#ليالي_ام_البنين ٣
___
ام اربعة انطت ولد وفايه
أولهم إلي سلمتله الرايه
من هذا الإحساس تتعلم الناس
انطت ولد وفايه
____
أربع كواكب سلمت و تكول خاف امقصره
لحسين لو عندي الف كلهم فداء النحره
بلكي يصيرولي حرز و ترضى عليه الزهره
مو مهم مات شچم ولد المهم اوفي العشره
تسولف ولكن مستحاها هوايه
بس لا يقصرون الولد من هايه
تتراجف أنفاس تتعلم الناس
انطت ولد وفايه
__
ماكو مثلها اعله الأرض بالوفه ما إلها أحد
مرت أبو تصبح خادمه الولده گلبها يمتد
تفديه شبان أربعه و منها الجفن ما يرتد
عدها بصيره و عالمه بالطف تعرفه استشهد
دوم تلهج بالطفوف و بالبين
تكللهم انتو قدمتكم لحسين
واحدها نبراس تتعلم الناس
انطت ولد وفايه
____
كالت يولدي من مشوا اتذبحوا دون حسين
ماريدن اتردون الي ياخذكم اوياه البين
كون اربعتكم عالنهر طيحتكم اتعلي الدين
عباس منك رايده عزب سهم وسط العين
انطي جفوف و بعد انطي عينك
كل ذني سهله ولا يطيح حسينك
صوب بعد رأس تتعلم الناس
انطت ولد وفايه
______
تشهد عليها أم الحسن قدمتهم و محتاره
ظلت تناشد عن ولد واحد تريد اخباره
ما همها كل الاربعه بالگلب شبت ناره
تلهج يربي حسين إلي سالم يعود الداره
هذا الوفه ماله شبه لا والله
حته ما صاحت عليهم ويلاه
شده و عظم باس تتعلم الناس
انطت ولد وفايه
___
اتلگاها هاليوم السبط واكف يرحب بيها
يا هلا بأمي الغاليه بـ ام الوفه يسميها
مشتاگة جانتله اشكثر والخاطر ايأذيها
يمسح دمعها بيمنته و الزهره گصدت ليها
مشكوره يم الأربعة و تسلمين
و حيدر اجه يبارك تعبها لحسين
گاصدها عباس تتعلم الناس
انطت ولد وفايه
كلمات / حسين الأمين
___
ام اربعة انطت ولد وفايه
أولهم إلي سلمتله الرايه
من هذا الإحساس تتعلم الناس
انطت ولد وفايه
____
أربع كواكب سلمت و تكول خاف امقصره
لحسين لو عندي الف كلهم فداء النحره
بلكي يصيرولي حرز و ترضى عليه الزهره
مو مهم مات شچم ولد المهم اوفي العشره
تسولف ولكن مستحاها هوايه
بس لا يقصرون الولد من هايه
تتراجف أنفاس تتعلم الناس
انطت ولد وفايه
__
ماكو مثلها اعله الأرض بالوفه ما إلها أحد
مرت أبو تصبح خادمه الولده گلبها يمتد
تفديه شبان أربعه و منها الجفن ما يرتد
عدها بصيره و عالمه بالطف تعرفه استشهد
دوم تلهج بالطفوف و بالبين
تكللهم انتو قدمتكم لحسين
واحدها نبراس تتعلم الناس
انطت ولد وفايه
____
كالت يولدي من مشوا اتذبحوا دون حسين
ماريدن اتردون الي ياخذكم اوياه البين
كون اربعتكم عالنهر طيحتكم اتعلي الدين
عباس منك رايده عزب سهم وسط العين
انطي جفوف و بعد انطي عينك
كل ذني سهله ولا يطيح حسينك
صوب بعد رأس تتعلم الناس
انطت ولد وفايه
______
تشهد عليها أم الحسن قدمتهم و محتاره
ظلت تناشد عن ولد واحد تريد اخباره
ما همها كل الاربعه بالگلب شبت ناره
تلهج يربي حسين إلي سالم يعود الداره
هذا الوفه ماله شبه لا والله
حته ما صاحت عليهم ويلاه
شده و عظم باس تتعلم الناس
انطت ولد وفايه
___
اتلگاها هاليوم السبط واكف يرحب بيها
يا هلا بأمي الغاليه بـ ام الوفه يسميها
مشتاگة جانتله اشكثر والخاطر ايأذيها
يمسح دمعها بيمنته و الزهره گصدت ليها
مشكوره يم الأربعة و تسلمين
و حيدر اجه يبارك تعبها لحسين
گاصدها عباس تتعلم الناس
انطت ولد وفايه
كلمات / حسين الأمين
#ليالي_ام_البنين ٤
___
الوصيه نفذتها عالشريعه ثبتتها
___
انه اجيتچ و اخبرچ يمه سمعيني
لجل اخويه هديت السهم عيني
لا تنشديني امرچ لا تنشديني
روحي للطف تشوفيها چفيني
مهجتي هم قدمتها عالشريعه ثبتتها
____
يمه بشريني وياچ انه اموافي
وزعت روحي لحسين هوه صافي
طلب دمي ييمه و ما گلت كافي
الماي ذليته وانه امفطره اشفافي
بسهم عيني اكدتها عالشريعه ثبتتها
_
انه أول أخو ايعزب اخوانه
للمنيه مشوا كلها ولهانه
كلمن يريد ييمه يعتلي شانه
ايضحي لحسين وجوده ويه وجدانه
لبو اليمه سلمتها عالشريعه ثبتتها
_
وگت الحروب تعرفين منو ابنچ
حاشه فد يوم ييمه خيبت ظنچ
والله لو رخصه منطيني اوعدنچ
چان روس العساكر وصلت الحظنچ
والرگب چا گطعتها عالشريعه ثبتتها
كلمات / حسين الأمين
___
الوصيه نفذتها عالشريعه ثبتتها
___
انه اجيتچ و اخبرچ يمه سمعيني
لجل اخويه هديت السهم عيني
لا تنشديني امرچ لا تنشديني
روحي للطف تشوفيها چفيني
مهجتي هم قدمتها عالشريعه ثبتتها
____
يمه بشريني وياچ انه اموافي
وزعت روحي لحسين هوه صافي
طلب دمي ييمه و ما گلت كافي
الماي ذليته وانه امفطره اشفافي
بسهم عيني اكدتها عالشريعه ثبتتها
_
انه أول أخو ايعزب اخوانه
للمنيه مشوا كلها ولهانه
كلمن يريد ييمه يعتلي شانه
ايضحي لحسين وجوده ويه وجدانه
لبو اليمه سلمتها عالشريعه ثبتتها
_
وگت الحروب تعرفين منو ابنچ
حاشه فد يوم ييمه خيبت ظنچ
والله لو رخصه منطيني اوعدنچ
چان روس العساكر وصلت الحظنچ
والرگب چا گطعتها عالشريعه ثبتتها
كلمات / حسين الأمين
#ليالي_ام_البنين ٥
____
يا قافلة العزيز انه ام البنين
هاذي وصيتي الكربله من تعتنين
لو تعمي المدامع عيني دزي قميص حسيني
______
يا قافله لو للسفر هاي المسيه انويتي
حفظيها من ام ثاكله كل جلمه من اوصيتي
يالشايله كلشي إلي روحي و دمعتي و بيتي
كل خطوه امشيها بحذر لو للطفوف امشيتي
ديري بالج عالحراير و الحسين
دربج طويل و خايفه تتعثرين
اترجاج لا تنسيني دزي قميص حسيني
______
أم اربعه كلهم مشوا و بوحدي تركوني
أمهم انه يا قافله بس ولدي ميهموني
خافن يأذيني الهجر و بدمعتي ايخلوني
دزي قميص ابن النبي فدواته ماي اعيوني
لو طال بيج المكصد اويه ابن البتول
دزي عطره بدونه عمري ما يطول
اويه الريح اشم خليني دزي قميص حسيني
______
خلي اعله بالج راكبه خدر الهواشم كلها
بخرت هودجها بعلي و سورة الزهره اقره الها
يا قافله كلشي و لا واحد يصد الظلها
بهونج اكطعي هالدرب خوفي يرك محملها
دزيت وياها حرس ابني الكمر
كتله انذبح عن لا يشوفوها البشر
كالالي لتوصيني دزي قميص حسيني
___
يعقوب ثاني بالدمع صايره و خدي امحفر
مو بنيمين انه انذرت أربعة الكطع المنحر
ديرت حزن بيه انبنت عكبه الجفن ظل يسهر
يوصل قميصه انتظر جا ليش عني اتاخر
يوسف حياتي لشوكت ابقه انتظر
طال الهجر ليه قميصه ما يمر
هواي البعد ماذيني دزي قميص حسيني
_____
يا قافله ماكو خبر عنكم تره الروح ابهم
دزي ولو من الرضيع اكماطه خل عطره اشتم
سبحه ابغيابه اطشرت هيجي العمر ما يلتم
اربعه ولدي فدوه اله كون المهم بس يسلم
يا قافله كل الولد فدوه تروح
المهم تسلم لبو السجاد روح
وانه فدوته سنيني دزي قميص حسيني
كلمات / حسين الأمين
____
يا قافلة العزيز انه ام البنين
هاذي وصيتي الكربله من تعتنين
لو تعمي المدامع عيني دزي قميص حسيني
______
يا قافله لو للسفر هاي المسيه انويتي
حفظيها من ام ثاكله كل جلمه من اوصيتي
يالشايله كلشي إلي روحي و دمعتي و بيتي
