#مدمرات_الأنوثة


👈 أرسل لنا أحدهم عبارة موجزة ومختصرة عبر استمارة مدمرات الأنوثة قال فيها :

"أكثر شيء يدمر الأنوثة في نظر الرجل ضعف النظافة الشخصية والعامة."

👈 هكذا كانت كلماته .. كلمات قليلة ولكنها بليغة👍


👈 كلمات موجزة ولكنها كاشفة لحقيقة لا تنتبه لها الكثيرات من النساء ويتناسينها مع انشغالات الحياة.😱

👈 ترى كيف حال نظافتك الشخصية:

🔺نظافة ملابسك🔺

👈 هل تجلسين في المنزل دوما بملابس نظيفة حتى ولو كانت بسيطة أم أن ملابسك دائما متسخة وغير نظيفة؟


👈 تُرى كيف هي رائحتك؟😷🤔

👈 هل تنتشر منك رائحة العرق، أو رائحة الثوم والبصل، أو رائحة إفرازات الأماكن الحساسة، أو رائحة دم الحيض، أو رائحة الفم الكريه؟🙈


🔻نظافة جسدك🔺


👈 انظري لأقدامك لتعرفي كيف حال نظافتها داخل منزلك.
انظري لأظافرك
👈 انظري لشكل شعرك هل هو مرتب أم لا؟
👈 سلي نفسك كم هي عدد مرات استحمامك أسبوعيا في هذا الصيف الحار لتعرفي إجابة السؤال :

👈 أما عن نظافتك العامة فهيا تفقدي معي :
👈 نظافة مطبخك ( ثلاجتك، بوتجازك، حوض المطبخ، أدراج المطبخ)

👈 نظافة حجرة نومك( دولابك وأدراج الكمودينو والتسريحة وغير ذلك)

👈 نظافة بيتك بوجه عام

💡كل هذه الأمور ينتبه لها غالب الرجال ويدققون فيها جيدا حتى لو لم يتكلموا فكيف حالك مع النظافة يا تُرى؟


👈 هل تتلألأ شخصيتك أنوثة بسبب نظافتك أم أن بريق أنوثتك قد انطفأ بسبب غياب هذه النظافة؟

👈 اجلسي مع نفسك جلسة صراحة، وكوني واضحة وصادقة مع نفسك واكتشفي حقيقتك ليس من أجل الحزن و البكاء على الذات ولكن من أجل أخذ خطوة إيجابية نحو التغيير فنحن هنا معا لنتغير للأفضل بإذن الله.

#مدمرات_الأنوثة

‏﴿لَئِنْ شَكَرْتُمْ لَأَزِيدَنَّكُمْ﴾

🎧لنختم القرآن سماعاً (٢٢)

🔘الربع الثالث & الحزب السادس

📽 سورة آل عمران من ( ٥٢-٧٤ )

👤القارئ: عبدالرحمن الماجد

#صباحكم_قرآنٌ_يُتلى
#ليدبروا
https://www.tg-me.com/GhRoooh/13795

أخف حسنتك🍃

#قصص_الأنبياء(٢)
#السيرة_النبوية
#الحلقة_مائة_وواحد_وثلاثون
#أحداث_السنة_السابعة_من_الهجرة
#رسائل_رسول_الله_إلى_الملوك_الجزء_الأول

كنا قلنا إن بعد صلح الحديبية إللي ربنا سمّاه فتح هتبدأ مرحلة جديدة من الدعوة إلى الإسلام وهي عالمية الدعوة،
يعني رسول الله ﷺ هيبدأ يخرج بدعوة الإسلام من جزيرة العرب إلى باقي الأرض، فالدعوة هتبقى عالمية،
لأن رسول الله ﷺ أُرسل إلى الثّقلين الإنس والجن، فالدعوة لازم توصل لكل أهل الأرض،
وربنا قال:
"وَمَا أَرْسَلْنَاكَ إِلَّا رَحْمَةً لِّلْعَالَمِينَ"
وزي ما قيل : الناس على دين ملوكهم، يعني على حسب اهتمامات الحاكم الناس هتتبعه، فرسول الله ﷺ قرر إنه يرسل رسائل لرؤساء وزعماء وملوك الأرض:
《كِسْرَى وقَيْصَر والنّجاشي والمُقَوْقِس》وغيرهم يدعوهم فيها للإسلام،

