شرحت تفاصيل الألم
ادموع وشلّت عينك عالخيم
ادموع راوت الك كل الهظم
شفت اعله دارك ركضت الناس
و حسين صدره اركاض ينداس
شوف الفرق ناشدتك و اتصورتها بونتك
__
حركوها دارك صح على أطفال
بسما جتفوا أيديهم بالاحبال
فزعوا انصارك موش عدوان
و ما ركضت اختك بين الارجال
خيل ما اجت يمك بالفزع
خيل و لا راس منك منكطع
خيل و لا قرط طفله منزع
زينب شفتها ابدون الحسين
لمن مشت مجتوفه الايدين
ما چتفوها ابنيتك و اتصورتها بونتك
____
كل هذا و انته سالم الرأس
و ماكو اعله صدرك خيلهم داس
و لا شفت أخو مكطوع الازنود
و لا تضرب اختك هجمت الناس
ناس حضرت الهزّل للسبي
ناس اتسب بعيالات النبي
ناس بالسوط تضرب عالعبي
الله يعينك شفت الآثار
أمك و عمتك رسمت الدار
الحد ما متت حاركتك و اتصورتها بونتك
حسين الأمين
عندما تريد أن تكتب القصيدة ، تخيّل أن الإمام الحسين (عليه السلام) هو الذي أعطاك الورقة قائلا اكتب لي قصيدة .. كيف ستكتبها ؟
مما قاله لي الملا باسم في لقائنا الأخير في كربلاء المقدسة.
* نقلاً عن الشاعر الحسيني الأديب علي عسيلي العاملي
#محرم_على_الأبواب
#الحاج_باسم_الكربلائي
مما قاله لي الملا باسم في لقائنا الأخير في كربلاء المقدسة.
* نقلاً عن الشاعر الحسيني الأديب علي عسيلي العاملي
#محرم_على_الأبواب
#الحاج_باسم_الكربلائي
#محرم_الحرام
السلام عليكم ورحمه الله وبركاته
سنبدأ ببركة أبا عبد الله الحسين عليه السلام
قصائد شهر محرم الحرام ١٤٤٤ هــ
نسأل الله التوفيق و السداد وأن يكتبنا من خدمة محمد وآله الطاهرين
لا تنسوني و والديّ من خالص دعائكم
#حسين_الأمين
السلام عليكم ورحمه الله وبركاته
سنبدأ ببركة أبا عبد الله الحسين عليه السلام
قصائد شهر محرم الحرام ١٤٤٤ هــ
نسأل الله التوفيق و السداد وأن يكتبنا من خدمة محمد وآله الطاهرين
لا تنسوني و والديّ من خالص دعائكم
#حسين_الأمين
#استهلالية_محرم
_
يعاشورك هلاله منرسم بيه
يعاشورك ما فاركته ليليه
كل يوم اليمر عاشر بكلبي و دمعتي امساهر
يعاشورك
___
اهلالك ما يغيب ابيوم خاطر هالشهر يظهر
يبو اليمه المصابك صار خدي ابدمعته امحفر
و ابسابع نحيبي اعليك اشوفك عالثره اموذر
انسه أيامي و أهلي حسين و أذكر كطعة المنحر
على امصابك عاشرت الحزن عشره
على امصابك ما تكفيلك العشره
هلبت بالجزع ناصر بكلبي و دمعتي امساهر
يعاشورك
_
عايش و العمر طرواك بيك أيامي كاضيها
هيه الدنيه دونك بيش غير انته المحليها
من عاشور و العاشور روحي تموت و احييها
الناس الذبحتك يحسين ريحة ناس ما بيها
يمذبوحي ماردني صبح حزنك
يمذبوحي رايدلي جرح منك
الجرحك انحسب شاعر بكلبي و دمعتي امساهر
يعاشورك
_
ناسيك شوكت يحسين عاشر بيه يوميه
ناصبلك مجالس ليل و اقرالك بروحيه
حادي الجرح ما يرتاح يشبه ظعن مسبيه
انام بصوت لطميه و افز بصوت لطميه
يفدواتك سنيني و كل هلي و ناسي
يفدواتك مهجة روحي و إحساسي
لو ما انته ما صاير بكلبي و دمعتي امساهر
يعاشورك
__
ما فارك دمعتي عليك اليفاركنه بس كبري
إذا موش بجروحك هام ما يسواش كل عمري
مو عشرة لطم يحسين عشرة وياك ادك صدري
ياريت الاجر مولاي جمره من الخيام أجري
اروح الوين غيرك منهو سواني
اروح الوين خيرك كلي غطاني
بدونك ضايع و حاير بكلبي و دمعتي امساهر
يعاشورك
___
كلبي جن علك شباج حيل بمجلسك شدني
امشي اعليك أبو فاضل من ابتعد لتهدني
ابدي سنيني يمك ماي خاطر ترجع تلمني
هوه العايش ابلياك لا حبه ولا يحبني
يفاتحتك تعيشني الجرح و التل
يفاتحتك اموت بساعة المقتل
من اسمع داسك الحافر بكلبي و دمعتي امساهر
يعاشورك
كلمات / حسين الأمين
_
يعاشورك هلاله منرسم بيه
يعاشورك ما فاركته ليليه
كل يوم اليمر عاشر بكلبي و دمعتي امساهر
يعاشورك
___
اهلالك ما يغيب ابيوم خاطر هالشهر يظهر
يبو اليمه المصابك صار خدي ابدمعته امحفر
و ابسابع نحيبي اعليك اشوفك عالثره اموذر
انسه أيامي و أهلي حسين و أذكر كطعة المنحر
على امصابك عاشرت الحزن عشره
على امصابك ما تكفيلك العشره
هلبت بالجزع ناصر بكلبي و دمعتي امساهر
يعاشورك
_
عايش و العمر طرواك بيك أيامي كاضيها
هيه الدنيه دونك بيش غير انته المحليها
من عاشور و العاشور روحي تموت و احييها
الناس الذبحتك يحسين ريحة ناس ما بيها
يمذبوحي ماردني صبح حزنك
يمذبوحي رايدلي جرح منك
الجرحك انحسب شاعر بكلبي و دمعتي امساهر
يعاشورك
_
ناسيك شوكت يحسين عاشر بيه يوميه
ناصبلك مجالس ليل و اقرالك بروحيه
حادي الجرح ما يرتاح يشبه ظعن مسبيه
انام بصوت لطميه و افز بصوت لطميه
يفدواتك سنيني و كل هلي و ناسي
يفدواتك مهجة روحي و إحساسي
لو ما انته ما صاير بكلبي و دمعتي امساهر
يعاشورك
__
ما فارك دمعتي عليك اليفاركنه بس كبري
إذا موش بجروحك هام ما يسواش كل عمري
مو عشرة لطم يحسين عشرة وياك ادك صدري
ياريت الاجر مولاي جمره من الخيام أجري
اروح الوين غيرك منهو سواني
اروح الوين خيرك كلي غطاني
بدونك ضايع و حاير بكلبي و دمعتي امساهر
يعاشورك
___
كلبي جن علك شباج حيل بمجلسك شدني
امشي اعليك أبو فاضل من ابتعد لتهدني
ابدي سنيني يمك ماي خاطر ترجع تلمني
هوه العايش ابلياك لا حبه ولا يحبني
يفاتحتك تعيشني الجرح و التل
يفاتحتك اموت بساعة المقتل
من اسمع داسك الحافر بكلبي و دمعتي امساهر
يعاشورك
كلمات / حسين الأمين
#استهلالية_محرم_الحرام ٢
__
اخذني اوياك حد ما موت بلكت موتتي بجرحك
وعيشني دفو احساسك موش احساس اليذبحك
حبيبي يا حسين حبيبي يا حسين
_
يا اول نده بالصيف
طايح و السمه نزفه
الگاع ابصايته تغفه
اجروحه امن النزف ترفه
رويني .. العطش چتال إذا ما أرتوي بمايك
