يا جسام يبني

ريت الموت أخذني يا جسام يبني
يا شمام روحي يابلسم جروحي
يا جسام يبني
************
يبني اوياك اخذني ولا تجافيني
بعدك ما شفت فرحه بسنيني
بهاي الدنيا وحدي لا تخليني
يا عمري وحياتي وأغلى من عيني
او نن واشتكيلك أنعمت عيني برحيلك
يا جسام يبني
********
ما عوفك يعمي من صحت وحدك
ضحيت بحياتك ما خنت وعدك
مشتاكه انا اشمك يمه من خدك
عرسك تممه يوليدي يم جدك
الله اوياك يمه كلبي نزف دمه
ياجسام يبني
**********
جمرة كلبي تسعر من يطفيهه
نهر دمعات عيني لمن ابجيهه
تسئلني شكلهه ما ترد ليهه
روحي اشكد الك مشتاكه حاجيهه
ما حسبت ترحل روحي راح تنسل
ياجسام يبني
********
حيل أيامي صعبة وانت مو يمي
يا نبض الكلب حبك سرى بدمي
بصدري حسرتي ومخنوكه انه بهمي
مشتاكه يروحي بعطره اشتمي
مره اوياج احجي ومره اعيوني تبجي
يا جسام يبني
*********
مثل عطر الورد عطرك أشمنه
نزلت المعركه وبجفك الحنه
حور العين الك مشتاكه والجنه
شطب ريحان طولك من أشمنه
ربت بروحي اضمك وبقى العمر يمك
يا جسام يبني


الشاعر //هادي الساعدي

قصيده للامام العباس ع

غيرتي تعرفوهه وشيمتي تدروهه
انا ابن المرتضى حاميهه
**********
الميمنه والميسره اطبكهن سوه
ومن اصيحن يختنك حتى الهوه
وسلب من عيونكم حتى الضوه
من تطخ أبالي لا يظل اكبالي
كل زلمكم حصد بيدي احويهه
***********
من أخلي عقلي يمكم لو أصول
بصوله مني تنكلب كلهه كهول
اكلوب تجفل والبعض تنجن عقول
تنذهل محتاره من اشن الغاره
اجفوفهم كلهه ابيميني الويهه
***********
بالي يم الماي مو يمكم تره
حتى لو آلاف اوكفكم سره
الحيل مستعجل يجي بسيفي انحره
من اطك ما ثني كلهه تشرد مني
كلهه تعرف ضربتي وتدريهه
************
كل عقلكم انتم اكبالي رجال
الأقزام اشلون تندك بالجبال
انا من حيدر خذت فن القتال
علماني افنونه حكمته ومكنونه
وروس تطاشر جيوش افنيهه
******
شلت سيفي أمن الزغر وتعلميت
وعلى ايد المرتضى انا ادربيت
خطوه خطوه أمنلمهد وياه مشيت
خذت نهجه ودينه وناصريت حسينه
وروحي فدوه السيدي افديهه
*******
حذرتكم ها بعد لحد يكول
ويلتمس مني العذر لمن اجول
ألما شرد معناها ميت منه انول
من اطب ميداني تنهزم عدواني
هاي اخر كلمه مني احجيهه


الشاعر//هادي الساعدي

قصيده للامام الجواد ع

روح وتعنه الجواد كرمه رب العباد
يقضي الحاجه اكيد اطلب انت اشماتريد
سيدي باب المراد
***************
روح وتعنه ودمعتك خل تسيل
لو جبل اهمومك بلحظه تزيل
اشما تقدم من عمل لجله قليل
الك يوكف بالشداد سيدي باب المراد
*************
امن النبي طاهه نهجه ونهج أبوه
علم واخلاق ومبادئ جربوه
بني العباس ابظلمهم حاربوه
بكل وكت قتله يراد سيدي باب المراد
**************
رادو بكل صوره موته لا محال
لئن شافوا هيبته وذاك الجلال
كل خصاله من محمد والجمال
عفه ودين ورشاد سيدي باب المراد
****************
كل موالي اليوم يحزن عل أمام
ويبعث اشواكه اله و يبعث سلام
ربك انطاه الكرامه والمقام
اتوشح اعليه بسواد سيدي باب المراد
**************
يا شباب اتعلموا منه الدروس
اتقربوا لله وصلحوهه النفوس
وبس لأله الكون دنكوهه الرؤوس
اخذو ادروس الجهاد سيدي باب المراد

