⚡Farzand ota onaning ko‘zgudagi aksi...

🔹 Oilaviy tarbiya ota-onalar uchun, avvalo, oʻzini-oʻzi tarbiyalash demakdir.

🔹Agar odamlar bolalaringiz haqida yomon gapirishsa, bu ularning sizni yomonlashayotganidir.

🔹 Taʼlim-tarbiya soʻzi yonma-yon yozilsa-da, har ikkalasining alohida-alohida maʼnosi bor.

🔹 Bolalari boʻlaturib zerikkan ayol nafratga loyiqdir.

🔹 Maktablar koʻp, biroq eng yaxshi maktab bu - oila!

🔹 Farzandingiz nima desa, hammasiga xoʻp deyaversangiz, uni baxtsiz qilib qoʻyasiz.

🔹 Oʻrnak koʻrsatish doʻq-poʻpisadan kuchliroq taʼsir etadi.

🔹 Bolangizni u bilan gaplashayotgan, biror narsa oʻrganayotgan yoki unga biror ish buyurayotganingizdagina tarbiyalayapman deb oʻylamang. Siz uni hayotingizning har bir soniyasida tarbiyalab borasiz. Soʻzingiz ohangidagi zigʻirdek oʻzgarishni ham, fikringizdagi ozgina burilishni ham koʻrinmas yoʻllar bilan bola sezib turadi, buni oʻzingiz payqamay qolasiz.

Сизнинг ёш болаларингиз бўлсаю, хонадонингиз ҳар доим безатилган, озода ва ҳамма нарса жой-жойида турган бўлса, демак, сиз ёмон ота ёки онасиз.

Чунки ёш болалар бор  уйда нарсалар ҳамиша тартибли туриши у уйда болаларга қаттиққўллик, қўполлик ва маҳрум қилиш борлигининг аломатларидир. У уйдаги бундай ҳолат у ерда боланинг болалиги ўғирланган, ҳаёлот ва орзулар олами чекланган, беғубор болалик руҳияти сўндирилган экани маълум бўлади.  

Одамлар нима дейди?

Тан олаверинг, кўпчилигимизга шундай ўй доим ҳамроҳ бўлади. Бирон ишни бошида турганда, кийим танлаётганда ва бошқа майда-чуйдаларда...

🔹 Аслида бу "Одамлар мен ҳақимда нима деб ўйлайди" деб ўйлаш танамиздан катта энергияни чиқариб юборар экан.

🔸 Билсангиз, аёллар ҳиссиётга бой бўлгани учун ҳам эркакларга нисбатан энергияли бўлади. Аёллар эса шундай куч-қувватни шу каби унча муҳим бўлмаган нарсаларни ўйлашга сарфлаб юборар экан...

Унутманг, одамлар яхши бўлсангиз ҳам, ёмон бўлсангиз ҳам нималарнидир гапиради. Шундай экан, энергиянгизни оилангизни янада гўзал ва фаровон қилишга, ишингизни ривожлантиришга ҳамда атрофдагиларга яхшилик улашишга сарфланг!

BOG'CHA YAXSHIMI YOKI BUVILAR?
Ko'pchilik onalar ish faoliyatlariga qaytayotganlarda bolani kimga tashlab ketish hususida ikkilanadilar. Yaqin kishilari va bog'chadan birini tanlashda qiynalishadi."Bog'chaga beraymi, qaynonamga topshiraymi?"kabi savollar onalarni qiynaydi.
Bu ikkilanishning asosiy sababi har ikki tanlovning ham o'ziga hos salbiy va ijobiy tomonlari borligidadir.
Umuman olganda bolaning ijtimoiy hayotga moslashuvida bog'chalarning o'rni katta. Faqat shuni unutmaslik kerakki, bolalar bog'chalarda o'rtoqlari bilan o'ynab hursand ko'rinsalar ham 4yoshgacha bo'lgan bolalardagi bu hursandlik ularning ijtimoiy hayotga ko'nikishi sanalmaydi. Bu davrda ular uchun muhimi ko'pchilik bilan yaqinlashuv emas, bir kishi bilan (ona yoki boquvchi) psixologik yaqinlashuv jarayonini tamomlashdir. Shu sababdan 4 yoshgacha bolalarni bog'cha o'rniga buvilar yoki boquvchiga topshirish yaxshiroq. 4 yoshdan o'tgan bolalarni fiziologik rivojlanishi, ijtimoiy hayotga moslashuvi, maktabga tayyorgarlik niqtai nazaridan bog'chaga berish maqsadga muvofiq bo'ladi.

