*#وإليك~المُشتكى 《08》*
*#بقلمي~مريم~حسين*
*☆ــــــــــــــ☆»»»»»»»»»»»»♡ــــــــــــــــ♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
م بمنعك لو حابه تمشي معاهم بس كمان ضروري جداً تبدي الجلسه الليله قولت ليه وانا بلعب بالقلم ب حركه بارده وبصوت كهيان لا خليهم يمشو م جاي على بالي مزاجي سيئ افضل نمش للدكتور بتاعك ده قال لي متأكده قولت ليه ايوه، كلمهم قول ليهم استمتعو 😊 عاين لي مسافه ب حيره قال لي في حاجه ي بت؟قولت ليه م عارفه ي امجد لكن انا م مرتاحه محتاجه طرف تاني يسمعني انا ضروري جداً اطلع الجواي يومي حالتي زايده سؤ بتحسر علي نفسي كتير لما اتذكر تهوري تجاه معتصم قاطعني قال "انتي لسه بتذكري اسمو قولت ليه وانا مقهوره وسارحه عارف حاجه ي امجد اوقات بكون مخنوقه وقلبي مقبوض بمجرد م اذكر اسمو او اي موقف حلو جمعني بيه بتبسم وخاطري بطيب 'امجد اتضايق شديد قال لي كدي البسي العايزه تلبسي لانشويتين كده لو فقدناك ح نلقاك عندو 'ياريتو لو كان مستاهلك الكلب ،ختيت القلم واستئذنت منه لقيت البرنده فاضيه شكلهم مشو م كلفو نفسهم يودعوني حتى، في حين انا م صرحت ليهم بإني م ماشه واضح انو كنت ح كون حاجه ثقيله عليهم م كان ح ينبسطو ابتسمت ب تعجب خشيت الاوضه لبست لي عبايه سوداء وحذاء اسود وطرحه سوداء حتى الشنطه سوداء امجد لبس باب الحاره باللون البترولي مع قميص فنيالي ابيض +شبشب اسود وماسك شعرو باللستكه شايفه امي مشت عليه تشاكل فيه انت ي ولد شعرك ده ح تقصو متين شين شين عشره مرات مبقيك زي الشماسي الله يرضى عليك امش الصالون من طريقك واحلقو كان بضحك فيها م عارفه قال ليها شنو لاني خشيت المطبخ اشرب مويه وانا طالعه جاني صوت خالتو تتكلم بالتلفون سمعت كلمة مروان جاي، وانا بكلم نفسي قولت جاي يعمل شنو كمان الصراحه بقيت م بطيق الناس حتى قعاد ناس خالتي معانا م مريحني نفسي البيت كلو يتفرغ لي اكون مع نفسي بس م عايز اي طرف تاني يشاركني يومي بكره التحقيق والاساله بكره الانتقاد زوله حساسه شديد وكتومه وغامضه لما كنت على علاقه مع معتصم بغير لي مودي بوريني العالم بصوره مختلفه طور من نفسي كتير كان بقول لي ح الف بيك العالم 😊وانا سارحه وبكلم نفسي جاني صوت امجد ينده لي مشيت عليه وامي واقفه معاهو قالت لي حي ي رزان ي بتي لي مسوداها على نفسك 😢صلحت طرحتي قولت ليها بحب اللون الاسود قالت لي وهي حزينه رافعه يدها فوق الله يجبر خاطرك يارب امشن الله يسهل عليكم يارب لو حسيتي ب اي ضيق اتصلي علي حبيبتي تمام ي روح امها قولت ليها ب ابتسامه حاضر ماما قالت لي خلي بالك من نفسك عاينت ل امجد قالت ليه خلي بالك عليها قال ليها ان شاءالله يلا لحد م نرجع""
------------------------------
م وريتك قبيل بتراسل مع مروان قال ح يجي فاليومين دي وربما بكره م معروف ردت ليها عسجد وهي بتتصور والركشه ماشه جاده ي بت قالت ليها حسب كلامو قال كده نزلت التلفون قالت ليها عايني الروج ده م ظابط صح قالت ليها تلفونك الما ظابط مكياجي الف وادواتي كلها ماركه قالت ليها حاسه بيه زي الكيف كيف لكن م مشكله اها كنا بنقول ف شنو قولتي لي الجاي منو قالت ليها مروان ي بت قالت ليها وح ينزل معاكم يعني ؟قالت ليها اكيد طبعاً عندو حته غير بيتنا الا كان يشوف ليه فندق قالت ليها م وراك سبب جيتو ولا جاي ل شغل؟ قالت ليها بري ي بت م خشيت معاهو في اي تفاصيل زول قال جاي البخليني اتحقق معاه شنو يقول يمكن م عايزاهو يجي خلي لحد م يجي ح نعرف قالت ليها انا حاظراهو لي زمن لان مفتري وتقيل وبارد يرفع الضغط قالت ليها كومكم لا جازي ولا بنزيني على فكره انا م حصل ختيت عيني ف شاب من اولاد اهلنا ديل نهاي هم الغرباء لقينا منهم شنو خلي القريبين قالت ليها بري القال ليك خاته عيني فيه منو بس عايز اوصل ليك انو هو تقيل يعني حتى فالونسه م بديك اعتبار قالت ليها كدي انسينا منو اسي ح نمشي وين قالت ليها نفسي العب والله لي زمن من الالعاب قالو قطار الموت اشتغل رايك شنو نمشي مدينة الالعاب نترفه ومنها نشوف باقي مواضيعنا قالت ليها وهي بتعاين للشوارع عايني مدينة الالعاب بعيده شايفه احسن نمش البحر قريب لان امجد قال لي م نتأخر قالت ليها ب عدم شقف بحر 😤ياخ ممل ي ريمو امجد ده خليه علي 'قالت ل بتاع الركشه عاين لو سمحت ماشين مدينة الالعاب قال ليها جداً تمام" ريم م كانت مرتاحه وهي بتعاين للتلفون قالت ليها طيب اسمعي كلامي انا شكلي ح اضطر اخليك هناك او يمكن م اخشك معاك من الاساس لان نسيت م كلمتك

صحبتي جايبه لي شيتاتي نسيتا معا لما كنا جايين ومحتاجه ليهم ضروري ف ح اضطر اخليك بس م ح اتأخر قالت ليها كيف يعني ده كلام شنو ده نمش سوا وتخليني نص الطريق طيب فيها شنو لو صحبتك وصلتك هنا م شايفه في داعي تنزلي خليها تجيك هي قالت ليها ب ضيق عسجد الشيتات حقاتي م حقاتا يعني انا المحتاجه فاهمه عشان كده ح انزل قالت ليها ب زعل عايني انزلي محل يعجبك ي زوله غلطانه انا الجيت معاك قالت ليها ندمانه مثلاً؟ سفهتا وهي بتبظ تلفونا ب ضيق ،ريم م اشتغلت بيها قالت ل بتاع الركشه نزلني هنا لو سمحت وقف الركشه ونزلت قالت ل عسجد خلي تلفونك شغال م ح اتأخر خلي ماده لي قدومك كده 🙂عسجد م عبرتا قالت ل بتاع الركشه امشي عليك الله بعد دور ومشى مسافه كانت متضايقه شديد ومحروقه قالت ل بتاع الركشه عاين ممكن طلب لو سمحت قال ليها اتفضلي قالت ليه ممكن ترجع ورا بعد رجع قالت ليه عاين من الاخر عايزاك تعمل معاي معروف وبديك حقك قال ليها خير اتفضلي طلبك شنو قالت ليه عايزاك تتابع لي البت النزلت اسي دي قال ليها بس هي واقفه يعني قصدك اتابعا من بعيد قالت ليه لا ابداً يمكن تجيها عربيه المهم لو جات ح نمش وراهم بس من غير م يحسو علينا قال ليها والله ي اخت لو الموضوع ده ح يجيب مشاكل و قاطعتو قالت ليه ابداً والله م تخاف مافي اي مشاكل ح تحصل بس اشوف اخرتا وم ح قصر معاك مدت ليهو تلفونا قالت ليه سجل لي رقمك ☺️شال منها التلفون وسجل ليها الرقم قالت ليه شكراً اسمك ؟قال ليها مؤيد وانتي قالت ليه انا بيان 😊"المهم بعد زمن من وقفتهم كانت بتراغب ريم من بعيد ف اخر اللحظات بعد سيد الركشه زهج جا بتاع متوتر شالا بس كان لابس كمامه ونضارات وطاقيه قالت ليه هدا هدا تابعو لي ارح دور وفعلاً دور ومشى وراهو "
--------------------------------
اسمعي كلامي م تتوتري تمام فريد زول خوتي وحكيت ليه عنو افتكر خليك طبيعيه واحكي ليه العندك كلو تمام قولت ليه تمام قال لي يلا قولي بسم الله قاعد جوه كلمتو عنك انا ح اكون منتظرك بره كنت متوتره شديده م عارفه لي بس وقفة امجد معاي مادياني قوه وشجاعه قبلت عاينت ليه قولت ليه ب حب بحبك ي امجد 🥺باسني ف راسي قال لي وانا كمان "المهم خشيت للدكتور جوه كان شاب يمكن ف بداية التلاتينات واضح انو خلوق وراقي ذكرن ليكم الاشارات دي عشان تكونو فالصوره م اهتمام خالص'اول م خشيت قام على حيلو سلم علي مديت ليه يدي وسحبتا بسرعه م خليتو يمسك ايدي ب قوه ويتعمق فالسلام قعدت وشاده شنطتي علي قال لي تشربي شنو قولت ليه ولا حاجه قال لي مزاجك سيئ واضح بس مافي اشكال بإذن الله ح احاول اغير مزاجك كيف حاسه حالك وانتي قاعده معاي ك مستشار طبي قولت ليه م عارفه عادي واكتفيت بالاجابه قال لي جاهزه طيب اخدت نفس قال لي لو في طريقي تشيلي لينا الكمامه دي يكون افضل قولت ليه لا كده مرتاحه قال لي ممكن تاخدي نفس تاني وياريت لو كان طويل 'طبعاً كلامو ده كلو وهو بلف فالكرسي وبأشر لي بالقلم م عارفه لي م ارتحت ليه 😒 بعد اخدت النفس قال لي عمرك كم سنه انتي عايزك تحكي لي اي حاجه مضايقاك من الصفر اخدي راحتك انا ح اسمعك وح كون سبب في استعادة نشاطك وتفاعلك الطبيعي واشر لي ب يدو اتفضلي بمعنى ابدا احكي سكتا وانا بشبك ايدي قال لي رزان قبلت عليهو نظراتو كانت حاده خاصه وعدساتو بنيه م قدرت اعاين ليه اكتر نزلت راسي وحاسه بالنهيار م عارفه ابدا ليه من وين 😥....