الشاعر//هادي الساعدي

العليله تسئل عمتها بعد رجوعهاإلى المدينه


عمه زينب وأين ابوي وسئل السجاد اخوي
بعد ما عندي صبر كوه بنفاسي أجر
هايعمه هايعمه
*************
أمنية كلبي الوحيدة هسه اشوفه
حتى اقبلنه أبجبينه وبجفوفه
هو كعبة روحي كل لحظه اطوفه
جرح بعده عالم ويا هو اليروفه
الكون حزنان وينوح وتنزف اجروح الجروح
هايعمه ها يعمه
***************
ها يعمه اخبار ابوي احجيهه ليه
ووينهه اختي ما اشوفنهه رقيه
جاوبيني عمه ها ردي عليه
نبضي أتغير واحس ماتت اديه
ما اشوفلهه أثر دققت زين النظر
هايعمه هايعمه.
***************
انا اعرف كلشي من نبرة حجيكم
ومن صفار وجوهكم ورجفة اديكم
انا بالي يمكم وخوفي عليكم
كلبي يخبرني ويكلي ما يجيكم
انتهت أجمل سنين كلشي اشوفنه حزين
ها يعمه ها يعمه
***************
عمي عباس الكمر كافل ضعنكم
ادري بيه ما يبتعد أي لحظه عنكم
هو خيمه وبيه يلتم كل شملكم
ادري بس الموت هو يبعده عنكم
عمي عباس الشهم بيه جان اشكد يهم
ها يعمه ها يعمه
***************
وين قاسم راح كولي وين الأكبر
وينه عبدالله الرضيع كلبي تفطر
بعد ما أحمل خبر من هذا اكثر
دنيا ما بيهه رحم بالعكس تفتر
اشكي للباري القدير ذبحوا ولد الامير
ها يعمه ها يعمه


الشاعر//هادي الساعدي

زينب مو اسيره خذت دور السفيرة
عقدت مؤتمرهه ابهيبتهه وخدرهه
سلطانه واميره
********
اول كلمه منهه حمدت ربهه واثنت
فصاحه وزود تحجي عليهم حرب شنت
جنهه علي الكرار يزيد وربعه ذلت
سهم كلمتهه ورماح بيهم خوف خلت
متهمهه المخاطر منهم ما تحاذر
سلطانه واميره
**********
كد كيدك حجتهه ابد من عدنه متنول
كلمه وحده لترد اسمع مني القول
الظلمك بابه أنسد وعرشك كله ايزول
انت وجيشك اوغاد أخبرك يبن الذيول
ماعندك مراجل جبان وما تقاتل
سلطانه واميره

***********
بفعلتك هايه انت خسرت الدنيا والدين
يظالم تبقى ملعون تلعنك حتى السنين
تموت وكلشي يروح وخالد يبقى الحسين
اكلوب الناس تهواه رسمه وسط كل عين
اغلى أمن النواظر ويانه يبقى حاظر
سلطانه واميره
***********
شمس الله المنيره تمشي اعله الوطيه
منهه أتشع الانوار مثل امهه الزجيه
اخذت دور الحسين وذلت آل اميه
ما طخت ابد رأس ام نفس الابيه
صارت النه عنوان كلهه عزم وإيمان
سلطانه واميره
*******)
تشوف الزود بيهه منهه اتهاب الرجال
ابهمتهه وعزمهه اقوى من الاجبال
رغم كل المئاسي درس انطت للاجيال
من عدهه ايتعلمون صارت مضرب أمثال
معروفة بصبرهه حزن جابت عمرهه
سلطانه واميره



