زينب تنادي يبويه حيدره
حسين مذبوح وطريح اعللثره
*********************
زينب اتنادي يحماي الدخيل
ارتعبت الاطفال من صوت الصهيل
حركو اخيمنه وبعد ما ظلي حيل
والعدى صوبين اجت متجمهره
*********************

بويه راح الشهم عباس الجفيل
صبت ادموعي ودم عيني تسيل
على افراش المرض مطروح العليل
هذا بينه الصار بويه والجره

**********************

بويه هذا حسين كطعنه السيوف
راس باقي ابلا جسد ريتك تشوف
وحدي بويه امحاصره بقسه الظروف
بكلبي تسعر نار تلهب موجره


.

بويه لرض الشام للطاغي يزيد
بالسلاسل من خذوني والحديد
رعبو الاطفالة بأسياط و وعيد
والعيون اتصد علينه وناظره

**********************

بويه داوي اجروحي انا أم الخدر
خلصت لوعات وآهات العمر
اصبر اجمدوب ملا ني الصبر
نار دمعي على اخدودي دم جره


الشاعر //هادي الساعدي

أنا شيعي علوي حيدري
حسنيآ حسينيآ جعفري

**********************

علي امامي ثابت هذا يقين
ووصي المصطفى قال الأمين
اصطفاه الله امير المؤمنين
حيدر الكرار والحق توأمين
اشهدي يا دنيا قري وأجهري

.. **********************
حسنيا صبري ذل سيف الظلم
محتوي كل المصاعب وملم
منطقي الحكمه مشيد بالعلم
مآوى للضيف كريم وشهم
على نهج الحسن ابقى سائري

***********************
نبض قلبي وحياتي للحسين
وأدافع عن قضيتي لا ألين
انا جندي من جنوده الثائرين
ضد طغاة الكون ضد الكافرين
أنا للحق سيفي شاهري





جعفر الصادق امام مذهبي
علمه مأخوذ من علم النبي
يتلئلئ بالأفق كالشهبي
انه الحق فلا من مهربي
صادق القول بالعلم اشهري

*******************

افتديهه الروح وبذلهه الدماء
خالص لله ديني والولاء
شاهر سيفي للحق فداء
مهدوي القلب يصدح بالنداء
له روحي ودماء منحري



الشاعر //هادي الساعدي

نعي

وين عباس الشهم حاجوني
ما اشوفه راح تعمى اعيوني
ما اعوفج كال لو ذبحوني
وانا ادري بيه وفي وكله وفاء

صح شفت جفينه يم المشرعه
صحت ريت جفوفي كبله امكطعه
ما اريد .الماي ردنه انودعه
ولجله هاي اعيونه سالت دماء

كون اشم جفينه و دمعي يسيل
هذا ابو فاضل عضيدي و الكفيل
اون ونه خفيه من يجي الليل
هو نور عيوني والدربي ضياء

منو مثلي تحمل ما جرى وصار
الكفر حركو خيمنه وشبت النار
وبنص الخيم بس حرم وازغار
و ما عدهم رحم انذال الاعداء


الشاعر //هادي الساعدي

يكتب حسين القلم والدمع ينزل ألم
كلشي في هذا الوجود حزنه لجله ابلا حدود
والدمع ينزل ألم

___________________

حتى نسمات الهوى تتنفسه
اختنكت اشتمت هواه تتحسسه
هناك هيه بكربله حبهه رسه
بالضريح اطوفه تنعاه أبأسه
هذا لا مو شي عجيب اينوح كلشي للسليب
والدمع ينزل ألم

______________________

الطيور تهاجر ويمه تطوف
كعبه تدري بيه وطوفه ألوف
ألملاذ ألامن ألهه ابلايا خوف
ويمه نلجئ احنه في اقسه الظروف
يمه نشعر بالامان نلتجئله بكل زمان
والدمع ينزل ألم

