امنه فاطمه الزهره منج للحشد نضره

[ ] ابطال وما يقصرون

*********************
صالو بأسم داحي الباب داعش لبسوه انكاب
حاير يشرد منين
بيهم غيره من عباس كاع الوطن ما تنداس
قسمو ببنج حسين
دكو بلارض ثايه اسباع وكد الحجايه
صالو بالميادين
ردو داعش الجحره فضحو زيفه وكفره
ابطال وما يقصرون
***********************
نشامه وللوعد وفو منهم والنعم كفو
رفعو راية الدين
نار بساحة الميدان انطو درس للعدوان
همه قرة العين
اخذونهج ابواليمه رفضو داعش وظلمه
ما رضخوله للبين
اسود وكسرو ظهره داعش طلعوه بره
ابطال وما يقصرون
***&&**********
زاروه ألأسد بغداد خذو من صبره قوه وزاد
وندبو باب المراد
حلفو لو نصر لو موت رفعو بالنداء الصوت
ابابك يبن ألأجواد
نطروهه الشهاده عيد واحدهم بطل صنديد
بالدم خطو امجاد
صلو همه بالحضره وكل واحد اخذ اجره
ابطال وما يقصرون
**********************
دعائج الهم انريده ولدنه الداعش تبيده
؛ تظل تذكرهه الاجيال
رمز انتي الهم وعنوان راسخ بيهم الايمان
ارسخ من الاجبال
عل الحك ما غفو لحظه ألعاداهم ندب حظه
يعرف بيهم ابطال
من عابس خذو شمره عشره خذو من عشره
: ابطال وما يقصرون
*********************
جنود بخدمة القائم قسمو والقسم دائم
لاخر لحظه وياه
للحق نذرو ارواح عطر الوفه منهم فاح
حتى الهوى شماه
صدو ابرهه وفيله وكلمن يلعب بذيله
خاب وفشل مسعاه
حشدنه عل عدو جمره اليضدهم يشرد بعمره
ابطال وما يقصرون


الشاعر / هادي الساعدي

ابوذيات

تشم حسين من النحر شمتان
والملعون ينضر جان شمتان
لن زينب تكله بعد شمتان
راح الجان خالس آل اميه
************
اصعب مسئله بصبرج تحلين
ويزينب جم حبل منج تحلين
هظيمه بمجلس الظالم تحلين
وانت ام الخدر زينب آبيه
***********
جمر يلسع حجي العاذل يحز باي
يخيمه اتلم بقايه اختك يحزباي
ترضه الحبل بجفوفي يحز باي
وبعد العز يبو الغيره سبيه
************
يرفرف بالصبر شامخ علمهه
ومن حيدر فخر اخذت علمهه
هاذي ام الحزن معروفه علمهه
من كسر الضلع للغاضريه

الشاعر // هادي الساعدي

روحي لابت والدمع ينزل ألم
ماتجيني حركو اعلينه الخيم
وحدي ظليت خويه ناديت
ها يعباس ها يعباس
***********************
لو تجي وتشوف حال الهاشميات
بالبراري بنص جزيره ميسرات
بين حاقد سيفه شاهر بين شمات
ابوجودك ما يصير الصار هيهات
صوتك يذل الزلم يا بو فاضل يا شهم
ها يعباس ها يعباس
***********************
مثل طير وانذبح روحي تلوب
ومثل شمعه تحترك سكته تذوب
خويه عنك بالمهمه انا انوب
انا بنت الخاظ كل ذيج الحروب
بيدي اشيل الرايه رضا ربي الغايه
ها يعباس ها يعباس
***********************
استضعفونه خويه من بعدك يحيد
اميسره للشام للطاغي يزيد
سمعوني اشكد حجي وذاك الوعيد
و العليل مقيدينه با الحديد
وانا اختك كالجبل شوكه بعيون الجهل
ها يعباس ها يعباس
************************
تدري بختك بالعواصف ما تميل
يا سند روحي اعذرك يا كفيل
جفوفك المكطوعه برهان ودليل
ما شفت منك فقط بس الجميل
بعينك وروحك تجود خوتك اكبر شهود
ها يعباس ها يعباس
*************************
من اصيحك خويه مشتاكه وعلي
ضاكت بعيني الوسيعه يا ولي
وانت كتلي بس اطلبي ادللي
وهسه اريدك يا بعد عمري وهلي
انا اريدآ شوفتك تملي عيني طلتك
ها يعباس ها يعباس


