ይህ ፓስታ ሳይሆን ሐዋሳ ከተማ ከ8 ዓት ህፃን ጉሮሮ በቀዶ ህክምና የወጣ ትል/ፓራሳይት/ ነው።

ትሉ የልጁን ጉሮሮ በመዝጋት ከተበከለ በኋላ በቀዶ ጥገና ተወግዷል።

እነዚህ ትሎች/ፓራሳይቶች/ ወደ አንጀታችን የሚገቡት የእጃችንን ንፅህና ባለመጠበቅ ነው። በተጨማሪም ንፁህ ያልሆኑ/የተበከሉ ፍራፍሬዎችን እና አትክልቶችን በመመገብ ወደ እኛ ይተላለፋል።

ስለዚህ የምግብ ንፅህናን በመጠበቅ እራሳችንን እና ሌሎችን ከበሽታው እንጠብቅ!
(ዶክተር ናፊያ)
ፎቶ:ሀኪም

@ethio_mereja_news
@ethio_mereja_news

የፍኖተ ጽድቅ መስራችና የስራ ኃላፊዎች ኦርቶዶክሳውያንን ይቅርታ ጠየቁ።

ፍኖተ ጽድቅ አገልግሎትና የማህበሩ ሚዲያ በአሠራጫቸው ልዩ ልዩ መርሐ ግብራት ላይ የትምህርተ ሃይማኖት፣ የሥርዐተ አምልኮና የትውፊት ጥያቄዎች ሲቀርቡበትም ነበር።

በተለይ በማኅበራዊ ሚዲያ በፍኖተ ጽድቅ ማኅበር ጉባኤና በጉባኤው በሚመደቡ መምህራንና መዘምራን፣ በጉባኤው በሚሰጡ ትምሀርቶችና በሚዘመሩ መዝሙራት፣ በመዝሙር መሣሪያዎች አጠቃቀምና የአዘማመር ስልቶች ላይ ጥያቄዎች ሲነሡና አንዳንድ ጊዜም የቤተ ክርስቲያን ልጆች መካከል የልዩነትና የውዝግብ ምክንያት ሲሆንም ታይቷል።

ይህን ተከትሎም የፍኖተ ጽድቅ ማኅበር ኦርቶዶክሳዊ መሠረተ እምነትን፣ ሥርዐተ አምልኮንና ትውፊትን ብቻ ማዕከል አድርጎ ማገልገል በሚያስችሉት ጉዳዮች ላይ፤ ብፁዓን አበው ሊቃነ ጳጳሳት፣ መምሀራነ ወንጌልና በማኅበራዊ ሚዲያ በፍኖተ ጽድቅ ላይ አተኩረው የዕቅበተ እምነት ሥራዎችን የሚሠሩ ወንድሞች፤ የፍኖተ ጽድቅ መሥራች ከሆኑት ከአቶ ጸጋዬ ደበበና ከማኅበሩ አመራሮች ጋር ለበርካታ ጊዜያት ውይይትና ምክክርም ሲያደርጉም ቆይተዋል።

በውይይቱም መሰረት ፍኖተ ጽድቅን በተመለከተ በሚከተሉት ነጥቦች ላይ የጋራ ስምምነት ላይ ተደርሷል

👉 በፍኖተ ጽድቅ ማኅበር በመደበኛ መምህርነት ተቀጥረው የሚያስተምሩ መምሀራን ማስተማር አቁመው በዝዋይ ሐመረ ብርሃን ገዳም ሔደው ጥሞና እንዲወስዱና በሚመደቡላቸው ኦርቶዶክሳውያን መምሀራን ሥልጠና እንዲወስዱ።

👉 ከኦርቶዶክሳዊ መሠረተ እምነት፣ ሥርዐተ አምልኮና ትውፊት ያፈነገጡ መዝሙራትም ሆኑ ያልሆኑ ከፍኖተ ጽድቅ የዩቱብ ቻናል ሙሉ በሙሉ እንዲወርዱ።

👉 ኦርቶዶክሳዊት ቤተ ክርስቲያናችን ለመዝሙር አገልግሎት ከምትጠቀማቸው የዜማ መሣሪያዎች ወጭ ያሉት የሙዚቃ መሣሪያዎችና ማቀናበሪያዎች በሙሉ እንዲወገዱ።

👉 በኦርቶዶክሳዊ መዝሙራትና የዜማ መሣሪያዎች አጠቃቀም ላይ የፍኖተ ጽድቅ የጎብረት ዘማርያንና የዜማ መሣሪያ ተጫዋቾች ሥልጠና እንዲወስዱ።

👉 ፍኖተ ጽድቅ ወደፊት በሚሰጣቸው የትምሀርትና የመዝሙር አገልግሎቶች ኦርቶዶክሳውያን መምሀራንና ዘማረያን ብቻ እንዲያገለግሉ።

👉 የፍኖተ ጽድቅ መስራችና የስራ ኃላፊዎች ኦርቶዶክሳውያንን ይቅርታ እንዲጠይቁ።

👉 በፍኖተ ጽድቅና በአንዳንድ የቤተ ክርስቲያናችን መምህራን ላይ አተኮረው የሰሩ ቲክቶከሮች የሰሯቸውን ቪዲዮዎች እንደያወርዱ፤ መምሀራኑም እንዲሁ እንዲያደርጉ።

በእነዚሀ የጋራ ስምምነት መሠረትና የወደፊቱን አገልግሎት በማሰብ ፍኖተ ጽድቅ ኦርቶዶክሳዊ መሠረት እምነት ፣ ሥርዓት እምልኮ ፣ ትውፊት የተላለፋም ሆኑ ያልተላለፋ መዝመሮች በሙሉ ከዩቱብ ቻናል እንዲውርድ ተደርጓል።