كل خطوه امشيها بحذر لو للطفوف امشيتي
ديري بالج عالحراير و الحسين
دربج طويل و خايفه تتعثرين
اترجاج لا تنسيني دزي قميص حسيني
______
أم اربعه كلهم مشوا و بوحدي تركوني
أمهم انه يا قافله بس ولدي ميهموني
خافن يأذيني الهجر و بدمعتي ايخلوني
دزي قميص ابن النبي فدواته ماي اعيوني
لو طال بيج المكصد اويه ابن البتول
دزي عطره بدونه عمري ما يطول
اويه الريح اشم خليني دزي قميص حسيني
______
خلي اعله بالج راكبه خدر الهواشم كلها
بخرت هودجها بعلي و سورة الزهره اقره الها
يا قافله كلشي و لا واحد يصد الظلها
بهونج اكطعي هالدرب خوفي يرك محملها
دزيت وياها حرس ابني الكمر
كتله انذبح عن لا يشوفوها البشر
كالالي لتوصيني دزي قميص حسيني
___
يعقوب ثاني بالدمع صايره و خدي امحفر
مو بنيمين انه انذرت أربعة الكطع المنحر
ديرت حزن بيه انبنت عكبه الجفن ظل يسهر
يوصل قميصه انتظر جا ليش عني اتاخر
يوسف حياتي لشوكت ابقه انتظر
طال الهجر ليه قميصه ما يمر
هواي البعد ماذيني دزي قميص حسيني
_____
يا قافله ماكو خبر عنكم تره الروح ابهم
دزي ولو من الرضيع اكماطه خل عطره اشتم
سبحه ابغيابه اطشرت هيجي العمر ما يلتم
اربعه ولدي فدوه اله كون المهم بس يسلم
يا قافله كل الولد فدوه تروح
المهم تسلم لبو السجاد روح
وانه فدوته سنيني دزي قميص حسيني
كلمات / حسين الأمين
#مسلم_بن_عقيل_ع 1
_ - _ - _
يا ريح وي جنح الحمام وصل لبو اليمه السلام
هاي الأمانه لحضرة الغالي
_____
وصل سلامي من البعد وقره بدمع مرسالي
كله يكولن مستحي مسلم يردلك خالي
بالمغرب انصاري شكثر بالليل امشي الحالي
الواكف ابظهري تره هو الصبح جتالي
حاير وانه بديرة غرب اتخطى من درب لدرب
ماعندي واحد ينشد شحالي
هاي الامانه لحضرة الغالي
____
بالكوفه امشي والتفت عطشان انه بيا حال
عافوني كلها الوحدي والسبب يحسين المال
ضليت وحدي بلا زلم بس طوعه صارت رجال
حشمت نادت ياعلي والياعلي تهد اجبال
الحومه جن يوم الفصل لمن صحت يابو الفضل
چن الكمر ظل ايتراوالي
هاي الامانه لحضرة الغالي
____
من گيدوني من القصر حاچيت هالريح بهاي
يابو علي ارد انشدك يم بنتي لا تبچي هواي
طفله حميده وتنجرح دمعته اشد من بلواي
والطفل لو راح الابو يتيه بعد حتى الراي
ماريدن اسمعها تنوح زغيرة واخاف من الجروح
تكسر كلبها وهذا جتالي
هاي الامانه لحضرة الغالي
__
الغربه تركت بالكلب لبنيّتي اقسى مصاب
من تنشدك عني بدمع امسح دمعها السجاب
طفلة تظل وتنتظر هلبت يرد ليه جواب
گللها تاركلچ اثر ذاك القصر صار اتراب
گلها القصر منه وگع جواه بقه و هو ارتفع
طاح القصر بس هو ظل عالي
هاي الامانه لحضرة الغالي
_
لو ردت تمشي للحرب لزينب حميده انطيها
ماريد واحد بالسبي يلوعها و يبچيها
ما عدها لا ام لا اخت يشگف السوط اعليها
غالية و روحي تلچم لو واحد يأذيها
خاف الدمع منها يسيل خل يمسح بخدها العليل
يلچم دمعها لو بقى يلالي
هاي الامانه لحضرة الغالي
كلمات
حسين الأمين
_ - _ - _
يا ريح وي جنح الحمام وصل لبو اليمه السلام
هاي الأمانه لحضرة الغالي
_____
وصل سلامي من البعد وقره بدمع مرسالي
كله يكولن مستحي مسلم يردلك خالي
بالمغرب انصاري شكثر بالليل امشي الحالي
الواكف ابظهري تره هو الصبح جتالي
حاير وانه بديرة غرب اتخطى من درب لدرب
ماعندي واحد ينشد شحالي
هاي الامانه لحضرة الغالي
____
بالكوفه امشي والتفت عطشان انه بيا حال
عافوني كلها الوحدي والسبب يحسين المال
ضليت وحدي بلا زلم بس طوعه صارت رجال
حشمت نادت ياعلي والياعلي تهد اجبال
الحومه جن يوم الفصل لمن صحت يابو الفضل
چن الكمر ظل ايتراوالي
هاي الامانه لحضرة الغالي
____
من گيدوني من القصر حاچيت هالريح بهاي
يابو علي ارد انشدك يم بنتي لا تبچي هواي
طفله حميده وتنجرح دمعته اشد من بلواي
والطفل لو راح الابو يتيه بعد حتى الراي
ماريدن اسمعها تنوح زغيرة واخاف من الجروح
تكسر كلبها وهذا جتالي
هاي الامانه لحضرة الغالي
__
الغربه تركت بالكلب لبنيّتي اقسى مصاب
من تنشدك عني بدمع امسح دمعها السجاب
طفلة تظل وتنتظر هلبت يرد ليه جواب
گللها تاركلچ اثر ذاك القصر صار اتراب
گلها القصر منه وگع جواه بقه و هو ارتفع
طاح القصر بس هو ظل عالي
هاي الامانه لحضرة الغالي
_
لو ردت تمشي للحرب لزينب حميده انطيها
ماريد واحد بالسبي يلوعها و يبچيها
ما عدها لا ام لا اخت يشگف السوط اعليها
غالية و روحي تلچم لو واحد يأذيها
خاف الدمع منها يسيل خل يمسح بخدها العليل
يلچم دمعها لو بقى يلالي
هاي الامانه لحضرة الغالي
كلمات
حسين الأمين
#ليالي_مسلم_بن_عقيل_ع ٢
_ - _ - _
قصر الاماره شاهد الخلودك
ما ينمحي طول الزمن وجودك
____
وفيت عهدك للنبي و امامك
بالحومه شاهد للفخر حسامك
ما دنگت للسيف عالي هامك
هسه اليزورك ينحني امامك
قدمت روحك صادق بوعودك
ما ينمحي طول الزمن وجودك
____
يا مرجع العشاگ و الغياره
فوگ القصر أسست للزياره
واگف تصلي و أسمعت بشاره
باچر يمسلم مو قصر مناره
يامن فديت بدمك العهودك
ما ينمحي طول الزمن وجودك
___
ما ينسي التاريخ يابو طاهر
صولة يمينك بالحرب مفاخر
لهذا الزمن صوتك بقى يجاهر
أول فدائي للسبط و ناصر
باقي ولائك معتلي صمودك
ما ينمحي طول الزمن وجودك
_____
أنته الهشام الوصلت رساله
چلمة الحق اتعيش لا محاله
دافعت عن حسين و ابساله
ذكرك خلد طول الزمن دلاله
يوم الحشر بالجنه هم ورودك
ما ينمحي طول الزمن وجودك
___
يالحامي دين الله في ثورتك
اجيال گاعد ترتوي بعبرتك
الكوفه چانت مكه من نظرتك
و أنته محمد وحدك بغربتك
لا ناصر العندك يحامي جودك
ما ينمحي طول الزمن وجودك
__
تربات حيدر بالحرب قتالك
منشطر راسه يرجع الدنالك
تشبه علي يا مسلم بفعالك
مالك مثيل بفكرك و جمالك
محد گدر يعبرهن الحدودك
ما ينمحي طول الزمن وجودك
__
يابو حميده يبقى الك دمعنه
لا ما يمل من الحزن كلبنه
نمشي اعله دربك ما يزل چدمنه
اشفع يمسلم بالقيامه النه
بحسين نقسم اشفع الوفودك
ما ينمحي طول الزمن وجودك
كلمات / حسين الأمين
_ - _ - _
قصر الاماره شاهد الخلودك
ما ينمحي طول الزمن وجودك
____
وفيت عهدك للنبي و امامك
بالحومه شاهد للفخر حسامك
ما دنگت للسيف عالي هامك
هسه اليزورك ينحني امامك
قدمت روحك صادق بوعودك
ما ينمحي طول الزمن وجودك
____
يا مرجع العشاگ و الغياره
فوگ القصر أسست للزياره
واگف تصلي و أسمعت بشاره
باچر يمسلم مو قصر مناره
يامن فديت بدمك العهودك
ما ينمحي طول الزمن وجودك
___
ما ينسي التاريخ يابو طاهر
صولة يمينك بالحرب مفاخر
لهذا الزمن صوتك بقى يجاهر
أول فدائي للسبط و ناصر
باقي ولائك معتلي صمودك
ما ينمحي طول الزمن وجودك
_____
أنته الهشام الوصلت رساله
چلمة الحق اتعيش لا محاله
دافعت عن حسين و ابساله
ذكرك خلد طول الزمن دلاله
يوم الحشر بالجنه هم ورودك
ما ينمحي طول الزمن وجودك
