صباح المحبة🌿

(لنختم القرآن سماعا)

الورد (٢١٤)

(الربع الثاني & الحزب الرابع والخمسين )

#القارئ: هيثم الدخين
#ليدبروا على التليجرام
https://www.tg-me.com/GhRoooh/12141

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/eLe9S_59heY?feature=shared
#صباحكم_قرآنٌ_يُتلى

ماترك عبدٌ شيئًا لله فوجد فقده🌵

#قصص_الأنبياء(٢)
#السيرة_النبوية
#الحلقة_الثامنة_والستون
#هل_سُحر_رسول_الله
#هل_الأذكار_تحمي_الإنسان_من_السحر

كنا واقفين المرة إللي فاتت عند سؤال مهم وهو : هل سُحر رسول الله ﷺ 🤔

نعم رسول الله ﷺ سُحر👌
طيب إزاي يُسحر وهو رسول الله😳
رسول الله ﷺ بشر، بيحصل له كل إللي بيحصل لأي بشر عادي من الأمراض والابتلاءات،
فزي ما بيجيله مرض وهو رسول الله، وزي ما بتحصل له مشاكل وخلافات مع زوجاته وهو رسول الله، وزي ما بيحصل له ابتلاءات وهو رسول الله، برده سُحر وهو رسول الله 🤷‍♀️
لكن في نفس الوقت رسول الله ﷺ معصوم عصمة كاااملة في تبليغ شريعة الإسلام ، يعني كل حاجة رسول الله ﷺ قالها لنا في الدين فهي صحيحة لأنه لا ينطق عن الهوى 👌
والسحر أنواع،
منه السحر المؤثر على علاقة الرجل بزوجته، وهو ده السحر إللي أصيب به رسول الله ﷺ،

فكان يُخيّل إليه أنه أتى أهله يعني حصل علاقة زوجية بينه وبين واحدة من نسائه لكنه لم يفعل،

وكون إن رسول الله ﷺ تعرض للسحر فده لا يُنقص من قَدره ﷺ نهائي،
السحر مرض زي أي مرض ورسول الله ﷺ بشر يصيبه ما يصيب البشر من أمراض بصفة عامة،
وموسى عليه السلام تعرض لسحر التخيل ده فاكرين
لما السحرة ألقوا العِصي والحبال فخُيل لموسى عليه السلام من سحر السحرة إنها ثعابين بتتحرك،
"يُخَيَّلُ إِلَيْهِ مِن سِحْرِهِمْ أَنَّهَا تَسْعَى"
فإيه المشكلة هنا لما يحصل لرسول الله ﷺ سحر التخيل إنه فعل شيء وهو لم يفعله،

والحديث ان النبي صلى الله عليه وسلم سُحر صحيح رواه البخاري ومسلم وغيرهم من أئمة الحديث👌

☆طيب إيه قصة السحر ده حصل إزاي يعني🤔

غلام من اليهود كان يخدم رسول الله ﷺ، فاليهود قعدوا يتحايلوا عليه ويُغروه عشان يساعدهم في سحر رسول الله ﷺ لحد ما وافق، فأخذ شعرات من مشط رسول الله ﷺ،
وأخذ شوية من أسنان مشط رسول الله ﷺ وأعطاها لليهود،
راحوا لواحد منهم اسمه لَبِيد بن أعصم،
وقيل إن لبيد بن اعصم ده من حلفاء اليهود من أهل المدينة أسلم نفاقا،
فقال له رؤساء اليهود:
إنت أحسن واحد عندنا بيعرف في السحر، واحنا حاولنا نسحر محمد بس معرفناش،
واحنا هنعطيك مكافأة أو هنعطيك أجر لو انت سحرت لنا محمد، فاتفقوا إنهم هيعطوه ثلاثة دنانير،
أخذ الشعر وأسنان المشط وعمل عليهم سحر ودفن السحر ده في بئر لبني زُريق، بطن من بطون الأنصار زي فرع أو عيله كده

