لا تجامل احجيهه وعلنهه بصراحه
لا تجامل من كسر ضلع الوديعه
لا تجامل لا تجامل
*******؟***************


ليش تخفيهه الحقيقه يا موالي كافي سكته
يروي التاريخ النه عن صخابي وعن فعلته
كوم ورفعهه الظلامه البعض كاتلني صمته
من غصب حق الوديعه كشف عن غدره وجرأته
لا تجاهل ابد حقج ما نبيعه
لا تجامل من كسر ضلع الوديعه
لاتجامل لا تجامل
*******************

جم سنه والشيعه تصرخ والدمع ويانه لاطم
بكل سنه ذكرى وفاتج انقيمهه وننصب مئاتم
للغصب ة حقج نفضحه نكولهه ونعلنهه ظالم
شاعر ومله يردد يا لثاراتج يفاطم
لا تساهل هل الأمر للكل نذيعه
لا تجامل من كسر ضلع الوديعه
لا تجامل لا تجامل

***********************

عل حرامي الشمس تطلع لا تظن ما ينكشف
اشما يزور بالوثائق امبين وهم ينعرف
الما مشى بقوال طه وعن مساره منحرف
هذا منحسبه صحابي واله ما نذكر حرف
لا تنازل ولأمركم بس نطيعه
لا تجامل من كسر ضلع الوديعه
لا تجامل لا تجامل

*****************
بت محمد وبخصاله تشبهه في كل صفاته
ليلهه تخلصه عباده مثل ابيهه في صلاته
أم ابيها وصفاهه طه أعلن في حياته
ما رعوهه الكوم بعده استعجلو لحظة وفاته
لا تجادل حرفوا بعده الشريعه
لا تجامل من كسر ضلع الوديعه
لا تجامل لا تجامل

*****************

الما درى بهذا نعذره انكله هسه احنه نخبرك
راجع التاريخ واقرا وببدك انت قرر امرك
كلشي باجر ما ينفعك والمحمد شنهو عذرك
من يسئلك عل وديعه ليش ضدهه آفنيت عمرك
ها يعاذل ابيا سبب وبيا ذريعه
لا تجامل من كسر ضلع الوديعه
لا تجامل لا تجامل

الشاعر // هادي الساعدي

الشاعر هادي الساعدي شم علي
من Snaptube
https://getsnap.link/Smp9QRUGbBm

ابوذيات للشهداء

عدم ايامي من بعده املهن
وشكللهن خواته راح آملن
ابوهن جان مو بس أخ أم الهن
ومنهن باكته غفله المنيه
************
الجبل لجله ينوح انهدم حيله
ما لاكوه من كتلوه حيله
يأم الزبن ابنج واين حي لا
ينشدوني وتطب بيه المنيه
************
علي من طاح طاح حسين يمه
وجف دمع العيون ونشف يمه
ون كلبي عليهم صاح يمه
مثل اطيور طرتوا من اديه

الشاعر //هادي الساعدي

نعي
جم صرخة حبيبه تصيح لا ترحل
وجم اب انفجع بموت ابنه انشل
وجم ام الكلب من عدهه ذاب انسل
يوميه ايتكرر نفسه المقتل

بارضنه الموت بالجمله البشر طشار
انخلط دمنه ولحمنه ازغار وي اكبار
بقت بس الصور متعلكه وتذكار
لا برد وسلام ولا طفت كل نار
هم زين العقل يا ناس ما اختل

عفيه الموت من عدنه ابد ما مل
يوميه العدد يزداد لا ما قل
ياخذ بينه جمله وكل شبر يندل
يختار ابولدنه الزين والاجمل

#الشاعر هادي الساعدي

يمشي مع المشايه ويلطم بكل اقرايه
وينادي جداه
ما فاركه لحظه الحزن عل مات مسموم بسجن
وينادي جداه
****************
لو تدري بيه ابيا وضع ما فارك اخدوده الدمع
بلل لحيته
مجروح من كسر الضلع وغدر الصحابه والربع
همه وأذيته
يا ناس اسمعوا يا جمع يحظر عزانه ويستمع
والزهره وياه