___
يالحامي دين الله في ثورتك
اجيال گاعد ترتوي بعبرتك
الكوفه چانت مكه من نظرتك
و أنته محمد وحدك بغربتك
لا ناصر العندك يحامي جودك
ما ينمحي طول الزمن وجودك
__
تربات حيدر بالحرب قتالك
منشطر راسه يرجع الدنالك
تشبه علي يا مسلم بفعالك
مالك مثيل بفكرك و جمالك
محد گدر يعبرهن الحدودك
ما ينمحي طول الزمن وجودك
__
يابو حميده يبقى الك دمعنه
لا ما يمل من الحزن كلبنه
نمشي اعله دربك ما يزل چدمنه
اشفع يمسلم بالقيامه النه
بحسين نقسم اشفع الوفودك
ما ينمحي طول الزمن وجودك
كلمات / حسين الأمين
#مسلم_بن_عقيل_ع ٣ ( شوط كربلائي )
____
يا حيدر هتف مسلم و هجم عالحومه بالبتار
ترباية اسد جيدوم من مدرسة حامي الجار
____
الجيش اباب طوعه احتار مسلم من برز الهم
چنه حيدر الكرار من ايصول راعبهم
نزل و الموت سيفه ايلوح گطعها بيا علي اركبهم
واحد طايح ابلا راس
واحد خلص الانفاس
وحگ درعه وحگ الطاس
رد بالكوفه چن خيبر و مسلم يشبه الكرار
_____
طوعه اتحشم ابمكفاه هلا ببن السباع اليوم
اريدن عمك اتعيده وبالكوفه تسيل ادموم
بحر من الدمه صاير وسيفه يا خلگ معلوم
تربايت علي يمناه
يرد من الحرب حاشاه
ميت كلمن اليدناه
سيفه ماخذ الاوصاف من اوصاف ذو الفقار
__
واحد ضد ثلث آلاف ما گدروا يطيحونه
لا بل طلبوا الامداد راعبهم يشوفنه
الفارس من يصدله ايموت تگتل خزرة عيونه
مسلم بالحرب صايود
كل فارس يرده اردود
السيف بيمنته محسود
خله الكوفه گاع الموت و صارت ضربته تذكار
___
ياهو يوكف ابوجهه يرد بس بالنحر لهله
ابو طاهر بطل صنديد و اسأل عن أصل نسله
عمه حيدر الضرغام العنده المعركه سهله
وابن عمه البطل عباس
شوف الهاشمي النبراس
ما منهم اكو بهل ناس
همه للفخر عنوان و همه بالحرب مغوار
_____
لومه بالغدر ميطيح مسلم يا ألف وسفه
والله چان باد الجيش تشهدله ابو الكلفه
لكن حفرة بالحومه وگع بيها و كثر نزفه
طاح و شيد العنوان
بطل رجفها للفرسان
ملك وحده تره الميدان
صال بوحده بالكوفه تبختر للنصر مختار
كلمات / حسين الأمين
____
يا حيدر هتف مسلم و هجم عالحومه بالبتار
ترباية اسد جيدوم من مدرسة حامي الجار
____
الجيش اباب طوعه احتار مسلم من برز الهم
چنه حيدر الكرار من ايصول راعبهم
نزل و الموت سيفه ايلوح گطعها بيا علي اركبهم
واحد طايح ابلا راس
واحد خلص الانفاس
وحگ درعه وحگ الطاس
رد بالكوفه چن خيبر و مسلم يشبه الكرار
_____
طوعه اتحشم ابمكفاه هلا ببن السباع اليوم
اريدن عمك اتعيده وبالكوفه تسيل ادموم
بحر من الدمه صاير وسيفه يا خلگ معلوم
تربايت علي يمناه
يرد من الحرب حاشاه
ميت كلمن اليدناه
سيفه ماخذ الاوصاف من اوصاف ذو الفقار
__
واحد ضد ثلث آلاف ما گدروا يطيحونه
لا بل طلبوا الامداد راعبهم يشوفنه
الفارس من يصدله ايموت تگتل خزرة عيونه
مسلم بالحرب صايود
كل فارس يرده اردود
السيف بيمنته محسود
خله الكوفه گاع الموت و صارت ضربته تذكار
___
ياهو يوكف ابوجهه يرد بس بالنحر لهله
ابو طاهر بطل صنديد و اسأل عن أصل نسله
عمه حيدر الضرغام العنده المعركه سهله
وابن عمه البطل عباس
شوف الهاشمي النبراس
ما منهم اكو بهل ناس
همه للفخر عنوان و همه بالحرب مغوار
_____
لومه بالغدر ميطيح مسلم يا ألف وسفه
والله چان باد الجيش تشهدله ابو الكلفه
لكن حفرة بالحومه وگع بيها و كثر نزفه
طاح و شيد العنوان
بطل رجفها للفرسان
ملك وحده تره الميدان
صال بوحده بالكوفه تبختر للنصر مختار
كلمات / حسين الأمين
#مسلم_بن_عقيل_ع ٤
___
فوگ القصر من صليت صوت ارتفع بالبشره
يا مسلم " انا اعطيناك " گبه و مناره و حضره
____
چانت صلاتك واجبه لو مستحبه النيه
يا سوره ويه الفاتحه بهاي الصلا مقريه
اشگد چنت ذايب لعد بحسين و بطاريه
وديت من فوگ القصر فرض العشگ برقيه
چم ركعه اسألك محتار ويا آيه چنت التقره
يا مسلم انا اعطيناك گبه و مناره و حضره
____
گالولي لمّن كبّرت رسمت دمعتك كلمه
يا سر اجاك امن السمه و ليش بدعائك هظمه
يا عدتي في كربتي و لحسين تذكر اسمه
چنك شفتها كربله شاهدت بيها اللچمه
ليش بصلاتك مخنوگ و تچذب بقيت الحسره
يا مسلم انا اعطيناك گبه و مناره و حضره
_
يا واحد و عسكر چنت لو سيف بچفوفك مال
ماخذها ترباية علي افعال مو بس اقوال
يا قائد بظهرك مره تنعد بمية رجال
طوعه رساله للشرف بالكوفه صنعت اجيال
أخ و ثقه عد حسين قدرك تبين كبره
يا مسلم انا اعطيناك گبه و مناره و حضره
__
يا هدهد و دزّك نبي مو عرش لا شايل دين
جايب رساله ابلا ظرف مكتوبه چانت بالعين
بلقيس وكتك ضايعه بدرب الذهب من اسنين
باعت مواثيق الشرف و اتعاهدت ضد حسين
يا درّه ما بين احجار تركت الناس الفطره
يا مسلم انا اعطيناك گبه و مناره و حضره
_
تشبه محمد غربتك و الكوفه تشبه مكه
غربيل صوتك للبشر و محد حچالك حرگه
عالكوفه غابش چن نده الوادم حجر مو ورگه
متريد چلمات الهوه حبت العيشه بخنگه
الي گضه عمره بليل يكره طواري الگمره
يا مسلم انا اعطيناك گبه و مناره و حضره
___
شفتك طحت من القصر بس ما اظن شاهدتك
ادري اليگع ميرد يگف بس انته واگف شفتك
و شفتك ذبيح امن النحر و بحبال جروا جثتك
شو هسه اشوفنك عدل ذاك القصر بي گبتك
مخطوط بجناح الماي لحسين مهد ثوره
يا مسلم انا اعطيناك گبه و مناره و حضره
حسين الأمين
___
فوگ القصر من صليت صوت ارتفع بالبشره
يا مسلم " انا اعطيناك " گبه و مناره و حضره
____
چانت صلاتك واجبه لو مستحبه النيه
يا سوره ويه الفاتحه بهاي الصلا مقريه
اشگد چنت ذايب لعد بحسين و بطاريه
وديت من فوگ القصر فرض العشگ برقيه
چم ركعه اسألك محتار ويا آيه چنت التقره
يا مسلم انا اعطيناك گبه و مناره و حضره
____
گالولي لمّن كبّرت رسمت دمعتك كلمه
يا سر اجاك امن السمه و ليش بدعائك هظمه
يا عدتي في كربتي و لحسين تذكر اسمه
چنك شفتها كربله شاهدت بيها اللچمه
ليش بصلاتك مخنوگ و تچذب بقيت الحسره
يا مسلم انا اعطيناك گبه و مناره و حضره
_
يا واحد و عسكر چنت لو سيف بچفوفك مال
ماخذها ترباية علي افعال مو بس اقوال
يا قائد بظهرك مره تنعد بمية رجال
طوعه رساله للشرف بالكوفه صنعت اجيال
أخ و ثقه عد حسين قدرك تبين كبره
يا مسلم انا اعطيناك گبه و مناره و حضره
__
يا هدهد و دزّك نبي مو عرش لا شايل دين
جايب رساله ابلا ظرف مكتوبه چانت بالعين
بلقيس وكتك ضايعه بدرب الذهب من اسنين
باعت مواثيق الشرف و اتعاهدت ضد حسين
يا درّه ما بين احجار تركت الناس الفطره
يا مسلم انا اعطيناك گبه و مناره و حضره
_
تشبه محمد غربتك و الكوفه تشبه مكه
غربيل صوتك للبشر و محد حچالك حرگه
عالكوفه غابش چن نده الوادم حجر مو ورگه
متريد چلمات الهوه حبت العيشه بخنگه
الي گضه عمره بليل يكره طواري الگمره
يا مسلم انا اعطيناك گبه و مناره و حضره
___
شفتك طحت من القصر بس ما اظن شاهدتك
ادري اليگع ميرد يگف بس انته واگف شفتك
