لو مش فاهم حوار الكريسماس دا تعالى هضربلك مثال ..
ليك واحد جارك بيشتم أبوك بأبشع الألفاظ اللي بيكرهها أبوك ..
انت موقفك ناحيته ايه 😒
أكيد تلقائي بتاخد منه موقف سلبي ..
دا بيغلط في أبويا اللي خيره مغرقني .. سندي وضهري وسبب وجودي في الدنيا ..
طب الكبيره بقى .. قالك تعالا أنا عازمك على حفلة ..
قولتله "حفلة ايه ؟!"
قالك "حفلة هغلط فيها في أبوك !!"
ها رد ياصاحبي هتعمل معاه ايه 😡
أيوة أيوة شايف وشك احمر والنار طلعت من ودانك ..
....
ولله المثل الأعلى ..
مادا اللي بيحصل في الكريسماس .. !!
ناس بيجتمعوا يسبوا الله - والعياذ بالله - يدعون له الولد ..!
والغريب انك انت تروح تبارك وتشارك ..!!
الكريسماس عيد مظاهره كلها أوصلها وثنية وتم إلحاقه بالمسيحية ، يعني ملناش دعوة بيه كـ مسلمين ..
بس ازاي .. لا لازم نحط التاتش بتاعنا 😏
ونروح نشتري الشجرة ونلبس لبس الأخ نويل
عيد هما بيحتفلوا فيه بميلاد ربهم ..
طيب هل انت عقيدتك بتقولك إن فيه حاجة اسمها ميلاد الرب
دا شرك بالله عزوجل ❌
دا ضربه في مقتل في عقيدتك ❌
اوعي تستهين بالأمر ..
صورك وانت جنب الشجرة مش هتزودك .. لكن هتنقص رصيد إيمانك
صورك وانت بلبس نويل مش هتكسب من وراها فلوس
لكن هتخسر قصادها حسنات ..
ياجماعة أي ذنب عند الله أهون من ذنوب الشركيات دي ..
بلاش تغامر بدينك
الاحتفال بالكريسماس حراااام ❌
كل مظاهر الكريسماس حراااام ❌
الشجره اللي هتشتريها وتحطها في بيتك حرام ❌
بالله عليك كله إلا عقيدتك 👌

#عيدك_هويتك
#رسايل_الكريسماس
#رسايل_نهاية_العام

يعني انت المفروض بتقرأ "ولا الضالين" 17 مرة كل يوم وتروح تهنئ الضالين بالكريسماس !!

#مدمرات_الأنوثة
.

🍃يقول أحد الرجال الذي تواصلنا معهم بشأن هذه الفقرة : إن من أكثر ما يدمر أنوثة المرأة في عينيه الشكوى المستمرة من المرأة التي يتعامل معها وهذه الشكوى المستمرة تخنقه وتجعله لا يطيق البقاء مع مثل هذه المرأة.


📌- ترى لماذا يكره الرجال المرأة كثيرة الشكوى؟🤔

📌- أقولها باختصار لك :

- الشكوى المستمرة تحول البيت إلى ساحة للهم و الغم، وهذه المشاعر تنتقل بالتبعية إلى أهل البيت فتعكر صفو حياتهم.


- الله عز وجل خلق المرأة مصدرا للاحتواء والسكينة فهل بيت يعيش أهله على سماع الشكاوى المستمرة سيتحقق له السكينة؟

- الشكوى كذلك لا تزرع الهم والحزن والغم فقط في قلوب الآخرين ولكنها تجعل عقل الرجل يرفض التجاوب مع المرأة وتجعل قلبه مغلقا تجاهها، وتعزز لديه القناعة بأن زوجته تفتقد للأنوثة الحقيقية مهما كانت رائعة الجمال؛ وذلك لأنه لا يرى فيها البهجة والأنس وانشراح الصدر بعد عودته من الحياة الخارجية التي تعج بالمشكلات بل يرى فيها ما يزيده هما إلى همه وغما على غمه وكدرا فوق الكدر الذي جاء به من الخارج فكيف بالله عليكِ سيشعر الرجل بأنوثة مثل هذه المرأة؟🤔

وما لي غيرُ ليلٍ يحتويني
إذا جنَّت همومٌ مُنْغِصاتُ

*وحسبي أنَّ لي ربًّا ينادي*
*فتدعوني إلى ربِّي صلاةُ*

فأشكوها إلى رحمنِ قلبي
فيجليها ويهنا لي سُباتُ

مهما كانت أشغالك يبقى ‌الوتر⁩ له مكانته العظيمة لا يزاحمه شيء!
*الوتــر مناجاة* 🌦️

اللهم رحمتك نرجوا فلا تكلنا إلي انفسنا طرفة عين🤲🏻

🎧لنختم القرآن سماعاً (٢٣)

🔘الربع الرابع & الحزب السادس

📽 سورة آل عمران من ( ٧٥-٩٢)

👤القارئ: عبدالرحمن العوسي

#صباحكم_قرآنٌ_يُتلى
#ليدبروا
https://www.tg-me.com/GhRoooh/13803

فمن عفا وأصلح …..

