#ليالي_ام_الوفاء_والبنين
___

بعد الطف بتلث اسنين
انفجعت آيه ... عالوفايه لمن ماتت
شگد مشتاگه اتشوف حسين
آخر مره ... بالليل السفره اهواي اشتاگت

و بهذا الإحساس ماتت ام عباس
___

اعتنه الموت و تشهدت عليمن دمع هلت
عجيبه
چبيره دمعه طاحت الولدها چنها ناحت
مصيبه

هاي ام البنين الضاله من دون البنين
مصيبه و الوحدها من اجه البين
چانت عدها اربع مو زلم چنهم كواكب
نطتهم اربعتهم فدوه راحوا دون الحسين

بلحظه لن وحدها اتصير
و تربايتها ... ما بخلتها لأبن الزهره
حگها ابهاي الساعه اتحير
ام الاربع ... منها المدمع عالخد يجره

و بهذا الإحساس ماتت ام عباس
_

حچت شفتها كلمه و لكن ما أفهمه
بالانفاس
اظن عبدالله گالت الابنها چا اشتاگت
يهالناس

ما تدرون بالطف جسمه متوسد التربان
وگع وبصف اخوته منذبح والراس عالزان
شلون امه تريده تدري أبنها هناك مقتول
يم حسين اخيه مندفن عبدالله عطشان

عبدالله بالطف مذبوح
ياهو صاحت ... المن نادت هاي الحيره
يفهم كلمتها المجروح
شنهو نطقت ... ياهو ندبت ايحل تفسيره

و بهذا الإحساس ماتت ام عباس
_

شفتها ادير العيون يمكن رايده عون
أبنها
لو جعفر تريده يجي ايوسدها بيده
أظنها

يا جعفر يجيها الموت أخذ من عدها الاولاد
و يا عون التريده بكربله بالروح هم جاد
يا وسفه تموت ام البنين ابعازة ابنين
يكفي لو فقط واحد حضر والفاطمه عاد

لا جعفر جاها لا عون
بهاي اللحظه ... آخر نبضه اتريد اموادع
راح اتموت امهم يدرون
چا ما حضروا ... ليش اتأخروا محد سامع

و بهذا الإحساس ماتت ام عباس
____

گرّب كلش الموت حچت بس خافت الصوت
سمعته
حرف واضح يهل الناس اكيد اتصيح عباس
ندهته

يبو فاضل الليله أم البنين اتريدك اتعود
ارجع يالوفي وفيت يم الشاطي العهود
آخر لحظه لمّك ارجعلها اتشوفك اتريد
ارجع يابو فاضل حتى لو من دون الزنود

آخر لحظه إلها اليوم
يابو الغيره ... بهاي الحيره وانته اتشاهد
يا عباس أرجع بدموم
أنظر لمّك ... چا متهظمك ابلايه واحد

و بهذا الإحساس ماتت ام عباس
_

بده يثگل حچيها و ارتفعت اديها
بونيني
گلت شنهو تطلبين گالت رايده حسين
يجيني

لحظه لن شفتها ابتسمت و فتحت الايدين
هلا يبني تگول و ماتت و آخر چلمتين
شكثر مشتاگه گالت لنها منها فاضت الروح
اكيد من الطفوف الها المسيه اتعنى الحسين

نادت يا يمه يحسين
يا أنفاسي ... هجرك قاسي شگد اذاني
مرتاحه بسد الجفنين
لا متبالي ... جاها الغالي كافي أتاني

و بهذا الإحساس ماتت ام عباس





كلمات / حسين الأمين

#استشهاد_علي_الهادي_ع
____

أسألك يالحسن من شيعت والدك
حملته بوحدك لو من اجه ساعدك

هم ضليت محتار جريح ابكل الاكتار
___

إنه السجاد اجيتك دمعي جاري
اخفف حزنك و عظم الباري
حملته انته بنعش و الجدم ساري
ما مرضوض رضه و جسمه عاري

تشيعه مهيب و شالته شيعته
إنه وحدي بقيت وأجمع بجثته

رأسه اعله الرمح دار جريح ابكل الاكتار
____

علي الهادي تودعه بكل مهابه
دفنته و بيدك تهيل بترابه
مو دافن ابو بدمه و خضابه
نايم و الشمس صارت سحابه

لملمته بحصيره موذر اعله الترب
صوت النحر ابني وسده اعله الگلب

دفنته و الترب حار جريح ابكل الاكتار
_

بمصايب كربله استذكر الهم
أنه الشايف أبويه بكل كتر دم
يبني بحالتي بس ربنه اعلم
إنه شاهدت خيل بصدره هشم

چن الخيل تسحك ريتي و مهجتي
شفت الكطع راسه چن يحز رگبتي

الخيل بطيحته غار جريح ابكل الاكتار
_

جنازة والدك حضرتها شيعة
تون و بالدمع تبچي الوسيعه
وسفه ويا هظم ذيچ الفجيعة
بلا نايح صفه بس الوديعة