و شفتك ذبيح امن النحر و بحبال جروا جثتك
شو هسه اشوفنك عدل ذاك القصر بي گبتك
مخطوط بجناح الماي لحسين مهد ثوره
يا مسلم انا اعطيناك گبه و مناره و حضره
حسين الأمين
حسين الأمين pinned «#مسلم_بن_عقيل_ع 1 _ - _ - _ يا ريح وي جنح الحمام وصل لبو اليمه السلام هاي الأمانه لحضرة الغالي _____ وصل سلامي من البعد وقره بدمع مرسالي كله يكولن مستحي مسلم يردلك خالي بالمغرب انصاري شكثر بالليل امشي الحالي…»
#اصحاب_الحسين_ع ١
____
صاحت افحول الشجاعه للسبط سمعا وطاعه
لا مترهبنه المنايه وبنهايتنه بدايه
__
اتوسط و صاح ابن ظاهر ها يميزان الرجوله
عالعهد لسه اويه حيدر نتبع مهما يكوله
هذا ميدان الشجاعة سطروا شعدكم بطوله
منه واحد لو يموت بحربه باجر باركوله
(( للجنة بهوسات انزفه ))
باجر اتقوم القيامه نفدي منحر للامامه
انه اولها الضحايه و بنهايتنه بدايه
_
يا برير و باجر انته الزلزله سيفك قراها
من تطب سوح المعارك خلي لجهنم سراها
من تبيع الدنيا تدري روحك حسين اشتراها
ماكو ميت بالشهاده يبقى للمحشر وجاها
(( اخبطاها و أرجع صفيها ))
سبح ابسيفك عباده شمحله لحسين الشهاده
بالحرب رتلها آيه و بنهايتنه بدايه
___
يا زهير و هذا يومك بالطفوف ابلا نظيره
اليعوف حسينه تالي عايش بذله مصيره
انته يالكايل اموتن لو الف ما عندي غيره
باجر ابوجه العساكر من ضربتك خلي حيره
(( الموته بيد حسينك تحله ))
لو الف مره كلتها انقتل بيدك ردتها
خلّد بحربك روايه و بنهايتنه بدايه
___
طلبتك فاطم و اجتك بالحلم كلتلها حاضر
باجر اتحنيها بيدك شيبتك من المناحر
مسلم و نعرف ضربتك لكوفه بعلومك تفاخر
انهض و فرع مهرتك و ارهب و زلزل عساكر
(( تنتظرك بالجنه الزهره ))
عالعهد سيفك اريده وانته خريج الصميده
ثبت القصتك نهايه و بنهايتنه بدايه
_
بعده ما حاجي اويه عابس لنه كاسر بيده غمده
كله ما أصبر لباجر خلي سيفي هسه هده
صد ابن ظاهر لعابس كله باجر موته وحده
للجنان أنطب سويه و تحله يم حيدرنه كعده
(( يروينه امن الكوثر بيده ))
شگه درعك و الملابس أسس اجنون المجالس
للعشك ارفعها رايه و بنهايتنه بدايه
كلمات / حسين الأمين
____
صاحت افحول الشجاعه للسبط سمعا وطاعه
لا مترهبنه المنايه وبنهايتنه بدايه
__
اتوسط و صاح ابن ظاهر ها يميزان الرجوله
عالعهد لسه اويه حيدر نتبع مهما يكوله
هذا ميدان الشجاعة سطروا شعدكم بطوله
منه واحد لو يموت بحربه باجر باركوله
(( للجنة بهوسات انزفه ))
باجر اتقوم القيامه نفدي منحر للامامه
انه اولها الضحايه و بنهايتنه بدايه
_
يا برير و باجر انته الزلزله سيفك قراها
من تطب سوح المعارك خلي لجهنم سراها
من تبيع الدنيا تدري روحك حسين اشتراها
ماكو ميت بالشهاده يبقى للمحشر وجاها
(( اخبطاها و أرجع صفيها ))
سبح ابسيفك عباده شمحله لحسين الشهاده
بالحرب رتلها آيه و بنهايتنه بدايه
___
يا زهير و هذا يومك بالطفوف ابلا نظيره
اليعوف حسينه تالي عايش بذله مصيره
انته يالكايل اموتن لو الف ما عندي غيره
باجر ابوجه العساكر من ضربتك خلي حيره
(( الموته بيد حسينك تحله ))
لو الف مره كلتها انقتل بيدك ردتها
خلّد بحربك روايه و بنهايتنه بدايه
___
طلبتك فاطم و اجتك بالحلم كلتلها حاضر
باجر اتحنيها بيدك شيبتك من المناحر
مسلم و نعرف ضربتك لكوفه بعلومك تفاخر
انهض و فرع مهرتك و ارهب و زلزل عساكر
(( تنتظرك بالجنه الزهره ))
عالعهد سيفك اريده وانته خريج الصميده
ثبت القصتك نهايه و بنهايتنه بدايه
_
بعده ما حاجي اويه عابس لنه كاسر بيده غمده
كله ما أصبر لباجر خلي سيفي هسه هده
صد ابن ظاهر لعابس كله باجر موته وحده
للجنان أنطب سويه و تحله يم حيدرنه كعده
(( يروينه امن الكوثر بيده ))
شگه درعك و الملابس أسس اجنون المجالس
للعشك ارفعها رايه و بنهايتنه بدايه
كلمات / حسين الأمين
#اصحاب_الحسين_ع (( شوط كربلائي ))
__
توسطهم (حبيب) و صاح فدوه للسبط دمنه
من حسين لجل حسين بدايتنه و نهايتنه
___
بعدكم عالعهد لو لا يالانصار حاچوني
تفدون الرگاب اليوم الخاطر قرة عيوني
آنه لو طحت مچتول بالهوسات شيعوني
راسي أول القربان
اضحي عن ابن عدنان
هاي اوصيتي يالشجعان
ماريد الدموع اطيح بچتلي كون اتهنه
_
سيفك يا (برير) اليوم خلي ايرتل اياته
يامن بالحرب مشهود ويه الحيد صولاته
زلزل كربله بالخوف انته الوحده ضرباته
تربايت علي الكرار
سيفك بالحرب بتار
خلي بكربله تذكار
من بيدك تهز السيف مثل سوره ترتلنه
___
(يبن القين) اريدك كون تثكل بالحرب قاده
وانته يشهد الميدان عندك هالحرب عاده
مو بس النفس هاليوم كلشي فدوه للساده
و كلامك هاذه بي عبره
لو چتلوني الف مره
ما اترك بني الزهره
وحگ المصطفى الخاتم حسيني ما اتركنه
__
(عابس) سجل التاريخ صولاتك تظل عنوان
من تنزع درع حربك و من اتشگگ القمصان
تبقى بالعشگ ايه تترتل مده الازمان
تأسس مدرسة عشاگ
و كل الخدم ما تنساك
اهجم و الوعد تاناك
على حر من جمر تانيك جبرائيل بالجنه
____
يا (جون) الحرب فرصه استغلها ويه ابن فاطم
وانته يا (شبيب) اتنول بذبحتك تنحسب غانم
(انس) وي (مسلم) و(عمار) منكم لا يرد سالم
(نعيم) بذبحتك فاخر
واريدك مثله يا (عامر)
(وهب) من ترتجز شاعر
يا (مسعود) كل الجيش وي (الازدي) اذبحنه
كلمات / حسين الأمين
* بين الاقواس أسماء اصحاب الحسين سلام الله عليهم
__
توسطهم (حبيب) و صاح فدوه للسبط دمنه
من حسين لجل حسين بدايتنه و نهايتنه
___
بعدكم عالعهد لو لا يالانصار حاچوني
تفدون الرگاب اليوم الخاطر قرة عيوني
آنه لو طحت مچتول بالهوسات شيعوني
راسي أول القربان
اضحي عن ابن عدنان
هاي اوصيتي يالشجعان
ماريد الدموع اطيح بچتلي كون اتهنه
_
سيفك يا (برير) اليوم خلي ايرتل اياته
يامن بالحرب مشهود ويه الحيد صولاته
زلزل كربله بالخوف انته الوحده ضرباته
تربايت علي الكرار
سيفك بالحرب بتار
خلي بكربله تذكار
من بيدك تهز السيف مثل سوره ترتلنه
___
(يبن القين) اريدك كون تثكل بالحرب قاده
وانته يشهد الميدان عندك هالحرب عاده
مو بس النفس هاليوم كلشي فدوه للساده
و كلامك هاذه بي عبره
لو چتلوني الف مره
ما اترك بني الزهره
وحگ المصطفى الخاتم حسيني ما اتركنه
__
(عابس) سجل التاريخ صولاتك تظل عنوان
من تنزع درع حربك و من اتشگگ القمصان
تبقى بالعشگ ايه تترتل مده الازمان
تأسس مدرسة عشاگ
و كل الخدم ما تنساك
اهجم و الوعد تاناك
على حر من جمر تانيك جبرائيل بالجنه
____
يا (جون) الحرب فرصه استغلها ويه ابن فاطم
وانته يا (شبيب) اتنول بذبحتك تنحسب غانم
(انس) وي (مسلم) و(عمار) منكم لا يرد سالم
(نعيم) بذبحتك فاخر
واريدك مثله يا (عامر)
(وهب) من ترتجز شاعر
يا (مسعود) كل الجيش وي (الازدي) اذبحنه
كلمات / حسين الأمين
* بين الاقواس أسماء اصحاب الحسين سلام الله عليهم
متى غبْت حتى تحتاج الى دليل يدلّ عليك ؟!