فمرض رسول الله ﷺ وتغير مزاجه، ومكنش عارف عنده إيه، وكان يتخيل إنه يأتي نساؤه وهو لم يأتيهن،
ففي مرة وهو نائم جاؤه ملكان، واحد قعد عند رأسه والثاني عند رجله، فقال الملك إللي عند رأسه للي عند رجله:
هو ماله في إيه؟
فقال له الملك إللي كان عند رجله: ده مطبُوب!
مسحور يعني، فقال الملك: مين إللي سحره🤔
قال: لبيد بن أعصم، فقال : إزاي سحره؟
قال الملك :
بمشط ومشاطة! فقال الملك : وفين مكان السحر ده؟
قال الملك إللي عند رجله ﷺ:
في قشر طلع نخلة موجود تحت حجر في أسفل بئر ذروان، فاستيقظ رسول الله ﷺ وقال لعائشة رضي الله عنها :
ربنا أخبرني بالمرض إللي عندي، فخرج رسول الله ﷺ مع مجموعة من أصحابه وراحوا البئر،
لما شافوها لقوا ميتها عاملة زي نقيع الحناء، شوفوا لما بتحطوا الحنة في مية المية بتكون عاملة إزاي🤔
أهه مية البئر كانت عاملة كده، والنخل إللي حوالين البئر إللي كان بيشرب من البئر الْتوى سيفه يعني فروعه اتلوت كأنها رؤوس الشياطين،
فنزل رجل في البئر وطلّع قشر النخلة من تحت الحجر، ولقوا فيها من شعر رسول الله ﷺ وأسنان مشطه، ولقوا تمثال من الشمع على هيئة رسول الله ﷺ وفي إبر مغروزة في التمثال ده،
ولقوا وتر معقود فيه إحدى عشرة عقدة، الوتر إللي بيبقى في القوس ده عارفينه🤔
في الوقت ده جاءه جبريل عليه السلام بالمعوِّذتين
《الفلق والناس》وقال له :
يا محمد! (قُلْ أَعُوذُ بِرَبِّ الْفَلَقِ ) وحل عقدة، يعني فك عقدة من العقد، (مِنْ شَرِّ مَا خَلَقَ) وحل العقدة إللي بعدها، لحد ما فك العقد كلها،
وكان كل ما رسول الله ﷺ يشيل إبرة من التمثال يحس بألمها وبعدين يحس براحة،
لحد ما شال الإبر كلها وخلاص رجع مُعافى مفيش فيه أي مشكلة،
فالصحابة قالوا له : لو إنك تقتل اليهودي😕
فقال لهم رسول الله ﷺ: أنا خلاص ربنا شفاني، وهو مستنيه عذاب شديد عند ربنا، ومش عايز أثير فتنة بين الناس👌

☆توضيح لبعض نقط في قصة سحر رسول الله ﷺ 😊

◇قصة السحر دي بتفاصيلها صحيحة لم ينكرها إلا أهل البدع😑
◇وقت القصة كان في السنة السابعة من الهجرة بعد صلح الحدُيبية، بس أنا قلتها دلوقتي لأننا كنا بنتكلم في السحر فعشان يبقى خلصنا باب السحر ده خالص

سيدنا جبريل بيقول لرسول الله ﷺ ويقول لنا إن المعوذتين هم علاج فك السحر وعلاجه ، ويقول على الطريقة إللي نستخدم بها المعوذتين عشان نفك السحر، كل آية معاها فك عقدة👌
◇الناس إللي بتُنكر أو مش مستوعبة إزاي رسول الله ﷺ يُسحر، نقول لهم من باب العقل والمنطق ومن حكمة ربنا إن موقف سحر رسول الله ﷺ ده كان لازم يحصل🤷‍♀️

مش احنا متفقين إن الإسلام دين شامل لكل جوانب الحياة وإنه دين يصلح لكل زمان ومكان،
وإن رسول الله ﷺ هو القدوة إللي لازم نتبعه ونتبع طريقة تعامله مع الأحداث إللي بتحصل في حياتنا حتى المرض،
طيب السحر من المرض ومنتشر 😕
نعمل إيه بقى لو مكنش الموقف ده حصل مع رسول الله ﷺ 💁‍♀️
فبسبب الحادثة دي مع رسول الله ﷺ ربنا علّمنا إزاي نتعامل مع فك السحر👌


