*آية استوقفتني*🌿

{*أَتَسْتَبْدِلُونَ الَّذِي هُوَ أَدْنَىٰ بِالَّذِي هُوَ خَيْرٌ}* [البقرة : ٦١]

أما آن الأوان لنتطهر من تقديم الذي هو أدنى على الذي هو خير في أبواب الأقوال والأعمال والأحوال والخلال؟!

حتى متى نعتني بكلام غير الله أكثر من عنايتنا بكلام الله؟!

حتى متى نخشع أمام المشهد أو المبارة ونهمل الخشوع في الصلاة؟!

حتى متى نتعلق بالبشر، ونترك التعلق برب البشر؟!


*فاللهم اكفنا بحلالك عن حرامك*
*وأغننا بفضلك عمن سواك* 🤲🏻

من أعظم أسباب البركة في البيوت🌧️

" إنا ( فتحنا ) لك فتحاً مبينا "
ادعُ اللّٰه دائمًا بالفتح في كل تفاصيل حياتك
فَـ واللّٰه لن يتم أمر إلَّا إذا أذن الملك بالفتح فيه ..

اللهم افتح لنا ابواب فضلك ورحمتك 🍂🌸

#قصص_الأنبياء(٢)
#السيرة_النبوية
#الحلقة_مائة_واثني_عشر
#أحداث_السنة_السادسة_من_الهجرة
#فوائد_من_صلح_الحديبية

اتكلمنا المرة إللي فاتت عن شروط صلح الحديبية واتكلمنا عن أبو جندل إللي جاء هارب من الأسر والتعذيب لمعسكر المسلمين وشوفنا محاولة رسول الله ﷺ إنه يضمه للمسلمين،
لكن أبوه سهيل بن عمرو وإللي كان بيعمل المفاوضات مع رسول الله ﷺ رفض وصمم إنه يأخذه وإلا هيلغي الصلح بين المسلمين وبين قريش،
والصحابة عرفوا وفهموا من كلام رسول الله ﷺ إنه هيوافق على الشرط ده، لكنهم شايفين إن ده ظلم لهم فكانوا بيغلوا من شدة الغضب والغيظ،
يعني المفاوضات دي من أول كلمة اتغيرت مش عاجباهم وشايفين إن سهيل بن عمرو هو إللي بيُملي شروطه،
ظاهر الموضوع إنه عمال بيدي إملاءات واحنا بندي تنازلات،
وهم مش ضعفاء يعني لو رسول الله ﷺ أمرهم بالهجوم على مكة هيكتسحوا مكة ومحدش هيقدر يقف قصادهم👌
كل ده كانوا صابرين ومستحملين لحد ما حصل موقف أبو جندل هنا خلاص وصلوا لمرحلة صعبة،
المشكلة إن محدش فيهم قادر يتكلم خايفين ينزل فيهم قرآن😥
فهنا قام المُلهم عمر بن الخطاب، عمر بن الخطاب إللي وُزن إيمانه بإيمان الأمة بدون ما يكون فيها أبي بكر فرجح إيمان عمر ،
فهو الرجل الثالث في الدولة الإسلامية، قال لرسول الله ﷺ وتقريبا كل الصحابة كان جواهم الكلام ده:
ألستَ نبي الله حقًّا، قال له رسول الله ﷺ : «بلى»،
قال عمر: ألَسنا على الحق، وعدوّنا على الباطل😑
قال رسول الله ﷺ : «بلى»،
قال: فَلِمَ نُعطِي الدّنيّة في ديننا إذن
قال رسول الله ﷺ :
«إني رسول الله، ولستُ أعصيه، وهو ناصري» 👌