و متى بَعدت حتى تكون الآثار هي التي توصل اليك ؟!
عميت عينٌ لا تراك عليها رقيباً
و خسرت صفقة عبدٍ لم تجعل له من حبّك نصيباً ..
#من_دعاء_الحسين_ع_يوم_عرفه
و متى بَعدت حتى تكون الآثار هي التي توصل اليك ؟!
عميت عينٌ لا تراك عليها رقيباً
و خسرت صفقة عبدٍ لم تجعل له من حبّك نصيباً ..
#من_دعاء_الحسين_ع_يوم_عرفه
#اصحاب_الحسين_ع ٣
_____
سبعين وگفوا مثل الاجبال
الچلمة الصحبه ضربوا امثال
وكت العطش صاروله شلال
______
لو يصد ألهم جبل ينهز ثباته
بكثر ما عشگوا علي و عشگوا صفاته
مستعد واحدهم ايضحي بحياته
مو لبو اليمه لجل خيط بعباته
بيهم احروره اتعادل الصيف
بيهم شجاعه اتخجل السيف
بفعالهم مو بس بالاقوال
وكت العطش صاروله شلال
____
اليدعي ليلة حربه بلكي يجري دمه
و كون يتوذر وذر دون ابو اليمه
روحه مو لحسين لا يفديها لسمه
ذوله من شح الهوه صاروله نسمه
مو بشر چانوا كتلة ايمان
ماكو مثلهم تلگه صحبان
يوم الشدايد تعرف الحال
وكت العطش صاروله شلال
_____
مثل عاشك للسهم ركضه ايتلگاه
كلشي لا صيوان خيمة حبه يدناه
باعوا الدنيه مقابل موته وياه
عرفوا الصاحب احسين ايصاحب الله
عطشوا و لكن فكروا ابهاي
الرافگ نهر شيسوي بالماي
بالموت عرفوا راحت البال
وكت العطش صاروله شلال
____
واحدهم السوح الحرب لهفه يتاني
بحسين يوصي المنچتل صاحبه الثاني
حاچيلي فدوه ابن النبي وفيته اني
لو وفّه گلك صاحبك أملك زماني
مو موت چانت عدهم افراح
زفة عرس مو زفة ارواح
بهذا وفاهم صنعوا اجيال
وكت العطش صاروله شلال
_____
اسمائهم و افعالهم للعبره مشهد
هذا برير الفاطمه برها تمجد
و الحر طلع حر من صدگ مو عبد لحد
و هذا حبيب و للسبط حبه تخلد
للعقل عابس صار مضمون
و جون بوفائه ايفاخر اللون
مو من فراغ احچايه تنگال
وكت العطش صاروله شلال
حسين الأمين
_____
سبعين وگفوا مثل الاجبال
الچلمة الصحبه ضربوا امثال
وكت العطش صاروله شلال
______
لو يصد ألهم جبل ينهز ثباته
بكثر ما عشگوا علي و عشگوا صفاته
مستعد واحدهم ايضحي بحياته
مو لبو اليمه لجل خيط بعباته
بيهم احروره اتعادل الصيف
بيهم شجاعه اتخجل السيف
بفعالهم مو بس بالاقوال
وكت العطش صاروله شلال
____
اليدعي ليلة حربه بلكي يجري دمه
و كون يتوذر وذر دون ابو اليمه
روحه مو لحسين لا يفديها لسمه
ذوله من شح الهوه صاروله نسمه
مو بشر چانوا كتلة ايمان
ماكو مثلهم تلگه صحبان
يوم الشدايد تعرف الحال
وكت العطش صاروله شلال
_____
مثل عاشك للسهم ركضه ايتلگاه
كلشي لا صيوان خيمة حبه يدناه
باعوا الدنيه مقابل موته وياه
عرفوا الصاحب احسين ايصاحب الله
عطشوا و لكن فكروا ابهاي
الرافگ نهر شيسوي بالماي
بالموت عرفوا راحت البال
وكت العطش صاروله شلال
____
واحدهم السوح الحرب لهفه يتاني
بحسين يوصي المنچتل صاحبه الثاني
حاچيلي فدوه ابن النبي وفيته اني
لو وفّه گلك صاحبك أملك زماني
مو موت چانت عدهم افراح
زفة عرس مو زفة ارواح
بهذا وفاهم صنعوا اجيال
وكت العطش صاروله شلال
_____
اسمائهم و افعالهم للعبره مشهد
هذا برير الفاطمه برها تمجد
و الحر طلع حر من صدگ مو عبد لحد
و هذا حبيب و للسبط حبه تخلد
للعقل عابس صار مضمون
و جون بوفائه ايفاخر اللون
مو من فراغ احچايه تنگال
وكت العطش صاروله شلال
حسين الأمين
#العباس_بن_علي_ع ١
_
طبها تربات الصميده طبها تربات الصميده
_
أخذ من حسين أمره بالبدايه
و صاح عزرائيل گله أدخل ورايه
حضورها - فتحوها - علْگوها - سعرها / جهنم
نازلهم - حومتهم - من دمهم - باعثهم / جهنم
نازل وهايه نشيده طبها تربات الصميده
____
سرفن ارداناته من طبها الحرايب
هو تربايت علي بن أبي طالب
ترباته - صولاته - ضرباته - خزراته / من الحيد
حيدرهم -عاده الهم -صوره الهم -رجفتهم / من الحيد
خلّص الجيش اعله ايده طبها تربات الصميده
____
مثل سعفه اگباله تتراجف عساكر
الحومه خلاها اعله ايده بس مناحر
عاهدها - رايدها - واعدها - من شدها / مهرته
الكافل - عالباطل - من نازل - جن راجل / مهرته
الحرايب هاذي عيده طبها تربات الصميده
__
وصل للشط و الچبد من عنده يلهب
الماي ذبّه و الوفه منّه تعجب
من شاله - بهالحاله - چن جاله - بعياله / عطاشه فادينه - بسنينه - ايودينه - لحسينه / عطاشه
والكلام شگد نعيده طبها تربات الصميده
___
ضامي رد و النهر مشيول اعله ظهره
ابثگله صدر الگاع كل خطوه يكسره
من حيدر - هالقسور - والعسكر - يتعذر / دخيله
چن كلبه - هالجربه - وبدربه - من حربه / دخيله
الجربه اغله من وريده طبها تربات الصميده
____
والله لو ما بالغدر محد دناله
چان باد الجيش بس موته حلاله
سجلها - خلدها - بأكملها - بأجملها / خلوده
مريوده - من زوده - وزنوده - بعهوده / خلوده
حقق بحربه اليريده طبها تربات الصميده
كلمات / حسين الأمين
_
طبها تربات الصميده طبها تربات الصميده
_
أخذ من حسين أمره بالبدايه
و صاح عزرائيل گله أدخل ورايه
حضورها - فتحوها - علْگوها - سعرها / جهنم
نازلهم - حومتهم - من دمهم - باعثهم / جهنم
نازل وهايه نشيده طبها تربات الصميده
____
سرفن ارداناته من طبها الحرايب
هو تربايت علي بن أبي طالب
ترباته - صولاته - ضرباته - خزراته / من الحيد
حيدرهم -عاده الهم -صوره الهم -رجفتهم / من الحيد
خلّص الجيش اعله ايده طبها تربات الصميده
____
مثل سعفه اگباله تتراجف عساكر
الحومه خلاها اعله ايده بس مناحر
عاهدها - رايدها - واعدها - من شدها / مهرته
الكافل - عالباطل - من نازل - جن راجل / مهرته
الحرايب هاذي عيده طبها تربات الصميده
__
وصل للشط و الچبد من عنده يلهب
الماي ذبّه و الوفه منّه تعجب
من شاله - بهالحاله - چن جاله - بعياله / عطاشه فادينه - بسنينه - ايودينه - لحسينه / عطاشه
والكلام شگد نعيده طبها تربات الصميده
___
ضامي رد و النهر مشيول اعله ظهره
ابثگله صدر الگاع كل خطوه يكسره
من حيدر - هالقسور - والعسكر - يتعذر / دخيله
چن كلبه - هالجربه - وبدربه - من حربه / دخيله
الجربه اغله من وريده طبها تربات الصميده
____
والله لو ما بالغدر محد دناله
چان باد الجيش بس موته حلاله
سجلها - خلدها - بأكملها - بأجملها / خلوده
مريوده - من زوده - وزنوده - بعهوده / خلوده
حقق بحربه اليريده طبها تربات الصميده
كلمات / حسين الأمين
#العباس_بن_علي_ع ٢
___
عباس طاحت خيمتي عباس حانت كسرتي
عباس وحدي بغربتي عباس سهلت وگعتي
____
خطوه تمشي يگرب اعليه الأجل
گلبي يا عباس وياك ارتحل