فهمني .. شلي بعقلي لو ما ياخذ برايك
دليني .. الحلم رحال حتى بكل حلم جايك
نور الكون منك صار من شافك نمت عالگاع
لو ما رحمتك يحسين كل الكون بعدك ضاع
حبيبي يا حسين حبيبي يا حسين
_
يا لون العشگ اسمك
حائك للحيا تمثال
سينك سورة الانفال
نورك نوّر الاجيال
اجرحني ... تره المجروح ... تصبح دمعته اسمه
الجمني... اريد ارتاح ... اوياك اللجمه هم نعمه
سويني ... أويس اوياك ... گلبي بمجلسك علمه
أخذ مني ظلام الليل رايد من وجه صبحك
كل الشاهدك حبّاك هايم بيك ظل رمحك
حبيبي يا حسين حبيبي يا حسين
___
يا سوره بلا ترتيل
عشت بالروح مو بالعين
دين الله و أصل هالدين
كلشي ايعود الك يحسين
خليني ... علگ شباچ ... لو بالمجلس اعگدني
الچمني ... بحرگ خيمات ... و عالشوغات عودني
ذوبني ... اعله طاري النوگ ... وبسحك الخيل لوعني
جروحك آية التنزيل والطف چن نبي مرسل
الخيمه كعبة الاحساس و جبل حواء صار التل
حبيبي يا حسين حبيبي يا حسين
___
يا أول جرح محبوب
الشالك بالگلب ضمك
تلچمه و يرجع ايشمك
تصير الدنيه عنده اسمك
علمني ... الذليل ايعيش ... بس يموت بالسكته
ذكرني ... انه موش انه ... بس انته تظل انته
لوّني ... برماد اخيام ... جون اسود و بيضته
وياك الجزع مريود مو بس عَشره لا عِشره
الطاري الخيل اموتن كون مو مره ألف مره
حبيبي يا حسين حبيبي يا حسين
___
يا شمس الظهر بالليل
امساهر و الضوه نايم
السيف بمنحرك هايم
حياة بخنصرك راسم
جنّني ... العقل مريود ... بس اوياك ماريده
ريحني ... هلالك وين ... چا يمته يهل عيده
گاودني ... إذا مو انته ... ياهو الالزم بأيده
يساكن روح روحي شلون يفارگني بعد ذكراك
ينساني الله اي يحسين لو فد لحظه إني انساك
حبيبي يا حسين حبيبي يا حسين
حسين الأمين
__
اخذني اوياك حد ما موت بلكت موتتي بجرحك
وعيشني دفو احساسك موش احساس اليذبحك
حبيبي يا حسين حبيبي يا حسين
_
يا اول نده بالصيف
طايح و السمه نزفه
الگاع ابصايته تغفه
اجروحه امن النزف ترفه
رويني .. العطش چتال إذا ما أرتوي بمايك
فهمني .. شلي بعقلي لو ما ياخذ برايك
دليني .. الحلم رحال حتى بكل حلم جايك
نور الكون منك صار من شافك نمت عالگاع
لو ما رحمتك يحسين كل الكون بعدك ضاع
حبيبي يا حسين حبيبي يا حسين
_
يا لون العشگ اسمك
حائك للحيا تمثال
سينك سورة الانفال
نورك نوّر الاجيال
اجرحني ... تره المجروح ... تصبح دمعته اسمه
الجمني... اريد ارتاح ... اوياك اللجمه هم نعمه
سويني ... أويس اوياك ... گلبي بمجلسك علمه
أخذ مني ظلام الليل رايد من وجه صبحك
كل الشاهدك حبّاك هايم بيك ظل رمحك
حبيبي يا حسين حبيبي يا حسين
___
يا سوره بلا ترتيل
عشت بالروح مو بالعين
دين الله و أصل هالدين
كلشي ايعود الك يحسين
خليني ... علگ شباچ ... لو بالمجلس اعگدني
الچمني ... بحرگ خيمات ... و عالشوغات عودني
ذوبني ... اعله طاري النوگ ... وبسحك الخيل لوعني
جروحك آية التنزيل والطف چن نبي مرسل
الخيمه كعبة الاحساس و جبل حواء صار التل
حبيبي يا حسين حبيبي يا حسين
___
يا أول جرح محبوب
الشالك بالگلب ضمك
تلچمه و يرجع ايشمك
تصير الدنيه عنده اسمك
علمني ... الذليل ايعيش ... بس يموت بالسكته
ذكرني ... انه موش انه ... بس انته تظل انته
لوّني ... برماد اخيام ... جون اسود و بيضته
وياك الجزع مريود مو بس عَشره لا عِشره
الطاري الخيل اموتن كون مو مره ألف مره
حبيبي يا حسين حبيبي يا حسين
___
يا شمس الظهر بالليل
امساهر و الضوه نايم
السيف بمنحرك هايم
حياة بخنصرك راسم
جنّني ... العقل مريود ... بس اوياك ماريده
ريحني ... هلالك وين ... چا يمته يهل عيده
گاودني ... إذا مو انته ... ياهو الالزم بأيده
يساكن روح روحي شلون يفارگني بعد ذكراك
ينساني الله اي يحسين لو فد لحظه إني انساك
حبيبي يا حسين حبيبي يا حسين
حسين الأمين
#استهلالية_محرم_الحرام ٣
_
هلالك يا شهر لو هل يشبه مقتله و التل
و اكصد كربله و انشر قميص حسين المخضب
_
ها يهلال أريد اوياك احجي و انته تسمعني
جيتك سيف ابن جوشن من اكفاي تذبحني
ما فاركتك بكل يوم كل ليله تلوعني
تره المذبوح أي يهلال حسين بكربله ابني
ما فاركتك بدمعي ابجيتك ينكسر ضلعي
وشوفه ساعة الهظمه قميص حسين المخضب
____
حسين الخله بيه اجروح ما ينرافن ابدمعه
يهلال انكسر ضلعي وهوه ما سلم ضلعه
اروح الكربله و احتار عليمن يا شهر انعه
شفت ساحكته صدره الخيل وسيف بمنحره يكطعه
بعيني شايفه المقتل اركاض من الخيم للتل
شفتها كطعة المنحر قميص حسين المخضب
____
شهكت بمذبحه شهكات كل شهكه بألف بسمار
سهم كلبه أخذ روحي من شفته غده محتار
اكعدت يم نحره من عافوه وحيد و عالتراب الحار
حرت بيش انه افييله و دمه من النحر يندار
نزف حد ما خلص دمه وانه بنحره اشتمه
صحت يا يمه يالمذبوح قميص حسين المخضب
____
فرشوا جسمه سفرة خيل يروح و يرجع الخيال
صحت عالخيل ما بسج طحنتي و عظمه صار ارمال
يلجمني كسر ضلعي كلما يلجمه العسّال
خنصر يمنته المكطوع ناصب للجرح تمثال
تدوسه الخيل بنفاسه وصلبوا عالرمح راسه
شفته و ما تراوالي قميص حسين المخضب
_
جم مره متت يهلال من زينب مشت عالنوك
مجتوفه بحبل والايد من جمر الخيم محروك
بناتي إلي نسبن يهلال وماكو هاشمي لاحوك
خرابة شام والكوفه وكل ديره يطبن سوك
رقيه ابالي ما راحت لمن عالطشت ماتت
بهذن كلهن يذكرني قميص حسين المخضب
حسين الأمين
_
هلالك يا شهر لو هل يشبه مقتله و التل
و اكصد كربله و انشر قميص حسين المخضب
_
ها يهلال أريد اوياك احجي و انته تسمعني
جيتك سيف ابن جوشن من اكفاي تذبحني
ما فاركتك بكل يوم كل ليله تلوعني
تره المذبوح أي يهلال حسين بكربله ابني