☆ممكن حد يسأل:
طيب ليه رسول الله ﷺ لم يرسل لملوك الأرض من أول يوم في الدعوة مادام هو كده كده هيدعوهم🤔
لسبب بسيط جدا وهو إن رسول الله ﷺ واقعي💁‍♂️
تخيلوا كده معايا واحد طالع في قرية صغيرة غير معروفة أصلا بيطلب من كل زعماء العالم إنهم يتبعوه ويغيّروا دينهم لدين محدش سمع بيه قبل كده،
ولو سمعوا، هيسمعوا إيه؟
هيسمعوا عن التشريد والاضطهاد والتعذيب لأتباع الدين ده،
فمين بقى إللي هياخد خطوة كبيرة جدا زي دي ويبدل عقيدته عشان مجموعة من الضعفاء في قرية صغيرة من قرى العالم🤷‍♂️
وهتشوفوا موقف كسرى ملك الفرس بعد شوية هيبقى عامل إزاي،
فرسول الله ﷺ بيعلمنا واقعية المنهج، يعني بعد ما ثبّت أقدامه وبقى له دولة وبقى في معاهدة صُلح مع قريش العدو الأول للإسلام كده بقى في اعتراف رسمي بدولة المسلمين، فهنا بقى يقدر رسول الله ﷺ ياخد خطوة جديدة في الدعوة للإسلام👌
وكمان نقطة مهمة، لو رسول الله ﷺ أرسل رسائل لملوك الأرض كان ممكن يلفت الانتباه له وللمجموعة الصغيرة إللي معاه فيُبادوا كلهم وتضيع رسالة الإسلام،
ومحدش يقول إن ممكن ربنا سبحانه وتعالى يفتح قلوب الزعماء ويضحوا بملكهم وسلطانهم عشان خاطر دعوة الإسلام😅
هو فعلا ربنا قادر على كده وده رسوله ﷺ لكن زي ما قلنا قبل كده رسول الله ﷺ قدوة واحنا بنتعلم منه، فلازم ياخد بالأسباب المنطقية في الدعوة عشان يعلم كل الأجيال إللي هتيجي بعده،
ربنا بيفتح قلوب العباد للداعي لما هو يبذل الأسباب الصحيحة إللي يقدر عليها الأول، وهو ده إللي رسول الله ﷺ عمله،
فعشان دعوته تكون على الأقل مقبولة والناس تبدأ تسمع لها كان لازم يحل مشكلته مع قريش، لأنه في نظر الناس هو وإللي معاه مجرد جماعة غير شرعية خرجت عن منهج الدولة الأم إللي هي قريش،
وقريش القبيلة العربية العزيزة كانت معروفة لكل الناس حتى خارج الجزيرة العربية، وكان لها علاقات اقتصادية وسياسية مع معظم القوى الموجودة في العالم ساعتها حتى لو مكنتش في قوة فارس والروم، لكنها معروفة ومعترف بيها،
فلما قريش تعمل معاهدة مع رسول الله ﷺ وإللي معاه؛ ده اعتراف منهم إن رسول الله ﷺ وأتباعه مش مجرد مجموعة متمردة، لأ، دول ناس لهم دولة وكيان مُعترف بيهم،
وده هيخلي الزعماء يستقبلوا فكرة المراسلة بينهم وبين رسول الله ﷺ ويبدأوا يفكروا:
هل الدين الجديد دين ده يستحق الاتباع، ولاّ صاحبه بيكذب علينا، ويبدأوا يدوروا على حقيقة الإسلام زي ما هرقل ملك الروم عمل وهنشوف موقفه إيه بعدين،
ومتنسوش إن كل ما كان المُرسل قوي كل ما الناس أخذت كلامه بجدية👌

بدأ رسول الله ﷺ في إرسال الرسائل أواخر السنة السادسة من الهجرة بعد ما رجع للمدينة على طول بعد صلح الحديبية، واستمر لحد أوائل السنة السابعة من الهجرة،
رسول الله ﷺ أرسل سفراء معاهم رسائل منه يدعو فيها ملوك وزعماء سبعة للإسلام هم:
◇كسرى ملك الفرس
◇المُنذر بن سَاوى ملك البحرين
◇المُقَوقِس ملك مصر
◇هَوْذَة بن علي حاكم اليمامة
◇الحارث بن أبي شَمِر أو شُمّر الغَسّاني
◇النجاشي ملك الحبشة
◇هِرَقْل ملك الروم