​​Ибн Жавзий айтaди:

Боланг етти ёшгача сенинг райҳонингдир. Кейин ўн тўрт ёшгача сенинг ходимингдир.

Ўн беш ёшдан кейин сенинг шеригингдир. Агар яхшилик қилсанг дўстинг бўлади. Ёмонлик қилсанг душманинг. Шу ёшга етгач уни сўкилмайди ҳам урилмайди ҳам.

Алишер Навоийнинг “Маҳбуб-ул-қулуб” асари 18-фаслида ўқитувчилик меҳнати машаққати хусусида шундай дейилади:

“Унинг иши одам тугул, ҳатто девнинг ҳам қўлидан келмайди. Бир кучли киши бир ёш болани сақлашга ожизлик қилар эди, у эса бир тўда болага илм ва адаб ўргатади.
Лекин шуниси ҳам борки, болалар орасида фаҳми идроки озлари бўлади. Муаллим бу каби ҳолларда юзлаб машаққат чекади.
Шу жиҳатдан олганда, болаларда унинг ҳақи кўп, агар шогирд улғайгач, подшоҳлик мартабасига эришса ҳам унга (муаллим)га қуллуқ қилса арзийди”.

Ижтимоий ролик

Болалар катталардан ўрнак олади!

Яхши одат ва тўғри қоидалар билан ўрнак бўлинг

Agar uylaringiz doimiy tinch va sokin, toza turishini, tartibli bo‘lishini istasangiz, unda bola o‘rniga baliq parvarish qiling.

Noila Holmuhammad.

ТАРБИЯ ЎЗИ НИМА?

ТАРБИЯ бу сиз ўйлаб топган идеалингизга болангизни ўхшатиш учун қилаётган ҳатти-ҳаракатларингиз жамланмасидир. Ҳар доим ота-она фарандини тарбиялаганда ўз эҳтиёжларини ҳисобга олади. Яъни фарзанд обрў учун, сизнинг талабларингизга жавоб бериши учун, сизнинг эҳтиёжларингизни қондириши учун тарбияланаётган бўлиши мумкин. Фарзандингизга қимматбаҳо кийим кийгазиш бу тарбия эмас, бу сиз учун керак бўлган бир ҳолат. Агар сизнинг фарзандингиз қимматбаҳо кийим кийса, сиз ўзингизни шунга қодир бўлганингиздан қониқасиз, ва шу кийимни олиб берганингиз ҳақида бошқаларда фикр пайдо бўлишига интилмоқдасиз холос.

Болани тўғри тарбиялаётган ота-она билан нотўғри тарбиялаётган ота-онанинг фарқи “Бола тарбиясига қани вақт” дейишларидадир. Нималарга вақт топаяпсиз? Ўзингизга хисоб беринг. Вақт бугалтериясини аниқ хисоб-китоб қилинг. Бола учун ажратилган вақтга хиёнат қилманг. Бу вақтни телевизор кўриш учун, телефонда бекорчи гаплашиш учун ажратманг.

©️ Зебинисо Аҳмедова

Фарзандингиз руҳиятини барбод қиладиган сўзлар:

1. Болани ҳайвонга мисол қилиб, ҳақорат қилиш;
2. Турмуш ўртоғингиз аламини фарзанддан олиб, бўлар бўлмас сўзларни айтиш;
3. Болани бошқа тенгдошлари билан таққослаш. Бу боладаги ишончни сўндиради;
4. Ҳеч нимани тушунмасликда айблаш;
5. Бола истакларига ҳамиша рад жавобини беришлик.

Ҳеч қачон болангизга бундай қила кўрманг!