#قصص_الأنبياء(٢)
#السيرة_النبوية
#الحلقة_مائة_واثنان_وثلاثون
#أحداث_السنة_السابعة_من_الهجرة
#رسائل_رسول_الله_إلى_الملوك_الجزء_الثاني
#إسلام_عمرو_بن_العاص

معذرة يا جماعة اتأخرت عليكم بس دور المرض المرة دي كان شديد حبتين😅
ربنا يرزقنا وإياكم العافية في الدين والدنيا ويشفي كل مريض مسلم🤲

♡الجزء النهاردة طويل شوية عشان نعوض إللي فات😁

اتكلمنا الجزء إللي فات عن إرسال رسول الله ﷺ رسائل لملوك وأمراء الأرض يدعوهم فيها للإسلام،
شوفنا رسالته ﷺ لكسرى وللمنذر بن ساوى ورد فعل كل واحد منهم كان إيه،
هنكمل باقي رسائل رسول الله ﷺ للخمسة الباقيين،
الملك الثالث كان:
◇المُقَوقِس ملك مصر
والمقوقس ده لقب مش اسم، فكل ملوك مصر كان لقبهم المقوقس، زي كسرى كده،كل ملوك فارس لقبهم كسرى، وكل ملوك الروم لقبهم هِرقل وكل ملوك الحبشة لقبهم النجاشي،

المهم، رسول الله ﷺ أرسل له رسالة مع الصحابي حاطِب بن أبي بَلتَعة وكان من الصحابة إللي شهدوا غزوة بدر،
قال رسول الله ﷺ في رسالته للمقوقس:
" بسم الله الرحمن الرحيم
من محمد عبد الله ورسوله، إلى المقوقس عظيم القبط، سلام على من اتبع الهدى، أما بعد:
فإني أدعوك بدعاية الإسلام، أسلم تسلم، وأسلم يُؤتك الله أجرك مرتين، فإن تولّيت، فإن عليك إثم القِبْط،
يَا أَهْلَ الْكِتَابِ تَعَالَوْا إِلَىٰ كَلِمَةٍ سَوَاءٍ بَيْنَنَا وَبَيْنَكُمْ أَلَّا نَعْبُدَ إِلَّا اللَّهَ وَلَا نُشْرِكَ بِهِ شَيْئًا وَلَا يَتَّخِذَ بَعْضُنَا بَعْضًا أَرْبَابًا مِّن دُونِ اللَّهِ ۚ فَإِن تَوَلَّوْا فَقُولُوا اشْهَدُوا بِأَنَّا مُسْلِمُونَ "

نفس الرسالة إللي أرسلها رسول الله لكسرى مع اختلاف في الألفاظ، وهو لو أسلم هياخد أجرين أجر نفسه وأجر إللي هيتبعه من القبط، وده معنى يُؤتك الله أجرك مرتين،
حاطب بن أبي بلتعة بدأ يكلم المقوقس ويدعوه للإسلام، قال له:
كان في واحد قبلك بيقول عن نفسه إن هو الرب الأعلى،
فَأَخَذَهُ اللَّهُ نَكَالَ الْآخِرَةِ وَالْأُولَىٰ"
يعني ربنا انتقم منه وجعله عبرة لأمثاله من المتمردين في الدنيا، فاعتبر بغيرك ومتكنش انت عبرة لغيرك👌