الشاعر/// هادي الساعدي

نعي

ريت اتحول نهر وجفوفي ماي
ولو عطشت ارويك يبني وياضواي
يا بدر ضوى حياتي وي سماي
وظلمه من بعدك حياتي ابلا ضوه
تلجم جروحي أذا اسمع بجيت
اشلون هسه وانت من عندي مشيت
يمه يا عطر الامل كلي اشجنيت
من عطر نحرك سهمهم ارتوه
شنهو كلبه حرمله لمن رماك
وحش ما يعرف الرحمه وشتهاك
وحق شوغة روحك وموت الخذاك
انت انفاسي والريتي الهوه
يمه مهدك خالي يسئلني عليك
ايكلي مشتاك الضحكتك والبجيك
رايد ايقبل اشفافك وي اديك
نبجي انه اوياه نتألم سوه
الشاعر /هادي الساعدي

خاسرين يلي تمشون بدرب مو درب الحسين
خاسرين لله انصحكم وكلكم خاسرين
***********************
ذاك بس اهات خسران وملامه
وهذا درب حسين أيمان وشهامه
يضيف للأنسان بس تقوى وكرامه
يا بشر توبوا تعيشون بسلامه
غارقين بالمعاصي والرذائل غارقين
خاسرين لله انصحكم وكلكم خاسرين
***********************
كل طريق البيه نمشي يا بشرنه
مفخره وتاريخ يبقه ألكل عمرنه
كون لازم تبقه بيه بصمة أثرنه
جم طريق ألضيعانه وبيه خسرنه
تاركين كل معاصي كولو هسه تاركين
***************************
للبشر حق عل بشر لازم ينصحه
بيده ياخذ كون ويضمدله جرحه
اليريد يفوز بالجنه ونربحه
انكله هذا الدرب يا اهلآ ومرحه
آثمين ألما خذو نهجك امامي آثمين

*********************** .
حسين بيده أيوقع وينطيه جوازه
مثل جده المصطفى هذا أ متيازه
أليرضه عنه يعني بالجنه مفازه
واليضد حسين بفعاله ايتجتازه
نادمين الظلوا وما خذو دربه آثمين
************************
حسين ربان السفينه وهو قائد
كون لجله بروحك تضحي وتجاهد
تصلي لله وتشكره راكع وساجد
وامشي بدربه وطريقه ولا تعاند
ناصحين احنه وضحنه الحقيقه ناصحين


الشاعر // هادي الساعدي

قصيده للأمام الحسن العسكري (ع)

ميفيد بس دمع وبجي رغم الخطر لازم اجي
واتعنه ازورك
،،،؛،،،،،،،،،،،،،،،،،،،،،،،،،،،،،،،،،،،،،،،،،،،،،،
هاي المسيره الخالده انتم اهل بيت النبي
لازم اجيكم معتني بالحضره كون احبي حبي
والكاع اقبلهه بشغف وتقبلني زاير مطلبي
يبن الصميده يل الحسن اعيوني تصب دمع وبجن
واتعنه از ورك
،،،،،،،،،،،،،،،،،،،،،،،،،،،،،،،،،،،،،،،،،،،
روحي تطوفك بالصحن ملهوفه اجت يا مهجتي
حنت واجتي محمله بالحب الك ياسلوتي
مقصر ابحقك اعترف وترضه عني غايتي
وانت كريم وما ترد بابك بوجهي ما تسد
واتعنه ازورك
،،، ،،،،،،،،،،،،،،،،،،،؟،،، ، ،،،،،،،،،
طبع اليحب لازم وفه وانت الوفه والاحسان
يافرع من ال النبي وياغصن بيت الايمان
معروف حاربت الظلم لا ما خضعت الطغيان
يل صبرك ايفوق الصبر امن بعيد اشمنك عطر
اتعنه ازورك
،،،،،،،،،،،،،، ،،،،،،،،،، ،،،،،،،،،،،،،،،
ناذر اطش عمري الك ولبنك المهدي المنتظر
ودعي الفرج يمته الفرج و بطلته ايسر النظر
يكسر خشم كل معتدي وبيه نحتمي من الخطر
وباسمه ينشد العزم وينتهي مايبقه ظلم
اتعنه ازورك


