*#وإليك~المُشتكى 《02》*
*#بقلمي~مريم~حسين*
*☆ــــــــــــــ☆»»»»»»»»»»»»♡ــــــــــــــــ♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
كاتب فالاستوري بتاعو (لو كان خيراً لبقى)
سرحت فيه مسافه ودموعي جاريه فعلاً لو خير تم بس انسحابو سام جداً خاصه وانو م عندو اسباب مقنعه م كلف نفسو يعتزر او يبرر اااه من الوجع الله يربط على قلبي نفسي طلعت من اي حاجه حاسه روحي م ح انجز تاني ومستحيل اخش في علاقة تاني مهما كان معتصم بقى لي عبره لكل الرجال بس التفكير الما قادر يفارقني انو شنو السبب الخلاهو ينسحب مني بالطريقه دي من تلات يوم بس كنا مع بعض مبسوطين شديد بتذكر مشينا الجوازت واستلمنا جوازاتنا عشان خططنا شهر عسلنا ح يكون في الامارات 💔يعني اي شي كان فالسليم 😔ولا امو الهدتني توبين غير الشيله او اختو المفتخره بي قدام صحباته ولا بيتنا الح نعيش فيه ولا عفشي 💔ازعل على شنو بس الحمدالله على كل حال صدقت يا معتصم لو خيراً لبقى وانا نهاي م ح اعاتبك خليك ثابت على موقفك والله يسعدك ، كنت سارحه ف غرفتي وقدر م حاولت اوقف دموعي م افلحت غير إرادياً بتنزل لدرجه عيوني بقت عباره عن شرار احمرار فظيع وورم 😔لو افترضنا اتخلصت من الصراع النفسي منو البخلصني من نضم الناس خاصه وانو مافي سبب منطقي "سرحت بعيد وكل شويه والتانيه بمسح دموعي جات عسجد بت خالتي وشايله معاها كباية عصير ختتا لي فالتربيزه وقعدت جمبي قبلت عاينت ليها وانا حاضنه المخده علي قالت لي من امس م اكلتي حاجه ي رزان اشربي العصير ده وم تفكري كتير التفكير بهد بدنك وبنفسن بيك الوجع راقد والله بس لازمنا الصبر مسحت عيوني بالمنديل قولت ليها بصوت مبوح م قادره ي عسجد م قادره اوقف بكا 😞كل شويه والتانيه دموعي بتجري ختت ايدا ف كتفي قالت لي الله يربط على قلبك يارب العملو م بنغفر والله طيب هو م قال ليك اي شي تاني ي رزان يعني م برر ليك او مثلاً افشى ليك ب اسبابو؟ قولت ليها ابداً والله انتي موش كنتي قاعده لما مشينا الجوازت قبل يومين؟ هزت لي راسا بمعنى اي قولت ليها بس من اليوم داك اي شي طبيعي كمان غشينا ناس امو واتونست معاهم مسافه وم حسسوني ب شي اي شي كان طبيعي ي عسجد حتى انو اتكلمنا مع منظم الصالات واتفق معاه يعني الحصل غير متوقع ولا ب اي شكل من الاشكال صدمه كبيره انا للان م عارفه ليه عمل كده م قادره استوعب 😞كنا ساكتين الاتنين وانا دموعي جاريه شويتين قالت لي والله حاجه تحير ياخ الله يصبرك بس غير كده مافي مواساءة وخير طالما هو الانسحب سمعه ليه انتي م عليك عوجه وعوض ربنا جميل خليك متأكده انو لو كان قسمتك ح يتم مهما كان بس مافي قسمه وخيرو في غيرو حبيبتي اصلها الدنيا دي لو م علمتك م بتتعلمي والعتره بتصلح المشيه الواحد تاني يختار صح قولت ليها قنعت وقرفت من اي راجل تاني الله يقدرني على نفسي دي م عايزه اكتر من كده عروس فالجنه يارب قالت لي بعد الشر عليك الله يطول عمرك ويديك ود الحلال اليسعدك وينسيك الحصل كلو الدنيا م ابتدت بيك ولا وقفت عليك هو صح صعب يتنسي بس كمان الواحد يرجع ل ربو ويعرف انو كلو شي قسمه ونصيب قبلت منها ورقدت وانا حاضنه المخده قالت لي اشربي العصير ده بروقك شويه قولت ليها عسجد معليش عايزه اكون مع نفسي شويه ياريت تقفلي الباب معاك طبطبت علي وقالت تمام حبيبه اخدي راحتك الله يربط علي قلبك يارب 💔...بعد عسجد مرقت جريت تلفوني وفتحت الشبكه ب نفس منهاره ومجرد م فتحتها نزلت لي رساله من الاكاونت بتاعو فتحتا ب نفس مسدوده ومحتواها كان(لما حبيتك كنت صادق، مشاعري كانت حقيقيه وكنت قافل عليك شوفت فيك صفات جميله خالص ،م شوفتها ف اي بت تاني بس فالاوان الاخيره اكتشفت انو المظاهر خداعه وانو م اي زول بنوثق فيه المهم م عايز اخش ليك ف تفاصيل اعمق بس العايز اقولو ليك الله يديك ود حلال اليسعدك احنا م قسمة بعض وياريت تتخلصي و تمسحي اي حاجه ممكن تذكرك بي من صور وهدايا واي حاجه ليها علاقه بي وشكراً 👋🚶‍♂️) كنت بقرا فالرساله وانا ببكي ب قهر رسلت ليه فعلاً المظاهر خداعه وانا كمان م ح اسألك من اي تفاصيل تانيه بس خليك متأكد انو الكسرر الكسرتني ليه ده م ح اسامحك عليه مهما طال الزمن او قصر واذا انسحابك كان تفضيل ل واحده غيري ف انت م راجل ي معتصم وم تفتكر إنو ح ازعل عليك بتمنا ليك السعاده😊وختيت ليه بلوك وانا ببكي مقهوره...

----------------------------------------
لينه كانت بترفع فالحاجات قالت ياها الحاجات زي م هي م هبشوها لكن المهلب ده اتفتح شكلو ،ردت ليها الام اكيد بدو يعملو الريحه وسكتو بعد سرحه امها قالت والله ياخ م حبينا الحصل يحصل لكن معتصم اصر انو يجيب الحاجات واذا م شاف فيها عله م بتراجع رزان في نظرنا كانت بت ناس اصيله لكن اخوك اباها عاد نسوي شنو قالت ليها هو المحتك بيها احتكاك لصيق واكيد بعرفا اكتر مننا وانا كمان م حبيتا من بداية علاقتم بحس بيها متعجرفه وخفيفه اكتر من اللازم احتكاكا بينا خفه شديده بس كمان الواجب الواحد م يتغاضاه ي امي المفروض نتصل ونعتزر ل اهلا م صح قالت ليها اخوك امس قال ماف زول يتصل ليهم عارفاهو انتي لو جن م بشوف خليهم الله يربط على قلوبهم حسيت ب وجعهم بس ان شاءالله معتصم يكون وضح ليهم الاسباب قالت ليها م ظنيت مشى ليهم البيت وشالت توب من التياب قالت التوب ده من اخدتو نفسي خشت فيه يمكن الله كاتبو يكون قسمتي
😂مسكينه رزان الله م كاتب ليها تتهنئ بيهم ورفعت الصندل قالت اصلي خاشه على نفاس الحاجات دي جات في وقتها الله كريم وفضلت ترفع فالحاجات وهي مبسوطه تجرب فيهم
-----------------------------------
ي جماعه الناس تحاول تتقبل الواقع الموضوع ده لو كان خير الله تماهو الناس تكون حقيقيه والبت زاتا بالحاله دي بتخش في حاله نفسيه انتو المفروض تخففو عليها وتواسوها موش كل الوقت خالنها براها التفكير بجيب اخرها عسجد قالت ليو عيونا مورمات ومحمرات والله ياخ ي جماعه معتصم ده الله يجازيه امها قالت معتصم خلوهو لكن امو واعمامو لي م كلفو روحهم يتصلو ساي ويعتزو ده اسمو استهتار على فكره ام رزان كانت سارحه قالت ليها م عايزين اتصالم احنا ولا بشرفنا ✋ موش هم كسرو قلب بتي من غير اي إنذار الله شديد عليهم واصلي م مستنيه اعتزارهم خليهم يتهنو ويعرسو ليه البتشبه الله موجود 😞ابراهيم ابو عسجد قال ليهم هو زاتو م عندو شخصيه مفروض لو في اي مشكله يجينا فالبيت ويفاضينا لكن طلع واحد مستهزاء وم عندو شخصيه ومهما كانت المشكله تصرفو غلط واكبر غلط كسر الخاطر م ساهل والبت قافله عليه واحنا زاتنا كلمنا ناسنا وعزمنا والله ياخ الزول ده خذلنا كلنا، ستنا ام رزان قامت منهم وخاطرها مكسور مشت على بتها بس اتفاجاءت لما لقتا مافي خافت وجات راجعه ليهم البت مافي ي جماعه رزان مافيشه 😭.....