ما فاركتك بدمعي ابجيتك ينكسر ضلعي
وشوفه ساعة الهظمه قميص حسين المخضب
____
حسين الخله بيه اجروح ما ينرافن ابدمعه
يهلال انكسر ضلعي وهوه ما سلم ضلعه
اروح الكربله و احتار عليمن يا شهر انعه
شفت ساحكته صدره الخيل وسيف بمنحره يكطعه
بعيني شايفه المقتل اركاض من الخيم للتل
شفتها كطعة المنحر قميص حسين المخضب
____
شهكت بمذبحه شهكات كل شهكه بألف بسمار
سهم كلبه أخذ روحي من شفته غده محتار
اكعدت يم نحره من عافوه وحيد و عالتراب الحار
حرت بيش انه افييله و دمه من النحر يندار
نزف حد ما خلص دمه وانه بنحره اشتمه
صحت يا يمه يالمذبوح قميص حسين المخضب
____
فرشوا جسمه سفرة خيل يروح و يرجع الخيال
صحت عالخيل ما بسج طحنتي و عظمه صار ارمال
يلجمني كسر ضلعي كلما يلجمه العسّال
خنصر يمنته المكطوع ناصب للجرح تمثال
تدوسه الخيل بنفاسه وصلبوا عالرمح راسه
شفته و ما تراوالي قميص حسين المخضب
_
جم مره متت يهلال من زينب مشت عالنوك
مجتوفه بحبل والايد من جمر الخيم محروك
بناتي إلي نسبن يهلال وماكو هاشمي لاحوك
خرابة شام والكوفه وكل ديره يطبن سوك
رقيه ابالي ما راحت لمن عالطشت ماتت
بهذن كلهن يذكرني قميص حسين المخضب
حسين الأمين
#استهلالية_محرم_الحرام ٤
______
أجري دموعك و اترك علامه
باجر تنفعك يوم القيامه
___
اگصد مجالس للطهر گاضي ترى هذا العمر
سنينه
اذخر لجل باجر دمع ما ينفع و يقبل عذر
علينه
بس اليواصل مجلسه يرضى عليه حيدر علي
ونبينه
يهل عينك تصب .. باجر درب .. جنه أمامك
يمن تنحب حزن .. تضرب جفن .. ترضي إمامك
أبد لا تنشغل .. بالك تزل .. دربه سلامك
بمجلس امامك درب السلامه
باجر ينفعك يوم القيامه
___
واصل يخادم عالعهد ظل الهج بإسم التحب
زمانك
لا تحتمي بفي الغصن خلي العرش يصبح حصن
امانك
هاي المجالس منزله واهبها ربك و أرتقي
بمكانك
تعال المأتمه .. بي فاطمة .. و حيدر يحضره
همومك تنجلي .. واكف علي .. راسه يطبره
بدموعك انهظم .. خلي اللطم .. صدرك يفسره
لا تنسى ذكره و تابع كلامه
باجر ينفعك يوم القيامة
____
هالمجلس شكد بي عبر خطوه يقرب المنتظر
دمعنه
ابچي و بعد أضرب صدر ربنه لشعائرهم تره
خلقنه
راسك اطبره و لا تظن عقل اليحارب يفهمه
حزنه
و لا تهتم بعد .. عندك سند .. من الزجية
يمن تسحك جمر .. واسي الطهر ..وأخته السبيه
دموعك نازله .. للعايله .. البل الغاضريه
لجلك دمائه و رضة عظامه
باجر ينفعك يوم القيامه
______
هاي الشعائر واجبه منصوبه من گبل البشر
رساله
من ادم لحد آخر نبي أقره المصايب كربله
فعاله
واحد ضربها جبهته واحد ذرفها دمعته
دلاله
يخادم افتهم .. عندك علم .. عن اليخدمه
نبي يتبع نبي .. لابن النبي .. مصابه يعظمه
أبد لا لا تشك .. لا تفترك .. من الله نعمه
لتظن يغرك حجي الملامه
باجر ينفعك يوم القيامه
___
عندك مثل عن هالامر حمزه بخدمته شكد عله
مقامه
حمزه الزغير بالأمس صار الچبير و هم حصل
مرامه
من هالتراث أنته اعتبر همه أصل هذا الأمر
قيامه
يخادم مدرسه .. وي مجلسه .. محلا عشرته
بيمه ذكريني يون .. صوت الحزن .. أسمع عبرته
مشه بهذا النهج .. صارت وهج .. بينه حسرته
أخذ المواقف من القدامه
باجر ينفعك يوم القيامه
_____
أذكر بعد ملا وطن صوته الحزين بكل زمن
تردد
لا تنسى ديون الشعر عبود غفلة و الشرع
تخلد
عبد الأمير شكد خلد كاظم تراه بكل سنه
تجدد
بعد أذكر خدم .. وأحد علم .. يمشي بطريقة
بعد باسم تره .. من منبره .. يلمع بريقة
خدم تتبع خدم .. بس الأهم .. توصل حقيقة
من باسم افهم حرص الخدامه
باجر ينفعك يوم القيامه
كلمات / حسين الأمين
______
أجري دموعك و اترك علامه
باجر تنفعك يوم القيامه
___
اگصد مجالس للطهر گاضي ترى هذا العمر
سنينه
اذخر لجل باجر دمع ما ينفع و يقبل عذر
علينه
بس اليواصل مجلسه يرضى عليه حيدر علي
ونبينه
يهل عينك تصب .. باجر درب .. جنه أمامك
يمن تنحب حزن .. تضرب جفن .. ترضي إمامك
أبد لا تنشغل .. بالك تزل .. دربه سلامك
بمجلس امامك درب السلامه
باجر ينفعك يوم القيامه
___
واصل يخادم عالعهد ظل الهج بإسم التحب
زمانك
لا تحتمي بفي الغصن خلي العرش يصبح حصن
امانك
هاي المجالس منزله واهبها ربك و أرتقي
بمكانك
تعال المأتمه .. بي فاطمة .. و حيدر يحضره
همومك تنجلي .. واكف علي .. راسه يطبره
بدموعك انهظم .. خلي اللطم .. صدرك يفسره
لا تنسى ذكره و تابع كلامه
باجر ينفعك يوم القيامة
____
هالمجلس شكد بي عبر خطوه يقرب المنتظر
دمعنه
ابچي و بعد أضرب صدر ربنه لشعائرهم تره
خلقنه
راسك اطبره و لا تظن عقل اليحارب يفهمه
حزنه
و لا تهتم بعد .. عندك سند .. من الزجية
يمن تسحك جمر .. واسي الطهر ..وأخته السبيه
دموعك نازله .. للعايله .. البل الغاضريه
لجلك دمائه و رضة عظامه
باجر ينفعك يوم القيامه
______
هاي الشعائر واجبه منصوبه من گبل البشر
رساله
من ادم لحد آخر نبي أقره المصايب كربله
فعاله
واحد ضربها جبهته واحد ذرفها دمعته
دلاله
يخادم افتهم .. عندك علم .. عن اليخدمه
نبي يتبع نبي .. لابن النبي .. مصابه يعظمه
أبد لا لا تشك .. لا تفترك .. من الله نعمه
لتظن يغرك حجي الملامه
باجر ينفعك يوم القيامه
___
عندك مثل عن هالامر حمزه بخدمته شكد عله
مقامه
حمزه الزغير بالأمس صار الچبير و هم حصل
مرامه
من هالتراث أنته اعتبر همه أصل هذا الأمر
قيامه
يخادم مدرسه .. وي مجلسه .. محلا عشرته
بيمه ذكريني يون .. صوت الحزن .. أسمع عبرته
مشه بهذا النهج .. صارت وهج .. بينه حسرته
أخذ المواقف من القدامه
باجر ينفعك يوم القيامه
_____
أذكر بعد ملا وطن صوته الحزين بكل زمن
تردد
لا تنسى ديون الشعر عبود غفلة و الشرع