الشاعر// هادي الساعدي
[v]

قصيده الى الامام الصادق

هدموا كبرك يصادق يا أمام الجعفريه
اهل احقاد وخوارج والنهج نهج آل اميه
********************
انت مشكاة وهدايا منبع الحب والسلام
انت نور الله وضيائه منصب امن الله أمام
ابد ما يطفون نورك النور ما يطفيه ظلام
مضويه انوارك مشعه عل ملئ وعللبريه
اهل احقاد وخوارج والنهج نهج آل اميه
********************
تصرخ الاهات بينه لئن كبرك هدموه
ابيا نهج وبيا ديانه ابيا شريعه حللوه
والعجب كل العجايب أبلا خجل من طبقوه
لاعقيده ودين عدهم لا مروءه ولا حميه
اهل تحقاد وخوارج والنهج نهج ال اميه
********************
شرذمه وبلا ضمير وعل الفتن متعودين
عل دمار وعل أذيه وبالحقد متشبعين
أهل ضغان وظلاله وبطبعهم حاقدين
على آل النبي شنوا حرب آهل الجاهليه
اهل احقاد وخوارج والنهج نهج آل اميه
********************

2

افكارهم مبنيه علشر هذا واقعهم اكيد
عكس فكر أل النبوه كل فكرهم من يزيد
خنجر الغل أبأديهم حكموا الناس بحديد
وعلى تكفير المقابل عاشوا اعله الطائفيه
اهل احقاد وخوارج والنهج نهج آل اميه
********************
الجروح البينه تنزف أبد ما لحظه تطيب
من كسر ضلع الزجيه بت محمدنه الحبيب
ألذبح سبط الرساله من بقى بالطف سليب
الحزن بينه ايتجدد عشنه واقعهه الرزيه



الشاعر // هادي الساعدي

يا عليل الغاضريه شفت لوعات و أذيه
يعين كلبك بالطفوف راس مكطوع وجفوف
ودعت أهلك سويه
**********************
تنزف آهات ومواجع دامي كلبك منجرح
جسم ابوك مكطعينه والجرح فوك الجرح
وكطعوا من جفه خنصر على الغبره منذبح
وانت بعينك تشوف راس مكطوع وجفوف
ودعت اهلك سويه
**********************
الله ايعينك أمامي تنضر أنت ما جره
شفت عبدالله ومصابه انذبح من منحره
ودمه ينزف من وريده اشلون كلبك ياتره
كله احساس وعطوف راس مكطوع وجفوف
ودعت اهلك سويه
*************************
بالعمود البدر صابوا وصابو الجربه أبسهم
اليمنى كطعوهه ويساره طاح شيال العلم
جوده ينزف بالأخوه وتننتظر جيته الحرم
صابته اسهام الحتوف راس مكطوع وجفوف
ودعت اهلك سويه