____________________

كل تفاصيل الدقائق والزمان
حزن لجله ويبجي للأن المكان
شاف أطفال اتباجه ابلا أمان
والخيم حركوهه اتباع الجبان
رعبو اعيال الامام ونابته ابجسمه السهام
والدمع ينزل الم




حب ابو اليمه شمس ما تختفي
وشمعه اتضوي ادروبنه ما تنطفي
نهر خير ومنه يا روحي اغرفي
ابتاج حبه اتمسكي وتشرفي
ألشان يعلى والمقام نوره يطرد كل ظلام
والدمع ينزل ألم

___________________

قصة الطف اخذ من عدهه الدروس
احيي بيهه ا لفكر غذيهه النفوس
للمبادئ ضحوا أبدور وشموس
ماتو ابكل شرف مرفوعه الرؤوس
الدين يالروح اشتروه لبو اليمه عاهدوه
والدمع ينزل الم

____________________

نبقه نلطم عل صدر نلبس سواد
وكل سنه انقيم المآتم والحداد
بكل زمن ذكراى في كل البلاد
أبد ما ننساه وحق رب العباد
يسري ابدمنه هواه للعلي رخص دماه
والدمع ينزل الم


الشاعر # هادي الساعدي

فزاعيه
ابن حبيب الشاكري سيفي للحق شاهري
******************
امشي ابزود واباء سيفي للحق شاهري
ما اخاف الجبناء سيفي للحق شاهري
ومثخن بالدماء سيفي للحق شاهري
للمنايا سائري سيفي للحق شاهري
**************
روحي اقدمهه فداء سيفي للحق شاهري
اقسم برب السماء سيفي للحق شاهري حسين انوار وضياء سيفي للحق شاهري
اله اقدم منحري سيفي للحق شاهري
*********************
لقنت درس الكفر سيفي للحق شاهري جندي انا وفتخر سيفي للحق شاهري
فدوه رخصت العمر سيفي للحق شاهري ابروحي الموت اشتري سيفي للحق شاهري
*******************
فدوه لحسين انه اروح سيفي للحق شاهري ماتهمني هل الجروح سيفي للحق شاهري اعلن اليوم وابوح سيفي للحق شاهري
ضد يزيد الكافري سيفي للحق شاهري
******************
اتعلمت من الامام سيفي للحق شاهري
ابن حيدر والكرام سيفي للحق شاهري
اطرد اجيوش الظلام سيفي للحق شاهري وخصم الكل جائري سيفي للحق شاهري
*******************
لا اصافحهه الطغاة سيفي للحق شاهري
وما تخوفني المماة سيفي للحق شاهري
من اجل عز الحياة سيفي للحق شاهري
لبو اليمه ناصري سيفي للحق شاهري


الشاعر //هادي الساعدي

فزاعيه الى الامام العباس (ع)

ترجف الفرسان منك من تصول
يبو فاضل يا ابن فحل الفحول
يمنتك يا بو الفضل ترعب اجيوش وتذل
يبو فاضل يا ابن فحل الفحول.

***********************
جن علي الكرار تطبكهم سوه
ألموت أجاهم ما يشمون الهوه
أصير ظلمه ومابشوفون الضوه
ألوكفو اكبالك فلا عدهم عقول
اليوم تنطيهم دروس عل الكفر وأهله تدوس
يبو فاصل يا ابن فحل الفحول
**********************

الميمنه تكلبهه فوك ألميسره
شهم كلك زود همه ومقدره
أتعلمت من الصميده حيدره
كل الفنون المعركه وبيهم تجول
ياشبيه المرتضى ابعينهم ضاك الفضى
يبو فاضل يا ابن فحل الفحول

*********************

ما تثني بضربتك تكطع رؤوس
منك الفرسان تتعلم دروس
. تضحيات وغيره غذيت النفوس
اشنحجي بحقك قليل أشما نكول
يا نضر عين الحسين دست روس المعتدين
يبو فاضل يا أبن فحل الفحول




