🇺🇸🇸🇦 АҚШ ва Саудия Арабистони Яқин Шарқни ўзгартириши мумкин бўлган мудофаа пактини тузишга яқин турибди — Bloomberg

Битим Ар-Риёдга Американинг илғор қуролларидан фойдаланиш имконини беради ва Исроилга Ғазо урушини тугатиш учун рағбатлар тақдим этади.

Америка Қўшма Штатлари ва Саудия Арабистони қиролликка хавфсизлик кафолатларини берувчи, Исроил Ғазо секторидаги урушни тўхтатса, у билан дипломатик муносабатларга йўл очувчи мудофаа пактини тайёрламоқда, деб хабар бермоқда агентлик нашри манбаларига таяниб.

Bloomberg маълумотларига кўра, келишувнинг бир қисми сифатида Саудия Арабистони “Американинг илгари тақиқланган илғор қуролларига” кириш ҳуқуқига эга бўлиши мумкин. Бундан ташқари, араб мамлакати АҚШнинг сунъий интеллектга сармояси ва фуқаролик ядровий дастурини ишлаб чиқишдаги ёрдами эвазига Хитой технологиясининг ўз мамлакати тармоқларига киришини чеклаши шарт бўлади.

🔥 @burchakostida

🇮🇪🇬🇧 Ирландия муҳожирларни Буюк Британияга чиқариб юбориш учун қонунларини ўзгартиради — AFP

Бу Буюк Британиядан мамлакатга кириб келаётган ноқонуний муҳожирлар оқимининг кўпайиши фонида юз бермоқда. Ирландия Адлия вазирлиги маълумотларига кўра, бошпана изловчиларнинг 80 фоизи Буюк Британия таркибига кирувчи Шимолий Ирландияда ҳудудидан мамлакатга кириб келади. Буюк Британиядан фарқли ўлароқ, Ирландия Европа Иттифоқи аъзоси, шу сабабли, муҳожирларга қўйиладиган талаблар мамлакатларда фарқланади.

Ирландия Адлия вазири Хелен Макэнти томонидан ҳукуматга тақдим этилиши кутилаётган янги қонун лойиҳасига Ирландияда яшаш учун рухсатнома ололмаган шахсларни Буюк Британияга депортация қилиш имконияти ҳақида таклиф киритилиши мумкин.

🔥 @burchakostida

🇬🇪🇺🇸 Грузия бош вазири Вашингтоннинг “хорижий агентлар” тўғрисидаги қонунни кўриб чиқишни тўхтатиш ҳақидаги сўрови туфайли АҚШга ташрифини бекор қилди

Бу ҳақда Грузия Ташқи ишлар вазирлиги маълум қилди.

"Ташрифни шартлар билан ўтказиш ўзаро ҳурмат ва ишончга асосланиши керак бўлган шериклик руҳига тўғри келмайди", дейилади Грузия ТИВ баёнотида.

АҚШ Давлат департаменти вакили Нед Прайс Тбилисининг баёнотларини рад этди, шу билан бирга, агар “хорижий агентлар” тўғрисидаги қонун қабул қилинса, Грузия расмийларига қарши санкциялар қўлланилиши мумкинлигини истисно этмади.

🔥 @burchakostida

🇳🇪🇷🇺🇺🇸 Россия қўшинлари Нигердаги Америка ҳарбий ҳаво базасига жойлаштирилди — Reuters

Агентлик бу ҳақда АҚШ Мудофаа вазирлигининг юқори мартабали мулозимига таяниб хабар бермоқда.

"Руслар Ниамейдаги ҳарбий базанинг алоҳида комплексида жойлашган. Улар Қўшма Штатлар қўшинлари ва ҳарбий техникасидан фойдаланиш ёки уларни кузатиш имконига эга эмас", — дея ҳолатга изоҳ берди Пентагон раҳбари Ллойд Остин.

Аввалроқ Нигердаги ҳарбий хунта раҳбарияти ва АҚШ расмийлари ушбу мамлакатдаги барча америкалик ҳарбийларни олиб чиқилиши бўйича келишувга эришилгани хабар қилинган эди.

🔥 @burchakostida

🇷🇺 Financial Times: Россиянинг Музлатилган активларини тўлиқ мусодара қилиш ғояси энди муҳокама қилинмаяпти

Бу ҳақда G7нинг бир-биридан мустақил бўлган расмийлари маълум қилди.

Нашрнинг ёзишича, ҳозирда мусодара қилиш ўрнига, Ғарб давлатлари блокланган маблағлардан фойдаланишнинг муқобил усулларини ўрганмоқда.

🔥 @burchakostida

#бурчакстат

Океан саломатлиги индекси

Океанлардаги жорий ҳолат ва экотизимнинг инсониятга таъсирини баҳолашнинг муҳим йўлларидан бири "Океан саломатлиги индекси"дир.