ДИЛДАН КЕТМАЙДИГАН ЧАНДИҚ
Бир сержаҳл, ўзини тута олмайдиган йигит бор экан. Отаси унга бир халта мих берибди ва ғазабини тута олмаса, ҳар сафар девор устунига биттадан мих қоқишни тайинлабди.
Биринчи кун устунга ўнталаб мих қоқилди. Келаси ҳафта у ўз ғазабини босишни ўргана бошлади ва кунма-кун устунга қоқиладиган михлар сони камая борди. Йигит тушунди: ўз мижозини назорат қилиш, мих қоқишдан осонроқ .
Бора-бора у бир марта ҳам ўзини йўқотмайдиган бўлди. Буни отасига айтди. Отаси, агар ўғли куни бўйи аччиғланмаса, кун охирида устундан бир мих суғуриб олиши мумкинлигини айтди.
Вақт ўтди ва шундай кун келдики, йигит отасига устунда битта ҳам мих қолмаганини айтди. Отаси ўғлини қўлидан тутиб устун олдига олиб келди:
- Сен ишни яхши уддаладинг, лекин устунда қанча тешик қолганини кўраяпсанми? Устун энди ҳеч қачон аввалгидек бўлмайди. Сен бировга жаҳл устида ёмон гапирсанг, унинг дилида шундай чандиқлар қолади ва сен кейин неча марта кечирим сўрасанг ҳам, аҳамияти йўқ.

“Ҳикматлар жавоҳири” китобидан.

ONA SEVGISIDAN MAHRUMLIK O'Z FARZANDLARIGA HAM MEHR BEROLMASLIKKA YO'L OCHADI
Onasidan yetarli darajada e'tibor,mehr ko'rolmagan kishilarda ota -ona bo'lganlarida farzandlari bilan bo'ladigan munosabatlarda ham muammo paydo bo'lishi mumkin. Psixologlarning tadqiqotlar davomida o'tkazgan suhbatlarida shu narsa ayon bo'lganki, bolalik yillarida ona mehridan uzoqda qolgan kishilar o'zlari ota -ona bo'lganlarida farzandlariga "cheksiz va beminnat "sevgi berishda qiynalishadi. Chunki bolalik yillarida ularga to'la berilmagan sevgi taqchilligi natijasida ong ostida paydo bo'lgan bezovtalik o'z farzandiga mehr berish jarayonida yuzaga chiqadi. Bu esa ota- onanini bolalik yillarini esga soladi,mehrsz qolgan damlarini eslatadi. Bunday holatlardan kishi, albatta, bezovtalanadi. O'z farzandi bo'lishiga qaramasdan "beminnat sevgi" berish mexanizimi ishga tushgan vaqtda o'zining bolalik yillarini eslagan kishi hotiralarga muhirlangan davrlar bunga to'sqinlik qiladi.

#моҳиятваҳодиса

ПАВЕЛ ДУРОВ(ТЕЛЕГРАМ КАШФИЁТЧИСИ) ИҚРОРИ:

Менинг ҳаётимда қасрлар, спорт автомобил ва шахсий самолётлар жамланмасини қидираётганлар жуда қаттиқ янглишадилар.

Менда на автомобил, на шахсий самолёт ва на уйим бор. Менинг дунём - бу пиёда, метрода юриш, 18-20 квадрат метрдан иборат ижара уйдан иборат. Менинг ўрнимда бўлишни хоҳлайдиганлар бутунлай алкоголдан, гўшт ва қиммат кийимлардан воз кечишига тўғри келади.

Ҳали камбағал талаба бўлиб олийгоҳ ётоқхонасида турганимдан бери такрорлайман, пул бу жуда катта баҳо берилган материал дунё элементи холос. Ҳаммаси ички ҳолатга боғлиқ ва у ҳар нарсадан устун. Миллиардлаб пуллари бор коррупционерларга қаранг, уларда ички хотиржамлик йўқ, топган пулларини йўқотиб қўймаслик учун барча нарсадан ҳатто ҳаётидан воз кечади.