همه كل ضنهم يصدون البطل
شافو ابنظراته لحظات الاجل
الريح عمره ما يأثر بالجبل
وهمه ريح أشما تهب حتمآ تزول
قلعه أيمانك نعم شوكه بعين الظلم
يبو فاضل يا ابن فحل الفحول

**********************
.
انت وفيت ونعم يوم الطفوف
والدليل أكطعت منك جفوف
يا شهم ما همتك كل الصفوف
وسفه لكن بالغدر منك تنول
بجت حتى المشرعه على هاي الفاجعه
يبو فاضل يا أبن فحل الفحول

الشاعر // هادي الساعدي

انه الحره السبيه بت علي حامي الحميه
بالسلاسل كيدوني والعيون اتصد عليه
*****************)*
انا ام الخدر زينب انا بت حيدر علي
الجندل الفرسان سيفه ألما يرد كل سائلي
اشلون ترضوهه انسبي وانا ابوي أعظم ولي
والمصيبه يشتموني وكيدوهه اثنين اديه
****************
انا والاحزان وألهم والدمع بعيوني جمره
والحمل طيحلي متني وسط روحي نار كبره
اتعثر ابخطواتي ومشي والعيال اوياه اسره
وعن ابوهم ينشدوني اختنكت العبرات بيه
*****************

مني راح حسين وسفه وعلي الاكبر والرضيع
ابو اليمه الما نساني احتمي ابسده المنيع
يشهد الباري عليه خالقي الباري السميع
يبقى رسمه في عيوني اوياه اتمنه المنيه



وين جفين الاخوه وينه عباس الجفيل
انا اختك يبو فاضل حملي من بعدك ثحيل
بين ارجاس وشماته اميسره ودمعي يسيل
وي هظيمه يضربوني وين جانت هاي اليه
**************

وينهه الاحرار راحت تشهد اعلل ليجره
تشهد اعلل باع دينه والضمير الي اشتره
اتشوف هاي افعال اميه والحشود الكافره
بكل شماته ينضروني اه من الغاضريه


الشاعر//هادي الساعدي

على امصابج يزينب ذابت الروح
مثل نار الخيم ما تطفه الجروح
********************

مثل دمعة رقيه انصب الدموع
بينه النار شبت حدر الضلوع
وحبج بالكلب والروح مطبوع
قسم بالنون نقسم احنه واللوح
***************

يا أخت الكفيل البطل عباس .
نظل نلطم يزينب نبجي بأحساس
ويظل صبرج دروس ورفعة الراس
وبأسمج ها يزينب تعلى الصروح
**************

نلعن آل اميه وكل الارجاس
نشم أسمج عبير ابعطر الانفاس
صبرج عل المصايب ماله مقياس
عليج ابكل وكت ما يبطل النوح


******************

اخذنه الصبر منج واعظم ادروس .
وعلى درب المنايا نمشي وندوس
واضح منهجج ونشوفه ملموس
اتحديتي يزيد ابكلب مجروح


الشاعر //هادي الساعدي

وين اخواني وهلي وين ذخري وجافلي
وين اهل الرحم راحو ما بقه واحد ألي
*******************
سكنه عطشانه وتنوح زيدت بيه الجروح
اتصيح عمي الشهم وينه عمه شو ما رد علينه
راح شو ما رد ألي
********************
شابت بعيني الدموع وحترك مثل الشموع
وتنطفي نيراني بيه شفت لوعات وأذيه
من شماته وعاذلي
*****************
خويه طولتو الغياب مثل شمعه كلبي ذاب
وزيدت همي وانيني والله يا لهفة حنيني .
يبن حيدرنه الولي



لوعتي ودموم انزف على اخدودي الدمعه اذرف
والحرم وألعيله عندي جافلي وينك يسندي
ابعمري من بعدك شلي