تخلد
عبد الأمير شكد خلد كاظم تراه بكل سنه
تجدد
بعد أذكر خدم .. وأحد علم .. يمشي بطريقة
بعد باسم تره .. من منبره .. يلمع بريقة
خدم تتبع خدم .. بس الأهم .. توصل حقيقة
من باسم افهم حرص الخدامه
باجر ينفعك يوم القيامه
كلمات / حسين الأمين
#استهلالية_محرم_الحرام ٥
____
يا گلبي بالك تبتعد لو تعثر
يسود بياضك من تعوف المنبر
_____
اخذ يا گلبي النصيحه و مني افهم هالروايه
غايتك ترضي امامك لا تدور اوياه غايه
خلي نبضك يا حسين امن البدايه للنهايه
كربله خليها قبله و صير اسود عالسبايه
خليها عبره كلمتي و أتذكر
يسود بياضك من تعوف المنبر
___
انته واحد ما يريد امن اللطم يرتاح صدرك
فلذلك وقعتله خادم اتظل طول عمرك
افلان عوفه لا يذكرك خلي هالمنبر يذكرك
مو شرط واحد يعرفك شرط ابو اليمه يعرفك
روج التكبر لا يجرك احذر
يسود بياضك من تعوف المنبر
______
لجل امامك كلشي قدم من زغيره ومن چبيره
ابطاست المي طوعه خلدت كبرت و صارت اميره
بيضه نيتك كون و اخدم و أهم شي صفي السريره
حسين ميريد إلي يكره يريد بس العنده غيره
يرضى شكبرها و خدمتك يتشكر
يسود بياضك من تعوف المنبر
____
هسه الك هذا كلامي يبو اليمه و استمعني
الوادم التيهت طريقك لا أحبها ولا تحبني
انته يا أول بشر من الزغر بيدك گدتني
عالكرامه و الشجاعه و الشهامه علمتني
إني برگبتك و أدري ما تتعذر
يسود بياضك من تعوف المنبر
___
هيه لوعه و بالمجالس عاشت و ما يوم تخمد
يا حسين الگلب ينشد لا عساها بيوم تبرد
عايشه وياك هيه بدون وجهك ماكو احد
مرقدك الجنه عدها و المأاتم الها معبد
انته السفينه و النجا بالمحشر
يسود بياضك من تعوف المنبر
حسين الأمين
____
يا گلبي بالك تبتعد لو تعثر
يسود بياضك من تعوف المنبر
_____
اخذ يا گلبي النصيحه و مني افهم هالروايه
غايتك ترضي امامك لا تدور اوياه غايه
خلي نبضك يا حسين امن البدايه للنهايه
كربله خليها قبله و صير اسود عالسبايه
خليها عبره كلمتي و أتذكر
يسود بياضك من تعوف المنبر
___
انته واحد ما يريد امن اللطم يرتاح صدرك
فلذلك وقعتله خادم اتظل طول عمرك
افلان عوفه لا يذكرك خلي هالمنبر يذكرك
مو شرط واحد يعرفك شرط ابو اليمه يعرفك
روج التكبر لا يجرك احذر
يسود بياضك من تعوف المنبر
______
لجل امامك كلشي قدم من زغيره ومن چبيره
ابطاست المي طوعه خلدت كبرت و صارت اميره
بيضه نيتك كون و اخدم و أهم شي صفي السريره
حسين ميريد إلي يكره يريد بس العنده غيره
يرضى شكبرها و خدمتك يتشكر
يسود بياضك من تعوف المنبر
____
هسه الك هذا كلامي يبو اليمه و استمعني
الوادم التيهت طريقك لا أحبها ولا تحبني
انته يا أول بشر من الزغر بيدك گدتني
عالكرامه و الشجاعه و الشهامه علمتني
إني برگبتك و أدري ما تتعذر
يسود بياضك من تعوف المنبر
___
هيه لوعه و بالمجالس عاشت و ما يوم تخمد
يا حسين الگلب ينشد لا عساها بيوم تبرد
عايشه وياك هيه بدون وجهك ماكو احد
مرقدك الجنه عدها و المأاتم الها معبد
انته السفينه و النجا بالمحشر
يسود بياضك من تعوف المنبر
حسين الأمين
#استهلالية_محرم_الحرام ٦ (( ميمر ))
___
چم ليلة يا هالخدام و تنشر قميصه الزهره
____
چم ليله تنشر بالسماء الزهره
و تنثر حزنها وهم دمعها تنثره
تلزم قميص احسينها و تنشره
ايعم الحزن عالاكوان و تعلن بداية ثوره
____
ثورة دمع و النايحه و اللطمه
بهاي المجالس تنحب بكل هظمه
منهو يساعد بالبواچي امه
ها يالخدم شدوا حزام ويه فاطمه بالعبره
____
بين المواكب تسعه هلبت تسمع
صوت النواعي اعله الولد و المدمع
فشله الزجيه وحدها لمن تجزع
همتكم اويه ام احسين الجيت الخدم منتظره
_
حضروا زناجيل الظهر و الدمام
و خلوا الشوارع تنترس بالاعلام
لطام يتبع بالمواكب لطام
هاي الشعائر متموت الينصرها هيه اتنصره
__
قيموا الشعائر الله يأمر بيها
الناس التلوم ابدينها خليها
لا تنسى آدم كربله ناعيها
و نوح البچاها بدمعات تترس الكون ابأسره
___
لا تنسى أبراهيم ويه إسماعيل
يامه نحب صاحب كتاب الانجيل
و جبريل يلطم و انتحب ميكائيل
ياما بچوا عالمظلوم و الما يصدگ يقره
___
صالح و يونس يوسف و هم يعگوب
واحدهم اعله حسين خده متعوب
أتوسّه بمصابه من تمرض أيوب
عيسى لطم فوگ الراس من نظر كطعة نحره
___
انطيتك دلائل و انته بيها اتحرز
كلشي ولا عد فاطمه أسمك ينچز
دمعك لطمتك هنه ذني المنجز
بالمحشر اتبيض اوجوه و اتجازي گطره بگطره
كلمات / حسين الأمين
___
چم ليلة يا هالخدام و تنشر قميصه الزهره
____
چم ليله تنشر بالسماء الزهره
و تنثر حزنها وهم دمعها تنثره
تلزم قميص احسينها و تنشره
ايعم الحزن عالاكوان و تعلن بداية ثوره
____
ثورة دمع و النايحه و اللطمه
بهاي المجالس تنحب بكل هظمه
منهو يساعد بالبواچي امه
ها يالخدم شدوا حزام ويه فاطمه بالعبره
____
بين المواكب تسعه هلبت تسمع
صوت النواعي اعله الولد و المدمع
فشله الزجيه وحدها لمن تجزع
همتكم اويه ام احسين الجيت الخدم منتظره
_
حضروا زناجيل الظهر و الدمام
و خلوا الشوارع تنترس بالاعلام
لطام يتبع بالمواكب لطام
هاي الشعائر متموت الينصرها هيه اتنصره
__
قيموا الشعائر الله يأمر بيها
الناس التلوم ابدينها خليها
لا تنسى آدم كربله ناعيها
و نوح البچاها بدمعات تترس الكون ابأسره
___
لا تنسى أبراهيم ويه إسماعيل
يامه نحب صاحب كتاب الانجيل
و جبريل يلطم و انتحب ميكائيل
ياما بچوا عالمظلوم و الما يصدگ يقره
___
صالح و يونس يوسف و هم يعگوب
واحدهم اعله حسين خده متعوب
أتوسّه بمصابه من تمرض أيوب
عيسى لطم فوگ الراس من نظر كطعة نحره
___
انطيتك دلائل و انته بيها اتحرز
كلشي ولا عد فاطمه أسمك ينچز