فالمقوقس قال له:
" إن لنا دينا لن ندعه إلا لما هو خير منه"
يعني احنا عندنا دين، ومش هنسيب ديننا إلا لو في دين أحسن منه،
فقال له حاطب إن الإسلام مش بينهاك عن دين المسيح، ده بيأمرك بيه، لأن عيسى عليه السلام بشر بمجيء رسول بعده وهو محمد ﷺ،
فاتباع محمد ﷺ هو ما أمر به عيسى عليه السلام،
فبعد حوار بين حاطب والمقوقس، المقوقس قال لحاطب إن الدين ده مش وحش ومفهوش كذب والرسول مش كاذب،
لكن أنا هبقى أشوف حالي😅
يعني تقدروا تقولوا إنه بيرفض بصنعة لطافة، وهو عارف إن رسول الله ﷺ مش كاذب وإنه فعلا رسول من عند الله،
وأخذ رسالة رسول الله ﷺ فجعلها في حُقٍّ من عاج، وختم عليه، ودفعه إلى جارية له، يعني أكرم رسالة رسول الله ﷺ ووضعها في حاجة زي الفاظة كده وعانها كأنها تحفة،
معملش زي كسرى إللي مزق رسالة رسول الله ﷺ،
فده يُثبت إنه مصدق إن رسول الله ﷺ فعلا رسول من عند الله، وإلا إيه إللي يخليه يحتفظ برسالة واحد هو شايفه كذاب🤷‍♂️
والسبب إللي منعه إنه يدخل في الإسلام هو إنه خاف على ملكه يضيع منه لو دخل في الإسلام،
يعني هو دلوقتي حاكم لدولة كبيرة وكل البلد والحاشية على النصرانية لو هو دخل في الإسلام طبعا من وجهة نظره إن الناس هتثور عليه ومش هترضى بيه كحاكم وهيشيلوه من الملك،
فهو أكرم رسالة رسول الله ﷺ وأكرم رسول رسول الله ﷺ حاطب بن ابي بلتعة حامل الرسالة وجهز هدايا لرسول الله ﷺ وأعطاها لحاطب بن أبي بلتعة يعطيها له مع رسالة لرسول الله ﷺ بيقول له فيها:
" بسم الله الرحمن الرحيم،
لمحمد بن عبد الله، من المقوقس عظيم القبط، سلام عليك، أما بعد:
فقد قرأت كتابك، وفهمت ما ذكرت فيه، وما تدعو إليه، وقد علمت أن نبيا بقي،
وكنت أظن أنه يخرج بالشام، وقد أكرمت رسولك، وبعثت لك بجاريتين لهما مكان في القبط عظيم، وبكسوة وهديت إليك بغلة لتركبها، والسلام عليك"
المقوقس كان على النصرانية والنصارى عارفين إن في نبي في آخر الزمان هيخرج وكانوا متعودين إن الأنبياء بيخرجوا من الشام من نسل يعقوب عليه السلام إللي هم أنبياء بني إسرائيل،
فالمقوقس كان مستغرب إن نبي آخر الزمان خرج من الجزيرة العربية مش من الشام كالعادة،
والهدايا كانت جاريتين من القبط هما مارية وأختها سِيرين وكانت لهما مكانة عظيمة عند القبط،
وأهدى له كسوة وبغلة يركبها اسمها دَلْدَل، ولما وصل حاطب بن أبي بلتعة إلى المدينة وسلم رسول الله ﷺ رسالة المقوقس وعرف ما فيها قال:
"ضَنّ الخبيثُ بِملكهِ ولا بقاءَ لمُلكه"
يعني هو خاف على ملكه من الزوال وملكه أصلا مش هيبقى وهيزول👌
بالنسبة للجاريتين مارية وسيرين، فمارية أخذها رسول الله ﷺ ملك يمين، وأهدى أختها سيرين إلى حسان بن ثابت،
في روايتين في إسلام مارية القبطية الأولى:

◇إنها أسلمت في الطريق قبل ما تأتي المدينة لما دعاها حاطب بن ابي بلتعة للإسلام ورغبه ا فيه هي وأختها سيرين، وكان معهما أخوهما واستمر على دينه وأسلم بعدين في المدينة
◇والرواية الثانية إنها لما وصلت للمدينة أنزلها رسول الله ﷺ هي وأختها سيرين في منزل أم سُلَيْم ودعاهما إلى الإسلام فأسلمتا وأخذها رسول الله ﷺ ملك يمين فحملت وولدت له ابنه إبراهيم في السنة الثامنة من الهجرة،
الشاهد من الكلام إن مارية القبطية أسلمت وأخذها رسول الله ﷺ ملك يمين 《ولم يتزوجها》.

☆والنقطة دي مهمة، لأن زوجات رسول الله ﷺ هم فقط إللي أمهات المؤمنين،
أما ملك يمينه ﷺ مش أمهات للمؤمنين، يعني مارية القبطية رضي الله عنها ليست من أمهات المؤمنين👌
ورسول الله ﷺ كان له أربع نساء ملك يمين غير زوجاته الإحدى عشر،
مارية القبطية كانت واحدة منهن وأول ملك يمين له كانت ريحانة بنت زيد واتكلمنا عنها في الجزء المائة،
أما الإثنين الباقيين فواحدة منهم أصابها رسول الله ﷺ في بعض السبي والثانية أهدتها له زوجته زينب بنت جحش رضي الله عنها.

الملك الرابع إللي رسول الله ﷺ أرسل له رسالة هو :
◇هَوْذَة بن علي حاكم اليمامة،
رسول الله ﷺ أرسل له رسالة مع واحد من الصحابة اسمه:
سَلِيط بن عمرو، الرسالة كان مكتوب فيها:
بسم الله الرحمن الرحيم؛"
من محمد رسول الله إلى هوذة بن علي، سلام على من اتبع الهدى، واعلم أن ديني سيظهر إلى منتهى الخُفّ والحافر أسلم تسلم وأجعل لك ما تحت يديك‏"
يعني رسول الله ﷺ بيقول له إن الإسلام هينتشر في كل مكان فالأحسن لك إنك تدخل في الإسلام ولو دخلت في الإسلام هتفضل الحاكم ومحدش هياخد ملكك منك،
فلما سمع هوذة رسالة رسول الله ﷺ حس بقوة رسول الله ﷺ وتنبأ لدولة رسول الله ﷺ بمستقبل كبير وإن الدولة دي هتملك العالم،
فأكرم هوذة رسول رسول الله ﷺ سليط بن عمرو وأعطاه جائزة وكساه أثواب فخمة وأرسل معاه رسالة لرسول الله ﷺ بيقول له فيها:
"ما أحسن ما تدعو إليه وأجمله، وأنا شاعر قومي وخطيبهم والعرب تهاب مكاني فاجعل إلى بعض الأمر أَتْبَعُك‏."