حضرت فاطمه تنحب و تجري الدمع
تلطم عالوجن مره اعله كسر الضلع

بين الخيل و النار جريح ابكل الاكتار
____

من مات الابو ما طلعتلكم مره
عزيزه امدللة بت الابو مخدره
بين الزلم صارت تمشي بت حيدره
من ديره لديره زينب اميسره

يتامه تكفلت تمشي بطريق اليسر
طبت بالمجالس تالي أم الخدر

بزينب هالزمن دار جريح ابكل الاكتار





حسين الأمين

#الليالي_الزينبيه 1
___

ماتت بلوعة جروح أيامها
وتنتظر يلفيها من أحلامها

الكمر يوصل يم گبرها تمنته اهنا ينتظرها
أحلامها
____

يله يا هاشم خدركم چفنوها
هاذي بت حيدر علي ما تعرفوها
من تنزلوها اللحد لا تلچموها
من السبي ازرك متنها من اضربوها

انتظروا بلكت هم يجي كفالها
خل يشاهد بعده أخته شحالها

انتظروا خل يوصل كمرها تمنته اهنا ينتظرها
أحلامها
____

تعاين اعليهم بعد صحوة منيه
بلكي واحد جاها من الغاضرية
بس نحر معقولة يلفي ابن الزچيه
وي الكمر يتعنى ليها ابهل الرزية

حلم عدها و تنتظر يلفوها
من الطفوف إخوانها يحضروها

اعله الدرب شابح نظرها تمنته اهنا ينتظرها
أحلامها
__

ها يعباس اشبعد ما توصل إلها
ماتت و منتظره يلفيها الكفلها
تدري الأحزان شكثر غيرت شكلها
امخدرتكم ما تجي ليها اتحملها

جنازة ظلت تنتظرها جفوفك
ماتت و ظلت تون بحروفك

ما تجي خلص صبرها تمنته اهنا ينتظرها
أحلامها
__

هالحلم چانت حقيقة هم تريده
يوصل العباس و يوسدها بيده
يقره يمها الفاتحة و يحضر عضيده
حتى لو يوصل فقط بس ابوريده

تالي نزلوها الكبر مهظومه
لأن مشتاگه تشوف ارسومه

ما حضر حامي خدرها تمنته اهنا ينتظرها
أحلامها
_

ها يهاشم ريضوا بلكت يجيها
بلكي من أرض النجف يوصل عليها
لا تهيلون الترب رفعت اديها
چنه واكف حيدر و سلم عليها

وصل والدها و بقت توميله
وسفه ماتت قبل لا تشكيله

بكربله لوعة عمرها تمنته اهنا ينتظرها
أحلامها
___

ماتت و نسمع ونين من الكبر
چنها فاطم وصلت لأم الخدر
تسولف لأمها مرارات اليسر
من مشت بين الغرب أصعب أمر

تسولفلها عن جميع آلامها
من گصد شامت يلوع ايتامها

الدمه يجري من ظهرها تمنته اهنا ينتظرها
أحلامها





كلمات / حسين أحمد الأمين

#الليالي_الزينبيه 2
لسان حال مولاي صاحب الزمان عجل الله فرجه
____

محد يدري بگدي بحالة عمتي وجدي

من اتيسرت صوب الشام
حگها اعيوني لو متنام
شفت الموقف مو احلام انه المهدي
_

دم تبچي اعيوني و يتغير لوني
الچلمة زينب
محنيه اضلوعي من كثر ادموعي
جفني شيب

شفت المنظر بعيوني لحظه بلحظه
جدي ابصدره صوت الحافر اسمع رضه
ما ادري شلون ابگلبي ادگ النبضه
و شايف زينب عالتل من تصعد ركضه

الزينب شيب دمعي اشما اذكرها انعي

الظلها تحني الناس ارگاب
تالي ايشوفوها الاجناب
وين اتروح امن السلاب انه المهدي
_

من بعد المقتل وكل شوغات التل
تبدي الهظمه
منظر بي حاير حسين بكل حافر
نابت عظمه

آ يا ليل العاشر من شفته ايلوعني
جدي اعله الغبره و اسمع يندبني
انظر عماتي و غربتهن هم ذبحتني
تصرخ وحده أذني وحده تصرخ آ متني

ذبحوني اويه الهزل من فاتن بالمقتل

خانگ عماتي الدخان
اتولوهن وسفه العدوان
ضربوا ايات القران انه المهدي
__

الكوفه لوعوهن لمن دخلوهن
بسوط العسكر
ناس ايشتموهن ناس ايضربوهن
شفت المنظر

من ديره الديره عمتي وسفه سابيها
بمجلس ذله بت اشرف گوم امدخليها
و ابن ازياد الزينب تالي ايحاچيها
هاي الهظمه الميت آنه اشگد اعليها