رسول الله ﷺ هيرسل سفراء تانيين لحكام بلاد تانية في السنة الثامنة والتاسعة للهجرة بعد ما هيكون الإسلام انتشر وأعداد المسلمين بقت كبيرة ومعظهم هيدخلوا في الإسلام،
لكن السبع ملوك إللي قلنا عليهم دول👆 هم كانوا أول ناس تعرف عن الإسلام من خارج الجزيرة العربية،
واحنا لازم نفهم إننا كمسلمين علينا دور توصيل الإسلام إلى كل مكان في العالم، وده مش تفَضّل مننا، ده واجب علينا،
والكلام ده الصحابة فهموه كويس عشان كده حتى بعد وفاة رسول الله ﷺ خرجوا لنشر الإسلام في كل مكان👌

مضمون رسالة رسول الله ﷺ للسبعة تقريبا واحد، يعني مفيش اختلاف كبير بين الرسائل لأن هو بيدعوهم إلى الإسلام واتّباعه ﷺ ودعوة الإسلام واحدة لكل الناس حاكم أو محكوم،
لكن الموضوع مش سهل😑
لأن الملك سيتحول من ملك مُطاع لا تُرد له كلمة إلى تابع مُطيع يَرُد الأمر كله لله عز وجل ولرسوله ﷺ،
واحنا نقدر نتوقع رد الفعل إللي هيحصل من الملوك دول😅
كل واحد منهم كان له قصة مع رسالة رسول الله ﷺ،

فاحنا هنشوف رسالة رسول الله ﷺ لكل واحد من الملوك دول كانت بتقول إيه ونشوف موقف كل واحد منهم من رسالته ﷺ 👌

☆ملحوظة:
طبعا الملوك دول مش عايشين في الشارع إللي وراء المدينة، ولا السفراء هيروحوا لهم بالطيارة مثلا😅
ده سفر طويل، يعني عشان مثلا الصحابي يروح لواحد منهم محتاج له شهر رايح وشهر راجع😶
فرسول الله ﷺ خلال كم يوم وجّه سبعة من الصحابة للسبع ملوك والزعماء دول وهو بقى كمل مسؤولياته عادي جدا مقعدش مستني النتيجة بقى هتبقى إيه،
يعني بعد ما كتب لهم الرسائل وأخذها الصحابة وانطلقوا بيها، رسول الله ﷺ خرج للجهاد بعدهم على طول في شهر محرم وتوجه لغزو خيبر،
ففي نفس الوقت إللي كان رسائل الملوك في الطريق لهم كان رسول الله ﷺ خارج بجيش للجهاد،
عشان بس نربط بين الأحداث😁
فالأول هنتكلم عن الرسائل وردود فعل أصحابها وبعدين نرجع نشوف أحداث غزوة خيبر وإزاي حصلت في شهر الله المحرم👌

نشوف أول واحد من الملوك
◇كسرى ملك الفرس:
أرسل رسول الله ﷺ لكسرى الصحابي
《عبد الله بن حُذافة السّهْمِي》 برسالة يقول له فيها:
"بسم الله الرحمن الرحيم
من محمد رسول الله إلى كسرى عظيم فارس، سلام على من اتبع الهدى وآمن بالله ورسوله، وأشهد أنه لا إله إلا الله وحده لا شريك له، وأن محمداً عبده ورسوله،
أدعوك بدعاية الله، فإني رسول الله إلى الناس كافة، ليُنذر من كان حيّا ويَحق القول على الكافرين، فأسْلِم تَسْلَم، فإن أَبيْت فإن إثم المجُوسِ عليكَ"
☆الفرس كانوا يعبدون النار .

