#قصص_الأنبياء(٢)
#السيرة_النبوية
#الحلقة_مائة_وتسعة_وعشرون
#علامات_الساعة_الكبرى_الجزء_العاشر
#الدخان_والخسوف_الثلاثة

اتكلمنا المرة إللي فاتت عن طلوع الشمس من مغربها وخروج الدابة،
هتيجي بعد كده العلامة السادسة من علامات الساعة الكبرى وهي الدخان،
"فَارْتَقِبْ يَوْمَ تَأْتِي السَّمَاءُ بِدُخَانٍ مُبِينٍ يَغْشَى النَّاسَ هَذَا عَذَابٌ أَلِيمٌ"
واحنا منعرفش الدخان هيخرج امتى بالضبط، لأن مفيش ترتيب واضح بين علامات الساعة الكبرى،
يعني هل الدخان هيكون قبل الدجال، ولاّ بعد طلوع الشمس من مغربها وخروج الدابة، الله أعلم🤷‍♂️
إللي نعرفه إن الدخان من علامات الساعة الكبرى إللي هتحصل آخر الزمان وهيشهدها المؤمن والكافر،
وهو ده القول الراجح، لأن في ثلاثة أقوال تانيين مش موضوعنا، إللي عايز يتوسع ممكن يشوف الروابط إللي في التعليقات👇
والدخان بصفة عامة هو ما يُطلق على ما يتصاعد عند إيقاد الحطب،
فهيظهر دخان عظيم جاي من السماء يملأ الأرض كلها بسبب ترك الحق، وكثرة المعاصي، سواء قبل الدجال أو بعده،
فيخاف الناس من الدخان ويصيبهم الهلع والجزع ويفكروه عذاب أليم،
فالأرض هتكون عاملة زي بيت مليان دخان،
عارفين لما حاجة تشيط على البوتاجاز أو تتحرق مثلا وتطلع دخان ويملأ البيت والدخان تخلي الواحد يكح،
أهه هيبقى الوضع شبيه بكده لكن أشد بكتير وخصوصا إن مفيش مكان تاني الواحد ممكن يروح فيه عشان يقدر يتنفس هواء نقي،
يعني احنا ممكن نفتح شبابيك البيت أو حتى نخرج برة البيت عشان ناخد نفسنا، لكن الدخان بقى هيكون مالي الأرض كلها، عارفين زي إيه🤔
زي الضباب أو الشّبُّورة إللي بتكون موجودة الصبح في أيام الشتاء كده، بتكون مالية الدنيا زي الدخان،
والدخان لن ينجو منه أحد ولا يفر منه مخلوق، يُعذِّب به الكفار أشد العذاب، أما المؤمن فلا يصيبه منه إلا كما تُصيب الزكمةُ الإنسان، يعني كأن عنده زكام، برد يعني😅
قال رسول الله ﷺ:
"إن ربكم أنذركم ثلاثاً وذكر منها :الدخان، يأخذ المؤمن كالزَّكمة ويأخذ الكافر فينتفخ حتى يخرج من كل مَسْمعٍ منه"

المؤمنين هيكونوا قليلين جدا في الزمن ده بالنسبة للكفار وهتكون أعمالهم مختلطة، يعني الحسنات وسيئات، ومع انتشار العصيان والكفر في الأرض، هتُهدم الكعبة على يد ذو السُّوَيْقَتيْن وهيُرفع القرآن وتخرب المدينة وهيرجع الناس تاني لعبادة الأصنام، قال رسول الله ﷺ:
"لا يذهب الليل والنهار حتى تُعبد اللّات والعُزّى، فالسيدة عائشة قالت لرسول الله ﷺ :
"إن كنت لأظن حين أنزل الله: هُوَ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ" أن ذلك تاماً "
يعني هي فكرت إن لما ربنا أنزل الآية دي خلاص مش هيحصل عبادة أصنام مرة ثانية،
فقال لها رسول الله ﷺ:
"إنه سيكون من ذلك ما شاء الله ثم يبعث الله ريحا طيبة فيُتوفى كل مَن في قلبه مثقال حبة خردل من إيمان، فيبقى مَن لا خير فيه فيرجعون إلى دين آبائهم"
يعني فعلا هيكون التوحيد موجود لفترة معينة لحد ما تأتي ريح تقبض أرواح من كان في قلبه مثقال حبة من خردل من إيمان،

◇والكلام ياخدنا لعلامة تانية من علامات الساعة الصغرى المتداخلة في الكبرى وهي الريح الطيبة إللي تقبض أرواح المؤمنين.
بعد خروج الدابة وختمها للناس وانتهاء الأعمال هتيجي ريح باردة طيبة ليّنة من الشام تقبض أرواح المؤمنين،
إللي هيكونوا اتوجهوا أصلا للشام قبل خروج نار من قعر عدن تسوق الناس لأرض المحشر في الشام، وهنعرف تفاصيل النار دي لما نتكلم عنها،
فالريح دي مش هتسيب إنسان في قلبه مثقال ذرة من خير أو إيمان إلا قبضته، لدرجة إن لو إنسان دخل في عمق الجبل الريح دي هتدخل وراه وتقبض روحه،
قال رسول الله ﷺ:
" يرسل الله ريحاً باردة من قِبَل الشام، فلا يبقى على وجهه الأرض أحداً في قلبه مثقال ذرة من خير أو إيمان إلا قبضته، حتى لو أن أحدكم دخل في كبد جبل لدخلت عليه حتى تقبضه"
ويتبقى شرار الخلق، يعني أسوأ ناس على وجه الأرض هيكونوا في سرعتهم للشرور وقضاء الشهوات والفساد زي طيران الطائر في سرعته،
وهيكونوا في العدوان وظلم بعضهم بعض زي السّباع المعتدية،
قال رسول الله ﷺ:
" فَيَبْقَى شِرَارُ النَّاسِ، فِي خِفَّةِ الطَّيْرِ وَأَحْلَامِ السِّبَاعِ، لَا يَعْرِفُونَ مَعْرُوفًا وَلَا يُنْكِرُونَ مُنْكَرًا"

