الليالي الفاطمية
مقدمة عزاء او رئيسية

يهل الارض يهل سمه
ريح المواجع قادمة
قادم محرم فاطمة ........بجروحه
###############################
اشم ريحت حرك وظلوعي متكسرة
اجه شهر الحزن بيه ريحة الزهرة
يهل عالم درس اخذوه عل فطرة
ظلوع ام الحسن عصروها هالزمرة
لاتجامل وتسكت ابد
مو طائفي لساني اشد
والمهدي ناصب محكمة ........بجروحه
@@@@@@@@@@@@@@@@@@@@@
رضى الباري برضى ام الحسن فاطم
شحلاة اسمك بعد لو صاحوا الخادم
خل موقفك ثابت لاترضى عالظالم
قضية الله الظلع والباب ياوادم

بين السمه وبين الارض
ننصب عزه طول بعرض
وحاضر علي حامي الحمه..........بجروحه
@@@@@@@@@@@@@@@@@@@@@
عزاء بكل شبر والسفرة ممدوده
وإنبياء الله خدم تلكاها موجوده
وعلي يسولف جروحه الذبلت اوروده
ويريت الموت إلي ودموعه بخدوده
زهرة علي وبنت النبي
إبيت الوحي ليش اجنبي
ظلوع ام حسن متهشمه .........بجروحه
###############################
والسكت عن الظلم هذا نقص دينه
يهل عالم جرح ما مثله حل بينه
أخوتي يالخدم فرصة وتمر لينه
ليالي فاطمة إحلى ليالينه
خلك إثر فوك الصدر
تربح عهد يوم الحشر
يميزك علي من الظالمة ........بجروحه
###############################
وعلى بالك امر ياخادم اتفهمه
فرق نور الشمس عن وحشة ظلمة
بقضية ام الحسن يتحدد الزلمة
اليترضه وعلي هذا خلل بأمة
سر الخليقة ودرته
ليش الصحابة نكرته
بسطرت وجهه مإلمه........بجروحه
###############################





حسين مجيد العميدي

نعي الزهراء،،ع،،…:


يــبعد،الــعافيه شــخيرچ تــلوجين
گولي،اشيوجعچ يـم حسن وحسين
گــطعتي،انــياط ،گــلبي،مـن تـونين
عـــليچ الگلب هالمفطور نـــصين
يـــماي اعــــيونه ويــازهـــرت الدين

يـــيمه اشــــــلون عنه لمن تــــمشين
ونـــــتي كل وطنه وهيبه تـــدرين
تــــعوفـــينه يــــتامه ابهاي الأسنين
نــخلص ياعمر بــــعدچ بــــالـــونين

عـلينه كون يمه مــوش،تـبطين
أزغــــار وهم حرمنه منچ البين
نضل أيتامه يمه اشلون ترضين
نـحزن والـدموع أمـغرگه العين
فـــارگنه الـفرح مـادام عـدلين
وعـشنه ويـالألم بچفاچ الأونين

مـن تــرحين شنـــحط بــمكانچ
چايـاهوه الـذي،يــعوض حنانچ
يــم الـطيب يــالعشنه أبــامانچ
بــعده الـــموت يــمه مـــواوإنچ



الــــدنيه هاي بوجودچ زهــــيهه
وهــاي الــــدار من نــورچ ضـويه
بــعدچ هل صـفت ضلمه وخليه
وهل دار الــــزمن وفــــتر عــــليه
اجه غـفله وخذچ من بين ايـديه
وبـــنص الگلب نــيرانچ ســـــريه

😭😭😭😭

✍ام زين العابدين اللامي،

السان حال عن مولاتي زينب ع
عندما رجع علي ع من الدفن


وين أمي وين أمي
يابويه راجع خالي
موفطرت دلالي
٠٠٠٠ ٠٠ ٠٠٠٠
زغيره بعدني عله اليتم
وضيم اليتم شيحمله
يابويه اطلبنك طلب
الباب كون تميله
مسمار كاسرله ضلع
وشلون ذيج النبله
والمثلي امه تفارگه
بهذا العمر موسهله

بعدني بسن طفوله وشابت عيوني
شفت منظر ذهلني ونخطف لوني
ياجلمت  يتيمه الخضرت بالبيت
اواسي اخوني لوهمه اليواسوني

الدمعات عالخد سالت
زهرة زماني انشالت
وين أمي وين أمي
٠٠٠٠ ٠٠ ٠٠٠٠
ابجي عله حالك ياعلي
مدري  ابجي انه الحالي
الجناز ياخذ والگبر
مايوم رجع غالي
فراگ الحنينه بكل وكت
جتالك وجتالي
شمعت ليالينه نطفت
من الدنيه راح هلالي

امي هاي يل ماكو بمحنتها
الله يعين روحي شلون شافتها
طاحت جنه ميته من عصرها الباب
ومحسن طاح من شوغات طيحتها

انشد واصيح شلونك
بويه الدمع بعيونك
وين أمي وين أمي
٠٠٠٠ ٠٠ ٠٠٠٠
شلون گلبك طاوعك
بالحد فاطم تنزل
منها الضلوع مكسره
الشيل الثره ماتحمل
يل جايني مصوب حجي
وعينك وكلبك يهمل
شافوك شمات شكثر
وعين الشماته التكتل

بظلام اليل ياحيدر تشيعه
وعن هاي البشر رادت تضيعه
الحارك دارهه وعاصرها عله الباب
تخاف من الحد باجر يطلعه