بس مشيت الراس بالشيب اشتعل
الفرگتك حتى العرش دمعه همل
عباس بعدك موتتي عباس شلي بدنيتي
عباس جيشي و عزتي عباس سهلت وگعتي
___
انظر بعينك ملامح للسفر
يمي بعدك بس أحس ظهري انكسر
افراگك أصعب خويه من كطع النحر
ما يريد الماي البكتره نهر
عباس روح ارويحتي عباس ذخري و عدتي
عباس نفسي و ريّتي عباس سهلت وگعتي
_
خويه يا عباس لو ناوي تروح
والله ما تبقالي من فركاك روح
هواي جرحك يختلف عن الجروح
دوهنتني و كلشي بيه ظل ينوح
عباس ساعة بلوتي عباس سيف بيمنتي
عباس اخوي و هيبتي عباس سهلت وگعتي
____
جانوا ايكولون نحرك ينكطع
حيف اكلهم ليه ابو فاضل درع
هسه من اموادعك ما ظل دمع
بهيده اموت بمشيتك مثل الشمع
عباس حيره بصرختي عباس شاهد طيحتي
عباس بيدك رايتي عباس سهلت وگعتي
_
روح بس لا تنسه زينب تنتظر
واكفه اتعاين عليك امن الخدر
كلشي كول ولا تكول ارجو العذر
لو طحت أم عون يحنيها الكسر
عباس زينب محنتي عباس راعي عيلتي
عباس وينك چلمتي عباس سهلت وگعتي
___
صوت اجاني للخيم منك إلي
و اركضتلك يا بعد روحي و هلي
شفتك ابلا عين يا ريحة علي
ابلا جفوف و بس ونينك يعتلي
عباس هاذي عازتي عباس صعبه احچايتي
عباس بيمن نخوتي عباس سهلت وگعتي
كلمات / حسين الأمين
___
عباس طاحت خيمتي عباس حانت كسرتي
عباس وحدي بغربتي عباس سهلت وگعتي
____
خطوه تمشي يگرب اعليه الأجل
گلبي يا عباس وياك ارتحل
بس مشيت الراس بالشيب اشتعل
الفرگتك حتى العرش دمعه همل
عباس بعدك موتتي عباس شلي بدنيتي
عباس جيشي و عزتي عباس سهلت وگعتي
___
انظر بعينك ملامح للسفر
يمي بعدك بس أحس ظهري انكسر
افراگك أصعب خويه من كطع النحر
ما يريد الماي البكتره نهر
عباس روح ارويحتي عباس ذخري و عدتي
عباس نفسي و ريّتي عباس سهلت وگعتي
_
خويه يا عباس لو ناوي تروح
والله ما تبقالي من فركاك روح
هواي جرحك يختلف عن الجروح
دوهنتني و كلشي بيه ظل ينوح
عباس ساعة بلوتي عباس سيف بيمنتي
عباس اخوي و هيبتي عباس سهلت وگعتي
____
جانوا ايكولون نحرك ينكطع
حيف اكلهم ليه ابو فاضل درع
هسه من اموادعك ما ظل دمع
بهيده اموت بمشيتك مثل الشمع
عباس حيره بصرختي عباس شاهد طيحتي
عباس بيدك رايتي عباس سهلت وگعتي
_
روح بس لا تنسه زينب تنتظر
واكفه اتعاين عليك امن الخدر
كلشي كول ولا تكول ارجو العذر
لو طحت أم عون يحنيها الكسر
عباس زينب محنتي عباس راعي عيلتي
عباس وينك چلمتي عباس سهلت وگعتي
___
صوت اجاني للخيم منك إلي
و اركضتلك يا بعد روحي و هلي
شفتك ابلا عين يا ريحة علي
ابلا جفوف و بس ونينك يعتلي
عباس هاذي عازتي عباس صعبه احچايتي
عباس بيمن نخوتي عباس سهلت وگعتي
كلمات / حسين الأمين
يا أبا الحسن
إني وآليتك منذ أن هتف والدي بمسامعي
إني وآليتك منذ أن لاذت أمي بك في شدائدها
إني وآليتك منذ أن نطقت أسمك قبل كل شيء
إني وآليتك منذ أن كنت في الذر منسيا
إني وآليتك منذ أن علمتك قرآناً إنسيا
﴿الْيَوْمَ أَكْمَلْتُ لَكُمْ دِينَكُمْ﴾
فـ بالأميرِ كَمال دِين مُحَمدٍ ..
إن غاب عَنه كان دِينُك ناقِصا
#عيد_الله_الاكبر
#عيد_ابناء_الحلال
إني وآليتك منذ أن هتف والدي بمسامعي
إني وآليتك منذ أن لاذت أمي بك في شدائدها
إني وآليتك منذ أن نطقت أسمك قبل كل شيء
إني وآليتك منذ أن كنت في الذر منسيا
إني وآليتك منذ أن علمتك قرآناً إنسيا
﴿الْيَوْمَ أَكْمَلْتُ لَكُمْ دِينَكُمْ﴾
فـ بالأميرِ كَمال دِين مُحَمدٍ ..
إن غاب عَنه كان دِينُك ناقِصا
#عيد_الله_الاكبر
#عيد_ابناء_الحلال
#العباس_بن_علي_ع ٣ ( ميمر )
___
عبست وجوه العسكر ... و عباس اجاهم يضحك
__
فات الگمر و الموت خزرة عينه
لاگاهم بزلزال سيف ايمينه
حتى الهوه البطف تره مضيعينه
سد الهوه وصاروا ليل ... و الگمر بيهم يسحگ
___
عاليها للحومه انگلب سافلها
لمن دخل سوح الحرب كافلها
كل گطره برگاب الزلم وشلها
اطلابه و دخلها العباس ... ياهو اعله راسه يلحگ
____
صارت الشرده من الگمر يشروها
لافته يم المشرعه خلوها
ادخيلك يسبع الگنطره خطوها
هاگ النهر و اخذ الماي ... نرجوا فقط بس صفحك
__
من والده ماخذ شجاعه و غيره
الطف أظن چانت قيامه ازغيره
لو ما أمر ربنه و حسن تدبيره
چا خلصوا بسيف الحيد ... ورد منتصر جيش الحگ
_
حملة علي يوم الحرب صولاته
جيش العدو بس نستمع صرخاته
مدري شكثرها الماتت بنظراته
أية علي وسيف حسين... بالشده يصعب مدحك
_
دمهم وصل من سيفه حد الكوفه
جيش و صفه چالسبحه بين اچفوفه
مات و بعدهم منه ظلت خوفه
ميت و همه يهابوك ... ايرجفون و انته برمحك
كلمات / حسين الأمين
___
عبست وجوه العسكر ... و عباس اجاهم يضحك
__
فات الگمر و الموت خزرة عينه
لاگاهم بزلزال سيف ايمينه
حتى الهوه البطف تره مضيعينه
سد الهوه وصاروا ليل ... و الگمر بيهم يسحگ
___
عاليها للحومه انگلب سافلها
لمن دخل سوح الحرب كافلها
كل گطره برگاب الزلم وشلها
اطلابه و دخلها العباس ... ياهو اعله راسه يلحگ
____
صارت الشرده من الگمر يشروها
لافته يم المشرعه خلوها
ادخيلك يسبع الگنطره خطوها
هاگ النهر و اخذ الماي ... نرجوا فقط بس صفحك
__
من والده ماخذ شجاعه و غيره
الطف أظن چانت قيامه ازغيره
لو ما أمر ربنه و حسن تدبيره
چا خلصوا بسيف الحيد ... ورد منتصر جيش الحگ
_
حملة علي يوم الحرب صولاته
جيش العدو بس نستمع صرخاته
مدري شكثرها الماتت بنظراته
أية علي وسيف حسين... بالشده يصعب مدحك
_
دمهم وصل من سيفه حد الكوفه
جيش و صفه چالسبحه بين اچفوفه
مات و بعدهم منه ظلت خوفه
ميت و همه يهابوك ... ايرجفون و انته برمحك
كلمات / حسين الأمين
#ليلة_القاسم_بن_الحسن_ع ١
__
قل أعوذ قرتله وخيمته بخرتله
من جماله ينحسد
لامته من لبسها بالفلق حرزتها
كتبت بجفه الحمد
ذره يوسف من جمال ابن الحسن ... وهيبته
___
من طلب عمه ناصر للخيم رد ليها ملهوف
رمله لمحت دمعته بس حشه مو دمعة الخوف
هوّه أبن الهواشم عمره يوم ايلاعب اسيوف
بس نظر عمه وحده چن گمر بالحومه مخسوف
رمله شافت دموعه تبتهل وي شموعه
غطه صينت العرس
ماكو مثله ابشبابه وينوصف بالسحابه
من يمر مثل النفس
جاسم ابوجه الورد ساعه صفن
ذره يوسف من جمال ابن الحسن ... وهيبته
__
رمله شافت جماله و من حسدهم علگت ابخور
من زعل ريته حاضر يوسف إلي بحسنه مشهور
چا ركعله جماله و جت زليخه اتگله معذور
جاسم من الترافه مو بشر چن كتله من نور
لو زليخه تنظره مو فقط چف تبتره
تگطع الجاسم نحر
الحور لو هم تشوفه چان نزلت تطوفه
وترسم الوجه صور