دمعك لطمتك هنه ذني المنجز
بالمحشر اتبيض اوجوه و اتجازي گطره بگطره
كلمات / حسين الأمين
#ليالي_العليلة_ع ١
__
يا ريح للغالي وديلي مرسالي
طالت عليه غيبته وديلي مرسالي
___
يا هوه أخذ الرساله و اگصد الظعن الاهل
خاف ناسيني ابويه عني ما مره سئل
روح وصل هالرساله هلبت ايردلي امل
ايّست روحي تراها يوم من يمي ارتحل
ماكو خبر عنهم يا ريح ناشدهم
تارك عليله ابنيّته وديلي مرسالي
_
امساهره يا ريح وحدي والحزن بيه بنه
ديرة اهموم و نوايب بالگلب مستوطنه
بليل ما غمضت عيني ولا نمت بعده بهنه
جامع الون صار بيتي كل جرح بي مأذنه
هلبت يرد ظعني يا ريح جاوبني
تذبح دليلي فرگته وديلي مرسالي
__
اتعودت كل فجر روحي تنوي ليليه الدمع
وشبحت اعله الباب عيني بلكي مره يندفع
فعلاً اشبهها الزجيه امشي محنية ضلع
ايذوب وي السهر عمري مثل ميذوب الشمع
لمن رحل عني بيه استقر حزني
يا ريح گلي بحالته وديلي مرسالي
__
جرحه نايم وسط گلبي واشيطيّب خاطره
چن غصن بالغربه وحدي ذابل ابلايه اشجره
يا هوه ماريد منه بعد يوصل وانظره
هسه كل امنيتي عطره دزه إلي من منحره
خليني اشتمّه يا ريح و اتهنه
خل افرح بشم رگبته وديلي مرسالي
_
كثر ما تعبني هجره اگعد ارسمله صور
رافچت بابي و عتبته هلبت الجيته أثر
بكلشي دزيت الرساله الطير وانجوم و گمر
لو تشوفون الظعينه الوالدي وصلوا خبر
گلوله منتظره رجعتك بالسفره
ادريها تنزل دمعته وديلي مرسالي
___
ها يريح العطر هذا منه كل حيلي انهدم
اشم بي موت و ضحايه و نحر ابويه يجري دم
آخر الشهگات چانت نزلت بريتي سهم
لا تگلي حسين ميت و صدره بالخيل انهشم
شميت احساسه نام برمح راسه
من الگفه چن ذبحته وديلي مرسالي
كلمات / حسين الأمين
__
يا ريح للغالي وديلي مرسالي
طالت عليه غيبته وديلي مرسالي
___
يا هوه أخذ الرساله و اگصد الظعن الاهل
خاف ناسيني ابويه عني ما مره سئل
روح وصل هالرساله هلبت ايردلي امل
ايّست روحي تراها يوم من يمي ارتحل
ماكو خبر عنهم يا ريح ناشدهم
تارك عليله ابنيّته وديلي مرسالي
_
امساهره يا ريح وحدي والحزن بيه بنه
ديرة اهموم و نوايب بالگلب مستوطنه
بليل ما غمضت عيني ولا نمت بعده بهنه
جامع الون صار بيتي كل جرح بي مأذنه
هلبت يرد ظعني يا ريح جاوبني
تذبح دليلي فرگته وديلي مرسالي
__
اتعودت كل فجر روحي تنوي ليليه الدمع
وشبحت اعله الباب عيني بلكي مره يندفع
فعلاً اشبهها الزجيه امشي محنية ضلع
ايذوب وي السهر عمري مثل ميذوب الشمع
لمن رحل عني بيه استقر حزني
يا ريح گلي بحالته وديلي مرسالي
__
جرحه نايم وسط گلبي واشيطيّب خاطره
چن غصن بالغربه وحدي ذابل ابلايه اشجره
يا هوه ماريد منه بعد يوصل وانظره
هسه كل امنيتي عطره دزه إلي من منحره
خليني اشتمّه يا ريح و اتهنه
خل افرح بشم رگبته وديلي مرسالي
_
كثر ما تعبني هجره اگعد ارسمله صور
رافچت بابي و عتبته هلبت الجيته أثر
بكلشي دزيت الرساله الطير وانجوم و گمر
لو تشوفون الظعينه الوالدي وصلوا خبر
گلوله منتظره رجعتك بالسفره
ادريها تنزل دمعته وديلي مرسالي
___
ها يريح العطر هذا منه كل حيلي انهدم
اشم بي موت و ضحايه و نحر ابويه يجري دم
آخر الشهگات چانت نزلت بريتي سهم
لا تگلي حسين ميت و صدره بالخيل انهشم
شميت احساسه نام برمح راسه
من الگفه چن ذبحته وديلي مرسالي
كلمات / حسين الأمين
#ليالي_العليلة_ع ٢
____
نجوم الليل ياما ناشدت عنك نجوم الليل
هجرني الحيل ماكو أي خبر منك هجرني الحيل
احسبلك دمعاتي بالنجمه احچاياتي
_
امرافگه الهظمه و تاركه البسمه
يوم ما هدتني ايدك
إيست روحي أحسب جروحي
كلهن ايصيحن نريدك
خلصت دمعات ليلي و ظلت آلام
النجم گد ما عرفني بعتبتي اينام
يامه ناشدته يردلي ترجع اوهام
گلب محتار .. خطوتك تيهت دربي گلب محتار
ارسمت بالدار ملامح حيرتي وتعبي ارسمت بالدار
و أتصور حسراتي بالنجمه احچاياتي
_
اكتب و ارسل حزني ما يحمل
و الصخر فت من ونيني
النجمه مرسالي عاين أحوالي
اعليها ابعثلك حنيني
للسمه صد من يمر ابدربك الليل
عالنجم مكتوبه بنتك شافت الويل
روحي مطحونه بغيابك طحنة الهيل
على النجمات أكتبلي وأنه اكتبلك على النجمات
بلا لچمات بلگت اگدر اوصلك بلا لچمات
انساهن لچماتي بالنجمه احچاياتي
___
من رحت عني كلشي فارگني
رافگت علتي و نحيبي
كل ابو البنته اتلمها عاطفته
ضايعه بعدك نصيبي
بويه من حمّل ظعنكم ثگلت الروح
ضيّعت كل السوالف چلمت اتروح
من كثر ما باچيتلك علمت نوح
ردت وياك ابهودج عمتي اتحطني ردت وياك
يمن بچفاك اظل ابحسبتي و ظني يمن بچفاك
ما تخلص حسباتي بالنجمة احچاياتي
____
اتخيلت ليلي وانته تحچيلي
و بوسط حظنك گعدتي
تسأل و أسأل وإني ادلل
و اسمعك تهتف يبنتي
إحساسي هالمره صدمني شايل اخبار
ما ترد كلمة يبنتي اسمعها بالدار
خايفه بويه و دليلي و عقلي محتار
اشوفك جاي يمته اتحقق أحلامي اشوفك جاي
فگدت الراي تخيلتك متت ضامي فگدت الراي
ارجعلي صرخاتي بالنجمه احچاياتي
__
بموطن الجرحه صايره سبحه
امطشره و بس بيدك التم
من بعد نوحي و معركة روحي
ينعه أسمع ابن حذلم
حسين عفته اعله الوطيه و جسمه مسحوگ
و عالرمح يفتر نظرته راسه بالسوگ
و زينب ابلايه الكفلها صعدت النوگ
متت يحسين اعيش شلون من دونك متت يحسين
عشت يومين فقط من غيبة اعيونك عشت يومين
ما طالت ساعاتي بالنجمه احچاياتي
حسين الأمين
____
نجوم الليل ياما ناشدت عنك نجوم الليل
هجرني الحيل ماكو أي خبر منك هجرني الحيل
احسبلك دمعاتي بالنجمه احچاياتي
_
امرافگه الهظمه و تاركه البسمه
يوم ما هدتني ايدك
إيست روحي أحسب جروحي
كلهن ايصيحن نريدك
خلصت دمعات ليلي و ظلت آلام
النجم گد ما عرفني بعتبتي اينام