☆وهنا بقى يطلع لنا سؤال قاتل
إزاي رسول الله ﷺ يُسحر أصلا وهو سيد الخلق ولا يَفتر لسانه عن ذكر الله، واحنا عارفين إن الأذكار بتحمي الإنسان ، ورسول الله ﷺ حتى لما بينام قلبه مش بينام، وكمان هو أعبد الخلق لله😳
◇أولا:
الأذكار فعلا بتحمي الإنسان من الشر ومن الأمراض ومن الحسد والسحر،
لكن الإنسان ممكن يُصاب بالأمراض مع إنه محافظ على الأذكار لسبب تاني زي تكفير السيئات أو رفع الدرجات،
زي موقف رسول الله ﷺ،
وممكن بسبب إن الشخص إللي بيقول الأذكار ده معندوش يقين بالله إنه فعلا هيحميه،
أو قلبه مكنش حاضر وهو بيقول الأذكار، فنلاقيه تأثر بالمرض أو السحر أو الحسد
وده طبعا لعامة الناس مش لرسول الله ﷺ ، لأن هو سيد الموقنين

◇ثانيا:
في فرق بين الإصابة والضرر👌
يعني ممكن الإنسان يُصاب بالحسد أو السحر مثلا، لكن ميحصلش له أي ضرر، أو إنه يتأثر بالإصابة تأثير بسيط مش التأثير الكامل،
مثال عشان المعنى يوضح، رسول الله ﷺ قال :
"من قال حين يمسي ثلاث مرات أعوذ بكلمات الله التامات من شر ما خلق لم يضره حُمّة تلك الليلة"
الحمة معناها لدغة كل ذي سم زي العقرب والأفعى، فتعلمها الصحابة وكانوا بيقولوها كل ليلة، وفي ليلة من الليالي لدغت أفعى جارية كانت قالت الذكر ده فمحستش بأي وجع ومحصلهاش حاجة، والطبيعي إن لدغة الحية مؤلمة،
فهي أُصيبت لكن محصلهاش ضرر، فالشخص إللي بيحافظ على الأذكار بتاعة اليوم كله، أذكار الصباح والمساء وأذكار الدخول والخروج من البيت وأذكار النوم و...و...
بيحصل معاه حاجة من ثلاثة:
¤إما إن ربنا يحفظه من الإصابة والضرر، يمنعها يعني،
¤أو إنه ممكن يحصل إصابة بس ميكونش لها تأثير إطلاقا،

¤أو إن يحصل الإصابة ويحصل ضرر بسيط، والضرر هنا بيكون على حسب نقص كمال الذكر👌

وفي قصة لرسول الله ﷺ مع غلام يهودي تبين رحمة رسول الله ﷺ بالناس بصفة عامة ،
كان في غلام من اليهود من عامة أهل المدينة بيشتغل زي خادم في البيوت، فذهب لرسول الله ﷺ عشان يخدمه، فكان بيساعده إنه يجيب له ماء الوضوء مثلا عايز حاجة بيروح يجيبها له، وهكذا،
طبعا الغلام شاف أخلاق رسول الله ﷺ، وانبهر إن إزاي سيد لا يضرب ولا يُعنّف خادمه،
يعني يكفي إننا نتذكر في الموقف ده قصة زيد بن حارثة وإزاي إنه اختار يكون مع رسول الله ﷺ على إنه يرجع مع أبوه وعمه بسبب حسن معاملته له😊
وطبعا الغلام كان بيحكي لأبوه إللي كان بيشوفه من معاملة رسول الله ﷺ وحسن أخلاقه،
في يوم من الأيام رسول الله ﷺ افتقد الغلام ده، يعني مش من عادته إنه يغيب عنه، فلما سأل عليه عرف إنه مريض،
فراح رسول الله ﷺ للغلام يزوره في البيت فلقاه في سكرات الموت،
فرسول الله ﷺ قال له: أسلِم!
فالولد بقى ينظر إلى رسول الله ﷺ وينظر لأبوه، مش عارف يعمل إيه😥
هل يسمع كلام رسول الله ﷺ إللي انبهر بأخلاقه وصدقه، ولا يكمل على دين أبوه إللي رباه وعاش معاه عمره ومش عايز يزعله،
فقال له أبوه :أطع أبا القاسم👌
فالغلام على طول قال:
أشهد أن لا إله إلا الله وأن محمدا رسول الله، وخرجت روحه، فخرج رسول الله ﷺ من عنده وهو مبسوط وبيقول :
الحمد لله الذي أنقذه بي من النار!
لكن قصة اليهودي اللي كان بيرمي زباله قدام بيت النبي صلى الله عليه وسلم غير صحيحه على الاطلاق