بصف الشامت تمشي شيب دمعي ورمشي

ظلت تصفگ راح براح
بهذا الموقف حيلي طاح
كاسر مني اشگد اصفاح انه المهدي
__

الشام و اهاته آه اشمقساته
ماردني
واحد بحجاره يشمر من داره
هاظمني

واحد يضربهن واحد يتفرج صعبه
بالسوط اتلوعن ماكو الحن الهن گلبه
بعماتي اتعاين ظلت اوجوه الغربه
و الراس برمحه من عينه الدمع ايصبه

وحده اتلوذ بوحده لو حاقد يتعده

الشام الوشلت مني ادموع
الشام الكسرت مني اضلوع
الشام المنها اشگد مفجوع انه المهدي
__

ميت چم مره من بنت الزهره
بمجلس وگفت
ايزيد و ديوانه اهنا ميت انه
و روحي صعدت

ايخاطب عمتي الفاجر و عيونه صلفه
گاعد من يحچي و هيه توگف يا وسفه
اعله اشفاف حسين ايضربه بعوده و يتشفّه
بضرباته زرگه صارت من جدي الشفه

لوعني هالموقف بشفته عمتي اتنشف

انه الميت بالديوان
انه العايش بس احزان
انه الباچر سيفه ايبان انه المهدي





كلمات / حسين الأمين

#الليالي_الزينبيه 3
____

بوحشة الليل و اخيته تناطر جيته
ها يعباس تجيني بدمعها نادته
بلكي توصل ليه
قبل شهگ الريه
و لا اسبل ايديه بدمعها نادته
___

ساعت اخيره .. و أخذتها حيره
هالليله تريد تشوف ابو فاضل يجيها
اشتاگت حنانه .. تذكرت زمانه
من جان الهوه يخجل يفوتونه عليها
راحت سنينه .. ظلت حزينه
اتذكرت مواقف مرت و حاضر وليها

رجعت لأيام ... حيدر موجود
گله بيمناك ... زينب و الجود

گله بالعين احطها و إخوتي شاهده
ما أقصر يبويه بيمنه عاهده
أخذ مني حجايه
قسم و بكل إيه
زينبك بحماية بيمنه عاهده
__

راحت ليالي و راحت غوالي
من راحلها أخو فگد الحسن كلش هظمها
چان إلها والد كافلها شاهد
تركت هالرزيه بالگلب لوعات ألمها
ضلت وي أملها حسين وي الكفلها
رادت بس تعيش بضلهم و هذا حلمها

تغيرت أزمان و الحال اندار
من بعد حسين تسحگ عالنار

بالطف الموت تمنت و لكن ما حصل
شافت حسين عالگاع و موذر وصل
گصدت اعله الحومه
حاچته مهظومه
خويه كافي نومه و لكن ما حصل
_

أذكر هالمصيبة مرت عالغريبه
من ظلت وحيده بس يتامه وياها تنشد
بين العواذل نادت يابو فاضل
راحت للنهر حشمت يخويه انهض اگعد
اخذوهن سبايا و لديرة رزايا
و بوسط الغرب كل لحظة حيره ألمن اتصد

بالعين أدير لا أخ كفال
تمشي ما بين طفله و جتال

گصدت الشام سبيه ألم يتبع جرح
دارت العين و تشوف الأخو رأس برمح
چانوا اليحمونها
من الضوه يغشونها
هسه طايح لونها ألم يتبع جرح
___

رجعت وحيده لا أخ لا عضيده
بعد الطف فقط هالمره الاحتاجت كمرها
رادت يجيها يحضر وليها
أبو فاضل تريد تشوفه و تودع عمرها
ايغمض جفنها من ايده چفنها
بلكي بأيد أخوها هالحلم تنزل كبرها

بس ابلا أيد كافلها شلون
يحمل تابوت و يغسل امتون

سبلت الايد ابآمال چبيره رايحه
ليها دفان عباس و يقره الفاتحة
احتاجته و ما جاها
و لا عرف مثواها
غورگت عيناها و يقره الفاتحة
__

نزلوها لحدها حاضر منهو عدها
يتلوا بالحمد چن هذا صوت حسين اجاها
بدمعتها فرحت لكنها حزنت
مشتاگه تشوفه من گصد يمها و بچاها
سمعت صوت أبوها و كافلها اجوها
و لن صوت الزچيه و الحسن يمها نعاها

حضروا يمها بدمعات العين
حيدر فاطم ويه الحسنين

وصل خجلان عباس من حيدر علي
يعتذرله أسيره مشت بنت الولي
گله لا تحچيها
انذرت دمك ليها
زينبك تدريها مشت بنت الولي