*******************
الحرم من بعدك ولوهه والخيم نار اشعلوهه
الغيره ماتت والضمير أبد ما ألهم نضير
وي يزيد السافلي


الشاعر //هادي الساعدي

الخيم حركوهه بويه يا يويه علي
والحرم رعبوهه بويه يا بويه علي
*************
بويه كل طفله تفز مرعوبه
أجتافي بسياط الظلم مضروبه
اثياب ابنك يا علي مسلوبه
ابغدر سلبوهه بويه يا بويه علي

*************

خاف اسولفلك وألم روحك
ويرجع الماضي وغمج اجروحك
كل سهم صابانه بيه أيلوحك
وكل رمح يرموهه بويه يا بويه علي

**************

ضلت النسوان غربه ابلا زلم
من يونن حيلي كله ينهدم
لو جبل شاف الجرى هم ينثلم
بت علي اسروهه بويه يا بويه علي

****************

ارواحنه محتركه وي حرك الخيم
راحوا الزينين اهل غيره وشيم
والمواجع زادت وزاد الألم
والاطفال اذوهه بويه يابويه علي
****************

جبد عبدالله العطش فتاهه
وحرمله بسهامه نحره ادماهه
روحي وي روحه يبويه اذاهه
وجبدتي ادموهه بويه يابويه علي


الشاعر //هادي الساعدي

نعي زينب تنادي ابو الفضل (ع)

اكعد يخويه واحجي وياي
من بعدك شلي ياخوي بالماي
يا شمام روحي ونظر عيناي
؛ عليك أعميهه هاي وي هاي
وحزني اعليك ما بطله يرجواي

حركوهه الخيم وينك يعباس .
وضربوهه الحرم بسياط الارجاس
وحده اتلوذ بأخرى ها ينبر اس
بعدك يا بو فاضل كلي ياهو الهن

عباس وينك خويه ابو الغيره
لرض الشام اخذوني اسيره
وانا امدللة حيدر اميره
وبعد عباس مهظومه اكلهن

اصبر بالحراير وبجي سكته
كبل الطف انه يا ريت ميته
جفين الكمر والجود شفته
يريت اجفوفه ابروحي اظمنهن

وحك المرتضى وامي الزجيه
يهد اجبال ظيم المر عليه
اخوتي وكل هلي راحو سويه
اهمومي يا بشر غيري حملهن

الشاعر //هادي الساعدي

السلام عليك يا ابا عبد الله
***********
يا حسين الدنيا من غيرك ظلام .
لجلك اينوح ويون حتى الحمام
رمز للحب انت يارمز السلام
يا حبيبي يا حسين يا ضوه اعيون السنين
يا ابا عبد الله
السلام عليك يا ابا عبد الله
**********
يا حبيب الهادي روحه ومهجته
بأسمك الاسلام رفة رايته
يا طريق الله ورضاه وجنته
ناحت الدنيا عليك فدوه لجدامك واديك
يا ابا عبد الله

السلام عليك يا ابا عبد الله

***************
الامه ابعاشر محرم ظلمتك
عل رمال وحرهه ويلي خلتك
جنت تهديهم ردت كل غايتك
كلت عوفوه الظلم عيشو بخير وسلم
يا ابا عبد الله

السلام عليك يا ابا عبد الله

**************
يا سفينه الركب بيهه ما هلك
فاز دنيا واخره الدربك سلك
الكون يتبارك اباسمك والفلك
اتنفسك حتى الهوى نورت حتى الضوى
يا ابا عبد الله
السلام عليك يا ابا عبد الله
*************
انصير عابس كلنه محلاى الجنون
أشما لطمنه اشما بجت دم العيون
ما نعوفك يا حسين اشما يكون
هذا ابحقك قليل عن طريقك ما نميل
يا ابا عبد الله
السلام عليك يا أبا عبد الله