إن شاء الله هنتكلم الجزء الجاي عن أحداث السنة الثالثة من الهجرة، ونشوف الأحداث إللي حصلت فيها كانت إيه😁



#السيرة_النبوية
#ايمان_شلبي

*تسجيل الحلقة ال9️⃣1️⃣ من فقه النكاح والطلاق وفيها*
*الرجعة وتعريفها واحكامها*

د/وفاء العبيدي حفظها الله

#رسائل_من_القرآن #أدهم_شرقاوي 🤲🏻

*الأربعون النسائية*🌸🍃

ننتقل لما يدل عليه الحديث الثاني وهو التزوير في اللباس

فكما حرم الإسلام التزوير في الشعر حرم التزوير في اللباس ، عن ‏ ‏أسماء بنت أبي بكر ل ‏قالت : " ‏جاءت إلى النبي ‏ ‏ﷺ ‏ ‏امرأة فقالت يا رسول الله إني على ضرة فهل علي جناح أن أتشبع من زوجي بما لم يعطني فقال رسول الله ‏ ‏ﷺ ‏( ‏المتشبع بما لم يعط كلابس ثوبي ‌‏زور ) كما سبق ذكره.

قال العلماء معناه المتكثر بما ليس عنده بأن يظهر أن عنده ما ليس عنده يتكثر بذلك عند الناس ويتزين بالباطل فهو مذموم كما يذم من لبس ثوبي زور.
قال أبو عبيد وآخرون هو الذي يلبس ثياب أهل الزهد والعبادة والورع ومقصوده أن يظهر الناس أنه متصف بتلك الصفة ويظهر من التخشع والزهد أكثر مما في قلبه فهذه ثياب زور ورياء .
وقيل هو كمن لبس ثوبين لغيره وأوهم أنهما له.
وقيل هو من يلبس قميصًا واحدًا ويصل بكميه كمين آخرين فيظهر أن عليه قميصين.
وقال ابن حجر في الفتح: قوله المتشبع أي المتزين بما ليس عنده يتكثر بذلك ويتزين بالباطل كالمرأة تكون عند الرجل ولها ضرة فتدعى من الحظوة عند زوجها أكثر مما عنده تريد بذلك غيظ ضرتها .

ومن أنواع الزينة للمرأة لبس الكعب والخضاب ( الحناء ) فما حكم كل منهما ؟

باب ما جاء في لبس النساء النعال العالية وبيان أن ذلك من فعل اليهوديات
عن أبي سعيد الخدري رضي الله عنه عن النبي ﷺ قال: "كانت امرأة من بنى إسرائيل قصيرة تمشي مع امرأتين طويلتين فاتخذت رجلين من خشب ، وخاتمًا من ذهب مٌغلق مُطبِق ثم حشته مسكًا ، وهو أطيب الطيب ، فمرت بين المرأتين فلم يعرفوها ، فقالت بيدها هكذا " ، ونفض شعبة (أحد الرواة) بيده. روه مسلم

باب خضاب أيدي النساء وأرجلهن:
عن عائشة رضي الله عنها قالت:" أومت امرأة من وراء ستر بيدها كتاب الله إلى رسول الله ﷺ فقبض النبي ﷺ يده فقال: ( ما أدرى أيد رجل أم يد امرأة ) قالت: بل امرأة قال: ( لو كنت امرأة لغيرت أظافرك ) يعني بالحناء "رواه أبو داود.