☆طيب وحديث رسول الله ﷺ:
"لا تزال طائفة من أمتي ظاهرين على الحق إلى يوم القيامة"
مش كده هيبقى في تعارض، يعني فين بقى الطائفة إللي على الحق وكده مبقاش غير شرار الخلق🤔

مفيش تعارض لأن المعنى المقصود إنهم هيفضلوا على الحق لحد ما تيجي الريح اللينة وتقبضهم جميعا في وقت قرب القيامة جدا، وطبعا الأحداث الأخيرة دي هتحصل بسرعة جدا،
☆إيه بقى قصة هدم الكعبة ورفع القرآن ؟
في آخر الزمان هيُرفع القرآن وتُهدم الكعبة وتَخْرب المدينة ويهجرها الناس ولا يسكنها إلا السباع،
عن عبد الله بن مسعود رضي الله عنه قال:

" لَيُسْرَيَنَّ عَلَى الْقُرْآنِ ذَاتَ لَيْلَةٍ فَلا يُتْرَكُ آيَةٌ فِي مُصْحَفٍ وَلا فِي قَلْبِ أَحَدٍ إِلا رُفِعَتْ "
يعني هييجي يوم ترفع فيه كل آيات القرآن من المصاحف ومن قلب أي واحد عارف ولو آية واحدة من القرآن،
وعادي جدا إن يكون في مسلمين حافظين بعض آيات القرآن ومش بيصلوا ولا بيعملوا أعمال صالحة،زي في عصرنا دلوقتي، فدول هيترفع القرآن من قلوبهم،
وكمان عادي يكون في كفار حافظين بعض آيات القرآن في في آخر الزمان ويترفع من صدورهم هم كمان،
في عصرنا دلوقتي بنشوف نصارى بيحفظوا القرآن كله بغرض الطعن فيه أو لأي غرض تاني فمش حاجة غريبة لو لقينا في آخر الزمان كفار حافظين بعض الآيات وترفع من قلوبهم،

☆طيب ليه يُرفع القرآن🤔

هو السبب أصلا في نزول القرآن إيه؟
مش لهداية الناس على مر الزمان من بعثة رسول الله ﷺ لحد النهاية،
طيب دلوقتي خلاص مبقاش موجود غير الكفار إللي لن يؤمنوا وهم شرار الخلق حتى المؤمنين قلة وخلاص باب الإيمان والتوبة والاستزادة من الأعمال الصالحة اتقفل ومبقاش في صلاة ولا صيام ولا حج وبعد وقت بسيط جدا لن يُذكر في الأرض الله الله،
فإيه الفايدة من وجود القرآن دلوقتي 🤷‍♂️
وكمان ربنا يغار إن كتابه يبقى في الأرض بلا فائدة ولا يُعمل به، فيرفعه سبحانه ولا يبقى منه كلمة ولا حتى حرف👌
أما هدم الكعبة،
فهييجي واحد اسمه ذو السُّوَيْقَتَين من الحبشة إللي هي أثيوبيا في زماننا دلوقتي عشان يهدمها،
فهيخربها وياخد الكنز المدفون فيها ويجرد الكعبة من كسوتها ويهدمها حجر حجر،
واسمه ذو السُّوَيْقَتَين لأن رجله ضعيفة وقصيرة فيها تباعد، مقوّسة يعني وهو أسود وأصلع،
ومحدش يعرف إيه هو كنز الكعبة المدفون ده، في كنز في الكعبة لكن إيه هو بالضبط مفيش تفصيل عنه، إللي نعرفه إن إللي هيستخرج الكنز ده هو هادم الكعبة ذو السويقتين،
قال رسول الله ﷺ:
1-"يُخَرِّبُ ‏ ‏الْكَعْبَةَ ‏ ‏ذُو السُّوَيْقَتَيْنِ"
2-"كَأَنِّي أَنْظُرُ إِلَيْهِ أَسْوَدَ أَفْحَجَ يَنْقُضُهَا حَجَرًا حَجَرًا"
3-"يُخَرِّبُ ‏الْكَعْبَةَ ‌‏ذُوالسُّوَيْقَتَيْنِ ‏ ‏مِنْ ‌‏الْحَبَشَةِ،‌‏
وَيَسْلُبُهَا حِلْيَتَهَا وَيُجَرِّدُهَا مِنْ كِسْوَتِهَا، وَلَكَأَنِّي أَنْظُرُ إِلَيْهِ ‏أُصَيْلِعَ ، ‏أُفَيْدِعَ ‌‏يَضْرِبُ عَلَيْهَا ‏بِمِسْحَاتِهِ ‌‏وَمِعْوَلِهِ"

وطبعا ده لا يتعارض مع قول ربنا في القرآن:
"أَوَلَمْ يَرَوْا أَنَّا جَعَلْنَا حَرَمًا آمِنًا"
لأن ساعتها مش هيكون في مؤمنين وشريعة الحج موجودة زي دلوقتي مثلا، المؤمنين هيكون أعدادهم قليلة،
وكمان الآية مفيهاش أي دلالة على استمرار الأمن للنهاية👌