حسين الأمين

سَجدت على أعتابكَ الصلواتُ
و بذكرِ فضلك تلهجُ الأوقاتُ

امسيتَ بدراً و الظلامُ معاصرٌ
اصبحتَ شمساً و النهارُ سباتُ

فـأبا حسينٍ أنتَ رغمَ صراخهم
تعلو و تُسمع و الخضوع نجاةُ

أصحاب كهفٍ في السنين تداخلوا
لما أفاقوا عظّمُوك و ماتوا

يا وجهَ ماءٍ يستقرُ بكَ الضيا
يا قسوةً لا ترتجيك قناةُ

يغدوا فناءً إن اتاكَ مقارعٌ
و تعيش دهراً إن رجتكَ رفاةُ



متباركين بولادة يعسوب الدين و قائد الغر المحجلين أمير المؤمنين علي بن ابي طالب عليه السلام

#حسين_الأمين

#الليالي_الزينبيه 4
___

يبو فاضل تعال و طيّب اجروحي
يبو فاضل بعدك ما هدت روحي
يبو فاضل آخر ليله وي نوحي
يبو فاضل
___

من مشيتك صوب النهر والألم بگليبي استقر
خويه
راح اندفن بارض الغرب ياهوه اليهيل الترب
خويه

بالهموم عفتني و الآلام ثچيله
أريدك يغالي الترابي تهيله

حلم عندي أشوفك و البگه بعمري
حلم عندي بيدك ينحفر گبري
حلم عندي خويه خلصت صبري
يبو فاضل
_

لو ردت يمي تجي تلگه بعيوني الحچي
خويه
من توسدني الترب بخدي آثار الضرب
خويه

و لتنظر عيوني تشوفن مصيبه
لهسه أثرها بدليلي لهيبه

و لا تنظر دموعي و حالتي او وني
و لا تنظر ملامح وجهي وي متني
و لا تنظر تشبه حالتك حزني
يبو فاضل
____

ما أقبل أسباب العذر رايدتك لهذا الأمر
خويه
لزينب يخوها ما تحن ما يلچمك حال المتن
خويه

بالاسياط و الايتام شفتها المنيه
لتلچمها بيدك أخذ هالوصيه

صدك تدري چم لوعه شفت بالهم
صدك تدري متني لسه يجري دم
صدك تدري بگليبي الحزن غيم
يبو فاضل
__

اوصلني وانته بلايه دم لعينك اشوف بلا سهم
خويه
فطرت دليلي امصيبتك نشفت عيوني طيحتك
خويه

اريدن تجيني و أشوفك أمامي
تحضنك لهفتي و دمعتي و غرامي

الك عازه زينب صارت اجنازه
الك عازه اليموت بحاجه اعزازه
الك عازه خويه و تذبح العازه
يبو فاضل
_

يل وجهك بگلبي انرسم ما بيه حيل اعله الألم
خويه
موتي يتاني و ينتظر ما توصل إنه احتضر
خويه

بالالام عفتني وحيده برزيه
لتجرح دليلي تعال المسيه

اشوفنك و اموتن و الگلب يشفى
اشوفنك و أريد بحضنك إنه اغفى
اشوفنك و لو لحظه تمر صدفه
يبو فاضل
_

عمري خلص حان الأجل ولا خبر من عندك وصل
خويه
الملتقى و حاضر علي واهناك اسولف ما يلي
خويه

عتابي و حسرتي ودمع ذاك ليلي
بمصابي و دمعتي عجب ما تجيلي

يجي حيدر و اسولف حسرتي و كسري
يجي حيدر ما يحمل بعد صبري
يجي حيدر و اگله من هتك خدري
يبو فاضل





