لبست الشيعه السواد على امصابك يا جواد
وآ أماماه واماماه
****************
بعده جرح الوالد وجرح الحسين
أخضر وينزف ألم طول السنين
لو حديد اكلوبنه ابفكدك تلين
الكون ينعاك الفلك لاطم حزين
وا أماماه وا أماماه
****************
مثل عمر الورد عمرك يا شباب
ذبلوهه أغصانك أبسم الشراب
أبأمر من المعتصم اصدر كتاب
ارد أشوفه مندفن تحت التراب
وا اماماه وا أماماه
*****************



من اعالي القصر كالوا ينشمر
انجمعت الشيعه ورفضت هل الامر
ارواحنه دونه ونقدمله العمر
هذا موقفنه اسمعوا ياكفر
وا أماماه وا أماماه
******************
مثل جده حسين مات وماندفن
باقي ثلث ايام ويلي ابلا كفن
شنهو ذنبه أسئلك آه يا زمن
حتى نسمات الهوى لجله بجن
وا أماماه وا أماماه
*******************
ياجواد الأمه باقي بالكلب
ابامر طاهه احنه ألكم نحب
وأليحاربكم عليه نعلن حرب
لجلك أعيون الموالي دم تصب
وا اماماه وا اماماه
*******************
شمعه لجلك نحترك بين الرسول
أنواسي طاهه اليوم ونواسي البتول
سمك الظالم وافكار الجهول
يا أ مامي حيرت لب العقول
وا اماماه وا اماماه


الشاعر //هادي الساعدي

يا مؤمن اسمع وتكلم من زينب لازم تتعلم
معنى الايمان صبر وعنوان
من زينب لا زم تتعلم
***********************
لازم تدرس قصة زينب وتأمل زين
أحفظ سيرتهه وأتمعن لتغظ العين
من اول لحظه ألاخرهه ضحت لحسين
أم الاحزان صبر وعنوان
من زينب لازم تتعلم
***********************
رفعة رايات الحريه ما خافت يوم
لا ذلت ساعه ولاخضعت واضح معلوم
اخذت من حيدر قوتهه زالت الغيوم
رغم الاشجان صبر وعنوان
من زينب لازم تتعلم
*********************
حفرت في وجدان المؤمن أخلاص وزود
وأليخلص نيته ويه الباري ذكراى موجود
ياموسوعة زود و همه متحدهه احدود
رغم الطغيان صبر وعنوان
من زينب لازم تتعلم




2
زينب مو بس آه ودمعه عاشت بألام
يا هو اليتحمل قصتهه وفعل الظلام
عطشانه اطفال اتسكتهم يا عين اتنام
واقع انسان صبر وعنوان
من زينب لازم تتعلم
*********************
الغيره العدهه ما تتوصف غيرة عباس
يا هو اليوصل يم عفتهه شمس ونبراس
ذلتهم يا هو اليوصلهه بجت الارجاس
هاك البرهان صبر وعنوان
من زينب لازم تتعلم


الشاعر //هادي الساعدي

هوسات الى الامام الحسين
وابوالفضل العباس

على دربك امامي نمشي للموت
نحجيهه بصراحه بعالي الصوت
على حبك ننادي نحيا ونموت
(ايكطعونه ونصيح حسين )
*******
سفينه للنجاة حسين عنوانه
اصول الدين ثبت ثبت اركانه
الشاهد والدليل الهسه برهانه
(حاربنه الظالم واعوانه )
*******
اليمشي اعله دربك يضمن الجنه
وتشفعله اكيد الدمعه والونه
توكف بالحشر متعوفه ابمحنه
( ومضمونه الجنه الأحبابك)
******


هوسات الى الامام العباس (ع)

اليطيح بشده بس يندب العباس
اذا صادق بنيته وصادق الاحساس
يحلفه بغيرته ويصيح يا نوماس
(مكضيه الشده ومحلوله)
****
شهم عباس ماخذ زوده من حيدر
زلزال اعله العدى بر كان يتفجر
فرسان ابضربته وذر تتوذر
(وتخاف اعدائه ومذهوله )