هو سؤال عمر هنا الغرض منه التقرير،
يعني عايز رسول الله ﷺ يُقره فعلا على المعنى ده،
عمر سأل للإقرار، وبعدين سأل بقى السؤال المطلوب:
ليه احنا بقى نتنازل التنازلات دي كلها في ديننا،
أنا عايزاكم تتخيلوا مشاعر الغضب إللي كان واصل لها عمر في الوقت ده كانت عاملة إزاي لدرجة خلته يقول الكلام ده😶
فكان رد رسول الله ﷺ إنه فكر عمر هو مين، وقال له أنا رسول الله، ومش ممكن هعصي ربنا، الله يرى المفاوضات والأحداث ولم ينزل وحي يقول عكس كلامي،
وهو ناصري، يعني ياعمر إللي انت شايفه ده ومستغربه هيكون فيه النصر👌
المفروض إن عمر خلاص سمع الكلمتين دول يسكت بقى لأن هنا القضية قضية إيمان، لكن عمر مسكتش
قال لرسول الله ﷺ:
ألست كنت تُحدثنا أنا سنأتي البيت فنطوف به😑
انتم عارفين إن السبب أصلا في خروج المسلمين للعمرة هو الرؤية إللي رآها رسول الله ﷺ، فدلوقتي هيرجعوا من غير ما يعملوا العمرة، فين بقى الرؤية؟
فقال له رسول الله ﷺ :
بلى، فأخبرتك أنا نَأْتيه العام؟!!
يعني أيوة أنا قلت لكم كده فعلا، بس هل أنا قلت إنكم هتعتمروا السنة دي؟!!
فقال عمر: لا
فقال رسول الله ﷺ : فإنك آتيه ومطوّف به👌
يعني انت فعلا هتيجي تعمل عمرة وهتطوف بالبيت زي ما أنا قلت لكم،
رسول الله ﷺ بيتكلم مع عمر في حوار عقلي هادئ جدا،

يعني رسول الله ﷺ مقلش لعمر يعني انت بتكذبني بعد السنين دي كلها، ما تسمع الكلام وخلاص، أو ملكش دعوة أصلا، هو بكل بساطة استمر معاه لآخر الحوار،

☆والموقف ده كان بعيد عن سهيل بن عمرو، يعني كان إما بعد ما خلاص كتبوا المعاهدة، أو إن عمر أخذ رسول الله ﷺ على جنب وكلمه،
المهم ،
الطبيعي هنا بقى إن خلاص عمر يقتنع ويسكت بعد كلام رسول الله ﷺ له، لكن عمر لسه برده مش مقتنع وفي قلبه غضب😶
فراح لأبي بكر الصديق رضي الله عنه ومكنش حاضر الموقف ده وميعرفش إللي حصل بين رسول الله ﷺ وبين عمر،
قال عمر لأبي بكر:
يا أبا بكر، أليس هذا نبي الله حقًّا؟ قال أبو بكر: بلى،
قال عمر : ألسنا على الحق، وعدونا على الباطل؟
قال أبو بكر: بلى،
قال عمر: فلم نُعطي الدنية في ديننا إذن؟ قال: أيها الرجل!!إنه لرسول الله ،وليس يعصي ربه، وهو ناصره، فاستمسك بغَرْزه، فوالله إنه على الحق👌
فقال عمر : أليس كان يحدثنا أنا سنأتي البيت ونطوف به؟
قال: بلى، أفأخبرك أنك تأتيه العام؟
قال: لا، قال: فإنك آتيه ومطوّف به👌

سبحان الله نفس الإجابة إللي رسول الله ﷺ قالها لعمر أبو بكر الصديق رضي الله عنه قالها هو كمان لعمر
لأ وزود نصيحة مهمة جدا لعمر ولنا احنا كمان :
《فاسْتَمسِك بغَرْزِه》
يعني شوف هو حط رجله فين وحط رجلك مطرح ماهو حطها،
امشي وراه حتى لو مش مقتنع حتى لو انت مش فاهم،
أي طريق تاني هتضيع، وهو ده اتباع السنة👌
هنا عمر رضي الله عنه عرف إنه أخطأ وإنه كان لازم يتحكم في نفسه، فخاف، وقعد يعمل أعمال صالحة كثيرة عشان يكفر عن الخطأ ده،
والخطأ ده كان عشان عايز ينصر الإسلام ومش عايز يكون الإسلام في موقف ضعف، ومع ذلك قعد يعمل أعمال صالحة كثيرة،