يامه ناشدته يردلي ترجع اوهام
گلب محتار .. خطوتك تيهت دربي گلب محتار
ارسمت بالدار ملامح حيرتي وتعبي ارسمت بالدار
و أتصور حسراتي بالنجمه احچاياتي
_
اكتب و ارسل حزني ما يحمل
و الصخر فت من ونيني
النجمه مرسالي عاين أحوالي
اعليها ابعثلك حنيني
للسمه صد من يمر ابدربك الليل
عالنجم مكتوبه بنتك شافت الويل
روحي مطحونه بغيابك طحنة الهيل
على النجمات أكتبلي وأنه اكتبلك على النجمات
بلا لچمات بلگت اگدر اوصلك بلا لچمات
انساهن لچماتي بالنجمه احچاياتي
___
من رحت عني كلشي فارگني
رافگت علتي و نحيبي
كل ابو البنته اتلمها عاطفته
ضايعه بعدك نصيبي
بويه من حمّل ظعنكم ثگلت الروح
ضيّعت كل السوالف چلمت اتروح
من كثر ما باچيتلك علمت نوح
ردت وياك ابهودج عمتي اتحطني ردت وياك
يمن بچفاك اظل ابحسبتي و ظني يمن بچفاك
ما تخلص حسباتي بالنجمة احچاياتي
____
اتخيلت ليلي وانته تحچيلي
و بوسط حظنك گعدتي
تسأل و أسأل وإني ادلل
و اسمعك تهتف يبنتي
إحساسي هالمره صدمني شايل اخبار
ما ترد كلمة يبنتي اسمعها بالدار
خايفه بويه و دليلي و عقلي محتار
اشوفك جاي يمته اتحقق أحلامي اشوفك جاي
فگدت الراي تخيلتك متت ضامي فگدت الراي
ارجعلي صرخاتي بالنجمه احچاياتي
__
بموطن الجرحه صايره سبحه
امطشره و بس بيدك التم
من بعد نوحي و معركة روحي
ينعه أسمع ابن حذلم
حسين عفته اعله الوطيه و جسمه مسحوگ
و عالرمح يفتر نظرته راسه بالسوگ
و زينب ابلايه الكفلها صعدت النوگ
متت يحسين اعيش شلون من دونك متت يحسين
عشت يومين فقط من غيبة اعيونك عشت يومين
ما طالت ساعاتي بالنجمه احچاياتي
حسين الأمين
#ليالي_العليلة_ع ٣ (( شوط كربلائي ))
______
بعد ما إيست أمشي وي والدي بالسفره
الضعينتهم رحت احچي و هلن يمها بالعبره
_____
أول ناگه رحتلها ناكة والدي بدمعه
بالچ من سفركم هاذ يتعب مهجة البضعه
لمن توصلين بخير لطوّليـن بالرجعه
تراني ميته تلگوني
لو رحتوا و تخلوني
الجيتكم تره عيوني
مشبوحه اعله باب الدار هلبت تنطرق مره
__
مشيت الناگة العباس احچي و هيه تسمعني
من يصعد گمر هاشم بلكي اويا يصعدني
لا يمشي و يخليني بدمعي وحيرتي وحزني
ابقه امناطره رده
يلفيني بأقل مده
ما أتحمل الوحده
گولي العمي العباس العليله الجيته منتظره
__
وصلت الناگه مهيوبه هودج عمتي زينب
فخر خدر الهواشم شال بستره و عفّته امهيب
يناگه عني من تمشين گلبي من البعد شيب
فدوه ما تصعديني
وي عمتي تخليني
بعدها شلّي بسنيني
هلبت والدي يقبل و تقبل عمتي الحره
__
هوادج نور فوگ النوگ أنظر و الحزن بيه
مشيت الناگة الخوه علي الأكبر هوه الريه
يناگه فدوه حاچينه بسرعه خل يرد ليه
شلون اتصبر افراگه
لا يهجرني يالناگه
كلبي تذبح اشواگه
اخويه و ما اظن يرضه اخيته تبقه منكسره
____
فجئه و ناگت اسكينه صارت لنها گدامي
رقيه بيها وي خوله اوياهن اصعد احلامي
عبدالله الصعب فرگاه حبيبي و ضحكة ايامي
يا دمعه تهل العين
و كل اهلي شفت ماشين
يلفيني عساه البين
لا شاهد خواتي اتروح عني و اجذب الحسره
كلمات / حسين الأمين
______
بعد ما إيست أمشي وي والدي بالسفره
الضعينتهم رحت احچي و هلن يمها بالعبره
_____
أول ناگه رحتلها ناكة والدي بدمعه
بالچ من سفركم هاذ يتعب مهجة البضعه
لمن توصلين بخير لطوّليـن بالرجعه
تراني ميته تلگوني
لو رحتوا و تخلوني
الجيتكم تره عيوني
مشبوحه اعله باب الدار هلبت تنطرق مره
__
مشيت الناگة العباس احچي و هيه تسمعني
من يصعد گمر هاشم بلكي اويا يصعدني
لا يمشي و يخليني بدمعي وحيرتي وحزني
ابقه امناطره رده
يلفيني بأقل مده
ما أتحمل الوحده
گولي العمي العباس العليله الجيته منتظره
__
وصلت الناگه مهيوبه هودج عمتي زينب
فخر خدر الهواشم شال بستره و عفّته امهيب
يناگه عني من تمشين گلبي من البعد شيب
فدوه ما تصعديني
وي عمتي تخليني
بعدها شلّي بسنيني
هلبت والدي يقبل و تقبل عمتي الحره
__
هوادج نور فوگ النوگ أنظر و الحزن بيه
مشيت الناگة الخوه علي الأكبر هوه الريه
يناگه فدوه حاچينه بسرعه خل يرد ليه
شلون اتصبر افراگه
لا يهجرني يالناگه
كلبي تذبح اشواگه
اخويه و ما اظن يرضه اخيته تبقه منكسره
____
فجئه و ناگت اسكينه صارت لنها گدامي
رقيه بيها وي خوله اوياهن اصعد احلامي
عبدالله الصعب فرگاه حبيبي و ضحكة ايامي
يا دمعه تهل العين
و كل اهلي شفت ماشين
يلفيني عساه البين
لا شاهد خواتي اتروح عني و اجذب الحسره
كلمات / حسين الأمين
#ليالي_العليلة_ع ٤
_ - _ - _
گعدت بالليل وي نجم سهيل
مهدومة حيل بمدمع همال
يم أبوها گاعدة
مو طفلة جنها والده
منتظره يلفيها النده بمدمع همال
_____
طفله ازغيره وجانت حلوه .. بس البلوه
حاطتها
بليل وسدر عنها الوالد .. ما ظل واحد
بمحنتها
محد إلها باقي عليله اتركوها
ياهو يواسي العليل و أهلها چفوها
لا أخ إلها لا عم و لا ظل أبوها
مشوا و بچلمة اوداع أحبكم لگوها
ديرة خلان چانت قرآن
صارت أحزان و بلايه أحباب
حايره اعليمن تصد
و الوجه مثل الورد
اتذبّله چلمة بعد يشرح يا حال
_______
گعدت يمهم مثل الشمعه .. بهيده الدمعه
من أطيح
گعدت واتانيهم بلكت .. واحد هلبت
ليها يصيح
تدعي وياهم اليوم تحضر هدمها
بلگت ثغر الحسين ينادي بسمها
وحيده ما تريدن تظل ابألمها
عليله و من يروحون تموت بحلمها
منتظره تروح متروسه اجروح
متهيد الروح فرگاهم بين
ظلت اتروح و تجي
من العيون الحجي
كثر ما بيها بجي عالخد شلال
_______
ظلت تبچي اتعنى إلها .. حسين و گلها
لا تبچين
اعزيزه اعليه دمعة عينچ .. كافي ونينچ
فدوه حسين
زينب جتي الها تصبر الحبيبه
رجعتنه يعمه تراهي قريبه
تگلها من السفر هاذ أشاهد مصيبه