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#وإليك~المُشتكى 《09》*
*#بقلمي~مريم~حسين*
*☆ــــــــــــــ☆»»»»»»»»»»»»♡ــــــــــــــــ♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
عسجد كانت متشوقه بشده تعرف قصة ريم ولي اختارت تكمل براها ب لسانها: قولت ل بتاع الركشه يمشي ورا الموتر بس من غير م يحس عليه او ريم تلمحنا لكن بالجد خلتني احتار 🤔م من عوايدا تدس مني حاجه معناهو في شي خاص وم عايزاني اعرف ، لكن النشوف نهايتا المهم كنا متابعنهم لحد اخر لحظه وقفو جمب مبنى كده شكلو جديد بس من الواضح الجيه مخططين ليها لان شايفه لي كرسيين وتربيزه ونزل كيس من الموتر كان بطلع في حاجات تقريباً اكل ومشروبات غازيه اتمحنت وانا بعاين فيهم طيب اذا مثلاً حبيبا كان بإمكانهم يمشو اي حته عامه ياخ حتي لو خاصه م زي المكان الشبه مهجور ده الهدف شنو ياربي كنت بعاين فيهم ب استغراب وانا متنحه بفكر ،بتاع الركشه قال لي منتظرك انا ي السمحه قولت ليه ااه نسيتك بس عليك خمس دقايق اشوف وش الولد ده قال لي ضروري ؟قولت ليه انت عندك مشوار ولا حاجه؟ قال لي لالا بس وقفتي هنا غلط قولت ليه طيب عندي ليك فكره عشان م اخد من زمنك انت قرش ب جاي انا ح احاول اقرب منهم شويه وبالنسبه للحسابات م تشيل هم ح ادفع ليك ' عاين ليها بعدم اريحيه خاف يكون حيله عشان يهربو وم يدو حقو فطلعت تلفونا من الشنطه قالت ليه ح اخليه عندك 😊شالو منها وكان متردد المهم هي حاولت تقرب منهم حبه عشان تستلقط ليها كلمتين تلاته "
---------------------
كان بحدق لي مساافه من غير رمش م نزل عينو ولا انا نزلت عيني قام على حيلو جر الكرسي وطلع جا بالجهه الانا قاعده فيها قعد في راس التربيزه وخالف كراعو قال لي وهو مركز علي نظراتي بشكل دقيق' ح يعرس غيرك وح تفضلي وحيده وكئيبه قال كلامو ده ب طريقه استفزازيه خالص، انقهرت زياده وانا شاده شنطتي علي قال لي م كان بحبك لان م شاف فيك صفاتو الهو عايزها انتي ضعيفه علي فكره ممله بارده م عندك طموح ،ايدي بقت ترجف وخشيت في حالة انهيار قال لي طول حياتك ح تفضلي كئيبه لان م عندك اهداف ومعتصم اللي اختاااار غيرك ح يفضل مخلد ف قلبك لانك مخلوقه عشان الذل مخلوقه عشان هو يكون سبب ف مرضك ، عارفه حاجه؟عاينت ليه وعيوني مليانه دموع قال لي فاللحظه دي ح يكون عايش مع حبيبتو مبسوط ورايق همو فاااضي نسى حاجه اسمها رزان ،حالياً هو عايش واقعو انتي ماضي بالنسبه ليه وكرر لي كلمة ماضي دي على مرتين بلعت حلقي وبقيت ابكي ب صوت وب كسر وقهر كان مربع إيدو وهو بهز كراعو خلاني لمن روقتا وانا بجر نفسي قال لي ح تفضلي تبكي طول عمرك صدقيني دموعك ح تنشف وصوتك ح يفضل باهت على مدار السنوات ياخ ح تموتي وسببك ح يكون معتصم اللي م جايب خبرك لا ح تتهني ب حنه ولا زفاف ولا عيال م ح يكون في جديد ف حياتك 💔 مسحت وشي ب طرف الطرحه وعاينت ليه ب نظره كسر وخزلان قال لي انتي
راضيه حياتك تتكرس كده من غير اهداف؟؟ م نزلت عيوني ودموعي جاريه رجع محلو قعد ولبس نضاراتو طلع دفتر وشال القلم كتب اسم معتصم ب خط عريض وشرط الورقه مداها لي كنت بعاين فيها وانا ببكي من غير م انطق حرف وشفايفي يرجفو من البكاء قال لي ده المعتصم بتاعك خليهو معاك احتفظي بيه قدر م تقدري ساهل صح سهل تحتفظي بيه بس من الصعب تطلعي اسمو من الورقه هل عندك القوه الخارقه دي؟ اكيد لا ف بنفس الطريقه هو ح يكون موجود ف قلبك بس استحاله يكون ملكك 💔 رديت ليه وانا ببكي ب انهيار" بس انا بحبو قال لي ايوه ح تحبي وح تفضلي تحبي م ياهو زي المثال واضح الورقه دي ممكن تحتفظي بيها ل امد بعيد بس انك تطلعي الاسم منها حلم ابليس فالجنه م توهمي نفسك ساي الانسان الما شايفك شي م تستخسر عشانو شي خليك زوله عندك عزة نفس وكرامتك تكون فوق كل شي انتي انثى مخلوقه جميله ولطيفه زي وردة البستان اسمك براهو بالدنيا رزان يعني الوقار الحكمه فالتصرف اسمك ده معناهو عميق جداً بالمناسبه ، البكاء والانكسار الدائم ده م شبهك اطلاقاً بس اه عالفاضي عندنا حاجز شال رونق جمالك كلو ومستحيل تستعيديه تاني م ح تعملي شي ولا بتقدري تعملي قولت ليه وانا ببلع ف ريقي ب قهر وعدني نسافر و "قاطعني قال لي ياخ انا عارف اي حاجه ومن كلمة سفر دي عرفتو كذاب لان السواي م حداث انتي انخدعتي فيه دي الحقيقه الما قادره تقتنعي بيها وبعيداً من اي شي عندي ليك اضافه انا راجل وبعرف طبع الرجال واحد واحد اي راجل يقول ليك انا بعمل وبعمل وبوديك وبجيبك وبشتري ليك ده اكبرر طلاس

بس المشكله البنات م بصدقو الا النوعيه دي 🙂💔م عارفين انو ده شرك عشان تتمسكي بيه مسحت وشي بالطرحه مد لي منديل قال لي خليه معاك شلتو وجففت عيوني قولت ليه وصوتي كان رايح كيف اشيلو من بالي قال لي ب رد حاسم انسيه ، ياخي م تقولي م بقدر انتي ختي ف بالك انو اي وجعه ماره بيها انتي فهي بسببو هو انسي محاسنو الكاذبه وختي خط تحت الواقع الانتي عايشاهو هل هو بستاهل تبكي عشانو سؤال جاوبي ؟ يستاهل ولا لا يستاهل الو قولت ليه وانا مغمضه عيني لا قال لي الاجابه بقت عندك كيف ح تنسيه؟ قولت ليه وانا بعاين فيه ب نظرة هزيمه ح اعيش حياتي م اقل منو انا ولا هو بستاهل ضرب القلم فالدفتر ب قوه ونصر قال لي براڤو عليك براڤو اخدت نفس وانا بفكر اذا فعلاً ح اقدر اشيلو من بالي قال لي خلي كلامي الاول القبييل داك ف دماغك (هو عايش حياتو وانتي ماضي بالنسبه ليه) الكلام ده جاني زي الصاعقه نزلت عيني تحت ب كسر قال لي
اذا حسيتي انو الجلسه دي غيرت منك شي او ضافة ليك شي
ح اخلي ليك رقمي م انو موجود مع اخوك بس عايز اشوف التأثير اذا الجلسه دي فعلياً ضافت ليك شي ح انتظر اتصالك وح اكون سعيد للمقابله الجايه بس اذا جيتي عن طريق اخوك معناهو معتصم م زال مسيطر 💔...رفعت راسي عاينت ليه وانا فيني كمية قبول للجلسه م طبيعيه الصراحه اضافة لي شي نوعاً اتحفذت "+انا اساساً عارفه انو معتصم م عندو لي شي عرفت الحاجه دي لما خالو ابراهيم اتصل ليه وقت طلعت من البيت ردة فعلو كانت بارد لا اتهور ولا زعل عشاني رد ليه بكل بساطه لا عرفت الحاجه دي لما خالو ابراهيم حكي ل امجد 😞مع ذلك م قادره اشيلو من بالي يمكن عشان اول حب وياريتو م كان 💔 بس المره دي ح يكون قرار اخير م ح ادي قلبي فرصه تانيه للتفكير عنو " طلعت من الجلسه وانا حاسه ب طاقه إيجابيه من نوع اخر وانا بكرر هو عايش حياتو وانتي ماضي بالنسبه ليه) "
