كان شعوري بآية *"ثم لتسألن يومئذ عن النعيم"* قاسيا، كان الموضوع صعبا، كيف سنسأل عن كل هذا النعيم، عن كل تلك الفواكه والأطعمة، عما هو أكثر، لكن الآية بحد ذاتها -على شدتها- كانت طوال حياتي في كفة، ثم حين قرأتها وأنا أعاصر غزة في كفة أخرى تماما!
..
يقشعر جسمي وأنا أقرأها هذه المرة، مجددا؛ "ثم لتسألن يومئذ عن النعيم"، وأنا أشاهد شحنة ضئيلة من الفاكهة وصلت إلى الشمال بعد مدة انقطاع طويلة، طويلة لدرجة أن طفلة فاجأها أخوها بالطبق كادت تبكي من الفرحة والألم وجلست برهة تحاول تذكر اسم الفاكهة التي تقضمها، ولدرجة عناق حار بين أخوين فاجأتهما أمهما بطبق، كأنه خبر انتهاء الحرب.
..
حين اقترنت الآية بالواقع، تناظرت مع حاضر نعيشه، أسقطت بالمقارنة بين حياتين، اعتصر قلبي، خلا وتجوّف، يقشعر جسمي، ولا أستطيع الضغط على مكابح عينيّ أكثر لمنع البكاء، لحجب تلك السيول، وتتردد الآية في رأسي كأن لم يعد في صدري من كتاب الله عداها: "ثم لتُسألن يومئذ عن النعيم" ثم لتسألن يومئذ عن النعيم.. ثم لتسألن يومئذ عن النعيم.. ولا زلت أسمع صداها حتى أكاد أقسم ألا تدخل جوفي لقمة حتى يعودوا سالمين.
- يوسف الدموكي.

#إطلالة_على_اسم_الله_الفتاح

أبواب الشفاء ستُفتح قريبا فانتظر

لي صديقة عانت لسنوات طوال مِن مرض أرَّقها نفسيا، وطرح ثقتها في نفسها وفي أنوثتها أرضًا.

حاولت بشتى الطرق أنْ تجد لمرضها علاجا ولكن دون جدوى؛ فكلما جرَّبت دواء ازداد الداء داءً!💊

انتابها اليأس، وتوقفت عن العلاج؛ فقد باتت على يقين أنَّه ما مِن أمل للشفاء.

اشتدَّ عليها الأمر فطرقت باب الفتاح بعد أنْ تعرفت على معاني هذا الاسم العظيم فبدأت تدعو وتدعو وتلح في الدعاء.

🎁استثمرت المواسم الدينية فها هو رمضان يأتي ليكون الدعاء بالشفاء مِن هذا المرض في أوائل أدعيتها، وها هو يوم عرفة يأتي لتكثف فيه الدعاء وتزيد مِن التضرع والابتهال إلى ربها.

فجأة يفتح لها الفتاح بابا للعلاج لم يخطر على بالها، فإذا بها تسترد عافيتها.

تحوَّل ظلام اليأس داخل قلبها إلى طاقة نور تنشر السعادة في حياتها وكيف لا وقد دعت الفتاح بصدق فإذا بفتوحاته تأتيها فتحصل على ما طلبت وفوق ما طلبت!

🔹فهل نطرق باب الفتاح بقلب صادق حتى تأتينا الفتوحات الربانية؟

🔹هل نُلقي باليأس جانبا ونتعلق بالأمل في الله وحسن الظن به؟

مهما بدا مرضك بلا أمل للشفاء منه لا تفقد الأمل؛ فالفتَّاح لا يُعجزه شيء.
الفتَّاح بإرادته تتغير قوانين الكون فكن معه تُفتح لك أبواب الخير.


بقلم/ رضا الجنيدي

✍️ كلنا راحلون ويبقى الأثر.. فلنترك أثرا قبل الرحيل.

*❣*صوت المآذن*
   ❣*قطرات ماء الوضوء*
       ❣*تراتيل الفاتحة عبق الفجر*
           ❣*جمال لن يستوعبه النائمون*
                  ❣*هو حظ جميل لمن أدرك*

🎈🎉*نستشعر هذه العبارات فقط*
**مع النسمات الباردة من الفجر*

*اللهم لا تحرمنا فضلك 🤲🏻*

*رسالة اليوم إليك 💌*

الذي يعمل للناس قد يناله بعض الحيف، والذي يعمل لرب الناس فإن عمله لايضيع أبدا ، فاجعل أعمالك كلها لله.