هناك تفسير اخر للحديث

حكم لبس الكعب العالي :
فلا مانع شرعا من لبس الأحذية العالية في حد ذاتها مالم يكن هناك مانع خارجي من إصدار أصوات أو أن يكون زينة في نفسه أو أن يكون مضرا بالصحة . فما دامت لا تصدر أصواتًا مثيرة أو ملفتة للانتباه فإنه لا مانع من لبسها ، وكذلك إذا لم يكن فيها تشبه بالكفار أو أهل الفجور.
ويشترط أن تكون مستورة إذا كانت فيها زينة وألا يكون لبسها مضرًا بصحة المرأة ، مع أن الأورع البعد عن مواطن الشبهات . وإنما منع لبس ما كانت تصدر الأصوات. لقول الله تعالى: ﴿ وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ ﴾
كما جاء النهي عن إبداء الزينة في قول الله تعالى: ﴿ وَلا يُبْدِينَ زِينَتَهُنَّ إِلَّا مَا ظَهَرَ مِنْهَا ﴾(1).
وكذلك جاء النهي عن التشبه بالكفار في قول النبي ﷺ : ( ومن تشبه بقوم فهو منهم )

#الأربعون_النسائية
#هبة_حلمي

فإن زينتها بالصبر زانت✅

يارب 🤲🏻

(لنختم القرآن سماعا)

الورد (٢١٥)

(الربع الثالث & الحزب الرابع والخمسين )

#القارئ: هيثم الدخين + محمد سامي
#ليدبروا على التليجرام
https://www.tg-me.com/GhRoooh/12148

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/mOKMOInsFSg?feature=shared
#صباحكم_قرآنٌ_يُتلى

من أعظم وأنفع الأدعية💎

#قصص_الأنبياء(٢)
#السيرة_النبوية
#الحلقة_التاسعة_والستون
#أحداث_السنة_الثالثة_من_الهجرة
#غزوات_قبل_أحد

دخلت السنة الثالثة من الهجرة ومع نهاية شهر محرم وصل لرسول الله ﷺ أخبار إن ناس من بني ثعلبة ومحارب تجمعوا عشان يهجموا على المدينة،
فجمع رسول الله ﷺ أربعمائة وخمسين مقاتل ما بين راكب على فرس وماشي على قدمه،


عدد المسلمين إللي رسول الله ﷺ جمعه ده كان أكبر عدد يتجمع للمسلمين حتى هذه اللحظة، فخرج بهم رسول الله ﷺ في الثاني عشر من ربيع الأول،
واتجه نحو تجمُّع بني ثعلبة من بني غَطَفان ، واستخلف على المدينة عثمان بن عفان رضي الله عنه عشان يكون مكانه لحد ما يرجع،
في الطريق المسلمون أمسكوا برجل من بني ثعلبة اسمه جبّار وأدخلوه على رسول الله ﷺ،
فدعاه رسول الله ﷺ للإسلام فأسلم الرجل😮
ومش بس كده ده بقى دليل لجيش المسلمين، يعني بيرشد جيش المسلمين إللي كانوا لسه أعدائه من شوية لمكان قومه بني ثعلبة إللي عايزين يهاجموا رسول الله ﷺ،

وصل الخبر لبني ثعلبة إن المسلمين في الطريق، فهربوا وتفرقوا في رؤوس الجبال 😏
وصل رسول الله ﷺ للمكان إللي كانوا متجمعين فيه، وكان في ماء في المكان ده اسمه ماء ذي أَمْر، فاتسمت الغزوة دي بغزوة ذي أمر، وبرده من أسمائها غزوة أنمار،
عسكر رسول الله ﷺ في المكان، وذهب يقضي حاجته فنزل المطر، فملابسه ابتلت بماء المطر،
فخلع ثوبه ووضعه على شجرة ينشف واضطجع تحت الشجرة، مستني ثوبه ينشف،
مين إللي شايف الموقف ده🤭
الناس إللي هربت من رسول الله ﷺ، فقالوا لسيدهم دعثور بن الحارث وكان رجل شجاع:
محمد لوحده دلوقتي محدش من أصحابه معاه، ودي فرصة مش هتتعوض😈
فأخذ سيفه واتجه نحو رسول الله ﷺ إللي كان مضطجع تحت الشجرة،
واتسحب دعثور لحد ما وقف عند رأسه ﷺ والسيف في إيده وموجهه لوجه رسول الله ﷺ وهو بيقول له:
مين يقدر يحميك مني يا محمد😈