-------------------------
طبعاً م افلحت اتقرب منهم وقفت مسافه وانا ملصقه اضاني فالحيطه بس للاسف المؤسف م قدرت اسمع حديثم 😭 بتاع الركشه زمر لي مشيت عليهو قال لي وهو حاسس بالزهج اها ي بتنا انا بعدا ماشي والله قولت ليه طيب تمام م اخرك واضيع عليك يومك كدي التلفون، مداهو لي دخلتو جوه وطلعت ليه القروش شالا وهو بحسب فيها ب ابتسامه دخلا جيبو قال لي اسمعي كلامي انتي ح تفضلي لحد متين هنا قولت ليه م عارفه والله عايز تساعدني؟ قال لي بالنسبه؟ قولت ليه عايزاك في معروف تاني لو ممكن قال لي اللي هو قولت ليه عندك كمامه؟ دخل ايدو في جيبو قال لي في موجوده ايوه قولت ليه تمام عايزاك تلبسها وتمشي عليهم على اساس بتفتش ليك في محل وتهتا تقدر تخدمني الخدمه دي؟ قال لي والله لو في فكه بجازف ليك لان والله وراي مشاوير ي بيان والا والله بخدمك لوجه الله قولت ليه لالا من الناحيه دي اطمن بس عليك الله عايزاك تقبلو لي على هنا قال لي ي زوله تمام اقبلو عليك بس صح قولت ليه ايوه شال تلفونو ومشى عليهم وانا اتلبدتا مسافه في مبنى برضو جديد الحي شكلو جديد كلو مباني جديده لكن الغريب فالموضوع سر القعده دي شنو ومنو الكائن الماعايزاني اعرفو 🤔شايفه بتاع الركشه وصلهم وقبل ليه وشايفاهم بيتكلمو ويأشر ليه
بس م طلع الكمامه بتاع الركشه م عارفاهو قال ليه شنو ف نزل الكمامه تحت وهنا كانت الصدمه😢😰...
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#وإليك~المُشتكى 《10》*
*#بقلمي~مريم~حسين*
*☆ــــــــــــــ☆»»»»»»»»»»»»♡ــــــــــــــــ♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
رجعت البيت وانا م قادره اصدق الشوفتو 😢ياربي يكون اتهيئ لي لالالا كنت فالغرفه وقافله الباب علي مصدومه' عقلي م قادر يستوعب ولا قادره احلل، اخدت نفس وانا بقول طيب طيب طيب انا م احظلمها ولا ح اخت الشين اذا افترضنا انو ريم قابلت معتصم ل اصلاح لي اختارت الحته المهجوره دي ولي م عايزاني اعرف؟ كان ممكن تكلمني ارفقها ونكون الاتنين سبب في اصلاحهم لكن تتفرد براها معاهو دي ابت تتبلع لي ده غير المنظر الكانو فيه بارد وجبنه يعني لو هي اصلاً عايزه تصلح بيناتم حسب تحليلي المفروض يكون في حته عامه 🤔لا وكمان هو يجي بالموتر يشيلا ويلبس كمامه لالالا الموضوع ده في إنا وإنا كبيره ' كنت متوتره وانا بهز كراعي بفكر كل الاتهامات السلبيه لو اتحللت شكوكي ح تكون قاطعه ' لكن هل يعقل ريم تفكر في معتصم؟؟ اااااخ اااخ ياريتني م لحقتا ولا شوفت الشوفتو دخلت روحي في متاهه وشكوك وظنون 'جففت وشي واخدت لي نفس طويل قمت على حيلي قولت عايني هنا ده ي عسجد لا شوفتي ولا سمعتي الموضوع ده تشيلي من راسك وم تفكري مجرد تفكير تفتحي قدام اي مخلوق تمام ايوه تمام قولت كلامي ده وطلعت مباشره خشيت ل ناس امي سلمت عليهم احتارو قالو جيت متين م حسو علي فقلت ليهم جيت تعبانه من الملاهي م قدرت اصلهم سألوني من ريم قولت ليهم وانا بتمتم ااا مشت ل واحده صحبتا عندها شيتات معاها ضرويه والمفروض تستلمها لان صحبتا مسافره خالتو ستنا قالت لي اجي وكان م تمشي معاها قولت ليها والله ياخ انا بابا اتصل لي قال لي اجيهو فالبيت عندو مستندات م لقاها ف اضطرينا ننقسم امي قالت لي ابوك مالو عايز يعمل شنو بالورق قولت ليها ب لبكه اا والله تقريباً عندو موضوع بيهم 'خالتو ستنا قالت م يكون عايز يعرس الهبوبه والتربه ف خشمك ي سيده 😂امي ملامح وشها اتغيرت قالت لي ناوليني تلفوني ده ي بت اصلن الرجال ديل م عندهم ضمان اديني كدي نشوف قصة الورق دي شنو ' ضحكنا جنس ضحك خالتو ستنا قالت ل امي عاد كان عرس فيك البلد دي م بتشيلو امي قالت ليها خلي يعملا عشان ادفنو حي 😒انا هنا خفت امي تتهور وتتصل ليه والحقيقه تنكشف ونخش في باء وسين
قولت ليها اطمني ي امي ابوي ده شكلو عايز يطلع بطاقه لان سألني من انو كيف يعمل حساب بنك قولت ليه الا ب بطاقه قالت لي اجي القروش بقت ليه كتيره قدر ده انا زاتي بنك بحفظا ليه وتحرم علي التعريفه 🤣قولت ليها قولي تحرم عليهو التعريفه تاني 😆المهم فرفشنا وقلبنا الجو ضحك نسيتا موضوع الاتصال واحنا قاعدين كده جا امجد ورزان خاشين من شوفتها قلبي انقطع وضرباتو بقت سريعه م عارفه لي 😢 وجاني احساس كده غريب اتخنقت عديل حسيت كأنو في شي واقف لي ف حلقي، سلمو علينا وقعدو امي سألتها اها كيف حاسه حالك حبيبه قالت ليها كويسه خالتو ،خالتو ستنا قامت جابت ليها عصير قالت ليها اشربي بهدأ الاعصاب ان شاءالله ينفعك شالتو منها شربت نصو امي قالت ليها كملي ي بت الفضله م كويسه ،ابتسمت قالت ليها والله بطني ملانا اسي واحنا جايين امجد غدانا وشربنا عصير فالطريق امي قالت ليها الحمدالله بالهناء امجد قال ل امو وين ريم وعاين للساعه قال المغرب زمان اذن ' رديت ليه انا قولت ليه اا ريم مع صحبتا قالت لي اكلمك حسيت بالضيق ف وشو قال لي مش انتو طلعتو سوا؟ قولت ليه اي لكن اا عندها حاجات مع صحبتا مشت تستلمها طلع تلفونو وهو بعض ف اضراسو اتصل وشكلو م ردت قال ل امو انتي ي امي البت دي م نبهتيها ترجع بدري انا موش كلمتك تقولي ليها م ارجع البيت وهي مافي؟ قالت ليه حي ي امجد انا العرفني شنو ح تتأخر قالن لي ماشات يغيرن جو وافتكرت كلمتك قال ليها ياخ كلمتني واي شي لكن اشمعنا عسجد ترجع وهي تقول صحبتا ولا زفت اا لي صحبتا م تصلها البيت دي حركات جديده يعني! ردت ليه امو م صح والله المفروض تتصل تنبهنا، امي اتدخلت قالت تنبهكم دي خليها علي جنب ي ستنا لان عسجد وريتك واسي ورت امجد لكن من الصح هي تتصل ب نفسها وتوضح ليكم دي وجهة نظري غايتو 'امجد قال ياهو اسي بتصل ومافي رد قبل علي واول مره يعاين لي ف عيوني وشو كان غضبان وعيونو محمره قال لي صحبتا دي وين هي؟ قولت ليه وانا بتمتم ب توتور اا هي اقصد انو في حي راح لي ااا عملت نفسي بفكر رفعت راسي لقيت نظراتو تجاهي مولعه شرار شلت تلفوني بسرعه وانا برجف قولت ليه لحظه بس كنت كاتبه اسم الحي فالتلفون عشان صعب شويه لحظات بس