خافن من ترجعون قتيل و سليبه
ظلت بآلام و دمعة أيتام
من الاحلام شافت لوعات
ظلت ابحيره ورعب
و الجرح نايم بالگلب
غربه و بديرة غرب ما يصفه البال
_____
بخدها الدمعه تنزل ترفه .. بس يا وسفه
عافوها
مثل الميته صارت بتهم .. من شافتهم
تركوها
أصبح مظلم البيت وحيده و عليله
الموت إلها أظن حان شفتها ثچيله
تحرك ظلت الباب و لا من وسيله
بلكت هالهوه الهاب يذكر دليله
بعتبات الدار سوت تذكار
بليل و بنهار أتاني الغياب
ادز سلام اويه الهوه
مخصوص لهلي بنينوى
گله بنتك بالضوه تنحب و ليال
_____
كل هم الدنيا اعليها التم .. اعليها غيم
برسومه
بالباب اتسولف منحتها .. وابدمعتها
المهظومه
ظلت تنشد الراح و اليعود عليهم
لمن تدخل الدار يمر كل حچيهم
شابت بيها الأنفاس سوالفها بيهم
كل يوميه بالطيف للطفوف تجيهم
مرت بمصاب عذبها عذاب
من الغياب عاشت بآلام
اللحظة مرت چن سنه
أبد ما شافت هنه
و الحزن بيها بنه ديره من اجبال
كلمات / حسين الأمين
_ - _ - _
گعدت بالليل وي نجم سهيل
مهدومة حيل بمدمع همال
يم أبوها گاعدة
مو طفلة جنها والده
منتظره يلفيها النده بمدمع همال
_____
طفله ازغيره وجانت حلوه .. بس البلوه
حاطتها
بليل وسدر عنها الوالد .. ما ظل واحد
بمحنتها
محد إلها باقي عليله اتركوها
ياهو يواسي العليل و أهلها چفوها
لا أخ إلها لا عم و لا ظل أبوها
مشوا و بچلمة اوداع أحبكم لگوها
ديرة خلان چانت قرآن
صارت أحزان و بلايه أحباب
حايره اعليمن تصد
و الوجه مثل الورد
اتذبّله چلمة بعد يشرح يا حال
_______
گعدت يمهم مثل الشمعه .. بهيده الدمعه
من أطيح
گعدت واتانيهم بلكت .. واحد هلبت
ليها يصيح
تدعي وياهم اليوم تحضر هدمها
بلگت ثغر الحسين ينادي بسمها
وحيده ما تريدن تظل ابألمها
عليله و من يروحون تموت بحلمها
منتظره تروح متروسه اجروح
متهيد الروح فرگاهم بين
ظلت اتروح و تجي
من العيون الحجي
كثر ما بيها بجي عالخد شلال
_______
ظلت تبچي اتعنى إلها .. حسين و گلها
لا تبچين
اعزيزه اعليه دمعة عينچ .. كافي ونينچ
فدوه حسين
زينب جتي الها تصبر الحبيبه
رجعتنه يعمه تراهي قريبه
تگلها من السفر هاذ أشاهد مصيبه
خافن من ترجعون قتيل و سليبه
ظلت بآلام و دمعة أيتام
من الاحلام شافت لوعات
ظلت ابحيره ورعب
و الجرح نايم بالگلب
غربه و بديرة غرب ما يصفه البال
_____
بخدها الدمعه تنزل ترفه .. بس يا وسفه
عافوها
مثل الميته صارت بتهم .. من شافتهم
تركوها
أصبح مظلم البيت وحيده و عليله
الموت إلها أظن حان شفتها ثچيله
تحرك ظلت الباب و لا من وسيله
بلكت هالهوه الهاب يذكر دليله
بعتبات الدار سوت تذكار
بليل و بنهار أتاني الغياب
ادز سلام اويه الهوه
مخصوص لهلي بنينوى
گله بنتك بالضوه تنحب و ليال
_____
كل هم الدنيا اعليها التم .. اعليها غيم
برسومه
بالباب اتسولف منحتها .. وابدمعتها
المهظومه
ظلت تنشد الراح و اليعود عليهم
لمن تدخل الدار يمر كل حچيهم
شابت بيها الأنفاس سوالفها بيهم
كل يوميه بالطيف للطفوف تجيهم
مرت بمصاب عذبها عذاب
من الغياب عاشت بآلام
اللحظة مرت چن سنه
أبد ما شافت هنه
و الحزن بيها بنه ديره من اجبال
كلمات / حسين الأمين
#ليالي_العليلة_ع ٥
- - - - - - - - - - - - - - - - - - - - -
ماريد اموت من الهجر خليني اموتن باليسر
_____
بوية خليني أعله بالك من تسافر
ارد اروح وياك لا تكسرلي خاطر
وي رقيه أمشي واطيحن يوم عاشر
واصبغ امتوني من ادموم المناحر
وأركض لمن يلفي المهر خليني اموتن باليسر
- - - - - - - - - - - - - - - - - - - - -
صح عليلة وروحي ذبلانه ابألمها
بس تهاجر روحي تطلع من جسمها
بوية خذني وياك كل علتي اضمها
افرش امصلايتك و ارجع ألمها
بالظعن بويه استقر خليني اموتن باليسر
- - - - - - - - - - - - - - - - - - -
لا تخليني بدمعتي بويه بجفاك
لو نويت السفر گلبي اخذه وياك
يگرب الموت اعله بنتك صوتي ناداك
شنو طعم الدنيه عندي بويه بعداك
وسط الجبد يلهب جمر خليني اموتن باليسر
- - - - - - - - - - - - - - - - - - - - -
گبل لا تمشي گبر احفر ندبتك
تستعد للموت بعدك خلها بنتك
عمري ما يسوه اعشيه ابلا نظرتك
ياهو يبقالي لون تمشي بسفرتك
چا بيدك احفرلي گبر خليني اموتن باليسر
- - - - - - - - - - - - - - - - - - - - -
من سمعت ابكربله و جاني ابن حذلم
و ظل يسولفلي سحگ و سيوف و الدم
احترگ گلبي مثل نار المخيم
بعد وجهك بويه عمري عسن ما تم
للموت بعدك انتظر خليني اموتن باليسر
كلمات / حسين الأمين
- - - - - - - - - - - - - - - - - - - - -
ماريد اموت من الهجر خليني اموتن باليسر
_____
بوية خليني أعله بالك من تسافر
ارد اروح وياك لا تكسرلي خاطر
وي رقيه أمشي واطيحن يوم عاشر
واصبغ امتوني من ادموم المناحر
وأركض لمن يلفي المهر خليني اموتن باليسر
- - - - - - - - - - - - - - - - - - - - -
صح عليلة وروحي ذبلانه ابألمها
بس تهاجر روحي تطلع من جسمها
بوية خذني وياك كل علتي اضمها
افرش امصلايتك و ارجع ألمها
بالظعن بويه استقر خليني اموتن باليسر
- - - - - - - - - - - - - - - - - - -
لا تخليني بدمعتي بويه بجفاك
لو نويت السفر گلبي اخذه وياك
يگرب الموت اعله بنتك صوتي ناداك
شنو طعم الدنيه عندي بويه بعداك
وسط الجبد يلهب جمر خليني اموتن باليسر
- - - - - - - - - - - - - - - - - - - - -
گبل لا تمشي گبر احفر ندبتك
تستعد للموت بعدك خلها بنتك
عمري ما يسوه اعشيه ابلا نظرتك
ياهو يبقالي لون تمشي بسفرتك
چا بيدك احفرلي گبر خليني اموتن باليسر
- - - - - - - - - - - - - - - - - - - - -
من سمعت ابكربله و جاني ابن حذلم
و ظل يسولفلي سحگ و سيوف و الدم
احترگ گلبي مثل نار المخيم