رسائل رسول الله ﷺ للملوك كانت تتميز بالوضوح والقوة والعزة والحكمة في كل كلمة،
وكان ﷺ حريص على ظهور عزته وعزة الدولة الإسلامية في كل كلمة من كلمات الرسالة،
خلونا نحلل رسالته كده:
◇أولاً:
بدأ رسول الله ﷺ باسمه قبل اسم كسرى ، والكلام ده خطير جداً في زمانهم، وبعدين دعاه مباشرة إلى الدخول في الإسلام، فقال: (أسلم تسلم) بصيغة الأمر،
مش إنه عرض الموضوع بصيغة فيها تردد ويعطي المجال للرفض أو القبول،
يعني ده الطريق الوحيد إللي قصادك عشان تَسلم في الدنيا والآخرة وده كان ترغيب لكسرى،

◇ثانيا:
في نفس الوقت إللي رسول الله ﷺ كان بيظهر عزة الإسلام وبيتكلم بقوة إلا إنه لم يُقلل من قيمة الطرف التاني إللي بيكلمه، بالعكس ده رفع قدره وحفظ مكانته،
وقال : كسرى عظيم فارس وحيّاه بقوله :
سلام على من اتبع الهدى، فعلى الرغم من إنه كافر إلا إنه بدأ معاه بتحية،

☆وهنا في معلومة بما إننا بنتكلم عن المكانة😁
في حديث عن رسول الله ﷺ قال: "أنِزلُوا الناس منازلهم"
يعني كل واحد أعطوه منزلته واحفظوا له مكانته، الحديث وإن كان معناه صحيح فهو فيه ضعف، بعض العلماء صحّحُوه، لكن الأغلب قالوا ضعيف، عشان لو قرأتم الحديث في أي مكان تبقوا عارفين أصله إيه👌

بدأ يبيّن رسول الله ﷺ عظمة الإسلام وأن الأمن والسلام على مَن آمن بالله ورسوله وشهد أن لا إله إلا الله وحده لا شريك له، وأن محمدا عبده ورسوله بكلام مختصر بليغ،
جمع بين الترغيب والترهيب،
فرهّبه بإنه لو لم يُسلم هيكون عليه وزر شعبه، وهو إللي هيتحمل أوزارهم لأنه لما يترك الإسلام شعبه هيتركه،
ولأنه حجب عنهم دعوة الإسلام،
الكلام عادي وبسيط جدا وسهل أهه🙄

◇رد فعل كسرى كان إيه بقى🤔
أول ما سمع الرسالة من المترجم إللي كان بيترجم من العربية للفارسية غضب كسرى جدا وراح واخد رسالة رسول الله ﷺ ومقطعها😳
حتى يُقال في بعض الروايات إنه مكملش سماع رسالة رسول الله ﷺ ومجرد ما لقى إن رسول الله ﷺ مُقدم اسمه على اسم كسرى راح واخد الرسالة ومقطعها،
ولعل هزيمة كسرى الأخيرة على أيدي الروم كانت من أسباب شدة انفعاله، لأنه ظن أن الأعراب والتابعين بدأوا يتجرأوا عليه،
وهنعرف إيه قصة هزيمة الفرس واحنا بنتكلم عن هرقل إن شاء الله😊

المهم يعني إن كسرى قطع رسالة رسول الله ﷺ،
وقال بكل غضب وتكبر:
عبدٌ من رعيتي يكتب اسمه قبلي😠
اتعامل مع رسالة رسول الله ﷺ بكل سطحية ومبصش على مضمون الرسالة ولا المعاني المهمة إللي في الرسالة،

☆موقف كسرى ده بيفكرني بالناس إللي الواحد بينصحهم وبيدلهم على الخير وبيختار الكلام المناسب وبعدين يسيبوا كل المعاني المهمة في الكلام ويقولوا إيه الأسلوب إللي بتتكلموا بيه ده، أسلوبكم وحش😑
ومش حافظين غير ولو كنت فظا غليظ القلب لانفضوا من حولك، وهم أصلا فاهمين معناها غلط، وبيتركوا اتباع الحق بحجة سوء الأسلوب،
وناسيين إن إللي قال ولو كنت فظا غليظ القلب لانفضوا من حولك هو نفسه إللي قال:
"الَّذِينَ يَسْتَمِعُونَ الْقَوْلَ فَيَتَّبِعُونَ أَحْسَنَهُ ۚ أُولَٰئِكَ الَّذِينَ هَدَاهُمُ اللَّهُ ۖ وَأُولَٰئِكَ هُمْ أُولُو الْأَلْبَابِ"
وهو إللي قال:
"وَإِذَا قِيلَ لَهُ اتَّقِ اللَّهَ أَخَذَتْهُ الْعِزَّةُ بِالإِثْمِ"
فالناس دي للأسف بتاخد من الدين إللي يوافق هواها👌
ربنا لا يجعلنا وإياكم منهم🤲