☆وهنا في سؤال بمناسبة الآية إللي قلناها، احنا اتكلمنا قبل كده في جزء تاريخ الكعبة على مر الزمن إن الكعبة اتهدمت أكثر من مرة وحصل فيها قتل الحجيج وسُرِق الحجر الأسود على أيدي القرامطة، فين الأمان بقى🤔

كنت قلت لكم قبل كده إن السنة هي الجزء الثاني من الوحي، يعني عشان نفهم القرآن محتاجين أحاديث رسول الله ﷺ،
رسول الله ﷺ قال إن محدش هيقدر يستبيح بيت الله الحرام إلا المسلمين أنفسهم،
يعني الحرم موجود آمن بنص القرآن، لكن كلام رسول الله ﷺ بيوضح لنا إن الأمن ده مقيد بشرط، وهو إن إللي هينتهك الأمن ده هم المسلمون ومش حد غيرهم،
قال رسول الله ﷺ:
"وَلَنْ يَسْتَحِلّ هَذَا الْبَيْت إِلَّا أَهْله"
ولو رجعنا لتاريخ الكعبة هنلاقي إن كل إللي تعدى عليها هم المسلمون، شوفنا الحجاج لما ضرب الكعبة بالمنجنيق، وشوفنا القرامطة وإللي عملوه وهم أصلهم من المسلمين،
لكن مفيش حد من غير المسلمين استباح الكعبة إطلاقا من زمن رسول الله ﷺ لحد زماننا دلوقتي،
وده من الدلائل على صدق نبوة رسول الله ﷺ، لأن مين هيعرف الغيب إن محدش غير المسلمين هيستبيح البيت غير عالم الغيب والشهادة وهو إللي أخبر رسوله ﷺ بكده💁‍♂️

هيعيش الناس في الفترة دي بعد موت المؤمنين يعني، أسوأ فترات الدنيا، حتى يُقال إن فترتهم أسوأ من فترة الجاهلية الأولى،
يقول رسول الله ﷺ:
" وَيَبْقَى شِرَارُ النَّاسِ يَتَهَارَجُونَ فِيهَا تَهَارُجَ الْحُمُرِ"
يعني يُجَامع الرجال النساء بِحَضْرَةِ النَّاس كَمَا يفعل الْحَمِير،
وده إللي اتكلمنا عنه قبل كده لو تفتكروا ،وقلنا إن هييجي يوم الرجل هيزني بالمرأة في الشارع كده علنًا عادي ومحدش هيكلمه،
وهيكون أحسن واحد ساعتها هو إللي هيقول له :
لو إنك تزني بيها وراء الجدار أحسن!
ويتمثل لهم الشيطان ويقول لهم :
ألا تستجيبون؟! يعني تسمعوا كلامي😈
فيسألوه: فما تأمرنا، يعني عايزنا نسمع كلامك في إيه🤔
فيأمرهم بعبادة الأصنام ويعبدوها فعلا، ودي عودة عبادة اللات والعزى إللي قلناها من شوية في حديث رسول الله ﷺ،
قال رسول الله ﷺ:
"فَيَتَمَثَّلُ لَهُمْ الشَّيْطَانُ فَيَقُولُ أَلَا تَسْتَجِيبُونَ ؟ فَيَقُولُونَ : فَمَا تَأْمُرُنَا ؟ فَيَأْمُرُهُمْ بِعِبَادَةِ الْأَوْثَانِ"

وبالنسبة لخراب المدينة، فالناس هيهجروها ومش هيبقى فيها حد غير السباع والطيور، والناس مش هتهجر المدينة بسبب قلة الثمار مثلا وإن المدينة بقت فقيرة ده هيتركوها رغبة عنها وهي أحسن ما تكون والثمار إللي فيها هتكون غذاء للسباع والطيور،
قال رسول الله ﷺ:
" لَيَتْرُكَنَّهَا أَهْلُهَا عَلَى خَيْرِ مَا كَانَتْ مُذَلَّلَةً لِلْعَوَافِي" والعوافي يعني السباع والطيور،

وبعد كده تحصل العلامات السابعة والثامنة والتاسعة من علامات الساعة الكبرى وهي:
خسف بالمشرق وخسف بالمغرب،وخسف بجزيرة العرب،

☆وبرده احنا منعرفش بالتحديد العلامة دي قبل الدخان ولاّ قبل حتى خروج الدجال،
لأن مفيش حديث فيه ترتيب واضح لعلامات الساعة الكبرى، غير في الدجال ونزول عيسى وبعده يأجوج ومأجوج، غير كده مفيش حديث عن رسول الله ﷺ يقطع بترتيب علامات الساعة الكبرى،
والعلامات دي بتحصل وراء بعض بسرعة جدا زي ما قلنا قبل كده👌
والخسف معناه نزول شيء ما على الأرض إلى باطن الأرض
يعني الأرض تتشق وتبلعه،
وحصل بعض الخسوفات في أماكن متفرقة و في أزمان متباعدة وده كان من علامات الساعة الصغرى،
أما الخسوفات الثلاثة دي هتكون عظيمة وعامة لأماكن كثيرة من الأرض في مشارقها ومغاربها وفي جزيرة العرب محصلتش قبل كده هتُدمِّر مناطق واسعة من الأرض وتُخرِّب ما عليها وتتغير أحوال الناس وتضطرب معايشهم،
قال رسول الله ﷺ:
"لا تقوم الساعة حتى تروا عشر آيات: فذكر منها ثلاثة خسوف: خسف بالمشرق، وخسف بالمغرب، وخسف بجزيرة العرب"