حسين الأمين

#الليالي_الزينبيه 5
___

غربت دفان تابوت احزان من دون اخوان

شيال النعش فزعه
لا صرخه و لا دمعه غربت دفان
___

نعش .. راگد مثل مهد .. ما بي طفل
حزن .. ظل يشتعل جمراته بالروح

نشد .. حتى الهوه وصل .. راعي اللوه
اجه .. من نينوه صوب اخته مجروح

درب الشام صح ابعيد و يتعبك يبو فاضل
بس الميته زينب هاي و اختك جيه تستاهل

خاطر مكسور بالعين ادور هلبت ناطور

يحضرها اخو اتودعه
لا صرخه و لا دمعه غربت دفان
____

صعب .. بيد الغرب گبر .. زينب تطب
سكت .. منها گلب بس بعده الاحساس

رجف .. منها خبر سأل .. وين الگمر
حضر .. لو ما حضر چا وينه عباس

تدري بيها ميته هواي بس هالمره تفرق حيل
ما متعوده چف غربه جنازتها يخوها اتشيل

بالغربه اتنام رجعت للشام شافت آلام

هم وحدها بالرجعه
لا صرخه و لا دمعه غربت دفان
_

دمع .. يرسم صور ملامح .. للسهر
اثر .. يتبع اثر من يوم الطفوف

يخوها .. اتحملت مصايب .. ما جرت
تراها .. اتأملت لعيونك اتشوف

كل ابنادم امن ايموت على احبابه يدير العين
لاچن زينب الليله تتلفت بقت صوبين

بصوت الاحساس نادت عباس تسمعها الناس

يا كافلها متسمعه
لا صرخه و لا دمعه غربت دفان
__

جنازه .. ابلا متن نحيله .. چن غصن
يبو .. فاضل تحن زينبكم اتموت

يسبع .. المشرعه حماميل .. اربعه
غرب .. يا فاجعه شالوا التابوت

تعال و شوف حالتها اختك يا گمر عدنان
زينب يا وسف يا حيف تموت ابعازة الدفان

محتاجه امتون بيها اتشيعون اختك ام عون

ساعات الدفن لوعه
لا صرخه و لا دمعه غربت دفان
__

انتهى .. حبر العمر مشت .. صوب الگبر
بلا .. اخ يا كسر و الگلب خلصان

اليموت .. ابلا اهل يهد .. ونه الجبل
عجب .. يابو الفضل تترك الجثمان

ماگلك بعد أحضر ماتت و انتهى ونها
اكيد ابعالم البرزخ تجيها و تعتذر منها

طبع الاحباب ايجرحك بعتاب لترد اجواب

احضر و اعلگ الشمعه
لا صرخه و لا دمعه غربت دفان





حسين الأمين

#الليالي_الموسويه 1
----------------------------

ذكرتك. يجدي و هاجت آلامي
ذكرتك. وحيد بموتتك ضامي

بچيتك و أنته باحزانك غريب و ماتت إخوانك
يجدي

_////////

جدي حسين جاني البين
مو مثلك و لكن يشبه شويه
بلايه معين. هماتين
وحدي و المنيه حامت اعليه



ذكرتك من على الماي لازم ظهرك اتنوح
من شاهدت عباس جسمه مخذم اجروح

بمنيتي. اذكرت رضة عظامك
بمنيتي. شفت حرگة خيامك

بقيت بلايه وليانك. غريب و ماتت إخوانك
يجدي

__/////////

مثلك حال وحدي انشال
ما عندي أخو لا إبن يلفيني
لا خي عون و المسجون
تبقى اعله الحبايب تنتظر عيني



هانت هالمصيبة لمن شاهدت الطفوف
تتلفت بعينك ما من ناصر تشوف

هظيمة على الماي و متت ضامي
هظيمة ما مترضرضة اعظامي

الحوافر أخذت الوانك غريب و ماتت إخوانك
يجدي

__/////

ثلاث ليال بالاغلال
بقيت بلا دفن هان الأمر عندي
ما منداس عندي راس
بالتابوت لا مو بالحصيرة اتوسد بلحدي



لا محزوز راسي لا بسهام مرمي
لا راسي على ارماح لا بالسيف مدمي

عالتراب ما خلوني عاري
عالتراب ثلاثة بالظهاري

طفل مات اعله ذرعانك غريب و ماتت إخوانك
يجدي

____///////////

بسلاسل أيد مثل ايزيد
گيدوني مثل ما چتفوا اعيالك
عالتابوت اسمع صوت
ناعي مو شماته و ضحك چتالك


ما يوفيلك ابچاي لا حسرات صدري
يلي راسه برماح و سبايه اعياله تسري

دموعي. طاحت و انسمع صوتي
دموعي. لمصابك مو لجل موتي

بحقد سلبوها قمصانك غريب و ماتت إخوانك
يجدي





حسين الأمين

أهلا و سهلاً بكَ يا شعبان
فيك السماء تزينت مرجان
ولد الحسين فيا لها من فرحةً
غنّت لقدومِ نورهِ الاكوان
أ أتيت بداراً أم هلالً في السما
أو لم تلد قمراً رفيع الشان
فأبا النجوم أطلّ يوماً رابعاً
عباس اشرق للنجوم سنان
في خامس الايام هل امامنا
زين العباد و آية البرهان
أكرم علياً في الورى من متقي
من جدهِ ورث العُلا سلطان

اسمى آيات التهاني والتبريكات إلى مقام مولانا بقية الله في أرضه الحجة بن الحسن المهدي المنتظر أرواحنا لتراب مقدمه الفداء و لجميع شيعة أمير المؤمنين عليه السلام
بمناسبة ولادة الأنوار الزاهرة و الشموس الساطعه و الكواكب الزاهره الأنفس الطاهره و الأنجم المنيره و البراهين الواضحه حجج الله في ارضه و اوليائه البرره
سيد الشهداء الحسين بن علي _ ع
سيد الوفاء العباس بن علي _ ع
سيد العابدين علي بن الحسين _ ع

#حسين_الأمين

يا من مو هوه و تجري بحنايا الروح
يل من ابتعد عنك تردني بجفك المجروح
سؤال بفكري جاي يدور
يا مولاي
هاي الليلة هم تنوح ؟
اريدن امسح ادموعك و اباركلك
ولو ادري اليناطر ثار
الفرح للمثلة ما مسموح
مهو العايش الطف بيا وجه تلكاه
يا فرحه ؟!! و رضيع من السهم مذبوح