**************
بعد الظهر بعد الظهر يحظر يجي يم الجسر
وينصب عزيه
نيرانه تسعر كالجمر وي حسرته حسره نجر
لبن الزجيه
وبكل زمان وكل عصر اعيون الموالي دم تدر
ويعزي مولاه
************
اجروح الامام المنتظر ألهه يون حتى الحجر
محد حملهن
منهن جرح جف الكمر وجروح مذبوح النحر
باقي اثرهن
وجرح الذي محد حظر ابموتته وشاع الخبر
يا غريباه
***********
ابهاي المجالس يفتخر كلهه وعي تغذي الفكر
بالحب والأيمان
وهناك في يوم الحشر ايوقع وينطيك الأجر
واليضد خسران
الرادود واليكتب شعر وأليلطم ودمعه يدر
لا لا مينساه
**************
بكل خطوه ونكلة جدم شد حيلك وشد العزم
للكاظميه
وابعث رساله الكل خصم كل طاغي ترفض كل ظلم
الحد المنيه
سلمن لمن الهم سلم آل النبي واهل العلم
حبهم يمحلاه


الشاعر //هادي الساعدي
2018/2/8

انضر الشباجك اطوفه الوف
تناجي ربهه تحت قبتك من تطوف
اكلوب تتهافت الك وينه الضدك هلك
انظر الشباجك اطوفه الالوف
****************
الكوخ اتحول قبب وين القصور
وين اهل الباطل التطغي وتجور
العاشوا ابنشوة ظلمهم في سرور
تجاوزا كل الحدود ومارسوا كل القيود
وضدك ابفعالهه اتحوك وتروف
انضر الشباجك اطوفه الوف
************
اكلوب تقطر دم تنوح اكلوبنه
يبن طاهه المصطفى ومحبوبنه
يا شفيع وألنه تمحي اذنوبنه
توكف النه بالحساب الضدك ابويل وعذاب
والجهنم راح بعيونه يشوف
***************
الغيوم اتزول ما تحجب شمس
وانت شمسك ساطعه انوار وقبس
اتعيش وسط الروح بالدم بالنفس
انت نبضات الكلب لليضد نعلن حرب
وكلنه بايد المهدي رايات وسيوف
************
وين صار الطاغي ذاك الا رشيد
القييد اجفوفك يمولاي بحديد
اثر واحد ما اله وهذا اكيد
هو وجداده بزوال اثر ما الهم محال
ومن فعلهم تشمئز حتى الحتوف
**************
صحن كبتك روضه من روض الجنان
بيه نشعر بالمحبه و بالأمان
والمناره شامخه في كل زمان
وهمه واين اعروشهم والخدم وجيوشهم
القيدوا بغلالهم اشرف جفوف
انضر الشباجك اطوفه الوف

الشاعر // هادي الساعدي

اعرف بذهنك سؤال صبره ايهد الجبال
كاظم الغيض بصبره يفيض
والصبر سيد الخصال
****************
اتريد تعرفهه الحقيقه وتوصل الهه
الخطوه خليهه اعله دربه ولا تزلهه
ولو تريد العزه ونفسك تجلهه
اخذ من موسى الدروس
يغذي ايمان النفوس
عل ظلم صبره يدوس
وامشي دربه وعيش حبه
ترتقي نحو الكمال
************
حول الزنزانه محراب وصلاه
سهم صبره صوب كلوب الطغاه
يلي مثلي تحبه وشاري هواه
سيل وجدانك دموع
ونحني مثل الضلوع
وشتعل مثل الشموع
اتعنه زوره الهسه نوره
يشع انوار وجلال
*************
يا قيود اتحدى وهو الحدود
وباسمه يتبارك ويتباهى الوجود
الصائم القائم الخاشع بالسجود
حتى سجانه خشع
الدعائه من سمع
وللسمه ايده رفع
يناجي ربه خشع كلبه
صار اله قدوه ومثال
***********
يا موالي اعرف تحبه صحيح
من يجي طاري اسمه دمعاتك تطيح
وكلبك اينوح بعذاباته وجريح
و بيه متمسك تظل
موسى ابن خير العمل
حبه اليوم الاجل
جده طاهه بيه تباهه
بحبه الجنه تنال
والصبر سيد الخصال