💌💌

#رسالة_اليوم

تدبر قول الله عزوجل { وَهُوَ الْفَتَّاحُ الْعَلِيمُ }

اسم الله الفتاح :
يدل على أن كل شيء مغلق حتى يفتحه الله
تصور هذا عند دعائك .❤️

#قصص_الأنبياء(٢)
#السيرة_النبوية
#الحلقة_مائة_وإحدى_عشر
#أحداث_السنة_السادسة_من_الهجرة
#صُلح_الحديبية

وقفنا المرة إللي فاتت عند رجوع عثمان بن عفان رضي الله عنه لمعسكر المسلمين سالما بعد ما كانت طلعت إشاعة إنه قُتل،
وبسبب الإشاعة دي بايع الصحابة بيعة الشجرة أو بيعة الرضوان، بعد ما رجع عثمان رضي الله عنه قعد مع رسول الله ﷺ يحكي له إللي حصل معاه،
وكان وصل خبر بيعة الصحابة لقريش وخافوا وحصل لهم قلق، فبعد خروج عثمان من عندهم وتوجهه لمعسكر المسلمين قام واحد اسمه مِكْرز بن حفص من بني عامر بن لؤي من قريش وقال لهم :
خلوني أروح أتفاوض مع محمد 👌
فقالوا له : ماشي روح له،
وده كده أول واحد من قريش يخرج للمفاوضات، لكن مِكرز ده كان رجل شديد وعسكري معندوش أي نوع من الدبلوماسية ومش بيعرف يتفاوض،
وقريش وافقت عليه عشان عايزين يلحقوا قبل ما الألف وأربعمائة يهجموا على قريش، يعني نوع من التعطيل لجيش المسلمين لحد ما يأخذوا القرار النهائي،
رسول الله ﷺ لما شاف مِكرز جاي قال:
مِكرز! هذا رجل فاجر أو هذا رجل غادر في رواية ثانية،
رسول الله ﷺ عارفه وعارف تاريخه السيء مع المسلمين، كان من أكابر المشركين العنيفين جدا مع المسلمين😶
رسول الله ﷺ برده عرض عليه نفس إللي عرضه على الوسطاء الثلاثة إللي قبله،
وهم لسه بيتكلموا جاء سُهَيل بن عمرو، شافه رسول الله ﷺ وهو جاي فقال للصحابة :
هذا سهيل بن عمرو! قد سَهُل أمركم!
وكان رسول الله ﷺ يستبشر بالأسماء ويحب الفَأْل يعني الكلمة الطيبة، فاسم سهيل جاء من السهولة واليسر،

فقال رسول الله ﷺ للصحابة إن خلاص الأمور هتبقى سهلة يسيرة والمشكلة هتتحل،
وطبعا احنا ملاحظين رسول الله ﷺ بيقرأ الشخصيات إزاي وبيعامل كل واحد على حسب شخصيته

قعد سهيل مع رسول الله ﷺ وقال له :
تعال نكتب بيننا كتابا، يعني هنتفاوض مع بعض على صلح يكون بيننا وإللي هنقوله هنكتبه ونمضي عليه،
فأمر رسول الله ﷺ علي بن أبي طالب إنه يجيب حاجة يكتبوا عليها وكانوا بيكتبوا على الجلود، زي الورق عندنا كده،

☆ده اعتراف رسمي من قريش بقوة المسلمين
ماهو لو المسلمين ضعفاء مكنتش قريش أخدت القرار إنها تعمل معاهم معاهدة

بدأ رسول الله ﷺ بالكلام وقال لعلي:
اكتب يا علي بسم الله الرحمن الرحيم!

راح سهيل بن عمرو معترض، قال له : لا لا، هو مين الرحمن 🤚
احنا منعرفش الرحمن، الرحمن ده عندك انت مش عندنا، اكتب باسمك اللهم
وكان المشركين بيقولوا إن في واحد اسمه الرحمن هو إللي بيعلم رسول الله ﷺ القرآن، وحتى ربنا قال عنهم:
"وَإِذَا قِيلَ لَهُمُ اسْجُدُوا لِلرَّحْمَٰنِ قَالُوا وَمَا الرَّحْمَٰنُ أَنَسْجُدُ لِمَا تَأْمُرُنَا وَزَادَهُمْ نُفُورًا "
وقال :
"وَهُمْ يَكْفُرُونَ بِالرَّحْمَٰنِ"
فمن أول كلمة بدأ الاعتراض🤦‍♂️
فالصحابة اعترضوا وقال علي :
لا والله، مش هنكتبها إلا بسم الله الرحمن الرحيم 😡
رسول الله ﷺ عارف إن قريش يكفرون بالرحمن وبينكروا صفات الله عز وجل ومنها الرحمن
فرسول الله ﷺ قال لعلي:
اكتب باسمك اللهم👌
رسول الله ﷺ عايز الأمور تمشي مش وقته خالص إنه يقعد يديله درس في العقيدة ويقول له لأ ده فعلا صفة من صفات الله وهو الرحمن وهو الرحيم و...و...الكلام ده عندنا احنا في القرآن وهم مش مؤمنين بالقرآن،
فخلينا نتفق دلوقتي على حاجة واحدة مشتركة بيننا ما دامت لا تتعارض مع ثوابت الدين🤷‍♂️