وبكده يبقى مش باقي لنا غير آخر علامة من علامات الساعة الكبرى، هنتكلم عنها الجزء الجاي إن شاء الله،
والجزء الجاي هيكون الجزء الأخير من سلسلة علامات الساعة


#Eman_Shalapy

🎧 أذكار المساء
بصوت الشيخ /
مشاري بن راشد العفاسي

*🌙 همسة مسائية* 🌅

*أحب العباد إلى ﷲ أحسنهم خلقاً*
*قال رسول ﷲ ﷺ : (أحب عباد* *ﷲ إلى ﷲ أحسنهم خلقاً* ). وقد كان النبي ﷺ يدعو ربه ليرشده إلى أحسن الأخلاق ويوفقه للتخلق بها، فكان يقول: (اللهم اهدني لأحسن الأخلاق لا يهدي لأحسنها إلا أنت واصرف عني سيئها لا يصرف عني سيئها إلا أنت). *وكان ﷺ يوصي: (وخالق الناس بخلق حسن* )

📌#مدمرات_الأنوثة

✍️ قدمنا إليكم في الفقرة السابقة رأي أحدهم في مدمرات الأنوثة لدى الأنثى، ودعيني أقول لكِ :

🛑 أن هذا الرأي ليس لشخص واحد فقط بل على مدار سنوات طوال كنا نجد أن الصوت العالي للمرأة من أكثر ما يثير ضيق الرجل ويجعله ينفر من زوجته أو أخته أو أي امرأة يتعامل معها؛ فاحرصي على تدريب نفسك على الصوت الهادئ واحذري أن يكون نصيب أذن زوجك عند و جوده معك الصراخ في الأبناء أوالحديث معه بصوت عالٍ وحاد ونبرة ذكورية.

🛑 تذكري أنه يسمع أصواتا هامسة ودافئة في العمل وأن الإناث في الخارج يتفنن في الكلام بهدوء ودلال فلا تكوني سببا في فتنة زوجك وانجذابه لأخرى، ولا تكوني سببا في قتل أنوثتك في عين زوجك بسبب صوتك العالي.


🛑 تفنني في إحياء أنوثتك واجعلي أول خطوة في ذلك استعادة صوتك الناعم والهادئ الذي يعبر عن كونك أنثى تعرف كيف تعيش بأنوثة راقية.

#مدمرات_الأنوثة

#أنوثة_راقية

خطوات سهلة للتدريب على الصوت الهادئ:

🌸 أكثري من ذكر الله عز وجل فمن اعتاد لسانها على ذكر الله ستهدأ نفسها وتتحكم في لسانها.

🌸اجعلي لك عدة نوايا في التدريب على الصوت المنخفض لعل في هذه النوايا ما يعينك ويكون خير دافع لك على التمسك بهذه العادة الجديدة، ومن هذه النوايا إعفاف زوجك، ونشر السكينة والهدوء في بيتك، والحفاظ على نفسية أبنائك وحبهم لك وشعورهم بالأمان معك، واستقرار نفسيتك أنت، والتمتع بحسن الخلق الذي يفوز صاحبه بأن يكون من أقرب الناس مجلسا يوم القيامة لرسول الله صلى الله عليه وسبم.



🌸خذي قرارا يوميا بخفض صوتك لمدة يوم أي قولي لنفسك اليوم يوم الصوت الهادئ 👏
قولي لنفسك يوم واحد فقط لن يرهقني ولن يكلفني الكثير من الجهد، واحرصي على نجاح مهمتك في هذا اليوم، وبعد انتهاء اليوم بنجاح احمدي ربك ثم ابدئي في يوم جديد بنفس الآلية حتى يصبح الأمر عادة لديك.


🌸حاولي تسجيل صوتك وتصوير نفسك وأنت غاضبة أو وأنت تتحدثين بصوت عال وانظري هل يرضيك أن تكون هذه هي صورتك في قلوب من حولك.


🌸حاولي متابعة إحداهن من صاحبات الصوت الهادئ وحاولي تقليدها والاقتداء بها.

🌸أكثري من الدعاء بأن يصلحك الله ويقيك شر نفسك وأن يشفيك من هذا الداء، وأكثري من الحوقلة بنية استمداد العون من الله لأداء هذه المهمة.


🌸حاولي تعديل نظام يومك بحيث لا تكثر عليك الضغوط التي تدفعك لهذه العصبية.


🌸تعاملي مع البشر على أنهم بشر وتوقعي منهم النقص وعدم الكمال ولا ترفعي سقف توقعاتك منهم.

🌸تعاملي مع أبنائك وفقا لمراحلهم العمرية وتذكري أنهم لا يحملون نفس نضجك ولا خبرتك في الحياة فلا تتوقعي منهم أن يتعاملوا مع الحياة بمثل ما تتعاملين أنت وتذكري أنهم لم يصلوا لمرحلتك العمرية ولا خبرتك في الحياة بعد.