#كل_عام_وجروحك_بخير_مولاي


#حسين_الامين

#الخدام_الماضين ( ميمر )
__

اقسم قسم. بجرح السهم
ما ينسي. طاري الخدم

لا ما تموت الخدام مثل الذهب تتجدد
___

أبديها من شيخ النجف وطنها
للرده روحه عالجرح وطنّها
بكل زاويه تسمع صدح وطنها

بينه عشت لا ما متت
اشما يبتعد بينه الوگت

رحنه بظعينه لليوم بين الضلع تتردد
__

صد كربله بعين الگلب ناظرها
و كلمن جحدها بالشعر. ناظرها
رمز القصايد كل زمن ناظرها

فوك الغصن گاعد وزن
بشجرة خدم ينعه بحزن

يمه ذكريني الجسام صارت جرح ما يبرد
_

بالحله طوف وكل كتر حي درها
تلگه العِلم ساكن حجر حي درها
تاج و صبح فوگ النجم حيدرها

يكتب درر و شعره بحر
ياما نعه. بالطف نحر

حامي الشريعه بكل دار تشبه قباب المرقد
____

لا تهتم بكل الحچه و الرده
درب السبط ميريد درب. الرده
عبود شاعر حمزه قسم الرده

يوم الحشر يبدي الشكر
من فاطمه و تكتب سطر

عبود بيك اتباهه و حمزه بخدمته اتخلد
_

ياسين عندك و الشرع خط الها
و عبد الأمير شكد شعر خط الها
يا سامعي جرح السبي خط الها

حگ الجزه من تنجزه
عمرك لطم و اتحرزه

من حرز خدام احسين الما تنحصي ولا تنعد
__

نبرة حزن من الگلب جاسمها
صوت النعاوي المهجتي جاسمها
مكسوره ظلت من رحل. جاسمها

انكسرت ظهر طول الدهر
لمن مشه بلحده استقر

چلمت الخويه متلوگ بس اعله ثغره تگعد
_'

هاذي الأسامي بكل زمان ايضلن
واعلينه من شمس المعاصي ايظلن
باسم يموت و من ترابه ايظل ان

شوف الاسم لا مو مهم
عنده عشگ بي ملتزم

شفت الفصول الاربع العشگ السبط تتجسد




كلمات / حسين أحمد الأمين

#ابو_طالب_ع
__

حگهم يبو طالب يكرهون اسمك
هيبتهم و عزهم سحگته بچدمك

كسرت الاصنام عليت الاسلام
_

شيخ العرب و بوكتك اشيوخ اهواي
من تجي الكعبه اتگلك اهلاً مولاي
و بحكمتك لقمان وصه ابنه بهاي
موش انه يبني ابو طالب حچاي

كلمن على احدودك تجاوز حده
سطرت اچفوفك اثر تبقى بخده

يا شيخ الازلام عليت الاسلام
___

انته النبع و الناس چانت صحره
اعظم صَدَف و اتكفل اعظم دره
السيرة حياتك هالمثل بي عبره
الما عرف حجمك لا تظن ايقدره

تاريخك الخطه اظن چان اعمه
ما فرّق ابين الذهب و الفحمه

اعمه و مينلام عليت الاسلام
__

يم اسمك احلوگ التسولف تخرس
يا شذره انته و كل قريش المحبس
انته الامان الطه لو ضُر بي مس
الأول محمد قبله ما تتنفس

كهف اليتيم و چنت الها و گدها
و منك علي هاي الصفه ماخذها

يا حصن الايتام عليت الاسلام
__

شككو باسلامك و دوروا زله
و الغايه منها ابلا شرف تتجله
حتى علي ابنك بعد ما يتعله
و لا بالخلافه ايصير هوه الاوله

ايبيضون بيها الچان تاريخه اسود
وانته اويه آباء الثلاثه تنعد

ما نصفت اقلام عليت الاسلام




حسين الامين

#مولد_الحسن_ع


الزهره بالحسن هالليله فرحانه
__

انولد شيخ الكرم و ازدهرت الاكوان
من بيت الوصي شع و النجم فرحان
ألف هنياله بختك يا شهر رمضان

بيك الحسن ضوه بنوره و احسانه
____

ابتشر سيد الرسل بأول سبط مولود
راي الله و حكمته و فضله ما معدود
الله أختار اسمه و بالاسم مقصود

الحسن من الله اسمه و صار عنوانه
__

ما چانت احچايه قبله لا كلمه
هوه اصل الكلام و منبع الحكمه
حيدر و الزجيه اتكنوا ابأسمه

رأي الحكمه چان بكلمه السانه
_

الكرم يم بابه يسجد ابن داحي الباب
و أسأل كل مضيف بديرة الاعراب
ديوان الحسن صار المثل ينجاب