كلهم كانو مركزين معاي بسرعه رسلت رساله ل ريم عبر الاسمس (خلي اي شي واتحركي امجد جن خلاص وانا بكتب فيها جاني صوتو وهو بقول هو الحي ده في سنغفوره ولا شنو ساعه كامله تفتشي ف اسمو رسلت الرساله بسرعه قولت ليه اا اتذكرت كنا ف شارع المواني وصحبتا المفروض تصلا هناك قال وهو بعض ف اضراسو وضامم اصابعو شديد ' اكتر حاجه بكرها ف حياتي الكذب واللف والدوران شنو هو انتي كل مره قايله كلام براهو شايفاني اهبل ياخي ولا فيني رياله؟؟ الصراحه ردو استفزني شديد حسيت بالثغره في حين انا اساساً م عندي مصلحه فالموضوع قولت ليه عاين تلفونك ف يدك اتصل واتأكد براك اكذب ليك فوق شنو ؟؟ كمان جابت ليها سين وباء اجي ي الكذب امي قالت لي انتي زاتك غلطانه ي عسجد وقت قالت ليك كلمي ناس البيت قولي ليها كلميهم براك لي تشيلي وش القباحه انتي 😕 قولت ليها وانا صاره وشي ب ضيق' ي ماما هي قالت لي كلميهم على اساس هي ح تجي بعدي طوالي بالمنطق كده اعترض لشنو؟ وشنو البعرفني انو ح تتأخر امجد قام علي حيلو وهو بتصل قال ل امو البت دي الليله لو م ودتني ل صحبتا الكانت معاها يميناً بالله بشرب من دمها عشان احنا م شفع يلعبو فينا ويخدعونا قال كلامو ده وطلع ب غضب م قبل وراهو 'انا اتضايقت شديد وحسيت الكلام موجه لي خالتو ستنا قالت ب حيره والله دي عوجه دي الله يجيب العواقب السليمه كدي ي رزان اتصلي شوفيها وين قالت ليها طيب ماما قمت علي حيلي وامي شغاله تزرني بالنظرات مرقت بره وب وشي علي الغرفه الفيها هدومنا شلت لي غيار خشيت استحم وانا غصبانه شديد هو قايل نفسو منو ولا يتفرعن علي منو انا ابوي الجابني م بسمعني كلام كمان خدع وكذب يعني انا كذابه وخداعه ☹️حيوان كريه. وقت انت شايف نفسك راجل كان ترافقا زي م بترافق اختها م كان استنيت رد مني ي خايب 😒 كرهتي فالدنيا دي يشيلوني اللوم في حاجه م عندي يد فيها زعلني كيف 'هي كمان الصايعه التانيه ان شاءالله يحددا معاها عشان انا كمان اشوف سر معتصم ده "
____
رزان:
اتصلت ف رقم ريم كتير بس ماف رد ان شاءالله تكون بخير
يارب، امي كانت قلقانه وامجد طلع الله يستر م يعمل مشاكل 'بس ليهو الحق يحتار اذا هم طلعو مع بعض مفروض يرجعو مع بعض ' والمشكله البتقلق مافي رد م انو بديني جرس قمت من ناس امي خشيت الغرفه القاعده فيها عسجد طلعت العبايه وختيت الشنطه شايفاها صاره وشها م حبيت افتح معاها الموضوع واضح اتحسست من تحقيق امجد ' وصلت تلفوني فالشحن مشيت علي الدولاب طلعت لي بجامه غيرت وعسجد م فتحت خشما معاي قولت ليها وانا بفك شعري كان مشدود فردتو ' الساعه عامله كم قالت لي 6:30 قولت الليله المغرب م صليتو م ردت لي وهي صاره وشها وتطبظ فالتلفون المهم مرقت اتوضيت لما جيت طالعه امجد جا خاشي ب وش غاضب مشيت عليه م انو عارفه لو غضبان م بتفاهم نهاي قولت ليه ردت ليك؟قال لي ياخ م ردت وخش جوه م حبيت امش وراهو عشان م يقبل علي، غايتو صليت وقعدت فالمصلايه مسافه وانا مترغبه الباب يضرب، عسجد قامت علي حيلا شغلت الاضاءه قولت ليها عسجد ممكن سؤال قبلت لي ب قطامه قولت ليها ريم بالجد مشت ل صحبتا لان الموضوع م خش راسي قالت لي لما تجي حققي معاها لحد م يخش راسك البعرفو قولتو ليكم الله ☹️قولت ليها بسم الله مالك إتضايقتي سألتك مجرد سؤال فقط قالت لي ب نبره مليانه غضب وانا جاوبتك حسب سؤالك ي رزان
م حبيت اجوط معاها سكتا منها قمت على حيلي رفعت المصلايه وشلت تلفوني من الشاحن فتحت الفيس وانا متضايقه مجرد م فتحتو قابلني منشور مكتوب عليه كُن انت "اتفاعلت معاه ب دعم وانا بتصفح كده لمحت صوره م حسيت بيها غريبه دققت فيها مسافه فجاءه صورة الدكتور جات ف مخيلتي قارنتها مع دي طلع هو نفسو ظهر لي في اشخاص قعد تعرفهم كان لابس بدله باللون البيجي والنضاره تحت من عينو وايدو فالجيب الصراحه شياكي وانيق تلقائياً لقيت روحي مبتسمه بقيت اتفكر كلامو القبيل قفلت الشبكه وختين التلفون جمبي وانا بفكر بيني وبين نفسي هل كلامو اثر فيني يعني ممكن انسى معتصم!؟ بس حرفياً الليله وخاصه بعد الجلسه دي حاسه نفسي مرتاحه نفسياً وفكرياً لان الفتره الفاتت التفكير في حد زاتو بنفسن بي يعني مجرد م اجيب اسم معتصم تلقائياً بلقى روحي بكيت وبحس ب حاجه تقيله واقفه لي ف قلبي بس اليوم الحاجات دي كلها شبه اختفت ' فتح الشبكه تاني وخشيت الواتس اول م فتحتو الرسايل نزلت لي كميه يمكن عشان زمن م فتحتو ومن ضمن الرسايل دي لقيت رسايل من مروان جاني الفضول افتحا م انو تواصلي وعلاقتي بيه حدوديه بس حسيت الرساله غريبه اولها رزان كيفك 2عارفو كلب وحيوان وم بستاهلك 3 ممكن اتصل ليك ؟ بس شكلها رسايل قديمه ليها زي اسبوع تقريباً م اهتميت بيها كتير قفلت الشبكه ورزعت التلفون تحت المخده مع ختتي للتلفون جاني صوت جوطه بره اتأكدت تماماً انو ريم وصلت قمت بسرعه مرقت ليهم امي وخالتي برضو جو طالعين معاي سوا " امجد كان متعصب شديد وهو بقول ل ريم اطلعي قولت ليك شكلها متفاجئه قالت

ليه امجد في شنو اطلع وين قال ليها صحبتك الكنتي معاها دي اسي ده كرعي علي كرعيك توديني بيتم ارح اطلعي ي زوله ، ريم اتلبكت وهبطت عيونا كانت بتتوزع يمين شمال مليانه خوف شكلها بتفتش ل عسجد امجد كورك فيها اطلعي انعل ** امي اتدخلت وحاولت تهديو بس ابا يسمع من زول وريم انهارت خالص " يعني معقوله عسجد غطت عليها! لان لو كلام عسجد صاح بررت موقفا واثبتت لينا بس اكتفت بالبكاء وامجد حلف وقسم قال م ح تعتب خطوه م لم يمشو ل صحبتا 'ومع وقفتا ديك وهي بتحلف انو كانت مع صحبتا تلفونا اتصل امجد خطف منها التلفون وفتح الخط.....