🌸ابدئي يومك بوردك من كتاب الله وحافظي على صلواتك في أوقاتها واذكري الله كثيرا فقربك الحقيقي من ربك من خير المعينات لك على بلوغ هدفك.👍

"إن الكريمَ إذا ناديت قال نعم
*‏فكيف باللّٰه ذي الإنعامِ والكرم*

‏فابسط له الكفَ لن تأتيك فارغة
*‏فقد سألت الذي سواك من عدم".*

- *الوتـر جنّـة القُلوب🌸*

اللهم تولنا فيمن توليت🤲🏻

🎧لنختم القرآن سماعاً (٢١)

🔘الربع الأول والثاني & الحزب السادس

📽 سورة آل عمران من ( ١٥- ٥١ )

👤للقارئ أحمد الشافعي
👤 والقارئ يوسف نوح

#صباحكم_قرآنٌ_يُتلى
#ليدبروا
https://www.tg-me.com/GhRoooh/13789

لا تسمح لأيام عمرك تمضي سدى 👍

#قصص_الأنبياء(٢)
#السيرة_النبوية
#الحلقة_مائة_وثلاثون
#علامات_الساعة_الكبرى_الجزء_الحادي_عشر_والأخير
#نار_تسوق_الناس_إلى_محشرهم

وقفنا المرة إللي فاتت عند آخر علامة من علامات الساعة الكبرى وهي:
◇خروج نار من قعر عدن في اليمن تقود الناس إلى محشرهم،
قال رسول الله ﷺ لما كان بيذكر علامات الساعة الكبرى:
" وَآخِرُ ذَلِكَ نَارٌ تَخْرُجُ مِنَ الْيَمَنِ ، تَطْرُدُ النَّاسَ إِلَى مَحْشَرِهِمْ"
وهي على ظاهر الحديث نار مش حمم بركانية زي ما كان في بعض الناس بتقول😅
و الأصل في ألفاظ الكتاب والسنة إنها تُحمل على ظاهرها وعلى حقيقتها👌
المهم، قبل ما النار تظهر المؤمنين وهم خيار الناس في الزمن ده هيكونوا هاجروا للشام طواعية،
قال رسول الله ﷺ:
"إِنَّهَا سَتَكُونُ هِجْرَةٌ بَعْدَ هِجْرَةٍ لَخِيَارِ النَّاسِ إِلَى مُهَاجَرِ إِبْرَاهِيمَ"
والشام هي المكان إللي هاجر إيه إبراهيم عليه السلام لما ترك قومه وخرج هو وزوجته سارة وابن أخيه لوط، واتكلمنا عنهم بالتفصيل في قصص الأنبياء لو تفتكروا😁
فالمؤمنون لما يوصلوا للشام الريح الطيبة هتقبض أرواحهم زي ما قلنا المرة إللي فاتت ويتبقى شرار الخلق وتحصل الأمور إللي اتكلمنا عليها المرة إللي فاتت وبعدين تخرج بقى النار الحاشرة،
والنار دي أول الآيات التي لا شيء بعدها من أمور الدنيا،
يعني مش زي باقي الآيات إللي فاتت كان بيبقى بعدها أشياء من أمور الدنيا،
لأ، الآية دي هي أول علامة لبداية الآخرة لأن بعدها كل حاجة في الدنيا هتنتهي فلما تنتهي النار هيحصل النفخ في الصور وتبدأ أحداث الآخرة،
لما سأل عبد الله بن سلام اليهودي رسول الله ﷺ ما هي أول أشراط الساعة قال له رسول الله ﷺ:
"أما أول أشراط الساعة: فنار تحشرهم من المشرق إلى المغرب"
والنار دي غير النار إللي خرجت من أرض الحجاز إللي أضاءت لها أعناق الإبل ببصرى في الشام واتكلمنا عنها في علامات الساعة الصغرى 👌
النار الحاشرة دي هتخرج من قعر عدن في اليمن، يعني دي بدايتها، وبعد كده تنتشر في كل الأرض، تذهب إلى المشرق فتحشر أهل المشرق إلى الشام،
وبعدين تذهب إلى المغرب، فتحشر أهل المغرب إلى الشام، فهي تعم الأرض وتأتى بكل الناس في الأرض إلى الشام غصب عنهم،
والنار هتاخدهم لأرض الشام بالذات لأنها المكان إللي ستقوم فيه الساعة ويموت فيه آخر جيل من البشرية،