ايتركن الجنه و لعد جاسم يجن
ذره يوسف من جمال ابن الحسن ... وهيبته
____
لبس لامت حروبه و أمه ساعه اتعاين اعليه
بشيلة بيضه الحلاته عالوجه صارت تغطيه
مره تقراله آيه و مره تدعي ربي احميه
تشبه الدره عينه و هم قليله تنوصف بيه
يا وصف يكفي جاسم والضوه بنوره هايم
والشمس ينطيها ضي
الظلمه يمه تلالي وبالعطش ما يبالي
العنده جاسم هو مي
كل جمال الله تره عيونه حون
ذره يوسف من جمال ابن الحسن ... وهيبته
_
نبي يحيى بجماله ما يشبه أي بشر حان
صدقتها اليهود بيحيى گالت أجمل انسان
لون يحيى نظر جاسم يرد صوب أمته خجلان
ايگلهم ابهالعباره كلشي أفضل بني عدنان
بني هاشم رياده وهم جمال وقيادة
الله منطيهم شأن
ما نقاس بفضلهم ولا نحوي علمهم
همه أسياد الزمن
للجمال وللعلم صاروا وطن
ذره يوسف من جمال ابن الحسن ... وهيبته
___
بدر بالحومه ضوه من عمامه ماخذ أوصاف
ياهو شاهد جماله الحسن گدامه چن شاف
وبعد من جده حيدر ماخذ أعظم ذيچ الأعراف
هم كريم اعله ابوه وبالحرب هم مثله سياف
چن علي بالشجاعة من الحسن كل طباعه
الكرم والمعرفه
من جمال النبوه كوكبه الدري ضوه
وكل يشع يمه طفه
يا حلات عيونه لمن خوزرن
ذره يوسف من جمال ابن الحسن ... وهيبته
حسين الامين
__
قل أعوذ قرتله وخيمته بخرتله
من جماله ينحسد
لامته من لبسها بالفلق حرزتها
كتبت بجفه الحمد
ذره يوسف من جمال ابن الحسن ... وهيبته
___
من طلب عمه ناصر للخيم رد ليها ملهوف
رمله لمحت دمعته بس حشه مو دمعة الخوف
هوّه أبن الهواشم عمره يوم ايلاعب اسيوف
بس نظر عمه وحده چن گمر بالحومه مخسوف
رمله شافت دموعه تبتهل وي شموعه
غطه صينت العرس
ماكو مثله ابشبابه وينوصف بالسحابه
من يمر مثل النفس
جاسم ابوجه الورد ساعه صفن
ذره يوسف من جمال ابن الحسن ... وهيبته
__
رمله شافت جماله و من حسدهم علگت ابخور
من زعل ريته حاضر يوسف إلي بحسنه مشهور
چا ركعله جماله و جت زليخه اتگله معذور
جاسم من الترافه مو بشر چن كتله من نور
لو زليخه تنظره مو فقط چف تبتره
تگطع الجاسم نحر
الحور لو هم تشوفه چان نزلت تطوفه
وترسم الوجه صور
ايتركن الجنه و لعد جاسم يجن
ذره يوسف من جمال ابن الحسن ... وهيبته
____
لبس لامت حروبه و أمه ساعه اتعاين اعليه
بشيلة بيضه الحلاته عالوجه صارت تغطيه
مره تقراله آيه و مره تدعي ربي احميه
تشبه الدره عينه و هم قليله تنوصف بيه
يا وصف يكفي جاسم والضوه بنوره هايم
والشمس ينطيها ضي
الظلمه يمه تلالي وبالعطش ما يبالي
العنده جاسم هو مي
كل جمال الله تره عيونه حون
ذره يوسف من جمال ابن الحسن ... وهيبته
_
نبي يحيى بجماله ما يشبه أي بشر حان
صدقتها اليهود بيحيى گالت أجمل انسان
لون يحيى نظر جاسم يرد صوب أمته خجلان
ايگلهم ابهالعباره كلشي أفضل بني عدنان
بني هاشم رياده وهم جمال وقيادة
الله منطيهم شأن
ما نقاس بفضلهم ولا نحوي علمهم
همه أسياد الزمن
للجمال وللعلم صاروا وطن
ذره يوسف من جمال ابن الحسن ... وهيبته
___
بدر بالحومه ضوه من عمامه ماخذ أوصاف
ياهو شاهد جماله الحسن گدامه چن شاف
وبعد من جده حيدر ماخذ أعظم ذيچ الأعراف
هم كريم اعله ابوه وبالحرب هم مثله سياف
چن علي بالشجاعة من الحسن كل طباعه
الكرم والمعرفه
من جمال النبوه كوكبه الدري ضوه
وكل يشع يمه طفه
يا حلات عيونه لمن خوزرن
ذره يوسف من جمال ابن الحسن ... وهيبته
حسين الامين
#ليلة_القاسم_بن_الحسن_ع ٢
_____
لو حظر يعگوب من مصابي ايذوب
للحرب زفيت اغله كل محبوب
___
لو حظر يعگوب بالطف و نظرني
ينسه يوسف وي فراقه و ينتحبني
يگعد اويايه يساعدني اعله ونّي
يا خلگ للموت زفيت انه ابني
لو نظر جسام بيوسفه ما هام
بالدمع ناديت اغله كل محبوب
____
غاب يوسف عنّه لكن يدري بعده
عايش و بالدنيا بس افراگه هده
مو فقط واحد اله اهدعش ولده
وانه بس هالواحد و بالحومه افگده
يوسفه هم راد و قاسمي ما عاد
بالدمه حنيت اغله كل محبوب
____
على افراگه من دموعه ابيضت العين
و هدل جفنه من البچي و شيّب بالونين
شحاله لو ينظرني ازفن ابني للبين
جاسم بعمر الورد قدمته لحسين
بيوم ودعته للحرب ميته
من البواچي اعميت اغله كل محبوب
_____
اتلاگه يوسف بعد مده ويه ناسه
وانه ودعت الابن مگطوع راسه
ابني لوحه امن الترافه ويا احساسه
عطره اجه بدرب السبي يمي حراسه
يا جمال البيه شبه ماكو ليه
الضحكته حنيت اغله كل محبوب
__
اوحيد گلبي من تركني اتركت روحي
و عفت عمري و رافگت من بعده نوحي
شفته نايم عالترب بلسم اجروحي
بعيني مرسوم الدمع بجفوني يوحي
چان فرقد نور عالوجه مطبور
يامه الك ونيت اغله كل محبوب
كلمات / حسين الأمين
_____
لو حظر يعگوب من مصابي ايذوب
للحرب زفيت اغله كل محبوب
___
لو حظر يعگوب بالطف و نظرني
ينسه يوسف وي فراقه و ينتحبني
يگعد اويايه يساعدني اعله ونّي
يا خلگ للموت زفيت انه ابني
لو نظر جسام بيوسفه ما هام
بالدمع ناديت اغله كل محبوب
____
غاب يوسف عنّه لكن يدري بعده
عايش و بالدنيا بس افراگه هده
مو فقط واحد اله اهدعش ولده
وانه بس هالواحد و بالحومه افگده
يوسفه هم راد و قاسمي ما عاد
بالدمه حنيت اغله كل محبوب
____
على افراگه من دموعه ابيضت العين
و هدل جفنه من البچي و شيّب بالونين
شحاله لو ينظرني ازفن ابني للبين
جاسم بعمر الورد قدمته لحسين
بيوم ودعته للحرب ميته
من البواچي اعميت اغله كل محبوب
_____
اتلاگه يوسف بعد مده ويه ناسه
وانه ودعت الابن مگطوع راسه
ابني لوحه امن الترافه ويا احساسه
عطره اجه بدرب السبي يمي حراسه
يا جمال البيه شبه ماكو ليه
الضحكته حنيت اغله كل محبوب
__
اوحيد گلبي من تركني اتركت روحي
و عفت عمري و رافگت من بعده نوحي
شفته نايم عالترب بلسم اجروحي
بعيني مرسوم الدمع بجفوني يوحي
چان فرقد نور عالوجه مطبور
يامه الك ونيت اغله كل محبوب
كلمات / حسين الأمين
#القاسم_بن_الحسن_ع ٣ ( ملمع )
_
سَتبقى هِتافْ لِقلبٍ و دِينْ
بثوبِ الزفافْ فَديّت الحُسينْ
عَريسَ المَنايه خَتمْت الروايه
فَديّت الحُسينْ
____
يالعمرك بعمر النده بأول ملامح عمرك
صح سطعش لكن صرت جاسم چبير بقدرك
لو ما چنت بالطف جبل ما صار بير بكترك
و لو روج دمك ما طفح چا خمد منبع نحرك
كَتبتَ الخلودْ دِماءاً تسيلْ
بسيفِ الصمودْ حَمَلّتَ الدليلْ
لما لا نهايه خَتمّت الروايه
فَديّت الحُسينْ
__
راسمها بالدم لوحتك والدين دمك راسم
اسمك اظن اسم الهوه ايصيحوله چانوا جاسم
يا لون عندم وجنتك و الكون بيها هايم