صاح الحسن بدموعه
زغير وحناها ظلوعه
وين أمي وين أمي
٠٠٠٠ ٠٠ ٠٠٠٠
بويه الورد مو للگبر
ابستان كون وينشم
عطر النبي جوه الثره
من هالظلم يتألم
وبياذنب من الزغر
حسين وحسن يتيتم
بذهانه صورت جمر
من عدها ابد مانسلم

دخيل الله ودخيلك بويه ياكرار
بدايتنه ظلع وحايط وبسمار
اخذني للحنينه وشلي بيها الروح
هاي النار باجر بويه نفس النار

باجر أصعب المنظر
اصيح وگلبي يتفطر
وين أمي وين أمي
٠٠٠٠ ٠٠ ٠٠٠٠
هوه الهضمني ياعلي
راجع وضهرك محني
محتار من الفاجعه
بيا فاجعه اتصبرني
كل خطوه بويه بمشيتك
بيوم الطف تذكرني
هم مثلك ابقا الوحدي
وخيل العده تعثرني

عله زينب ياعلي يتكرر المشهد
الهيب النار بخيامي حزن يصعد
افر من الخيم وركض الخوي حسين
وشوف حسين بخيول العده مفرهد

لاخنصره ولانحره
واركض واصيح الزهره
وين أمي وين أمي
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي

الشاعر فلاح الماجدي

القصيدة إلى استشهاد السيدة فاطمة الزهراء عليها السلام


مالك عذر  يوم الحشر واحسابك يطول
وهناك خصمك فاطمه حاجيني شتكول
          
عجلك عرفت اتقدمه    ياسامري هالامه
وهناك خصمك فاطمه حاجيني شتكول

*---------------*------------*--------------*

من نصبك ياسامري وعجلك صنعته
بالغ  محمد  با النصح  بس ماسمعته
عفت  النبي  بآخر  عهد  يا الما تبعته
عند  السقيفه  هالامر  انت   ابتدعته
          
يا ذنب كلي اتضمه    ياسامري هالامه
واهناك خصمك فاطمه حاجيني شتكول
*---------------*-------------*---------------*

شتكلهم  بيوم  الحشر  عن  أم  أبيها
لاذلت ورا الباب وكلت اي  ادري بيها
هاي  الوديعه  و النبي الوصى  عليها
باب ودفعته  يالدعي وتشكف بديها
            
ذنبك دريت اشعظمه     ياسامري  هالامه
واهناك خصمك فاطمه حاجيني شتكول 
*---------------*---------------*--------------*

قاطعت  نهج  المصطفى  بآخر  حياته
تختل صرت خنجر  غدر ساعة   مماته
جي طيح  أصنام الشرك وانذل  طغاته
كمتو انكلبتو على العقب  لحظة وفاته
          
للدين ردت اتهدمه    ياسامري هالامه
واهناك خصمك فاطمه حاجيني شتكول 
*----------------*--------------*--------------*

وتوارثو  نفس  الحقد   من  السقيفه
أصبح ظلم  ال النبي عدهم   وظيفه
اهناك خليفه  للظلم   واهناه   خليفه
منهج نواصب  هاجم العتره الشريفه
           
يالاسست كل ظلمه    ياسامري   هالامه
واهناك خصمك فاطمه حاجيني شتكول
*-------------*------------*--------------*

عاد  ابن  تيميه  بنهج  بسموم  الأحقاد
نفس  النهج  يتشبه  با جداده   الاوغاد
حلل  قتل  نفس  البشر  واركاب  العباد
ظلم أبن صهاك أعلى فاطم هالزمن عاد
          
أفعى ويبث بسمه    ياسامري  هالامه
واهناك خصمك فاطمه حاجيني شتكول
*--------------*--------------*--------------*

                    
محمد دعبل النوري
 

مالك عذر يوم الحشر واحسابك يطول

محمد النوري

الاداء ابو رقيه

الليالي الفاطميه استشهادالسيده الزهراء ع


اويلاه يافاطمه
اويلاه يافاطمه

¢¢¢¢¢¢


الارض ضجت والسمه اويلاه يافاطمه
كلهه ابعزائـــــچ لاطمه اويلاه يافاطمه
دارچ يفاطــــم مضلمه اويلاه يافاطمه
اتهل المدامع مــن دمه اويلاه يافاطمه


¢¢¢¢¢¢


ملجومه من كسر الضلع اويلاه يافاطمه
وحيــــدر عليهه منفجع اويلاه يافاطمه
وطفــــــالهه اتهل الدمع اويلاه يافاطمه
والحـــــــره لمهه مألمه اويلاه يافاطمه


¢¢¢¢¢


معذور ابوحسين الشهم اويلاه يافاطمه
بأمر الوصــــــــيه ملتزم اويلاه يافاطمه
تعرفينه صـــــــگار الزلم اويلاه يافاطمه
يگلبهه لو سل صــــارمه اويلاه يافاطمه


¢¢¢¢¢


انشلت ايده الي اضربچ اويلاه يافاطمه
بطيحت جنيـــــنچ ألمچ اويلاه يافاطمه
جبريل نـــاده وگلمـــــچ اويلاه يافاطمه
زيدي الصــــبر يالعالمه اويلاه يافاطمه


¢¢¢¢¢

قنــفذ ضربهه ابقســوته اويلاه يافاطمه
وكلش هضمهه ابضربته اويلاه يافاطمه
حـــــيدر تقيده اوصيته اويلاه يافاطمه
جا سوه بيـــــهم ملحمه اويلاه يافاطمه؛


¢¢¢¢¢

تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـدي