رايه اترفرف بالأحساس نور عيوني يا عباس
حيدر شفتك ما عفت اختك
نفس افعاله يا نبراس
******
يا زود اليوصل يم زودك ليث شحده اليكرب يمك
يل وفاي بكل اعهودك تجيب الماي ألأختك همك بسهام الغل صابو جودك ما يصنفون اعلل ناس
نفس افعاله يا نبراس
*********
شوصف همتك يابوالغيره من حيدر ما خذهه الهمه
مذهوله الاعداء بحيره من شافت فعلك بالقمه
من زغرك معروف السيره بسيرة حيدر من تنقاس
نور عيوني يا عباس
*************
روحي تنادي يا مهجتهه ما تكدر لحظه اتفاركهه
يمصبرهه ويا سلوتهه يا روح الروح وساندهه
بغيابك زادت ونتهه من شافت فعل الارجاس
نور عيوني يا عباس
*****************
تصرخ دمعاتي تناديلك يل كافل امسح دمعاتي
علخد روحي من ابجيلك ماتت حسره بيه اهاتي
وعن نار فراكك احجيلك يلي بجفك حيدر باس
نور عيوني يا عباس
**************
الدنيا بدونك كلي شتسوه بعدك ماتت كل افراح
وين ايامك ذيج الحلوه صارت بعدك كلهه اجراح
ياروح اختك انت السلوه اشهك حبك بالأنفاس
نور عيوني يا عباس

الشاعر //هادي الساعدي

افراح
عاشك واحب حسين وزرع ورد دربه
هو النظر للعين عابس انه ابحبه

***************
عاشك انه ومشتاك دلوني وين الكاه
ما بيه حيل افراك ما اعيشن ابلياه
دلوني عنه وين عابس انه ابحبه
*****************
ولهانه روحي اعليه كل لحظه تسألني
صبح ومسى اتناديه بأفراحي و وني
وبكلبي عاش سنين عابس انه ابحبه

****************
مثل السفينه الحب والمرسر الهه انته
وريح العشك من هب حبك فلا عفته
من المهد للحين عابس انه ابحبه
***************
يسئلوني ليش اهواه وبحبه ليش انجن
طاهه النبي حباه وعن حبه هو اعلن
رافع لواء الدين عابس انه ابحبه
*****************
لأخر نفس بالروح اتنفس احروفه
برب العرش واللوح حبه فلا عوفه
ولو يقسي بيه البين عابس انه ابحبه


الشاعر//هادي الساعدي

افراح

هلا يا كمر هاشم هلا بزودك يعباس
اخذت الجود بيدك مليته غيره واحساس
هلا بزودك يعباس
******************
هلا بعباس يل كلك شهامه
منبع طيب معروف وكرامه
لقنت الظلم واهله وظلامه
بقت للحين كلماتك علامه
درس وتعلمته الناس هلا بزودك يعباس
*****،********
اسد عباس يا هو الي يلاكيه
تدور الشرده روحه كبل رجليه
تموت اقزامهم لو حرك ايديه
يشوفه حيدره كلمن نظر ليه
يشبه علي النبراس هلا بزودك يعباس

****،************
تميل الكاع بيهم يمشي بزود
شنوا الفرسان عنده شنهو الجنود
الرايه ابيمنته وبل يسرى الجود
اليكرب منه راسه يعني محصود
يحبس بيه الانفاس هلا بزودك يعباس
***************
يعباس اشنوصف لو وصفناك
نشيد الخوه معزوفه عزفناك
ابنص كلوبنه ابدمنه لكيناك
ننسه ارواحنه وما لحظه ننساك
حبنه لا مينقاس هلا بزودك يعباس
****************
ملكت كلوبنه وساكنهه الارواح
غالي تبقى عدنه وعطر فواح
الك فدوه عمرنه الجاي والراح
هلا بعباس حتى البلمهد صاح
يظل تاج اعله كل راس هلا بزودك يعباس


الشاعر //هادي الساعدي

افراح
جنه حب حسين حبه جننه
حبه اصل الخير يلي تسألنه
حبه جننه
******************
محلى هذا الحب كالعسل صافي
وصفه امجرب الكل مرض شافي
حير اهل الطب لغز هذا الحب
حبه جننه
*****************
تهيم بيه ارواح عشكه بالفطره
ورد كالقداح زاهي بعطرة
عمر نشتمه حبه كالنسمه
حبه جننه
************
بالكلب مزروع معتقد خضر
مو بجي ودموع نضحي اله ونثأر
قدوة الابرار ثورة الاحرار
حبه جننه
**************
انشوفه ونحسه عل ملئ واضح
واقع انلمسه حبك الراجح
هو روح الروح بلسم المجروح
حبه جننه
**************
نحبه بالأصلاب واله وقعنه
نبقى اله احباب نقسم بربنه
نقدم الارواح والمحب هل صاح
حبه جننه