**** .
من عباس اخذهه ادروس وتعلم
اخذ منه الشجاعه ابزوده اتكلم
ظل امشي اعله دربه ولا تهم ابهم
((معناهه عباس الغيره))
****

مثل للخوه وصرت عنوانها
وفارس الحومه وبطل ميدانها
يبو فاضل ياكمر ياكمر
**********************
من تطب للمعركه اتصيح انا هاذ
ما أصافح للظلم جفي معاذ
حسين اخوك وقائدك خير ملاذ
للسفينه اشراعها وربانها
يبو فاضل يا كمر ياكمر
**********************
جسديت الخوه وانطيت الدليل
انطين جفين وكلت هذا قليل
والسهم نص عينك ودمك يسيل
تضحياتك يا شهم برهانها
يبو فاضل ياكمر يا كمر
**********************
السيف بيدك منه يرجف حرمله
ضربه من يمناك موت وزلزله
جيشهم وحدك ابزود اتنازله
ومنك تعيش ابر عب فرسانها
يبو فاضل يا كمر ياكمر



2

كل صفات المرتضى شفناهه بيك
امنيتنه انقبل احنه اثنين اديك
نرثي اجفوف الوفه ونبجي عليك
لئن ذليت العدا واعوانها
يبو فاضل يا كمر يا كمر
**********************
حقهه هاي الروح شي تتبع هواك
يا بدر للحين بينه ايشع ضواك
ريت كل احنه يبو فاضل فداك
الشيعه لجلك ما تبطل احزانها
يبو فاضل يا كمر يا كمر



الشاعر // هادي الساعدي

يل تخدم حسين صفي نيتك وخدمه
حافظ على الدين نهجه لازم تفهمه
يل تخدم حسين
****************
حسين لا مو بس شعارات ولطم
حسين ثوره تفجرت ضد الظلم
أخذ منه المنهج واخذ العلم
وكل مبادئ ثورته ألهه ملم
يل تخدم حسين
******************
الخدمه لله صافيه من كل رياء
عل نوايا مطلع رب السماء
حصل اجرك لاتحصل بس عناء
وللخدم خادم ورخصهه الدماء
يل تخدم حسين
******************
حسين رخص دمه من اجل الصلاه
كون تاخذ نهجه و تمشي وراه
احسن افعالك اذا رايد فداه
حسين بأهله وصحبته الدين اشتراه
يل تخدم حسين


2


بالمظاهر كون ما تنغر أبد
اليجتهد بالخير من جد وجد
حلو درب حسين أحلى امن الشهد
خير صاحب ألك بالدنيا وسند
يل تخدم حسين
*****************
حمزه لمن يقرا با خلاص وضمير
بحب ابو اليمه لئن اصبح اسير
عل المنابر صار مو خادم امير
وبالكرامه غني اصبح مو فقير
يل تخدم حسين
*****************
الفكره من الخدمه انقدم الولاء
انواسي طاهه وحيدره بهذا العزاء
الخدمه رحمه وتربيه ودين وعطاء
وهيه نور الوجه بالظلمه ضياء
يل تخدم حسين
*****************


الشاعر //هادي الساعدي

ابوذيات الى الامام علي (ع)بمناسبة عيد الغدير


علي الكل عله شافي طب بعينه
وعهد بكلوبنه اسمه طب بعينه
اليكلك علي رابع طب بعينه
علي الاول يراجعهه الوصيه
*********************

قصه الرسل كلهه وقصه طاهه
حتى نظراته اعله ناسه قصطاهه
راس الفتنه بايده قصه طاهه
ما خله ا لرساله ابلا وصيه

*****************

محبوبي علي المرتضى ولفي
زادي ومبتغاي الشمس والفي
الوذ بحضرة الكرار ولفي
اذا دار الوكت واهله عليه