واخدين بالكم، هوذة مكنش بيفكر في الإسلام كدين وإن هو ده إللي هينجيه في الدنيا والآخرة، ده كان بيدور على الملك👌
هو شاف قوة الإسلام وإنه هينتشر فقرر إنه يتفاوض مع رسول الله ﷺ أو بعبارة أدق قرر إنه يُساوِم رسول الله ﷺ، يعني جعل إسلامه في مقابل إنه يكون هو الخليفة بعد رسول الله ﷺ،
مع إن رسول الله ﷺ وعده إنه مش هياخد منه ملكه، لكن هو كان طماع وعايز ملك أكبر وعلق إسلامه على الشرط ده،
طبعا واضح إن واحد زي ده مش هيفيد لا الإسلام ولا المسلمين بالعكس ده هيضرهم،
لأنه مفتون بالإِمارة والحكم وهيضحي عشانها بأي حاجة تقف في طريقه، ولو تعارض الإسلام مع الإمارة والملك والرئاسة هيضحي بالإسلام ويتركه ويتمسك بالإمارة،
وطبعا مش هقول لكم على الظلم والقهر إللي ممكن واحد زي ده يعمله في الناس،
والأسوأ بقى إنه يتبعوا واحد زي ده ويتركوا الإسلام هم كمان ودي لوحدها كارثة😶
عشان كده رسول الله ﷺ كان بيرفض يعطي الإمارة أو الزعامة لأي حد يطلبها وكان يقول ﷺ:
"إنا والله لا نُوَلّي هذا العمل أحداً سأله ولا أحداً حرص عليه"
لأنه ساعتها بيكون مفتون بالإمارة،
ده غير إن رسول الله ﷺ نهى عن إن حد يطلب الإمارة أصلا، قال مرة لواحد من الصحابة اسمه عبد الرحمن بن سَمُرَة :
" يا عبد الرحمن بن سمرة لا تسأل الإمارة؛ فإنك إن أُعطِيتَها عن غير مسألة أُعِنْت عليها وإن أُعطِيتَها عن مسألةٍ وُكِلت إليها"
يعني الواحد ميروحش يطلب الولاية ولا الحكم على الناس، لكن لو حد رشحه أو أعطاه الولاية مفيش مشكلة بل بالعكس ده ربنا يعينه عليها،
فلما رسول الله ﷺ سمع رسالة هوذة قال:
" لو سألني قطعة من الأرض ما فعلت"
يعني بيقول ده لو قال لي هات حتة أرض بس مش هديله، يقوم يطلب إمارة المسلمين،
ثم قال:
"بَادَ وبَاد ما في يديه"
وفعلا تحققت نبوءة رسول الله ﷺ وبعد أقل من سنتين مات هوذة بن علي وفقد ملكه ولم يُسلم، يعني لا طال دنيا ولا آخرة🙄

☆طيب هنا في سؤال، إزاي رسول الله ﷺ بيقول إنه لا يعطي الولاية لحد سألها ومينفعش طلب الولاية، ويوسف عليه السلام قال لعزيز مصر اجعلني على خزائن الأرض، يعني هو هنا طلب الولاية أهه🤔
الإجابة هنا في نقطتين:
◇الأولى:
إنَّ شرعَ من قبلنا شرعٌ لنا ما لم يُنسخ، يعني يوسف عليه السلام له شرع بيحكم به، واحنا لنا شريعة الإسلام، لو مفيش حاجة في شريعة الإسلام تنسخ أو تعارض الشرائع السابقة يبقى عادي ناخد بيها،
لكن لو في حاجة في شريعتنا تنسخ الشريعة السابقة يبقى نتبع شريعة الإسلام، زي مثلا في شريعة داوُد عليه السلام كان جائز فيها بناء التماثيل، لكن في شريعة الإسلام حرام بناء التماثيل،
كذلك في شريعة يوسف عليه السلام كان جائز إنه يطلب الإمارة، لكن في شريعة الإسلام عندنا نهي في طلب الإمارة، والنهي هنا نهي التحريم، يعني يَحرم طلب الإمارة👌

◇النقطة الثانية:

إن يوسف عليه السلام شاف إن المصلحة في إن هو إللي يمسك وزارة المالية، لأنه شاف إن المال ضائع ويُفرط به ومفيش أمانة والناس داخلين على مجاعة فأراد إنه ينقذ البلد من كارثة محققة وإنه يزيل سوء التدبير وسوء العمل إللي كان حاصل للبلد ساعتها وهوالوحيد القادر على كده،
وده بقى جائز في شرعنا احنا كمان👌
يعني يجوز للمسلم إنه يطلب الإمارة إذا شاف المصلحة والخير للمسلمين إنه يطلب الإمارة ويكون هو الحاكم أو المدير أو الرئيس أو....أو...
يعني هو شايف نفسه أهل للإمارة وإن الأمور ضائعة ومحدش غيره هيقدر يصلح الأوضاع، وإن إللي بيحكم ليس أهل للحكم؛ فهنا جائز إنه يطلب الإمارة ويكون هو الحاكم أو المدير أو الرئيس أو غيره👌
والدليل على كده إن واحد من الصحابة اسمه عثمان بن أبي العاص الثقفي قال لرسول الله:
"اجعلني إمام قومي"
فقال له رسول الله ﷺ :
"أنت إمامهم واقتدِ بأضعفهم"
فهنا رسول الله ﷺ مأنكرش عليه طلبه للإمارة لأنه شاف إن المصلحة معاه هو وهمه إنه يصلح شؤون قومه ومش قصده الدنيا ولا عايز إللي عند الناس💁‍♂️