خلاص الشرط الثاني اتكتب وهو إن إللي يأتي من مكة مسلما يجب على رسول الله ﷺ إنه يرده، وإللي يأتي من عند رسول الله ﷺ وهو مرتد عن الإسلام أهل مكة لا يردوه،
ورجع ابو جندل لمعسكر المشركين وكملوا باقي الشروط،
☆ملحوظة:

أي حد يأتي من داخل مكة فقط هو إللي رسول الله ﷺ يرده، لكن أي واحد أسلم من أي مكان تاني لا يرده رسول الله ﷺ، يعني الشرط ده خاص بمن يُسلم من قريش،
لكن لو أي واحد أسلم من أي قبيلة تانية وجاء مهاجر لرسول الله ﷺ، رسول الله ﷺ لا يرده لقريش،
فاحنا دلوقتي ضحّينا بعدد معين من مسلمي قريش في مقابل إسلام ناس كثيرة جدا،
وزي ما قلنا المرة إللي فاتت إن مصلحة الأمة كلها مقدمة على مصلحة الفرد الواحد👌

نرجع لباقي الشروط،
◇الشرط الثالث إللي اتفقوا عليه كان:
إن الحرب تقف بين المسلمين وبين قريش عشر سنوات.
طبعا الشرط ده في صالح المسلمين جدا، عشان يقدروا يأسسوا لدولتهم مضبوط من غير ما يخافوا من إن قريش تهجم عليهم في أي وقت👌
والدعوة والحركة هتكون أسهل، والناس لما تسمع عن الإسلام من غير تشويش وتعرفه معرفة صحيحة إللي فطرته سليمة هيقبل الإسلام بدون تردد،
والناس خايفين من قريش، فلما يطمنوا إن قريش مش هيعتدوا عليهم خلاص هيبقى سهل عليهم يدخلوا في الإسلام،
فالمسلمين هم إللي محتاجين الهدنة دي أكثر من قريش.

◇الشرط الرابع:
إن إللي عايز يدخل في حِلف المسلمين من القبائل يدخل، وإللي عايز يدخل في حِلف قريش يدخل،
والقبيلة إللي هتدخل مع أي طرف بقت خلاص جزء من الفريق ده، لو تعدى عليها أي حد بقى الاعتداء على الطرف الأساسي في المعاهدة،
يعني قبيلة خُزاعة دخلت مع المسلمين، وبني بَكر دخلوا مع قريش، فلو قريش أو بني بكر اعتدوا على خُزاعة يبقى كأنهم بالضبط اعتدوا على المسلمين ويبقى المعاهدة اتنقضت خلاص،
والشرط ده كمان كان في صالح المسلمين برده، لأن كل القبائل تقدر تدخل في حلف قريش، مش مستنيين يعني معاهدة زي كده عشان يتحالفوا معاها🤷‍♂️
لكن إللي هيستفيد من الحلف ده هم المسلمين لأن القبائل تقدر تنضم للمسلمين بدون خوف من قريش زي قبيلة خزاعة،
فقبيلة خزاعة على الرغم من قربها الشديد من بني هاشم ومن المسلمين مكنتش قادرة تساعد المسلمين ولا تدعمهم بسبب خوفها من قريش لكن دلوقتي خلاص مبقاش في خوف لأن بقى في معاهدة بينهم💁‍♂️

☆للأسف في ناس بتستغل صلح الحديبية ده وتقول عادي نعمل معاهدات مع المشركين والكفار عادي جدا ونقدم لهم تنازلات،
أيوة احنا ممكن نعمل معاهدات مع غير المسلمين لكن بشرط إنها تكون زي ما رسول الله ﷺ عمل، صلح رسول الله ﷺ مع المشركين مكنش فيه:
◇إقرار للمشركين على باطل ولا في أي تنازل عن ثوابت الدين، والصلح ده مش بيمنع المسلمين من إن يكون عندهم أحدث الأسلحة مثلا
وكمان المعاهدة ميكونش فيها تقييد للمسلمين في حرية الدعوة إلى الله وبيان الحق،