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#وإليك~المُشتكى 《03》*
*#بقلمي~مريم~حسين*
*☆ــــــــــــــ☆»»»»»»»»»»»»♡ــــــــــــــــ♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
كان راقد وشايل تلفونو يتصفح ومره يوتسب جات اختو لينه ضربت ليه الباب قبل عاين ليها نظام في حاجه ف فتحت الباب وجات خاشه عليه قال ليها خير قالت ليه وهي بتقعد خير مالك م عايز اتونس معاك ولا شنو؟ ولا م مشغول؟ قال ليها لا م عندي مشكله حبابك سكتو الاتنين بعد صنه قالت ليه مالك اليله رجعت بدري ولا م طلعت اصلا قال ليها ماخد بريك في حاجه؟ قالت ليه لا بس م حسيت ب وجودك او يمكن عشان كنت فالصالون ب هناك م عارفاك قاعد كنا بنراجع الشنطه كل الحاجات زي م هي بس الا المهلب والصندل شايلين منهم حاجه بسيطه قال ليها بعدم اهتمام و كان بتطبظ فالتلفون الحاجات الاتفتحت دي خلي امي تشيلا او انتي بما انك خاشه على نفاس وكده ممكن تشيليهم قالت ليه انت ي معتصم م تورينا الحصل شنو عليك الله يعني م منطقي نهاي تتراجع بالطريقه دي مالا معاك رزان الحصل شنو احكي لي وبوعدك م اجيب سيره ل اي زول اخد نفس وقفل التلفون وهو بهز كراعو قال ليها م قسمه بس قالت ليه فعلا م قسمه لكن في سبب اكيد خلاك تقول كلامك ده قال ليها وهو بعاين للشباك رزان وانا م قسمة بعض ي لينه انا انسان بكره الكذب والخيانه وهي طلعت عكس م اتوقعت عموماً انا بحمدالله انو كشفتها في اخر اللحظات والا م كنت عارف ح اتخلص منها كيف احياناً ي لينه الحقيقه بتجي متأخره قالت ليه افهم من كلامك ده انو رزان خانتك مثلاً سكت م رد ليها قالت ليه يعني طلعت سافله لدرجه دي معقوله بعد العز الاديتو ليها ده طلعت وقحه وم بتستاهل بالجد سقطت من نظري خلي الزول الفضلتو عليك ده اسي ينفعا السجمانه 😒قال ليها والله ياخي هي مخيره ينفعا م ينفعا م شغلتي بيها قالت ليه والله م اتوقعت منها نهائي خدعتنا ب وش البرائه بس المفروض م تسكت ليها تكلم اهلا عشان يعرفو العيب منها م منك ويشيلوك وش القباحه اذا م بتقدر تقابل الحريم عندك اخوها عمها خالا ولا هو راجل خالتا المهم زول من ناس بيتم عشان يعرفو انو بتهم طلعت واطيه وضح اسبابك عشان م يشيلوك وش القباحه قام على حيلو وهو بدخل التلفون ف جيبو قال ليها م يحتاج لو اضطرت تكلمهم هي عايني ي لينه الزوله دي انا م عايز ارجع في موضوعا تاني ولا ب اي شكل وم تفتكرو اني اتخليت عن فكرة الزواج، ابدا الشيله دي قريباً ح تمشي للشخص البستحقا شيلي من الحاجات الاتفتحت والباقي خلو لي وياريت م تجيبي سيره ل زول رفع مفتاح العربيه قال ليها عليك الله عندي جلابيه فالغساله جديده هي غسليها لي طالع بيها مشوار بعد ساعه قالت ليه حاضر قال ليها ليها موش بايته معانا انتي قالت ليه لالا م راجعه بيتي تاني م بقدر الحركه باقيه لي صعبه م انو المفروض اتحرك كتير بس تعب والله قال ليها يعني م بتقدري تغسلي الجلابيه ههه قالت ليه لالا بغسلا م عندي مشكله م قاعده ح كون قال ليها ي زوله تمام انا بمشي يلا قالت ليه
حاضر بعد طلع مشت ل امها لقتا بتغسل فالجلابيه قالت ليها ريحتيني والله قالت ليها لقيتا فالغساله شكلها جديده قولت بدل قاعده ساي ادعكا ليه قالت ليها ريحتيني اسي كان بقول لي اغسلا ليه بس والله ي امي م شفتي قلبي متقطع عليه قدر شنو عليك الله اتخيلي بعد العز والرفاهيه العيشها ل رزان طلعت واطيه وخانتو 😒قالت ليها وهي بتدعك فالجلابيه والله ياخ انا الموضوع ده ماكل معاي جمبه رسمي وشعبي
م المفروض ينسحب بالطريقه دي البت عندها وليان من الصح يقابلهم وان شاءالله يفتفت ليهن الحاصل حرف حرف والبت تهدد وتتلام ويحلو الموضوع لكن بعد حددنا العرس يرجع الحاجات حتي ومن غير م يشاورنا غلط كبير وانو يفتحو ليه الموضوع لا م مسموح كانت زعلانه شديد وهي بتغسل فالجلابيه لينه قالت ليها ي امي هو ادرا بيها وبدل م يتمو العرس ويعيشو في صراع افضل الانسحاب بدري بدري
هي كان تخت حساب للكلام ده كانت زعلانه وهي بتدعك المهم قلبت الجلابيه ومع القلبه حست ب حاجه جوه جيب الجلابيه ولما طلعتا كانت الصدمه غير متوقعه 😳

--------------------------------------------------
تكون مشت وين البت دي ناويه تجلطني هي يعني 😭 كدي شوفي لي امجد بره ي عسجد قالت ليها حاضر خالتو مرقت بره وستنا كانت في حاله من الانهيار التام اختها سيده قالت ليها استهدي بالله ي ستنا البت واعيه واكيد م ح تتصرف تصرف متهور رزان عاقله ومن المحتمل ملت من قعاد البيت طلعت تغير جو شي طبيعي ماف حاجه تقلق قالت ليها ب

صوت غاضب سيده البت عايشه حالة اكتئاب وقهر نفسي تغير جو شنو ياخي واااي انا لا إله الا الله يارب تحفظا م تتهور وتعمل ف نفسها حاجه الله يلعن الكان سبب يارب الله يلعنك ي معتصم بتي اذتك ف شنو قصرت معاك ف شنو عشان تكسر قلبا الله يكسر عضامك شاحده ربي عليك سيده قالت ليها ستنا م تدعي ولد الناس الداعي مُدعي م تتهوري م اهتمت ل كلاما ندهت ل عسجد على مرتين جا ابراهيم زوج سيده وهو بتكلم بالتلفون وعلى لسانو لالا ياخ بس حبينا نتأكد ااي اي كلامك صح سكت كده قال ليه اسفين ياخ يلا تسلم قفل الخط سيده قالت ليه منو ده ان شاءالله في خبر عن رزان قال ليها ده معتصم قولت اشوفو يمكن مشت ليه على حسب متعلقه بيه شديد فختيت تكون مشت عندو سيده شاكلتو قالت ليه تتصرف من راسك لي انت ي ابراهيم تتصل ليه لشنو من غير م تكلمنا 🤬اسي ح يقول احنا جاريين ده اسمو عدم كرامه فوق العملو لسه عندك نفس تتصل ليه والله انت حركاتك دي ترفع الضغط وتجيب السكري قال ليها ياخ م فيها حاجه ي سيده ولا انا غلطان ي ستنا قالت ليه وهي منهاره اسي البت وين طيب قال ليها امجد طلع يتفقدها لكن انا والله العظيم مشيت للبحر مافي ليها اثر بس ان شاءالله تكون كويسه البت ماشاءالله عليها واعيه وعاقله واستحاله تتصرف تصرف مجنون ختو اليقين وان شاءالله بترجع ستنا قالت ليه ترجع واحنا مكتفين يدينا اا انا اصلي لو م مرقت م بترجع البت دي وقامت علي حيلا سيده قالت ليها ستنا عليك الله م تطفلي اقعدي خلي الرجال ديل يشوفو شغلهم انتي اسي لو طلعتي عارفه محلا وين ؟؟خلي الرجال يتحرو براحن
اجي ي االاطلع وافتش 🙄قالت ليها لو دي كان بتك ردة فعلك ح تكون كده ي سيده اا ،قالت ليها والله العظيم اذا انا عارفه عقلية بتي ماف شي بقلقني النصيحه ولا الغيرا اجي
م اشتلغت ب كلام سيده مرقت وهي بتتحسر على رزان وهي فالباب قابلت امجد خاشي مسكتو من ايدو رزان وين ي امجد انا خلاص م قادره اقعد عملتو شنو الموضوع لو محتاج تدخل شرطه اتصل م ممكن نكتف يدينا ونتظرها لحد م تجي اعمل حاجه ي امجد قال ليها يمه م تقلقي انا عارف رزان م بتعمل حاجه تقلقنا احتمال مشت ل واحده من صحباته او مشت تتمشى كلو وراد انتي م تقلقي شويه كده لو م جات انا بتصرف خليك راقيه قال كلامو ده وخش جوه جات سيده مارقه قالت ليه اها ي امجد قال ليها ي جماعه م تقلقو البت طبيعي في حالتا دي تطلع تغير جو الناس تتفائل قالت ليه المشكله امك م قادره تقتنع قبل يرد ليها جات عسجد خاشه وهي بتتنفس واضح انو في حاجه حصلت قبلو عليها كلهم وهم بعاينو ليها ب غرابه امها قالت ليها في شنو ي بت مالك هايجه كده قالت ي جماعه عايزه اقول ليكم حاجه لكن م تتهورو امجد مشى عليها وهو مقلق قال ليها وهو بقطع فالكلام ب توتر في حاجه ؟ قالت ليه ي جماعه انا اسي طلعت اشوف امجد مشيت ب شارع الاربعين قبل اصل اخر الشارع لقيت مره كانت بتتكلم مع واحده قالت ليها في بت لقوها جمب الكبري واقعه 😥ستنا استشهدت ب اعلى حس عندها
وهي بتروري وامجد وابراهيم مرقو بسرعه وهم مقلقين
---------------------------------------
دي شنو ي امي ؟ ناديه قامت من الطشت قالت ليها شريها شري الجلابيه دي وكانت مصدومه شديد لينه قامت وراها ي امي لقيتي شنو عليك الله قالت ليها ي بت م قادره انا م تسأليني لا إله الا الله محمد الرسول الله 😥...