☆يبقى خلاصة الكلام إن طلب الإمارة محرم إلا لو في مصلحة وخير مُحقق للمسلمين على يد من يطلب الإمارة ومفيش غيره👌

نشوف الزعيم الخامس إللي رسول الله ﷺ أرسل له رسالة،
هو:
◇الحارث بن أبي شَمِر أو شُمّر الغَسّاني،
والحارث ده كان أمير دمشق وكان على النصرانية وكان تابعا لهرقل ملك الروم،
أرسل له رسول الله ﷺ رسالة مع الصحابي شُجاع بن وهْب
يقول له فيها:
" بسم الله الرحمن الرحيم من محمد رسول الله إلى الحارث بن أبي شمر سلام على من اتبع الهدى وآمن به وصدق،
وإني أدعوك إلى أن تؤمن بالله وحده لا شريك له يبقى لك ملكك"
فلما وصلته الرسالة كان رد فعله زي رد فعل كسرى تقريبا، رمى رسالة رسول الله ﷺ وقال بكل كبر:
من يَنزِعُ ملكي مني😤
وأنا سائر إيه👌
يعني هو مين ده إللي يقدر ياخد مني ملكي، طيب أنا هجهز جيش وهروح أقاتله وأهزمه وهنشوف مين إللي هينزع ملك التاني،
وفعلا بدأ يجهز الجيوش عشان يروح يغزو المدينة، لكن قبل ما يخرج كان عايز يستأذن هرقل لأنه تابع له فأرسل الحارث برسالة لهرقل يحكي له فيها على إللي حصل وإنه هيروح يغزو المدينة،
رسالة الحارث وصلت لهرقل في نفس الوقت إللي وصلت فيه رسالة رسول الله ﷺ لهرقل، وهنعرف رد فعل هرقل بعدين على رسالة رسول الله ﷺ،
فأرسل هرقل للحارث يمنعه من الخروج لقتال رسول الله ﷺ وقال له ميستعجلش ويستنى لحد ما يشوفوا إيه إللي هيحصل بعد كده،
فسمع الحارث كلام هرقل ولم يرسل الجيوش لغزو المدينة،
ولما عرف رسول الله ﷺ برد فعل الحارث قال:
"باد ملكه"
وفعلا صدقت نبوءة رسول الله ﷺ معداش وقت طويل إلا ومات الحارث وانتهى ملكه، ومش بس كده ده ملكه هيدخل في ملك المسلمين بعدين 👌

الملك السادس إللي رسول الله ﷺ أرسل له رسالة هو:
◇النجاشي أصْحَمة ملك الحبشة
احنا اتكلمنا عن قصة إسلام النجاشي بالتفصيل في الجزء الرابع والعشرين فمش هعيد الكلام عنها،لكن هتكلم عن حدثين مهمين حصلوا،
رسول الله ﷺ أرسل للنجاشي رسالة يدعوه فيها للإسلام زي باقي الملوك،
وكان حامل الرسالة هو الصحابي عمرو بن أمية الضِّمري،
والنجاشي زي ما قلنا قبل كده كان مُخفي لإسلامه واتكلمنا عن السبب في كده،
فلما جاء عمرو بن أمية الضمري للنجاشي أكرمه النجاشي ورد على رسالة رسول الله ﷺ بأنه بيبايعه على الإسلام وإنه تابع له، وظل النجاشي على الإسلام لحد ما مات في السنة التاسعة للهجرة وصلى عليه رسول الله ﷺ صلاة الغائب لأن مكنش في مسلمين معاه في البلد،
عمرو بن أمية الضمري كان له مهمة تانية غير تسليم رسالة رسول الله ﷺ للنجاشي، المهمة دي كانت إنه يخطب أم حبيبة رملة بنت أبي سفيان للنبي ﷺ وده الحدث المهم الأول،
رملة بنت أبي سفيان حاكم مكة كانت هاجرت مع المسلمين للحبشة مع زوجها عبيد الله بن جحش، وكانت حامل في ابنتها حبيبة ولما ولدت بقت كنيتها أم حبيبة واشتهرت بالكُنية دي،
مات عبيد الله بن جحش في الحبشة وبقت أم حبيبة لوحدها هناك،
وفي رواية بتقول إن عبيد الله بن جحش تنصر بعد ما أسلم ومات على النصرانية، لكن الرواية دي ضعيفة والراجح إنه مات ولم يتنصر،
المهم إن أم حبيبة دلوقتي من غير زوج، فأرسل رسول الله ﷺ للنجاشي مع عمرو بن أمية إنه يزوجه أم حبيبة،
فأرسل النجاشي لأم حبيبة جارية تخبرها بأن رسول الله ﷺ يطلبها للزواج ففرحت أم حبيبة بالبشرى دي ووكلت ابن عمها عنها ليزوجها،
فدفع لها النجاشي عن رسول الله ﷺ صداق أو مهر أربعمائة دينار، وعمل لها وليمة للعرس،
ورجعت أم حبيبة للمدينة لرسول الله ﷺ ودخل بها رسول الله ﷺ وكان عمرها خمسة وثلاثين عام وفي رواية تانية كان عمرها اثنان وأربعون عام،
وفي زواجها نزلت الآية:
"عَسَى اللَّهُ أَنْ يَجْعَلَ بَيْنَكُمْ وَبَيْنَ الَّذِينَ عَادَيْتُمْ مِنْهُمْ مَوَدَّةً "
والمودة هنا قيل إنها صلة القرابة إللي حصلت بين رسول الله ﷺ وبين بني أمية،