2

تصرخ اطفال الهواشم ورده ذبلانه غدت
وسكنه تصرخ واين ابونه نارهه لا ما هدت
وحركوا أخيام المخيم ابهاي أميه أتعمدت
ومو ألف جانوا ألوف راس مكطوع وجفوف
ودعت اهلك سويه
***********************
ألهظيمه اتشوف زينب ينظر أعليهه المله
والشمر يحدي ابضعنهه ويمشي وي القافله
هذا موقف حيل مؤلم يا هو غيرك يحمله
أميسر تحوطك صفوف راس مكطوع وجفوف
ودعت اهلك سويه

الشاعر //هادي الساعدي

::"""الى زينب الحوراء (ع)::""":

يا دنيا منج شرتجي بس المصايب والبجي
من طفله وانا أبلوعتي ما فاركتني دمعتي
بس المصايب والبجي
،،،،،،،،،،،،،،،،،،،،،،،،،،،،،،،،،،،،،،،،،،،،
من زغر سني وألالم ما فاركاني ولا رحل
والحزن ويايه سكن من مثل احزاني حمل
لو صخر ذاب وأنتهى ما يحمل أهمومي الجبل
من طفله عشت الواقعه ابذاكرتي كل اللي حصل
و ون الحديد ألونتي ما فاركتني دمعتي
بس المصايب والبجي
،،،،،،،،،،،،،،،،،،،،،،،،،،،،،،،،،،،،،،،،،،،
بركان يغلي ابداخلي من اذكر أمي والضلع
وضنوني تاخذني وترد انجوي ابناري كالشمع
وضلوعي مكسوره احس من صدري احسهه تنشلع
من عيني بجري اعللوجن دم لوعتي لا مو دمع
للباري اوجه شكوتي ما فاركتني دمعتي
بس المصايب والبجي
،،،،،،،،،،،،،،،،،،،،،،،،،،،،،،،،،،،،،،،،،،،
ابعمر الورود و ودعت أمي وصرت أم لخوتي
أصبر وصبر كل جرح وحبس ابصدري صرختي
ما عشت لحظات الفرح احزاني تطرد فرحتي
نيراني بيه تشتعل طفوا انواري وشمعتي
وحدي اسيره ابغربتي ما فاركتني دمعتي
بس المصايب والبجي
،،،،،،،،،،،،،،،،،،،،،،،،،،،،،،،،،،،،،،،،


2

مسدوده ابواب الفرح يا باب ادكه منقفل
متكطعه أحبال الامل بس حبل حزني منفتل
وهمومي اجبال ورست منهو أللي مثلي محتمل مثل السجين ابمعتقل مسجون من ألمستحل
آن السكون الونتي ما فا ركتني دمعتي
بس المصايب والبجي
،،،،،،،،،،،،،،،،،،،،،،،،،،،،،،،،،،،،،،،،،،،
اتوجه كمت أعللصبر ومثل الورد غصني ذبل
يا ربي ادعي كل وكت ايعجلي ابيوم ا لأجل
من شفت جفين الكمر متكطعه بجفوف الجهل
وراس الحسين اعللرمح وصرعه شفت كل الاهل
الموت اصبح غايتي ما فاركتني دمعتي .
بس المصايب والبجي

.. الشاعر //هادي الساعدي

واين سافرت ورحت صاح ألمحب
يا حبيب ألهسه عايش بالكلب
يا صدرنه يا صدرنه يا صدر
*************************
والله محتاجينك انريدك تعال
انت ابونه ألعيشتنه بالدلال
يا رقيق ومخلص وكلك جمال
فارس ومتخاف ساحات النزال
يا صدرنه يا صدرنه يا صدر
**************************
ابكل مكان موجهه أعليك العيون
حاولو عنك يثيروهه ألضنون
لئن شافوا حبنه ألك حد الجنون
ونمشي ابأمرك يبو كلب الحنون
يا صدرنه يا صدرنه يا صدر
**************************
جان كل همك نعيش أجمل حياة
افراحنه باكوهه سراق وجناة
واجهتهم كلت ميهمني المماة
منك ايخافون ذليت الطغاة
يا صدرنه يا صدرنه يا صدر