◇والصلح ده مكنش فيه أي علاقة صداقة بين المسلمين وقريش، العداء إللي بينهم مستمر لأن ده عداء في العقيدة مينفعش فيه أي تنازل، كل الموضوع إن الحرب هتقف لكن العداء بينهم مستمر👌

◇رسول الله ﷺ لما عمل المعاهدة دي كان المسلمون أقوياء، عشان لو قريش خالفت المعاهدة رسول الله ﷺ يقدر يرد عليهم بقوة،
لكن لو المسلمين ضعفاء وقريش خالفت المعاهدة واعتدت عليهم إزاي المسلمين هيقدروا يجيبوا حقهم😑
لكن للأسف دلوقتي المعاهدات إللي بتحصل بين المسلمين واليهود أو بين المسلمين وغيرهم بتتعمل والمسلمين ضعفاء وكل شوية يقدموا تنازلات عشان يرضوا عدوهم،
ويحصل عليهم اعتداءات ومش عارفين يردوا بسبب ضعفهم👌

☆طيب احنا كأفراد نستفيد إيه من صلح الحديبية🤔
♡نستفيد إننا منقدمش أي تنازلات في ديننا، لكن نقدر نقف مع المخالف لنا على أرض مشتركة،
يعني مادام في حل وسط بيني وبين شخص انا متخانق معاه مثلا أو في بيني وبينه مشكلة
《لا تمس أي تنازل في الدين》خلاص ممكن آخد بالحل ده عشان أحل المشكلة،


♡ونتعلم برده من صلح الحديبية إننا ممكن نقدم تنازلات لو كان في مقابل التنازلات دي مصلحة أكبر بكثير من التنازل ده، وطبعا بيبقى على حسب كل موقف امتى فعلا ينفع نتنازل وامتى مينفعش،

♡وكمان صلح الحديبية بيعلمنا التسليم لأوامر الله ورسوله حتى لو مش فاهمين الحكمة منها إيه، حتى لو مش مقتنعين وإن الاعتراض على أوامر رسول الله ﷺ ممكن يكون فيه الهلاك👌

♡وصلح الحديبية من اسمه بيعلمنا الصلح، رسول الله ﷺ تصالح مع كفار قريش إللي ظلموه وآذوه وعذبوا وقتلوا أصحابه وأخرجوه من مكة وأخذوا بيته وحاربوه،
فإيه المشكلة إننا كمسلمين نصلح ذات بيننا، كل واحد يحاول من طرفه إنه يصلح بينه وبين أي اثنين بينهم مشكلة،
أو يصلّح المشاكل إللي بينه وبين الناس،
ربنا بيقول :
" فَاتَّقُوا اللَّهَ وَأَصْلِحُوا ذَاتَ بَيْنِكُمْ"


☆صلح الحديبية فيه دروس وعبر كثيرة وأنا قلت لكم بعض النقط السريعة فقط😅

كده خلاص انتهى صلح الحديبية وعلى حسب الشرط الأول فالمسلمين لازم يرجعوا للمدينة، فبدأ رسول الله ﷺ يتجهز للرجوع للمدينة،
لكن هو لسه على إحرامه هو والصحابة فلازم يتحللوا من الإحرام بحلق الشعر وذبح الهَدْي، فقال لهم رسول الله ﷺ:
قوموا فاحلقوا رؤوسكم وانحروا الهدي!

فحصل موقف غريب جدا، وهو إن مفيش ولا واحد منهم قام يعمل إللي رسول الله ﷺ قال عليه
رسول الله ﷺ كرر عليهم :
قوموا فاحلقوا رؤوسكم وانحروا الهدي!
محدش قام😮
كرر عليهم للمرة الثالثة :
قوموا فاحلقوا رؤوسكم وانحروا الهدي!
برده محدش قام😶
فتركهم رسول الله ﷺ ودخل خيمته وكان فيها أم سلمة رضي الله عنها،
فلما شافته عرفت من وجهه إنه متضايق وزعلان، فسألته عن إللي مضايقه، فحكى لها إنه أمر الصحابة إنهم يقوموا ويحلقوا رؤوسهم ويذبحوا الهدي ومحدش منهم قام،
فقالت له:
قم انت يا رسول الله اخرج ومتكلمش حد خالص لحد ما تذبح الهدي بتاعك ونادي على الحلّاق خليه يحلق لك، وهم لما يشوفوك عملت كده هيعملوا زيك👌
خرج رسول الله ﷺ من الخيمة وأخذ بنصيحة زوجته أم سلمة رضي الله عنها وبدأ فعلا في نحر الهدي،