الشاعر //هادي الساعدي

يا بنيني الاربعه

يا بنيني الاربعه كالنجوم الامعه
يمه كحلو العين وناصروه لحسين
يمه يمه
*********.
يمه اريدن كون واحدكم بطل
ايصول صولة حيدره ذاك الفحل
يقبض الأرواح ويحل الأجل
يرعب الكفار لو صال وحمل
وصلوا لجل الدين وناصروه لحسين
يمه يمه
****
اتناصرون حسين ضد المعتدي
وبيكم الأجيال تفخر تقتدي
وبنهجكم تمشي يمه وتهتدي
لبو اليمه اربعتكم افتدي
ومثلي امضحين ناصروه لحسين
يمه يمه
*****
يمه احلفكم يولدي بحيدره
وبحنيني وعيني يمه الساهره
ظهر صيروله وعينه الناضره
اله مو تدرون كلكم ناذره
ارد أوفي الدين ناصروه لحسين
يمه بمه
*****
والله أوفي الفاطمه وهذا نذر
المثل هذا اليوم افنيت العمر
ما اريدن منكم اسمع كل عذر
تقر عيني اخباركم كون وتسر
بجوا حتى البين وناصروه لحسين.
يمه يمه
*******
يمه عد عيناج قريهه العيون
رفعي راسج يمه ام كلب الحنون
و للعهد وفايه للخوه نصون
احنه ولدج ابد منخاف المنون
احنه اله شارين وناصروه لحسين
يمه يمه


الشاعر //هادي الساعدي
07708700988

آه منك يا زمن من محن انا المحن
انا زينب انا زينب
***********
انا صاحبت المصايب يا علي بويه صحت
فاركت اغلى الحبايب بلحظه امي ودعت
والكلب بحزانه ذايب ذبل غصني وماطحت
ودعت اهلي الاطايب واين عن بنتك رحت
زين واشتم الهوه الجرحي ما يرهم دوه
انا زينب انا زينب
***********
احسب أيام وليالي بلوعه خلصت العمر
ياهو يحمل ما جرالي احزان كل لحظه التمر
والوكت لا ما يبالي سلط اعلينه الكفر
بعد عزي وكل دلالي اميسر ه وعند الشمر
اللحظه احسنهه أبسنه ظهري احس بيه انحنه
انا زينب انا زينب
*************
انا والرضعان والهم الخيمه حركوهه علي
النار تسعر بيه تلهم يوم للشام انسبي
وانت بألأيتام تعلم وتدري بالحاله انولي
برجعتك ياخويه تحلم تصيح وينه ما يجي
هذا صوت من الخيم وينه شيال العلم
انا زينب انا زينب
************
يا زمن مو كافي بسك خذت مني كل هلي
بعده أخضر جرح امسك حزني لا ما ينجلي
ليش ماتشرقلي شمسك اتعيد إ خواني الي
قاسي بكلشي احسك اهمومي بيه تعتلي
انظر اهلي مذبحين ولد امير المؤمنين
انا زينب انا زينب
************
هيه كل لحظه بحياتي من قسى بيه الوكت
اتبددت بيهه أمنياتي ياما ياما أتلوعت
قبل لاتدنى وفاتي صرعه إخواني شفت
ادعي الباري بصلاتي كون وياهم متت
ياحزن احمل بعد وراحو الجانو سند
انا زينب انا زينب

الشاعر//هادي الساعدي
07708700988

قصيده إلى علي الأكبر ع

بدر بالحومه ازهر
شبيهه النبي الأكبر
***********

لو طب بالميادين
يخلي أعدائه نصين
كلهه تسئل أمنين
هذا شبل الحسين
وبزوده ايتبختر
**********
يرجز بيهم أيصيح
سمعو منه تصريح
تكوم الزلم وطيح
مثل سعفه ابمهب ريح
منه أعدائه تحذر
*************
كل خطوه الخطاهه
وكل كلمه الحجاهه
بيهه احنه انتباهه
كله جنه طاهه
فعله بينه أثر
************

عينه ماخذت نوم
نسر وبزوده ايحوم
تشرد منه ا لكوم
يصيح انا الكم اليوم
و منكم لابد أثأر
************
يشع بنوره الكون
وتنسر بيه العيون
هيبه وبيه يحجون
شبيهه النبي يشوفون
كلمن شاهده أنسر


الشاعر// هادي الساعدي

حركوا خيمته وينك علمته يا خويه عباس
نيران ألمنه فكدك هظمنه يا خويه عباس
********************
يا خويه انا امدلله وبزودك احجي
تحاميني حتى أمن الهوى لو اذى رمشي
للشام بعدك يا شهم ترضاهه امشي
ووياي العيال لوتدري بالحال يا خويه عباس