الشاعر //هادي الساعدي

يا عليل الغاضريه شفت لوعات و أذيه
يعين كلبك بالطفوف راس مكطوع وجفوف
ودعت أهلك سويه
**********************
تنزف آهات ومواجع دامي كلبك منجرح
جسم ابوك مكطعينه والجرح فوك الجرح
وكطعوا من جفه خنصر على الغبره منذبح
وانت بعينك تشوف راس مكطوع وجفوف
ودعت اهلك سويه
**********************
الله ايعينك أمامي تنضر أنت ما جره
شفت عبدالله ومصابه انذبح من منحره
ودمه ينزف من وريده اشلون كلبك ياتره
كله احساس وعطوف راس مكطوع وجفوف
ودعت اهلك سويه
*************************
بالعمود البدر صابوا وصابو الجربه أبسهم
اليمنى كطعوهه ويساره طاح شيال العلم
جوده ينزف بالأخوه وتننتظر جيته الحرم
صابته اسهام الحتوف راس مكطوع وجفوف
ودعت اهلك سويه



2

تصرخ اطفال الهواشم ورده ذبلانه غدت
وسكنه تصرخ واين ابونه نارهه لا ما هدت
وحركوا أخيام المخيم ابهاي أميه أتعمدت
ومو ألف جانوا ألوف راس مكطوع وجفوف
ودعت اهلك سويه
***********************
ألهظيمه اتشوف زينب ينظر أعليهه المله
والشمر يحدي ابضعنهه ويمشي وي القافله
هذا موقف حيل مؤلم يا هو غيرك يحمله
أميسر تحوطك صفوف راس مكطوع وجفوف
ودعت اهلك سويه

الشاعر //هادي الساعدي

الى الامام الحسن (ع)

باجر المهدي يبني كبتك

وابد ما تنمنع عنه ازيارتك

*****************
باجر ابن الحسن ياخذ حيفه
وبيده ذو الفقار يلمع سيفه
ويبقه كل الامر هو بكيفه
تظل ترجف منه ناس ألظلمتك
وأبد ما تنمنع عنه ازيارتك

*****************

يبني الكبه ويعلي اصروحك
ياخذ ابثارك يظمد اجروحك
واحنه ندخل مرقدك ونوحك
وبيدنه اترفرف رغمهم رايتك
وابد ؛ما تنمنع عنه ازيارتك

*****************

المناره تنبني وتعلى اكيد
ازورك احبابك ملايين ومزيد
والطغاهو تنتهي بالذل وتبيد
والعفو تطلب الناسة الضدتك
وابد ما تنمنع عنه ازيارتك

***************


اهناك يمك سيدي انقيم العزاء
ويانه تلطم حتى املاك السماء
انصيح يا مسموم وتسيل الدماء
وتجي من كل صوب ناس الحبتك
وابد ما تنمنع عنه ازيارتك

*******************

ايصلي المهدي ابضريحك يا امام
وخلفه انصلي ويطرد كل ظلام
ومن نطوفك يفرش اجناحه الحمام
ويا هلا ومرحبا تنادي شيعتك
وابد ما تنمنع عنه ازيارتك


الشاعر //هادي الساعدي

الى الامام السجاد (ع)


صبوا الدمعه فوك الدمعه
ابن الهادي الليله انودعه

***************

بالطف شاف الما شافه احد
تلهب ناره ولا ما تخمد
الله يعينه كل حيله انهد
شاهد اهله بالطف صرعه

*************
غيره ينكط وابن الغيره
راجع زين واقره السيره
اتحير الاقلام بتصويره
عابد زاهد اخلاق ورفعه
**************
اتحمل لوعه وشاف اهموم
يوم ايمر اصعب من يوم
وحزنه بكلبه ظل للدوم
وتسعر ناره مثل الشمعه



بالعالي اتخفق ساريته
اولهه ابخير وتاليته
اليمشي اباقواله وتربيته
طيب السيره وطيب السمعه