فكسرى شاف إن إزاي واحد من رعايا رعاياه يقدم اسمه على اسمه،

ورعايا كسرى هم الغَسَاسنة والمَنَاذِرة كانوا بيحكموا مناطق معينة في الجزيرة العربية ،
فكانوا زي الخدم لكِسرى، ورعايا كسرى من الغَسَاسنة والمَنَاذِرة كانوا بالنسبة للعرب ملوك،
فتخيلوا وضع العرب كان عامل إزاي قبل الإسلام، وزي ما قال عمر رضي الله عنه:
"إنَّا كنَّا أذلَّ قوم، فأعزَّنا الله بالإسلام"
فرسول الله ﷺ سيد ولد آدم من وجهة نظر كسرى هو خادم لخدّامه، متخيلين نظرة الفرس للعرب كانت إيه😑
ولحد دلوقتي لسه نظرة الاحتقار والكبر على العرب موجودة عند الفرس👌
وكسرى مسكتش لحد كده، ده عايز يعتقل رسول الله ﷺ ويجيبه عنده عشان يعاقبه بنفسه،
فأرسل 《لبَاذان》أو باذام عامله على اليمن وهو فارسي، لأن اليمن كانت قريبة من المدينة، واحنا كنا حكينا قبل كده إزاي اليمن بقت تحت حكم الفرس بعد مقتل أبرهة،
فكسرى بيقول لباذان ابعت رجلين من عندك يجيبوا لي إللي الرجل إللي بيقول على نفسه نبي ده وهاتهولي القصر بتاعي في المدائن،
شوفوا نظرته للعرب كانت إيه، مقلوش ابعت جيش ولا هو أمر بإرسال جيش، ده بيقول له رجلين بس كفاية إنهم يجيبوا رسول الله ﷺ، وقال له خليهم يهددوه إنه لو مسمعش الكلام هيقتلوه،
فراح رسول كسرى إلى باذان في اليمن عشان يبلغه برسالة كسرى،
في نفس الوقت كان عبد الله بن حذافة السهمي رجع لرسول الله ﷺ وأخبره إن كسرى لما سمع رسالته مزّقها، قطعها يعني، فقال رسول الله ﷺ:
مزّق الله مُلكَه👌
وصل رسول كسرى لباذان فأمر رجلين إنهم يروحوا يقبضوا على رسول الله ﷺ،
وصل الرجلان لرسول الله ﷺ فلما شافهم رسول الله ﷺ وكانوا حالقين لحاهم وتاركين شاربهم كره منظرهم وسألهم رسول الله ﷺ مين أمركم بكده، فقالا له أمرنا ربنا كسرى،
فقال لهم رسول الله ﷺ:
" لَكِنَّا نُخَالِفُ سُنَّتَكُمْ ، نَجُزُّ هَذَا وَنُرْسِلُ هَذَا"
يعني نَحُفّ الشارب ونُعفي اللّحية، واتكلمنا قبل كده عن موضوع اللحية بالتفصيل فمش هعيد😅