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#وإليك~المُشتكى 《04》*
*#بقلمي~مريم~حسين*
*☆ــــــــــــــ☆»»»»»»»»»»»»♡ــــــــــــــــ♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
مع وصول امجد وابراهيم الكبرى قامت عربية الاسعاف فكان لازم يمشو وراهم عشان يتأكدو اذا فعلا البت نفسها رزان او لا
فبعد اسعفوها جوه م قدرو يتعرفو عليها لان الاسعاف كان سابقهم فضطرو يسألو في الاستقبال وكلموهم انو البت مجهولة الهويه هنا امجد اتأكد 90% البت دي ح تكون رزان المهم بعد الدكاتره عملو كل الفحوصات واطمنو على حالتا عرفو انو م عليها شي فقدت الوعي بس وكلو فالتمام امجد كان متوتر شديد ومقلق م ارتاح الا بعد اخدو إفادتو ومشى عليها وفعلاً طلعت رزان 💔كان منهار شديد اول م خش لقاها قاعده وسارحه على الشباك وملامحا لمن باقيه باهته اول كلمه قالا ليها كنتي ح تتخلي عني يعني؟ قبلت عليه ب هجمه
واول كلمه طلعت من لسانا معتصم 😢 غمض عينو شديد وخت ايدو ف وشو ب حسره ،لمن عرفتو امجد دموعا نزلت وفضلت تبكي ب إنهيار مشى عليها وكان متضايق شديد قال ليها وانا الكنت فاكرك واعيه كنتي عايزه تنتحري يعني لا فكرتي فيني ولا ف امي ولا ف نفسك معقوله ياخي عشان راجل خايب وم عندو شخصيه تفكري تنهي حياتك 😑والله العظيم لو عارفه امي ماكله همك قدر شنو م فكرتي فالفكره دي ولا حاولتي تعتبي من البيت اساساً،ياخي البيت كلو واقف على حيلو ي رزان اديني سبب واحد يخليك تفكري فالانتحار سبب واحد بس معقوله الكلب ده اثر فيك لدرجه دي اا هو عايش حياتو مبسوط اخر ضحك وونسه وجبنات وانتي عايزه تموتي بسببو ياخ هو اعتبار م ماديك قالت ليه وهي بتبكي مقهوره انا م قادره م قادره م قادره استوعب طيب قول لي انا بستاهل يحصل لي الحصل ي امجد اا ،علمت شنو في دنية الله دي اذيت منو عشان اتجازى كده انا كنت مخلصه وقلبي صافي اشمعنا اكون انا الضحيه لي بس ي امجد ليي بس لي وبقت تضرب ف نفسها ب جنون قرب منها وهو بقول ليها رزان اهدي م سمعت منو ولا اهتمت ل كلامو فكان لازم يصفعا عشان تروق وفعلاً بعد صفعا راقت واتكنكشت فيه تبكي ب انهيار وكسر وتلوم ف نفسها جا ابراهيم خاشي مهجوم علي لسانو لا حول ولا قوة الا بالله هي كويسه اا ان شاءالله م عليها عوجه امجد نفسو كان مقهور ومتضايق قال لي ابراهيم عليك الله ي خال شوف لينا ركشه ولا اي حاجه توصلنا البت هي كويسه م جاتا حاجه قالو حالة إغماء لكن نفسيتا منهاره او انهارت اكتر من الاول قال ليه اذن نشيل ليها مهدئات ي امجد م ممكن نسوقا كده البت يومي حالتا ماشه تسؤا اكتر من البعدو قال ليه خلاص عليك الله استشير ليها واحد من الدكاتره البره ديل وشخص ليهم حالتا خلي يشوف ليها اي مهدأ 😞 قال ليه خلاص بشوفهم عليها العافيه يارب قبل يطلع تلفونو اتصل قال ليه سيده تتصل من قبيل م قدرت ارد ليها كدي اطمنا ،فتح الخط وقال اي ي سيده قالت ليه وكان واضح مقلقه اها البت طلعت رزان؟ قال ليها رزان كويسه الحمدالله م عليها اي عوجه شويتين كده وح نجي البيت طمني ستنا معاك قالت ليه يعني هي كويسه انت متأكد قال ليها اي والله ياها تسمعك فيك شديده اسمعي ي سيده قالت ليه اي سامعاك اديني ليها ي ابراهيم قال ليها جايين احنا قولت ليك عايزه اقول ليك شنو انا اي اتذكرت لو في عجين نشا اعملو ليها مديده لحد م نحصلكم قالت ليه في عجين والله لكن كان تديها امها عشان تطمن ي ابراهيم قال ليها البت ي سيده منهاره م بتقدر تنضم اعملو النشا ده انتو نحنا فالطريق قال كلامو ده وقفل المهم استشارو الدكتور علي حالتا وحكو ليه الحاصل كلو اداها مهدأت وطلب منهم يجيبوها ليه يومي عشان يتابع معاها وطمنهم انو ح ترجع لطبيعتا قريب "بلسان رزان لما طلعت من البيت م كنت عايزه ارجع تاني فكرت لو انتحرت ممكن اتخلص من التفكير المميته الانا بفكر فيه حسيت انو الانتحار هو الخيار الوحيد الممكن يريحني من المأسات الانا عايشه فيها دي بس الله كاتب لي يوم جديد المفروض ارمي نفسي من فوق الكبري بس تقريباً فقدت الوعي نسبة لان الكبري ارتفاعو عالي وراسي لف ،المهم الدكتور لما اتكلم معاي حسيت بالراحه شويه طول الطريق وانا حاضنه امجد علي نهاي م فكيتو
لحد م وصلنا البيت يمكن عشان لي يومين م اكلت حاجه ونسبةً للإغماء م قدرت امشي الا امجد الله يديه العافيه سندني عليه ولما وصلنا الباب قربت اقع ف اضطر يشيلني 🥺لما جينا خاشين امي جرت علينا وهي بتبكي وتسأل ف امجد عن حالتي اذا حصل لي شي ابراهيم طمنا انو انا كويسه وبسرعه لما امجد نزلني فالسرير خالتي استقبلتني

بالمديده شربوني ليها غصب وسقوني عصير ليمون راجل خالتي ابراهيم اداني كبسوله قال لي ابلعا وانوم من غير م اي زول يناقشني فبلعتها ورقدت "بعد رزان نامت امجد جن جنونو وكان بحلف بالله انو لو م شوه ل معتصم وشو وعوقو م برتاح ابراهيم حزرو بس م ادا ل كلامو اعتبار امو قالت ليه شوفت ي ولد م عايزين مشاكل وريتك انا ناقصين نحنا ولا شايف الوضع الاحنا فيه ده مستهمل؟ عسجده قالت م مستهمل والله الناس تكون واعيه التهور غير يزيد الطين بل م بغير شي الناس تقتنع بالقسمه طلع منهم وكان غضبان شديد