الشاعر//هادي الساعدي

ياهو محبوبي علي
نور لدروبي علي
**

عل ملئ اعلن احبه
اتمنه اعيش العمر قربه
لو جمر امشي اعله دربه
خله يفهم عاذلي
نور لدروبي علي
*****************
واين ما انظر اشوفه
حلم يردون انا اعوفه
فدوه اروح انا الحروفه
أعز من ناسي وهلي
نور لدروبي علي
*****************
شمس مشرق ما يغيب
سكن روحي اغلى حبيب
بلسم الجرحي وطبيب
الجنه هو واملي
نور لدروبي علي
****************
ابقه احبه ابلا حدود
سر حياتي والوجود
عهد اوفيله العهود
جاوبت كل سائلي
نور لدروبي علي
******************
بروحي ساكن والعيون
كلشي الي حيدر يكون
لئن اهواه ابجنون
ابحبه افوز وأعتلي

الشاعر //هادي الساعدي

علم دمعة رقيه خزت آل اميه
دمعة عزه واباء فضحت بيهه الاعداء

****************
اشهد يا زمن عن ذيج الارجاس
وحجي بكل صراحه وخبر الناس
عن طفله بريئه ورده كالياس
عليهه اتجاسرو لاذمه واحساس

طبعهم همه انذال شاهد واقع الحال
معروفين الاسماء فضحت بيهه الاعداء
علم دمعة رقيه
*************
دمعه الهه العرش اهتز والاكوان
تمثل العدل هيه وكلهه ايمان
عليهه الصخر يبجي اشلون الانسان
و تتجدد مواجع حزنه الوان

مثل احزان يعقوب جرعنه الحزن مشروب
مثل ما نشرب الماء فضحت بيهه الاعداء
علم دمعة رقيه
*****************
اكو دمعة مذله اتوطي الراس
واكو دمعة شموخ ابلايا مقياس
عطر دمعتهه جوري اتشمه الانفاس
على طول الوكت تبقه النه نبراس

ناخذ منهه الدروس دمعه اتغذي النفوس
من كل عله وداء فصخت بيهه الاعداء
علم دمعة رقيه
*****************
كل قطره تجسد واقعه الحال
وتعري الطغاه وتشهد انذال
لذلك كل موالي دمعه ينسال
على اخدوده يصب لو كلبه اجبال

لئن ادموعهه اتسيل تهد الروح والحيل
تعني للظلم لاء فضحت بيهه الاعداء




الشاعر // هادي الساعدي

علي الاكبر بدر ازهر بالحومه يشع انوار
مثل حيدر أسد يزئر تعرف صولته الاشرار
******************
نهد الحيل ودمعنه ايسيل مثل زخ المطر ينزل
حزنه اعليه ونظل نرثيه وعزانه دائم ومنمل
ابدمع وبأه عهد والله يظل بكل كلب تذكار
مثل حيدر أسد يزئر تعرف صولته الاشرار
******************
نظل للموت نصيح ابصوت ابد والله فلا ننساه
عطر ويفوح سكن بالروح متوسط الكلب نهواه
يظل غالي وأله انوالي وموالين ابو الاحرار
********************
ابوه حسين حامي لدين مشه ابنهجه واخذ دربه
صاح الويل الزلم والخيل خافت توصل بقربه
سل سيفه واخذ حيفه وسوه ضجه بالعسكر

*******************
نزف دمه لبو اليمه راد ايناصر احسينه
وكع دامي وبقى ضامي رخص كلشي ألدينه
مثل جده اخذ عهده شبيه المصطفى المختار
******************
علي شافوه بطل يدروه نفس همته ونفس زوده
اخذ ونه الكرب منه ركبته منه محصوده
شهم لو صال غضب زلزال يخليهه الزلم طشار


الشاعر// هادي الساعدي

امودعين وداعة الله صوت من زينب اختكم
يا حياتي وعمري كله ريت من عمري العمركم

**********************
اخر الكلمات مني انا اختك بنت ابوهه
اتهز ضمير الكون كله اخيامي بالنار اشعلوهه
ماادنك راسي للذل اتورطو اختك سبوهه