مثلك مره لو خلفت تتباهه حگها و لازم
و عُرسِ الطفوفْ عليهِ أسّتويّتْ
و بيضِ السيوفْ عطاشى رويّتْ
كتنزيلِ آيه خَتمّت الروايه
فَديّت الحُسينْ
___
العمك اجيت و حنّتك بيدك صفت مطبوعه
ممنوعه چانت محنتك و مرغوبه كل ممنوعه
لرض المصارع زفتك و حسين زف ادموعه
ناداها لمك بالدمع طفي يرمله اشموعه
وَداعُ الدموعْ يَبُثُ الأنيّنْ
و أمٍ تلوعْ بقلبٍ حنينْ
بثقلِ الرزايه خَتمّت الروايه
فَديّت الحُسينْ
___
من هاشم وابن الحسن حامل مكارم اهلك
عيد الحرب چانت الك و چف الحسن كاتبلك
قبل الوصيه مستعد للموت شوگ ايحملك
الحومه چانتلك عرش والسيف ليها ايوصلك
لِعرشِ الولاءْ أعتليتَ أميّرْ
خُطى الاولياءْ عليها تسيّرْ
فمُنْذ البِدايه خَتمّتَ الروايه
فَديّتَ الحُسينْ
____
چنك علي من ترتجز و السيف يگطر بالدم
بالغدر صابوا هامتك و حسين گلبه اتألم
يركض اجه گبل النفس من سمع ادركني عم
بحظانه شالك للخيم و دمعه الشمع يتكلم
رَثاكَ الإمامْ عَرِيسَ الدِماءْ
و دمعُ الخيامْ إليكَ رجاءْ
قَتيّلُ الهدايه خَتمّتَ الروايه
فَديّتَ الحُسيّنْ
حسين الأمين
_
سَتبقى هِتافْ لِقلبٍ و دِينْ
بثوبِ الزفافْ فَديّت الحُسينْ
عَريسَ المَنايه خَتمْت الروايه
فَديّت الحُسينْ
____
يالعمرك بعمر النده بأول ملامح عمرك
صح سطعش لكن صرت جاسم چبير بقدرك
لو ما چنت بالطف جبل ما صار بير بكترك
و لو روج دمك ما طفح چا خمد منبع نحرك
كَتبتَ الخلودْ دِماءاً تسيلْ
بسيفِ الصمودْ حَمَلّتَ الدليلْ
لما لا نهايه خَتمّت الروايه
فَديّت الحُسينْ
__
راسمها بالدم لوحتك والدين دمك راسم
اسمك اظن اسم الهوه ايصيحوله چانوا جاسم
يا لون عندم وجنتك و الكون بيها هايم
مثلك مره لو خلفت تتباهه حگها و لازم
و عُرسِ الطفوفْ عليهِ أسّتويّتْ
و بيضِ السيوفْ عطاشى رويّتْ
كتنزيلِ آيه خَتمّت الروايه
فَديّت الحُسينْ
___
العمك اجيت و حنّتك بيدك صفت مطبوعه
ممنوعه چانت محنتك و مرغوبه كل ممنوعه
لرض المصارع زفتك و حسين زف ادموعه
ناداها لمك بالدمع طفي يرمله اشموعه
وَداعُ الدموعْ يَبُثُ الأنيّنْ
و أمٍ تلوعْ بقلبٍ حنينْ
بثقلِ الرزايه خَتمّت الروايه
فَديّت الحُسينْ
___
من هاشم وابن الحسن حامل مكارم اهلك
عيد الحرب چانت الك و چف الحسن كاتبلك
قبل الوصيه مستعد للموت شوگ ايحملك
الحومه چانتلك عرش والسيف ليها ايوصلك
لِعرشِ الولاءْ أعتليتَ أميّرْ
خُطى الاولياءْ عليها تسيّرْ
فمُنْذ البِدايه خَتمّتَ الروايه
فَديّتَ الحُسينْ
____
چنك علي من ترتجز و السيف يگطر بالدم
بالغدر صابوا هامتك و حسين گلبه اتألم
يركض اجه گبل النفس من سمع ادركني عم
بحظانه شالك للخيم و دمعه الشمع يتكلم
رَثاكَ الإمامْ عَرِيسَ الدِماءْ
و دمعُ الخيامْ إليكَ رجاءْ
قَتيّلُ الهدايه خَتمّتَ الروايه
فَديّتَ الحُسيّنْ
حسين الأمين
#ليلة_القاسم_بن_الحسن_ع ٤
_ - _ - _
رمله تعاين عالولد يا فتشة العين
صارت ييمه زفتك بين الصواوين
___
آ يالولد...تارسني حب _ نبض الگلب...بسمك لهجته
لعمرك ردت...زفة عرس _ مو بالنفس...تضوي شمعته
يالنورك ايضاهي الگمر يا ايه بس ابلا سور
تربات گلبي و السهر يا ذخر السنين
صارت ييمه زفتك بين الصواوين
____
وي كل صبح .. چنت انتظر _ كل العمر .. انظر شبابك
ماچنت اظن..يفرغ حظن _ تصبح حزن..بالطف عذابك
كل تعبي يصبح عالترب نايم ينبضات الگلب
منين و اجتني هالحرب يا جاسم منين
صارت ييمه زفتك بين الصواوين
____
أول حلم .. طولك اصد _ مثل الورد .. انفاسك تفوح
تعب الصبى .. نور الحسن _ هذا الزمن .. رايدها الجروح
تاليها بالدم حنتك و عمك دموعه بزفتك
مو بالهلاهل عمتك بحسرات الونين
صارت ييمه زفتك بين الصواوين
_
حنه وعرس...چانن حلم _ صارن سهم...صوبلي گلبي
لون البياض..احمر صفى _ بچفك غفى..وعيوني تربي
يوليدي نايم من وگت دونك ألف عام اكبرت
روحي و ضنايه قدمت وسط الميادين
صار ييمه زفتك بين الصواوين
_
اترف ولد .. گدما ترف _ صوت النزف .. يجري سمعته
يالمنچتل .. حظني فرغ _ چفني نشغ .. ما باقي دمعه
يالغافي بحظان الرمح أنشاف بغيابك جرح
جاسم ينسمات الصبح مگطوع الوتين
صارت ييمه زفتك بين الصواوين
____
ميت وصد .. بلكت ترد _ كثر النشد .. يا ييمه اريدك
يمك متت .. گلبي عرج _ ماتت مهج .. ابحزة وريدك
كل جسمي عگبك يرتعش يالترب صارتلك نعش
تفداك رمله من العطش و اسوالف البين
صارت ييمه زفتك بين الصواوين
____
رمله غدت .. مثل الشمع _ ذابت دمع .. لمن عفتها
بلايه احد .. راح الضنه _ ضاع الهنه .. الفرگه عشتها
بعدك مثل خيمه احترگ يالعاهدت ما نفترگ
گلبي بعد ما ظن يدگ فارگله غالين
صارت ييمه زفتك بين الصواوين
حسين الأمين
_ - _ - _
رمله تعاين عالولد يا فتشة العين
صارت ييمه زفتك بين الصواوين
___
آ يالولد...تارسني حب _ نبض الگلب...بسمك لهجته
لعمرك ردت...زفة عرس _ مو بالنفس...تضوي شمعته
يالنورك ايضاهي الگمر يا ايه بس ابلا سور
تربات گلبي و السهر يا ذخر السنين
صارت ييمه زفتك بين الصواوين
____
وي كل صبح .. چنت انتظر _ كل العمر .. انظر شبابك
ماچنت اظن..يفرغ حظن _ تصبح حزن..بالطف عذابك
كل تعبي يصبح عالترب نايم ينبضات الگلب
منين و اجتني هالحرب يا جاسم منين
صارت ييمه زفتك بين الصواوين
____
أول حلم .. طولك اصد _ مثل الورد .. انفاسك تفوح
تعب الصبى .. نور الحسن _ هذا الزمن .. رايدها الجروح
تاليها بالدم حنتك و عمك دموعه بزفتك
مو بالهلاهل عمتك بحسرات الونين
صارت ييمه زفتك بين الصواوين
_
حنه وعرس...چانن حلم _ صارن سهم...صوبلي گلبي
لون البياض..احمر صفى _ بچفك غفى..وعيوني تربي
يوليدي نايم من وگت دونك ألف عام اكبرت
روحي و ضنايه قدمت وسط الميادين
صار ييمه زفتك بين الصواوين
_
اترف ولد .. گدما ترف _ صوت النزف .. يجري سمعته
يالمنچتل .. حظني فرغ _ چفني نشغ .. ما باقي دمعه
يالغافي بحظان الرمح أنشاف بغيابك جرح
جاسم ينسمات الصبح مگطوع الوتين
صارت ييمه زفتك بين الصواوين
____
ميت وصد .. بلكت ترد _ كثر النشد .. يا ييمه اريدك
يمك متت .. گلبي عرج _ ماتت مهج .. ابحزة وريدك
كل جسمي عگبك يرتعش يالترب صارتلك نعش
تفداك رمله من العطش و اسوالف البين
صارت ييمه زفتك بين الصواوين
____
رمله غدت .. مثل الشمع _ ذابت دمع .. لمن عفتها
بلايه احد .. راح الضنه _ ضاع الهنه .. الفرگه عشتها
بعدك مثل خيمه احترگ يالعاهدت ما نفترگ
گلبي بعد ما ظن يدگ فارگله غالين
صارت ييمه زفتك بين الصواوين
حسين الأمين