2


من نحبك لله حبنه وللرسول
لئن حاربت الظلم ضده تصول
اتحملت حجي الشماته والعذول
وكلا لمريكا ابزودك من تكول
يا صدرنه يا صدرنه يا صدر
**************************
واجب انذكرك بعد هاي السنين
ومن يجي طاريك ننعاك أبأنين
يابو روح الطيبه وكلب الحنين
قائد ومصلح جنت مثل الحسين
يا صدرنه يا صدرنه يا صدر

الشاعر // هادي الساعدي

ما أشرب منك ما أشرب أسمع ياماي
اشما تتوسل لو تتعذب أسمع يا ماي
اسمع يا ماي
*******************
جم طفله عطشانه تنادي وينك يا عم عطشانين
الصوت اليطلع منهن كوه ينتظرني وينك وين
مستعجل أمليهه الجربه ما أتأخر رمشة عين
امعاهد لازم اوفي ابعهدي انا الكافل ضعن حسين
وأنا السقاي - أسمع يا ماي
*********************
أنا العباس وتعرفني كافل زينب والوفاي
رادت اختي وطلبت مني وتروي الرضع شربة ماي
بيه اتنخت خويه وصاحت انظر هايه وانظر هاي
تتلوع جم طفله اكبالي كلتلهن هسه الجن جاي
رغم اعلعداي - اسمع ياماي
*********************
اشلون اشرب منك وتلذذ هذا ميصير وهيهات
كلبي يتفطر وتعذب اسمع صرخات وصيحات
جبد حسين الصاير خشبه ومنك منعوه الشمات
ون أنت وبقى ابوناتك وبقى بحسره وجر آهات
ولتظل برجاي - اسمع ياماي

2


هاي الجربه راح امليهه تتنطر جيتي الاطفال
لو قطره منك ما اقبل ينتظروني بأسوء حال
تعرف ما عدهم كل رحمه ما عدهم غيره الانذال
انا الساقي ولازم أوفي وتتعلم مني الاجيال
غيره وحماي - اسمع يا ماي
****************
ها يسكينه جيتج انا عطشانه انت وتنتظرين
جيش الشفتيه ما يمنعني قري العين ولتخافين
ببدي الجود وبيدي الرايه انت ياعمي تامرين
يا مهجة عباس وروحه عمج ميعوفج تدرين
انا الوفاي - اسمع يا ماي


الشاعر//هادي الساعدي

اخبرنك يعباس خويه اختك سبيه
بس يا خويه لتهم اذل كل آل اميه
***********************
بعيني مو زلم لا ذولي اشباه الرجال
وختك تدري بيهه ارسخ من الجبال
قر عينك ينوماس انا أحرسها ألعيال
ياضي عين الحسين يل كلك حميه
بس يا خويه لتهم اذل كل آل اميه
**********************
يا سخرية الايام امشي بديرة اغراب
بيدي امشدده احبال ويذري بوجهي التراب
لاكن اقوى منهم ابويه داحي الباب
من اسمه يخافون وانا اختك ابيه
***********************
يكافل انت وفيت لا ما قصرت يوم
متفاركني لحظات طير ويمي أتحوم
ومن ايجلجل الليل تبرالي ويه النجوم
غيور وكلك احساس واعيونك عليه



2

عشت امدلله اوياك وجانت أجمل ايام
من اذكرهه جانت احلى من الاحلام
صعبه فركتك حيل كلبي تعصره الالام
واشتاك الكلامك وون ونه خفيه
بس يا خويه لتهم اذل كل آل اميه
*********************
وصلت وشفت الوجوه موش اوجوه اهلنه
عدهه افراح وعياد من ألهم وصلنه
يكافل ضعني يا حيد اخبرك من دخلنه
حجيت بعالي الصوت ابوجه ابن الدعيه
بس ياخويه لتهم اذل كل ال اميه
**********************
اختك مو ذليله لمن دخلت الشام
من عزمك خذت زود رجفت منهه الاقزام
وحك اسمك يعباس تظل مرفوعه الهام
ورفع راية الحق ما خاف المنيه
بس يا خويه لتهم اذل كل ال اميه