الشاعر //هادي الساعدي

اطوفه املاك وبشر ضريحك
*************
جنة الله بيه نشاهد من نطب نزورك
انادي يا موسى بن جعفر احتمينه بسورك
نور ويضوي الدربنه بيه نشاهد نورك
ضريحك نور وينور البصر
ضريحك اطوفه املاك وبشر
***************
الكوخ اتحول مناره بالعشك مرفوعه
بالذهب والماس تلمع بالكلب مطبوعه
نفتخر بيهه نتباهى وكلمتك مسموعه
ضريحك بيه نلوذ امنلخطر
ضريحك اطوفه املام وبشر
**************
اهمومنه تنزال كلهه من نجي ونشكيلك
اسرارنه نكشفهه يمك وبصدق نحجيلك
ويمك انقر بذنبنه يا شفيع ادخيلك
ضريحك كلمن يشوفه انبهر
ضريحك اطوفه املاك وبشر
*************
افئدة ناس التحبك وقعت بدماهه
تجي مشايه وتزورك صادقه بممشاهه
وانت بحبابك ترحب ابد ما تنساهه
ضريحك للملئ ايه وفخر
ضريحك اطوفه املاك وبشر
*****************
يابن جعفر ما نعوفك نقسم بمهدينه
لا وحق ضلع الزجيه الثار ما ناسينه
بني العباس واميه وكل ظلم ذلينه
ضريحك يبقى عالي بكل دهر
ضريحك اطوفه املاك وبشر



الشاعر//هادي الساعدي

نعي على الامام الكاظم ع

من سجن السجن خلص حياته
وابد ما شاف راحه الحد مماته
بمسجد جده وكطعوا صلاته
بأمر مم اللعين امقيد اخذوه

السجن البصره والشرطه تحف بيه
ومحد يمه ومحد يحاجيه
يدعي ربه يصلي ويناجيه
بس يعبد الباري بلهفه شافوه

تنام اعيونهم وعيونه متنام
عليه اتسلطت اشرار ظلام
بسجن عيس بقى يعاني الالام
السجن الفضل انوبه نقلوه

تصب عيونه دمعات من دم
على الكاظم من حكنه انتألم
اخذ منه الصبر صبره وتعلم
وذل بصبره كل الذي غاضوه

يويلي والف يا ويل اعله هل حال
لبو ابراهيم حزن الكلب موال
على الخدين دمع المحب سال
ولف لعنه اعلل الذي ظلموه

بسجن السندي عانى وياما قاسه
وسفه اشلون جف الرجس جاسه
وعليه منعو تشوفه حتى ناسه
بسبع رطبات والله انوب سموه

ابو ابراهيم مات بسجن مسموم
بصدره اشكد حزن وآهات وهموم
خلص عمره غريب ومات مظلوم
وحبابه ويه الرضا يا خلك دفنوه

الشاعر // هادي الساعدي

من ازورك تحضن الشباج روحي
من ازورك انسى كل همي وجروحي
انت سر الجاذبيه يا ابن خير البريه
بصدري أشيلنك حرز
************* .
امنلمهد كلبي سكنته ينبض ابأسمك عشك
مالك احساسي وحياتي لحظه ما ودي افترك
سيدي ومن ما ازورك مثل غركان اختنك .
ومثل نار الخيم روحي و المصابك تحترك
بكل ثواني اتمر عليه يبن حيدر والزجيه
بصدري اشيلنك حرز
*********** .
مو عشك عابر محبتك لاهي صدفه ولاهو طيش
والشماته حقد تسئل سر محبتك هذا ليش
ما دروا انت هوايه بغير حبك ما أعيش
ولضريحك زاير امشي لو وكف اكبالي جيش
اتعنه صوب الكاظميه وما اخاف امنل منيه
بصدري اشيلنك حرز
*************
رحمة الباري وضيائه معدن الحب والصبر
ما عفت ال النبوه الحمد لله والشكر
سيدي يا ابن جعفر بخدمتك انا افتخر
يا ملاذ الكل موالي تشفع بيوم الحشر
نضره من عندك اليه ادعي ربي بكل مسيه
بصدري اشيلنك حرز
************
اليحب لازم يضحي علمتني هل درس
يلي ضحيت بحياتك من دروسك أقتبس
بس طريق الحق اتبعه الظلمه ما تخفي الشمس وعلمتني الصبر قوه واترك اهواء النفس
والظلم والجاهليه ما تأثر هيه بيه
بصدري اشيلنك حرز
***********
سيدي لمن ازورك عن قناعه وعن وعي
بيك اغذيهه العقيده ملهمي انت ومرجعي
من اطيح بشده اندبك والنعم توكف معي
وبمصابك حقي الطم وحزن ينزل مدمعي
يبن حماي الحميه بالسجن شفت الاذيه
بصدري اشيلنك حرز