لأن رسول الله ﷺ بقى زوج بنت زعيم قريش إللي هو من بني أمية، فلما أبو سفيان عرف إن رسول الله ﷺ تزوج بنته خفت البغضاء والكُره في قلب أبي سفيان على رسول الله ﷺ،
وفي موقف زواج رسول الله ﷺ من أم حبيبة دعوة إلى مقابلة السيئة بالحسنة، فعلى الرغم من العداوة والإساءة إللي أبو سفيان آذى بها رسول الله ﷺ لكن رسول الله ﷺ تزوج بنته،
وهو بكده أحسن لأبي سفيان، ومقابلة السيئة بالحسنة تؤدي إلى دفع وزوال الحقد والكُره وصفاء النفوس بين المتخاصمين👌
وبكده يبقى رسول الله ﷺ متزوج من:
◇سودة بنت زمعه رضي الله عنها.
◇عائشة بنت أبي بكر الصديق رضي الله عنها.
◇ حفصة بنت عمر رضي الله عنها.
◇أم سلمة هند بنت أبي أمية المخزومية رضي الله عنها.
◇زينب بنت جحش رضي الله عنها
◇جويرية بنت الحارث رضي الله عنها
◇ أم حبيبة رملة بنت أبي سفيان رضي الله عنها.

☆الحدث المهم التاني هو إسلام عمرو بن العاص على يد النجاشي، سبحان الله واحد من العرب يسلم على يد واحد من غير العرب😅
إزاي ده بقى حصل😁
خلونا نرجع بالزمن كده للأحداث بعد غزوة الأحزاب أو غزوة الخندق، قلنا إن قريش رجعت لمكة خائبة ومقدرتش تقضي على رسول الله ﷺ مع إن الجيش إللي كان محاصر المدينة كان عشرة آلاف مقاتل،
لما رجعوا لمكة عمرو بن العاص قعد مع مجموعة من قريش كانوا بيسمعوا لآراءه وعارفين مكانته بين الناس وعارفين رجاحة عقله وما عنده من الدهاء والتفكير،
فاقترح عليهم اقتراح، قال لهم:
والله إني أرى أمر محمداً يعلو الأمور علواً منكراً، وإني قد رأيت أمراً، فما ترون فيه؟
يعني بيقول لهم إن شايف إن دين رسول الله ﷺ بدأ يظهر ودولته بدأت تقوى وده خطر عليهم فلقى حل عشان يطلع من الأزمة دي،
فسألوه:
وماذا رأيتَ🤔
يعني إيه رأيك وإيه الحل إللي عندك،
قال لهم عمرو:
"رأيتُ أن نلحق بالنجاشي فنكون عنده، فإن ظَهر محمد على قومنا كنا عند النجاشي، فإنَّا أن نكون تحت يديه أحب إلينا من أن نكون تحت يدي محمد،
وإن ظهر قومنا فنحن مَنْ قد عرفوا، فلن يأتينا منهم إلا خير"