Эритрея 54,8 индекс билан таҳлил қилинган 220 мамлакат ва минтақалар орасида энг паст ўринни эгаллади, Кот-Д'Ивуар ва Конго Республикаси мос равишда 54,9 ва 55,9 балл билан ундан олдинги ўринларда туради. Ҳар учала давлат ҳам озиқ-овқат хавфсизлиги суб-индексида ёмон баҳо олган, Эритрея эса яшаш ва иқтисод сегментида атиги уч баллга эга, Кот-Д'Ивуар ва Конго Республикасининг натижалари эса қирғоқни муҳофаза қилиш суб-индексида сезиларли яхшиланганини кўришимиз мумкин.

Африка қитъасидаги кўплаб мамлакатлар ёмон балл тўплаган бўлса-да, қитъанинг шарқий қирғоқларидаги баъзи оролларда бунинг аксини кўришимиз мумкин. Масалан, Сейшел ороллари 100 000 дан ортиқ аҳолига эга мамлакатлар орасида 86,6 балл билан табиий маҳсулотлар, углеродни сақлаш, туризм ва дам олиш учун тўлиқ балл олган мамлакатлар орасида биринчи ўринда туради. Африка қирғоқларидан 320 мил узоқликда жойлашган яна бир ороллар гуруҳи бўлган Майотте 83,9 балл билан учинчи ўринда, Португалия эса 83,6 балл билан юқори ўнталикдан жой олган Европанинг ягона вакили ҳисобланади. Умуман олганда, глобал индекс бўйича ўртача балл 73,5 ни ташкил этмоқда.

"Океан саломатлиги индекси", лойиҳаси веб-сайтида ёзилишича, "океан тизимлари одамларга керакли имтиёзлар ва хизматларни қанчалик барқарор таъминлашини ўлчайди" ва биринчи марта 2012 йилда нашр этилган. Мутахассислар ушбу индекс доирасида биологик хилма-хиллик, тоза сув ва углеродни сақлаш, шунингдек, озиқ-овқат хавфсизлиги, туризм ва дам олиш каби ўнта асосий йўналиш бўйича кўрсаткичларни кўриб чиқади.

🔥 @burchakostida

🇸🇪 Швеция ташқи ишлар вазирлиги “Шимолий оқим” портлашлари бўйича халқаро тергов ўтказиш зарур деб ўйламаяпти

Бу ҳақда РИА Новости агентлигига ТИВ матбуот хизмати маълум қилди.

Эслатиб ўтамиз, Хитой Халқ Республикасининг БМТдаги доимий вакили ўринбосари Генг Шуанг аввалроқ “Шимолий оқим”даги теракт юзасидан БМТ бошчилигида халқаро терговни тезроқ бошлашга чақиришини айтган эди.

🔥 @burchakostida

🇨🇿🇺🇦 Чехия ҳарбий хизматдан қочган украиналикларни қўллаб-қувватламайди — Чехия ТИВ раҳбари

Чехия ташқи ишлар вазири Ян Липавскийнинг айтишича, Чехия украиналик қочқинларни қўллаб-қувватлайди ва уларни мамлакатга киришига руҳсат беради, лекин қонуний ҳарбий мажбуриятдан қочишга уринаётганларни эмас.

Чехия Ички ишлар вазирлиги маълумотларига кўра, айни пайтда мамлакатда 18 ёшдан 65 ёшгача бўлган 94 643 нафар эркак истиқомат қилади.

Аввалроқ Полша ва Литва мудофаа вазирлари ҳам ушбу масалада фикр билдирган эди. Литва мудофаа вазири Лауринас Касcиунас зарур чоралар ҳақида гапирар экан, "Ҳеч ким уларни олиб, Украинага олиб кетмайди, аммо ижтимоий қўллаб-қувватлаш, ишлаш учун рухсатномалар, ҳужжатлар - бу мен Полша томонидан эшитган вариантлардир", — дея таъкидлаган.

🔥 @burchakostida

🇺🇸🇺🇦 АҚШ энди ҳар бир неча ойда ўнлаб ATACMS ракеталарини ишлаб чиқаради

Politico маълумотларига кўра, Пентагон энди Украинага ATACMS етказиб бериш АҚШ заҳираларига таъсир қилишидан хавотирда эмас.

🔥 @burchakostida

🇹🇷🇮🇱 Туркия ва Исроил ўртасидаги 9,5 миллиард долларлик савдо айланмаси тўхтатилди — Эрдўғон.