الشاعر// هادي الساعدي

افراح

وين يل مهدي انت وين شوكي زايد والحنين
والله ما ناسيك صدك تشهد بهاي السنين
انسى روحي لو نسيتك يبن حيدر والامين
******************
فدوه الك كل العمر والله ماظل كل صبر
امشي دربك لو جمر وما أخاف المعتدين
وين يل مهدي انت وين
******************
صوت من اعماقي صاح بعد ما حمل جراح
شوك حبي عطره فاح ياس هيل وياسمين
وين يل مهدي انت وين
*******************
فاتت سنين وشهور اشوكت مولانه الظهور
الجنه انت والسرور وانت فرحة كل حزين
وين يل مهدي انت وين
*******************
روحي رفت كالطيور هايمه بحبك تدور
بلظلام انت الهه نور تضوي درب التائهين
وين يل مهدي انت وين
****************** .
تجلي شمسك كل غيوم الدين تحيي والعلوم
ودولتك بالحب تدوم رغم انف المعتدين
وين يل مهدي انت وين

الشاعر//هادي الساعدي

افراح

يل مهدي يل موعود بيك العزم مشدود
ارواح الك نفدي مولانه يل مهدي
مولانه يل مهدي
******************
مولانه عد عيناك انصارك ومنخاف
نقسم قسم وياك لو كطعونه انصاف
نرخص العمر ونجود هاي السنين اشهود
مولانه يل مهدي

***************
نورك يشع انوار يضوي بليالينه
يمحير الأفكار فكرك يغذينه
يجلي غيوم السود خير وسعاده يعود
مولانه يل مهدي
*************
انت الهوى والماي والكل محب زاده
بأسمك نوحد الراي سيد على القاده
بأمرك نصير جنود منك نشيم الزود
مولانه يل مهدي
***************
اخر هداة الكون والكل بشر هادي
تترقبك العيون صبح ومسى انادي
ونطشهه الك الورود مثلك فلا موجود
مولانه يل مهدي
**************
يبن النبي المختار عالي يظل سورك
اشتاكينه الك مولاي عجل ظهورك
ندعي العلي المعبود بطلتك علينه تجود
مولانه يل مهدي

الشاعر /هادي الساعدي

ابوذيات للامام المهدي

اسئل متى أيهل بدره وناشد.
وكتبت اشعار عن حبه وناشيد
بفخر امدح ووصفنه وناشد
عزمي بعشك منقذهه البريه

*********
عشكتك بالمهد معروف وداي
وبعثت الروح وي الكلب وداي
مثل جدك طبيب العلل وال داي
ومنقذهه البشر من كل اذيه
********
بينه اجروح يبن الحسن شلهه
الهاي الناس غيرك كلي شلهه
مثل مشلول هذا الوكت شلهه
بظلم ورهاب اتباع ال اميه


الشاعر //هادي الساعدي

كسرة ظهر فكد الاخو وما ينحمل فكد الابو
ويعذب الروح
**********
يا خويه وحشه ديرتك وبنتك تون ورادتك
ارجع يغايب
حلفتك انا بغيرتك مشتاك حيل الشوفتك
مو كلبي ذايب
صعبه ويهد حيلي البعد بالخوه حلفتك ترد
من عندي لتروح
************

يبن امي مرلي لو حلم بكل ظلمه اشوفنك نجم
يا نور العيون
معروف بالغيره وشهم وتعادل الاف الزلم
لمن يعدون
فكري تعب جسمي نحل لبنك جنت اجمل امل
ياعطر اليفوح
************

للخوه اشوفك مدرسه اتنفسك صبح ومسه
يا اغلى ناسي
بروحي الحزن بعدك رسه ليش الزمن هيجي قسه
بهاي المئاسي
ما حسب النه من خذك بعيونه اندار الفلك
وزيدهه الجروح
***************
حزن الكلب ما ينوصف يا بلسم الروح وترف
يا شمعة البيت
بالانبياء وكل حرف دمع الحزن لا ما يجف
للعشره حنيت
كل لحظه بعدك احترك ما حسبينه نفترك
بالحسره والنوح
*************
ما فاركت عيني السهر حزني يضل طول الدهر
زاعلت الافراح
يل جنت لعيوني النضر يا يوم ترجع يا شهر
صاح الكلب صاح
بالنجف طالت نومتك و ناس التودك رادتك
والكلب مجروح