والناس في الحشر ده على ثلاث طرائق:
الأول:
راغبين راهبين راكبون طاعمون يعني من نفسهم كده توجهوا للشام وكلهم هيكونوا راكبين على دواب ومعاهم كل زاد الرحلة،
عارفين زي ما الواحد بيسافر سفر درجة أولى كده وبيبقى مرتاح وعنده كل الخدمات😅
الثاني:
هيتجه الناس للشام اثْنَانِ عَلَى بَعِيرٍ، وَثَلاَثَةٌ عَلَى بَعِيرٍ، وَأَرْبَعَةٌ عَلَى بَعِيرٍ، وَعَشَرَةٌ عَلَى بَعِيرٍ،
يعني ناس هتتوجه للشام يمشوا شوية ويركبوا شوية، ومن قلة المركوبات من الدواب، كل اتنين هيبدّلوا على بعير،
وكل ثلاثة هيبدلوا على بعير لحد ما يوصلوا إن كل عشرة يبدلوا على بعير، يعني واحد يركب والتاني يمشي شوية،
والراكب ينزل يمشي والماشي يركب، ويفضلوا على الحال ده لحد ما يوصلوا،
القسم الثالث:
وَيَحْشُرُ بَقِيَّتَهُمُ النَّارُ، تَقِيلُ مَعَهُمْ حَيْثُ قَالُوا، وَتَبِيتُ مَعَهُمْ حَيْثُ بَاتُوا، وَتُصْبِحُ مَعَهُمْ حَيْثُ أَصْبَحُوا، وَتُمْسِي مَعَهُمْ حَيْثُ أَمْسَوْا"
يعني الباقين تحشرهم النار غصبا، تفضل وراهم وتدفعهم لأرض المحشر وإللي يتخلف وميرضاش يتحرك النار تأكله ويحترق بالنار الحاشرة،
والناس طبعا ماشيين مسافات طويلة فأكيد هيتعبوا فلما يتعبوا ويقعدوا يريحوا النار هتقف ومش هتتقدم لحد ما يريحوا وبعدين تبدأ تتحرك معاهم مرة تانية وهكذا لحد ما يوصلوا للشام،
وفي الوقت ده هيكون في قِلة في الدواب إللي الناس هيركبوها بسبب إن حصل مرض أهلك معظم الدواب، والواحد ممكن يبيع بستان كبير في مقابل دابة يركبها ومحدش يرضى يشتريه منه،
يعني كأن مثلا واحد يدفع مليون جنيه في مقابل حمار أو جمل يركبه، ومع ذلك ميلاقيش،
قال رسول الله ﷺ:
" يُلقي الله الآفة على الظهر فلا يبقى ظهر، حتى أن الرجل ليكون له الحديقة المُعْجبة فيعطيها بالشارف ذات القَتَب فلا يقدر عليها"
وبكده يجتمع الناس كلهم في مكان واحد في الشام في بيت المقدس إللي هتقوم فيه الساعة فهي أرض المحشر والمنشر،
وهيتبقى رجلين راعيان للغنم من قبيلة مُزَيْنة هما آخر من يُحشر،
وهم معديين على المدينة ومعاهم الغنم بتاعهم هيلاقوها فاضية مفيهاش غير السّباع والطيور وأول ما يوصلوا ثَنْية الوداع مكان قريب من المدينة هيقعوا على وجوههما ميتين،
قال رسول الله ﷺ:
" وآخِرُ مَنْ يُحشَرُ راعِيانِ من مُزيْنةَ يُريدانِ المدينةَ ، يَنْعِقَانِ بغنمِهما ، فيَجِدانِها وُحوشًا ، حتى إذا بلَغا ثَنِيَّةَ الوداعِ ، خَرَّا على وُجوهِهِما"

☆طيب إزاي بقى هتقوم الساعة🤔

في يوم جمعة بعد ما الناس تُحشر صاحب القرن هينفخ في القرن نفخة عظيمة فالناس هيسمعوها ويتفزعوا ويُصعقوا ويموتوا كلهم في نفس الوقت،
قال رسول الله ﷺ:
"إن من أفضل أيامكم يوم الجمعة، فيه خُلق آدم وفيه قُبض، وفي النفخة وفيه الصعقة"
القَرن معناه حاجة زي البُوق إللي بيطلع صوت، واسمه قرن لأنه بيشبه قرن الثور،
صاحب القرن هو ملك من الملائكة اسمه إسرافيل على الراجح من أقوال العلماء، وهي دي مهمته إللي ربنا خلقه لها، ماسك القرن وينظر إلى العرش مستني الأمر بالنفخ في الصور،
قال رسول الله ﷺ:
" كَيْفَ أَنْعَمُ وَصَاحِبُ الْقَرْنِ قَدِ الْتَقَمَ الْقَرْنَ، وَاسْتَمَعَ الإِذْنَ حَتَّى يُؤْمَرَ بِالنَّفْخِ فَيَنْفُخ"

فأول ما ربنا يأمره بالنفخ هينفخ في البوق نفخة عظيمة جدا أول واحد هيسمعها رجل يَلوط حوض إبله،
يعني إيه؟
الإبل لما تيجي تشرب بيعملوا لها حوض من طوب ويغطوه من برة بالأسمنت بحيث إنه ميسربش مية،
ففي واحد هيكون بيطين الحوض ويصلحه من برة عشان يضع في الحوض مية ويسقي الإبل، هو ده أول واحد هيسمع صوت الصُّور أو القرن فيُصعق يموت يعني،
ويسمعه باقي الأحياء في السماوات والأرض فيُصعقون كلهم إلا من شاء الله، يعني في فئة لن تُصعق،
في رواية بتقول إنهم الملائكة أو بعض كبار الملائكة، ورواية تانية بتقول إنهم أهل الجنة من الحور العين والولدان المخلدون، والله أعلم مين إللي مش هيصعق بعد النفخة دي،
قال تعالى:
"وَنُفِخَ فِي الصُّورِ فَصَعِقَ مَنْ فِي السَّمَوَاتِ وَمَنْ فِي الْأَرْضِ إِلَّا مَنْ شَاءَ اللَّهُ"
والصوت إللي هيخرج ده هيبقى عبارة عن صيْحة عظيمة جدا تملأ الدنيا، وأول ما تبدأ الصيحة هتبدأ ضعيفة مش هيسمعها غير الرجل إللي قلنا عليه من شوية يلوط حوضه فيُصعق،
وبعدين تبقى أقوى ومحدش يسمعها إلا أصغى إليها،
زي كده لما نسمع صوت غريب ونبدأ نسكت عشان نسمع كويس، أهه ده بالضبط هيكون الحال،
والناس هيكونوا بيمارسوا حياتهم عادي وقت ما يُصعقوا، يعني واحد هيكون حلب الناقة بتاعته وواخد اللبن ورايح يشربه فيسمع الصيحة فيُصعق،
وواحد تاني هيكون بياكل فييجي يرفع اللقمة لفمه فميلحقش يضعها في فمه فيسمع الصيحة فيُصعق،
ورجلين نشرا ثوب بينهما واحد بيعرضه للبيع على التاني فيسمعوا الصيحة فيصعقان، فلا يلحقوا يشتروه ولا يلحقوا يطبقوه،
قال رسول الله ﷺ:
" ولَتَقُومَنَّ الساعةُ وقد نشر الرجلانِ ثوبَهما بينَهما ، فلا يَتَبايَعَانِهِ ولا يَطْوِيانِهِ ، ولَتَقُومَنَّ الساعةُ وقد انصرف الرجلُ بلَبَنِ لِقْحَتِه فلا يَطْعَمُه ،
ولَتَقُومَنَّ الساعةُ وهو يَلِيطُ حَوْضَه فلا يَسْقِي فيه ، ولَتَقُومَنَّ الساعةُ وقد رفع أُكْلَتَه إلى فِيهِ فلا يَطْعَمُ"