🔥 @burchakostida

🇬🇧🇺🇦🇷🇺Украина Британия қуроллари билан Россия ҳудудини нишонга олиши мумкин — Британия ташқи ишлар вазири

"Украинанинг бунга ҳуқуқи бор. Россия Украина ҳудудини нишонга олмоқда, табиийки, бундай вазиятда Киев ўз ҳимоясини таъминлаш зарурлигини ҳис қилмоқда, буни тушуниш мумкин", — дея таъкидлади Буюк Британия ташқи ишлар вазири Дэвид Кэмерон.

Аввалроқ Латвия Ташқи ишлар вазирлиги ҳам худди шундай фикр билдирган эди. Шунингдек, Кэмерон Киевга ташрифи чоғида Украинага ҳар йили уч миллиард фунт ваъда қилган эди.

"Биз қанча керак бўлса шунча вақт мобайнида, йилига уч миллиард фунт стерлинг берамиз. Биз жиҳозлар ва қурол-яроғлар бўйича қўлимиздан келган ҳамма нарсани тайёрлаб қўйдик", — Кемероннинг сўзларидан иқтибос келтирмоқда Reuters.

🔥 @burchakostida

🇺🇸🇷🇺🇨🇳🇹🇼 Россия ва Хитой ҳарбий масалаларда, жумладан Тайванга бостириб кириш эҳтимоли бўйича ҳамкорлик қилмоқда

Бу ҳақда Bloomberg нашри АҚШ разведка ҳизматининг бир қатор номи ошкор этилмаган расмийларига таяниб хабар бермоқда.

🔥 @burchakostida

🇮🇱😀 Исроил расмийлари ҲАМАСга қарши операция якунлангандан сўнг, Фаластин анклави (Ғазо сектори) устидан тартибни сақлаш учун АҚШ ва араб давлатлари иттифоқи билан назоратни бўлишиш режасини кўриб чиқмоқда.

Бу ҳақда New York Times ўз манбаларига таяниб хабар берди.

🔥 @burchakostida

“Чегара билмас мухбирлар” (RSF) халқаро инсон ҳуқуқлари ташкилоти ўзининг йиллик глобал матбуот эркинлиги рейтингини эълон қилди

3 май, Жаҳон матбуот эркинлиги кунида эълон қилинган йиллик рейтингдан маълум бўлишича, ўтган йили дунёнинг 36 давлати мустақил журналистика амалда имконсиз бўлган давлатлар тоифасига кирди. Бу сўнгги ўн йилдаги антирекорддир. Ташкилот таъкидлаганидек, дунё бўйлаб оммавий ахборот воситалари эркинлиги билан боғлиқ вазият кескин ёмонлашишда давом этмоқда – журналистларга ҳужумлар сони, шунингдек, ОАВ ходимларининг меҳнат шароити “фалокатли” дея таърифланган мамлакатлар сони ортиб боряпти.

Рейтингда кўп йиллар давомида Шимолий Европа мамлакатлари — Норвегия (1-ўрин), Дания (2-ўрин), Швеция (3-ўрин), Нидерландия (4-ўрин) ва Финляндия (5-ўрин) етакчилик қилиб келмоқда. Рўйхатни Эрон (176-ўрин), Шимолий Корея, Афғонистон, Сурия ва Эритрея якунлайди.

Ўзбекистон 2023 йилги ўрнидан 11 поғона пастлаб, 180 та давлат орасида 148-ўринни эгаллади. Мамлакатда ОАВ эркинлиги билан боғлиқ вазият “мураккаб” дан “жуда жиддий” босқичга ўтди.

Марказий Осиё мамлакатларида матбуот эркинлиги билан боғлиқ вазият қуйидагича: индексда Қозоғистон 142-ўрин (-8), Қирғизистон 120-ўрин (+2), Туркманистон 175-ўрин (+1), Тожикистон эса 155-ўрин (-2)да қайд этилган.

🔥 @burchakostida

🇨🇳 Хитой Ойнинг орқа томонига учувчисиз зондни учирди

“Чаньэ-6” зонди Ойнинг энг катта кратерига қўниши, 2 кг тупроқ намуналарини тўплаши ва уларни Ерга этказиши керак. Миссия 53 кун давом этади. Унинг қийинлиги шундаки, Ойнинг орқа томони ҳеч қачон Ердан кўринмайди ва у билан тўғридан-тўғри радиоалоқа ўрнатиш иложсиз.

2019 йилда Хитой биринчи марта “Чаньэ-4” зондини Ойнинг ирқа томонига муваффақиятли учирган эди. 2020 йилда “Чаньэ-5” миссияси билан Хитой Ойнинг кўринадиган томонидан ой тошларини йиғиб, уларни Ерга олиб келган АҚШ ва Совет Иттифоқидан кейин учинчи давлат бўлган.

2030 йилга бориб Хитой Ернинг табиий йўлдошига бошқариладиган парвозни амалга оширишни режалаштирмоқда.

🔥 @burchakostida