المهم قالوا لرسول الله ﷺ يا إما تقعد في بيتك وتسيبك من الكلام إللي انت بتدعوا الناس ليه ده،
أو هناخدك معانا لكسرى يتصرف معاك، فقال لهم سول الله ﷺ إنه هيرد عليهم بكرة،
فلما جاءاه قال لهما:
ارجعوا لصاحبكم وقولا له إن ربي قتل ربكما الليلة،
يعني مش هتشوفوا كسرى مرة تانية،
لأن ربنا قتله، فهو سلَّط عليه ابنه شِيروِيه وقتَله👌
طبعا رسول الله ﷺ عرف عن طريق الوحي😅
فالرجلين نظرا لرسول الله ﷺ وهم مدهوشين إزاي عرف المعلومة دي والخبر بييجي من فارس لجزيرة العرب في شهر وقالا له:
نقول كده لباذان😳
فقال لهما : نعم، وقولا له : إن ديني سيبلغ ما وصل إليه ملك كسرى ، وإنَّك إن أسلمتَ ، أعطيتكَ ما تحت يديك ، وملَّكتكَ على قومك.
يعني رسول الله ﷺ بيقول ملك المسلمين هيبلغ ملك كسرى، وإنه لو أسلم هيخليه هو الحاكم ويكون تابع لدولة الإسلام،
فرجع الرجلان لباذان وحكوا له القصة وإن كسرى قتل في ليلة كذا على يد ابنه،
فقال باذان وكان رجل عاقل حكيم، إن كلام رسول الله ﷺ مش كلام مَلك ده كلام نبي وفعلا كلامه هيتحقق، ولو هو بيكذب خلينا نستنى الخبر لما ييجي من الفرس ونتأكد،
بعد شهر وصل لهم الخبر إن فعلا كسرى قُتل وإللي قتله ابنه بعد ما ثار عليه في نفس الليلة إللي رسول الله ﷺ قال عليها،
ودي كانت أول بداية لاستجابة دعوة رسول الله ﷺ على كسرى: 《مزق الله ملكه》
وتمت الدعوة لما تم فتح فارس في عهد عمر بن الخطاب رضي الله عنه،
فلما شاف باذان صدق رسول الله ﷺ دخل في الإسلام
وأسلم أبناؤه وأسلم كل الفرس إللي كانوا معاه تقريبا وأسلم الرجلان إللي جاءا لرسول الله ﷺ، وبدأ يسلم معاه أهل اليمن،
ووصل الخبر لرسول الله ﷺ وفرح بإسلامهم وأقر باذان على حكم اليمن حتى مات،
شوفوا سبحان الله ربنا استعمل كسرى إزاي عشان يهدي ناس تانية للإسلام👌

☆وهنا في فائدة وحكمة جميلة👌
وهي إن مجهود الداعية مش بيضيع، مجهوده موجود وهينتشر، لكن مش لازم ينتشر في الاتجاه إللي كان مخطط له،
يعني رسول الله ﷺ لما أرسل رسالته إلى كِسرى كان عايز إسلام شعب فارس إللي موجود في الشمال الشرقي من المدينة، لكن تقدير ربنا وإرادته إن شعب اليمن إللي موجود في جنوب المدينة وبعيد جداً عن منطقة فارس هو إللي يدخل في الإسلام،
فالداعي إلى الله يبذل مجهوده ووِسعُه وهو عارف ومتيقن إنه جهده ده مش هيضيع،
وممكن كمان ربنا يجعل عدوّه أداة لتوصيل رسالته،
هو مش كِسرى كان عايز يحارب الإسلام ويقضي عليه، أهه ربنا بقى خلاه أداة لنشر الدين😏
وصدق رسول الله ﷺ لما قال:
" إن الله ليؤيد هذا الدين بالرجل الفاجر"
والرجل الفاجر يشمل مَن كان كافرا ومَن كان فاسقاً، ومش بس كده ده مقدرش حتى يمس رسول الله ﷺ بسوء وهو إللي قُتل وعلى يد ابنه،
وبكده تجمدت العلاقات بين دولة فارس وبين الدولة الإسلامية، لأن ابن كسرى شيرويه مفكرش في الإسلام أصلا ولاكان مهتم بيه،

طبعا الأحداث دي حصلت في شهور ومتزامنة مع أحداث تانية لكن حبيت أكمل القصة للآخر عشان تكون مترابطة ومفهومة😁

الملك الثاني إللي أرسل له رسول الله ﷺ رسالة هو:
◇ملك البحرين : المُنذر بن ساوَى وكان هو وقومه يعبدون الأصنام،
أرسل له رسول الله ﷺ رسالة مع الصحابي
《العلاء بن الحَضْرَمي》ومحتوى الرسالة كان قريب من نفس الرسالة إللي أرسلها رسول الله ﷺ لكسرى مع بعض الإختلافات في الألفاظ،
لكن النتيجة كانت مختلفة تماما، المنذر بن ساوى أسلم وأسلم معه معظم شعبه، وحصل بينه وبين رسول الله ﷺ مراسلات إزاي يتعامل مع اليهود والمجوس إللي كانوا عايشين على أرضه،
وده دليل واضح أهه إن المشكلة مش في الداعية، ولا في كلامه المشكلة في الشخص إللي بيتلقى الكلام، لو هو بيبحث عن الحق هيقبل الكلام بأي أسلوب،
لكن لو كان مُتبع لهواه مش هيقبل الحق حتى لو كان الداعية ده رسول الله ﷺ 👌