فالساعة هتأتي بغتة، والناس دول هم شرار الخلق وآخر جيل موجود في الدنيا، وبكده يموت كل البشر إللي كانوا على الأرض بعد ما يسمعوا النفخة الأولى في الصور،
وفي نفخة تانية هتحصل وهيسمعها كل البشر في القبور ويقوموا من قبورهم للحساب،
وبين النفخة الأولى والثانية 《أربعين》 أربعين يوم ولاّ أربعين شهر ولاّ أربعين سنة، الله أعلم 🤷‍♂️
هي جاءت في الحديث أربعين فقط، قال رسول الله ﷺ :
" ما بين النفختين أربعون"

وبكده يبقى احنا خلصنا علامات الساعة😊
كلمة أخيرة:
طبعا احنا شوفنا في الواقع إن في علامات كتير من علامات الساعة الصغرى اتحققت وبتتحقق، وده يزود الإيمان في قلوبنا ونزداد يقين بالآخرة،
وكل ما كان عندنا يقين بالآخرة وإننا هييجي يوم ونقف قصاد ربنا ونتحاسب على كل شيء كل ما هنقلل من الذنوب ونتمسك بالأعمال الصالحة أكثر؛ لسببين مهمين:
◇أولا: لأن دي وصية رسول الله ﷺ لما قال:
"إنَّهُ مَن يعِشْ منْكم بعدي فسيَرى اختِلافًا كثيرًا فعليكُم بسنَّتي وسنَّةِ الخلفاءِ الرَّاشدينَ المَهديِّينَ من بعدي تمسَّكوا بِها وعضُّوا عليها بالنَّواجذِ،
وإيَّاكم ومُحدَثاتِ الأمورِ فإنَّ كلَّ بدعةٍ ضلالةٌ"
يعني رسول الله ﷺ بيقول لنا هتشوفوا اختلاف كتير وهتشوفوا الفتن والمغريات حولكم كتير وأهل الحق هيكونوا قليلين، وهيبقى في بدع فالحل مش إنكم تتبعوا الرُّخص وتمشوا وراء الناس بحجة إن ده زمن فتن واحنا مش قادرين نعمل حاجة ونعمل زي ما الناس بتعمل،
لأ، الحل في التمسك بسنة رسول الله ﷺ،
بيقول لنا عضوا عليها بالنواجذ،
عارفين يعني إيه، يعني تمسكوا بسنتي بكل قوتكم، مش تسيبوا السنة عشان هي سنة، إللي يسيب سنة رسول الله ﷺ هيقع في يوم من الأيام وهيضل وده أمر واقع وفي أمثلة كتير جدا على كده 👌

◇السبب الثاني هو إن العبادة في الهرج، يعني في زمن الفتن وكثرة القتل أجرها وثوابها زي ثواب الهجرة إلى رسول الله ﷺ،
قال رسول الله ﷺ:
" العبادة في الهرج كهجرة إليّ"

والعبادة معناها كل ما يحبه الله ويرضاه من الأفعال الظاهرة والباطنة، سواء كانت فرض أو سنة، والسبب في الأجر العظيم ده إن الناس في زمن الفتن بيكونوا في غفلة وبينشغلوا بالفتن، فتنة الأفلام والأغاني والتصوير وسهولة الوصول للحرام وغيرها وغيرها من الفتن،
فلما يكون في واحد يسيب الفتن دي كلها ويعبد ربنا ويتمسك بمنهج رسول الله ﷺ والصحابة فده معناه إن الإنسان ده قلبه معمور بمحبة الله ومنشغل بذكره وعبادته سبحانه👌

☆علامات الساعة بتعلمنا :
◇البعد عن الفتن مهما كنا مفكرين إيماننا قوي، زي الدجال كده، من سَمع به فليبتعد عنه، أيوة احنا في الغالب مش هنحضر الدجال لكن الفتن كتيرة جدا حوالينا لازم نبعد عنها.