******************

أطفال جن عمر الورد ما تحمل الصار
والعطش فطر جم جبد تدريهم ازغار
يا طفل اسكت يا طفل واليا هو اندار
لو صد السهام لو طفي الخيام يا خويه عباس
***************
الدنيا ظلمه ابلا بدر وانت بدرهه
والخطوه تعثر بالجدم تيهت اترهه
وتغيب كل نجمة سمه ابغيبة كمرهه
يا بدر البدور يمنور النور يا خويه عباس
******************
اصفن ورد العشرتي وذيج الأيام
بروحي جم ذكرى تفز وعيوني متنام
شو فني الام الوكت ما ادري اشظام
اذاني وكتي زيدلي ونتي يا خويه عباس
*******************
من كل كتر هجمت على اخيمنه الاعادي
وينك يعياس الكمر يا خويه أنادي
أبسرعة برق تحظر الي كل أعتقادي
يا حامي الضعون يا نور العيون ياخويه عباس


الشاعر//هادي الساعدي

قصيدة زنجيل
رحت عني الولد يبني
وتصب عيني وتصب عيني
********
كثر نوحي والم روحي السدى اعليهه
ونزف دمك وونين امك وبواجيهه
أصبح ابصوت خذاك الموت يواليهه
وكثر وني الولد يبني وتصب عيني
*****************
اصل ادموع واوج اشموع وون ونه
بجيت ابهم ابدمع من دم اصبنه
انفجع كلبي وحق ربي لسلنه
الحزن سلني الولد يبني تصب عيني
****************
سهام الشر عليه تفتر ويصيبنه
دمانه اتسيل وصيح الويل وأجر ونه
شباب وراح بدر من طاح اشوفنه
طحت لني الولد يبني تصب عيني
************
العمر بعده مثل ورده وشمنك
وين اتروح يبعد الروح كمر جنك
ألم فركاك أخذني اوياك وحظننك
اقترب مني الولد يبني وتصب عيني
***********
دموعي اتسيل انهدم كل حيل على فركاك
خذاك الموت وصيح بصوت اريد اوياك
نزف دمك يبعد امك تسلني ادماك
الوكت شلني الولد يبني تصب عيني
***************
العدى صوبين وقساة البين وظلم عدوان
ولهيب الحر اجه العسكر االظمأ عطشان
دمى اجروحه وفدى روحه ابعمق ايمان
الدهر ذبني الولد يبني تصب عيني


الشاعر//هادي الساعدي

قصيده زنجيل او فتحة مجلس

آه يحسين أدير العين
جسمك وين راسك وين
*************
يبن أمي اريد اوياك تأخذني اعله درب الموت
ما اكدر أنه ابلياك مالومه وون ابصوت
ينار التاكل احشايه تلهم كلبي مثل الحوت
يظيم اللي سده اعليه يحزني وجبدي المفتوت
عليه احزان مثل بركان مفجوعه وفجعني البين
*************
يجرحي الينزف ابعدك كل يوم ووكت يدي
يدمعي اليجري بغيابك يفيض ويحفر ابخدي
اجيت ابلهفه لمجانك حزينه وباقيه الوحدي
وعنك تسئل اعيالك شجاوبهم اشبقى عندي
الكلب حيران تظل عنوان على دربك نظل ماشين
*************
صفه وحده ابواليمه جبل شامخ بقى عزمه
بشجاعة وزود قابلهم ياهو ابموقفه وحلمه
تلملم جيش ابن ازياد ألوف امحشده زلمه
نادى وصاح ياظلام يزيد اشرايد ابظلمه
اخوي الزين بجى البين بجاهه العدى صوبين
**********
الحزن صوب سهامه ولاح كلبي وفتت أحشايه
من عباس كفلني وراح صوب الماي اله غايه
وصل جفه الذيذ الماي تألم ما شرب مايه
وسفه وبالغدر صابوه وطاح الجود والرايه
رغم اعداي جاب الماي ويخويه نادى لاتبجين
************
مصابك لا فلا صاير وابد مثله بعد ميصير
إجت ارواحنه ابلهفه كبل خطوة جدمنه اتسير
كلبنه ينزف اصوابه وابذكرك عقلنه ايحير
درس يزهي ابمعانيه واضح كالشمس وينير
يغصن البان تظل برهان يمثبت أصول الدين