يعني بيقول لهم إننا نروح الحبشة عند النجاشي نقعد عنده ونشوف الصراع بين محمد وقريش هيوصل لحد فين،
لو محمد هو إللي انتصر وبقى له الغلبة يبقى احنا عند النجاشي تحت حكمه،
ولو قومنا هم إللي انتصروا فهم عارفينا كويس وعارفين إننا في صفهم ومش هيجيلنا منهم إلا كل خير،
فعجبهم رأي عمرو وقالوا خلونا نجمع هدايا للنجاشي ونروح له بيها، وكان النجاشي بيحب الجلد فجمعوا له هدايا من الجلد وانطلقوا للنجاشي،
طبعا الأحداث دي مكنتش بين يوم وليلة، ده خدوا لهم وقت على ما راحوا عند النجاشي😅
ولما وصلوا للحبشة قعدوا فترة على ما دخلوا قصر النجاشي،
فلما دخلوا عنده شافوا رسول رسول الله ﷺ عمرو بن أمية الضمري خارج من عند النجاشي،
وكان ساعتها عمرو بن أمية بيكلم النجاشي في أصحاب رسول الله ﷺ وإن رسول الله ﷺ أمر بإنهم يرجعوا للمدينة خلاص لأن الأمور استقرت في المدينة والإسلام مبقاش مهدد بالزوال زي قبل كده،
فكان الهدف من وجود مجموعة من الصحابة في الحبشة هو الحفاظ على أصل الإسلام، لكن بعد ما الأوضاع استقرت خلاص أمر برجوعهم،
فالمجموعة من قريش بقيادة عمرو بن العاص شافوا عمرو بن أمية وهو خارج من عند النجاشي،
فقال لهم عمرو بن العاص :
ده عمرو بن أمية الضمري، لو دخلت على النجاشي وسألته إنه يعطيه لي فأقتله قريش هتشوف إني عملت فيهم جميل لما قتلت رسول محمد😈
فأصحابه شجعوه ودخل فعلا عمرو بن العاص على النجاشي،
وكان من عادة الناس ومنهم عمرو إنهم لما يدخلوا على الملوك إنهم يسجدوا لهم كنوع من التحية لهم،
طبعا النجاشي المسلم مكنش يعرف حرمة السجود لغير الله لأن كان في شرائع كتير مكنش يعرفها بسبب بعده عن رسول الله ﷺ،
وكمان تحريم السجود لغير الله كان حصل متأخر فكده كده النجاشي مكنش يعرف بيه،
المهم إن عمرو دخل على النجاشي وسجد له كعادته، فقال له النجاشي:
مرحبا بصديقي، أهديت إليّ من بلادك شيئا؟
يعني بيقول له إنت جبت لي حاجة من معاك من بلادك،
واحنا قلنا قبل كده إن كان في علاقة صداقة بين عمرو بن العاص وبين النجاشي،
فقال له عمرو :
نعم، أيها الملك، قد أهديت إليك أُدمًا كثيرا، يعني جابله جلود كثيرة، فقرب له الجلود فعجبت النجاشي واشتهاها،
وهنا استغل عمرو الموقف وقال للنجاشي:
أيها الملك، أنا شوفت رجل خرج من عندك، وهو رسول رجل عدو لنا، فأعطنيه لأقتله، فإنه قد أصاب من أشرافنا وخيارنا،
يعني قتل ناس من أشرافنا وأحسنِنَا،
فالنجاشي غضب جدا ومد يده فضرب بها أنفه ضربة شديدة ظن عمرو إنه كسر أنفه،
فخاف عمرو من النجاشي ومن شدة خوفه تمنى إن الأرض تنشق وتبلعه😅
وبعدين قال للنجاشي:
أيها الملك، والله لو كنت أعرف إن كلامي مش هيعجبك وهتكره طلبي مكنتش طلبته منك🙇‍♂️
فقال النجاشي لعمرو:
انت بتطلب مني أعطيك رسول رجل يأتيه الناموس الأكبر الذي كان يأتي موسى لتقتله😡
☆الناموس الأكبر هو جبريل عليه السلام،
فقال عمرو للنجاشي:

هو فعلا كده، بيجيله الوحي زي ما بيقول😮
فقال له النجاشي:
ويحك يا عمرو أطعني واتبعه، فإنه والله لعلى الحق وليظهرن على من خالفه، كما ظهر موسى على فرعون وجنوده👌
يعني النجاشي بيدعو عمرو للإسلام وبيقول له إن رسول الله ﷺ حق ودينه حق وهي نتصر على كل أعدائه في النهاية زي ما موسى عليه السلام انتصر على فرعون وجنوده،
فقال له عمرو:
أفتبايعني له على الإسلام؟
يعني عمرو عايز يبايع النجاشي على الإسلام مكان رسول الله ﷺ لحد ما عمرو يذهب لرسول الله ﷺ،
فقال له النجاشي نعم وبسط يده وبايع عمرو على الإسلام،
وخرج عمرو من عند النجاشي وهو مسلم وأخفى إسلامه عن أصحابه عشان محدش فيهم يقتله ولاّ حاجة😅
والأحداث دي كانت في بدايات السنة السابعة من الهجرة،

بعد فترة انطلق عمرو للمدينة عشان يبايع رسول الله ﷺ على الإسلام، والموضوع ده له قصة تانية هنعرفها لما ييجي وقتها إن شاء الله😁

كده مش فاضل غير رسالة رسول الله ﷺ إلى هرقل ملك الروم ودي هنعرفها الجزء الجزء الجاي إن شاء الله 😊




#Eman_Shalapy

تجاهل لتسلم ويسلم لسانك🔺

#مدمرات_الأنوثة

👈 تعالي حبيبتي نسلط العدسة على شخصية المرأة كثيرة الشكوى التي تشتكي لزوجها من الأبناء ومشاكلهم، ومن أهلها ومتاعبهم، ومن هذه وتلك، واىتي تشتكي دوما من زوجها للآخرين، أو تشتكي من أوجاع الحياة.

👈 هي نوجه عدستنا نحو هذه الشخصية لنعرف السبب وراء هذا السلوك؛ لنتجنبه ونقضي على هذا المدمر من مدمرات الأنوثة ونستعيد أنوثتنا من جديد.🥰


🍃المرأة كثيرة الشكوى هي شخصية تفتقد عادة إلى الشعور بالحب والحنان وتحتاج إلى الشعور باهتمام أحبابها بها، لذلك هي تشتكي عادة ليس للوصول إلى كلول لمشكلاتها بل للحصول على الدعم النفسي والاهتمام.