الشاعر //هادي الساعدي

بيك انطوت هاي الارض ياعلي ابن موسى الرضا
لمن حظرته
كفنت بيدك والدك وعل وجن تنزل دمعتك
بيدك دفنته
**************

بطاموره وحده بلا ضوه منعو عليه حتى الهوه
رادو ا اذيته
والطاغي بظلمه انجوه الخسران والذله حوه
ظالم هويته
نتبره من عنده نعم وكل طاغيه الكم ظلم
هو وزمرته
****************
الا رشيد وزمرته امقيد امامي جابته
من المدينه

وانت ادرى بيه وبحالته كل الطغاه ما رعبته
بصبره اقتدينه
من عنده اخذنه جم درس بالروح نفديه بالنفس
ما ننسه ونته
************
مسموم من مات بسجن حزنت عليه حتى المدن
ظل تنزف احساس
وغسلته بدموع الحزن وتراقبك عين الأمن
يا صفوة الناس
ميت ابن خير البشر يلطم عليه كلمن نظر
زادتله ونته
********
مسموم ابوك ابيا ذنب وتحاوطه الناس الغرب
والأهل غياب
الموقف يبن طاهه صعب من اندفن جوى الترب
وتودعه الاحباب
يا ألم تتحمل بعد مدفون وحده بهل البلد
وودعته سكته
***********
عل الدنيا من بعده العفه نوره يشع ما اختفه
بكل الازمان
الكل عله اسمه اصبح شفه والحاربه وينه اختفه
ما ظله عنوان
وموسى ابن جعفر كالشمس بزيارته انسر النفس
محلاهه كبته



الشاعر//هادي الساعدي

افراح
حيدر ياعلي حيدر
امنصب ولي حيدر
ا أبأمر العلي حيدر
حيدر ياعلي حيدر
**********
امامي وشافعي حيدر
يادنيا اسمعي حيدر
فوك امنل ثره حيدر
دنيا واخره حيدر
بكل شده الي حيدر
حيدر ياعلي حيدر
***********
من بعد النبي حيدر
بس هو وصي حيدر
واضح هل امر حيدر
رغم اهل الكفر حيدر
ناسي وكل هلي حيدر
حيدر يا علي حيدر
************
اعلنهه بفخر حيدر
اغلى امنل نظر حيدر
واهواه بفكر حيدر
ما عوفه نذر حيدر
رغم العاذلي حيدر
حيدر يا علي حيدر
*************

بكل شده وخطر حيدر
ميعوف البشر حيدر
من نهره اغترف حيدر
وبحبه اعترف حيدر
حبه ازلي حيدر
حيدر يا علي حيدر
***************
حماي الحمه حيدر
وبكل موزمه حيدر
لو صاح ودعه حيدر
وسيفه يرفعه حيدر
الساحه تختلي حيدر
حيدر يا علي حيدر
*************
يزئر كالاسد حيدر
ميهمه العدد حيدر
في سوح الحرب حيدر
بزوده من يطب حيدر
اعدائه تبتلي حيدر
حيدر يا علي حيدر


الشاعر // هادي الساعدي

زهيري
تكبل اكلك هلا وي الهلا مرحبا
انا الموالي علي هذا الشطر مرحبا
اكسر ظهر كل اثم والشر جزا ومر حبا
استاذي حيدر علي وانا بفخر طالبه
علمني الحق يرد مادام اله طالبه
لا بد يرد الهله مهما الوكت طال به
وكل البشر تعترف بالحق هلا ومرحبا
***
علي كفه وبقيةالناس كفه
ثلث تنعام منه وحيل كفه
بكف طه النبي مرفوع كفه
امير اعلل بشر حامي الحميه

الشاعر // هادي الساعدي