ابهيبه أمشي وبكرامه وجذب لو كالوا نستكم
يا حياتي وعمري كله ريت من عمري العمركم

******************
على عرش الصبر اميره ابمملكة زود وشجاعه
وابن هنده بقصره اذله و كشفت زيفه وقناعه
النساء الحره ضربوا حتى طفل البلرضاعه

صوبوه ابسهم غلهم لئن طاهر من نسلكم
يا حياتي وعمري كله ريت من عمري العمركم
********************
رغم حزن الكون بيه عيني تبقه يم رقيه
وحق اسمك يا حياتي يا شهيد الغاصريه
لو اموتن الف موته فدوه الك يبن الزجيه

وفدوه ألعباس اروحن وريت بعيوني انا اظمكم
يا حياتي وعمري كله ريت من عمي العمركم
********************



يا ضوه اعيوني ونظرهه اشلون ابقه ابلا عيوني
كلشي معتم صار عندي ريت بحلامي تجوني
ابدونكم اغصاني ذبلت وشربت كاس المنوني

والوكت مارحم بينه على الغبره من عفتكم
يا حياتي وعمري كله ريت من عمري العمركم
*********************
صعبه اودعكم يروحي رغم عني مو بأديه
نار تسعر في ضلوعي بعد ما نرجع سويه
مبحره اهمومي اتلاطم احزاني صارتلي هويه

كل رياح الغدر هاجت اشكثر ناديت انا الكم
يا حياتي وعمري كله ريت من عمري العمركم



الشاعر // هادي الساعدي

نعي
انا زينب والدمع صفاني
اكبال عيني مذبحين اخواني
اجبال ما تحمل ألم احزاني
قاسي دهري والزمن جافاني

انا من الزغر والحزن رابي اوياي
فكد أمي العزيزه الفتت اجلاي
وهسه بكربله مشمته بيه اعداي
وعيني من البواجي انهار دمعتهه

اركض للخيم ياخيمه أطفيهه
اصيحن ها رقيه وذبج اناديهه
اجيبن هاي لو ذيجه اخليهه
اجيبن ياهي منهن ياهي اسكتهه

يا عباس يا كافل اضعوني
ترى بعدك يخويه حيل اذوني
يا شمام روحي وساكن عيوني
عليك الروح ما بطلت ونتهه

للشام اسيره بحبل شدوني
الاصعب بعد منهه خويه شتموني
وهاي الخارجيه العدى ينادوني
وهاي الكلمه لختك حيل اذتهه


الشاعر//هادي الساعدي

قصائد ليلة 12 (السبي)



يا أمة ا لاسلام زينب سبيه
اخذوهه لرض الشام زينب سبيه
**********************
يا غيره هاي ودين يرضى ألفعلهم
زمره هذوله أوغاد واضح أثرهم
من يا صلب واجداد راجع أصلهم
سووهه هل الظلام زينب سبيه
اخذوهه لرض الشام زينب سبيه

*********************
.الوالده الزهراء وحيدر ابوهه
وجدهه النبي المختار لا ما رعوهه
شنهو الذنب بحبال من كيدوهه
هذا الفعل اجرام زينب سبيه
**********************
اجفوف الكمر عل كاع ظلت كطيعه
والعلم ظل والجود يم الشريعه
زينب فكرهه اهناك يا للفجيعه
يا فعلة الاقزام زينب سبيه
***********************
يروي لنه التاريخ عن المئاسي
ومن الظلم والجور زينب تقاسي
فدوه لسمهه اتروح كل هلي وناسي
بنت حيدر المقدام زينب سبيه
**********************

اتسكت طفل حيران لو طفل عطشان
والحادي بيهه يسير والفكر حيران
شافت مرار وظيم هاي أم الاحزان
موسوعه للألام زينب سبيه
بنت حيدر المقدام زينب سبيه



الشاعر // هادي الساعدي

ليلة العاشر

اليوم يوم الحزن يوم الفاجعه
كل عيون الكون تبجي ودامعه
*****************
اليوم ذبحوا بيه عبد الله الرضيع
يوم دامي ومنظره جدأ فضيع
يا آله الكون تنظر يا سميع
شمر وابن ازياد للشر مسرعه
*************
بيه شبيه المصطفى اموذر صريع
الأمه خانتهه الوعود وما تطيع
بمنصب واموال دين الله تبيع
للظلم وصحابه بالذل خانعهه
*************
جم كتاب الودو اسرع يا حسين
ألقدومك ننتظر زاد الأنين
كل كتبهم في مهب ريح السنين
وعن مواقفهه الزلم متراجعه