◇بتعلمنا ناخد بالنا ولا نأكل إلا الحلال ونبعد عن الربا.
◇بتعلمنا الحرص على العلم الشرعي الصحيح والحذر من
◇أدعياء العلم إللي بيفتوا الناس وبيضلوهم سواء بقصد أو بدون قصد.
◇وبتعلمنا صلة الرحم، وحسن الجوار، وإفشاء السلام بين كل الناس وبتعلمنا التمسك الأمانة.
◇وبتعلمنا عدم التفاخر بالدنيا، سواء بيوت أو أموال أو مراكز علمية أو غيرها.
كل واحد يقدر يشوف هو اتعلم إيه من علامات الساعة ويطبقه في حياته حتى لو كان لوحده في الطريق إلى الله،
فالإسلام بدأ غريبا وعاد غريب 👌

القيامة مش بس إللي هتحصل في آخر الزمان، ولكن من مات فقد قامت قيامته، يعني هيشوف إللي له من خير وإللي عليه من شر،
فالقيامة وإن كانت بعيدة فالموت أقرب للإنسان من شِراك نعله، واحنا شوفنا إن من علامات الساعة كثرة موت الفجأة، فهل احنا مستعدين للقيامة للصغرى مع إنها أقرب؟
أسأل الله العظيم رب العرش الكريم أن يرزقنا وإياكم حسن الخاتمة ويثبت قلوبنا على الإيمان حتى نلقاه🤲

☆ملحوظة حديث :
《 إذا مات أحدكم فقد قامت قيامته》
حديث موضوع لا يصح عن رسول الله ﷺ، لكن المعنى صحيح، فأنا قلته ككلام مش كحديث👌

إن شاء الله من المرة الجاية هنرجع للأحداث الخارجية للدولة الإسلامية في عهد رسول الله ﷺ وهنشوف رسائل رسول الله ﷺ للملوك لدعوتهم للإسلام😊

#Eman_Shalapy

اسم الله الغني

🍂💛 ورد اسم الله الغني في القران الكريم ثماني عشرة مرات منها:
.
- ﴿وربك الغني ذو الرحمة إن يشأ يذهبكم ويستخلف من بعدكم ما يشاء كما أنشأكم من ذرية قوم اخرين﴾ [الأنعام: ١٣٣]
- ﴿قول معروف ومغفرة خير من صدقة يتبعها أذى والله غني حليم﴾ [البقرة: ٢٦٣]
- ﴿قالوا اتخذ الله ولدا سبحانه هو الغني له ما في السماوات وما في الأرض إن عندكم من سلطان بهذا أتقولون على الله ما لا تعلمون﴾ [يونس: ٦٨]
.
🍂💛 اسم الغني هو الاسم الباعث لأسماء الله الواسع والوهاب والرزاق والفتاح فسبحانه وتعالى لأنه غني وبيده مفاتيح كل شيء فإنه وهاب ورزاق.
.
🍂💛 معنى إسم الله الغني :
الله تعالى هو الغني بذاته ، يملك خزائن السموات والأرض ، لا يحتاج لأحد من مخلوقاته والكل في حاجة إلى غناه، بيده وحده المنع والمنح، وجميع خلقه مفتقرون إليه، فلا وجود لهم إلا به، ولا حركة ولا سكون في كونه إلا بإذنه والخالق جل شأنه له مطلق الغنى وللمخلوق مطلق الفقر.
.
- و من كمال غناه جل و علا تنزهه عن النقائص و أنه واحد لا شريك و لا ند له .
- و من كمال غناه أن خزائن السماوات و الأرض بيده
قال - تعالى -: ﴿ له ما في السموات وما في الأرض وإن الله لهو الغني الحميد ﴾ [الحج: 64]
.
- و من كمال غناه أنه يدعو عباده إلى سؤاله في كل وقت و يعدهم بالإجابة مهما عظمت مسألتهم قال تعالى : وإذا سألك عبادي عني فإني قريب أجيب دعوة الداع إذا دعان فليستجيبوا لي وليؤمنوا بي لعلهم يرشدون ﴿البقرة: ١٨٦﴾
.
- و من كمال غناه أن إنفاق المنفقين و شح الشحيحين لا يضره شيء قال تعالى : ها أنتم هٰؤلاء تدعون لتنفقوا في سبيل الله فمنكم من يبخل ۖ ومن يبخل فإنما يبخل عن نفسه ۚ والله الغني وأنتم الفقراء ۚ وإن تتولوا يستبدل قوما غيركم ثم لا يكونوا أمثالكم ﴿٣٨﴾
.
- و من كمال غناه ما يرزق الله أهل الجنة من نعيم
قال تعالى : فلا تعلم نفس ما أخفي لهم من قرة أعين جزاء بما كانوا يعملون ﴿السجدة: ١٧﴾
.
🍂💛 معنى إسم الله المغني :
.
الله المغني الذى يغني من يشاء غناه عمن سواه ، هو معطي الغنى لعباده ، ومغني عباده بعضهم عن بعض ، فالمخلوق لا يملك لنفسه نفعا ولا ضرا فكيف يملك ذلك لغيره، وهو المغني لأوليائه من كنوز أنواره.
.
.
يتبع ...

#العيش_مع_أسماء_الله_الحسنى

🎧 أذكار المساء
بصوت الشيخ /
مشاري بن راشد العفاسي

وظيفته أفضل من وظيفتي❌
زوجها أفضل من زوجي ❌
ابنه أذكى من ابني ❌
بيتها أجمل من بيتي ❌

قال تعالى: ﴿ ولا تمدن عينيك ﴾

(الحسد سوء أدب مع الله)
لا تُرهق نفسك بالمقارنات، لأنه كلّما اتسعت عيناك ضاق صدرك..
وارضَ بما قسمه الله لك واشكره على نعمته تكن أغنى الناس ويبارك الله لك فيما تملك، وثق تماما بأنه لا يوجد إنسان على هذه الدنيا أعطاه الله كلّ شيء... وأن ماتملكه الآن قد يتمناه غيرك طوال حياته...

لنتأدب مع  الله ✅

#ليدبروا