فقال له رسول الله ﷺ بكل هدوء وثقة ويقين:
الله عز وجل👌
أول ما قال رسول الله ﷺ الله، دفع جبريل عليه السلام دعثور في صدره فوقع السيف من يده، فأمسكه رسول الله ﷺ ووضع السيف على رأس دعثور وقال له:
مين يقدر يحميك مني

فقال دعثور : مفيش حد 😥
وأنا أشهد أن لا إله إلا الله وأن محمدا رسول الله، والله ما هقف ضدك تاني أبدا👌
فأعطاه رسول الله ﷺ سيفه ورجع الرجل لقومه،
طبعا قومه المشركين كانوا شايفين الموقف كله، فلما وصل عندهم قالوا له: مالك، إيه إللي حصل😳
فقال لهم: شوفت رجل طويل فدفع في صدري، ضربني في صدري يعني، فعرفت إنه ملك، وشهدت إن محمد رسول الله، ووالله مش هجمع الناس ضده أبدا😤
وقعد يدعوا قومه للإسلام، فأنزل الله قوله:
" يَا أَيُّهَا الَّذِينَ آمَنُوا اذْكُرُوا نِعْمَتَ اللَّهِ عَلَيْكُمْ إِذْ هَمَّ قَوْمٌ أَن يَبْسُطُوا إِلَيْكُمْ أَيْدِيَهُمْ فَكَفَّ أَيْدِيَهُمْ عَنكُمْ "


قعد رسول الله ﷺ في المكان ده مدة قريبة من الشهر
محدش هجم على الجيش ولا حصلت أي مشاكل وسمعت العرب عن مجيء رسول الله ﷺ وجلوسه في المكان ده ومحدش قدر يقرب منه،
وطبعا ده في صالح المسلمين، لأنه بيبين قوتهم، بعد ما كانوا مطاردين👌

وحصلت غزوة تانية برده بعد ما رسول الله ﷺ رجع المدينة بحوالي شهر، وصل له الخبر إن بني سليم جمعت نفسها عشان يهجموا على المدينة جمع رسول الله ﷺ الصحابة وخرجوا لبني سليم وقبل ما يوصلوا بليلة،
قابله رجل وقال له إن بني سليم لما عرفت إنك جاي لهم تحاربهم هربوا كلهم،
فأخذ رسول الله ﷺ الرجل معاه وكمل طريقه لحد ما وصل لمكان التجمع ده ولقاهم فروا فعلا،
فلما تأكد من صدق الرجل تركه

قعد رسول الله ﷺ في مكان التجمع ده وكان اسمه بحران فترة قبل ما يرجع للمدينة من أواخر شهر ربيع الآخر لحد شهر جمادى الأولى عشان يثبت للناس قوة الإسلام والمسلمين👌

الهدف من غزوات رسول الله ﷺ بصفة عامة هو نشر دين الإسلام،
وزي ما شفنا من قريش خلال أكثر من أربعة عشرة عام حربهم لدعوة الإسلام بكل طريقة وتعذيبهم للمسلمين المستضعفين،
وكان المشركون في الوقت ده متغاظين جدا من المسلمين، مش بس بسبب هزيمتهم في غزوة بدر،
ده كمان لأن طريق التجارة اتقطع عليهم، يعني هم كانوا بيعدوا على المدينة لما كانوا بيروحوا بتجارتهم للشام وده كان بالنسبة لهم طريق سهل،
ومكة حياتها كلها في التجارة، لكن بعد ما المسلمين سيطروا على المدينة وعلى طريق التجارة كان أهل مكة مضطرين إنهم يشوفوا طريق تاني يقدروا يسافروا منه للتجارة😕
اجتمع أهل مكة بقيادة صفوان بن أمية إللي كان قائد رحلة التجارة السنة دي،
قال لهم:
محمد وأصحابه قطعوا علينا طريقنا، حتى طريق الساحل مش هنقدر نمشي منه، لأن الناس هناك عملوا معاه معاهدة صلح،
ولو قعدنا هنا من غير تجارة رؤوس أموالنا هتخلص، واحنا حياتنا في مكة أساسها التجارة، نعمل إيه😑
فقال الأسود بن عبد المطلب لصفوان ولمن معه من المشركين:
أنا هقول لك، إنت تسيبك من طريق الساحل وخذ طريق العراق أحسن👌