إن شاء الله المرة الجاية هنشوف رد فعل باقي الملوك على رسائل رسول الله ﷺ 😊


#Eman_Shalapy

*تسجيل الحلقة ال5️⃣2️⃣من كتاب النكاح والطلاق وأهم النقاط بحلقة اليوم*
*🔖عدةالفراق أو الحياة والطلاق*د/وفاء العبيدي
👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻

🎧 أذكار المساء
بصوت الشيخ /
مشاري بن راشد العفاسي

*🌙 همسة مسائية* 🌅

*قال تعالى: ﴿وَقُل رَبِّ أَدخِلني مُدخَلَ صِدقٍ وَأَخرِجني مُخرَجَ صِدقٍ وَاجْعَلْ لِي مِنْ لَدُنْكَ سُلْطَانًا نَصِيرًا*﴾

وهذه الدعوة من أنفع الدعاء للعبد...
فإنه لا يزال داخلاً في أمر وخارجاً من أمر...
فمتى كان دخوله لله وبالله وخروجه كذلك كان قد أُدخل مدخل صدق وأُخرج مخرج صدق.

(ابن القيم)
—••—

🍃- أَحَبُّ الناسِ إلى الله.
◆- الشيخُ: د. عبدالعزيز الفوزان.

🍂💛 كيف نعيش مع اسم الله الغني؟
.
- الإفتقار إلى الله واعلم إن الفقر نوعان :
إضطراري : وهو إحتياج الخلق كلهم لله فلو منع عنا الهواء لهلكنا
إختياري : وهو المقصود هنا بالإفتقار وهو الدعاء و التذلل لله واليقين بأنه لا حول ولا قوة لك إلا بالله .
.
- الإستغناء بالله
يامن ربك الغني لما تعلق قلبك بالفقراء !
كن عزيز النفس لا تذل نفسك لأحد ، أزهد فيما عند الناس وتوكل على ربك الغني.
.
- استعفف حتى يغنيك الله
أي أن يتعفف المؤمن عن أموال الناس وحاجاتهم، وأن يسأل الغني الكريم من فضله؛ قال - تعالى -: ﴿ واسألوا الله من فضله ﴾ [النساء: 32].
.
.
🍂💛 كيف ندعو الله بإسمه الغني؟
.
- عن عبد الرحمن بن جبير أنه رجل خدم النبي صلى الله عليه وسلم ، ثمان سنين أنه كان يسمع النبي صلى الله عليه وسلم ، إذا قرب إليه طعاما يقول : ( بسم الله ) وإذا فرغ من طعامه قال : اللهم أطعمت وسقيت وأغنيت وأقنيت وهديت وأحييت فلك الحمد على ما أعطيت.
.
-  النبي صلى الله عليه وسلم عندما يتعوذ يقول :
( اللهم إني أعوذ بك من فتنة النار ومن عذاب النار ، وأعوذ بك من فتنة القبر ، وأعوذ بك من عذاب القبر ، وأعوذ بك من فتنة الغنى ، وأعوذ بك من فتنة الفقر ، وأعوذ بك من فتنة المسيح الدجال ).
.
- رواه أبو داود في سننه من دعاء النبي، صلى الله عليه وسلم: " اللهم أنت الله، لا إله إلا أنت، أنت الغني، ونحن الفقراء، أنزل علينا الغيث واجعل ما أنزلت لنا قوة وبلاغا إلى حين "
.
- روى الترمذي في "سننه" من حديث علي - رضي الله عنه - أن النبي - صلى الله عليه وسلم - كان يقول: (اللهم اكفني بحلالك عن حرامك، وأغنني بفضلك عمن سواك)
.
- وروى مسلم في "صحيحه" من حديث ابن مسعود - رضي الله عنه - أن النبي - صلى الله عليه وسلم - كان يقول: (اللهم إني أسألك الهدى والتقى، والعفاف والغنى)

#العيش_مع_أسماء_الله_الحسنى