فكتب علي رضي الله عنه باسمك اللهم، وأكمل رسول الله ﷺ في كلامه لعلي:
هذا ما صالح عليه محمد رسول الله ولسه هيكمل الكلام راح سهيل معترض تاني وقال:
مين محمد رسول الله🙄
ماحنا لو كنا عارفين إنك رسول مكناش حاربناك أصلا😑
اكتب اسمك واسم أبيك😤

◇سهيل بن عمرو اعترض عشان لو اتكتب في المعاهدة رسول الله وبعدين مضى على المعاهدة، ده كده إقرار منه إن محمد ﷺ رسول من عند الله وهم أصلا مش مؤمنين به

فقال له رسول الله ﷺ: والله إني لرسول الله وإن كذبتموني 👌
يعني أنا رسول الله وانتم كلكم عارفين إني رسول الله وربنا قال إنكم عارفين إني رسول من عنده:
"وَجَحَدُوا بِهَا وَاسْتَيْقَنَتْهَا أَنفُسُهُمْ ظُلْمًا وَعُلُوًّا ۚ فَانظُرْ كَيْفَ كَانَ عَاقِبَةُ الْمُفْسِدِينَ"

المهم ،علي رضي الله عنه كان خلاص كتب الجملة إللي رسول الله ﷺ قالها له، فقال رسول الله لعلي:
يا علي! امحُ رسول الله!
يعني خلاص يا علي امسح كلمة رسول الله خلي المعاهدة تتم،


رسول الله ﷺ وهو بيكتب المعاهدة دي كان بيكتبها وهو عارف إن قريش أخذوا بيته بيت السيدة خديجة وباعوه وأخذوا ثمنه،
ومش هو بس ده معظم الصحابة إللي هاجروا حصل معاهم كده،
ومع كل الآلام دي كان حريص ﷺ إنه يتمم المعاهدة عشان المصلحة العامة للدين، مكنش بيفكر في نفسه ولا ساب مشاعره هي إللي تتحكم في الموقف،
وفوق كل ده بيتعامل بلين عشان المفاوضات تمشي والحرب تقف،
فقال رسول الله ﷺ لعلي امسح رسول الله واكتب محمد بن عبد الله
فقال علي لرسول الله ﷺ:
لا والله يا رسول الله، لا أمحوك أبدا😤

وبدأت تحصل مشكلة والصحابة وقفوا مع علي بن أبي طالب رضي الله عنه متفقين معاه،


هنا علي رضي الله عنه استعظم إنه إزاي يمسح صفة الرسالة عن رسول الله ﷺ الصادق المصدوق، وهو فهم من رسول الله ﷺ إنه مش أمر إلزامي يجب عليه فعله،
زي أمور الشورى كده، وزي موقف عمر إللي حكينا عنه المرة إللي فاتت لما رسول الله ﷺ كان عايزه يروح يبلغ رسالته لقريش وعمر رفض وقال له يرسل عثمان،
فالأمر مكنش أمر إلزامي لعلي رضي الله عنه عشان كده اعترض👌

رسول الله ﷺ بكل هدوء ومن غير مشاكل وخصوصا قصاد سهيل بن عمرو، قال لعلي:
هي فين الكلمة؟
رسول الله ﷺ كان أمّي مش بيعرف القراءة ولا الكتابة، فشاور له علي على الكلمة فمسحها رسول الله ﷺ بنفسه وخلاص أنهَى المشكلة💁‍♂️
وقال لعلي : اكتب محمد بن عبد الله!
بدأ رسول الله ﷺ وسهيل بن عمرو يقولوا الطلبات بتاعة كل فريق، أول طلب رسول الله ﷺ طلبه من سهيل:

◇ إنهم يتركوا رسول الله ﷺ والمسلمين يدخلوا مكة عشان يكملوا عمرتهم.
سهيل بن عمرو رفض 😶
وده ثالث رفض أو اعتراض من سهيل بن عمرو، وبرر سبب رفضه وقال : لا يتحدث العرب أننا أُخِذنا ضغطا😤
يعني عشان العرب ميتكلموش علينا ويعايرونا إننا اضغط علينا وقُهرنا واتغلبنا ومحمد وأصحابه دخلوا غصب عننا، يعني مش عايز شكلهم يبقى وحش قصاد العرب،
وأكمل سهيل بن عمرو كلامه وقال:
لكن تدخل مكة العام القادم 👌
يعني بيطلب من رسول الله ﷺ إنه يرجع السنة دي وميكملش العمرة وييجي السنة الجاية يعتمر وهيدخلوه من غير أي مشاكل،
ولما تيجي تدخل مكة احنا هنسيبك تقعد في مكة ثلاثة أيام وأهل مكة هيفضّوا لك مكة بكاملها،
يعني كل أهل مكة هيطلعوا برة مكة لما المسلمين يأتوا للعمرة، عشان ميحصلش احتكاك بين المسلمين والمشركين وتحصل مشكلة،
وطبعا الاقتراح ده نصر عظيم للمسلمين، يعني هم كانوا جايين يعملوا عمرة في ساعتين وهيرجعوا، دلوقتي هيقعدوا ثلاثة أيام كاملة في مكة وكمان أهل مكة هيسيبوا مكة كلها للمسلمين ولما يمشوا هيرجعوا تاني،
فوافق رسول الله ﷺ على الشرط الأول في صلح الحديبية،

الصحابة سمعوا الكلام وشافوا رسول الله ﷺ وافق محدش منهم قدر إنه يعترض، لكنهم كانوا متضايقين من جواهم ،إزاي يرجعوا من يغير ما يكملوا عمرتهم😞

الصحابة سافروا خمسمائة كيلو في الصحراء على الجمال ورايحين متحمسين بعد ما رسول الله ﷺ أخبرهم عن الرؤيا إللي شافها وإنهم هيطوفوا بالبيت ،
ولما وصلوا اتعرضوا لضغوطات وكل ده متعشمين إنهم هيطوفوا بالبيت، وبعد كل ده هيرجعوا الخمسمائة كيلو دول تاني كده من غير ما يؤدوا العمرة،
فكانوا متضايقين جدا بس ساكتين لأن خلاص رسول الله ﷺ وافق

سهيل بن عمرو طلب هو كمان طلب قال :

◇لو جاءك رجل من عندنا مسلم ترجعه لنا، ولو جاءنا رجل من عندك ترك الإسلام مش هنرجعه لك.
يعني لو واحد من المشركين أسلم وحب يهاجر لرسول الله ﷺ يجب على رسول الله ﷺ إنه يرجعه تاني للمشركين،
ولو رسول الله ﷺ مرجعهوش وتركه يعيش في المدينة يبقى كده رسول الله ﷺ خالف المعاهدة،
ولو واحد ترك الإسلام ورجع للمشركين المشركين ميرجعهوش لرسول الله ﷺ،

☆سهيل بن عمرو طلب الشرط ده من رسول الله ﷺ لأن كل شوية ناس تدخل في الإسلام وبيهاجروا وكده مكة هتفضى، ومن الناس إللي أسلمت أولاد سهيل الأربعة ثلاثة منهم هاجروا وإخوته كمان أسلموا وهاجروا،
وابنه الرابع وكان اسمه أبو جندل الوحيد إللي معرفش يهاجر فكان سهيل بيعذبه عشان يسيب دينه وكان مقيده بالسلاسل في بيته عشان ميهربش،
يعني تقريبا عائلة سهيل كلها أسلمت ماعدا هو، وكمان المسلمين قوتهم هتزيد فهو عايز يمنع الهجرة دي، عشان كده طلب من رسول الله ﷺ الشرط ده،
وأهل مكة مش قادرين يمنعوا الناس من الدخول في الإسلام بالحجة والبرهان فملقوش قصادهم غير مبدأ القوة والغصب
وكله بالقانون 🙂

رسول الله ﷺ قاعد بيسمع كلام سهيل، الصحابة مقدروش يستحملوا الظلم ده فقالوا :
سبحان الله، إيه إللي انت بتقوله ده😳
إزاي يعني نرجع للمشركين واحد جاي لنا مسلم 😠
نرجعه لك وتقعد تعذبه ويُفتن في دينه، إزاي يعني😶