الشاعر//هادي الساعدي

هوسات إلى الإمام علي ع

اصفن ورد انوب افكر بيك وشتاك
ما بيه احمل بعد هزتني الك الأشواك
ما خاب كلمن نهل حب الولايه وضاك

( ولهانه كل روحي ابحبكم)

********
الك فدوه عمامي وكل هلي والناس
وحبك ياعلي للجنه أهو ألمقياس
يل ماخذ عقلنه ياعلي النبراس
(والجنه ابحبك مضمونه )

*****
من والاك حيدر فايز وما خاب
يوكف بالشدايد علي داحي الباب
علي واسمك يلمنه ويجمع الأحباب
(و والينه حيدر وأولاده )

******

الدنيا ابلا علي ما تسوه فلسين
ابو الحملات هو وهوحامي الدين
عشكناه ونظل ابدربه متمسكين
( ومن الشر حبك نجانه )


الشاعر// هادي الساعدي

هوسات إلى الإمام علي ع

هلا بعيد الغدير الناس فرحانه
وملائكة السمه فرحانه ويانه
كل واحد نساهه اهمومه وحزانه

( ومعيد هليله اويانه )

****

اسمعو يا بشر من عندي الحجايه
من بعدي علي الكل تأخذ ابرايه
اعلنهه النبي والكل درى ابهايه

واحنه بيه متمسكين
ما نترك ابو الحسنين
الما والاه عاف الدين
(واليناه واليناه حيدر هو نور العين

*****

يا تاريخ احجي للبشر عنه
الطيبه والسخاء اتعلمن منه
الشجاعه اتلمذت هل تاخذ ابفنه

هو استاذ بالميدان
ترجف منه الفرسان
ينضح غيره كله إيمان
(من سيفه ترجف عدوانه )




الشاعر //هادي الساعدي

علي يا علي

نفس واحد محمد وي ابو حسين
روحه البين جنبه وحامل الواه
. وزيره ونصبه تاج اعله كل راس
واله وتشهد بهايه صحبه واعداه
.بخآ يا علي مولى وامير اتصير
أمير المؤمنين اشكبر معناه
.أمير اعله الكلب وكلبك الدين
بفروعه وأصوله بكلشي شفناه
يكفي امنل فضائل حامي الجار
وبيوم التآخي النبي اخاه
ومن العامري اتجاسر القول
فتى حيدر برزله بسيفه كبره
كرار المعارك لو اجه السيل
وياهو ايصد علي ياهو ايتلكاه
حاير بيش اوصفه كله إعجاز
اذا خيبر وحصنه بجفه قلعاه
ما بالغ ولكن همه كالو ليث
في وقت النزال الموت يمناه
ونفس يمناه هيه اتغذي الأيتام
وتتحول رغيف وتمسح الآه

الشاعر/ هادي الساعدي

زهيري
تكبل اكلك هلا وي الهلا مرحبا
انا الموالي علي هذا الشطر مرحبا
اكسر ظهر كل اثم والشر جزا ومر حبا
استاذي حيدر علي وانا بفخر طالبه
علمني الحق يرد مادام اله طالبه
لا بد يرد الهله مهما الوكت طال به
وكل البشر تعترف بالحق هلا ومرحبا
***
علي كفه وبقيةالناس كفه
ثلث تنعام منه وحيل كفه
بكف طه النبي مرفوع كفه
امير اعلل بشر حامي الحميه

الشاعر // هادي الساعدي

علي يا علي

لا تعتقد تنتهي قصتي ويه العشك
مادام بيه نبض وبجسمي دم يسري
اتنفس اناعشك مثل الهوى أشتمه
اعلنهه دوم بفخر للما درى ويدري
عندي العشك معتقد وبكلشي اضحيله
طاهر نقي يا بشر عندي العشك عذري
من زغري عاشك علي حد الجنون اهواه
بالفطره حبك نمى ويايه من زغري
اكبر وحبك كبر يوميه بيه ايزيد
عن عمري لو انسئل يعني انت كل عمري