ابراهيم قال لي سيده اها انتو برنامجكم شنو ح تفضلو هنا يومين تلاته وكده! قالت ليه اكيد طبعاً وراي شنو الفتره دي ستنا ح تحتاج لي شديد ولا م شايف حالة بتها ستنا اتدخلت قالت ليها وهي مقهوره امشي بيتك ي سيده م قصرتي والله من الاسبوع الفات معانا قالت ليها لا والله م بمشي اخليك عندي شنو فالبيت عسجد وم شغاله جامعه ابراهيم البيت بيتو م عندي حاجه انا ابراهيم قال ليها خلاص ماف مشكله انا عن نفسي م عندي مشكله اقعدي مع اختك وتقليها وان شاءالله رزان ترجع احسن من الاول وربنا يعوضا بالاحسن منو عسجد قالت ليه طيب ي ابوي انا ح امش معاك الليله اجيب لينا غيارات قال ليها كويس وهي قاعده كده تلفونا اتصل صمتتو وطلعت بره ، سيده قالت ل ستنا انتي ي ستنا ريم دي عقلا تمام؟ يعني من فترة الشيله كلموها م جات قراية شنو التلهيها من فرح اختها قالت ليها اخير وقت م جات فرحه وم تمت قالت ليها حتى ولو ي ستنا م صح منها دي اختها شقيقتا وفرحة العرس دي مره واحده مفروض تكون اول الحاضرين يعني لو الزواج ده م اتلغى كان ح تجي متين!🤔 ياخي هي اتصال ساي م بتتصل قراية شنو دي قالت ليها هي عندها النيه تجي وح تجي اصلاً لكن انا منعتا قالت ليها وتمنعيها لي كدي اسي انتي اتكلمي معاها ووريها الحصل كلو خلي تجي تكفر ل اختها قالت ليها م بقدر اجوط ليها راسا واشتت تفكيرا انتي عارفه انو ده اخر سمستر ليها م بقدر اقلقها رزان الله يديها العافيه ويصلح خاطرها سيده كانت زعلانه تشاكل فيها "ريم هي اخت رزان الاصغر بتدرس في الداخليه كل فتره والتانيه بتجي ناس امها بس الفتره دي شغاله امتحانات م قدرت تجي وسيده زعلانه منها المهم لحد تاني يوم رزان حالتا الطبيعيه بدت تستقر
---------------------------------------------------
لينه كانت بتحنس امها تكلمها عن الحاجه اللقتا ف جيب الجلابيه امس بس رفضت تفتح الموضوع الا ومعتصم يكون موجود وقدر م حاولت معاها ابت قالت ليها سمح الحاجه دي خطيره ي امي م يكون بنقو كمان 😳معقوله معتصم يكون بتعاطى ناديه كانت متضايقه شديد قالت ليها شوفي لي قام ولا لسه 😕اريتو لو كان بنقو ارييتو قالت ليها م صحى ي امي لكن ياخي خلاص اخلاقي اتضايقت وريني لقيتي شنو قالت ليها ب صوت غاضب ي بت للمره المليون قولت ليك م تسأليني انا م ح اتناقش فالموضوع ده م لم اخوك يكون موجود لان م عندي طاقه م عندي طاقه م تجيبي كثافتي خليني مع الغبينه الفيني 🙁لينه قامت منها ومشت على الصالون ضربت الباب علي تلات مرات معتصم من جوه قال منو قالت ليه كدي افتح الباب استنت كتير حتى فتح ليها اعراض النعس كانت مسيطره على وشو قال ليها اي وهو بدعك عينو ويتسعل قالت ليه انت ي معتصم الجلابيه الاديتني ليها امس عشان اغسلها ليك كنت خاتي فيها شنو بعد قالت كلاما ده فتح عيونو واستعدل وبقى يتمتم نزل الجلابيه من الشماعه وهو بفتش فيها ب تهور لينه كانت بتعاين ليه ب حيره م فاهمه شي ففي اللحظه دي امو جات خاشه قالت ليه م تتعب نفسك ورفعت ليه يدا وهي شايله معاها 😢......
---------------------------------
قومي ي ابت اكلي ليك حاجه عملت ليك كسره ب ام رقيقه ومعاها شطه قومي حبيبتي كانت بتمشي ايدا على شعرا وتطبطب عليها جا امجد خاشي وهو بيتكلم بالتلفون "اي قاعده امي هاك ليها قالت ليه منو قال ليها ريم قالت ليو كلمتا يعني غايتو الله يصبرني معاكم القال ليك تكلما منو قال ليها امسكي التلفون ي امي شالت التلفون وريم كانت بتبكي منهاره متحسره علي الحصل ل رزان ولامت امها انو م كلمتا وحسب كلاما ح تجي بكره بعد قفلت الخط شاكلت امجد انو عندها امتحانات والمفروض م يقلقوها ويكلموها قال ليها ياخ مصيرا تعرف ي امي واصلا كده كده هي جايه لي م يكلموها كانت متضايقه قالت ل رزان قومي اتسوكي اكلي ان شاءالله لقمتين قامت وحيلا بارد طلعت" وامجد جا وراها قال ليها بعد تتسوكي عايزك تمام قالت ليه تمام ...
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#وإليك~المُشتكى 《05》*
*#بقلمي~مريم~حسين*
*☆ــــــــــــــ☆»»»»»»»»»»»»♡ــــــــــــــــ♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
اها 😞
_رزان انا عارف حالتك النفسيه لسه م اتحسنت احتساباً لذلك شاورة ليك دكتور فريد ح يتابع معاك لحد م تحسي نفسك اتحسنتي ولحد بعدين كده خليك جاهزه للمقابله الاولى ،ردت ليه وهي سارحه على الشباك بصوت بارد لا م محتاج كويسه انا، قال ليها اسمعي انا م طالب رايك بستشيرك فقط فما تعترضي لي حالتك مستاءه جداً م حاسه ب نفسك انتي؟ قالت ليه وهي كهيانه امجد قولت ليك م عايزه مقابلات انا وقبلت عليه " كان واقف قعد جمبها قال ليها رزان يمكن انا اكتر شخص حاسس وعارف بتمري ب شنو انتي م كويسه عديل كده والزول الفقري ده م ح يزيه من بالك مالم تنشغلي ب اي نوع من المهام فريد زولي ومعرفتي بيه طويله زول فاهم وتعاملو كويس يعني ح تنداحي فالحديث معاهو وم ح تاخدي زمن طويل عشان ترجعتي ل طبيعتك وتنسيتي زباله الإسمو معتصم ده، كانت بتشبك ايدا ب حركه بطيئه وهي كهيانه ونظرا تحت قبل تتكلم قال ليها انا يومياً بوصلك وبنتظرك لحد م المقابله تخلص ونرجع سوا ومنها تغير جوا واذا حابه ممكن احقق ليك رغبتك البتمني تحققيها من زمان عاينت ليه ب طرف عينا قالت ليه امجد انا والله العظيم كويسه ياهو حلفت ليك كويسه وم فيني شي وبنسبه لنفسيتي انا ادرا بيها منك م محتاج دكتور ، ختت ايدا ف يدو وهي مبتسمه قالت ليه اطمن اخوي انا 😊لو حسيت ب اي شي بكلمك نقابل الدكتور عايز يتكلم قاطعتو قالت ليه اقسم بالله م فيني عوجه وعشان تقتنع ح اديك تلفوني تغيرو لي وتشتري لي شريحه جديده خلاص م ح افكر فيه تاني وعد كان بعاين ليها ب عدم مصداقيه قالت ليه اوف منك عارفك م ح تقتنع عشان كده عازماك ايسكريم 🙂ضحك وهو خاتي ايدو ف وشو فضحكت معاهو والضحكه طالت" بعد سكت قال لي عندك علم انو ريم جايه صاح قالت ليه صحي نسيت ب جيتا مشتاقه ليها شديد والله طيب نأجل فكرة الايسكريم قال ليها لالا نمشي بس م ح نطول ومنها نغشاها فالشعبي ونجي البيت كلنا مع بعض قالت ليه فكره برضو