الشاعر /هادي الساعدي

قبل لحظات السفر يا علي حاجيني
ذولي ولدي الاربعه أامر و وصيني
همه فدوه للحسين يا امير المؤمنين
يا علي حاجيني
**************
بيني وبينك يبو حسين الحجي
ياوصي المصطفى وخير العمل

ولدي ذولي الاربعه المثل الشمس
همه فرحة دنيتي واجمل امل

رضعتهم بالوفه وطيب وحنان
اعز من روحي واغلىمن المقل

غارسه بيهم حميه
راح اقدمهم هديه
وي ابو اليمه سويه
الاخر انفاس المنيه
ما يخافون المعارك ريت وياهم اشارك
يا علي حاجيني
***************
لحظة اوداعك جمر ما تنطفي
نار ممتده الى حرك الخيم

يبو احساس المفعم بكل عاطفه
حتى نظراتك احاسيس وقيم

بنظره اعيونك اشوف اشكد حجي
رايد اتوصيني ها يا ببو الشيم
تحجي عن الغاضريه
انا وحزاني الشجيه
مؤمنه بكل القضيه
انا اوديهم سويه
فدوه لحسين يغالي يا ضوه اعيون الليالي
يا علي حاجيني
***********
اتوضيت بدموع الحزن وي الفجر
وصلن اجروحي عليك آه وألم

وبقنوتي ادعي يا ربي المجيب
يحفظك النه هيبه للدين وعلم

يا ابو الايتام يا سر الحياه
كل حياتي ودنيتي بعدك عدم.


وانت هايم بالسجود
ابن ملجم هل حقود
طبر كل هذا الوجود
لجلك بروحي اجود
ياعلي صعبه الوداع كلشي بعدك احس ضاع

يا علي حاجيني


فدوه حاجيني الك انا استمع
انا الكم خادمه ام البنين

اسمحلي احجي بحظرتك يامهجتي
عشت اجمل ذكرياتي والسنين

اوياك هاي الناس تشعر بالامان
لئن كلبك خيمه وينبض حنين

انت وجه الله الجميل
وللنبي اخ وخليل
لو نهر دمعي يسيل
اشما اقدملك قليل
قدمت عمرك فداء لجلك اتنوح السماء
يا علي حاجيني

**************
والله يابو حسين يانبض ألكلب
كون ميته ولا أشوفن حالتك

كلبي نصين أنجسم سالت دماه
من شفت سيل ألدمى من هامتك

ياجرح يمتد على طول السنين
لئن دين الله أنطبر في طبرتك

رادو أيرد ألظلام
أبن ملجم و أللئام
وطبروا ألحب وألسلام
أبطبرتك ها يا يا أمام
اختنك حتى الهواء يا وصي الاتقياء
ياعلي حاجيني


الشاعر /هادي الساعدي

الليله مولانه انولد حبه احلى من الشهد
ويانه فرحان الزمن حبه جنات وعدن
الليله مولانه انولد
*****************
الليله كل الكون فرحان وسعيد
اهلال بدره هل علينه الليله عيد
نلفظ اسمه مثل معزوفة نشيد
ابهل الولاده نحمد الباري المجيد
كل ملائكة السمه تهني حماي الحمه
الليله مولانه انولد
**************
ابن طاهه بمولده ما ظل جرح
شمس نوره بزغت ابأجمل صبح
يلي حبه جنه واملاك وربح
بالكرم مثله فلا واحد يصح
هو ابن خير البشر نوره عل امه ظهر
الليله مولانه انولد
*************

كل موالي الليله لازم يبتشر
وخبر مولد ابن حيدر ينتشر
حب امامي الحسن ينفع بالحشر
حبه خير وجنه ونور وأجر
يامحب شارك تعال كل حزن هليله زال
الليله مولانه انولد
***********

بكل جوامعنه و حسينياتنا
استقبلتنا وفرحت ابهيئاتنا
بيهه نقرأ بالعشك انشادنا
الليله باسم الحسن كل هوساتنا
بالعقيده والولاء للحسن يحلى النداء
الليله مولانه انولد
*************
الليله ننسى كل حزن وجروحنه
وبالفرح ننشد نبدل نوحنه
حبه يغذي النفوس وروحنه
رحمه النه وبيه نغذي اصروحنه
هذا حبنه معتقد بالحساب النه سند
الليله مولانه انولد