2

الخيم حركوهه بغض بحيدره
أطفال مرعوبه وعطاشا امحاصره
وتصرخ النسوان زينب حايره
والعزم والصبر وآلهم جامعه
**************
و العليل امدد وما بيه يكوم
تشتعل بيه نار وبروحه يلوم
لما شاف اعللخيم هجمت الكوم
اتمنى من الباري حيله ايرجعه



الشاعر // هادي الساعدي

فاطمه العليله

انا يا بويه العليه الفركه ما أحملهه ليله
ليش طولتوا الغياب
*************

روحي تسئلني عليكم ليش عفتوهه شجاكم
حاولت اقنعهه تنسى اتعوفني وتمشي وراكم
أبحرت والدنيا ليل أشراعهه يتبع هواكم
والنهار ايمر عليهه ظلمه وتناطر ضواكم

وزادت اهمومي وثجيله الفركه ما احملهه ليله
ليش طولتوا الغياب
*************
روحي ماتحمل بعدكم ورده ذبلهه جفاكم
ضحكة الشمات توجع ميته من اسمع نساكم
وجادر الاحزان باقي مآتم الحد ما تراكم
كل جرح بيهه مدينه فقط تشفه من دواكم

وأين ايامي الجميله الفركه ما أحملهه ليله
ليش طولتوا الغياب
***************
الطفله من اخلاف ابوهه ضايعه بهذا الزمان
اشلون وانت الدنيا كلهه ومنك اتغذى الحنان
يا ملك روحي وحياتي وأين انت ابيا مكان
طير اتعنه واجيلك اوياك احسن بالأمان

اقسم بحامي دخيله الفركه ما احملهه ليله
ليش طولتوا الغياب




واين ما دير انا عيني صورتك يا بويه اشوف
احجي وياهه و وانن وحدي في اصعب ظروف
فركتك معناهه موتي كلبك ادري بيه عطوف
صعبه انا اهنا وانت ظرفك اصعب بالطفوف

يا بعد كلبي وخليله الفركه ما احملهه ليله
ليش طولتوا الغياب

****************

ابداري احس انا غريبه وانت بالطف هم غريب
موطني انت واماني كل وكت يمي قريب
يا نشيدي ونبض كلبي صعبه شمسك من تغيب
صدى صوتي ايرد عليه واختنك وكت المغيب
ما بقت عندي وسيله الفركه ما احملهه ليله
ليش طولتوا الغياب




الشاعر //هادي الساعدي

فاطمه العليله

ليلي يخلص بالونين وبالبجي
راح اموتن وين ابويه ما يجي
روحي سلت يا بشر بعد ما احمل قهر
راح اموت راح اموت
********************
اعيوني تبقه امناطره يرجع أبي
ارد أشوفه وهذا هو مطلبي
حيلي كله أنهد بقيت أحبي حبي
روحي سلت أقسم ابطاهه النبي
اشعنده وياي الدهر بعد ما أحمل قهر
راح اموت راح اموت
********************
احجي وي نجمات ليلي الساهره
تحجي وي نظرات عيني الحايره
ادكلي نامي ولا تظلي امناطره
من يطفي نار كلبي الموجره
انت جاوب يا كمر بعد ما أحمل قهر
راح اموت راح اموت
*******************

ذبلة اشفافي ابكلمة ما تجون
من بعدكم اشربت كاس المنون
لوما صبري هسه جن بيه الجنون
اشلون نتفارك يبو كلب الحنون
مابقه بعيني نظر بعد ما أحمل قهر
راح اموت راح اموت





راح اسلم امري لله وانتظر
امناطره منكم خبر روحي يسر
الف موته عندي كل لحظه تمر
اطش دربك ورد من ترجع نذر
انتظر منكم خبر بعد ما أحمل قهر
راح اموت راح اموت
***************