يم طاري الكرم محد وصل شانه
_

ابن حيدر علي بالحرب من مثله
شجاعة والده بضرباته تتجله
الجمل و النهروان ابهاي تشهدله

حيدر بالشجاعه بعلمه بيمانه





حسين الامين

#ليالي_اميرالمؤمنين
__

يم دار الامامه مجتمعه اليتامه
عن حيدر بدت قصة دمعهم
كل واحد حچه سالفته منهم
____

أول دمعه تحچي من الأيتام
صاحت الهم بدمع الرزيه
انه وي علي عشرتنه اعوام
كل يوم اليمر يسأل عليه
ما حسيت ما عندي أبو وياه
ابويه و أمي حيدر چان اليه
كلما نلتقي يفرشلي صدره
بحضنه گعدتي و ناكل سويه

ماكو بشر منه منبع للمحنه
بلا حيدر علي أتخيل وضعهم
كل واحد حچه سالفته منهم
____

ثاني ايتيم گال اني بخرابه
صاحاني و گلتله منهو انته
ما جاوبني لكن شفته مهظوم
و بهيبه صفت تنزل دمعته
خذاني عالصدر شايلني مولاي
ثياب و اكل جاب و ما عرفته
أمير المؤمنين أسمع يگولون
لن هوه علي اوياي بعظمته

خذاني اوياه للبيت و بحظنه تربيت
تجرح حيل من تسمع قصصهم
كل واحد حچه سالفته منهم
__

صوت ابنيه گالت سمعوا قصتي
من انه و علي بويه التقانه
چان يگود بيده طفله مثلي
صاحتني و اجه بچفه خذانه
وصلنه البيته و أسمعها كلمته
تعاي ابنيتي گعدني ابمكانه
زينب ثاري چانت تمشي وياي
و حيدر هذا حاچاني بحنانه

بفرحتي گتله يابه ابنيتي ايرد جوابه
الله ايعينهم فگدوا سندهم
كل واحد حچه سالفته منهم
_

رابع گاعد و يبچي بزويه
گلناله شكو قصتك حزينه
مر بيه علي و شافاني وحدي
ما لاعبهم اولاد المدينه
سألني ليش گتله ما يقبلون
ما عندي ابو ايحامي علينه
نزلت دمعته و گال أمشي گلهم
حيدر والدي التحميني عينه

رحتلهم اناشد حيدر صار والد
اتمنوا لو يردونه بعمرهم
كل واحد حچه سالفته منهم
____

آخر گال ما عندي وسيله
غير ادعوا الاله ايطول عمره
من يمشي علي و يروح ظله
يعني الخيمه راحت من الفقره
عشنه چن ملوك بجال ملكه
ابد ما شفنه منه احچايه مره
كلما نعتنيله صدره موجود
مو صدر اليحمله اتگول حضره

مثل عش الحمامه صدره لليتامه
من طاح الولي بين فگدهم
كل واحد حچه سالفته منهم





حسين الأمين

#ليالي_اميرالمؤمنين ٢
___

يا علي شنهي النيه للفجر لو للطبره
هاي الصلاة مگضيه و البگه براس الفقره
__

مثل الاوز حال اليحب يا علي تاني اشويه
صح نشبع من ايدك خبز و تترسنه بالحنيه
بس وين اكو مثلك ملك ايلم اليتيم بفيه

يا واحد بلا ثاني اله يالتارس الدنيا هله
يابو اليتم بعدك شله اليتيم

هونك علي بالمشيه خطواتك الگلبي اتعصره
هاي الصلاة مگضيه و البگه براس الفقره
__

بابك تفتحه و ينطبك و انفل حزامك يمه
لا تشد يا حيدر بعد هذا الفجر بي هظمه
الموت يا حيدر تره هم يغدرك مو زلمه

يا جوهر أسرار العراش يالواجهك يصبح نعش
السيف گاصد مرتعش اجاك

من الگفه شويه شويه خايف الموت ابامره
هاي الصلاة مگضيه و البگه براس الفقره
____

يا صبح للماله صبح هالشمس أخذت لونك
من رجعت الچفك علي اشتاگت تره لعيونك
انجمعت اطفالك هالفجر لا تمشي يتوسلونك

كلمن اجه و شايل گلب ابدالك يموت وينضرب
ابلا علي عيشتهم صعب دموع

حيدر هوه الكل ريه صاحوا فداء العمره
هاي الصلاة مگضيه و البگه براس الفقره
___

خطوه والمسجد يقترب تطلع الروح بهيده
يا علي لا تدخل صحت واركضنه نلزم ايده
باوع علينه برأفته وشوفتنه چانت عيده

واحدنه صاح ابلا امل أم وابو انته واهل
لو تمشي النه من يظل أمان

ارجع يبو الحنيه انحلفك ابحب الزهره
هاي الصلاة مگضيه و البگه براس الفقره
____

ردينه نمشي ابلا علي كلمن يكف دمعاته
لن صوت جبريل انسمع و يزلزلن اهاته
تهدمت أركان الهدى طبروا علي صرخاته