الشاعر/ هادي الساعدي

عمه ابعثلك رساله يا آملنه
ياضوى الباري وجماله يا آمنله
***************************
العاشر بيوم الطفوف ذبحوا الدين
وصارت الدنيا خسوف يبن الحسين
ريت عينك ما تشوف اشسوه البين
اتجمعو ضدنه صفوف أ لأ ثمين
باعوا الدين بضلاله زاد ألمنه
******************************
جم مخيم ناره تلهب جنهه ناري
والنساء بسوط تضرب دمعي جاري
اطفال من الخوف تهرب با لبراري
ألموني عمه وانسب خذلي ثاري
امن الظلم واهل الجهاله ما سلمنه
*****************************
صعبه يا حالة رقيه ويا وضعهه
طفله ماتحمل اذيه وصب دمعهه
شهكت وجتهه المنيه من فجعهه
يا ظلمهه آل اميه ويا قمعهه
هو واتباعه الحثاله اشكد ظلمنه
***************************



2

اختصرلك في كلامي يا حبيبي
مات اخوي حسين ضامي يا طبيبي
ونملت شيبة امامي بالخضيبي
وابو فاضل شفته دامي يا نحيبي
كطعو ايمينه وشماله موته سلنه
*********************
ادري ياعمه ابشعورك وصعبه هايه
كحل اعيوني بظهورك يا ضوايه
ايضوي الافلاك نورك يا رجايه
ثاري تاخذ خويه دورك وللسبايه
وينتهون اهل النذاله يا حلمنه


الشاعر / هادي الساعدي

ابزوده يتمشه الكمر من وصل يم النهر
دخلاهم بالخطر
مله الجربه ابغيرته انذار ألهم نظرته
دخلاهم بالخطر
***********************
خطوته جن زلزله هذا ابن عقد الوله
ابهمته معروف
نبع غيره ومرجله ختل شمر وحرمله
عاشو ابخوف
مثل حيدر شمرته انذار الهم نظرته
دخلاهم بالخطر
**********************
بيهم اكطع كل نفس كال انطيهم درس
با لمراجل
انا واضح كاشمس صاح يا اهل الرجس
هل من منازل
خرستهم صرخته انذار الهم نظرته
دخلاهم بالخطر
********************
واين راحو خل يجون يعرفوني من اكون
زلزلاهم
بالوغى انطاهم فنون ضربته كاس المنون
حذراهم
جيش ترعب خزرته انذار الهم نظرته
دخلاهم بالخطر
**********************




اعيونه تجدح بالقتال اكباله ما ضلت رجال
. الكل تعاني
يا شمر وينك تعال هاي ساحات القتال
وهذا اني
كلهه سمعت صيحته انذار الهم نظرته
دخلاهم بالخطر
*********************
وصته أم البنين ضحي يبني للحسين
لا تعوفه
كلهه ابنج ما يلين هذا جيش الاثمين
ويل اشوفه
جبل شامخ همته انذار الهم نظرته
دخلاهم بالخطر


الشاعر //هادي الساعدي

طالب انا بمدرسة طف كربلاء
بيهه سالت أشرف وأزكى دماء
******************
الدرس الاول تضحيه لجل الالاه
وما تصافح جفي اجفوف الجناه
اخذ روحي حسين اصيح انا فداه
والعكل مجنون كلبي أسراه
زادي أبو اليمه ولنفاسير هواء
******************
ثاني درس اتعلمت معنى الصبر
وما يهم جور الزمن واهل الكفر
اشلون افني ايامي وباقي العمر
كون وي حسين كل لحظه التمر
وما اضيع وكتي وسنيني هباء
******************
كل سنه تغذيني وجدان وفكر
علمتني اعلل ظلم كيف انتصر
ورفض الذله وافضح كل شمر
وعلمتني حسين ثوره ابكل عصر
يا محب اسمع وردد هل النداء