Пулни асосий элемент деб ҳисоблашни бошлаган заҳоти сиз ички хотиржамлик ва ҳаётни қиморга тикасиз ва қиморда ютқизиб қўймаслик учун яна ва яна ҳаёт деган хазинадан қарз олаверасиз. Бир кун ҳаёт сизга қарз беришдан чарчайди ва сиз ҳаммасини ютқизасиз. Қимор столи атрофига бошқалар келади.

Капиталистик жаннат деб номланган дунё сизга қанчалик кўп нарсанг бўлса, шунчалик бахтли бўласан деган ғояни сотади.

Қадимдан шундай гап бор: “Қул ҳеч қачон озод бўлишни хоҳламайди, у ўз шахсий қуллари бўлишини хоҳлайди”. Инсон “қул ва хўжайин” парадигмасида қолар экан, ҳеч қачон бахтли бўла олмайди. Бу системада “ҳар қандай одам кимнингдир қули, ҳар қандай қул эса кимнингдир хўжайини” ҳисобланади.

Пулнинг қули бўлар экансиз, ҳеч қачон ўз ҳаётингизнинг хўжайини бўла олмайсиз. Қимор столида эса навбат кутиб турганлар кун сайин ортиб бормоқда.

© Телеграм асосчиси Павел Дуров

P.S.: Ҳозирда Павел Дуровнинг бойлиги 3,4 млрд доллар. Унинг бирорта ҳам ўз уйи йўқ. Автомобили ҳам йўқ. Самолёти ҳам йўқ. Асосий транспорт воситаси метро. Асосий машғулоти китоб ўқиш. Гўшт умуман емайди. Асосан арзон ва қулай кийим дўконларидан кийинади.
Кунингиз хайрли бўлсин. Фикр қилинг. Китоб ўқинг, азизим...

Qosimjon Razzoqov саҳифасидан

“Muammolaringiz oʻzingizga tegishli ekanligini tushunib yetib, buni tan olgan vaqtingizdan boshlab hayotingizni eng yaxshi yillari boshlanadi. Sizda muammolar paydo boʻlganiga onangizni, ekologiyani yoki prezidentni ayblamaydigan boʻlasiz. Siz taqdiringizni oʻzingiz nazorat etayotganingizni anglab yetasiz.” Ushbu hikmat amerikalik psixoterapevt, ratsional-emotsional xulqiy terapiyaning asoschisi Albert Ellisga tegishli (1913-2007). Nevrotik oʻz muammolarida doimo kimnidir aybdor qilgisi keladi. Boshqa odamda nima qilib boʻlsa ham aybdorlik hissini paydo qilgisi va tashqaridan kuzatib rohatlangisi keladi. Oʻzining xato qarorlari, oʻzidan aqlliroq odamlarning koʻrsatmalariga quloq solmaganligi oqibatida nevrotikni muammolar qamrab oladi. Bu vaqtda u oʻzini emas, boshqalarni ayblay boshlaydi. Aybdorni topa olmasa, taqdiri shunday ekanligiga chin dildan ishonadi. Bunday odamlar laʼnatlash, qargʻish, asabiylashish, halovatsizlik, xatolarni takrorlash kabi zaif hamda axloqsiz xususiyatlarga ega boʻladilar.

👆Bunday tipdagi odamlar psixologga murojaat qilganda nima bo'ladi bilasizmi? Psixologga borishadi qarasaki, psixolog ularni o'z ustida ishlashga chorlamoqda va shu zahoti psixologni tajribasizlikda AYBLAYDILAR va quyidagi fikrga keladilar: "Meni muammoyim shu darajada chuqur va chigalki, xatto psixolog ham yordam bera olmadi".

Psixologga murojaat qilmoqchi bo'lganlarga tavsiya!
Butun dunyo psixologlari bir xil tizimda amaliyot qiladi ya'ni siz bilan ishlaydi. Muammoyingizga sabab bo'layotgan qaynonangiz, turmush o'rtog'ingiz yoki farzandlaringiz bilan emas Siz bilan. Demak, hamma gap sizda, o'zingizda! Chunki muammo sizniki, o'zingizniki!!!!!!!

​​ФАРЗАНДИНГИЗДА ЎҚИШГА ҚИЗИҚИШНИ ҲОСИЛ ҚИЛИШ ҲУСУСИДА.