بعد وجهك بويه عمري عسن ما تم
للموت بعدك انتظر خليني اموتن باليسر
كلمات / حسين الأمين
#ليلة_ام_البنين ١
__
چانت گبل معروفه بالبدويه
اتحول اسمها فاطمه العلويه
رسولة الوفاء لأرض كربلاء
____
اول مضامين الوفه و أروع قيمها
من وسط بيت المرتضى دخلت قدمها
چانت إسمها فاطمه و غيرت إسمها
خاف زينب تنلچم من تذكر امها
مو صدفه لا الله العلي خصّاها
يمكن رسوله الكربله ودّاها
سيدة الاباء لأرض كربلاء
____
ما كفّه تغيير الاسم من دخلت الدار
الولد الزجيه گالت و كلمتها تذكار
لو تقبلوني خادمه أتشرف و صار
يمها الوفه ساجد بقه و احتار الايثار
سهرانه أول ليله من زفتها
متمرض حسين و تطب غرفتها
فأصبحت دواء لأرض كربلاء
_
مرت اسنين و عايشه بدار الامامه
اربع ولد چابت رمز و اصل الشهامه
ما أعتقد رضعوا لبن رضعوا خدامه
لحسين واحدهم عبد يسجد امامه
ربت زلم تنعد ابمية زلمه
لحسين ما فد يوم صاحوا بسمه
تربية الولاء لأرض كربلاء
____
حل وگت الفراگ او صدح صوت الوفيه
يا ولدي اجه يوم العهد بالغاضريه
لحسين باچر رخصّوا سوگ المنيه
عباس چفين و سهم قدم هديه
خلوني يم الزهره افرح بيكم
گطع المناحر ادري سهله اعليكم
دمائكم فداء لأرض كربلاء
____
ظلت تناطر عن خبر يتعنى ليها
كل همها ابو اليمه يرد سالم عليها
ما ناشدت عن اربعه البطف بنيها
لحسين قدمتهم نذر خاطر يجيها
من جاها ابن حذلم حچتله ابهايه
عوف الولد خبرني عن مولايه
في دمعها نداء لأرض كربلاء
كلمات / حسين الأمين
__
چانت گبل معروفه بالبدويه
اتحول اسمها فاطمه العلويه
رسولة الوفاء لأرض كربلاء
____
اول مضامين الوفه و أروع قيمها
من وسط بيت المرتضى دخلت قدمها
چانت إسمها فاطمه و غيرت إسمها
خاف زينب تنلچم من تذكر امها
مو صدفه لا الله العلي خصّاها
يمكن رسوله الكربله ودّاها
سيدة الاباء لأرض كربلاء
____
ما كفّه تغيير الاسم من دخلت الدار
الولد الزجيه گالت و كلمتها تذكار
لو تقبلوني خادمه أتشرف و صار
يمها الوفه ساجد بقه و احتار الايثار
سهرانه أول ليله من زفتها
متمرض حسين و تطب غرفتها
فأصبحت دواء لأرض كربلاء
_
مرت اسنين و عايشه بدار الامامه
اربع ولد چابت رمز و اصل الشهامه
ما أعتقد رضعوا لبن رضعوا خدامه
لحسين واحدهم عبد يسجد امامه
ربت زلم تنعد ابمية زلمه
لحسين ما فد يوم صاحوا بسمه
تربية الولاء لأرض كربلاء
____
حل وگت الفراگ او صدح صوت الوفيه
يا ولدي اجه يوم العهد بالغاضريه
لحسين باچر رخصّوا سوگ المنيه
عباس چفين و سهم قدم هديه
خلوني يم الزهره افرح بيكم
گطع المناحر ادري سهله اعليكم
دمائكم فداء لأرض كربلاء
____
ظلت تناطر عن خبر يتعنى ليها
كل همها ابو اليمه يرد سالم عليها
ما ناشدت عن اربعه البطف بنيها
لحسين قدمتهم نذر خاطر يجيها
من جاها ابن حذلم حچتله ابهايه
عوف الولد خبرني عن مولايه
في دمعها نداء لأرض كربلاء
كلمات / حسين الأمين
#ليالي_ام_البنين ٢ ( ميمر )
بالطف أبو اليمه كون ... يا يمه يفخر بيكم
الموعد گرب و أرض الطفوف اتناطر
شدوا حزمكم و استعدوا الباجر
ماريد أبو اليمه وحيد و حاير
صيروا ستر جيش حسين ... أربعة و امسميكم
__
صيروا درع يم الخيم و الخدر
حتى الهوه يم الخدر لا يفتر
ماريد واحد عالخيم يتجسر
الزينبكم افدوا الارواح ... حيدر علي اموصيكم
__
اعله الخيم خلوها ترف الرايه
و يصبح اسمكم بالطف الوفايه
هذا الوعد مني و افهموا حجايه
إلي يرد دون حسين .. يحرم حليبي اعليكم
____
يم الحسين اتصغروا و اتكبرون
بلايه إذن يا يمه لا لا تحجون
هاذي وصيتي الكم يعبدالله و عون
حگ الربه توفي اليوم ... و بأمرته خليكم
_
كون بقتالك يبني جعفر ترعد
و يابه الفضل أنته الذخر يوم الجد
طفيها عين اعله الخدر من اتصد
عيدوا علي بگطع الروس ... بسيفه علي مربيكم
___
فروا الكواكب لو أمر يمه حسين
كونوا عبيدا ترفعوا اليوم الدين
لو يحجي يمكم لا ترفعون العين
صيروا جبل للحگ سيف ... واتمسكوا بواليكم
___
ماريدن إسهام العطش تاخذ حيل
واحدكم الحد الخيم يصبح سيل
ما أرضه إلا ادماكم اعليها تسيل
لا ما تقصرون بروح ... من العطش ياذيكم
___
رايتكم اعله المشرعه ركزوها
يم الحسين اترفرف و علوها
حارس العين اعله الخدر خلوها
دون الخدر طيحوا العين ... يا يمه أفخر بيكم
كلمات / حسين الأمين
بالطف أبو اليمه كون ... يا يمه يفخر بيكم
الموعد گرب و أرض الطفوف اتناطر
شدوا حزمكم و استعدوا الباجر
ماريد أبو اليمه وحيد و حاير
صيروا ستر جيش حسين ... أربعة و امسميكم
__
صيروا درع يم الخيم و الخدر
حتى الهوه يم الخدر لا يفتر
ماريد واحد عالخيم يتجسر
الزينبكم افدوا الارواح ... حيدر علي اموصيكم
__
اعله الخيم خلوها ترف الرايه
و يصبح اسمكم بالطف الوفايه
هذا الوعد مني و افهموا حجايه
إلي يرد دون حسين .. يحرم حليبي اعليكم
____
يم الحسين اتصغروا و اتكبرون
بلايه إذن يا يمه لا لا تحجون
هاذي وصيتي الكم يعبدالله و عون
حگ الربه توفي اليوم ... و بأمرته خليكم
_
كون بقتالك يبني جعفر ترعد
و يابه الفضل أنته الذخر يوم الجد
طفيها عين اعله الخدر من اتصد
عيدوا علي بگطع الروس ... بسيفه علي مربيكم
___
فروا الكواكب لو أمر يمه حسين
كونوا عبيدا ترفعوا اليوم الدين
لو يحجي يمكم لا ترفعون العين
صيروا جبل للحگ سيف ... واتمسكوا بواليكم
___
ماريدن إسهام العطش تاخذ حيل
واحدكم الحد الخيم يصبح سيل
ما أرضه إلا ادماكم اعليها تسيل
لا ما تقصرون بروح ... من العطش ياذيكم
___
رايتكم اعله المشرعه ركزوها
يم الحسين اترفرف و علوها
حارس العين اعله الخدر خلوها
دون الخدر طيحوا العين ... يا يمه أفخر بيكم
كلمات / حسين الأمين