☆طريق العراق طويل جدا وحتى قريش متعرفش الطريق ده ومحتاجين فيه دليل ماهر جدا عشان يعرفوا يمشوا في الطريق ده ويوصلوا إلى الشام،
ودليل يعني الرجل إللي بيعرف طرق الصحراء

المهم قريش وافقت على الرأي ده لأن مفيش غيره أصلا،
واختاروا دليل اسمه فُرات بن حيّان من بني بكر بن وائل،
خرجت عير قريش، القافلة يعني ومشيوا في الطريق ده مع دليلهم فرات بن حيان،
رسول الله ﷺ كان عامل حسابه، وعارف قريش بتفكر إزاي، ماهو عاش معاهم سنين طويلة
فكان حاطط زي ما بنقول دوريات مراقبة ، أو مخابرات كده🤔
المخابرات دي عرفوا بالقافلة، بسرعة عرّفوا رسول الله ﷺ بالقافلة، وعلى طول رسول الله ﷺ جهز سرية من مائة من الصحابة بقيادة زيد بن حارثة إللي كان ساعتها لسه اسمه زيد بن محمد،
وانطلقوا بسرعة لقطع الطريق على القافلة وكان ده في جمادى الآخرة ، فلما هجمت السرية على القافلة هرب صفوان بن أمية وترك وراءه القافلة والدليل فرات بن حيان،
وأخذ المسلمون القافلة وكانت تُقدر بمائة ألف دينار، وأخذوا فُرات بن حيان أسير،
فكانت غنيمة كبيرة جدا للمسلمين، والطامة الكبرى إللي حصلت للمشركين إن فرات بن حيان أسلم، يعني خسروا القافلة والدليل الماهر

فكانت دي ضربة قاسية جدا لقريش، وموقفهم بقى صعب جدا😶
تخيلوا عندهم أزمة اقتصادية بسبب إن تجارتهم وقفت،
وأزمة سياسية بسبب هزائمهم إللي ورا بعض قصاد المسلمين، فهيبتهم ضاعت وسط العرب،
ده غير الأزمة الاجتماعية، سبعين واحد من سادات مكة قُتلوا في بدر، فأهلهم عايزين يأخذوا بثأرهم من المسلمين،
يعني مكة دلوقتي كأنها على فوهة بركان هينفجر في أي لحظة👌
هيقعدوا يفكروا ويخططوا عشان يشوفوا هينتقموا من المسلمين إزاي،
فاحنا هنسيبهم يخططوا ونروح لرسول الله ﷺ في المدينة ونشوف أحوال المسلمين الداخلية كانت إيه،
وبعدين هنبقى نرجع نشوف المشركين وصلوا بتخطيطهم لحد فين

رسول الله ﷺ كان يمارس حياته الطبيعية مع المسلمين،
يخرج للصلوات الخمس، كان المؤذن لكل صلاة بلال بن رباح،
وساعات كان المؤذن عبد الله بن أم مكتوم،
كان رسول الله ﷺ بيقعد مع الصحابة ويتكلم معاهم، يرد على إللي جاي يسأله سؤال،
زي ما أتاه رجل من الأعراب كبير في السن وفي رواية سقط حاجباه على عينه من كبر سنه وكان متسند على عصا يسأله:
لو في واحد عمل كل الذنوب، مسبش أي معصية إلا وعملها سواء معصية صغيرة أو كبيرة، هل له من توبة😞
فقال له رسول الله ﷺ:
هل أسلمت؟
فقال له الأعرابي: أما أنا فأشهد أن لا إله إلا الله وأن محمدا رسول الله🤚
فقال له رسول الله ﷺ: نعم، تعمل الخيرات وتترك السيئات فيجعلهن الله لك خيرات كلهن،
يعني بعد ما أسلمت، تسيب السيئات وتعمل الخيرات، وربنا هيبدل لك كل سيئاتك إللي فاتت حسنات،
فقال له الرجل:
وغدراتي وفجراتي يا رسول الله 😲
قال له رسول الله ﷺ: نعم👌
فالرجل قعد يقول الله أكبر ..الله أكبر...الله أكبر، وفضل يكررها لحد ما مشي واختفى عن أنظار رسول الله ﷺ والصحابة😊