جنت اشمك وغفه بحظانك ونام
كون اصيرن طير وتحول حمام
حبي انت وكل حياتي والغرام
ويه نسمات الهوى ابعثلك سلام
ايحرسك الله امنلخطر بعد ما احمل قهر
راح اموت راح اموت



الشاعر//هادي الساعدي

ابوذيات

نعى الناعي وخبر جتله يشيعه
ثلث تيام ما واحد يشيعه
وظل مطروح عل غبره يشيعه
وراسه اعله الرمح يهل الحميه
****************
ونه منه
اعله ابوالسجاد لتون ونه منه
تهز الكون بالطف ونه منه
مني حسين اشهد وانه منه
الرسول الكال وشبعهه القضيه

***************

انتاه
وي آنت العطاشا تصيح آنتاه (الونه)
قلب الدين محيي الشرع أنتاه (انت )
يصيح حسين هذا البشر أن تاه (اذا ضاع)
يظل يندب شفيع الغاضريه
**************

عدهه الحسين
تهاب الموت حاشا وعدهه الحسين (وياهم )
لجل الدين صالت عدهه الحسين (هيئهم )
ثلاثه وسبعين صاحب عدهه الحسين (حسبهم)
خير أصحاب همه اعلل بريه

*************


الشاعر//هادي الساعدي

قصائد ليلة الوحشه

من بعد ما شاهدتهم عل رمال و ودعتهم
نار الموادع جوتني بكلبي تسعر ألمتني
غصب عني من عفتهم
***********************
الله وحده بحالي يعلم يا ألم متحمله يدري
رفرفت روحي عليهم والدمع نهران يجري
بين أديه مني ضاعوا بعد شلي بهذا عمري
الفركه مره وعذبتني نار الموادع جوتني
غصب عني من عفتهم
*********************
الليل يخلص وأنا وانن أسئل النجمات عنهم
بكربله ماشفتي اخوتي عني سئلوا انا اضنهم
ويا كمر اسئلك انت كلي ماكوا خبر عنهم
ساكت وما جاوبتني الحاله صعبه والمتني
غصب عني من عفتهم
********************
جمره تسعر بيه ناري وحركت اليابس والاخضر
ما طفت تاكل أحشايه بل أحس بركان وأكثر
بيه حادي الحزن يحدي امشي بكل خطوه واعثر
آه جم آه مرمرتني الحاله صعبه والمتني
غصب عني من عفتهم
*******************
بعيني اشاهد كل اخوتي على حر الرمل صرعه
شفت يا ما انا مصايب كسر ضلع أمي وضلعه
شباقي بيه لو ما صبري وما بقت بعيوني دمعه
وحدي والدنيا جفتني الحاله صعبه وألمتني
غصب عني من عفتهم
******************
من ترد بيه السنين البيت اهلي والدلال
اذكر امي وكل اخوتي اشلون انساهم محال
اشكثر متحمله بحياتي احزاني اتهد الجبال
يا زمن لا مرحمتني الحاله صعبه وألمتني
غصب عني من عفتهم
*******************
آه جم آه احبستهه امنرجع انا الذكرياتي
امنذكر الطف وانينه احس جن كربت منيتي
جم ألم جم صرخه بيه احلامي ماتت وامنياتي
الدنيا عنكم باعدتني الحاله صعبه وألمتني
غصب عني من عفتهم


الشاعر //هادي الساعدي

ام البنين

هاي روحي اخذوهه ما هدت تدروهه
نار هاجت بيهه يا هو أليطفيهه
ما هدت تدروهه
************************
روحي برجاكم بقت مشدوده
أحس ايامي أنتهت معدوده
ليش ابواب الفرح مسدوده
أنظر الدنيا بعدكم سوده
ونتظر تاليهه يا هو أليطفيهه
ما هدت تدروهه
*************************
هاي دعوة والده ومسموعه
من لساني للسمه مرفوعه
روحي ما تحمل ألم مفجوعه
نار شب الحزن بيهه ولوعه
وألألم لافيهه يا هو أليطفيهه
ما هدت تدروهه
***************************
كلبي اتحول مدينه للحزن
ومثله حزنانه وتون حتى المدن
اشراع شوكي لهفتي بحرت سفن
اهمومي امغيمات دمعاتي حزن
والبعد سابيهه يا هو اليطفيهه
ما هدت تدروهه