Via:FastMereja

@ethio_mereja_news
@ethio_mereja_news

📍ባህርዳር

በአማራ ክልል መዲና በባህር ዳር ከተማ ቀበሌ 14 ትላንት መጋቢት 29 የመግሪብ ሰላት ሰግደው ሲመለሱ የነበሩ አባት ከ3 ልጆቹ እንዲሁም አንድ ጎረቤታቸውን ጨምሮ አጠቃላይ 5 ሰዎች በተከፈተባቸው የጥይት እሩምታ መገደላቸው ተነግሯል።

ትላንትና ምሽት በግፍ የተገደሉት ፥ አቶ ሙሄ ፣ ልጃቸው አበባዉ ሙሄ ፣ ሽኩር ሙሄ ፣ ሙላት ሙሄ እና ጎረቤታቸው አቶ እንድሪስ የተባሉ ሲሆኑ ስርዓት ቀብራቸው በዛሬው ዕለት ተፈፅሟል።

እስካሁን ገዳዮች ስለመያዛቸው የተባለ ነገር የለም።

በከተማዋ ከተገደሉት ሰዎች ባሻገር ባህርዳር ከተማ አባይ ማዶ የሚገኘው መስጂድ ከፍተኛ የመሳሪያ ድብደባ እንደተፈፀመበት ተገልጿል።

ከዚሁ ጋር በተያያዘ ዛሬ የባህር ዳር ሙስሊሞች በክልሉ በሙስሊሞች ላይ አነጣጥረዋል ያሉትን ግድያ እና እገታ በመቃወም ሰልፍ ማድረጋቸውን " ሀሩን ሚዲያ " ዘግቧል።እስካሁን በአማራ ክልል እስልምና ጉዳዮች ከፍተኛ ምክር ቤትም ሆነ በኢትዮጵያ እስልምና ጉዳዮች ጠቅላይ ምክር ቤት የተሰጠ አስተያየት የለም።

@ethio_mereja_news
@ethio_mereja_news

የዒድ አልፈጥር በዓል ረቡዕ ነው‼️

ዛሬ የሸዋል ወር ጨረቃ ባለመታየቷ ፤ በመሆኑም የዒድ አልፊጥር በዓል ረቡዕ ይከበራል።

ነገ ማክሰኞ የረመዷን የመጨረሻው ሰላሳኛ ቀን ይሆናል።

@ethio_mereja_news

የኢትዮጵያ ኤሌክትሪክ ሀይል እና የኢትዮጵያ ኤሌክትሪክ አገልግሎት በጋራ መስራት ባለመቻላቸው ከ 1 ሚሊዮን ዶላር በላይ ገቢ ታጥቷል ተባለ

6ኛ ዙር 3ኛ አመት የህዝብ ተወካዮች ም/ቤት የመንግስት ወጪ አስተዳደር እና ቁጥጥር ጉዳዮች ቋሚ ኮሚቴ በዛሬዉ እለት በ2014/15 በጀት አመት የኢትዮጵያ ኤሌክትሪክ ሀይል ማስተላለፊያ መስመሮች እና ማከፋፈያ ጣቢያዎች ፕሮጀክት አፈጻጸምን በተመለከተ በክዋኔ ኦዲት ዉጤት መሰረት ሪፖርት በዛሬዉ እለት ቀርቧል።

በቋሚ ኮሚቴዉ በቀረበዉ መረጃ መሰረት የኢትዮጵያ ኤሌክትሪክ ሀይል እና የኢትዮጵያ ኤሌክትሪክ አገልግሎት ተቋማት በጋራ ባለመስራታቸው በአማካይ ከ 1 ቢሊዮን 270 ሚሊዮን ብር በላይ ዋጋ ያለዉ ሀይል ለሀገርዉስጥ እና ለዉጭ ገበያ አለመቅረቡ በሪፖርቱ መነሳቱን ብስራት ራዲዮና ቴሌቪዥን ሰምቷል።

በተጨማሪም ቋሚ ኮሚቴዉ በኦዲት ግኝቱ መሰረት የተቋሙ ዋና ስራ አስፈፃሚ ምላሽ እንዲሰጡባቸዉ በርከት ያሉ ጥያቄዎችን አቅርቧል። ከነዚህም ዉስጥ የአላማጣ - ኮምቦልቻ - ለገጣፎ 230 ኪሎ ቮልት የኤሌክትሪክ ሀይል ማስተላለፊያ መስመር ግንባታ ሲከናወን በዲዛይኑ መሰረት ስለመከናወኑ ክትትል ባለመደረጉ የተፈጠሩ ስህተቶች እዲሁም በበጀት ፣ በተባለዉ ጊዜ አለማጠናቀቅ ፣ በሚያጋጥመዉ ስርቆት ዙሪያ እና ሌሎች በርካታ ስራዎች በደረጃዉ ልክ ለምን አልተጠናቀቁም የሚሉት ይገኙበታል።

የኢትዮጵያ ኤሌክትሪክ ሀይል ወጪዉን የማያዉቅበት እና ያልመዘገበበት ፕሮጀክት አለ የተባለም ሲሆን በዉጭ ምንዛሪ የተገዙ እና ቁጥራቸዉ በዉል የማይታወቅ ከግንባታ የተረፉ ቁሳቁሶችም ካለጥቅም ሳር በቅሎበቸዋል በሚል በተቋሙ ላይ ትችት ተሰንዝሯል።

@ethio_mereja_news
@ethio_mereja_news