2

هاي مدرسة الصبر والتضحيات
منهج الحب والامل والامنيات
وحق طاهه وحيدره والذاريات
كل مناهجهه وطرقهه منجيات
بيهه سجل فوز وي الأتقياء
******************
يل تريد اتفوز وتنال الجنان
عل صراط اتفوت وبسرعه وأمان
حسين ابو اليمه ينطيك الضمان
بكل مكان حسين موجود وزمان
يوكف ابكل شده ويزيل العناء



الشاعر // هادي الساعدي

يحسين واسمك عنواني
ما عوفك يصرخ وجداني
*******************
اتوضى بحبك يوميه
يانفس وعايش بالريه
نورك شع عل العالم ضيه
من دونك ما عايش اني
يحسين واسمك عنواني
********************
ما تسوه الدنيا ابلا حبك
وخسران الما يمشي بدربك
يل ضحيت بكلشي الربك
نيران ألاجلك احزاني

******************
كل روحي واشواقي وكلبي
تهواك اقسم انا بربي
بالذر حبك من جنت احبي
تقوى وحب حبك غذاني




2

انت الرحمه وانت الجنه
ألينهل من حبك يتهنه
والضدك يكطعهه الضنه
معروف بحقده وعدواني
*****************
خيمه وبيهه نلتم كلنه
ألحبك تنطيه ما يتمنه
ما تتخلى أعرف عنه
يا رحمه وكلك انساني
****************

رسمك ساكن وسط اعيوني
مجنونك كلهم يدروني
خادم خدامك سموني
انا واهلي وكل صحباني


الشاعر//هادي الساعدي

اشلون صدرك رضته اخيول العدى
ريت كل اصدورنه بالطف فدى
ضمه صدر البتول ضمه صدر الرسول
ريت كل اصدورنه بالطف فدى
*************************
اشلون يبن المرتضى بالطف صريع
وانت اصل الدين والسد المنيع
يا محب الكل محب بالحق شفيع
بك نؤمن ونقول ضمه صدر الرسول
ريت كل اصدورنه بالطف فدى
**************************
اشلون حزوا منحرك ولد الجناة
اضن عميه اكلوبهم ذوله الرماة
قد اصابوا قلبك قلب الحياة
انذهلت اليومه العقول ضمه صدر البتول
ريت كل اصدورنه بالطف فدى
**************************
اشاون اميه اتجاسرت وانت الامام
ابن طاهه المصطفى خير الانام
خامس اصحاب الكساء عالي المقام
السفينه والاصول ضمه صدر الرسول
ريت كل اصدورنه بالطف فدى
*************************


غدرو حسين وعياله بالطفوف
اتحشدوا بحقادهم صفوا صفوف
وحده ابو اليمه بقى وهمه الوف
اتوزم وبيهم يصول ضمه صدر الرسول
ريت كل اصدرونه بالطف فدى
***********************
يا سفينه اتوصل البر الامان
ترسي بينه بكل وكت وبكل زمان
للمعالي والتسامح والجنان
به كل هم يزول ضمه صدر الرسول
ريت كل اصدورنه بالطف فدى



الشاعر// هادي الساعدي

رقيه اميسره وتصرخ يوالينه
تصيح ابصوت وينك بويه حاجينه
**************************

تصيح بصوت بويه يا ضوه عيوني
من بعدك يتيمه الكل ينادوني
اذتني الليالي وغيرت لوني
بالهم والحزن وألون تعادينه
*********************
أريدك هسه بويه تحظر النه اليوم
وخبرك عل جرى لا ما رعونه الكوم
جفني ما غمض ما شاف لذة النوم
يغمض يوم تحضني وترد لينه
**********************
يا خيمه وتلمنه ابعشك تجمعنه
جحيم الدنيا من غيرك بلا معنه
بيهه ضاع املنه بعدك وضعنه
راحل لو ترد يا بويه نادينه