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#وإليك~المُشتكى 《11》*
*#بقلمي~مريم~حسين*
*☆ــــــــــــــ☆»»»»»»»»»»»»♡ــــــــــــــــ♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
امجد من العصبيه والغضب شرايين وشو لمن مرقت ' مع اول رنه خطف منها التلفون وفتح الخط من غير م يتكلم ' بس اتصدم لما ردت ليه بت 😢قالت ريم الو انتي سامعاني' قبل علي ريم ب وش غاضب وعيون شرار رد للبت وهو بعاين ل ريم قال ليها ايوه منو انتي؟ قالت ليه معاي منو ده موش رقم ريم؟ قال ليه ايوه انا اخوها انتي منو قالت ليو انا تسابيح زميلتا فالكليه بس كنت عايزه اطمن وصلت البيت كيف لان كان في زحمة سير كتيره سكت وهو بعاين ل ريم بعدم قالت الو ممكن تديني ريم لو سمحت 'مد ل ريم التلفون شالتو و ردت ليها ب صوت مبوح قالت ليها برجع ليك وقفلت الخط مجرد م قفلت قومت الدستور وهاجت " ب صوت عالي وباكي' يعني انا امشي وين بس اا ح امشي وين انا لحد م امجد يقيف ف وشي ويزرني بالشكل ده 'دي ذله دي وعدم ثقه 'لي شايفني شنو لمن تقيفو لي طابور وتزروني بس انا اكبر من فهمك ي امجد اكبر من فهمك ومن فهم الحرضك علي 'قالت كلمة حرضك علي وهي بتعاين ل رزان ' ي حيف والف حيف عليك ي امجد ' الليله ياداب اثبت لي انك انسان بلا شخصيه وظالم وعايز سبب عشان تزرني وتهيني بس اخر مره م ح افضل فالبيت ده ولا ثانيه تاني ولا ربع ثاني م بقعد 😭 واتحركت على الغرفه ' سيده قالت انت ي امجد غلطان النصيحه ي ولدي 'يعني طالما عسجد كلمتك ماف داعي يخليك تنكد عليها بالطريقه الجنونيه دي وتسمع الجيران كده غلط ' ستنا وهي مقهوره' البيت ده بس المشاكل م بتفارقور نهاااي صايبنا حسد ولا عين الله اعلم بس غايتو الحمدالله
وانت ي امجد اختك م عارف اخلاقا يعني؟تهورك ده لزومو شنو كان ممكن بصوره جميله تسألها اسي البشوفك ح يفهم شنو؟ رد ليها' شي مضيعهم غير دِفاعك ده مافي 😤يعني اسكت للغلط اا صديقة شنو الترجاها لحدة المواعيد دي؟ انا الفين مره الفين مره بكرر وبعيد ليهم ياخي عندكم اي حاجه وروني عشان انا لو قمت صعب ومغفل تستهين بالكلام ده لي ' قالت ليه كلمتك هي ي امجد الواحد يقول الحق هي لما مارقه كلمتك قال ليها ياخ ي حجه م تدافعي ليها انا حركات البنات دي كلها عارفها ودارسها ماف بت تقدر تلعب ولا تضحك علي ' وريم دي انا عارفها وعارف حركاته زوله بتاعت مرقات وضياع وقت وفارغه عشان السبب ده كنت معترض قرايتا فالداخليه '
مدلعه وبتاعت ركوب راس لمن غلط وده كلو منك انتي ' بس يميناً بالله وعزة الله ياهو حلفت قدامكم الاتنين عشان تكونو على علم يشهد الله البت دي انا ساكت ليها لكن يوم اقبل عليها بكرها حاجه اسمها طلعه وتندم علي الساعه الجات فيها الدنيا ' بلاش فارغه قال اخر كلمتين دي وطلع الشارع رزع الباب لمن قرب ينقلع ' سيده قالت ل ستنا الله يهديه لكن عموماً كل الشباب كده مجرد م البت تتأخر فهمهم يمشي شمال الله يهون غايتو نحنا زاتنا بعدا نفكر فالمشيه قالت كلاما ده ومشت للبرنده ستنا كانت مقهوره وحزينه مشت على ريم " بلسان رزان: مجرد م شوفت النقاش طال وانو ممكن يذكرو اسمي طوالي انسحبت خشيت جوه لقيت عسجد راقده وشغاله ب تلفونا لبست سماعتي وشغلت قران بصوت عبدالرحمن مسعد راااحه نفسيه تنسيك مشاكلك وهمومك كلها وانا بستمع ليه كده شايفه ريم خشت هايجه وصاره شديد عاينت لي بالخطف ب تحميره نزلت شنطتا من فوق وهي بتدخل هدوما ورا بعض عسجد عاينت ليها ب طرف عينا وهي بتبظ فالتلفون بس من غير م تبوح ب كلمه ' ريم جرجرت هدوما كلها ودفستهم فالشنطه 'شنطت الميكب حقتا قاعده جمب راسي يعني فالارض بس جمب راسي جات شالتا وهي بتجدع فالكلام م عارفاها بتقول ف شنو ' طلعت السماعه قولت اتكلم معاها واروقها مجرد م قولت ريم 'قبلت لي ب نرفزه م عايزه اتكلم مع اي زول انا اختوني بس ✋قالت الكلام ده وهي بترتب حاجاته جات امي خاشه ووشا لمن باقي شاحب وصلت ريم قالت ليها س بت ده شنو البتعملي ده ااا الشنطه دي واداها وين انتو ح تمرضوني يعني ح تمشي وين يعني باليل ده ختي الشنطه دي يلا' قالت ليها امي شوفتي م تعارضي لي معارضتك دي اريتا ل ولدك ' اقعد اعمل شنو وريني؟ اذا ولدك يجي يمرمطني ويسمعني ويهدد فيني وانتي ساكته اقعد عشان منو ولي اصلاً؟ خلي ولدك وبتك ينفعوك لكن البيت ده تاني يحرم لي ' بعدين انا لي اخترت الداخليه االي عشان المرض الزي زي ده الناس شايفه الحق عينك عينك م بتقولو ،لي بس ' ستنا قعدت طرف السرير قالت ليها انتي عارفه اخوك ي ريم البأخرك شنو 😞لو اتصلتي وكلمتي الحصل

ده كلو م حصل قالت ل امي ب صوت عالي اتصل اقول ليه شنو بس وريني م يكفي اني كلمتو طالعه اتصل ليه عشان هو منو سكتت وهي بتبكي ب قهر ' انا بس الله يشيل روحي عشان ارتاح ماف زول بتفاهم مع زول ولا في زول بسمع كلام زول الله يشيلني بس 'قمت بسرعه جيت عليها قعدت جمبها وانا ماسكه ايدا قولت ليها بعد الشر عليك يمه ان شاءالله بعد عمر طويل الله يرضي عليك م تقولي كده تاني 'ريم كانت بتحمر لي رمت الشنطه فالارض وطلعت بره ب غضب " ريم شايفه انو انو امجد بحبني اكتر منها لان قريب مني شديد وبشاركني يومياتو واسرارو وم حصل اتزفت معاي م لمانا نقاش نهاي يبقى انا محرضه وحاقده 😔 في كل نقاش يلمها معاهو بتخت الحق علي 💔كيف ح تفهم انو المشكله م مني ولا هو مفضلني كره ليها اي انسان عندو صفات وتصرفات معينه بتميزو عن غيرو يعني انا اعمل شنو اذا امجد منحاز لي اكتر 🥺ده م إني دائماً بوصي عليها بس مع ذلك انا محرضه وح افضل حاقده للأبد'
م عارفاها طلعت مشت وين بس بالي كان مشغول عليها خفت يكون مرقت وامجد يجن من تاني ' المهم فضلت جمب امي وانا بواسي فيها انو كل شي ح يكون احسن وح تفرح بينا التلاته ' م عارفه نمت متين صحيت الساعه 1 صليت العشاء ورجعت كملت نومي ' الصباح صحيت اول واحده اتسوكت وصليت ب نشاط رتبت سريري وضايرت جهتي لان عسجد وريم لسه نايمين 'كنست الحوش وشديت الشاي حاسه ب نشاط م طبيعي 'خلصت مضايره والبيت كلو نايم لقيت نفسي فاضيه ومزاجي رايق قولت اتصفح شويه خشيت الواتس وعلي بالي اسلم ل صحباتي بس خايفه يسألوني عن العرس لان كلمتهم من الفتره الفاتت ح اتحبس وكده 💔 ف اتجاوزتهم قولت ارد ل مروان ده بما انو مزاجي رايق رسلت ليه كيفك لقيتو قاريها طوالي رد لي واخيراً رديتي كيفك انتي؟ كتبت ليه كويس. كيف خالتو بدريه رد لي كويسه امي انتي كيفك رديت ليه الحمدالله مالك صاحي بدري كده؟ رد لي ان شاءالله الليله ح اتحرك عليكم عندي سفريه كده علي اتجاهتكم احتمال انزل معاكم يومين تلاته 'صمدت فالرساله دي من غير م ارد رسل لي وينك ' رسلت ليه ايواا كويس تجي بالسلامه رسل لي رزان لي فتره طويله عايز اتكلم معاك م لاقي فرصه منك هل في طريقه اسي ' رديت ليه والله حالياً عندي شغله ف ايدي لحد بعدين كده وقفلت الشبكه م انتظرت ردو 'بكره المكالمات خاصه وانو مافي موضوع مهم 'الصراحه هو اخوي وبست بس احياناً ' عموماً م محتكه بيه شديد زي ريم وعسجد علاقتو بيهم قويه بمزح معاهم ويلعبو سوا يعني في احتكاك بيناتهم عكسي انا بتراسل معاهو مره فالسنه المهم الواحد يدي نظره للواقع بتاعو ح ابدا من وين "
وانا سارحه بفكر نمط حياتي ح يمشي كيف عسجد صحت اول حاجه عملتا رفعت تلفونا عاينتو ب عين مغمضه لبست شبشبا وجات طالعه قالت لي كيف اصبحتي رديت ليها تمام وقمت من محلي ' كملت الشاي ومشيت بالكبايه المطبخ طاوقت ناس امي لقيتم نايمين رجعت الغرفه وريم لسه نايمه
سرحت وانا بفكر الليله ح اعمل شنو ف يومي ده لازم يكون عندي نظام معين امشي عليهو لكن حاسه نفسي محتاجه ل جلسه تانيه لان غيرت مني كتير والله ' وانا بكلم نفسي كده جات عسجد خاشه شالت المصلايه قالت لي رزان صليتي ب شنو ؟ قولت ليها ومن غير م اعاين ل عيونا جمبك التوب قبلت وراها قالت تاريهو جمبي شالتو صلت وطلعتو قالت لي رزان انتي زعلانه مني ولا حاجه قولت ليها ابداً والله لي انتي عملتي حاجه تزعل يعني؟ قالت لي امس اليوم كلو على بعضو كان مكركب ويمكن كنا على اعصابنا ف من المحتمل يكون طلع مني كلام من غير قصد ياريت م تأخذيني قولت ليها خير ي زوله قالت لي في حاجه ح اكلمك بيها لما تتفرغي وريني قولت ليها حاجه زي شنو جية مروان ؟قالت لي لا حاجه مختلفه تماماً ☹️قولت ليها اسي كده انا فاضيه احكي لي ف شنو؟