Жуда кўп инсонларнинг мақсадига ета олмасликларига сабаб ўзига бўлган ишончининг йўклигидир. Кимдир “Мен сенга ишонаман, сенинг қўлингдан келади!” деган ибора куч бағишлайди гўё.

Фарзандингизнинг мактабда ютуқларга еришиши, катта тадбиркорнинг бир иш бошлаб, муваффақиятларга еришиши билан бир хил қийматга эга. Бу қиёсдан тушуниб олингки, фарзандингиз мактабда ютуқга эга бўлиши учун қанча ишонч, журъат, ирода ва куч кераклигини.

Психолог сифатида ёши катта бир инсонга “Сен катта тадбиркор бўла оласан!” десам, албатта ўз имкониятларини ҳисобга орган ҳолда бу фикримга муносабат билдиради. Шу ўзига ишонган ёки ишонмаган ота-она фарзандига “ИШОН!” дея олиши керак. Бунинг учун ҳаётда эришган барча ютуқларингизни сарҳисоб қилинг-да, фарзандингизга гап очинг. Баъзи ота-оналар бу суҳбат чоғида омадли инсонларни ўрнак қилишни тўғри деб биладилар. Бунда фарзандингиз ўша омадли инсондан нега ўзингиз ўрнак ола олмадингиз? Деб савол бериши мумкун. Баъзи ота-оналар агар яхши ўқимаса кўча супуриши тўғри келишини айтиб қўрқитадилар. Учинчи тоифа ота-оналар фарзандининг яхши ўқимаслигида мураббий-ўқитувчисини ёки психологни айблашади. Бошқа тоифадаги инсонлар болани жазолаш кераклигини биринчи ўринга қўядилар ва жазо сифатида телефонини олиб қўйиш, планшетдан маҳрум қилиш каби ҳаракатларни бажарадилар. Аммо, амалиёт шуни кўрсатадики, юқоридаги қилинган амаллардан фарзандингизнинг ўқиши яхшиланмайди.

Фарзандингизни яхши ўқиши учун етаклайдиган сирли куч нимадалигини билишни истайсизми? Психология термини билан бу мотивация дейилиб, инсонни мақсад сари етаклайдиган ишонч,журъат, куч, ирода, тиришқоқлик каби ҳусусиятлар жамланмасидир. Мотивацияси бор инсон ақлий, спорт, ва шаҳсий ҳаётида катта ютуқларга эриша олади.

Мотивация таъсирида инсон организмига бахт гормони кўп миқдорда ишлаб чиқарилади. Мақсад йўлидаги ҳар бир ютуқ инсонни бахтли қила бошлайди. Ўқувчи ҳар сафар биринчи бўлолганидан фахрланади, ютуқларини кўз-кўз қилгиси келади. Аммо, қўлидан ҳеч нима келмайдиган ўша фарзандга мотивацияни қаердан топиб берсак бўлади?

Фарзандингиз билан суҳбатлашиш ҳусусида.

БИРИНЧИ ҚАДАМ. Аввало, фарзандингизнинг бир кучли хусусиятини топиб, ўша ҳусусият бошқаларга қараганда фарзандингизда кучли эканлигини таъкидланг. Масалан, сарамжон-саришталиги, дидлилиги, тўғри сўзлиги ва ҳокозо.

ИККИНЧИ ҚАДАМ. Фарзандингизнинг бир йўналиш бўйича лидерлигини аниқлаганингиздан кейин, у бошқа йўналишларда хам худди шундай ишончли бўла олиши имконияти борлиги тўғрисида суҳбатлашинг. Бу йўлда фарзандингизга қандай тўсиқлар борлигини аниқланг. Муаммони ечиш йўлларини таклиф этинг. Агар ҳотираси, мантиқий фикрлаш тезлиги ва бошқа табиатан берилган ҳусусиятларга келиб тақалганида болани ёмонламанг. Ўша имконият чегарасида унинг биринчилигини ўзингиз ҳам тушунишингиз керак.