2

*************************
ريت اروحن يمه انا اوياكم
عيني ماتغفه تظل برجاكم
رخصوا لحسين يمه ادماكم
درس انطوا وعلموهه اعداكم
جلمتي احجيهه يا هو اليطفيهه
ما هدت تدروهه
************************
ولدي رفعة راس شدوه العزم
خلهه ترجف منكم اشباه الزلم
ألعافو الحق ومشوا وي الظلم
عن شجاعتكم فلا عدهم علم
صرختي ادويهه يا هو اليطفيهه
ما هدت تدروهه
.
الشاعر // هادي الساعدي

زينب (ع) والامام المهدي (عج)
نعي او فتحة عزاء رده فقط


مني ياعمه سلام
حجة الله يا امام
غرك الوجنات دمعي
ظهري محني مثل ضلعي
طفه بعد حسين شمعي
حجة الله يا امام

ما يسرك ادري وضعي
ميته وي حسين ادعي
سندي انت يدرعي
حجة الله يا امام

عمه من ايحل ظهورك
وبالهدايا يشع نورك
تاخذ بثاراتي دورك
حجة الله يا امام
مني يا عمه سلام

عمه يا نور العيون
اشربت كاس المنون
بيك اعقدهه الضنون
حجة الله يا امام
مني يا عمه سلام

راحوا اهلي مني كلهم
عمه بالطف شفت اجلهم
املي انت وأملهم
حجة الله يا امام


الشاعر//هادي الساعدي
31/1/2017

يا زينب يزينب يا زينب يزينب
مظلومه يزينب ما لومه يزينب
يا زينب يزينب يا زينب يزيتب
****************
طفيتي نيران الخيم يازينب يزينب
جن كلبج انصاب ابسهم = =
ظل يبجي وينوح القلم = =
اتحملتي آهات وألم يا زينب يزينب
مالومه يزنينب مظلومه يزينب
يا زينب يزينب يا زينب يزينب
*******************

زود وشجاعه انت وعلم يا زينب يزينب
ما ننسه فظلج والنعم يا زينب يزينب
بجيتي ارباب الظلم يا زينب يزينب
وصحتي همه مو زلم يا زينب يزينب
مالومه يز ينب مظلومه يزينب
يازينب يزينب يا زينب يزينب

********************

مهمومه جبتيه العمر يا زينب يزينب
كل لحظه بالطف من تمر يا زينب يزينب
مشتعله نيران وجمر يا زينب يزينب
بحبال رحتي للأسر يا زينب يزينب
مالومه يزينب مظلومه يزينب
يا زينب يزينب يا زينب يزينب




سكنه ورقيه والحرم يا زينب يزينب
ظلن عطاشا وبألم يازينب يزينب
ما تت الغيره والشيم يا زينب يزينب
ما كو مبادئ لا قيم يا زينب يزينب
مالومه يزينب مظلومه يا زينب
يا زينب يزينب يا زينب يزينب

********************
ليزيد ذليتي وشمر يا زينب يزينب
وضحتي همه اصل الكفر يازينب يزينب
معدن أصاله انت وفكر يا زينب يزينب
خدام الج هذا نذر يا زينب يزينب
مالومه يزينب مظلومه يزينب
يا زينب يزينب يا زينب يزينب

*********************

نبجي احنه ونصب الدمع يا زينب يزينب
ونذوب لجلج كالشمع يازينب يزينب
ولحسين مرضوض الضلع يا زينب يزينب
محيي الرساله والشرع يا زينب يزينب
مالومه يزينب مظلومه يا زينب
يا زينب يزينب يا زينب يزينب



الشاعر //هادي الساعدي