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#وإليك~المُشتكى 《12》*
*#بقلمي~مريم~حسين*
*☆ــــــــــــــ☆»»»»»»»»»»»»♡ــــــــــــــــ♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
من يوم عرفت رزان على علاقه مع زول غريب اشتعل فيني شرار الغيره ' وزعلت شديد بس م كان ف يدي حاجه اعملها ولا ب إمكاني اقيف وش سعادتا بما انو اختارت الشريك الشايفه مناسب' فكان صعب علي اقيف واعارض ليها' يمكن مشاعري تِجاها جات متأخره نسبةً ل بعد المسافه وعدم الاستقرار المهم اسي الواحد يقدر يعمل خطوه جاده بإذن الله
' في طريقي ل بيتم "
------------------
سامعاك احكي لي في شنو ؟ عاينت ليها ب دقة قلب م عارفه لي حسيت لازم تعرف قصة معتصم ' قالت لي عسجد انا ف انتظارك في شنو احكي لي قلقتيني صلحت قعدتي وعاينت ل ريم ب طرف عيني ورجعت افكر اذا كلمتها الح يحصل شنو خاصه وانا م عارفه سبب اجتماعهم ، اتأففت قولت ليها اا كنت عايزه اقول ليك اا عايني ي رزان انا قاطعتني ب ضيق قالت لي لا بالجد وترتيني بتقطعي فالكلام لي الموضوع بخص شنو خطير يعني؟ قولت ليها لا بس امس وانا جايه فالطريق قابلت معتصم كان مع واحده وشكلهم بخططو ل حاجه ' اخدت نفس قالت لي ده هو موضوعك؟ اتفاجاءت من ردة فعلها قولت ليها يمكن فعلياً م ح يهمك بس م قدرت ادس منك قالت لي طيب انا استفيد شنو يعني' يقعد مع بت ولا بتين ولا تلاته بهمني شنو؟؟ قولت ليها رزان عليك الله م تفهميني غلط انتي عارفه انا م بفوت عليك شي وم قصدي انكت عليك ماضيك سامحيني واعتبري نفسك م سمعتي حاجه ' عاينت لي وهي زعلانه ومتضايقه قولت ليها عليك الله اعفي لي م قصدي والله اجرحك وختيت ايدي ف يدها سحبتا مني وقامت علي حيلا قبل اتكلم ريم صِحت ورزان فتحت دولابا شالت غيار ومرقت ' ريم نزلت من السرير قبلت علي قالت انتي ي عسجد امس انتظرك تمشي تخليني افهم من الحركه دي شنو يعني؟ قولت ليها اجي موش دي فكرتك من البدايه حركة شنو 🙄قالت لي ي عسجد انا قولت ليك بعد تقضي ترفيهك تتصلي علي بس انتي لا اتصلتي ولا رسلتي رساله وقت عارفه نفسك م ح تتصلي كان تكلميني ف نفس اللحظه قولت ليها وانتي ي ريم لما إحنا نسقنا نمش ونرجع سوا ليي من البيت م كلمتيني عندك مقابله خاصه انتي زاتك مفروض توضحي لي عشان اكون فالصوره موش لما نصل هناك تقولي لي ياخي عندي وعندي اجي هو الحق ده غيروهو حسيت ب ملامح وشها اتغيرت واتضحت عليها اعراض الانزعاج قالت لي مقابله خاصه كيف م فهمتك قولت ليها اجي موش قولتي ماشه ل صحبتك وم عايزاني امش معاك ف اكيد عندكم موضوع خاص بلعت ريقا وسكتت شالت تِلفونا قولت ليها مفروض تشكريني لان لولاي م انحليتي رسالتي الرسلتها ليك نجتك قالت لي مفروض اشكرك يعني؟ قولت ليها انسي ي زوله اها م وريتيني شنو الاخرك مواصلات ولا شنو قالت لي ايوه عاينت ليها ب طرف عيني كانت متوتره شديد قولت ليها مروان ح يجي الليله عارفه قالت لي اخر همي 'قالت كلاما ده وقامت ' قلبي كان ماكلني شديد علي كذبتا فكرت ح تحكي لي براها بس م جابت سيره نهائي معناهو الموضوع م زي م اتوقعت والا كان حكت لي ختيت اصبعي ف خدي وسرحت افكر شنو الغموض البناتم واللي م عايزه تصرح بيه 🤔 وانا بفكر كده حسيت ب ضل واقف قبلت لقيتو امجد م حاولت اتكلم معاهو خش جوه عاين يمين شمال قال لي وين البنات ديل ' عملت روحي م سمعتو وقف كم دقيقه كده طلع علي طوال 'قمة الحقاره طبعاً خاشي لا سلام ولا تصبيحه بكل واقحه التقول شغاله مراغبه ل اخواتو كريه خلاص ' زهجت زاتو من بيتم ده اساساً الواحد لو شافك تحتو يذلك ويستفزك زي م عايز لكن احنا م عدمانين بيتنا يهز ويرج ف اي لحظه ممكن نمشي عشان م كل مره يجدع كلام 🙁 مشيت ناس امي لقيت رزان معاهم عاينت لي ب ضيق حسيت نفسي زي المجبوره عليهم قولت ل امي من الباب ماما احنا ح نمشي متين؟ قالت لي ذكرتيني والله ختيت النيه نمش الليله ان شاءالله خالتو ستنا قالت ليها
اجي مالكم قالت ليها مالنا كيفن ي بت امي عملنا الواجب والله يقوي الصله بيناتنا ابراهيم ي حليلو براهو المسكين نمشي عليه النشوف اخبارو غير كده ي ستنا اشتقت ل بيتي وبما انو رزان الحمدالله بقت احسن نقدر نمشي مطمئنين قالت ليها والله كان تقعدو يومين تلاته ي سيده ح تفرقو معانا والله 🥺اتعودت ل قعدتكم وتقلتك لي قالت ليها وانا كمان ي ستنا والله اتعودت عليك خلاص لكن م ح ننقطع منكم كل فتره والتانيه ح نزوركم ان شاءالله 'خالتو ستنا م كانت مرتاحه امي كانت متقلاها وبتخفف عليها كتير بس انا لو قعدت اكتر من كده م ح يحصل خير اخير نتخارج

افضل م اكون سبب في مشكله 'رزان قالت ل امي ح نشتاق ليكم كتير ي خالتو والله قالت ليها عاد ي بتي ح تفرقن معانا والله لكن خالك بكون اتضايق من الوحده 😄قالت ليها والله ح توحشونا ح توحشينا ' ابتسمت عارفاها قاصداني انا م ح اوحشا 🤣شكراً ليك رزان لكن انا ح اشتاق ليك ي رمه المهم انا وامي نسقنا نمشي الليله العصر بس فوجئنا ب جية مروان
م كنت متحمسه ليهو عشان كده راح من بالي بس اول م شوفتو حسيت ب لهفه تجاهو م إنو حقار وشايف حالو بس وجودو بضيف لي حاجات كتيره اول م جا سلم علينا واتفقد احوالنا وكان قاعد على جنب يتونس مع خالتو وامي كانو مبسوطين بس الظاهر م كانو عارفين ب جيتو لان م حضرو شي المهم لحدة العصر هو معانا وامي اقترحت لي نأجل المشيه لحدة يوم بكره " كنت راجياهو يتكلم معاي او يسألني من حاجه بس طول الوقت كان سافهني الصراحه اتضايقت م انو مافي اي علاقه بيناتنا تخليني الومو بس حرقني لان الوقت كلو تركيزو علي رزان حتى عيونو م نزلت منها كنت متضايقه شديد ومغبونه م قدرت اقعد معاهم اكتر فقررت امش منهم لان لو قعدت مده اطول يمكن انفلت عادي فمشيت على الغرفه التانيه قبل اصل شايفه الباب مقفول من جوه ' احترت في شنو ي ربي كنت عايزه اضرب الباب بس جاني صوت ريم وهي بتتكلم بالتلفون قبلت وراي م كان في زول اتأكدت انو كلهم ب هناك مع مروان ' بقت لي فرصه اعرف السر الداساهو مني مع معتصم مجرد م ختيت اضاني سمعتها قالت انت متأكد يعني اي شي جاهز م عارفه قال ليها شنو لان لابسه سماعات سكتت مسافه قالت ليه طيب اسي انا م ح اقدر اطلع اساساً امجد امس عمل جوطه ف صعب علي سكتت كم دقيقه كده قالت ليو خلاص بكره الصباح ح جيك تمام 'طبعاً كنت بسمع كلاما وانا في حاله من الذهول والصدمه البت دي قصتا معاهو شنو ياربي خلتني انسي همي واركز معاها اصلي لو م عرفت نهاية قصتم دي م برتاح نهائياً
مسحت وشي ب ايدي واخدت نفس طويل ضربت ليها الباب يمكن اخدت اكتر من ربع ساعه حتى جات فتحت لي كانت متلبكه م اتوقعت جيتي خشيت طوالي م حسستا ب وقفتي اول م خشيت قالت لي مالك جيتي ونستهم م عجبتك ولا شنو قولت ليها لا بس مليت قولت اجي اشوفك مالك قاعده براك قالت لي كنت نايمه والله مصددعه شديد عاينت ليها ب عدم مصداقيه 'قالت لي مروان سأل مني لان سلمت ليه ورجعت جوه طوالي قولت ليها اجي موش انتي قولتي آخر همك اجي ي السأل مني 🙄 قالت لي انتي لي باقيه قطيمه كده؟ ملاحظه ليك الايامات دي اي سؤال اسألك بتردي لي ب قطامه وأنفه قولت ليها بري والله ولا قطيمه ولا حاجه بس مرات بتسألي من حاجه انتي عارفه الاجابه 🙂رفعت تلفوني
قولت اختبرها عندي كم صوره ل معتصم فتحت منهم واحده قولت ليها الرجال السمحين دائماً غدارين يخس بس عاينت لي وسكتت قولت ليها ريم انتي متذكره شكل معتصم وقبلت التلفون عليها بلعت ريقا واعراض الخوف بانت ف وشها اتوترت واتلبكت قالت لي وهي صارفه النظر عن الصوره بري م عايزه اشوفو تافه قالت كلاما ده ومرقت طوالي هنا اتأكدت 100% انو في حاجه غلللط "
بلسان ريم: شنو الخطر على بالا خلاها تجيب سيرتو وتوريني صورتو ☹️اكيد م عن فراغ ...