رسول الله ﷺ لسه مقلش رأيه وهل احنا موافقين ولا لأ، ولسه الشرط ده حتى لم يُكتب، والصحابة معترضين أصلا،
وهم عمّالين بيتكلموا دخل عليهم أبو جندل بن سهيل بن عمرو والسلاسل والأغلال في إيده ورجله ورمى نفسه بين المسلمين😳
أبو جندل لما سمع إن جيش المسلمين قريب وأبوه كان حبسه ومقيده بالسلاسل وكان بيعذبه،
قعد يحاول ويحاول لحد ما عرف يفك نفسه من الأسر وكان في جنوب مكة والمسلمين كانوا في شمال مكة ففضل ماشي مسافة طويلة جدا وكل شوية يستخبى عشان محدش يشوفه ويرجعه للأسر والتعذيب مرة ثانية،
وكله أمل إنه يوصل للمسلمين عشان يخلصوه من التعذيب إللي هو فيه ده😥
وصل لمعسكر المسلمين أخيرا ورمى نفسه وسطهم وقال لهم الحقوني، طبعا منظره كان صعب القيود والسلاسل في إيده ورجله وهدومه مقطعة والتراب مغرقه، وأثار التعذيب ظاهرة عليه،

وأبو جندل دخل على المسلمين في اللحظة إللي كانوا بيتكلموا فيها على الشرط بتاع إن إللي ييجي من مكة مسلم يجب على رسول الله ﷺ إنه يرجعه،
رسول الله ﷺ شاف منظر أبو جندل فتأثر جدا وسهيل شاف التأثر ده في وجه رسول الله ﷺ فعرف إن رسول الله ﷺ هيحاول ياخد أبو جندل وينقذه فبسرعة راح قايل لرسول الله ﷺ:
يا محمد هذا أول ما أقاضيك عليه😤
يعني بيقول لرسول الله ﷺ ده أول واحد هطلب منك إنك ترجعه لمكة ومتقبلهوش وإلا مفيش معاهدة،
فرسول الله ﷺ قال له:
احنا لسه مكتبناش الشرط ده ولسه متفقناش أصلا عليه!!
فقال له سهيل: لأ، كتبنا مكتبناش لازم ترجع أبو جندل،
ولو مرجعتوش مش هيبقى في بينا معاهدة ولا هنكتب كتاب أصلا😤
فرسول الله ﷺ قال: فأَجِزْهُ لِي!
يعني رسول الله ﷺ بيقوله عديهولي، استثناء يعني

فقال سهيل : والله لا أُجِزْك أبداً 😤
يعني مستحيل أفوته، ده ابني إزاي أسيبهولك وانت واخد قبل كده ثلاثة،
رسول الله ﷺ حاول معاه من هنا لهنا مفيش فايدة، سهيل مصمم إنه ياخد ابنه أبو جندل،
هنا أبو جندل بدأ يتكلم:
عايزين ترجعوني للمشركين يعذبوني ويفتنوني في ديني😫
والمسلمين نفسيتهم صعبة جدا

موقف وراء الثاني وكل موقف أشد من إللي قبله وخلاص مش قادرين، ورسول الله ﷺ نفسه متضايق ومش عايز أبو جندل يرجع، هيتعذب ويُفتن،

☆واضح جدا إن ده شرط سلبي في المعاهدة، ولو مضى المسلمون على المعاهدة دي هتبقى مشكلة كبيرة،
لأن أي واحد عايز يسلم ويهاجر لرسول الله ﷺ رسول الله ﷺ هيرجعه تاني لمكة،
وكده مكة بقت مطمئنة إن كل أهلها هيفضلوا مشركين طول مدة المعاهدة،
الناس هتروح فين بعد كده، ده رافضه وده بيعذبه، فالناس كده مش هتسلم أصلا😑
الموقف ده أو الشروط إللي زي كده بتعلمنا نقطة مهمة 👌
لما يكون في اتفاقيات أو مفاوضات بين المسلمين وبين طرف تاني قوته قريبة من قوة المسلمين وارد جدا إن الاتفاق ميكنش فيه كل المصلحة الكاملة للمسلمين،
رسول الله ﷺ في الموقف ده بيعلمنا إننا لما نيجي نعمل مفاوضات مستحيل هيبقى المصلحة مائة بالمائة للمسلمين، الطرف إللي قصادنا هنديله حاجة وناخد منه حاجة،
يعني في الصلح هنا الشرط ده في ظلم للمسلمين، والموضوع خطير ده فتنة رجل في دينه،
لكن احنا مش بنبص لمصلحة الأفراد ونتصرف على أساسها، احنا بندور على مصلحة الأمة كلها ،
أيوة ابو جندل هيتعرض للإبتلاء وهنتنازل عنه في الوقت الحالي لكن في المقابل هيبقى في أعداد تانية كبيرة جدا هتدخل في الإسلام،
فتنة أبو جندل في دينه وتعذيبه، ده ابتلاؤه يجب عليه إنه يتحمله ويصبر،
"أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لا يُفْتَنُونَ"
فالمصلحة العامة دلوقتي إن الصلح ده يتم عشان نقدر نتحرك براحتنا في الدعوة ونشر دين الله،
وأبو جندل لما يتقِ ويصبر ومع صدقه وإخلاصه ربنا هيجعل له مخرج،
"وَمَنْ يَتَّقِ اللهَ يَجْعَلْ لَهُ مَخْرَجاً ٭ وَيَرْزُقْهُ مِنْ حَيْثُ لاَيَحْتَسِبُ "