الشاعر //هادي الساعدي

أفراح
أمامي حيدر الكرار
امامي الكون بيه احتار
*******
امامي واضح ومعروف
امامي خله بيهم خوف
امامي الكعبه بيه اطوف
امامي حير الافكار
امامي حيدر الكرار
*************
امامي أسمه داحي الباب
امامي هازم الأحزاب
امامي طاهر الانساب
. امامي وصي للمختار
***********
امامي ناصر الإسلام
امامي عينه ابد متنام
امامي ابو للأيتام
امامي قدوة الأبرار
***********
امامي كرمه ربه
امامي انولد بالكعبه
امامي اشكد حلو دربه
امامي تحلى اله الأسعار
*************
امامي والد الحسنين
امامي نور هاي العين
امامي ضحى لجل الدين
امامي قاتل الاشرار
***********
امامي جنة الجنه
امامي ابقه احبنه
امامي ما أزل عنه
امامي والد الأطهار


. الشاعر/هادي الساعدي

أفراح
يا هو باء البسمله حيدر علي
واغلى من كل المله حيدر علي
هو حيدر والنعم من كالهه.
*********- -
انا عاشك حيدره حد الجنون
هو ساكن بالكلب وسط العيون
يا شفيعي بدنيتي وبعد المنون
كل حزن بيه انجله حيدر علي
واغلى من كل المله حيدر علي
**********
انا من دون الولي تايه اظل
هو دنياي وحياتي اجمل أمل
اشلون ماحب حيدره خير العمل
أليحل كل معضله حيدر علي

**************
الحمد لله واشكر الباري الجليل
لو اقدمله حياتي هم قليل
مثل طاهه المصطفى كله جميل
غير حبه ما حله حيدر علي .
اغلى من كل المله حيدر علي
هو حيدر والنعم من كالهه
*************
اليوم آخاه النبي طاهه الحبيب
ابأمر من رب العلى العالي المجيب
الهل الأمر كل البشر لازم تجيب
مو بكيفه المسأله حيدر علي
اغلى من كل المله حيدر علي
هو حيدر والنعم من كالهه
**************
رفع ايده المصطفى والكل تشوف
كلهه مجتمعه ومتحشده الصفوف
وخطب بيهم طاهه ابأجمل حروف
الدين بعدي كافله حيدر علي
وأغلى من كل المله حيدر علي
هو حيدر والنعم من كالهه

الشاعر//هادي الساعدي

يل ولد نام عمرك ايام
دللولك سهم حز يبني نحرك
ياغصن الورد ذبحولي عمرك
يل ولد نام يل ولد نام
*********
هذا نحرك يبني لا مو للسهام
بلهفه ابوك ايقبله بشوك وغرام
انت عنوان البراءه والسلام
يبني طفوا شمعتك اهل الظلام
ايغظيهم يبني ضواك
حرمله ابنبله رماك
امننحر سالت دماك
ريت نحري صوبوه كبل لا نحرك رموه
يل ولد نام يل ولد نام.
**********
انت من الباري إلى أجمل هديه
امحسبه وياك العمر يخلص سويه
ابساع مني اتفرهدت من بين اديه
ابيا ذنب ذبحوك ظلام آل اميه
وشربت كاس المنون
ونفطر كلبي الحنون
وشابحه اعليك العيون

يا عيون امك تعال نام بحضان الدلال
يل ولد نام يل ولد نام
*******
مو سهم يرمونك ابطعم المماة
انت لازم ترتوي ماي الحياة
صوبوك ابكل حقدهم هلطغاة
بينو بفعالهم أشقى الشقاة.
مات بيهم كل ضمير
ذبحو الطفل الصغير
شكوى ارفع للقدير
يا إلهي يا مجيب فاكده اغلى حبيب
. يل ولد نام يل ولد نام
**********
جان كل ضني اشبعنك حنان
انعيش انا اوياك بالحب والامان
فرهدوك بسرعه مني ابهل مكان
أحداث قصتك تنروي في كل زمان
كربله والطف شهود
اتجاوزو كل الحدود
ذبلو أجمل ورود
ابقى اون وبجي عليك بعمري وبكلشي افتديك
يل ولد نام يل ولد نام
**********
حلمي ذبحوه والحياه صارت دمار
انا ميته اوياك احجي بأختصار
ابغيابك يبني كل لحظه احتظار
الهسه ما صدك يذبحون النهار
يا شمس روحي وضواي
وبلسم اجروحي ودواي
تدري بيه انت هواي
ما اعيش ابلا هواك رخصت عمري فداك
يل ولد نام يل ولد نام


الشاعر//هادي الساعدي