بلسان رزان: بحاول اتهرب من واقعي وانساهو بس مع كل كلمه تطلع مني بتذكر معتصم بتخيل قعداتنا وونستنا وكل التفاصيل الجميله العشتا معاهو م قادره اتصالح مع نفسي علي انو خلاص طلع من حياتي م عارفه كيف ح انساهو بس خلاص قررت م افكر فيه تاني الفكره شويه صعبه بس ح اعصر نفسي واضغطا زي م هو اختار يكمل مع غيري بقى لازم الملم باقي كرامتي واعيش الواقع الحقيقه واحده انا ك رزان كسرو خاطري وعرسي اتلغى خلاص قسمه وانتهت انا لا اول واحده ولا اخر واحده ✋ امجد م كان مقتنع فكان لازم اثبت ليه اقترحت ليه نطلع ، واحنا طالعين لقينا عسجد فالباب شكلها طالعه برضو لما شافتنا حسيت ب ملامحا اتغيرت طبعاً امجد علاقتو بيها سطحيه سلم عليها قال لي سابقك بره قولت ليه تمام عسجد عاينت لي ب استفهامات قالت لي ماشاءالله اتحسنتي لمن طالعه على وين إن شاءالله؟ قولت ليها الصراحه ماشين ناكل اسكريم تمشي معانا، عاينت ل تلفونا قالت لي والله ياريت ياخ بس ماشه البيت انتي عارفه امي م جابت معاها غيارات فماشه البيت وكده بس يعني لو حابه جيتي ممكن بعد امش البيت اغشاكم قولت ليها لا ماف مشكله على راحتك ، شايفه امجد يعاين فيها بالخطف قولت ليها خلاص لحد م نرجع قالت لي كويس حبيبه قبل اتحرك جات امي بسرعه تشاكل فيني قالت م اكلت حاجه م اطلع ففهمتا انو ح ناكل قدام المهم مشينا وكل م اشوف اتنين ماشين مع بعض قلبي بوجعني امجد كان حاسي فيني مسكني من ايدي قال لي عيشي الدور ابتسمت وشديتو من ايدو قولت ليه الله يخليك لي يارب قال لي حقو الواحد م يقول اميين 😕لانك ببساطه كنتي عايزه تتخلي عني قولت ليه حبيبي والله م بتخلى عنك نهاااي هو انت بتخلو عنك ابتسم واصلنا ونستنا واحنا منداحين المهم بعد وصلنا وامجد طلب الايسكريم حسيت بيه عايز يقول حاجه بس متردد فسألتو قال لي والله ياخ عايزك ف موضوع لكن خلي بالنيه بس قولت ليه عاين م تتماسخ لي مالك في شنو رجع شعرو ل ورا طبعاً مربي شعر (راسطات) الصراحه وجيه اخوي مكمل صفات الجمال كلها ☺️قال لي اسمعي م عارف ابدا ليك من وين وقبل يتم كلامو اتذكر انو رزان م ناقصه او ممكن تنجرح وتتحسس فغير الموضوع قال ليها اتأهلت فالدور النهائي افرحي 🙂قالت ليه م تتظارف احكي لي ف شنو يلا 😐قال ليها م تتظارفي اكلي اسكريمك ده م مطولينا احنا وريم م تنسي موضوعا قالت ليه ريم وقتا لسه عاين ح تحكي والا م ح

اكل وريتك 🚶🏿‍♀️اكل حاجه بسيطه قال ليها ي ستي مدام مصره اديك الزيت بس توعديني م تجيبي سيره ل زول تمام ولا زول فاهمه "
-------------------------------------------------
اجي اجي اجي معتصم 😱
ام معتصم خشت ومعاها صورتين كانت متضايقه شديد ومعتصم متلبك ومتوتر ضربتو بالصور ف وشو قالت ليه دي حقيقتك يعني اا دي ياها حقيقتك ي كذاب كان مدنقر راسو تحت وهو بعض ف اضراسو قالت ليه معتصم انت م بتخاف الله يعني كيف قلبك طاوعك تعمل كده يعني بت الناس قصرت معاك ف شنو ي معتصم طيب خلي بت الناس احنا ذنبنا شنو تدخلنا في متاهه زي دي وريني "كانت بتقول كلاما ب صوت غاضب ومتنرفز لينه قالت بري ي معتصم م اتوقعت منك النصحيه وصدمتني الصراحه م رفع راسو من الخجل امو قالت ليه لي ياخي بس الاذيه دي انت عارف انو الله م بخليك علي عملتك دي ، اسمها خيانه وطعن ف نص الضهر وانا القايلك ولد اصيل طلعت عكس توقعي رفع راسو قال ليها
يمه انتي فهمتي غلط الصور دي قديمه وكانت مع رزان بس روقي اشرح ليك الحاصل قالت ليه ب صوت غاضب وحاسم ولا كلمه الحقيقه واضحه قدامي تشرح لي شنو اا انت م خجلان ارفع راسك ده عاين لي م خجلان من نفسك م حاسي ب تأنيب الضمير بعد عشمت بت الناس تاريك بتضحك عليها ي معتصم اعمل ليك شنو وريني اعمل ليك شنو، لينه قالت كمان مع اعز الناس ليها بالغت ي اخوي م بغطي عليك بالغت عديل كده قال ليها وهو حاني راسو تحت ياخ الصور دي قديمه م بتفهمو انتو صور قديمه وكانت مع رزان لينه قالت ليه معتصم انت قولت جلابتك دي جديده 😒 رفع راسو قال ليها جديده القال ليك منو انتي ي زوله ومشى عليها غضبان امو قالت ليه اوعك تتفش لي ف البت م عندك مهرب نهاي الجلابيه جديده اياك تكذب الجلابيه جدييييده يعني الصور دي حديثه 😑قال ليها ياخ اقول ليكم حاجه ايوه الصور دي ختيتا انا في حاجه تاني ، امو ضربتو كف قالت ليه بصوت غاضب وصارخ الله يقرفك انقلع من خلقتي اطلع يلا كان غضبان قال ليها يمه م ماشي محل انا م ماشي عديل جرتو من ايدو اتفك منها قال ليها ب نبره غاضبه ي امي ياخ، ضربتو ف ضهرو وبقت تضربو ب غضب وتهور وهي بتتحسر عليهو وتبكي لينه مسكتا وهي بتهدي فيها لبس هدومو وطلع غضبان ورزع الباب شديد لينه وهي بتهدي ف امها قالت ليها ماما روقي حبيبتي وقامت جابت ليها مويه رمتا منها قالت ليها خليني ي بت م عايزه خليني ف وجعتي يعني ينزل راسنا مع الناس لي معتصم ااا اتحل من المشكله دي كيف انا ياخي اهلا لو عرفو ردة فعلهم ح تكون شنو ناهيك عن رزان ح يعملو شنو بس قالت ليها والله ياخ مغلوبين عديل الواحد محتار يحلل الموضوع ده لكن هي زاتا طلعت وسخه وخسيسه بسببها شلت ذنب رزان وشكيت في اخلاقا صحي الدنيا دي م فيها امان الثقه انعدمت لا حول ولا قوة الا بالله "
لينه بينها وبين نفسها كانت بتفكر ب حيره كيف الصور وصلت جيب اخوها ولي اصلاً خاتيها فالجيب وانو ممكن كان يحتفظ بيها فالتلفون 🤔
---------------------------------------------
معتصم كان منزعج شديد وهو ماشي فالشارع هبش جيبو للتلفون بس طلع ناسيهو فالبيت اتقدم شويه مشى ل بتاع بقاله بعرفو شال منو التلفون واتصل وهو غضبان اول كلمه قالها وين انتي قالت ليه قربت في حاجه؟ قال ليها اسمعي كلامي الطلعه ح نأجلها لكن مجرد م تصلي عايزك ضروووري ختي خط تحت ضروري دي قالت ليه خير في شنو قال ليها م تحققي معاي ياخ 🤬قابليني جمب ** قالت ليه طيب بس انا حالياً بعيده محتاجه ساعتين عشان اصلك لكن قلقتني وريني ف شنو قال ليها ح انتظرك فالحته القولتها ليك وم شايل معاي تلفون حاولي م تتأخري لان الموضوع مهم جداً وقفل الخط..