🍃المرأة كثيرة الشكوى شخصية ينقصها الشعور بالتقدير الذاتي والثقة بالنفس فتفرغ هذه النقص في الشكوى.


🍃هي كذلك تعاني عادة من الفراغ النفسي وعدم القدرة على توجيه بوصلة حياتها الشخصية لاتجاهات تملأ هذا الفراغ فلا تجد أمامها سوى الشكوى لتفرغ فيها طاقتها.

🍃الشكوى كذلك قد تكون بسبب محاولاتها لرفع الحرج عن نفسها أمام الآخرين فتشتكي على سبيل المثال دوما من أطفالها حتى لا تبدو مقصرة وحتى لا يلومها زوجها على هذا التقصير.

📣أسباب عديدة وتختلف من امرأة إلى أخرى، وقد تنفرد امرأة بسبب واحد أو تجتمع لديها بعض الأسباب وأيا كان الوضع المحصلة النهائية واحدة وهي نفور من الزوج وابتعاد نفسي عن الزوجة وربما البحث عن زوجة أخرى مرحة و(فرفوشة)

🔺حبيبتي دعيني أهدي إليك هذه القصة التي وردت في صحيح البخاري عن سيدنا إبراهيم عليه السلام حيث جاء عليه السلام ليزور ابنه إسماعيل فلم يجده فسأل زوجته عنه ولم تكن الزوجة تعرفه فقالت له:

" نَحْنُ بِشَرٍّ نَحْنُ فِي ضِيقٍ وَشِدَّةٍ فَشَكَتْ إِلَيْهِ"

🔻كما تلاحظن هي تشتكي ضيق حالها لهذا الرجل الغريب عنها والواضح أنها اعتادت على الشكوى وعدم استشعار نعم الله عز وجل عليها.

🔺هنا قال لها إبراهيم عليه السلام: "فَإِذَا جَاءَ زَوْجُكِ فَاقْرَئِي عَلَيْهِ السَّلَامَ وَقُولِي لَهُ يُغَيِّرْ عَتَبَةَ بَابِهِ ."

أي أنه يوصي ابنه بمفارقة هذه الزوجة التي تشتكي ربها ولا تحمد نعمه ولا تنظر بعين الرضا لحالها مع زوجها.

🔻وبعد فترة تتكرر نفس الأحداث ولكن مع زوجة أخرى تزوجها إسماعيل عليه السلام بعد أن فارق تلك الزوجة الشاكية ويسأل إبراهيم عليه السلام الزوجة الجديدة عن حالها فتقول:

"نَحْنُ بِخَيْرٍ وَسَعَةٍ، وَأَثْنَتْ عَلَى اللَّهِ ."

فيدعو لهما إبراهيم عليه السلام بالبركة ويقول لها:

" فَإِذَا جَاءَ زَوْجُكِ فَاقْرَئِي عَلَيْهِ السَّلَامَ وَمُرِيهِ يُثْبِتُ عَتَبَةَ بَابِهِ"


📌- قصة عجيبة تحمل لنا جرس إنذار يوضح لنا مساوئ الشكوى وكيف أنها جعلت نبي الله إبراهيم المعروف بشدة الحلم يأمر ابنه بتغيير زوجته!

🔺تُرى حبيبتي هل بعد هذه القصة ستعيشين في أجواء الشكوى المستمرة التي تدمر أنوثتك *أم أنك ستنتبهين لهذا المدمر لبيتك وحياتك وأنوثتك؟*

🌿 - الله " الغني " غني عن المعرضين , حميد حامد للمقبلين الطائعين فهو سبحانه غني عما سواه , وكل مخلوق مفتقر إليه فقرا اضطراريا لا دافع له وفقرا اختياريا مبنيا على معرفة النفس و العلم بالرب تعالى ..

🌿 - الله لا حاجة له إلى أحد أصلا , ولا إلى شيء من خلقه ولذا وصف عباده بالفقر فقال : { يا أيها الناس أنتم الفقراء إلى الله والله هو الغني الحميد } [فاطر:15]

عندما تدرك بحق معنى اسم الله: الغني
ستدرك شدة فقرك وحاجتك إليه وضعفك وفاقتك وكونك لا شيء ! لولا أن هداك الله ورحمك فانتشلك من الجهل به إلى معرفته ومن ظلام البعد عنه إلى نور قربه ..

وحتما سينفطر قلبك وتذرف عيناك لقوله تعالى: (يا أيها الناس أنتم الفقراء إلى الله والله هو الغني الحميد) وحينما تعصاه ولا تمتثل لأمره؛ ستشعر بحسرة وغصة وألم عند سماعك:  (فكفروا وتولوا واستغنى الله والله غني حميد) فأمر شيء في الكون كله، لا أن تفقد أهلا ولا مالا ولا منصبا بل أن [يستغني عنك الله تعالى] بعد أن تولاك وهداك فأعرضت عنه .. 🥀

#العيش_مع_أسماء_الله_الحسنى