***************
سمو يا شيعه ابن الهادي
نصرخ يل سجاد انادي
حتى الجبل ايون والوادي
وكلشي ايون بالكون انسمعه


الشاعر//هادي الساعدي

يا كريم أل النبي يل الحسن كلك آبي
الكرم عندك سجيه والشجاعه حيدريه
يل حسن كلك آبي
*******************
من اوصفك شرد اضيف لو كلت عنك كريم
هاي خصله من خصالك يا امين ويا حليم
رحمه وبطبعك مسامح مثل طاهه اشكد عظيم
واليضدك رغم حقده انت تدعيه للنعيم
اتحملت ياما اذيه والشجاعه حيدريه
يل حسن كلك آبي
********************
أليدك بابك مؤكد ياخذ الحاجه بأديه
واليتيم وهو ساكت حاجته ألبيته تجيه
ما تنام الليل كله مثل ابوك انت شبيه
املثم وخفيه تصدق طالع بكلشي عليه
مثل حماي الحميه والشجاعه حيدريه
يل الحسن كلك آبي
********************

بالمعارك من تقاتل تحصد بسيفك زلم
فارس وقائد محنك بالقتال انت ملم
رافض الذل بيك نعرف ما تنام اعللظلم
يوسع الكونين صدرك مملي زود ويه الحلم
يل صفاتك هاشميه والشجاعه حيدريه
يل حسن كلك آبي

*******************
حيرتهم بيك داخوا ابد ما كدرو عليك
بالمكر شنو حربهم رادو ايشلون اديك
جندو جيش الدعايه وخانك الجان الشريك
وشترو بعض الظماير بغضآ بحيدر أبيك
وهاي معروفه القضيه والشجاعه حيدريه
يل حسن كلك آبي
*********************

هاي عيني اشما بجتلك ابقه امقصر اكيد
يا غصن شجرة محمد يشهد الباري المجيد
فرض حبك يا امامي بكلبي يوميه يزيد
طاهه جدك بيك وصه ووصه بحسين الشهيد
كل صفاتك هاشميه والشجاعه حيدريه
يل حسن كلك آبي


الشاعر //هادي الساعدي

اشما بجيتك لو رثيتك انت اكبر من رثائي
ابروحي اجيتك ما نسيتك تبقى اغلى من دمائي
****************
انا احبك وامشي دربك بروحي متوسط نجم
ما اعوفك جنه اشوفك واقع ولا مو حلم
محلى اسمك من ارسمك كرم مو لوحة رسم
يا حبيبي يا طبيبي للعل انت دوائي

**************
كل كياني والاماني بعيني اشاهد كبتك
يا حياتي وامنياتي مشي نمشي ازياتك
انقيم مأتم نبجي من دم رغم ناس الضدتك
اهناك يمك انواسي امك يانظر عيني وضيائي

****************
نور ليلي يا خليلي يل حسن بأسمك اصيح
علمتني وفهمتني ينهض ابهمه اليطيح
حاربتهم وفضحتهم مثل ابو اليمه الذبيح
وواجهتهم ولقنتهم بيك يفخر كل فدائي




شأقره عنك .طاهه جنك تفتخر بيك الجنان
كرم كلك هذا اصلك منبع الحب والحنان
حربي حربك امشي دربك كله خير وبس امان
بروحي اظمك عطر اشمك ايزل مني كل عنائي

***************
حلمي انت ودمعي سكته من اصب دمعي عليك
اتمنه اصير كون طير اصفك اجناحي وجيك
وبجي يمك فدوه لسمك انا خادم بين اديك
يا امامي وكل غرامي مطلبي هذا ودعائي


الشاعر//هادي الساعدي

ابوذيات

أدوس اعلل الألم كوه وكابر
وناجي الباري ابليلي وكبر
اهلي للبشر رحمه واكابر
لجن راحو ذبح بالغاضريه


موقف صعب هد زينب وألمهه
تكول اطفال شي فرت ولمهه
وربي اليعلم بروحي وألمهه
انه اتمنيت تحضرني المنيه
**********