على لسانو: كيف اتورط كيف كيف كيف كان بقول كلامو ده وهو بشلت فالارض ب غضب شديد "
--------------------------------
جانب رزان: كانت مبسوطه تضحك قالت ل امجد والله ان شاءالله تكون ليك فاتحة خير ياخ لكن بيني وبينك ي اخوي م استخرت 😕 عاين ليها ب استفاهمات ضحكت قالت ليه بمزح معاك🤭 والله م محتاج تستخير لان عسجد بت ب الف بت لكن تعال أسالك من متين وانت مغرم بيها احكي لي من البدايه قال ليها عشان التحقيق ده م كنت عايز اكلمك قالت ليه عليك الله اخوي احكي لي قال ليها ي بت الناس اتفكي مني انا زاتي م عارف كدي انسيك مني انتي مرتاحه انبسطي قالت ليه شديد والله مبسوطه للاخر عاين للساعه قال طيب اسمعي نقوم على ريم دي البص بتاعا يكون وصل قالت ليه م ظنيت كدي اتصل ليها قال ليها قومي ياخ بتصل فالطريق عندي مباراه ماشي الحقا انا قومي ارح قالت ليه الساعه 11:30 تكون وصلت معقوله مشى دفع الحساب وجا راجع قال ليها راح ارح ي زوله مشو على الظلط وقف ليه ركشه وطلعو وهم فالطريق رزان لمحت عسجد راكبه ف ركشه احتارت قالت ل امجد ، عاين وقف بتاع الركشه شوفت عسجد يمكن ماشه لينا محل الاسكريم قال ليها صحي وينا قالت ليه شوفتها والله، وهي اصلا قالت ح تغشانا احنا اتسرعنا كدي اتصل ل ريم شوفا وصلت طلع تلفونو واتصل بعد جرسين حتى ردت قال ليها وصلتي

وين انتي ي بت قالت ليه م تنظروني حصل لي ظرف البص اتعطل قال ليها بالجد قالت ليه ايوه جد كلم امي انو ح اتأخر قال ليها يعني نرجع البيت لان كنا جايين عليك قالت ليه لالا م تجو لسه انا قال ليها تمام ي زوله المهم لما تصلي اديني جرس قالت ليه خير وقفلو الاتنين مع بعض قال ل رزان اتخيلي البص اتعطل قالت ليه وااي بس اريتنا لو اتأكدنا قبل م نتحرك قال ليها م مشكله نرجع قال ل بتاع الركشه اسمع ارجع ارجع نسينا حاجه رزان قالت ليه طيب اتصل ل عسجد عشان تنتظرنا قال ليها اتصلي ليها ب تلفونك
ياخ قالت ليه طيب تمام ح اتصل وفعلاً اتصلت بس عسجد فهمتا انو هي فالبيت ولسه م طلعت 🙂بعد قفلت الخط قالت وهي مستغربه اجي والشوفتها دي منو طيب امجد قال ليها يمكن اتهيئ ليك عادي قالت ليه والله العظيم متاكده اني شوفتها اتهيئ كيف شوفتها عديل عسجد قال ليها ي زوله يخلق من الشبه اربعين يمكن شبيهتا يعني ح تكذب عليك مثلاً رزان م كانت مرتاحه وحست انو في حاجه غلط "
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#وإليك~المُشتكى 《06》*
*#بقلمي~مريم~حسين*
*☆ــــــــــــــ☆»»»»»»»»»»»»♡ــــــــــــــــ♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
واحنا فالطريق امجد كان بقنع فيني انو الشفتها واحده تانيه
بس م قدرت اقتنع م عارفه لي حاسه ب شعور غريب طيب اذا هي الكذب ليها شنو ؟ في حاجه غلط مستحيل اكون انا غلطانه شلت تلفوني رجعت ليها وانا م مرتاحه بس تلفونا مشغول رسلت ليها رساله ارجعي لي واستنيت مسافه م ردت لي امجد انتبه كان متقلق م عارفه لي المهم م رجعت ليها م حبيت ازعجا تاني بما انو ح ترجع البيت بتحقق منها بعدين "
امجد بعد قربنا نصل نزل قدامي قال ماشي التدريب م بعيد من البيت المهم انا نزلت ف شارع البيت م خليتو يوصلني جمب الباب ' وانا ماشه فالشارع شايفه اغلبية الناس مركزه معاي يعاينو لي ويوسوسو م اهتميت بيهم كتير و'ماشه بكل احترام سامعه واحده قالت دي موش بت ستونا الرجعو شنطتا؟ عاينت ليهم وانا بتقطع من جواي بس طنشتهم حتى لو رديت م ح اغير شي ولا ح استفيد حاجه انقادهم ف شنو م قالو الا الحقيقه سرعت خطواتي عشان م اسمع باقي الكلام وصلت البيت منهاره للأخر م اتكلمت مع زول ولا حسستهم ب وجودي لقيت الباب فاتح وخشيت طوالي ، م عارفه كيف ومتين ح اتصالح مع نفسي في الموضوع ده م قادره اتقبل كلام الناس فيني 😞كل م اقول خلاص ح اتجاوز يجي شي يفركش علي ويرجعني فالمأساءة " سرحت وانا منهاره بسأل روحي ي ربي معتصم م راجع نفسو معقوله يكون نساني خلاص ، فتحت تلفوني م اني حذفت كل صورور بس احتفظت ب واحده عاينت ليه ب كسر خاطر ودمعتي طرف عيني 'اتصل مره بس ي معتصم مره واحده قول لي انا بمزح معاك ي رزان قول لي انتي ملكي وعشقي وهواي ومن غيرك م بتنفس 😔قول لي يارزان طيلة الاسبوع ده انا ميت شوق بلاك قول لي انتي حبي الاول والاخير اتصل ي معتصم قول لي انتي مرتي وحبيبتي وام اولادي زي م كنت بتقول لي نسيت لما كنا ف بيتكم نسيت 🥺كنت بتقول اولادي قريباً ح يكونو جزو مننا ح يلعبو ف حيشان بيتنا نسيت ادهم وتالين اولادنا ااا طيب نسيت سفرتنا للإمارات نسيت لما اخترت ليك بدلة العرس وصورتك بيها ههه كنت حلو شديد فيها ، كنت بقول كلامي ده وانا ببكي ب انهيار وكسر وبمشي ايدي على صورتو ودموعي غرقت التلفون "بس زول يقول لي كيف انساهو انا كيف انساهو نزلت تحت للسرير وخاته صورتو ف صدري ببكي متألمه شديد معتصم لا انت بتحبني انا وبس تعال قول لي ده مقلب وريح قلبي بيتنا وعفشنا محتاج لينا شديد 😭تعال ي عصوم م بقدر بلاك انا م بقدر م بقدر 💔

--------------
هاك ي ستنا دي بدريه عايزاك ، شالت منها التلفون وردت ليها:
-الو بدريه كيف حالك ردت ليها الحمدالله يا ستنا انت كيف وكيف رزان بقت؟ ردت ليها كويسه والله رزان م عندها عوجه قالت ليها م عجبنا الحصل والله م عجبنا ي ستنا احيي انا من كسر الخاطر الله يربط على قلبها يارب قالت ليها الحمدالله يا بدريه نقول قسمه مافي الله م اراد قالت ليها والله م شوفتي اتأثرت قدر شنو ي ستنا، هو مالو صحي او مالهم اللماهم شنو قالت ليها والله ي بدريه احنا لحدة اللحظه دي م عارفين اسبابو شنو تأمني بالله قالت ليها شوفي الجنس ده يعني براهو كده الله غالب قالت ليها والله نقول قسمه مافي لو الله جاعلو من نصيبا ماف قوه بتقيف قدامهم قالت ليها كمان الحسد كتر وبتك بت السرور محبوبه ورضيه والله
لكن الله يبادل ليها بالخير كيف امجد وريم عليك الله قالت ليها كويسن والله ريم زاتا جايه الليله قالت ليها نحنا كمان عندنا النيه نجيكم فالايامات الجايه دي م شوفتي مروان اتأثر قدر شنو قالت ليها ي حليلو مروان كيفو هو زمن منو المهم واصلو ف حديثهم ولحد م قفلت وامجد جا راجع سأل من رزان قالت ليه م جات خليتا وين موش انتو المفروض ترجعو سوا ي امجد؟ قال ليها وهو مقلق جينا سوا يمه انا نزلت فالنادي وطلبت من بتاع الركشه يوصلها ح تكون مشت وين خالتو قالت ليه انت زاتك غلطان عارف حالتا والظروف البتمر بيها م كان تخليها تجي براها وصلها البيت وامش مكان ماشي يعني الليله برضو ح نرجع ف سين وباء م بجي الكلام ده قال ليها وهو متضايق والله العظيم كويسه هي م عندها حاجه طبيعيه للاخر لحد م وصلنا البيت هي طبيعيه قالت ليه لالا شوفت فكرة الدكتور دي م في منها البت دي لو م قابلتو بيها دكتور بتجن، ستنا كانت متمحنه وهي مقهوره ودموعا جاريه امجد طلع وهو مسرع مشى على غرفتا مجرد م لز الباب لقاها منبطحه فالارض وهي حاضنه صورة معتصم عليها خش بسرعه وقفل الباب حاول