-------------------------
رزان:
كل الناس قامت خلتني براي مع مروان ' قلت ل روحي وانتي راجيه شنو فقمت عشان امشي كح قال لي رزان ممكن دقيقه بس قبلت عليه قولت ليه نعم قال لي دقيقه واحده لو ممكن رجعت محلي وانا بسأل روحي ح يقول لي شنو وانا حانيه راسي تحت وبشبك ايدي قال لي مالك متوتره؟ قولت ليه م متوتره بس عندي طلعه قال لي بعد الزمن ده الساعه 4ونص قولت ليه ويعني؟ مسح وشو حسيت بيه اتضايق قال لي طلعه خاصه يعني ولا!! قولت ليه ايوه وقمت عشان اطلع قال لي مالك مستعجله انتي انا لسه م قولت كلامي قولت ليه قعدت وم قولت حاجه وانا مارقه وريتك افتكر قال لي ي زوله راحتك اتفضلي ' طلعت طوالي من غير م اتلفت 🙁..

آخـبْرۆهِآ إني أتيتُ لُ أخـڏهِآ
َّسأقِوِدِهِأّ لَتّګوِنِ مَلَګيِّ غٌصٌبِأًّ عٌنِهِأّ
هي مُنيتي اقسمت أن اموت لأجلها
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#وإليك~المُشتكى 《13》*
*#بقلمي~مريم~حسين*
*☆ــــــــــــــ☆»»»»»»»»»»»»♡ــــــــــــــــ♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
اكتر حاجه بكرها ف حياتي هي الإفتراء وشوفة الحال 🙁لكن برضو م مشكله ي رزان ح مشيها ليك المره دي بس عشان خاطرنا 'م ح اتهور ولاانفعل من اول محاوله الايام ح تجمعنا ☹️كان بقول كلامو ده وهو غاضب وممكون رجع عاين للساعه ،غضب زياده طلع وهو غضبان قابل سيده وهي خاشه قالت ليه على وين وستنا بتخت الاكل قال ليها جاي جاي وطلع بسرعه قبل يصل الباب لمح عسجد جوه مشي عليها علي اساس ح يلقى رزان معاها ' وقف فالباب عاين كده عرف انو رزان مافي قال ليها رزان مرقت ؟قالت ليو رزان طلعت عندها مقابله ' سكت كده وهو بمشي ايدو في لحيتو ب عدم ارتياح قالت ليو عايز حاجه يعني؟ قال ليها لا ابداً م تهتمي وقبل عشان يمش وقفتو وجات عليه قال ليها وهو ضاير نص ضهرو. للباب ايوه نعم 'قالت ليو عارفاك زعلان مني عشان حظرتك قبل عليها بعدم همه ل كلاما قالت ليو الفتره ديك الجامعه كانت شغاله واموري متدهوره ف اضطريت احظر كل اصدقائي عشان اقدر اركز بتمنا يكون م زعلت ' قال ليها والله ياخي قصة الحظر دي م جايب ليها خبر الا بعد كلامك ده تصدقي! ملامح وشها اتغيرت وبان عليها الضيق والزعل قالت ليو ايواا بس حبيت انبهك عشان خفت تاخد فكره سيئه عني وكده قال ليها لالا ولا يهمك عادي م شغال بالمواضيع دي ولا بهتم بيها 😊كانت داخله ف ضفورا قالت ليو طالع انت قال ليها ايوه طالع في حاجه او عايزه حاجه قالت ليو لا بس عشان شايفاك جاي اسي وكده ابتسم ليها ابتسامه خفيفه قال ليها م مطول اصلا يلا سلا وطلع '
بلسان عسجد: قعدت فالتربيزه وانا سارحه ب حرقه ووجعه تعاملو معاي مقرف جداً ومستفز م قادره افهم لي التعامل البذيئ ده ' لكن انا ح اعرف اجيب راسك كيف 🙁...
----------------------
م عارفه لي كل مره بحاول يفرض سيطرتو علي هو انا ناقصه يعني ' امشي يمين والتفتي شمال😑انا الفيني مكفيني وزياده اساسا انا بقدر الإمكان بحاول اكون بعيده من الناس م بحب الاحتكاك لا من قريب ولا بعيد نهاي عشان الزي ده لا الوم ولا اتلام ' يعني م ممكن انت ف بيتنا وجاي تديني محاضرات فوق شنو 'م انو والله هو زول محترم وصارم والمفروض يكون حد نفسو بس دائماً خاتي بالو فيني وفي تحركاتي ' سرحت كده ب عدم ارتياح وضيق كلام عسجد وقع لي قصدها شنو ياالله 'صح الكلام وجعني بس اداني دافع وقوه اقيف على حيلي واستعيد ثقتي ب نفسي ' اساساً بعد تفكير عميق اكتشفت انو م حباني نهاي 💔 عيشني في كذبه سنتين كاملين م بين وعود وتأملات وعشم و و اااه م عايزه استعيد الذكريات دي بس حسب تعلقي بيه الفراق كان صعب علي خاصه وانسحابو كان مفاجئ وفي اخر اللحظات ' لكن خلاص تاني ولا كأنو كان ✋ يمكن كانت نهاية البدايه بس م بيعني انو وقفت علي ح ابدا حياتي من الصفر بعيداً كل البعد عن العلاقات وملحقاته عايزه اعمل حاجه افتخر بيها ك رزان كفايه خلاص جا الوقت عشان انطلق وادوس علي قلب الخايب معتصم 🦵 كنت بقول كلامي ده وحاسه ب فخر من نفسي لان بعد الحصل لي ده م ختيت ارجع افكر ف نفسي تاني قولت خلاص دي النهايه ومستحيل حياتي ترجع تستقر من تاني الوجع الفيني كان فتاك جداً لكن بفضل الله ماشه اتجاوز ومتأكده اي واحده اتخت في موقف زيو ح تتجاوزو ان شاءالله صح الموضوع ممكن يكون صعب فابدايه بس مع الوقت وحسب قوة إيمانك واليقين بالقضاء والقدر كلو بعدي اهم شي تختي اليقين بالله وتتوحدي انو لو كان خير لبقى واكيد الله ح يعوضك بالاحسن والافضل منو بس انا فالوقت الحالي م جاهزه اخش في اي علاقه بطني طمت بس داعيه الله يسهل علي انجز في اي نوع من المهام وافتخر ب نفسي واقد عين اي زول شمتان فيني 😔... فكرت امشي ل دكتور فريد المحفظ والمرشد النفسي حاسه روحي محتاجه
ليهو شديد م عارفه لي ارتحت ليه بعيداً عن التناقض ل انو م عايزه اخش ف علاقه بس نفسياً كده الحديث معاهو شافي ف كلمت امجد اذا بيقدر يوصلني ليه قال لي م عندو طريقه وصلني الظلط وركبني ركشه قال لي لو قدرت بعدين بجيك للرجعه قولت ليه تمام فالمهم لما وصلت اتصلت ليه قال لي انا الليله م شغال " لكن ممكن اجي عشانك ف اعترضت بس اصر يجي واقترح لي المقابله تكون في حته هاديه كنت متردده قولت ليه طيب ح كلم امجد قال لي لا م تكلميه انا بكلمو بس اذا حاسه نفسك مضغوط عليك مني نأجل المقابله لحد يوم بكره، م حبيت نأجلها و في نفس اللحظه مفروض امجد يكون علي علم عشان لو

عرف ح يجوط فيني المهم اتوكلت ومشينا منتزه قريب للمركز بتاعو إستقبلني ب ترحاب لقيتو محضر شاي جبنه فطاير حسيت بيه مجهز الحاجات من بدري لان الوقت الكلمتو فيه مستحيل يكفيه ف احترت سألتو اذا كان مع جليسه غيري قال لي ايوه في واحده مرت بنفس تجربتك