УЧИНЧИ ҚАДАМ. Фарзандингиз билан муаммони ечишда биргаликда ҳаракат қилинг. Шеър ёдлаш, дарс тайёрлаш, иншо ёзишда ўз фикрларингиз билан бўлишинг. Фарзандингиз имкониятлари ўсиб бораётганлигини ҳар сафар таъкидланг. Фарзандингизга “ақлсиз”, “аҳмок” деб лақаб қўйганингиздан ҳеч қандай амалий ёрдам бўлмайди. Фарзандингиз ота-онам менга шу лақабни қўйса, менга ишонмаса, бошқалар ҳам ишонмайди деб улғаяди.

ТЎРТИНЧИ ҚАДАМ. Фарзандингизнинг энг кучли ютуқларини нишонлаш маросимларини ўтказинг. Мактабдан беш олиб келган куни ҳаммага эълон қилиб, болангизни рағбатлантиринг. Фарзандингизга катта инсон каби, қарор чиқара оладиган шахс каби муносабат билдиринг.

БЕШИНЧИ ҚАДАМ. Фарзандингизга мактабда лидер бўла олиш ишончини берганингиздан сўнг, бирор вақт ичида шу имкониятга ета олишини мақсад қилиб қўйинг./

(ФАРЗАНД ТАРБИЯСИДАГИ МУРАККАБ ХОЛАТЛАРДА ПСИХОЛОГ МАСЛАХАТЛАРИ КИТОБИМДАН ЛАВХА)

© Зебинисо Аҳмедова

ФАРЗАНДЛИК БУРЧИ

Ота-онага яхшилик қилиш фарзанд зиммасига шариат фарз қилган бурч ҳисобланади.
Бу ҳақда Қуръони каримда қуйидагича хабар берилган:
"Биз инсонни ота-онасига яхшилик қилишга буюрдик" (Аҳқоф сураси, 15-оят).

Абу Ҳурайра розияллоҳу анҳудан ривоят қилинади: "Расулуллоҳ соллаллоҳу алайҳи васалламнинг: "Бурни ерга ишқалансин, бурни ерга ишқалансин, бурни ерга ишқалансин", деяётганларини эшитдим. "Ким (нинг бурни ерга ишқалансин), эй Аллоҳнинг Расули?" дейилди. У Зот: "Кекса ота-онасининг бири ёки ҳар иккаласи (билан бирга яшаш бахти)га эришган, сўнгра жаннатга кирмаган кимса (нинг бурни ерга ишқалансин)", — дедилар". Муслим ривоят қилган.

Демак, ота-она фарзанднинг дунёга келишига сабабчи қилинганидек, фарзанднинг жаннатга киришига ҳам сабабчи қилиб қўйилган экан. Шунинг учун уламолар ота-онага яхшилик қилиш йўлларини бирма-бир батафсил баён қилиб қўйганлар. Шу маънода ота-онага яхшилик қилиш деганда, асосан, қуйидаги ишларни адо этиш тушунилади:
— Ота-она хизматларини холис ният билан қилиш;
— Ота-онани яхши кўриб улуғлаш;
— Шариатда ман қилинмаган ишларда доимо уларга итоат этиш;
— Ота-она хурсанд бўладиган ишларни қилиш;
— Ота-онадан олдин овқатланмаслик;
— Ота-онанинг ҳузурига киришда ҳам, чиқишда ҳам салом бериш;
— Ота-онанинг олдида овозини баландлатмаслик;
— Ота-она учун молини сарфлаш;
— Ота-она яхши кўрадиган кишиларга ҳам яхшилик қилиш;
— Сафарга ота-онанинг дуоларини олиб чиқиш;
— Ота-она шариатга мувофиқ қасам ичган бўлсалар уни адо этиш учун ҳаракат қилиш;
— Ота-онанинг жаҳллари чиқадиган ишларни қилмаслик;
— Ота-онани исмлари билан чақирмаслик;
— Ота-онани камситадиган ишлардан сақланиш;
— Ота-она вафот этганларидан сўнг ҳам уларнинг ҳақларини сақлаш.