. الشاعر /هادي الساعدي

افراح


كلمن يشوفه انبهر ملك هذا لو بشر
هذا مولاي الحسن
************
كل خصال البيه جميله
بالكرم ماكو مثيله
روحه يهديهه قليله
لليكصده ويعتنيله
خيره فايض كل النهر ملك هذا لو بشر
هذا مولاي الحسن
*************
لله ناذر كل حياته
حير اعدائه بصفاته
يا جماله ويا حلاته
شوكه بعيون الشماته
خابت وماتت قهر ملك هذا لوبشر
هذا مولاي الحسن
************
امن الاله اجمل هديه
الفاطمه الحره الابيه
وللنبي خير البريه
والعلي حامي الحميه
وخبر مولوده انتشر ملك هذا لو بشر
هذا مولاي الحسن
************


بدره هل اعله الليالي
يفرح الليله الموالي
يشهد الله عندي غالي
اعز من كل الغوالي
بروحي افديه والنحر ملك هذا لو بشر
هذا مولاي الحسن
***********
الحمد لله اعلل ولاده
والحسن تقوى وعباده
فارس يحب الشهاده
في سبيل الله جهاده
دوم للحق انتصر ملك هذا لو بشر
هذا مولاي الحسن

الشاعر//هادي الساعدي

الامه مفجوعه برحيله بعد ما تلكه مثيله
هذا ابو اتراب
لله عابد يكضي ليله منصف وحامي دخيله
هذا ابو اتراب
**********
ليلة التاسع عشر بأشرف واكرم شهر
ويه الآذان
دكة اجراس الخطر ابراسه حيدرنه انطبر
من اقبح انسان
ابلا ذنب وبلا سبب حاله تدعو للعجب
والكلب ذاب

***************
بحيله ومكر وغدر خططوا اهل الكفر
هدم الاركان
بعد آذان الفجر ابن ملجم منتضر
قتل الايمان
وانفجع شهر الصيام بمصابك يا امام
والبدر غاب

************
هو نور امن الاله صوبوه وكت الصلاه
وفجعوا الدين
انصيح كل احنه فداه ادمانه سالت وي دماه
وتهمل العين
الدنيا نزفت بس جروح لا تلومنه الينوح
بهذا المصاب
**********
رقه واحسان وعطف اتشوف بعيونه اللطف
ودين الاسلام
بش اوصفه بيا وصف كلبه ما يحمل ترف
وابو الايتام
يا سلام الله عليه رحمه كلهه اجفوف اديه
وخير الاصحاب
**********
نصبه الباري أمير وللنبي اخ ونصير
وهو روحه
بدولته ما ظل فقير وهو يجلس عل حصير
نزفت جروحه
من اجل كل البشر سنينه وعمره نذر
وجرحه ما طاب

الشاعر // هادي الساعدي

فزاعيه

يا كربله اشسويتي
ابدمع وحزن هديتي
طفيتي شمعة بيتي
يا كربله يا كربله
************
عبدالله ضامي منذبح ياكربله ياكربله
وجهة مثل نور الصبح ياكربله ياكربله
خليتي بيه جم جرح ياكربله ياكربله
كل لحظه بيج انا انذبح ياكربله ياكربله
********
حنيتي قاسم بالدمه ياكربله ياكربله
ناحت عليه أرض وسمه ياكربله ياكربله
مثل الأسد بالموزمه ياكربله ياكربله
روحي عليه متألمه ياكربله ياكربله
*************
يا وسفه الأكبر ما سلم ياكربله ياكربله
يا ألم يهدئ يا الم ياكربله ياكربله
صعبه علي حرك الخيم ياكربله ياكربله
من بعد شيال العلم ياكربله ياكربله
*******
ما ينفع اوياج العتب ياكربله ياكربله
خاتم ابو اليمه انسلب ياكربله ياكربله
عطشان مايج ما شرب ياكربله ياكربله
زيدتي همي والتعب ياكربله ياكربله
*********
مكطوعه جفين الكمر ياكربله ياكربله
والجربه ضلت عل نهر ياكربله ياكربله
حزني عليه طول الدهر ياكربله ياكربله
بعيوني ماظل كل نظر ياكربله ياكربله
********
ياريت ميته وما شفت ياكربله ياكربله
رأس ابو اليمه بالطشت ياكربله ياكربله
ياخويه حاجيني صحت ياكربله ياكربله
بغيابك انا اتعذبت ياكربله ياكربله


الشاعر//هادي الساعدي
2018/2/19