وحالياً اتحسنت والحاجات دي منها قولت ليه ايواا يعني كنتو سوا قال لي نعم اها انتي حاسه نفسك كيف احكي لي من الصفر ' م عارفه لي لما جاب لي سيرة البت قلبي اباهو 🤣في حاجه جات وقفت لي ف حلقي 🙂نزلت راسي تحت بقيت اقطع ف النجيله ونظري بعيد طقطق ل ف وشي وعيونا اجتمعت مع بعض الصراحه م قدرت انزل عيني ولا هو نزل عينو فضلنا كم دقيقه كده ف ابتسم ونزل عينو وانا اتوترت على طول ' شال ليه فطيره واحده وختاها ف خشمو وهو بيتبسم وانا اعاين فيه ب طرف عيني ب حيره قام
مد لي الصحن وهو بيمضغ فيها قال لي اكلي مدام م عايزه تحكي شلت واحده بس م اكلتها' عشان تتخيلو المنظر قاعدين فالنجيله المخضره ورانا نافوره ايي نافوره عديل وقدامنا مطب من اسمنت علي شكل جبنه كبيره 'المهم شال واحده تانيه وكب شاي قال لي تشربي عاينت ليه وسكتا ' طلع كبايه من الشنطه مرسومه عليها قلب م عارفه لي لاحظت ليها من اول نظره كب فيها شاي ومداها لي ' كنت بعاين ف ايدو م كان فيه دبله حسيت ب راحه نفسيه واستغراب من تفكيري تجاهو🙂 شلت منو الكبايه وختيتا قدامي وانا سارحه علي النافوره بتبسم براي جاني صوتو بقول لي رزان ي الكلك وقار " عاش اللي شافك قبلت ليه وانا م قادره احدد موقفي بس كل العارفاهو انو فيني احسايس غريبه تجاهو م قدرت افسرها، انا فالعاده م بتأقلم مع الناس بسرعه بس هو من اول جلسه اتقبلت الحديث معاهو ' سرحت مسافه وانا براجع نفسي خفت من حاجات كتيره حاسه بيه متخفف اكتر من اللازم او عايز يلفت انتباهي ل حاجه معينه لان تصرفاتو غريبه وخلتني اتخيل الاغرب قبلت عليه لقيتو رافع الكبايه قولت ليه احنا مفروض نتكلم عن شنو الليله او جلسه محتواها ح يكون شنو اخد ليه جغمه وخت الكبايه قال لي ياداب راسك جا انا قبيل طلبت منك تتكلمي م استجبتي لي، صلحت طرحتي قولت ليه ايوا بس انت م كنت متهيئ عشان تسمعني ابتسم قال لي لانك م كنتي جاهزه ختيت الفطيره ف الصحن بتاعا عاين لي وواصل شراب الشاي شويتين خت الكبايه ' قال لي اسمعي الكلام الح اقولو ليك انا عندي نظام معين بمشي بيه مع كل الحالات البتجيني سوا كان male or feminine اتعاملت مع كل الشخصيات على فكره(العنيده البارده الكتومه المزاجيه ياخ كل الشخصيات وكلهم اتحسنو علي ايدي ف انك تلوميني على حاجه انتي صارفه النظر عنها يبقى ده استحقار لي 😄 عاينت ليه بعدم استيعاب قولت ليه معليش بس يعني استحقرك ف شنو مثلا؟ قال لي م تهمتي اصرفي النظر خلينا فالمهم كيف حاسه نفسك اسي ف تفكير كده ولا كده ' كنت متضايقه من كلامو سكت مسافه قولت ليه م ح كذب عليك من اول مقابله حصلت فيني تغيرات كتيره وده السبب الخلاني ارجع ليك تاني لكن بس عندي شوية ملاحظات كان بعاين فيني من غير م يبوح قولت ليه انت فيك اختلاف ملحوظ عن طبيعة شغلك ف كلامك اسلوبك فالحاجه دي بتخليني اسرح في منعطف خارج النص بتاعنا 'قرن حاجبو ب حيره قال لي انتي لو خاته بالك في كلامي وفي شفايفي م كان سألتي السؤال ده ' انتي بتسرحي كتير لو م خاته بالك 🤷‍♀️ وبقرا العيون خلي بالك 🙂قولت ليه يعني شنو او افهم شنو قام على حيلو كان لابس فنيله بيضاء مع بنطلون جنز لبني ضابي فيه الصراحه شكلو وقوامو يلفت النظر خاصه لمايكون على طولو م عارفه لي مركزه معاهو اخدت نفس و شلت تركيزي منو حاسه نفسي تايهه تايهه شلت تلفوني حاولت اشغل نفسي بس صورتو م زحت من مخيلتي شويتين جا راجع قال لي المفروض زمنا يكون انتهى
استغربت قولت ليه يعني المفروض امشي قال لي ح تكوني جيتي عالفاضي لكن ماف اي اضافات 😒 قولت ليه لا بالعكس اكتسبت حاجات تانيه وعرفت كيف اتعامل معاك ضحك قال لي بكره ح اكون راجي اتصال منك وعندي ملاحظات فيك ح ارسلها ليك عالواتس بعدين " عاينت ليه وانا بفكر ملاحظات شنو الفيني؟ م عارفه لي كل مره بقلب الطاوله علي بس ب ذكاء 🤔
-------------------------
الو
_اي ي امجد وين انت ؟
=فالميدان انا اسمع كلامي ي مروان
_سامعك اها
=عليك الله ح اكلفك ياخ لو فاضي
_تحت الخدمه والله اتفضل
=رزان عندها مقابله الليله مع الدكتور المفروض امش اجيبا بس انا شغال تدريب م عندي طريقه يعني لو ممكن تمش ليها قال ليه جداً ي زول م عندي اي مشكله اديني العنون بس قال ليه طيب خليك معاي " اداهو العنون وقفل منو واتصل ل رزان بس م ردت ليه رجع اتصل تاني وتالت بس مافي رد زهج شديد واتضايق اتصل ل خالتو سيده سألا اذا رزان رجعت البيت قالت ليه م جات مجرد م قفل منها رجعت ليه رد ليها بأنفه وين راميه تلفونك انتي؟🤬اتصلت ليك 500مره م بتردي قالت ليه صامت كان التلفون خير في حاجه؟ قبل هي تتكلم فريد قال ده امجد اديني ليه "هنا مروان اتضايق شديد وهو بسأل روحو ده منو الاتدخل قال

ب حس مليان غضب ياخ خليك معاي ياخ مشغوله وين انتي قالت ليه :
انت مالك م فاهمه في حاجه يعني قال ليها انتي وين حالياً قالت ليه جايه على البيت في شنو قفل ف وشا وهو غضبان وقف ليه اقرب ركشه وب وشو على العياده وصل وسأل من اسم رزان قالو ليه م عندنا مريضه بالاسم ده اتعصب شديد وعمل تحديد موقع ب رقما والمنتزه اساساً م بعيد من العياده
خش المنتزه وهو غاضب وشايل التلفون عشان يحدد ليها موقعا بالظبط " اشتعل فيه شرار الغيره لما شافا واقفه مع دكتور فريد مشى عليها مليان غضب وعصبيه 🤬....
-------------------------------------
معتصم م بقدر اطلع ليك والله انا قولت ليك خليه بكره مالك انت رد ليها ياخ انا عايز اقابلك الليله الموضوع مهم ي ريم ياخي اطلعي ب اي طريقه امجد ميتينو يقيف ف وشك لي هو والدك ولا يتفرعن ويتسلط عليك لشنو؟ اسمعي ي زوله اسي تطلعي وتجيني منتظرك شارع بيتكم قالت ليه وهي متوتره معتصم انت جنيت قولت ليك امجـ 'قاطعا وهو بسب ليه ويتلفظ قالت ليه طيب م تجنن لي ح اطلع ليك قفل ف وشها وهو غضبان " بعد قفلت كانت متوتره شديده وعسجد كانت مركزه معاها بس من غير م تحسسا شالت عبايتا من الدولاب لبستا وهي متوتره قالت ل عسجد ماشه احول رصيد
لو امجد جا وسأل قولي ليه عند ناس اسماء كويس قالت ليها كويس تمام 😈مرقت بسرعه وهي بتتلفت مجرد م فتحت الباب عسجد نزلت وراها بسرعه ....
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*