Вафот этиб кетган ота-оналарнинг ҳақларини сақлаш қуйидаги ишлар билан амалга оширилади:
— Улар ҳаққига хайрли дуолар қилиб юриш;
— Васиятларини адо этиш;
— Уларнинг дўстларига яхшилик қилиб юриш;
— Улар орқали бўлган қариндошлик алоқаларини сақлаш;
— Улар номидан садақа қилиб туриш;
— Уларнинг қабрларини зиёрат қилиб туриш.

"Динимиз аҳкомлари" китобидан.

"O'TA MEHRIBON" OTA-ONALAR
Ona bilan bola o'rtasidagi homiladorlik davridan boshlangan ruhiy aloqa almashinuvi emizish davriga kelib yana-da kuchayadi. Faqat bu munosabatning ortiqchasi ham zararlidir. Bu holat nazoratdan chiqqan taqdirda salbiy oqibatlarga ham olib kelishi mumkin. Keragidan ortiq bo'lgan bu munosabat salbiy odatlanishga olib keladi.
Aslida hamma ota-ona ham farzandiga qattiq bog'lanadi. Bu tabiiy. E'tiborning keragidan ortiqchasiga o'z vaqtida barham berilmasa, bu holat oila uchun jiddiy muammolarning eshigini ochib berishi mumkin.
Ajsariyat holatlarda ota-onasiga qattiq bog'lanib qolgan bolalarga ko'zimiz tushadi. Bolasiga qattiq bog'lanib qolgan ota-onalar esa unchalik bilinmaydi.
Bog'lanib qolish ijtimoiy hayotga moslasholmaslik bo'lishi mumkinmi?
Bolalarning oiladagi o'rinlarini pilla ichidagi kapalakka o'xshatish mumkin. Kapalak uchun pilla ichidagi hayotning har daqiqasi juda muhim hisoblanadi. Hatto kapalakning pilla ichidan chiqishi ham o'ziga hosdir. Pilla ichidagi hayotini yakunlagan kapalak o'zining yumshoqqina boshi bilan pillaning devorlarini teshadi. Bu esa unchalik oson kechmaydi.Chunki teshik kichkina, vujud esa katta. Yosh kapalak avval boshi bilan, keyin esa vujudi bilan u kichkina teshikdan tashqariga chiqish uchun kurashadi. O'ta nozik va turfa rangli kapalak qanotlari sinib ketish havfi ostida asta tashqariga chiqadi. Agar kimdir kapalakka rahmi kelib uning pilladan oson chiqib olsin deya pillani kattaroq teshib qo'ysa uning umrbod ucholmay qolishiga sabab bo'lib qolishi mumkin. Chunki yosh kapalak o'sha kichik teshikchadan qiynalib chiqish asnosida qanotlariga yopishib qolgan shilimshiq moddadan qanotlarini tozalaydi. Bu ishni bajarmasa pilladan tashqariga chiqqanda uning og'irligini ko'tarolmaydi va hech qachon ucholmaydi.
Kapalak va pilla misolida ko'rganimiz kabi farzandlarini qattiq himoya qilish tuyg'usi bilan harakat qilgan ota-onalar bolalariga yaxshilik qilayotgandek bo'lsalar ham aslida ularga zarar yetkazib qo'yishlari mumkin. Bolaning hayotga tayyorlanishiga to'sqinlik qilgan holda ularning ijtimoiy hayotda ham boshqa kishilarga tobe bo'lib qolishiga sabab bo'lib qoladilar.

Фарзандингизга қуйидагиларни ўргатиб боринг:

1. Ишониш — Баркамол шахс, ўзига ҳам, ўзгаларга ҳам ҳар жиҳатдан яхши баҳо бериши лозим.

2. Идрок эгаси бўлиши — Инсоннинг ҳар қандай ҳаракат учун маъсулиятли ўз зиммасига олишини айтинг.

3. Мослашиш қобилияти — Инсоннинг ҳаётдаги ўзгаришларга, кутилмаган ҳолатларга мослашишини ўргатинг.

5. Янгиликларни қабул қилиш — Инсоннинг янги фикрлар, ўзгаришларни қабул қилиши, булардан безовталанмаслигини тушунтиринг.

6. Истак — Инсоннинг ўз мақсадларига эришиши учун туйғуларини бошқара олишини ўргатинг ва тушунтиринг.