من الناس إللي أتوا لرسول الله ﷺ عشان يسألوه، رجل يحكي عنه عمر بن الخطاب رضي الله عنه، يقول:
مرة واحنا قاعدين مع رسول الله ﷺ فجأة طلع علينا رجل شديد بياض الثياب، يعني هدومه بيضة جدا،
وشعره أسود جدا، مش باين عليه أثر السفر ومحدش فينا يعرفه🤔

☆عمر بن الخطاب مستغرب ليه، لأن ده رجل غريب محدش يعرفه من الصحابة، يبقى المفروض إنه جاي مسافر،
طيب وإللي جاي مسافر ده في صحراء وسط التراب والعفرة، إزاي ملابسه تبقى شديدة البياض،
وشعره شديد السواد، فلو قلنا إنه ممكن كان على سفر وراح استحم عند واحد من الصحابة ممكن، لكن ده محدش من إللي قاعدين يعرفه، يبقى إيه ده🤨

يكمل عمر بن الخطاب حكاية الموقف:
جلس الرجل قصاد رسول الله ﷺ، وأسند ركبتيه إلى ركبتي رسول الله ﷺ وبدأ يسأله:
عرفني إيه هو الإسلام، فقال له رسول الله ﷺ:
الإسلام أن تشهد أن لا إله إلا الله وأن محمدا رسول الله،
وتقيم الصلاة، وتؤتي الزكاة، وتصوم رمضان ، وتحج البيت إن استطعت إليه سبيلا!
فقال له الرجل : صدقت 👌
فاستغرب عمر بن الخطاب والصحابة إللي كانوا معاه، يسأله ويصدقه😮
فقال الرجل لرسول الله ﷺ:
طيب أخبرني عن الإيمان🤔
فقال له رسول الله ﷺ:
أن تؤمن بالله وملائكته وكتبه ورسله واليوم الآخر والقدر خيره وشره!
قال الرجل : صدقت👌 ،قال : فأخبرني عن الإحسان🤔
قال له رسول الله ﷺ:
أن تعبد الله كأنك تراه، فإن لم تكن تراه فهو يراك👌
قال فأخبرني عن الساعة، قال له رسول الله ﷺ:
أنا زيي زيك معرفش عنها حاجة!
فقال له الرجل:
طيب قل لي إيه علاماتها🤔
فقال له رسول الله ﷺ: أن تلد الأمة ربتها ، يعني هيكثر الإماء بسبب كثرة الجهاد، فيتسرى بها المسلمون،
، فتلد الإماء نساء أحرار، فتكون البنت هي سيدة أمها،
وأن ترى الحُفاة العراة العالة رعاء الشاء يتطاولون في البنيان،
يعني العرب إللي كانوا مش لاقيين ياكلوا وبيرعوا الغنم وعايشين في الخيام هيبنوا بنايات عالية!

فقام الرجل من عند رسول الله ﷺ ومشي، وبعد شوية قال رسول الله ﷺ لعمر بن الخطاب،
عارف مين السائل؟
فقال عمر بن الخطاب رضي الله عنه:
الله ورسوله أعلم😕
فقال له رسول
الله ﷺ: هذا جبريل جاء يعلمكم دينكم👌

وبما إن الكلام وصل بنا لعمر بن الخطاب يبقى لازم نحكي عن ......
هنعرف المرة الجاية إن شاء الله😁✌


#السيرة_النبوية
#ايمان_شلبي