المهم، رسول الله ﷺ كان شايف الموقف وشايف فين المصلحة وفين المفسدة، المشكلة بقى إن أغلب الصحابة مكنوش شايفين رؤية رسول الله ﷺ دي،
عشان كده كانوا في حالة غليان من الغضب والغيظ
يا ترى كان إيه رد فعل الصحابة واتصرفوا مع الموقف الشديد ده
ده إللي هنعرفه الجزء الجاي إن شاء الله 😊


#السيرة_النبوية
#ايمان_شلبي

#إطلالة_على_اسم_الله_الفتاح

مفاتيح الشفاء

🔸داووا مرضاكم بالصدقة وصية الحبيب ﷺ لنا، رسالة حب ورحمة أرسلها لنا، هدية تقربنا مِن شفاء أمراضنا؛ لذلك حين تمرض افتح خزائنك مهما كان ضآلة ما فيها، أخرج منها بنية الشفاء وانتظر ثمرة العطاء، فمن فتح أبواب الصدقات فتح الله له باب الشفاء من أصعب الأمراض.


🔹ساهم في سقيا الماء؛ فسقيا الماء من أفضل الصدقات كما أخبرنا النبي ﷺ .


🔸أطعم الطعام لعظيم فضله وعظم أجره، وشدة احتياج الفقير إليه، أطعم الطعام فالجوع ينغص على الإنسان حياته، وليس أدل على ذلك مِن حال أهل النار، فها هم رغم كل ما فيهم مِن عناء، وما يحاوطهم من أهوال، إلَّا أنهم لم ينسهم العذاب أمر عطشهم وجوعهم؛ فإذا بهم ينادون أهل الجنة بحال ذليل أنْ يفيضوا عليهم مِن الماء أو مما رزقهم الله.

"وَنَادَىٰ أَصْحَابُ النَّارِ أَصْحَابَ الْجَنَّةِ أَنْ أَفِيضُوا عَلَيْنَا مِنَ الْمَاءِ أَوْ مِمَّا رَزَقَكُمُ اللَّهُ ۚ قَالُوا إِنَّ اللَّهَ حَرَّمَهُمَا عَلَى الْكَافِرِينَ" الأعراف-50


🔹 أكثر مِن الدعاء باسم الله الفتاح، وأخرج الصدقات بنية الشفاء، وانتظر الخير القادم؛ فلن يخذل الله إنسانا فاض على المحتاجين بالعطاء، ووقف قلبه على باب الفتاح متعلقا بحسن الرجاء.


🔸🔹لن يخذل الله مَن عطف على المساكين، وخفف ما بهم مِن أنين، وجبر كسر قلوبهم، وفرج عنهم كرباتهم، فمن فتح باب الخير لعباد الله فتح له الفتاح أروع الأبواب فإنَّما الجزاء مِن جنس العمل.


اللهم يا فتاح افتح لنا الأبواب لمد يد العون للمحتاجين، وافتح لنا أبواب عونك فنحن في فيوضات فتحك راغبين.


بقلم/ رضا الجنيدي

✍️ كلنا راحلون ويبقى الأثر.. فلنترك أثرا قبل الرحيل.
https://www.tg-me.com/Redaalgeneedy


قناة منهج حياة

🌴بالقرآن والسنة نعيش أفضل حياة.

https://www.tg-me.com/ManhagHayah

رسالة تفاؤل💌