اصيح حسين هذا حسين يماي
سليب وخنصره مكطوع يمه
ويكلولي اشربي الماي يا ماي
وعطاشا كل هلي راحو سويه

********

ألحز نحرك يبو السجاد حزنه
وكل شيعي يظل للموت حزنه
يل اعلى المراتب بيك حزنه
تظل عنوان للأمه وهويه
*********
ذبل غصني ييمه وذبل ورداك
بسهم مسموم صاب النحر ورداك
حن كلبي عليك وحيل راداك
تعال وطفي ناري ابهل مسيه
*******
بجتلي اعيونهه الوادم لوني
ومصايب كربله اذني لوني
صفه لون الحزن وهموم لوني
من راحو هلي كلهم سويه

الشا عر //هادي الساعدي

الى الامام الحسن (ع)

باجر المهدي يبني كبتك

وابد ما تنمنع عنه ازيارتك

*****************
باجر ابن الحسن ياخذ حيفه
وبيده ذو الفقار يلمع سيفه
ويبقه كل الامر هو بكيفه
تظل ترجف منه ناس ألظلمتك
وأبد ما تنمنع عنه ازيارتك

*****************

يبني الكبه ويعلي اصروحك
ياخذ ابثارك يظمد اجروحك
واحنه ندخل مرقدك ونوحك
وبيدنه اترفرف رغمهم رايتك
وابد ؛ما تنمنع عنه ازيارتك

*****************

المناره تنبني وتعلى اكيد
ازورك احبابك ملايين ومزيد
والطغاهو تنتهي بالذل وتبيد
والعفو تطلب الناسة الضدتك
وابد ما تنمنع عنه ازيارتك

***************


اهناك يمك سيدي انقيم العزاء
ويانه تلطم حتى املاك السماء
انصيح يا مسموم وتسيل الدماء
وتجي من كل صوب ناس الحبتك
وابد ما تنمنع عنه ازيارتك

*******************

ايصلي المهدي ابضريحك يا امام
وخلفه انصلي ويطرد كل ظلام
ومن نطوفك يفرش اجناحه الحمام
ويا هلا ومرحبا تنادي شيعتك
وابد ما تنمنع عنه ازيارتك


الشاعر //هادي الساعدي

يل مهدي طال الغياب يوميه انودع احباب
يمته الفرج منتظرين يابن الحسن نور العين
يوميه انودع احباب
******************** .
يا سيدي انت اعلم بحالتنه
ماتت ضماير مو بشر ظلمتنه
ظلام رادوا كل وكت ذلتنه
لا ما ضعفنه اضاعفت قوتنه
ونبقى بنهجكم ماشين يابن الحسن نور العين
يوميه نودع احباب

*****************

يوميه احنه ننذبح لجل الدين
جم.طفله عدنه اتيتمت تبجي الحين
وجم قاسم احنه للنجف امودعين
ضاقت صدور احبابك ومتأذين
والشوفتك مشتاكين يابن الحسن نور العين
يوميه نودع احباب
*********************

الهذا الوضع نشكيلك وتسمعنه
انت الامل للعالم ومنقذنه
بلحظة ظهورك تنمسح دمعتنه
والحزن كله ينجلي وتسعدنه
وبلا الم فرحانبن يابن الحسن نور العين
يوميه نودع احباب
*******************
ولد الحشد واحنه وجميع الاشراف
والعالم وكل الدول والاطياف
ومو بس بشر حتى جميع الاصناف
تعيش أبأمان بدولتك لا متخاف
وما كو فرق متساوين يابن الحسن نور العين
يوميه نودع احباب
******************

ابياس ورود نستقبلك بالأفراح
ونضخي بمال وولد وبأرواح
حبك عقيده ومعتقد النه اسلاح
بالفطره حبك مو خساره وأرباح
وبهذا الححي معتقدين يابن الحسن نور العين
يوميه نودع احباب


الشاعر /هادي الساعدي