يتكلم معاه بس م استجابت ليه سحب منها التلفون ومسح الصوره وجدعو بعيد وهو متضايق قامت ب حاله انفعاليه صرخت فيه وبقت تضربو ف صدور "هنا امها وخالتا جو بسرعه مخلوعين يستفسرو مالا مالا
رزان كانت تعبانه نفسياً ومنهار تضرب ف امجد
على قولها: فاكر نفسك مسحت صورتو ح انساهو اا كذاب انت كذااااب معتصم ح يفضل ف قلبي لحد اخر نفس عندي انت م بتقدر تبعدني منو فاهم، انا حافضل احبو واحبو غصباً عنك وعنهم وزواجنا ح يتم ايوه ح يتم فاهمين زواجنا ح يتم، امها مشت عليها تبكي ب وجعه وهي بتحاول تهدئها ، خالتا قالت طيب ح يتم ايوه روقي زواجك ح يتم ان شاءالله، مشت على خالتا قالت ليها كلميهم وريهم ي خالتو قولي ليهم رزان عروس الموسم خالتا كانت متأثره شديد مسكتا من ايدا قعدتا فالسرير وامها م قدرت تستحمل طلعت وهي بتبكي على حالتا، المهم سيده فضلت معاها تهدي فيها لحد م نامت "
-----------------------------
ياخي 500ساعه وانا راجيك ياخي قالت ليه زحمه فظيعه طول الطريق مقلقه وفكري يشيل ويودي ياربي مالو ،احكي لي مالك؟ هبطتا عديل انا وحاة الله، مسح وشو قال ليها انا زهجان ومتضايق وقافله معاي لمن غلط قالت ليه الف سلامه عليك حبيبي احكي لي مالك قال ليها وهو بعض ف اضراسو غضبان، ديل عرفو، قالت ليه بدقة قلب كيف يعني 😢م تقول لي امك عرفت، م رد ليها وهو صاري وشو قالت ليه طيب اشرح لي عرفو كيف؟ انت جبت ليهم سيره يعني قال ليها ياخ اجيب ليهم سيره كيف مختله انتي ؟سكتو الاتنين وهي كانت
منهاره قال ليها اسمعي الح اقولو ليك اخر حل طبعاً اذا انتي باقيه علي وتقتدري تتحدي معاي نعترف للناس ديل ب حبنا فالعلن وجاهز نتزوج الح تعملي ك الاتي: ح تكلمي اي زول حاسه انو ح يقيف معانا تمام مافي طريقه غير انو نعقد بالمحكمه واذا شايفه صعب اي زول يمشي من درب اسرتكم دي زاتا انا كرهتا وقرفت منها خاصه واللصقه العبيطه دي فيها
دي اكتر زوله واقفه ف طريقنا كانت مصدومه قالت ليه معتصم انت عارف انو م ح يعترفو ب زواج المحاكم انا شايفه طالما عرفو نوريهم الحقيقه بس مافي حل غير كده خلي اليحصل كلو يحصل حلنا الوحيد نوريهم لمتين ح نتدسس ونخاف قال ليها جنيتي صح 🙄 قالت ليه م لكن مافي حل ي معتصم انت عارف لو اهلك كلمو اهلي ح تجوط اكتر قال ليها ي زوله ولا نوريهم ولا حاجه اصلا انا كده كده امي كرهتني ومستحيل تسامحني وانتي اهلك لو عرفو يمكن يطلعو ب روحك عشان م تستهوني باالموضوع ف حفاظاً ل نفسنا افضل حل نهرب بس ده امثل وانحج حل "
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#وإليك~المُشتكى 《07》*
*#بقلمي~مريم~حسين*
*☆ــــــــــــــ☆»»»»»»»»»»»»♡ــــــــــــــــ♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
بعد مرور يومين:
لالا ي ستنا البت دي قبل تبقالنا حاله خاصه شدو حليكم عليها دي م حاله دي ، ياخي اول امس ده جنت رسمي وشعبي لمتين بس فالحاله دي، شوفو ليكم اي مرشد ولا اي مصيبه تطلها من الدوامه دي عسجد كانت راقده شغاله بالتلفون ب مزاج رايق قالت ل امها رزان قلبا ضعيف انا لو محلا مجرد م قال عايز الشنطه ببلك جدو العاشر والله ولا زعله ساي م بستخسر فيهو دمعه بالغلط م بنزل عشانو ده واحد حيوان ساي قال حاله خاصه قال 🙄 الناس وعت على فكره ردت ليها امها عاد تقولي شنو اريتا واعيه زيك ، قالت ليها الفهم والوعي قسمه ي امي غايتو الله يصلح خاطرها، جات ريم خاشه وهي شايله معاها صحن قعدت جمب عسجد قالت ليها تاكلي، سيده تعاين فيها ب غيظه قالت ليها حتى السلام ي ريم، قالت ليها ب نسية خالتو وحاة الله م شفتك تأمني بالله ومشت باستا ف خدها قالت الا انتي والله ، قالت ليها عاد لو م بوستك دي كان جضمتك وفضيت ليك الفي راسي اصلي مغيوظه منك 😏 ضحكت ب استغراب قالت ليها خالتو انتي دائماً مؤشره بندقيتك علي م عارفه لي حيرتيني، عسجد ضحكت ب صوت عالي قالت ليها عشان كلك علل واستفهمات وانتي عارفه ماما كوكي حقتنا دي تنظيرات عجيبه كلنا م مريحانا، ستنا قامت طلعت وبالها علي رزان بعد طلعت ريم ردت ل عسجد قالت ليها علل شنو الفيني انتي التانيه؟ قالت ليها اسأليها بتجاوبك هي، سيده وهي شغاله بتعاين في ريم قالت ليها انا والله م بدس منك حاجه ي ريم انتي بالك طويل ولا مهمله م عارفه يعني عليك الله وعليك النبي اختك دي من يوم جابو شيلتا وحددو العرس م كلفتي نفسك بالغلط ساي عشان تتصلي تباركي ليها عايزه تقاطعا قالت ليها خليني اتم كلامي ي ريم انا النصيحه دي بقولا ليك كان ترضي ولا تآبي قصرتي ف حق اختك الحق ل الله المفروض انتي ك اخت ليها تكوني اول الحاضرين ولا كلامي فيه عوجه ي عسجد ردت ليها الناس ظروف ي امي بعدين ريم عندها امتحانات واكيد فهمت اختها الحاجه دي قالت ليها انا غايتو العندي قولتو ريم قصرتي ف حق رزان امتحان شنو البمنعك تحضري فرح اختك في حاجه اسمها إجازه ، إذن، ريم كانت بتاكل فالكاسترد بتاعا ومره تلعب بالمعلقه وهي سارحه بعيد
بعد مسافه قالت ليها والله ي خالتو انتي معناهو ظالماني ههه شكلك م مخليه زول الا وحاكيه ليهو عني 😂ريم ريم ريم
وانا يومي بعض لساني ياربي ده منو البذكرني ده تاريك انتي 😄 عسجد قالت ليها يومي مع خالتو ستنا فاتحه ليها موضوعك امي الله يديها العافيه م بتقصر فالحق لكن انتي معزوره ي ريمو ومستحيل طبعاً م تحضري العرس قالت ليها انا جايه اصلاً بالمناسبه ردت ليها ستنا انتي وقت الناس فرحاااانه م جيتي تجي بعد فركشو الموضوع 😏ختت الصحن فالتربيزه ببرود قالت ليها وهي متحسره والله ياخ ي خالتو انتي ماخده انطباع سيئ عني الظاهر 💔 بس صدقيني رزان عندي بالكل حبيبتي وصحبتي قبل تكون اختي وانو اتقل في فرحا يبقى انا انسانه م عندي نخوه او حاقده حسب تحليلك عسجد اتدخلت قالت ليها م قالت حاقده ي ريم هي عاتبتك لانها زعلانه وشايفاك زي بتها م تفهميها غلط وحمرت ل امها، ريم قالت ليها بالعكس والله ي عسجد م زعلانه منها بس عايزه اوضح ليها اسبابي عشان م تفتكر انو انا متعمده او عدم همه مني، سيده قالت ليها شوفي ي ريم م تبرري لي حاجه واعتبريني م سألتك ولا عاتبتك من الاساس 😊 انا زاتي اتحمقت زياده عن اللزوم بس تصدقي كان واقف لي ف حلقي م تزعلي مني حبيبتي انا كلامي حار عارفاني في عسجد دي م مقصره وانتي زاتك بتي البقولو وراك بقولو قدامك قالت ليها بري والله ولا زعلانه ولا حاجه انا عارفه روحي مقصره بس م مني 😔 قالت ليها ولا يهمك حبيبتي الله يوفقك وينجحك نشوف دكتوره كبيره قالت ليها وهي بتهبش شعرا اميين يارب قالت ليها بس والله ي ريم اختك منهاره شديد قالو دعوة الاخت كويسه ادعي ليها عليك الله قالت ليها ب كسر والله العظيم فالداخليه يومياً بقيم الليل وبدعي ليها قلبي متقطع عليها شديد 😔الله يجازي الكان سبب عسجد قالت ليها اختك ضعيفه ي ريم راجل شنو تمرض عشانو هو لما م قدر حبها وكسرا الموته ليها شنو والله العظيم مني ومنها بدوس على ابو قلبو وزيييي الما حصل شي بقد عين اي زول يتكلم فيني انا جني وجن الزول الضعيف قالت ليها الناس م واحد الكسر صعب اسأليني انا مجربه، سيده قالت ليهم بدل قاعدات كده امشن