السؤال بقى هل الصحابة استجابوا فعلا لرسول الله ﷺ وبدأوا يعملوا زيه، ولا إيه إللي حصل🤔

ده إللي هنعرفه الجزء الجاي إن شاء الله 😊


#السيرة_النبوية
#ايمان_شلبي

الدرس الواحد والعشرون🌺

#مراجعة👆👆

#تجويد

🎧 أذكار المساء
بصوت الشيخ /
مشاري بن راشد العفاسي

نصيحة عظيمة جدًا جدًا💎

#إطلالة_على_اسم_الله_الفتاح

أزل همك في لحظات(1)

🔸الحياة يسر وعسر، رخاء وجدب، سعادة وهناء وحقيقة الدنيا أنها دار كبد وعناء، يقول الله عز وجل: "لقد خلقنا الإنسان في كبد" البلد -4

🔹أيَّا كان حجم النعم التي نتنعم فيها فإننا لها مفارقون أو هي لنا مفارقة، فهل فارقتك إحدى النعم فشعرت بالحزن واليأس؟

🔸هل تلوَّن الكون في عينيك بلون الظلام مِن شدة ما يعتريك مِن هم وغم؟

🔹لماذا كل هذا الجزع، ولماذا كل هذا اليأس؟!

🔸 لماذا تعتقد أنَّ مغاليق أمرك لن تفُتح بينما لديك رب فتاح بيده مفاتيح كل شيء؟!

🔸🔹والله لو وثقت قلوبنا في فتح الفتاح لسعدت كلما ضاقت حلقات الشدة؛ لأنها تثق في قول الله عز وجل: "إنَّ مع العسر يسرا " ولأنَّها تعلم أنَّ أشد لحظات الليل سوادًا هي اللحظة التي يولد من رحمها فجر الأمل.

لا تجزع فكلما اشتد الضيق اقترب الاتساع، وكلما زاد الهم اقترب الفرج
يقول الشافعي:
لَرُبَّ نازِلَةٍ يَضيقُ لَها الفَتى
ذَرعاً وَعِندَ اللَهِ مِنها المَخرَجُ
ضاقَت فَلَمّا اِستَحكَمَت حَلَقاتُها
فُرِجَت وَكُنتُ أَظُنُّها لا تُفرَجُ


بقلم/ رضا الجنيدي

✍️ كلنا راحلون ويبقى الأثر.. فلنترك أثرا قبل الرحيل.

قـديـمـاً كان الفرق بين الحرة والجارية في الأماكن العامة أن الحرة تتحجب والجارية تتزين لأنها تُـباع وتُشتري،
وما اكثر الجواري اليوم في زماننا.💔

والله المستعان.

وماأجمل!! المحتشمات كلؤلؤات المكنونات !!💎

الستر معزة👍🏻
والتبرج مذله ورذيله👎🏻

اللهم صل وسلم على نبينا محمد

🖇️


*والله لا ضاعت الفرصة.*
ولا فاتك القطار،
*ولا راحت عليك،*
ولا وصلت متأخر..
*كل ما في الأمر أنه لم يكتب لك، ولم يكن من نصيبك،*
وأنه صُرِفَ عَنْك وصُرِفْتَ عنه، *لحكمة عَلِمْتها أو جَهِلتها.*
كل الحكاية أنها أقدار مكتوبة، وأرزاق مقسومة..

🔖وقفة تأمل:-
•﴿لِكَيلا تَأسَوا عَلى ما فاتَكُم﴾
•﴿وَفِي السَّماءِ رِزقُكُم وَما توعَدونَ﴾

اللهم آتِ نفوسنا تقواها زكها أنت خير من زكاها أنت وليها ومولاها... #بالله أصبحنا ✨✨