2
ما ظل صوت عندي بس ألم وآهات
ورده وذبلاهه الحزن بالويلات
على الخدين تنزل نار مو دمعات
تلسع جمرته و بعدك يأذينه
********************
تشب وسط الكلب نيران تجويني
يا سلوة حياتي واغلى من عيني
انادي وين راحل ما تحاجيني
ترد بينه الحياه لمن ترد لينه



الشاعر // هادي الساعدي

انذبح حلمي ابسهم نحرك بعد ماشم صدك عطرك
يروح امك نزف دمك
أبست أشهر خلص عمرك
************************
عبد الله عزيز الروح رضيع ابيا ذنب عطشان
بأيد حسين ابواليمه واهل الكفر وألطغيان
صابوه بسهم غدار وشبت با لكلب نيران
مثل عمر الورد عمره ملاك بصورة الأنسان
ير وح ا مك يظل رسمك
حقيقه ومو خيال اثرك
******************************
انهرش كلبك تفتت اليوم عطش ماي ولهيب ألحر
ولتفت علينه اذياب وحوش وساعيه با لشر
لا رحمة طفل عدهم ولاطيب النفع و أثمر
يوليدي انوح اعليك وعليك الروح تتحسر
يروح امك الكبر ضمك
اجاك الموت الك أدراك
***************************
يوليدي الرجس صابوك ماعدهم ابد رحمه
وسهم الصوبك ما شاف رمده اعيونه وأعمه
ياعين التصد وتشوف رضيع امخضب بدمه
من شفت السهم صاباك ماضلي عقل يمه
يروح امك الكلب يمك
ويحيرني صدك امرك
***************************
اشتضن أمك كلبهه اشلون يتحمل على افراكك
بعدهه ادر ثداي عليك وتنشد لفة اكماطك
ويسالني المهد يبجي مجانك خالي وشتاكك
وكلبي امن الألم مالوم يذخري الكبري احتاجك
يروح امك كتب قلمك
جميع البل جريمه اشرك
*****************************
بعدهه اجروحي ما طابت أضمد يا جرح منهن
تلج الدمعه بعيوني ونزفت مو دمع دمهن
وحيلي ينهدم كل ساع واعضايه الوكت شلهن
ييمه دهري اشخله جبدي وروحي مردهن
يروح امك أحس ألمك
على الباري ييمه اجرك


الشاعر // هادي الساعدي

الى الامام الجواد (ع

شباب ومات مسموم
امام الشيعه مظلوم
************
جواد اليمه يا ناس شباب ومات مسموم
تشم ابعطره الانفاس = = =
تجرع سم الارجاس = = =
كلبنه لجله مالوم شباب ومات مسموم
امام الشيعه مظلوم
********
شباب وما تهنه شباب ومات مسموم
لو سئلوني عنه = = =
دربه يعني جنه = = =
امشي بيه للدوم شباب ومات مسموم
امام الشيعه مظلوم
********
اونن من يجي الليل شباب ومات مسموم
بيه ما يضل حيل = = =
دمعي ابخدي ايسيل = = =
اجروحي ما هدت يوم شباب ومات مسموم
امام الشيعه مظلوم
************


2

حبك عايش اوياي شباب ومات مسموم
يسري وفه بدماي = = =
هواي وزادي والماي = = =
خلي اللايم ايلوم شباب ومات مسموم
امام الشيعه مظلوم
**********
بني العباس سموه شباب ومات مسموم
ثلث تيام خلوه = = =
بعدهه الشيعه دفنوه = = =
وحزنهه باقي لليوم شباب ومات مسموم
امام الشيعه مظلوم
************
مثل حسين جده شباب ومات مسموم
بقه يا وسفه وحده = = =
اهل الظلم ضده = = =
اعله موته اتفقو الكوم شباب ومات مسموم
امام الشيعه مظلوم


الشاعر // هادي الساعدي