أحمر صفه خيط الفجر والدنه راسه منطبر
لو بيدي انطيه العمر سبيل

كلمت قسم محچيه قد فزت والله يقره
هاي الصلاة مگضيه و البگه براس الفقره





حسين الأمين

#ليالي_امير_المؤمنين ٣
__

بآخر سجده ودمعت عيني تگول
خل حيدر يا رب بالسجده يطول

حفظه و سلمه حيدر نعمه
___

هوه القرآن امن انشوفه
و تطلع آيات امن احروفه
نور و حكمه لأهل الكوفه و كل الناس

حيدر أفضل كل اصحابي
ما نتفارگ جان احسابي
هاي آخر سجده ابمحرابي عندي إحساس


دخل شفت علي همت بهيبة انواره جلاله
منو إلي بعد علي لو ناوي ينهي وصاله
دمع نزف إله هتف محرابي بحسره حچاله

يجري بدمعه و صاح بصوته علي
من ترحل ياهو الي يبقه إلي

بهاي الكلمه حيدر نعمه
____

ياما نسهر چنه اليالي
و بنجواته ايظل يقرالي
من يدعي ابحساسه اتلالي انجوم الليل

بدونه ايامي چانت صعبه
من يمشي و يتركني الحربه
بوحدي اتلوع من الغربه ادموعي اتسيل

حصن چنت بشر لذت و المؤمن يهوه مكاني
اله صرت أنه اصبحت حيدر حصني و أماني
عكس جره صبح تره من فضله رفعه انطاني

بنبرة صوته لمّن يقره دعاء
حيطاني اتشع لاهل الكوفه ضياء

شمس ابظلمه حيدر نعمه
_____

حيدر مو بس كهفي و حصني
كل ايتيم ايگول و يعني
حيدر الله بي رازقني والد صار

حاكم بس الفقره ابداره
ايوكلهم من زاد ازغاره
يا كبر اسمه و كبر اسراره هالكرار

اليتم ألم أشد سهم گلب الاطفال ايصوبه
صبح دوه إله هوه حيدر من طيبة گلبه
الفگد ابو علي دفو خيمة كل ضايع حبه

كل ايتامه اتحس بعيونه وطن
لو تنشد والدكم ياهو و من

اتجاوب بسمه حيدر نعمه
____

من شال امن التربه الهامه
طاحت كل هامات ايتامه
و لجله امدنگ ظل اسلامه الهذا اليوم

جملة فزت و رب الكعبه
عاشت بگلوب إلي اتحبه
كل ما راد الناصب شطبه يكبر دوم

لمن رفع علي وگع الاسلام الجرحه اتهدم
جره الدمع حنه الضلع و ظل الهالساعه امثلم
علي نطق علي صدق اعليه صله الباري و سلم

يا رفعة اسمه ابعرش الله يلوح
مولود ابيته ومن بيته يروح

تاج الأمه حيدر نعمه
___

انه المسجد يحچي اهنانه
انتظره بروحي اللهفانه
خاطر اسمع صوت اذانه شيخ الكون

من شفته ابمحرابي كبّر
املاك الله نزلت تحضر
خلفه اتصلي هوه المحور بأمره اتكون

ركع سجد قنت حمد چان بروحيه صلاته
علي بحر تره اثر قطره من وحده صفاته
كنز علم جبل شهم هز كل الدنيه ثباته

يملي محرابه كل فرضه دموع
تسجدله الدنيه امن يصلي خشوع

القدره و عظمه حيدر نعمه





حسين الامين

#ليالي_اميرالمؤمنين ( تجليبه )
___

واويلاه يابا الحسن واويلاه يابا الحسن

هالليله ورد أجر و فضل بيها
القدر ربنه امرنه بهمه نحييها
طبرتك يا علي صارت شرف ليها

نسميها ليالي حيدره بسمك
____

يا صورة وطن صرت اعله هالفقره
انجمع بيها اليتامه و كل ضرير امره
يا خيمة ترافه و چفك اشگبره

حظنت الدنيا كلها بعطفك و رحمك
__

عشت ستين عام و چنك اويه آدم
حيرت العقول و صنفت وادم
هذا انجن عشگ ذاگه صبح نادم

انته أول بشر محد وصل فهمك
__

اعشگت ربك عشگ محد وصل مثله
بحيث الطبره و السم وانته عالقبله
العنده أمثال حيدر هم إله عله

تيقنت الجنان امن انسفك دمك
____

سر بحضرتك ماله أبد تفسير
جعل رب العرش بچفوفك التكوير
يا اعظم بشر بعد الرسول اتصير

الشمس يا حيدره موصوفه من رسمك
_

عظيم و مقتدر وصفك يعالي الشان
بس انته القلعت بچفك البيبان
مثل قرآن طه انته هم قران

علوم الدنيا كلها ما حوت علمك




حسين الأمين