فرقن ليها ونسوها المسكينه ريم شالت الصحن قالت ليها ذكرتيني م انو كنت معاها قبل شويه لكن بمش ليها تاني عسجد قالت ليها نطلع ي ريم زهجت والله امها قالت اي اطلعو غيرو جو سقوقوها معاكم ريم قالت فكره برضو كدي انا بمش ليها عسجد قالت ليها طيب لاحقاك حاولي اقنعيها عشان نطلع قالت ليها تمام بعد طلعت عسجد قالت ل امها ب ضيق وزعله شوفتي انتي ي امي م تدخلي بين البصله وقشرتا م عندك شغله بيها جات جات م جات امها تحاسبا دايره منها شنو انتي افترضي رزان كانت قاعده اكيد ح تفهم اختها غلط وتتحسس م اي حاجه تحاسبي الناس انتي م صح والله،
قالت ليها ي بت انطمي مني اصلكم م بتدورو الحقيقه مالي قولت حاجه غلط انا، اي م كانت جايه النصيحه دي غيروها اجي يالماتقولي كده قالت كلاما ده وقامت طالعه ، عسجد كانت متضايقه منها وصلت تلفونا فالشحن وجات طالعه اطاقشت مع امجد فالباب وراسا جا على صدرو ، اتلبك اتلبكو واتوتر قالت ليه بسرعه ااخ معليش اسفه م انتبهت ليك والله قال ليها وهو راجع ل ورا ونظرو تحت لا عادي معليش م عارفك قاعده جو بس كنت عايز الشاحن بتاعي قاعد جوه قالت ليه واي ياخ كمان ختيت تلفوني اسي خلاص م مشكله شيلو بشحنو بعدين قال ليها بتوتر لالا خليه بس انا جيت اتأكد اذا موجود هنا ولا لا خليه خلي تلفونك يشحن قالت ليه عاين هو م نازل ممكن لو محتاج ليه شيلو انا بشحن بعدين عادي والله قال ليها لا ياخ تلفوني نازل اقصد شاحن والله خليه معاك قال كلامو ده ومشى وهو بتلفت ابتسمت قالت وفرت ومشت علي ناس رزان لقت ريم بتسرح ل رزان شعرا خشت وقفلت الباب غمزت ل ريم نظام رزان وافقت فغمزت ليها عيونا الاتنين بمعنى اي، قعدت وهي بتقول ل رزان شعرك حلو على فكره ناعم وسبيبي ريم قالت ليها شديد ،ردت رزان طالعه معانا قالت ليها كيفك انا اساس الطلعه قالت ليها حلو بعد صنه قالت ليها صحي ي عسجد م سألتك انتي اليوم داك وقت كنت طالعه مع امجد موش انتي قولتي ح تغشينا قالت ليها م اكدت ليك لكن قولت ليك احتمااال بس م لقيت طريقه
قالت ليها يعني نهاي م طلعتي ؟قالت ليها والله ياخي م اكذب عليك طلعت قالت ليها جيتي ماره ب جمب الاستوب قالت ليها اي اي شوفتيني ولا شنو 😂قالت ليها اي بس احترت لان ف نفس اللحظه لما اتصلت ليك قولتي انتي م مرقتي قالت ليها يلا بس م كنت عايزه اقول ليك عشان م تنحي علي تعالي تعالي وانا اصلاً عندي موعد فهمتي قالت ليها يخس عليك واحنا كنا شايلين همك 😒وانا اشيل واغالط ف امجد قال لي يمكن شبهتك قالت ليها وهي بتضحك بري دي انا زاتي 🤣 ريم قالت ليها متين ده يعني الايامات دي مقضينها طلعات قولتو لي ايامكم عسجد قالت ليها هم م انا ومره واحده بس امجد ي هنايه حنين شديد اكتر زول واقف معاها قالت ليها واجب لو كنت محلو ح اعمل نفس الشي ختت الفرشه قالت ليها وكده خلصنا عسجد قالت ليها واو اللهم بارك موبالغه عديل انتي المفروض تكوني ميكب ارتست شايفه مكياجك برضو فنيط قالت ليها بنات الداخليه كلهم بتمكيجو علي ايدي تصدقي قالت ليها كويس والله ويدك سريعه كمان رزان قامت على حيلا قالت ليهم ح استحم ريم قالت ليها م تتأخري عارفه حمامك تقيل " بعد مرقت ريم قالت ل عسجد حابه امكيجك قبل تطلع قالت ليها ح نمشي وين احنا؟ قالت ليها اي حته دريم او البحر او ممكن نمش ديزي للألعاب نفرق حبه ورانا شنو قالت ليها طيب مدام كده خليني استحم قالت ليها ي بت تستحمي كم مره انتي قبيل الصباح شايفاك استحميتي اتشطفي بس لو المغرب اذن امجد م ح يخلينا نطلع قالت ليها خلاص تمام ي زوله ح اتشطف مرقت بسرعه ومجرد م مرقت ريم كانت بتعاين ل نفسها بالمرايه بطريقه غريبه قعدت وهي بتمشي يدها على وشها وتعاين لنفسها بالمرايا من فوق ل تحت جا امجد خاشي عملت نفسها بترتب فالمحل قال ليها وين رزان اخدت نفس قالت ليه اا شوفا مع امي قال ليها م قاعده معاها اسي جاي منها قالت ليه هاا اتذكرت فالحمام خير في حاجه يعني قال ليها ايوه عايزها لو طلعت خليها تجيني قالت ليه تمام خير ي امجد في شنو؟ قال ليها ريم رزان محتاجه جلسات تحفيذيه مع دكتور نفساني فتحت ليها الموضوع من كم يوم بس اكدت لي إنو هي كويسه لكن حالتا بتقول لا وامس لما فتحت ليها الموضوع قالت خير قالت ليه فكره والله بس اسي احنا طالعين قال ليها ماشين وين؟ قالت ليه نترفه وكده خالتو قالت نسوق رزان معانا قال ليها ضروري يعني؟ قالت ليه ايوه نسقنا خلاص قال ليها عسجد ماشه معاكم ولا براكم قالت ليه لا ماشه معانا م ح نتأخر قال ليها المشكله م في التأخير بس رزان مفروض اليوم تقابل فريد هي عارفه كلمتها انا قالت ليه خلاص خليها م تمشي قال ليها المهم لو طلعت خليها تجيني وهو عايز يقبل طاقش عسجد للمره التانيه 🙆‍♀️اتلبك وهو مطنشن قال ليها وهي بحاول يبرر موقفو ي الله م عارف الليله مالي معاك ضحكت ب حيره قالت ليه لا كده كتير 😂 مرتين 😭 قال ليها وهو متلبك شديد اسف والله م قاصد قالت ليه م مشكله ي سيدي بتحصل كتير م يكون عوقت ليك صدرك عارفه راسي

الكبير ده اتفقد نفسك النصيحه ي ود الخاله ضحكو التلاته قال ليها مقبوله منك قالت ليه بسرعه شنو؟؟ قال ليها ب توتر اقصد كويس انا كويس وقف فالباب وهي قعدت فالسرير طلعت البانده من شعرا قالت ل ريم تعالي ي بت سرحيني الزمن، امجد بلع ريقو وهو بعاين ف شعرا قبلت عليه فطلع بسرعه 😄ريم قالت ليها امجد م بكون مخلقن وعوقه الا معاك انتي لاحظت ليه من زمان ضحكت قالت ليها بري والله كيوت معاي كدي سرحي الشعر ده النقوم احسن م يمنعنا ، وهم بتكلمو جات رزان خاشه وعلي لسانه:
م عارفه لي متضايقه حاسه الطلعه دي م ح تبسطني اساساً ماف زول ماكل همي كلهم ح يمشو ل مصالحهم ويخلوني وحيده 😞عاينت ليهم كانو مبسوطين يضحكو ريم قبلت علي قالت حمدالله على السلامه قولت ليها جاهزين انتو قالت لي انا م عندي شي مستحميه قبل شويه ح البس بس مكياجي م بياخد دقيقتين قولت ليها وانا حاسه ب قهر انتو ح تمشو وين شايفه حماسكم عالي قالت لي اجي ماشين وين كيف احنا طالعين عشانك قولت ليها لا بس عشان شايفاك بتمكيجي عسجد قولت احتمال عندكم موعد او حاجه مماثله قالت لي صحي نسيت امشي ل امجد عايزك شوفي ح يقول ليك شنو لان تقريباً انتي وهو عندكم طلعه خاصه قولت ليها طيب ح شوفو وانا طالعه سامعه عسجد قالت ليها لو مابيه خليها شكلها نفسنت قالت ليها اصلا م ظنيت تمشي امجد قال ماشين يقابلو دكتور قالت ليها معناهو مافي ليها طريقه مكيجيني ومكيجي نفسك نطلع انا وانتي، بعد كلامهم ده حسيت بيهم م عايزني امش معاهم او مجبورين علي 💔بطني طمت من الطلعه اساساً م كنت مرتاحه ياداب اقتنعت بإنو ماف زول كفيل يشيل وجع زول كلها مظاهر 💔💔💔
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*